Wararka


December 2017

 

WARARKA MAANTA 10da Diseembar 2017 Sir Culus! Yaa maanta fashilan oo ka liita Dowladda Damu-Jadiid ee uu hoggaminayey Madaxweyne Mudane Xassan Shiikh, Mudane. Madaxweyne Farmaajo?
Su'aalaha Maanta: Maxuu Raysal Wasaare Mudane Xassan Cali Kheyre u kashifay inuu Madaxweyne Mudane Maxamed Cabdilaahi Farmaajo u aadi safarada dibadda si uu u helo dhaqaallo uu meel dhigto oo aysan waxba ka ogaan shacabka Soomaaliyeed asagoo Raysal Wasaare Mudane Xassan Cali Kheyre ku daray inuu Madaxweyne Mudane Maxamed Cabdilaahi Farmaajo uu hadda ka hor arrimaha safarka Madaxweynihii hore Mudane Xassan Shiikh Maxamuud uu ka dhigtay mid uu si micno darro ah ugu luminayey dhaqaalaha dadweynaha asagoo aan u turayn, Maxay tahay sababta Ciidamadda ka wada tirsan Dowladda Soomaaliya ay maalmahan isku-dhex dagaalayaan Muqdisho? Maxaase looga gooyey musharkii Ciidamada Xoogga ka tirsanaa ee joogay Shabeelaha Hoose Iyo Shabeelaha Dhexe Taliska Abriil 12? Raysal Wasaare Mudane Xassan Cali Kheyre oo sheegay si ka darran fashilkii Dowladda Soomaaliyeed ee uu hoggamineyey Madaxweyne Mudane Xassan Shiikh Maxamuud inay u fashilantay Dowladda Soomaaliya ee uu Madaxweynaha ka yahay Madaxweyne Mudane Maxamed Cabdillaahi Farmaajo asagoo uu Raysal Wasaare Mudane Xassan Cali Kheyre ka codsaday Warbaahinta Dalka inay dib u soo daabacaan hadalkii iyo cambaarayntii uu Mudane Maxamed Cabdillaahi Farmaajo u soo jeedinayey Dowladdii Somaaliyeed ee ay Ururka Damu-Jadiid xoogga ku haysteen taasoo qaar kamid ah ay maanta ka wada tirsan yihiin Dowladda Soomaaliya ee uu hoggaminayo Madaxweynaha Fashilmay sannad gudihiisa Mudane Maxamed Cabdillaahi Farmaajo oo ayaantan dembe safaro dibadda ah oo dhaqaallo si qarsoodi loogu aruursanayo ay ku jiraan asaga iyo xulufadiisa ku dhow dhow ayadoo beesha caalamka iyo Ummadda Soomaaliyeedba ay si weyn u diideen in wax dhaqaallo la siiyo tan iyo Feebaraayo 09, 2017 ilaa iyo hadda ayadoo rag badan oo kamid ahaan jiray Ururka Argagixisadda ay ka dhigtay Dowladda uu hoggaamiyo Madaxweyne Mudane Farmaajo la taliyayaal sar-sare oo hoggaamiya laamaha amniga dalka Soomaaliya meeshaasoo si tartiib ah ay uga wada fuliyaan qorshayaasha qaraxyadda iyo dilalka qorshaysan.
Muqdisho 10da Diseembar 2017 ska horimaad u dhexeeya ciidamo ka wada tirsan dowlada Soomaaliya ayaa maanta waxaa uu ku dhexmaray isgooska Tarabuunka ee degmada hodan ee gobalka banaadir.
Waxaa uuna iska horimaadka  uu yimid kadib markii ay ciidanka xasilinta caasimada ay qabteen labo nin oo militiri ah,iyadoo ciidamo kale oo militiri ah ay u soo gurmadeen,labada askari ee la qabtay,sidaasina uu dagaalka ku dhexmaray labada ciidan.
Inta la Xaqoojiyay waxaa iska horimaadka ku dhintay 1 gabar oo la sheegay in goobta ay shaah ku iibinaysay,Waxaana sidoo kale ku dhaawacmay  labo askari oo kawada tirsan Militiri iyo Nabad sugida
Goobjooge ku sugan Isgooska Tarabuunka oo la hadlay Idaacadda kulmiye ayaa sheegay in ay arkayeen ciidamo ka tirsan militiri iyo nabad sugada oo ku dagaalamaya isgooska Tarabuunka,islamarkaana waxaa ay sheegeen inay cabsi soo wajahday dad ka agdhow goobta uu iska horimaadka ka dhacay,isagoona sheegay in khasaari uu soo gaaray dhinacyadii ku dagaalamay isgooska.
Ma jiraan ilaa iyo wax war oo ka soo baxay Maamulka Degmada hodan ee gobalka Banaadir iyo saraakiisha Ciidamada Amniga,kaasi oo ku aadan inay ka warbixiyeen iska horimaadka maanta ku dhexmaray ciidamo kala tirsan militiri iyo Nabad sugid.
Shalay ayay aheyd markii ciidamo ka wada tirsan Dowlada soomaaliya ay ku dagaaleen Isgooska tarabuunka ee Degmada Hodan,kaasi oo salka ku haya dhul ku yaala nawaaxiga isgoooska Tarabunka.
Muqdisho 10da Diseembar 2017 Korneel Jaamac Jookar oo kamid ahaa saraakiishii hore ee Ciidamadda Xoogga dalka Soomaliyeed ayaa wax laga xumaado ku tilmaamay go’aankii dhaqaalaha loogu jartay Qaybta 12 Abriil ee Ciidanka Xooga Dalka Soomaaliyeed ee ka mas’uulka ah amniga Banaadir iyo labada Shabeele (Shabeeleda Dhaxe iyo Shabeelada Hoose).
Waxa uu sheegay in dhaqaalaha ay bixin jirtay dowladda Mareykanka lagu dhiiri galin jiray Ciidamadda Xoogga dalka Soomaliyeed ee dagaalka kula jira Al-shabaab.
Warbixin horudhac ah ayaa sheegaysa in lagu sababeeyay jarida mushaarka ciidamadaas in madaxda Dowladda soomaaliya qaar kamid sheegeen in ay yihiin ciidan qabiil una badan beelaha dega Gobolka Banaadir.
Dhanka kale Xildhibaan Mahad Salaad oo kamid ah baarlamaanka Soomaliya ayaa arinkaan ka hadlay isagoona ku tilmaamay mid dhabar jab ku ah dagaalka Xarakadda Al-shabaab dalka loogu saarayo.
Muqdisho 10da Diseembar 2017 Madaxweynaha Galmudug ayaa Maanta kulan la qaatay hogaamiyaha Maamulka Gobolada Dhexe ee Ahlusuna Waljamaaca kadib heshiiskii ay dhawaan Muqdisho ku kala saxiixden.
Kulanka labada Masuul ayaa la sheegay in uu ahaa mid uu codsaday Madaxweyne Shaakir,waxaana ku wehlinayay Madaxweyne ku xigeenka Galmudug Maxamed Xaashi Cabdi Carabeey iyo Gudoomiyaha Baarlamaanka Galmudug Cali Gacal Casir.
Madaxweye Xaaf ayaa ka hadlay kulanka waxa uuna ku baaqay in la iscafiyo madaama ay heshiiyeen dhinacyadii uu khilaafka kala dhaxeeyayWaxaa uu intaas ku daray in ay guul wayn tahay in Galmudug oo dhan iyo madaxda Ahlusuna ay kulan isugu yimaadaan isaga oo maamulka Ahlusuna ee dhawaan uu heshiiska la galay maamulkiisu ugu bishaareeyay in dhawaan la furayo dekada Magaalada Hobyo.Sikastaba 6 Bisha December ayay aheyd markii madaxda Maamulada Galmuudg iyo Ahlusuna ay heshiis awood badan siinaya Madaxweyne Shaakir ay ku kala saxiixdeen Madaxtooyada Soomaaliya.
Muqdisho 10da Diseembar 2017 Maanta ayaa Darawalada Gaadiidka ka howlgalla inta u dhaxeysa Muqdisho iyo Afgooye waxa ay dhigeen dibadbax ay uga cabanayeen isbaarooyin horleh oo ay sheegeen in ay soo dhigteen ciidamada Milateriga Soomaaliya.
Intaasi kadib xiriir an la sameeysaynay qaar ka mid ah Saraakiisha Ciidamada xoogga dalka Soomaaliya si aan wax uga weeydiino eedeynta ku aadan in ciidamada Milateriga ay isbaarooyin farabadan dhigteen Wadada xiriirisa Muqdisho iyo Afgooye.
Taliyaha Ururka 15,aad qeybta 12 Apriil Gaashaanle dhexe Cabdirxmaan Salaad Xujaale hoggaaminayana Ciidamo howlgallo ka wada inta u dhaxeysa Ceelasha Biyaha ilaa Afgooye ayaa beeniyay Warka ka soo yeeray Darawalada Gaadiidka.
“Horta waxaan idiin sheegayaa in ay tahay been in isbaarooyin ay milateriga soo dhigteen Ceelasha Biyaha iyo Afgooye inta u dhaxeysa,waa dad neceb amniga iyo howsha la wado,wxay u adeegaan Alshabaab oo dadweynaha adeegsanaya ayuu yiri taliye Cabdiraxmaan.
Sidoo kale isaga oo sii hadlayay ayaa waxa uu hadalkiisa intaas raaciyay in dhowr isbaaro ay Wadada u taallo Ciidamo ka tirsan kuwa Booliiska degmada Afgooye sida uu hadalka u dhigay.
Baydhabo 10da Diseembar 2017 Madaxweynah Dowladd Goboleedka  Koonfur Galbeed Soomaaliya Shariif Xasan Sheekh Aadan ayaa Maanta Dib ugu  laabtay Magalada Baydhabo kadib markii uu Muqdisho uga qeyb galay shirkii Amniga Qaranka ee lagu qabtay Xalane.
Garoonka Diyaaraha magalada Baydhabo EE  Shaati gaduud waxaa wefdiga ku soo Dhaweeyay Masuulyiin kala Duwan oo ay ka mid ahaayeen Gudoomiyah Baarlamaanka Koonfur Galbeed  Wasiiro Xildhibaan iyo Saraakiisha Ciidamada kala Duwan.
Soo dhaweynta Ka dib Waxaa Garoonka Diyaaraha Warbahinta Kula hadley Masuulyiin Kala Duwan, oo uu ka mid ahaa Ku simaha Madaxweynah Maamulka Koonfur Galbeed ahaana Wasiirka Amniga  iyo Gudoomiyaha Baarlamanka Koonfur Galbeed Abdiqaadir Shariif sheekhuna Maye.
Madaxweynaha Dowlad Goboleedka Koonfur Galbeed Soomaaliya Mudane Shariif Xasan Sheekh Aadan ayaa isna sheegay in Shirkii Amniga ee uu magalada Muqdisho uga Qayb galey ay wax badan Isla meel Dhigneen madaxdii uu kala qeyb galay.
Maamulka Jubbaland 10da Diseembar 2017 Shalay ayaa wasaaradda Dhalinyarada iyo Ciyaaraha dowlad goboleedka Jubbaland ay xiriirka Soomaaliyeed ee Kubada Cagta u gudbiyeen dacwad ay ka qabeen Ciyaar yahan Cabdimajiid Cismaan  u dheelayay Xulka Gobolka banaadir tartanka kubada Cagta ee Maamul Goboleedyada dalka ka jira.
Maanta oo ah Axad 10/11/2017 ayaa dacwadaas waxa ka soo jawaabay xiriirka kubada Cagta Soomaaliyeed,kaas oo ah in Ciyaaryahanka Cabdimajiid Cismaan Xulka Gobolka banaadir ugu Ciyaarayay (No. 9) uusan aheyn Ajnabi isla markaana uu yahay Soomaaliya.
Xiriirka Kubada Cagta oo ka jawaabay dacwadaas ayaa Jubbaland ku qanciyay in uu Ciyaaryahankaas yahay Soomaali uuna ciyaari karo waxa ayna siwadajir ah u soo saareen Go’aanadaan.
1:- In Ciyaaryahanka la yiraahdo Cabdimajiid Cismaan Ibraahim oo ka tirsan Ciyaartoyda Kooxda Kubadda Cagta Gobolka Banaadir uusan aheyn Ajnabi uuna ka qeyb qaadan karo dhammaan tartamada Xiriirka Soomaaliyeed ee Kubadda cagta.
2:- Waxaa dhammaan ka qeyb galayasha tartanka lagu wargeinyaa in ay ka qeyb qaadan karaan qofkasta oo muwaadin Soomaaliyeed ha heysto baasaboor noocuu doono ha ahaado.
Sidaas darted waxaan ku rajo weynahay in aad sida ula socon doontaan.
Kuuriyadda Waqooyi 10da Diseembar 2017 Mr Feltman wuxuu la kulmay saraakiisha ugu sareysa Kuuriyada Waqooyi oo uu ka mid yahay wasiirka arrimaha dibadda Ri Yong-ho
Sarkaal sare oo ka tirsan Qaramada Midoobey ayaa madaxda Kuuriyada Waqooyi u sheegay in “si degdeg ah” loogu baahan yahay in la ilaaliyo khadadka looga fogaanayo halista dagaal in uu dhaco, sida warbixin lagu sheegay.
Qoraalka ka soo baxay UN ayaa imaanayo ka dib markii Pyongyang uu booqday Jeffrey Feltman oo ah sarkaalkii ugu sareeyay ee Qaramada Midoobey ee booqda dalka go’doominta lagu hayo muddo lix sanno ah.
Kuuriyada Waqooyi waxay sheegtay in ay ogolaatay in si joogto ah ay xiriir ula sameyso Qaramada Midoobey.
Xiisadda ka dhalatay hubka halista ah ee Kuuriyada Waqooyi ayaa sare u sii kacday ka dib markii ay tijaabisay gantaal caag ka sameysan oo ah nooca qaaradaha isaga gudba.
Maamulka Pyongyang ayaa sheegay in gantaalka uu ahaa midkii ugu hormarsanaa, kaas oo lagu duqeyn karo dalka Mareykanka.
Tijaabada waxay qeyb ka ahayd tijaabooyiin joogto ah oo Kuuriyada Waqooyi ay ku sameyneysay nukliyerkeeda iyo gantaallada xambaari doona. Waxayna tallaabooyiinkaasi oo dhan jawaab u yihiin cunna qabateynta Qaramada Midoobey.
Kuuriyada Koonfureed iyo Mareykanka ayaa dhankooda sameynaya dhoolatus militari oo awooddooda ay ku muujinayaan.
Mid ka mid ah sawirraddii ugu dambeeyay ee laga qaaday hoggaamiyaha Kuuriyada Waqooyi Kim Jong-un
Axaddii, Kuuriyada Koonfureed waxay sheegtay in ay ku biirayso Mareykanka iyo xulafadiisa oo cunna qabateyn dheeraad ah saaraya Waqooyiga.
Labaatan shirkadood iyo 12 qof ayaa lagu daray diiwaanka cunna qabateynta oo Axadda dhaqan gali doono.
Tallaabada maamulka Seoul waa middii labaad oo bil gudaheed la qaado, waxaana laga damacsan yahay in laga jaro dakhliga caalamka ee caawin kara horumarinta nukliyerka Kuuriyada Waqooyi, sida uu sheegay sarkaal sare oo ka tirsan wasaaradda arrimaha dibadda Kuuriyada Waqooyi.
Cadaadiskan wuxuu dheeraad ku yahay cunna qabateynta uu Golaha Amniga ee Qaramada Midoobey saaray maamulka Kim Jong-un.
Wasiiradda Arrimaha Dibadda ee Dalalka Carabta 10da Diseembar 2017 Go’aanadii kasoo baxay shirkii wasiiradda arrimaha dibbadda Jaamacadda Carabta ayaa lagu soo daray in dawladaha Carabtu ay xanibaad dhaqaale saaraan dawlada Maraykanka haddii ay ka noqon aqoonsashada magaalada Qudus u aqoonsadeen caasimada Yahuuda.
Wasiirka arrimaha dibbadda dalka Lubnan Gebran Basiil ayaa sheegay inuu u soo jeediyay dawladaha Carabta inay qaataan go’aan adag oo ka dhan ah xukuumadda uu hogaamiyo Donald Trump si cadaadis loogu saaro inuu ka laabto in Qudus u aqoonsaday caasimada Israel.
Wasiirkaan waxaa uu sheegay in shirkii wasiiradda arrimaha dibbadda ee Qahira ka dhacay lagu soo hadal qaaday suurto galnimada in dawlada ku jira jaamacadda Carabta ay xiriirka dhaqaale u jaraan Maraykanka oo ay xanibaad dhaqaale saaraan.
“Kulankeenii deg dega ahaa waxaan go’aanada kusoo darnay inaan qaadano go’aan ah inaan cuna qabatayn dhaqaale saarno Maraykanka  si ay aan uga hortagno inay Qudus siiyaaan Yahuuda” ayuu yiri wasiirka arrimaha dibbadda Lubnan Gebran Basiil.
Sidoo kale wasiiradda arrimaha dibbadda dalalka Masar iyo Qatar ayaa iyana sheegay inay qaadayaan tilaabo kasta oo ay Maraykanka cadaadis ku saari karaan.
Xog’hayaha guud ee ururja jaamacadda Carabta Axmed Abul Qeyt ayaa sheegay in cawaaqib aan la mahdin uu ka dhalanayo go’aankii uu Arbacadii hore qaatay M/weynaha Maraykanka waxaana uu golaha amaanka ee Q,M ka codsaday in go’aankaasi diidaan.
Abul Qeyt waxaa uu xusay in Qudus ay u aqoonsanyihiin Caasimada Falastiin.
Shirkaan oo wasiiradda ka qeyb galay uu ka mid yahay wasiirka arrimaha dibbadda Soomaaliya Yuusuf Garaad Cumar waxaa sidoo kale go’aanada kasoo baxay ka mid ah in laga digay in halis badan ka imaan karto haddii safaaradda Maraykanka loo raro magaalada Qudus.
Maamulka Koonfur Galbeed10da Diseembar 2017 Maamulka Koofur galbeed Soomaaliya ayaa faah faahin ka bixiyay Weerar qorsheysan oo ay ku qaadeen degaano hoos yimaada degmada Buurhakaba ee gobolka.
Maamulka Koofur galbeed ayaa sheegay in xubno ka tirsan Al-Shabaab ay ku dileen weerarkaasi kuwa kalena ay ku dhaawaceen.
Sidoo kale Maamulka waxa uu sheegay in ay gacanta ku soo dhigeen rag ka tirsan Al-Shabaab intii uu socday weerarka.Afhayeenka Maamulka Koofur galbeed Soomaaliya Nuuradiin Abuukar oo wareysi siiyay Idaacadda Risaala ee Muqdisho ayaa sheegay in ay ku dadaalayaan sidii Al-Shabaab ay kaga saari lahaayeen guud ahaan degaanada koofur galbeed.
waxa uu tilmaamay in ay xoojinayaan Weerarada Al-Shabaab lagu qaadayo.
Afhayeenka Maamulka Koofur galbeed Soomaaliya Nuuradiin Abuukar ayaa sidoo ayaa sheegay in Maamulka ay ka go’an tahay la dagaalanka Al-Shabaab.
maalmihii dambe ayaa degaanada koofur galbeed waxaa ka dhacaayay dagaal u dhaxeeya Al-Shabaab iyo ciidamada maamulka koofur galbeed.

Waxaa saaka gabi ahaanba xiran wadada isku xirta Magaalada Muqdisho iyo Degmada Afgooye, kadib markii shalay halkaasi la soo dhigay Isbaarooyin cusub oo gaadiidka lacago looga qaado.
Wadayaasha gaadiidka oo soo dhigtay Baabuurtooda meelo kala duwan, ayaa wadada laamiga ah waxa ay ka dhigayaan Banaanbax cabasho ah oo ku aadan jidgooyooyinka cusub ee wadada la soo dhigay.
Qaar ka mid ah dadkii ku soo lugeeyay wadada ayaa waxa ay sheegeen inuusan jirin wax gaadiid ah oo wadada maraayo, sababo ku aadan dadka oo wadada xiray.
Muqdisho Diseembar 2017 Isbaarooyinka cusub ayaa waxaa la soo dhigay meel ku dhaw degaanka Lafoole ee Gobolka Shabellaha hoose, sida ay qireen masuuliyiinta Maamulka Degmada Lafoole.
Wararka ayaa intaasi waxa ay ku darayaan in dadka shacabka ah iyo wadayaasha gaadiidka ay diideen gaadiidka inay wadada maraan, waxaana ay ku dhawaaqayaan hadalo ka dhan ah isbaarooyinka cusub ee halkaasi la soo dhigay.
Muqdisho Diseembar 2017 Dilka koowaad ayaa waxaa uu xalay ka dhacay Xaafada Siliga ameerikaanka ee Degmada Dharkenley,waxaana la sheegay in la dilay nin la sheegay inuu dadka degaanka kamid ahaa, islamarkaana Dilkiisa waxaa loo adeegsaday  Qori AK47, iyadoona la tilmaamay in meydkiisa la keenay xarunta Danbi baarista ee C.I.D,halkaasina lagu baarayo.
Ciidamada Amaanka ee Dowlada federaalka soomaaliya ayaa gaaray goobta uu dilka ka dhacay,inkastoo aysan gacanta ku soo dhigay askari dilka u geystay Qofka Shacabka ah.
Dhanka kale wararka aan ka helayno degaanka ceelasha biyaha ayaa sheegaya in Labo Wiil oo wada dhashay xalay  lagu dilay degaankaasi,iyadoona dilka ay fuliyeen kooxo hubeysan.
Magaalada Muqdisho iyo duleedkeeda ayaa mudooyinkii ugu dambeeyyay ku soo badanayay dilalka qorsheysan ee lala beegsanaya dadka rayidka ah ee aan waxba galabsan.
Lubnaan Diseembar 2017 Wasiirka arrimaha dibadda ee Lubnaan Gebran Bassil, ayaa sheegay in dowladdaha Carabta ay tahay inay ka fakaraan cunaqabateyno ka dhan ah Mareykanka si looga hortago inay u raraan safaaradda Israaa’iil magaalada Qudus.
Mr Bassil ayaa sheegay inay tahay in la qaado tallaabooyin diblomaasiyadeed, kaddibna lagu soo rogo cunaqabateyno dhaqaale iyo kuwa maaliyadeed Mareykanka.
Kolsii horreysay madaxa kaniisadaha Masar Pope Tawadros-ka labaad ayaa sheegay inuu ku gacan seeri doono la kulanka madaxweyne ku xigeenka Mareykanka, Mike Pence marka uu soo booqdo magaalada Qaahira dhammaadka bisha soo socoto.
Madaxaha kaniiisadaha Masar ayaa ku eedeeyay madaxweynaha Mareykanka Trump inuu iska dhaga tiray dareenka malaayiin Carab ah.
Waxaa kale oo ka jiray magaalada Qaza deganaansho la’aan kaddib dibadbaxyo ka dhacayay halkaasi iyo qeybo kale oo ka mid ah magaalada Daanta Galbeed ee Israil ay heysato.
Muqdisho Diseembar 2017 Madaxweynaha Soomaaliya Maxamed C/llaahi farmaajo iyo wafdi ballaaran oo uu hoggaaminayo ayaa saaka dalka dib ugu soo laabtay kadib markii uu shir uga qeybgalay magaalada Sharmal Sheekh ee dalka Masar.
Waxaa ku soo dhaweeyey garoonka diyaaradaha magaalada Muqdisho mas’uuliyiin ka tirsan Dowladda Soomaaliya,waxaana safarka madaxweynaha Soomaaliya ku wehliyay xubno katirsan Golayaasha Baarlamaanka iyo Wasiirada.
Maxamed Cabdullaahi farmaajo  oo ka qeyb-galay Madasha Ganacsiga Afrika 2017 ee magaalada Sharma Sheekh ayaa sheegay in baahi weyn loo qabo mideynta dadaallada iyo qorsheyaasha wadamada Afrika ee ku aaddan maal-gashiga iyo kor u qaadista iskaashiga ganacsiga.
Sidoo kale, Madaxweyne Farmaajo oo maalmo ka hor hadal ka jeediyay shirka ayaa  waxa uu madasha ku soo bandhigay khayraadka ay hodonka ku tahay Soomaaliya, fursadaha maal gashi iyo kaalinta ay ka qaadan karto suuqa ganacsiga xorta ah ee Afrika ay qorshaynayso in dhidibada loo taago.
Dowlada uu hogaamiyo Madaxweyne Farmaajo ayaa wado dadaalo lagu hormarinayo Soomaaliya.
Muqdisho Diseembar 2017 Dab xooggan ayaa Goor dhow ka kacay Isgoyska Sanca ee magaalada Muqdisho.
Dad goobjoogayaal ah ayaa isaala u sheegay in dabka uu ka kacay meel Suuq ah, islamarkana markiisii hore uu ka bilowday Kaalin Shidaal.
Ilaa iyo hadda lama ogga khasaaraha ka dhashay dabkaasi laakiin ciidamada dowladda oo halkaasi gaaray ayaa kala ceyriyay dad badan oo goobta kusoo xoomay.Gaadiidka gurmadka deg deg ah ayaa wadda dadaallo lagu daminaayo dabkaasi.
Muqdisho Diseembar 2017 Kulankaan ayaa looga hadlayey sidii dib loogu soo celin lahaa Shirkaddii diyaaradaha ee Somali Airline, waxaana ka qeyb galay masuuliyiinta wasaaradda oo ay kamid yihiin wasiirka wasaaradda Maxamed Cabdullaahi Oomaar, Wasiiru dowlaha Wasaaradda C/raxmaan Xersi Kulmiye, xubno kasocday Guddiga Gaadiidka ee Baarlamaanka iyo qaar kamid ah shaqaalihii shirkadda Diyaaradaha Soomaali Airline.
Kulanka ayaa intii u socdey waxaa la is dhaafsadey fikrado ku aadan qaabka ugu fadud ee loo howgalin karo Shirkadda Somali Airline oo baahi weyna ay u qabaan bulshada in la helo adeegyadii ay qaban jirtey.
Wasiiru Dowlaha Wasaarada Gadiidka iyo Duulista hawada  Mudane C/Raxmaan oo lahadlay Wakaaladda Wararka Qaranka Soomaaliyeed ee SONNA ayaa sheegay in wasaaraddu ay waqti badan gelineyso in dib loo soo celiyo shirkadda Diyaaradaha Soomaali Airline oo ahmiyad weyn u leh bulshada Soomaaliyeed.
Mudane C/raxmaan Xirsi Kulmiye ayaa tilmaamay in kulankaan oo socon doona muddo sadex maalin ah ay ku wareysan doonaan shaqaalihii hore ee Shirkaddaasi, islamarkaana fikrado iyo talooyin ay ka qaadan doonaan.
Wasaaradda Gaadiidka iyo Duulista Hawada Soomaaliya ayaa mudo dheer soo waday qorshaha la doonayo in dib loogu soo celiyo shirkaddii Diyaaradaha Somali Airline, iyada oo sameysay wadatashiyo iyo shirar kala duwan oo arintaasi looga hadlayo.
Afgooye Diseembar 2017 Ciidanka dowladda Soomaaliya ayaa saaka howlgallo waxa ay ka wadaan degmada Afgooye ee gobolka Shabeelaha Hoose sida uu sheegeen Saraakiisha Ciidamada dowladda Soomaaliya.
Ciidamada dowladda Soomaaliya ayaa baadigoobaya dagaalyahanada Al-Shabaab ee lagu tuhmayo in ay ku sugan yihiin qeybo ka mid ah Xaafadaha degmada Afgooye.
Saraakiisha dowladda ayaa sidoo kale waxa ay sheegeen in howlgalkaan uu yahay mid lagu xaqiijinaayo Amniga degmada Afgooye iyo sidoo kale degaanada hoos yimaada.
Kaptan Mayow oo ka mid ah Saraakiisha howlgalka hogaaminaysa ayaa Risaala u sheegay in howlgalka ay sii wadi doonaan tan iyo inta Al-Shabaab laga saarayo Shabeellaha Hoose.
Maamulka Gobolka Shabeelaha Hoose ayaa sheegay in la adkeyn doono Ammaanka degmada Afgooye ,madaam Al-Shabaab ay dhowr jeer ay kusoo qaadeen weeraro geystay khasaare kala geddisan.
https://www.youtube.com/watch?v=zV35hzXqgIY

WARARKA MAANTA 9da Diseembar 2017 Sir Culus!

Su'aalaha Maanta: Maxay Shacabka Muqdisho ku naceen been-haaw Mudane Madaxweyne Maxamed Cabdilaahi Farmaajo oo uu sheegay Raysal Wasaare Mudane Xassan Cali Kheyre inuu ka shaqayn waayey musuqmaasuq ka imaanaya xafiiska Madaxweynaha Mudane Maxamed Cabdilaahi Farmaajo isla-markaasna ay habboonaan lahayd inay labada aqal si deg deg ah u dhaqan geliyaan badbaadinta qaranka Soomaaliyeed ayadoo la raacayo dastuurka dalka. Maxuu Raysal Wasaare Mudane Xassan Cali Kheyre ugu xanaaqay safaradda uu Madaxweyne Mudane Maxamed Cabdilaahi Farmaajo ku aadaayo dalalka dibadda asagoo horay arintan oo kale ugu dhaliilay Madaxweynihii hore ee Damu-Jadiid Mudane Xassan Shiikh Maxamuud oo dhacay xoolihii Ummadda Soomaaliyeed intii u hayey xilka dalka! Maxay shacabka Soomaaliyeed iyo Ciidamo beelo kala taageersan ay iskugu dagaalayaan dhul Tarbuuka ku yaala oo ay deggan yihiin dadkaas ayadoo beentii uu sheegay Wasiirka Amniga Mr. Isloow ee ahayd dejinta qorshaha amniga muddo 5 sanno ee soo socota taasoo been iyo huuhaah ah? Soo ma cadda inuu Wasiirka Amniga Mr. Isloow uu si xun ugu guuldaraystay amniga magaalada Muqdisho oo maalinkasta ay qabiilo isku haysta dhul aysan lahayn kuwada dagaalamya ayadoo ay khalkhalka amniga u sii dheer tahay argagixisadda Al-Shabab oo jaggooyin sare sare ka haysata laamaha kala duwan ee amniga iyo xafiisyo hoos taga hay'addaha kala duwan ee Dowladda Wada Dadban! Maxuuse isku-casili la yahay Wasiirka Amniga Isloow oo fashilkiisa amniga xitaa caasimadda Muqdisho uu maalin walba socdo? Shacabka Soomaaliyeed wey ka daaleen been iyo warar been been lagu maaweeliyo marka Mudane Wasiir Isloow haddii aadan deg deg isku-casilin ogoow waxaanu shacabka u soo bandhigi doonaa siro badan oo laga hayo!

Muqdisho 9da Diseembar 2017 Ra’iisul Wasaaraha Xukuumadda Federaalka Soomaaliya Mudane Xasan Cali Khayre oo ka hadlayey maalinta caalamiga ah ee ku astaysan la dagaalanka musuqmaasuqa, ayaa hadal adag ku yiri “Xukuumadaydu haba yaraatee wax dulqaad ah uma yeelan doonto musuqmaasuqa iyo wax-is-daba-marinta, isla markaana waxaan dadaal badan ku bixin doonaa sidii loo ciribtiri lahaa musuqa”.

Mudane Xasan Cali Khayre ayaa tilmaamay in dawladdu ay dedejisay ansixinta sharciga dhismaha guddiga la-dagaalanka musuqmaasuqa, oo baarlamaanku meelmariyey bishii hore, isagoo caddeeyey in ay qaadeen tallaabooyin dheeri ah oo ay ka mid tahay magcaabista Hanti-dhawre Guud iyo Xisaabiye Guud oo shaqo-yaqaanno ah. Waxuna raaciyey in bilaha soo socda la qaadi doono tallaabooyinka iyo hanaanka hay’adeed ee ku xusan xeerka la-dagaalanka musuqmaasuqa oo ka mid tahay magcaabista guddiga la-dagaalanka musuqmaasuqa iyo hay’adaha kale ee hufnaanta.

“Hambalyo maalinta la-dagaalanka musuq-maasuqa,  Xukuumadeyda waxaa ka go’an la dagalanka musuqa iyo dib-u-soo celinta dawlad wanaagga, waxaan horumar gaari karnaa markii aan ka guuleysano musuqa”ayuu yiri R/W Khayre.

Ra’iisul Wasaaraha ayaa xusay in Soomaaliya ay haystaan caqabado badan oo uu ka mid yahay musuqmaasuqa oo ka dhashay tobanaan sano oo sharci-darro ay ka jirtay dalka, tanina ay curyaaminayso hiigsiga horumarineed iyo koboca dhaqaalaha. Waxana uu intaa ku daray in iyadoo la garawsan yahay xajmiga dhibaatadan, ay xukuumaddu mudnaan weyn siisay xakamaynta musuqmaasuqa iyo meelmarinta maamul wanaagga.

Jubbaland State 9da Diseembar 2017 Xiriirka kubada Cagta Jubbland ayaa Soo saaray Dacwad ka dhan ah xulka kubada Cagta Gobolka Benaadir kadib Markii shalay Benaadir uu u Ciyaaray Ciyaaryahan Ajanabi ah oo u dhashay Kenya una Ciyaara mid kamida kooxaha Heerka kowaad ee Caasimada.

Maalmulka Koonfur Galbeed 9da Diseembar 2017 Ciidamada Maamulka Koonfur Galbeed ayaa weeraray Saldhig Ururka Al Shabaab ay ku leeyihiin deegaan dhaca duleedka Degmada Buurhakabo ee Gobolka Baay.

Dagaal halkaasi ka dhacay shalay galab ayaa waxaa lagu dilay laba xubnood oo ka tirsanaa Ururka Al Shabaab, kadib markii ay isfara saareen ciidamada Koonfur Galbeed iyo Shabaab.

Sarkaal ka tirsan ciidamada Maamulka Koonfur Galbeed ayaa Warbaahinta u sheegay dagaalkaasi inay ku dileen laba xubnood oo ka tirsan Al Shabaab.

Wuxuu sheegay in sidoo kale ciidamada Koonfur Galbeed ay soo furteen qoryo ay ku dagaalamayeen Shabaabkii ay dileen sida uu xaqiijiyay Sarkaalkaasi.

Ciidamada Koonfur Galbeed oo ka ambabaxay Magaalada Buurhakabo ayaa dib ugu soo laabtay Magaaladaasi, kadib dagaalkii ay ku qaadeen Shabaab.

Al Shabaab kama aysan hadlin illaa hadda labadan askari ee looga dilay dagaalka dhexmaray ciidamada Maamulka Koonfur Galbeed iyo Shabaab.

Muqdisho 9da Diseembar 2017 Ciidamo ka tirsan dowladda Federalka Soomaaliya oo shalay iyo maanta ku muransanaa dhul ku yaalo aagga Isgoyska Tarabuunka ee Degmada Hodan, ayaa halkaasi ku dagaalamay.

Ciidankaan oo hab beeleed u abaabulan, ayaa kala difaacanaayay dhul ku yaalo nawaaxiga Isgoyska Tarabuunka, waxaana la sheegay ciidamadan inay ka tirsan yihiin ciidamada Militariga.

Wararka ayaa sheegaya in goobta dagaalka uu ka dhacay ay gaareen ciidamo ka tirsan Nabad Suggida Soomaaliya, kuwaasi oo isku dayay inay kala dhex galaan ciidanka dagaalamay, balse waa ay kala celin waayeen.

Ciidamadan dagaalamay oo reerahooda ay dagan yihiin guryaha jiindagaha ah ee ku yaala aagga Isgoyska Tarabuunka, ayaa muranka dhulkooda soo bilowday khamiistii, balse shalay ayuu aad u xoogeystay, iyadoo maantana uu sababay dagaal arintaasi ka dhalatay.

Qof ka mid ah dadka degaanka ayaa sheegay inay maqlayeen dhawaqa rasaasta ciidamada dagaalamay ay iswaydaarsanayeen, balse aysan ogeyn khasaaraha ka dhashay dagaalkaasi.

Dowlad Gobaleedka Galmudug 9da Diseembar 2017 Madaxweynaha Galmudug Axmed Ducaalle Gelle Xaaf oo kul hore Balan qaaday in la furi doono dekada hobyo ayaa soo iibiyay shactar casri ah kaas oo maalmahan nagu soo aadan gaari doono xeebta magaalada hobyo

Shactarkan ayaa dhawaan kusoo xirtay dekada xamar waxaana goordhaw u gudbi doona dhanka magaalada hobyo.

Madaxweynaha oo dhawaan Muqdisho kula kulmay waxgaradka iyo ganacsatada Galmudug ayaa ugu baaqay in ay ganacsigooda kala soo degaan dekada hobyo oo dhawaan dib u howlgali doonta sida uu madaxweynuhu balan qaaday.

Dowlad Gobaleedka Puntland 9da Diseembar 2017 Ciidamada dowlad goboleedka Puntland ayaa Saacadihii la soo dhaafay waxa ay baaritaano ka wadaan deegaano ku teedsan deegaanka Af-urur ee Gobolka Mudug.

Baaritaanada ayaa la sheegay in ay timid kadib markii tiro madaafiic ah lagu weeraray fariisinka Ciidamada Puntland ee Af-urur,waxaana haatan deegaankaas laga dareemayaa dhaq dhaqaaqyada Ciidamada Puntland.

Wararkii ugu dambeeyey ayaa sheegaya inuusan jirin ilaa hadda wax khasaare ah oo ka dhashay weerarkaasi,balse waxaa la sheegay in ciidamadu ay wadaan howlgal ay ku baadi goobayaan Al-Shabaab.

Saraakiil ka tirsan Puntland ayaa waxa ay horay u sheegeen in ay deegaanada buuraleyda ah ee Gobolka Bari ay ka saari doonaan Kooxaha Al-Shabaab iyo Daacish wallow taasi aysan weli hirgelin.

Muqdisho 9da Diseembar 2017 Jaaliyada Soomaalida Mareykanka ayaa  lacagaasi iska soo uruuriyay,waxaana Sabtidii Maanta ay soo gaarsiiyay qaar kamid ah ehelada dadkii ku geeriyooday Weerarkii 14-Oct ka dhacay Isgooska Zoobe ee Magaalada Muqdisho.

Xildhibaano ka tirsan Baarlamaanka Federaalka oo ay ka mid ahaayeen Xildhibaan Axmed Macalin Fiqi ,Zakari Xaaji Maxamuud Cabdi,Sidiiq Warfaa iyo Xildhibaan Sacdiyo Xaaji,boqol Qoys oo ay mashaqadaas dadkooda kaga geeriyoodeen ayaa qoyskiiba waxaa la siiyay Maanta 400-Dollar.

Axmed Bashiir gudoomiye kuxigeenka Gudiga lacgtaas loo soo wakiishay ayaa madasha ku faah faahiyay Qorsha ay ku wajahayaan bixinta lacagtan iyo tirada guud lacagta maanta la bixiyay.

Maxamuud Xasan hayl gudoomiyaha Guddiga Jaaliyada Soomaalida Mareykanka ayaa kahadlay lacagta guud ee laga soo ururiyay Xaafadaha Soomaalidu ay degan yihiin ee Mareykanka waxaana uu sheegay in lacagtaas la gaarsiiyay meelo Soomaali ka baxsan sida Suudaan oo lagu daweynayo Dhaawacyadii Zoobe iyo Ehelada Shaqsiyaad waxyeelo soo gaartay .

Xildhibaan.Zakari Xaaji Maxamuud Cabdi oo ka tirsan Mudanayaasha Golaha Shacabka ayaa bogaadiyay talaabada Soomaalida ay hadda isku garab taagan yihiin.

Gudiga matalaya Jaaliyada Soomaalida Mareykanka ayaa qorsheeyay in todobaadkan gudihiisa ay lacago gaarsiiyaan Caruurta ku agoontoobay Weerarkii Zoobe ka dhacay 14 Bishii Octoper ee Snadkaan.

Dhusam,reeb 9da Diseembar 2017 Magaalada Dhuusa Mareeb ee Xarunta Gobolka Galgduud ahna Xarunta rasmiga ah ee Maamulka Galmudug waxaa Maanta gaaray Wefdi ka socda Qaramada Midoobay.

Wefdigaan ujeedka uu u tegay Magaalada Duusa Mareeb ayaa lagu sheegay in indha-idnheyn ay ku sameynayaan Garoonka Diyaaradaha Dhuusa Mareeb oo ay doonayaan in ay dayactir ku sameeyaan.

Garoonka Diyaaradaha Dhuusa Mareeb ayaa waxaa wefdiga kula kulmay masuuliyiin ka tirsan Maamulka gobolada Dhexe ee Ahlusuna Waljamaaca si ay uga wada hadlaan dhismaha Garoonka oo u xayirnaa khilaafka Ahlusuna kala dhaxeeyay Maamulka Galmudug.

Garoonka Diyaaradaha Ugaas Nuur ee dhuusa Mareeb ayaan sirasmi ah u Shaqeyn mudo laba Sano ah,waxana la filayaa in wefdigan ka socda Qaramada Midoobay in ay dayactir ku sameeyaan taas oo qeyb ka ah mashaariicda horumarineed ee laga fulinayo Gobolada Dhexe.

Maraykanka 9da Diseembar 2017 Xubin ka tirsan Congresska Mareykanka ayaa ku boorriyay Waaxda Difaaca in ay bilaabaan baaritaan cusub ku saabsan dadkii rayidka ah ee ay waxyeelado kasoo gaartay howlgallada ciidamada dowladda Mareykanka ay ka fuliyaan Gudaha Soomaaliya gaar ahaan meelaha ay jooggaan Al-Shabaab.

Ted Lieu oo ka tirsan Congesska  ayaa ugu baaqay sarkaal Sare oo ka tirsan Waaxda Difaaca  in uu dib u eego eedeynta loo jeediyay Saraakiisha Ciidamada Mareykanka ee Afrika, waxaana uu sheegay in ciidamada Mareykanka ee Soomaaliya ay toogteen 10 qof oo aan hubaysneyn oo ku nool beerta magaalada Bariire bishii August.

Waxaa uu sheegay in hadii ay taasi saxno noqoto howlgalka Mareykanka ee Afrika uu noqon doono Mid guul dareystay.

Wasaaradda Difaaca ee Mareykanka ayuu ka dalbaday in ay sameyso Baaritaano waxtar leh oo ku saabsan waxyeeladda Shacabka.

David Trachtenberg, oo ah ku-simaha xog-hayaha difaaca siyaasadda Mareykanka ayaa ka jawaabay Hadalka Xildhibaanka waxaana uu  sheegay in uu gudbin doono wasaaraddiisa ayna bilaabi doonaan Baaritaano cusub.

Mr Trachtenberg ayaa sidoo kale tilmaamay in taliska Mareykanka ee Afrika (Africom) ay horay baaritaan ugu sameeyeen dhacdadii Bariire  waxaana uu yiri  “dhaawacyo kaliya ayaa soo gaaray dadkaasi, waxaana ay ahaayeen dad hubeysan”

“Waxaa naga go’an hadii aan nahay  Wasaaradda Gaashaandhiga, wax walba oo khatar ah oo ku dhacda dadka rayidka ah in aan ilaalino, waxaana ka shaqeyneynaa sidii looga hortagi lahaa waxyeeladda Shacabka” ayuu yiri David Trachtenberg.

Dowladda Mareykanka ayaa horay loogu eedeeyay  in waxyeelo badan ay kasoo gaarto dadka Shacabka duqeymaha ay ka wado Gudaha Soomaaliya.

Muqdisho 9da Diseembar 2017 Ciidamadii ugu horreeyay ee ka mid ahaa howlgalka Amisom kana baxay Soomaaliya ayaa ku laabtay dalka Uganda ee ay ka soo jeedeen.

Talaabadaan ayaa timid kadib markii Dowladda Uganda ay ku dhawaaqday in Ciidamadeeda kala baxeyso Soomaaliya.

Ku-xigeenka Afhayeenka Militariga Uganda Deo Akiiki ayaa warbaahinta dalka Uganda u sheegay in dowladda Uganda ay ka dhabeysay go’aankii ay ku dhawaaqday islamarkaan Ciidamadii ugu horreeyay ay dib ugu laabteen Uganda.

Waxa uu sheegay in tiro ahaan Ciidankan ay hadda yar yihiin hayeeshee 2 ilaa saddexda todobaad ee soo socota Ciidamada Uganda ee ka laabta Soomaaliya la gaarsiinayo 281 Askari oo u dhashay Dalka Uganda.

Dowladda Uganda waxaa Soomaaliya ka jooga 6,000 oo Askari oo ka mid ah howlgalka Amisom ee Soomaaliya, waxaana waqtiga ugu dambeeya ee Ciidamada ugu horreeya Amisom ka baxayaan Soomaaliya ku eeg tahay 31ka Bishan December iyada oo la qorsheynayo in ay noqdaan 1,000 Askari oo dhamaan dalalka xubnaha ka ah Amisom qeyb ku leeyihiin.

Muqdisho 9da Diseembar 2017 Qaaraxyadii u horreeyay Qaza waxaa ku dhaawacmay ugu yaraan 25 ruux sida ay sheegtay wasaaradda caadimaadka ee Falastiiniyiinta

Israaa’iil ayaa sheegtay in ay bartilmaameedsatay goobo ay leeyihiin garabka hubaysan ee Xamaas iyaga oo ka aar goosanaya gantaallo lagu soo riday.

Milatariga Israa’iil ayaa sheegay in ay subaxnimadii hore ee Sabtida duqeeyeen goob hubka lagu sameeyo iyo bakhaar rasaasta lagu kaydiyo

Gantaallada ayaa Israa’iil lagaga soo riday dhanka Qaza mid ka mid ahna wuxuu ku dhacay magaalada koonfurta ku taalla ee Sderot.

Xiisadda ka dhex taagan Falastiiniyiinta iyo Israa’iil ayaa sare u kacay tan iyo markii madaxweynaha Maraykanka Donald Trump uu aqoonsaday in Qudus ay tahay caasimadda Israa’iil.

Go’aaankaas uu Arbacadii gaaray ayuu kaga baxay siyaasad uu Maraykanku dhexdhexaad kaga ahaa arrintan muddo tobannaan sano ah.

Israa’iil ayaa waligeed u aragta Qudus in ay caasimaddeeda tahay, halka Falastiiniyiintyna ay ka sheegtaan in Bariga Qudus oo ay Israa’iil ku qabsatay dagaalkii 1967dii in ay tahay caasimadda dawlada ay mustaqbalka yeelan doonaan.

  1. Waxyaabihii u dambeeyay ee xaaladdan ka soo kordhay

  2. Labo ruux oo Falastiiniyiin ah ayaa dhintay ka dib markii ciidammada Israa’iil ay rasaas ku fureen dad isugu soo baxay magaalada Qaza markii ay socdeen isku dhacyadii Jimcihii.

  3. Israa’iil waxay sheegtay in ay joojisay gantaal, mid kalana waxaa laga helay dhul bannaan, halka mid kalana uu ku dhacay Sderot ammin dambe oo Jimcihii ah, inkastoo aan la soo sheegin wax khasaare ah oo uu gaystay.

  4. Ciidammada cirka ee Israa’iil ayaa weerarro dhawr ah ku qaaday goobo ay Xamaas leedahay, wasaaradda caafimaadka ee Falastiiniyiintuna waxay sheegtay in ay ku dhaawacmeen 25 ruux.

  5. Weerarro dheeri ah oo xagga cirka ahna waxay mar kale fulisay saacadihii hore ee Sabtida, ka dib markii uu gantaalku ku dhacay Sderot. Ilaa iyo hadda ma cadda inta ay la egtahay khasaaraha ka dhashay weerarradaas.

  6. Subaxnimadii hore ee Jimcaha Fatxi Hammad oo ah masuul sare oo Xamaas ka tirsan ayaa sheegay in ruux kaste oo doonaya in uu Qudus u raro safaaraddiisa uu yahay caddawga Falastiiniyiinta.

Safiirka Maraykanka ee Qaramada Midoobay Nikki Haley ayaa sheegtay in Qaramada Midoobay ay ka soo horjeeddo Israa’iil

Safiiradda Maraykanka u qaabilsan Qaramada Midoobay Nikki Haley ayaa iyaduna Jimcihii kulanka Qaramada Midoobay ka sheegtay in Maraykanku “uu aqoonsanayo waxa caadiga ah oo ah in Qudus ay tahay caasimadda Israa’iil”.

Waxay sheegtay in Maraykanka uu sii wadayo “ka go’naanshaha in xal waara la gaaro”, Qaramada Midoobayna waxay ku eedeeysay in aysan dhexdhexaad ahayn, waxayna sheegtay “in ay tahay xarrunta hogaaminaysa saaxiibtino la’aanta Israa’iil ka dhanka ah, arrintaas oo ah mid laga caroodo”.

Muqdisho 9da Diseembar 2017 Boris Johnson ayaa ka dagay dalka Iiraan halkaas oo uu ka sheegi doono “walaaca wayn” ee uu ka qabo xarigga loo gaystay Nazanin Zaghari-Ratcliffe oo ah gabadh Iiraaniyad ah oo haysata dhalashada Britain.

Wasiirka arrimaha dibadda ee Britain ayaa ku baaqi doona in la sii daayo gabadhan oo 37 jir ah hal ilmama dhashay iyo waliba dadka kale ee xabsiyada ku jira ee dhalashada Britain haysta.

Zaghari-Ratcliffe ayaa Tehraan lagu hayaa tan iyo bishii Abriil ee 2016kii, ka dib markii lagu eedeeyay in ay hawlo basaasid ah faraha kula jirtay.

Booqashadii koobaad ee Johnson uu ku tago Iiraan ayaa ku soo aadaysa iyadoo ay sii kacayso xiisadda ka taagan Bariga Dhexe.

Wuxuuna kala hadli doonaa walaaca ay Britain ka qabto ku lug lahaanshaha Iiraan ay ku lug leedahay dhibaatooyinka ka aloosan gobolkaas, gaar ahaanna kuwa Yemen iyo Suuriya.

Gabadha xiran ninkeeda Ratcliffe ayaa la kulmay wasiirka arrimaha dibadda horraantii sannadkan

Weriyaha BBC-da ee arrimaha dublamaasiyadda James Robbins ayaa sheegaya in safarkan oo ah kii saddexaad ee wasiir arrimo dibadeed oo ka socda Britain uu ku tago Tehraan tan iyo 2013kii “in laga yaabo in uu noqdo mid kasii xasaasisan kuwii ka horreeyay”.

Wuxuu intaas ku daray in ay tahay in uu ka taxadaro oo yareeyo rajada uu ka qabo in si dhakhso ah loo sii daayo Zaghari-Ratcliffe, wuxuuna ka digay in arrimaha noocan oo kale ah ay yihiin kuwo aad u adag.

Kalifornia, USA 9da Diseembar 2017 In badan oo ka mid ah dallagii afakaadhada ee gobolka California ee dalka Maraykanka ayaa ku baaba’day dabka halakeeyay qaybta koonfureed ee gobolka, sida ay sheegeen khuburada warshadaha.

“Waxaa naga gubtay boqolaal aykar oo afokaadho ah, waxayna u badan tahay in ay xataa intaas ka sii badan tahay”, sida ay Guddiga Afokaaadhadu u sheegeen barta beeraha wax ka qorta ee AgNet West

Waxaa la qiyaasaa in afakaadhada Maraykanka laga isticmaalo ay 90% ka soo go’do California, warshada ka shaqaystana ay malaayiin doolar ku biiriyaan dhaqaalaha dalkaas.

dab damis gaaraya 5,700 oo ruux ayaa la tacaalaya xakamaynta dabka, sida ay masuuliyiintu sheegeen.

Ilaa iyo haddana waxaa la xaqiijiyay in ay ku dhimatay haweenay 70 jir ah oo laga dhex helay gaarigeeda Arbacadii.

Saddex ruux oo dabdamis ah ayaa ku dhaawacmay, 500 oo guri ayaana la rumaysan yahay in uu dabku burburiyay.

Waxaa jira cabsi laga qabo in dabku uu khasaaro baaxad leh u gaysan doono warshado badan oo sancayn jiray wax soo saarka beeraha California.

Dalagii afokaadhada ee la goostay xiligii kan ka horreeyay wuxuu dhannaa 400 milyan oo doolar, sida uu sheegay Guddiga Afokaadhada California.

Dalagaas badankiisuna wuxuu ka soo go’ay beero ay qoysas leeyihiin oo ku yaalla koonfurta gobolkaas.

Qaramadda Midooway 9da Diseembar 2017 Kulan degdeg ah oo uu Golaha Ammaanka ee Qaramada Midoobay ka yeeshay arrinta Qudus, ayaa dalalka xubnaha ka ah marka laga reebo Maraykanka waxay cambaareeyeen go’aankii uu madaxweyne Trump magaaladaasi ugu aqoonsaday caasimadda Israa’iil.

Ergeyga Qaramada Midoobay u qaabilsan Bariga Dhexe, Nickolay Mladenov, ayaa ka digay in tallaabada Maraykanka ay dhalin karto dhibaato aan la mahdin oo ka dhex billaabata Israa’iil iyo Falastiiniyiinta.

Safiirka Maraykanka ee Qaramada Midoobay, Nikki Haley, ayaa ururkaasi ku dhaliishay inuu wax u dhimayo hannaanka nabadda looga dhalinayo Bariga Dhexe.

Sidoo kale, ururka Jaamacadda Carabta ayaa lagu wadaa inuu maanta ka shiro go’aanka madaxweyne Trump ee ku aadan magaalada Qudus.

Go’aanka Trump ayaa waxaa dhaliilay dalal badan oo caalamka, ayna ka mid yihiin kuwo xulafo dhaw la ah dalka Maraykanka.

Dhanka kale, gantaal laga soo riday marinka Qaza ayaa ku dhacay magaalada Sderot ee koonfurta Israa’iil, ayadoo ay weli socdaan rabshadaha ka dhashay arrinta Qudus.

Lama sheegin khasaaro nafeed oo uu geystay gantaalkaasi, balse waxaa uu burburiyay gawaari dhowr ah.

Muqdisho 9da Diseembar 2017 Xoghayaha guud ee Qaramada Midoobay, Antonio Guterres

Xoghayaha guud ee Qaramada Midoobay, Antonio Guterres, ayaa dembi dagaal ku tilmaamay dil loo geystay ugu yaraan 14 askari oo ka mid ah ciidanka nabad ilaalinta u jooga Jamhuuriyadda Dimuqraadiga Congo, kuwaasoo u dhashay dalka Tanzania.

Guterres ayaa sheegay in weerarkaasi oo habeenkii Khamiista ka dhacay gobolka waqooyiga Kivu uu ahaa kii ugu xumaa ee taariikhda dhaw soo mara ciidamada nabad ilaalinta ee Qaramada Midoobay.

Howlgalka nabad ilaalinta Jamhuuriyadda Dimuqraadiga Congo oo lagu magacaabo Monusco ayaa sheegay in nabad ilaaliyayaashaasi ay ku dhinteen ka dib weerar uga yimid jabhadda Allied Democratic Forces (ADF) kaasoo ka dhacay gobolka waqooyiga Kivu.

Waxaa sidoo kale weerarka ku dhintay shan askari oo ka tirsan ciidanka Jamhuuriyadda Dimuqraadiga Congo.

Xooggag looga shakisan yahay jabhadda ADF ayaa bishii October dalkaasi ku dilay laba ka mid ah ciidanka nabad ilaalinta, sida uu kusoo warramay weriyaha BBC ee caasimadda Kinshasa.

Dhowr jabhadood ayaa ku dagaallamaya gacan ku haynta gobolkaasi macdanta qaniga ku ah, waxaana mararka qaar ay la dagaallamaan nabad ilaaliyayaasha Qaramada Midoobay iyo ciidamada Congo

https://www.youtube.com/watch?v=s30LfmGW85g

WARARKA MAANTA 8da Diseembar 2017 Sir Culus!

Su'aalaha Maanta: Maxaad ka ogtihiin inuu Khaa'inul waddan Raysal Wasaare Mudane Xassan Cali Kheyre uu so magacaabi doono laba wasiir oo la kala siin doono Bulshadda Masiixiga Soomaaliyeed Iyo Ururka U Dagaalama Xuquuqda Khaniisiinta Soomaaliyeed kuwaas aan wax matalaad ah ku heli habka awood qeybsiga 4.5 kaasoo ay waxba kaga heli waayeen kuraasta labada aqal iyo weliba golaha wasiiradda iyo hay'addaha kala duwan? La oga xilliga rasmiga ah ee ay Dowladda Soomaaliya ku wareejin doonto kuraas khaas u ah labadaas urur ee kor lagu sharaxay. Yaa runta qarin kara hadda?

Ethiopia 8da Diseembar 2017 heshiis buuxa laga gaaray dagaal sababay dhimasho iyo dhaawac oo Bariga Itoobiya ku dhex maray Qowmiyada Oromada iyo Soomaalida kadib kulamo kala duduwan oo ka dhacay Magaalada Adis Ababa ee  Caasimadda dalka Itoobiya.

Duqa Magaalada Jigjiga Ibraahim Maxamuud Mubaarak ayaa sheegay in marka hore la Go’aamiyay in dadkii ka soo barakacay deegaanadii lagu dagaalamay lagu celiyo,sidoo kale cid alaala cidii ka tagtay Jigjiga ay ku soo laabato iyo in dadkii kala heystay hanti la isugu celiyo.

Waxa uu sheegay in shirarkii kala duwanaa ee ka dhacay Magaalada Adis Ababa heshiiskaas lagu gaaray isla markaana Bulshadu ay aad u soo dhaweeyeen.

Bariga dalka Itoobiya ayaa waxaa ka dhacay dagaalo u dhaxeeyay Qowmiyada Oromada iyo dadka Soomaaliyeed wallow haatan xal laga gaaray.

Maraykanka 8da Diseembar 2017 Xubin kale oo ka tirsan golaha guurtida Mareykanka ayaa ku dhawaaqay inuu iscasilay kaddib eedeymo la xiriira inuu ku kacay tacadiyo ka dhan ah dumarka.

Mudanahan ayaa noqonayaa kii saddexaad ee toddobaadkaan iska casila aqalka senedka.

Trent Franks oo ka tirsan xisbiga Jamhuuriga lagana soo doortay gobolka Arizona ayaa sheegay inuu go’aansaday inuu xilka isaga dego.

Arrintaan ayaa imaaneyso kaddib markii guddiga anshaxa gollaha wakiilada uu sheegay in ay baaritaan ku sameynayaan falka uu sameeyay.

Mr Franks ayaa dhankiisa sheegay in uusan dooneyn in warbaahintu ka badbadiso arrintaan.

Kolsii horreysay, Al Franken, oo ah senator ka tirsan xisbiga Dimoqaraadiga, ayaa sheegay inuu isa iscasilay.

Si la mid ah, senator John Conyers, oo isna ka tirsan isla xisbigaasi ayaa sidaan oo kale ku dhawaaqay Salaasadii inuu isku casilay.

Falastiin 8da Diseembar 2017 Bannaanbaxyo rabshado wata, ayaa ka dhacay dhulka Falastiiniyiinta ee Israel xoogga ku haysato, ka dib markii Mareykanka uu Magaalada Qudus u aqoonsaday inay tahay Caasimadda Israel.

Dadka reer Falastiin, ayaa waxay bilaabeen shaqo joojin, iyadoona ay albaabada u laabeen goobaha ganacsiga iyo waxbaraashada, si ay kaga falceliyan go’aanka Mareykanka uu Qudus ugu aqoonsaday Xarunta Israel.

Bannaanbaxayaasha, ayaa wadooyinka ku gubay taayeero, sidoo kalena waxay dab qabadsiiyeen calamada Mareykanka, Israel iyo weliba sawirada Madaxweynaha Mareykanka iyo Ra’iisal Wasaaraha Israel.

Bannaanbaxayaasha, ayaa dhegxaan ku tuurayay askarta Israel, waxaana la arkaayay askarta Israel uu ku jawaabeysa sunta dadka ka ilmeysiisa iyo weliba rasaas, dad badan ayaana la sheegay inay ku waxyeeloobeen isu dhacaasi.

Hay’adda Bisha Cas ee Falastiin, ayaa waxay sheegtay in tiro ku dhow konton qof oo Falastiiniyiin ah ay ku dhaawacantay rabshadihii maanta dhex maray bannaanbaxayaasha iyo askarta Israel.

Bannaanbaxyada ka bilowday Daanta Galbeed, ayaa la fillaya inay sii socdaan, maalinta berrito ahna waxaa lagu wadaa in kumanaan ruux isugu soo baxaan Ramallah iyo Gaza.

Dhaqdhaqaaqa Falastiiniyiinta ee Xamaas, ayaa ku baaqay kacdoon ka dhan ah tallaabada Donald Trump uu Safaaradiisa ugu wareejinayo Magaalada Qudus, ka dib markii uu sheegay Qudus inay tahay Caasimadda Israel.

Dhanka kale bannaanbaxyo looga soo horjeedo go’aanka Trump ee ku aadan Qudus, ayaa maanta ka kala dhacay Wadamada Jordan, Masar iyo Pakistan.

Madaxweyne Trump, ayaa Arbacadii amray in Safaaradda Mareykanka laga raro Magaalada Tel Aviv, loona wareejiyo Magaalada Qudus, taasoo ka careysiisay dunida Muslimka.

Muqdisho 8da Diseembar 2017 Dowladda Soomaaliya ayaa ku biirtay Dowladaha Muslimiinta ah ee Canbaareeyay Go’aankii Madaxweynaha Maraykanka ee magaalada Barakeysan ee Qudus ugu aqoonsaday Caasimadda Yahuudda ee Israel.

Bayaanka ka soo baxay Dowladda Soomaaliya ayaa u qornaa Sidaan.

Dowladda Federaalka Soomaaliya waxa ay si dhow ula socotay, iyada oo ka walaacsan go’aanka halista ah ee uu qaatay Madaxweynaha dalka Maraykanka Donald Trump kaasoo uu ugu aqoonsaday magaalada barakaysan ee Al-Qudus in ay caasimad u tahay Israa’iil.

Waxaan ugu baaqaynaa Dowladda Maraykanka in ay si dhab ah uga fiirsato halista go’aankan uu ku leeyahay mustaqbalka dalalka Bariga Dhexe iyo guud ahaan Caalamka.

Sidoo kale, Soomaaliya waxa ay ugu baaqaysaa dalalka Carabta, Islaamka iyo guud ahaan Caalamka in ay sii laba-laabaan dadaalkooda ku aaddan xal u helista Qadiyadda Falastiin si looga gudbo xasillooni darrada haraysay Gobolka.

Ugu dambayntii, Jamhuuriyadda Federaalka Soomaaliya, dowlad iyo shacab, waxa ay la diyaar yihiin markasta taagerada iyo garab istaagga shacabka Falastiin sidii ay u hanan lahaayeen xuquuqdooda dowladnimo.

Muqdisho 8da Diseembar 2017 Wasiiru Dowlaha Amniga Dowladda Federaalka Soomaaliya Xasan Macalin ayaa maanta Golaha Wasiirada warbixin ka siiyay halka ay marayaan Howlgalada ka socda guud ahaan dalka ee lagula dagaalamayo ururka Al-shabaab.

Wuxuu sheegay Wasiiru Dowlaha in meel wanaagsan ay marayaan Howlgalada ka dhanka ah Shabaab, isaga oo sidoo kale shacabka ka dalbaday in ay la shaqeeyaan Ciidamada Ammaanka Dowladda Federaalka.

Sidoo kale Wasiir Xasan Macalin ayaa sheegay in Ciidamada ammaanka ay degmada Afgooye ku qabteen laba nin oo Shabaab ka tirsan, kuwaasi oo dil u geystay qaar ka tirsanaa shacabka degmadaasi.

Wuxuu kaloo sheegay Wasiiru Dowlaha in Ciidamada ku sugan degmada Diinsoor ay isku soo dhiibeen xubno Shabaab ka tirsan oo la socday gaari Cabdi Bille ah, kuwaasi oo hada ku jira gacanta Dowladda.

Wasiirka Warfaafinta Soomaaliya C/raxmaan Cumar Cusmaan (Eng. Yariisow) ayaa warbaahinta u sheegay in la dardargelinayo Howlgalada ka socda gobolada dalka.

Muqdisho 8da Diseembar 2017 Guddoomiyaha golaha shacabka Jamhuuriyadda Federaalka ah ee Soomaaliya, Mudane Maxamed Sheekh Cusmaan Jawaari, ayaa xarunta guddoonka iyo guddiyada ee Villa Hargeysa kulan kula qaatay wakiilka Ergayga gaarka ee Qaramada Midoobay u qaabilsan arrimaha Soomaaliya Micheal Keating iyo Madax ka socotay Barnaamijka Horumarinta Qaramada  Midoobay ee UNDP qeybta taageerta Baarlamaanka Soomaaliya.

kulanka ayaa waaa looga hadlay arrimo ay ka mid yihiin  sidii Qaramada Midoobay ay usii xoojin laheyd taageerada ay siiso Soomaaliya iyo kordhinta mashaariicda ay ku taageerayaan Baarlamaanka Soomaaliya.

sidoo kale waxyaabaha inta kulanka uu socday aad looga hadlay waxaa ka mid ah ka qeyb qaadashada dadaalka Dowladda Soomaaliyeed ay wado oo ku aadan la socodka ,hir gelinta iyo sidoo kale  dhameystirka Dastuurka Dalka dadaalada ay beesha caalamka ku bixin karto si kaalinta  beesha caalamka iyo taageeradeedaba ay meesha uga muuqdaan, sida uu kulanka ka dib warbaahinta Qaranka u sheegay Xoghayaha guud ee golaha shacabka  Mudane C/kariin Xaaji Cabdi Buux.

Puntland State 8da Diseembar 2017 howlgal ay sameeyeen Ciidamada dowlad goboleedka Puntland ayaa Saraakiishooda waxa ay sheegeen in ay Gcanta ku dhigeen rag ka tirsan Al-Shabaab kuwaas oo doonayay in ay dhibaato ka geystaan deegaanada Maamulkaas.

Ciidamada ayaa howlgalka sigaar ah waxa ay uga sameeyeen Buuraha Harweyn iyo Calmdoow ee Gobolka Bari, iyaga oo ku soo qabtay ilaa Saddex rag ah oo ay ku eedeeyeen in ay ka tirsan yiuhiin Al-Shabaab.

Saraakiil ka tirsan ciidamada Puntland oo aan la xiriirnay ayaa waxa ay sheegeen in raggaan ay hadda ku hayaan Xarumaha Ciidamada isla markaana ay baaritaano ku hayaan.

Sanadihii u dambeeyay Puntland ayaa wajaheysay dagaalo iyo dilal qorsheysan oo kaga imaanayay dhanka Al-Shabaab iyo Daacish,waxana dhanka kale barbar socda howlgallo ay wadaan Ciidamada Puntland.

Doha 8da Diseembar 2017 Wasiirka Amniga Soomaaliya Maxamed Abuukar Islow (Ducaalle) ayaa faah faahin ka bixiyay Shirka Shanaad ee Booliska Adduunka (INTERPOL) oo looga hadlayey la dagaalanka ka ganacsiga dadka iyo Tahriibka, kaasi oo uu uga qeyb galay magaalada Doha ee dalka Qadar.

Shirkan oo soconayay laba maalmood ayaa ayaa waxaa ka qeyb galay wufuud ka socotay dhammaan dalalka Caalamka, waxaana ay isla meel dhigeen sidii ajandayaasha shirka looga hadlay loo hirgelin lahaa.

Maxamed Abuukar Islow (Ducaalle) Wasiirka Amniga Soomaaliya ayaa sheegay dhibaatooyinka badan ee Tahriibka dhalinyarada la kulanta in ay yihiin dadka ka soo jeeda Afrika, gaar ahaan Soomaalida.

Wuxuu sheegay kulan gaar ah oo uu la yeeshay Wasiirka shaqada iyo Shaqaalaha Qadar in ay iskula afgarteen in shaqo abuur loo sameeyo dhalinyarada Soomaaliyeed, si ay uga baaqsadaan dhibaatada Tahriibka.

Soomaalida ayaa qayb ka ah dadka dhibaatooyinka kala kulma Tahriibka, waxaana shirkan ku soo beegmayaa xili dhowaan ay si wayn u soo shaac baxday dhibaatooyinka baaxada ee dadka Mujaajiriinta ah loogu gaysanayo dalka Liibiya

WARARKA MAANTA 7da Diseembar 2017 Sir Culus!

Su'aalaha Maanta: Yaa hub iyo dhaqaallo siiya Argagixisadda Al-Shabaab. Yaa shaqaaleeyey rag katirsanaan jiray Ururka Argagixisadda Al-Shabaab oo hadda taliyayaal sar-sare ka ah Dowladda Soomaaliya? Maxay Dowladda Maraykanka uga baqaysaa inay mar kale ku dhacdo waxa loo yaqaano “Government Shutdown” taasoo sida aanu ognahay Dowladda Soomaaliya Iyo Dowladda Maraykanka waxay kala saxiixdeen heshiis $ 300 milyan ah kaasoo aan la ogayn meesha laga keeni doono dhaqaalahan dhan $ 300 milyan mar haddii ay Dowladda Maraykanka soo wajahayso in Dowladda Maraykanka loo xiro dhaqaallo la'aan xagga miisaaniyadda taasoo warbaahinta kale duwan ay baahinayaan? Maxuu umalaynayaa khaa'inul waddan Raysal Wasaare Mudane Xassan Cali Kheyre inuu been been iyo isqaad-qaad aan run ku salaysnayn ku sii maaweelin doono Ummadda Soomaaliyeed ee uu horay khiyaanada khaa'inul waddaninimo uga soo galay markii uu saami beenaad laga siiyey Shirkadda Soma Oil and Gas uu isku-dayey inuu u fududeeyo sidii ay ula wareegi lahayd kheyraadka shidaalka ee kaydadka aan weli soo saarin asagoo weliba agaasime u soo noqday Shirkadda Soma Oil and Gas? Haddii ay shacabka Soomaaliyeed rabaan inay akhristaa cabsida laga qabo in Dowladda Maraykanka ay ku dhacdo “Government Shutdown” fadlan akhriso mid kamid ah lifaaqyadan ay saxaafadda dalka Maraykanka soo daabacday si aad u hubsateen xaqiiqda:-

http://money.cnn.com/2017/12/06/news/economy/government-shutdown-december-2017/index.html

https://www.reuters.com/article/us-usa-congress-shutdown/trump-warns-of-government-shutdown-threat-ahead-of-meeting-with-lawmakers-idUSKBN1E02P1

Meeqo heshiis oo dhaqaallo lagu siinaayo Dowladda Soomaaliya ayaa horay loo soo wada saxiixday kuwaasoo fashil iyo been ku soo dhammaaday sida kii magaalada Brussels ee dalka Belgium loogu yaboohay dalka Soomaaliya lacag dhan $ 2.5 bilyan dollar? Xaggee ku dembaysay lacagtaas deeqda ah?

Muqdisho 7da Diseembar 2017 Madaxweynaha Jamhuuriyaradda Federaalka Soomaaliya Maxamed C/laahi Maxamed (Farmaajo) ayaa Shir guddoomiyay kulan looga hadlayay hannaanka dib u eegista Dastuurka oo xalay lagu qabtay xarunta Madaxtooyada Soomaaliya.

Kulanka waxaana  ka soo qeyb galay guddoonka Labada aqal ee Barlamaanka, Ra’iisul Wasaaraha XFS, Madaxwehnayaasha Dowlad Goboleedyada, Guddiga Madaxa Bannaan ee Dastuurka iyo guddiyada kormeerka arrimaha Dastuurka ee labada aqal.

Shirkan ayaa ujeedkiisu ahaa in ay isku bartaan guddiyada arrimaha Dastuurka ee Heer Federal iyo Madaxweynayaasha Dowlad Goboleedyada.

Dib u eegista Dastuurka ayaa ah waxyaabaha ugu muhiimsan ee horyaalla dowladda Soomaaliya, iyada oo ay xukuumaddu u qoondeysay miisaaniyad Lagu dhameystiro howlaha Dastuurka.

Jubbaland State 7da Diseembar 2017 Madaxweynaha Maamul Goboleedka Jubbaland Axmed Maxamed Islaam (Axmed Madoobe) ayaa casho sharaf magaalada Muqdisho ugu sameeyay cayaartooyda Xulka kubadda Cagta Jubbaland ee ka qayb galaya Ciyaaraha maamul Goboleedyada dalka iyo Gobolka Banaadir oo lagu qabanayo magaalada Caasimada ah ee Muqdisho.

Wasiiro ka tirsan Xukuumadda Soomaaliya iyo Xildhibaanada labada Aqal iyo mas’uuliyiin kale ayaa munaasabadan ka qayb galay.

Madaxweynaha Jubbaland ayaa sheegay in uu rajaynayo in Xulka kubada Cagta Jubbaland ay ku guulaystaan koobka maamul Goboleedyada dalka islamarkana ay muujiyaan niyad wanaag iyo habdhaqan wanaagsan marka ay garoonka ku jiraan.

Axmed Madoobe wuxuu cayaartooyda ku booriyay in ay soo celiyaan tariikhdii Jubbaland ay caanka ku ahayd, islamarkana ay koobka keenaan Caasimada KMG ah ee Kismaayo.

Madaxweynahaha Dowlad Goboleedka Jubbaland waxaa kale oo uu balan qaaday in la abaal marin doono Ciyaartooyda Jubbaland, islamarkana iyaga laga bilaabayo hanaanka shaqo abuurka dhallinyarada oo ay dhawaan meel marinayaan golaha Wasirada Jubbaland.

Xildhibaanno, Wasiiro iyo mas’uuliyiin kala duwan oo degaan doorashadoodu ay tahay Jubbaland ayaa balan qaaday in si wanaagsan uga qayb qaadan doonaan muuraal siinta Xulka kubada Cagta Jubbaland.

Jubbaland State 7da Diseembar 2017 Wafdiyo kala duwan oo ka kala socday Dowladda Jarmalka qeybteeda horumarinta oo shalay gaaray Magaalada Kismaayo ee xarunta KMG ah ee maamulka Jubbaland ayaa waxa ay kulamo la yeesheen Madaxda Jubbaland.

Kulamada ayaa intii ay socdeen waxaa diirada lagu saaray horumarka degaanka iyo mashaariic kor loogu qaadayo Magaalada Kismaayo ee xarunta Gobolka Jubbada Hoose.

Madaxweyne ku xigeenka koowaad ee Jubbaland Maxamuud Sayid Aadan oo warbaahinta la hadlay ayaa u mahadceliyay wafdiga ka socda Jarmalka, wuxuuna sheegay Jarmalka mar walba in ay diyaar u yihiin ka qeyb qaadashada horumarka Jubbaland.

Wuxuu sheegay Madaxweyne ku xigeenka Jarmalka in Jubbaland ay si gaar ah uga gacansiineyso arrimaha ammaanka, dib u dhiska, Mashaariicda horumarineed ee Kalluumeysiga, iyo Beeraha.

Baraawe 7da Diseembar 2017 Wafdiyo kala duwan oo ka kala socday Dowladda Jarmalka qeybteeda horumarinta oo shalay gaaray Magaalada Kismaayo ee xarunta KMG ah ee maamulka Jubbaland ayaa waxa ay kulamo la yeesheen Madaxda Jubbaland.

Kulamada ayaa intii ay socdeen waxaa diirada lagu saaray horumarka degaanka iyo mashaariic kor loogu qaadayo Magaalada Kismaayo ee xarunta Gobolka Jubbada Hoose.

Madaxweyne ku xigeenka koowaad ee Jubbaland Maxamuud Sayid Aadan oo warbaahinta la hadlay ayaa u mahadceliyay wafdiga ka socda Jarmalka, wuxuuna sheegay Jarmalka mar walba in ay diyaar u yihiin ka qeyb qaadashada horumarka Jubbaland.

Wuxuu sheegay Madaxweyne ku xigeenka Jarmalka in Jubbaland ay si gaar ah uga gacansiineyso arrimaha ammaanka, dib u dhiska, Mashaariicda horumarineed ee Kalluumeysiga, iyo Beeraha.

Muqdisho 7da Diseembar 2017 Maxamed Cabdullaahi Maxamed Faramajo Madaxweynaha Jamhuuriyada Soomaaliya aya la xaqiijiyay in Maalinta Berito ah uu safar ugu ambabixi doono Magaalada Sharm El-Sheikh ee dalka Masar.

Ujeedka Safarkiisa ayaa ah Madaxweyne Farmaajo ka qeybgalka Shirka Ganacsiga Afrika oo lagu qabanayo dalkaas isla markaana ay ka qeyb galayaan Madaxda ilaa Shan Wadan oo Afrikaan ah.

Shirka Africa 2017 Forum ayaa qorshuhu yahay in uu furmo 7 Bisha December oo Maanta ah ilaa 9,ka waxaana diiirada lagu saari doonaa horumarka laga gaaray Ganacsiga Qaarada Afrika.

Wadamada ay Madaxdooda ka qeyb galeysa shirkaas ayaa waxa ka mid ah Dalalka Comoros , Ivory Cost, Rwanda iyo  Guinea, iyaga oo halkaasi Khudbad dheer ka jeedin doona.

Madaxweyne Farmaajo ayaa shirkaas marti ka noqon doona, isaga oo aan ku laahan doonin wax khubad ah.

Xogaha ay Dalsan heleyso ayaa sidoo kale waxa ay sheegayaan in Madaxweyne Farmaajo shirkaas uu fursad ugu heysto in uu wadahaal la sameeyo dowladda Imaaraadka Carabta oo Siyaasad ahaan ay iska soo hor jeedaan.

Muqdisho 7da Diseembar 2017 Madaxweynaha Jamhuuriyadda Federaalka Soomaaliya Maxamed C/laahi Maxamed (Farmaajo) ayaa faah faahin ka bixiyay heshiiska ay wada galeen Maamulada Galmudug iyo Ahlusuna.

Madaxweyne Farmaajo ayaa marka hore Madaxweynaha Galmudug iyo Sheekh Maxamed Shakir ku ammaanay sida ay u soo dharaan dharinayeen heshiiska iyo meesha ay hada ay soo gaarsiiyeen, wuxuuna ugu baaqay in la dhaqan geliyo heshiiska la gaaray.

Sidoo kale Madaxweynaha Soomaaliya ayaa Golaha Wasiirada Galmudug, Xildhibaanada iyo shacabka Gobolada Dhexa ka dalbaday in ay ka shaqeeyaan sidii horey loogu sii socon lahaa, si looga baxo dhibaatooyinka hada ka jira Gobolada Dhexe.

Ahlu Sunna iyo Gal-Mudug ayaa shalay gelinkii dambe heshiis rasmi ah oo ka kooban 14 qodob ku kala saxiixday madaxtooyadda Soomaaliya iyadoo ay goob joog ka ahaayeen Madaxweyne Maxamed (Farmaajo) iyo qaar ka mid ah Golaha Wasiiradda ee dowladda Federaalka.

Heshiiskan ayaa qodobada ugu muhiimsan waxaa ka mid ah in hoggaamiyaha Ahlu Sunna Sheekh Shaakir uu noqonayo Madaxa Xukuumada dowlad goboleedka Galmudug iyadoo xilkaasi uu yahay mid aysan hore u lahayn maamul goboleedyada dalka.

Canda 7da Diseembar 2017 Muwaadinkaan Soomaaliyeed ee Maxkmada dalka Kanada ay xukunka ku riday ayaa waxaa lagu Magacaabaa Cali Cumar Adeer waxaana loo heystaa afduubka Wariye Amanda Lindhout oo mudo 15 Bilood ah Afduub ahaan loogu heystay gudaha Soomaaliya mudo Sagaal sano ah ka hor.

Cali Cumar Adeer oo 40 jir ah ayaa Maxkamada Kanada waxa ay sheegtay in dembigaas lagu helay, balse isagu uu sheegay in uusan arrintaasi  waxba ka ogeyn sidoo kalena isla isaga uu afduubnaa.

Waxaa Maxkamada Kanada ay sheegtay in dacwadaan oo la dhageysanayay mudo 10 Cisho ah ugu dambeyn lagu xukumay xabsi daa’in ah balse la filayo in lagu dhawaaqo Sanadka soo socda ee 2018.

Ehelada Eedeysane Cali Cumar Adeer ayaa talaabada ay qaaday Maxkamada Kanada ku sheegeen in ay tahay mid cadaalada daro ah isla markaana ay racfaan ka qaadan doonaan.

Wariye Amanda Lindhout oo mudo 15 Bilood ah lagu heystay gudaha Soomaaliya ayaa ugu dambeyn lagu sii daayay lacag madax furasho taas oo keentay in uu ciqaab ku muteystay muwaadinkan Soomaaliyeed ee Cali Cumar Adeer oo ku nool dalka Kanada.

Wariye Amanda Lindhout ayaa shalay markii ay maxkamada tagtay waxa ay sheegtay in xiligii afduubka loo heystay ay la kulantay dhibaatooyin ay ka mid ahaayeen faraxumeyn iyo jirdil intaba.

Caalamka 7da Diseembar 2017 Go’aanki madaxweynaha Mareykanka Donald Trump uu ugu aqoonsaday magaalada Qudus caasimadda rasmiga ah ee Israa’il ayaa diidma xoooggan kala kulantay caalamka.

Hogaamiyeyaasha dunida muslimka iyo guud ahaan beesha caalamka oo dhan ayaa si weyn u dhaleeceeyay tallaabada uu qaaday Trump, waxa ayna ka digeen halista rabshado ka dhasha arrintaan iyo in ay horseedo dhiig daato.

Xoghayaha guud ee hay’adda Qaramada Midoobay Antonio Guterras, ayaa sheegay in aysan jirin wax lagu beddelo xal u raadinta Israa’il iyo Falastiin, waxa uuna ku tilmaamay mowqifka Mareykanku mid laga murugoodo.

Madaxweynaha Faransiiska Emmanuel Macron, oo booqasho ku jooga dalka Aljeria ayaa isna ku tilmaamay hadalka Trump wax laga xumaado, waxa uuna ku baaqay dadaalo nabadeed iyo in laga fogaado rabshado.

Dalka Turkiga, dibadbaxayaal ayaa isugu tagay banaanka hore ee safaarada Mareykanku ku leeyahay magaalada Istanbuul. Wasiirka arrimaha dibadda ee Turkiga ayaa waxa uu isna ku tilmaamay go’aanka Mareykanka geyru mas’uulnimo.

Madaxweyne Trump oo u aqoonsaday Qudus caasimadda rasmiga ah ee Israa’il ayaa sidoo kale saxiisay in safaarada Mareykanka laga raro Tel Aviv loona raro magaalada Qudus.

Tallaabadan uu ku dhaqaaqay Trump ayaana waxa ay ka dhigeysa Mareykanka dalkii ugu horreeyay dunida ee si rasmi ah ugu aqoonsado Qudus caasimadda Israa’il.

Arrinta Qudus ayaa xuddun u ah collaada daba-dheeraatay ee u dhexeysa Israa’iil iyo Falastiin, xilli Falastiiniyiinta ay doonayaan in Bariga magaalada Barakeysan ee Qudus ay noqoto caasimaddooda mustqabalka.

Saraakiisha Aqalka Cad waxa ay dhankooda sheegeen in go’aanka Madaxweyne Trump uu yahay “Ictiraaf waaqica haatan jira iyo taariikhdaba” balse ma ahan bayaan siyaasadeed oo rasmi ah, mana beddeli doonto xuduudaha iyo siyaasadda magaalada Qudus.

Maamulka Galmudug 7da Diseembar 2017 Qaar kamid ah xildhibaanada Baarlamaanka Galmudug oo warbaahinta la hadlay kadib markii la soo saaray Qodobada dhowrka ah ee Ay Galmudug iyo Ahlusuna ku heshiiyeen ayaa waxaa ay sheegeen in heshiiskaasi uusan ahayn mid dhaqan galaya oo aan loo marin wadadii saxda ahayd.

Xildhibaanada Galmudug waxaa ay Tilmaameen in Xubnaha Baarlamaanka Maamulkaasi aan lagala tashan islamarkaana aysan Iyagu taageersaneyn sida ay hadalka u dhigeen.

Hadalka xildhibaanadan Ayaa noqonaya mid yimid kadib Heshiis Dhameystiran oo ay Gaareen Galmudug iyo Ahlusuna oo lagu dhameystiray Madaxtooyada Somalia iyadoo Madaxweynaha Somalia Farmaajo uu sheegay In loo Baahanyahay In aan Laga Hor Imaan Heshiiskaasi.

Ahlu-Sunna Waljamaca 7da Diseembar 2017 Madaxweynaha Maamulka Gobolada Dhexe ee Ahlusuna Waljamaaca ayaa sheegay in dagaalkii Gobolada qaar looga saaray Al-Shabaab ay doorweyn ku lahaayeen taas oo keentay in uu amni noqdo deegaanada ay maamulaan.

Waxa uu sheegay in dadka ku nool Gobolada Dhexe gaar ahaan deegaanada Ahlusuna aan waqtigaan laga helin cid ka tirsan Al-Shabaab sida uu hadalka u dhigay.

Sidoo kale waxa uu hadalkiisa intaas raaciyay in deegaano badan oo ku dhow dhow Gobolada Ahlusuna ay maamusho ay difaac u yihiin.

“Waxaan idiin sheegayaa in gobolada iyo Maamulda ku teedsan deegaanada Gobolada dhexe iyo dowladda Itoobiya hadii aysan jiri laheyn Ahlusuna in ay Al-Shabaab geli lahaayeen balse aan ka difaacnay anaga ayuu yiri Madaxweyne Shaakir.

Hadalkaan ayaa waxa uu ka sheegay munaasabad ay heshiis shalay gelinkii dambe ku kala saxiixdeen Maamulka Galmudug madax ka socotay..

UNICEF 7da Diseembar 2017 Toddobo iyo toban milyan oo carruur ah oo da’doodu ka hoosayso hal sano ayaa qaata hawo wasakhaysan taas oo halis galisa koriinkii maskaxdooda, sida ay ka digtay hay’adda carruurta u qaabilsan Qaramada Midoobay.

Carruurta Koonfurta Aasiya ayaa ah kuwa ugu daran ee ay arrintani saamaysay, 12 milyan oo carruur ah ayaana ku nool goobo wasakhawga hawada ee ka jiraa uu lix jibaar ka sareeyo sidii loo baahnaa.

Afar milyan oo kalana waxay halis ku wajahaysaa bariga Aasiya iyo Pacific.

Hay’dda badbaadada dhallaanka ee Unicef waxay sheegtay in ay u badan tahay in hawada wasakhaysan ay dhaawacdo maskaxda ayna wax u dhinto korniinkii ay samayn lahayd.

Warbixintan waxaa lagu sheegay in arrintan sidoo kale lala xiriiriyay dhibco hoose oo ay ka keeneen caruurtu “qiimayn lagu sameeyay garaadkooda kaas oo hadal iyo mid aan hadal ahayn isugu jiray, xasuustooda, iyo waliba in ay ka dhibco hooseeyaan carruurta qayrkood ah iyo waliba khalkhal ku yimaaddo neerfahooda.

“Iyadoo ay dunidu sii magaaloobayso aysanna jirin hab ku filan oo lagu xakamaynayo wasakhawga hawada carruur badan oo kale ayay halis soo wajihi doontaa sannadaha soo socda” sida ay sheegtay Unicef.

Waxay ku baaqday in wajiyada la daboosho waxyaabo hawada sifeeyana la adeegsado, carruurtana aan la safranin wakhtiyada ay hawadu aad u wasakhaysan tahay.

Bishii hore uuro halis ah ayaa isku gadaantan hawada magaalada Delhi ee caasimadda u ah Hindiya.

Qaar ka mid ah iskuullada ayaa la xiray. Laakiin markii dib loo furay waalidku waxay maamulka ku eedeeyeen in uusan ahmiyad siinaynin caafimaadka carruurta.

Uganda 7da Diseembar 2017 badan 6,000 oo askeri ayaa Ugandha ka joogo Soomaaliya

Saraakiisha militariga Ugandha ayaa sheegay in ay bilaabeen in ciidanka ay kala baxaan Soomaaliya, waxayna ku billaabeen 281 askeri oo ka tirsanaa howlgalka Midowga Afrika.

Tallaabadan ayaa qeyb ka ah qorshaha Qaramada Midoobey ee lagu dhimayo tirada ciidamada Midowga Afrika ka joogo Soomaaliya. 1,000 ayaa illaa dhammaadkan sanadka laga saari doonaa dalka oo hadda ka soo kabsanaya colaadda.

Soomaaliya waxaa ku sugan in ka badan 22 kun oo askeri oo qeyb ka ah howlgalka Midowga Afrika ee Soomaaliya (AMISOM).

Ugandha, oo ah dalkii ugu horeeyay ee Soomaaliya ciidamo geeyay sannadkii 2007-dii, waa waddanka bixiyay tirada askarta ugu badan oo gaaraya illaa 6,000.

Kenya, Burundi, Jibuuti and Itoobiya ayaa sidoo kale la filayaa in ay dhimaan tirada ciidamadooda illaa dhammaadka bishan.

In hadda 1,000 askeri laga saaro Soomaaliya waxaa suuragal ah in aysan saameyn wayn ku yeelan howlaha amniga, balse dowladaha taageera AMISOM waxay doonayaan in ay arkaan militariga iyo booliska Soomaaliya oo sugidda arrimaha nabadgelyada la wareegaya.

Dalalka Afrika ee ciidamada geeyay Soomaaliya waxaa lagu amaanay in ay dalka ku soo celiyeen qeyb ka mid ah xasilloonida in kastoo shaqadooda ay ragaadisay musuqmaasuq ay ku keceen qaar ka mid ah ciidamadooda iyo in aysan guul rasmi ah weli gaarin.

Dadaalka lagu xoojinayo ciidamada xoogga dalka Soomaaliya ayaa weli socda.

Mareykanka ayaa sare u qaaday tirada ciidamadiisa ka jooga Soomaaliya oo la sheegay in ay gaarayaan illaa 500, waxayna badiyeen duqeymaha ay ku xoojinayaan wada shaqeynta ay la leeyihiin militariga Soomaaliya.

Laakiin in laga adkaado ururka Al-Shabaab ayaa la sheegay in aysan noqon doonin mid fudud.

Maraykanka 7da Diseembar 2017 Madaxweyne Trump ayaa isagoo ka hadlayey aqalka cad wuxuu si rasmi ah u aqoonsaday in magaalada muranku ka taagan yahay ee Quddus ay tahay caasimadda Israa’iil, go’aankaas oo ah mid meesha ka saaraya siyaasaddii uu Maraykanku ku socday tobanaan sano.

Wuxuu kaloo ku dhawaaqay in safaaradda Maraykanka laga rari doono magaalada Tel Aviv oo loo rari doono Quddus.

Wuxuu sheegay Mr Trump in go’aankaas aan loola jeedin in Maraykanku uu faraha ka qaaday sidii ay uga go’nayd in nabad waarta laga gaaro bariga dhexe.

Falastiiniyiinta ku nool koofurta marinka Qasa oo hadalkaas aad uga caraysan ayaa gubay sawirka Mr Trump, kan ra’iisul wasaaraha Israa’iil iyo calanka Yuhuudda.

Mr Trump wuxuu sheegay in uu diyaar u yahay inuu taageero xalka labo dal oo lagu dhameeyo khilaafka muddada dheer ka dhex jiray Israa’iil iyo Falastiin.

In yar ka hor intii uusan go’aankaas ku dhawaaqin ayuu madaxweyne Trump sheegay in tallaabadan ay ahayd inay goor hore dhacdo.

Qaybta qadiimiga ah ee Qasa ayaa gidaar ku yaalla waxaa lagu shiday calanka Israa’iil ka hor intii uusan Donald Trump ku dhawaaqin go’aankiisa.

Sida uu sheegay TVga ABC, waxa aad loo adkeeyey amniga qaar ka mid ah safaaradaha uu Maraykanku uu ku leeyahay bariga dhexe.

Talaadadii ayaa diblomaasiyiinta Maraykanka iyo ee Israa’iil iyo qoysaskooda waxaa lagula taliyey in aysan u socdaalin qaybta qadiimiga ah ee Quddus iyo daanta galbeed “ilaa iyo amar dambe”.

WARARKA MAANTA 6da Diseembar 2017 Sir Culus!

Su'aalaha Maanta: Maxaa shacabka Soomaaliyeed been iyo huuhaah ay madaxda Soomaaliyeed ugu jahwareeriyaan shacabka Soomaaliyeed? Khaa'in Waddan Raysal Wasaare Mudane Xassan Cali Kheyre ma noo sheegi karaa meehsa ay martay lacagtii Dowladda Soomaaliya loogu ballanqaaday shirkii Brussels ee ahayd $ 2.5 bilyan dollars taasoo xitaa $ 20 milyan oo wada socota aysan soo gaarin Dowladdii uu hoggaaminayey Damu-Jadiid Madaxweyne Mudane Xassan Shiikh Maxamuud oo lacagtii iyo hantidii dadweynaha sida ugu takrifalay ay Ummadda Soomaaliyeed wada ogtahay? Maxuuse Khaa'in Waddan Raysal Wasaare Mudane Xassan Cali Kheyre, Wasiirka Maalliyadda Mudane Dr. Bayle Iyo Wasiirka Qorshaynta Jamal kaliya ay heshiiska $ 300 milyan u saxiixeen ayadoo uusan goob joog ka ahayn Guddoomiya Bangiga Dhexe, Agaasimaha Hanti-Dhowr Iyo Qaar kamid ah Guddiyadda Labada Aqal ee Baarlamaanka u qaabilsan maalliyadda? Sida la wada ogyahay Dowladda Maraykanka horaay ayeey ballanqaadyo ugu samaysay Dowladda Soomaaliya taasoo ilaa iyo hadda ballanqaadyada qaarkood laga war sugayo sida uu horayba u sheegay Madaxweynihii hore Damu-Jadiid Mudan Xassan Shiikh Maxamuud oo hadda ku raaxaysanaya dibadda asagoo cunnaya xoolo uu ku xaday magaca Ummadda Soomaaliyeed sida hadda cad na waxaa muuqanaysa inay Dowladda Soomaaliya ee hadda joogto inay ka musuqmaasuq badan tahay Dowladdihii dalka Soo maray waayo xukuummad uu hoggaamiyo Khaa'in Waddan Raysal Wasaare Mudane Xassan Cali Kheyre ayaa waxay madax ka wada dhigtay raggii hore ee argagixisadda Al-Shabaab taliyayaasha sar-sare u ahaa kuwaasoo ay u diibtay qaabo kamid hoggaanka sare ee laamaha amniga Soomaaliya iyo meelo badan oo kamid ah waaxyaha wasaaraddaha. Yaa runta qarin kara? Waxaa xaqiiqo ah haddii heshiiskan $ 300 ay Dowladda Soomaaliya Iyo Dowladda Maraykanka kala saxiixdeen inay si waafaqsan sharciga dalka iyo xeerarka caalamiga ay guddigga labada aqal u qaabilsan maalliyadda u la socdaan isla-markaasna wax ka ogaadaan heshiiskan $ 300 iyo mashaariicda lagu fuli doono si aysan dhowr tuug oo ilaa 1991dii ilaa iyo hadda magaca Ummadda iyo Qaranka Soomaaliyeed wax ku dhacayey. Mida kale sida la ogyahay waxaaba laga baqayaa inay Dowladda Maraykanka baarlamaankeed xirto dhaqaalaha Dowladda Maraykanka sida ay warbaahinta Maraykanka sheegayaan maalmahan marka haddiiba Dowladda Maraykanka Iyo golahooda xildhibaannadda ka wada doodayaan misaaniyadda dalka Maraykanka xaggee bay ka imaanaysaa dhaqaalahan $ 300 ee Dowladda Maraykanka Iyo Dowladda Soomaaliya kala saxiixdeen? Ummadda Soomaaliyeed waxaa rabtaa in ay ogaato xaqiiqda marka waa in aad noo wada sharaxdaan! Mudane Saami beenaale Xassan Cali Kheyre aaway saamigii labada $ 2 milyan ee laaluushka laguu siiyey si Shirkadda Soma Oil and Gas si aad kheyraadka Soomaaliya ugu gacan-geliso http://www.somaoilandgas.com/shareholders/?

Muqdisho 6da Diseembar 2017 Muqdisho, Disembar 6, 2017: Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa sheegay in heshiisyada horumarineed ee Soomaaliya ay la saxiixatay dowladaha Maraykanka iyo Qatar ay yihiin kuwa ka tarjumaya horumarka ay dowladdu ka samaysay dhanka xiriirka iyo iskaashiga caalamiga ah. Madaxweynaha ayaa yiri “Heshiisyada horumarineed ee aan la galnay Mareykanka iyo Qatar waxay si xoojinayaan xiriirka haatan naga dhaxeeya dowladahaas, waxa ayna caddayn muuqata u tahay sida uu u sii xoogaysanayo iskaashiga iyo xirriirka aan caalamka la leenahay iyo kalsoonida lagu qabo hay’adaha dowladda.”
Madaxweyne Farmaajo ayaa bogaadiyey heshiisyada horumarineed ee dhawaan ay kala saxiixdeen Dowladda Federaalka Soomaaliya iyo Hay’adda Dowladda Mareykanka u qaabilsan Horumarinta Caalamiga ah (USAID) oo lacag dhan $300 milyan ku bixineysa arrimaha maamul wanaagga, kobcinta dhaqaalaha, waxbarashada iyo caafimaadka.

Sidoo kale, Sanduuqa Horumarinta iyo Hay’adda Gargaarka ee Dowladda Qatar ayaa iyagana sameynaya maalgelin ay ku kaceyso lacag dhan $200 milyan oo loo qorsheeyay dib-u-dhiska kaabayaasha dhaqaalaha, xarumaha dowladda iyo shaqo abuurka dhallinyarada.

“Maal-gelinta iyo taageerada horumarineed ee intaa le eg ma ahan mid ku kooban dib-u-dhiska dalka oo kaliya ee waa mid kor u qaadaysa kaabayaasha dhaqaalaheenna, taas oo dhabaha u xaareysa in nolol wanaagsan ay helaan shacabka Soomaaliyeed. Waxay markhaati u tahay dadaalka aan ku bixineyno in ay Soomaaliya ka hana qaado nabad iyo barwaaqo la isku halleyn karo.”

Madaxweyne Maxamed Cabdullaahi Farmaajo ayaa ku ammaanay Xukuumadda uu hogaamiyo Raiisul Wasaare Xasan Cali Khayre dadaalka ay ku bixinayso dhammaysitrka heshiisyadan isagoona guul weyn ku tilmaamay in muddo hal toddobaad gudihiis ah ay Soomaaliya la saxiixato dowladaha Mareykanka iyo Qatar maalgelinta mashaariic horumarineed oo isku darkoodu ay ku baxaysa lacag dhan 500 oo milyan oo Doolar.

-DHAMMAAD-

Beledweyne 6da Diseembar 2017 Maxamed Cali maxamuud gudoomiye ku xigeenka dhinaca amniga Magaalada Baladweeyne oo la hadlay Idaacada Kulmiye  ayaa waxaa uu ka warbixiyay howlgalo baaritaano ah oo Ciidamada Amaanka ka sameeyeen Magaaladaasi.

Gudoomiye ku xigeenka ayaa waxaa uu sheegay in Al-Shabaab ka baxsaday koonfur Soomaaliya ay tageen Baladweeyne sidaasi aawgeedna uu Maamulka Magaalada Bilaabay Howlgalo lagu Baadi goobayo Maleeshiyaad ka tirsan Al-Shabaab,  waxuuna uu intaasi ku daray in Afarta Xaafad ee ay Baladweeyne ka kooban tahay Ay ka sameeyeen Baaritaano lana sii wadi doono sida uu hadalka u dhigay.

 Magaalada Baladweeyne ee xarunta Gobolka Hiiraan ee Maamul goboleedka Hirshabeele Ayaa mudooyinkii Danbe waxaa deegaano hoostaga magaalada laga soo sheegayay in ay gaareen Dagaal yahano ka tirsan Shabaab oo ka baxay shabeelaha hoose iyadoo Ay sidoo kale jirtay in Dagaal yahanada Uruka Shabaab ay weerar ku qaadeen Deegaanada u dhaw dhaw Beledweyn.

Israa'iil 6da Diseembar 2017 Israa’iil waxay magaalada Qudus u aragtaa caasimad aan qeybsamin, balse Falastiin waxay aaminsan tahay in bariga Qudus ay tahay caasimaddooda.

Madaxweynaha Mareykanka Donald Trump ayaa Qudus u aqoonsan doono in ay tahay caasimadda Israa’iil, sida ay ku warrameen saraakiil sare oo ka tirsan maamulka Trump.

Arrintan uu khilaafka ka taagan yahay ayaa la filayaa in Trump uu ka sheego hadal uu jeedin doono gelinka dambe.

Sidoo kale waxaa la filayaa in Trump uu shaaciyo in safaaradda Mareykanka ee ku taalla Tel Aviv loo raro Qudus, balse waxay taasi qaadan kartaa sannado.

Israa’iil waxay soo dhoweysay isbedelka laakiin Falastiiniyiinta iyo hoggaamiyayaasha Carabta ayaa ka digay khatarta arrintan ay u keeni karto hannaanada nabadda ee Bariga Dhexe.

Sacuudiga oo saaxiib dhow la ah Mareykanka ayaa tallaabadan cusub ku tilmaamay “daandaansi qayaxan oo ku wajahan Muslimiinta”.

Israa’iil waxay Qudus u aragtaa caasimaddeeda, halka Falastiiniyiinta ay doonayaan in Bariga magaalada Barakeysan ay noqoto caasimaddooda mustqabalka.

Haddii Trump uu Qudus u aqoonsado caasimadda Israa’iil, Mareykanka wuxuu noqonayaa dalkii ugu horeeyay ee sadaasi sameeya, tan iyo aasaaskii Israa’iil sannadkii 1948.

Maxay tahay doodda ragaadisay xaaladda magaalada barakeysan ee Qudus?

Arrinta Qudus waxay xuddun u tahay dagaalka u dhexeeya Israa’iil iyo Falastiin oo taageero ka heleysa dalalka Carabta iyo guud ahaan Muslimiinta caalamka.

Magaalada waxay meel barakeysan oo diimeed u tahay Muslimiinta, Yahuudda iyo Masiixiyiinta, si gaar ah bariga magaalada Qudus.

Israa’iil ayaa qeybtaasi Bariga ka qabsatay Urdun ka dib dagaalkii Bariga Dhexe ee 1967, waxeyna magaalada oo dhan u aragtaa in ay tahay caasimaddeeda aan la kala goyn karin.

Sida uu dhigayo heshiiskii nabadda ee Israa’iil iyo Falastiin ee 1993, marxaladda magaalada Qudus waxay ahayd in looga doodo kulamadii ka dambeeyay midkii lagu saxiixay heshiiskaasi.

In Qudus ay leedahay Israa’iil weli caalamka muusan aqoonsan, dunida oo dhanna waxay safaaradohooda ku yaallaa Tel Aviv.

Tan iyo 1967, Israa’iil waxay Bariga Qudus guryo badan uga dhistay qiyaastii 200,000 oo Yahuud ah. Caalamka ayaa deegaameyntaas u arka mid sharci darro ah, In kastoo Israa’iil ay diiday arrintaas.

Haddii Mareykanka uu Qudus u aqoonsado caasimadda Israa’iil taasi waxay noqoneysaa in guryaha bariga Qudus ay sharci u leeyihiin Bulshada Yahuudda.

Muxuu yahay Qorshaha Mareykanka?

Saraakiisha sare ee maamulka Trump waxay sheegeen in Qudus loo aqoonsado Caasimadda Israa’iil in ay tahay in Mareykanka uu “gartay xaqiiqada”.

Sikastaba, Xudduudaha gaarka ah waxay sii ahaan doonaan muwduuca heshiiska ugu dambeeya, sida ay saraakiishaasi sheegeen. Waxay intaa ku dareen in xaaladda goobaha barakeysan aysan arrinta saameyn doonin.

Madaxweyne Trump wuxuu sidoo kale amri doonaa in waaxda arrimaha dibadda ay bilawdo hannaanka safaaradda Mareykanka loogu rarayo Qudus. Laakiin tallaabadaasi waxay qaadan doontaa sanado badan maadaama ay ka fikiri doonaan goobta laga dhisayo iyo arrimaha amniga.

Donald Trump wuxuu arrintaas u ballanqaaday cod-bixiyayaasha Yahuudda, xilligii ololaha doorashada uu ku jiray.

Mr Trump ayaa xaqiijiyay in uu xoogga saari doono heshiis nabadeed dhexmara Israa’iil iyo Falastiin, kaas oo uu hogaaminayo wiilka uu sodogga u yahay ee Lataliyaha sare u ah, Jared Kushner.

Maraykanka Iyo Koonfurta Kuuriya 6da Diseembar 2017 Diyaradaha bambooyinka rida ee Maraykanka oo la duulaya kuwa dagaalka ee Japan iyo Kuuriyada Koonfureed oo ay dhoolatus wada sameeyeen bishii Oktoobar

Ciidammada Maraykanka ayaa hawada Kuuriyada Koonfureed dul mariyay diyaaradaha bambooyinka rida ee B-1B arrintaas oo qayb ka ah dhoolatus baaxad leh oo loo arko digniin loo jeedinayo Kuuriyada Waqooyi.

Diyaaradaha B-1B Lancer ayaa loo ekaysiiyay sidii iyada oo duqaynaysa saldhig milatari.

Dhoola tuskan ayaa dhacaya toddobaad ka dib markii Kuuriyada Waqooyi ay tijaabisay gantaal ay sheegatay in uu yahay mid cusub oo qaarad ka qaarad isaga kala gooshi kara, laguna duqayn karo Maraykanka gudahiisa.

Maraykanka ayaa mar hore daabulay diyaaradaha wax duqeeya isaga oo awooddiisa muujinaya ka dib markii Kuuriyada Waqooyi ay tijaabisay gantaaallo iyo nukliyeeryo.

Milatariga Kuuriyada Koonfureed ayaa sheegay in ay dhoola tuska ka wada qaybqaateen diyaaradahooda dagaalka iyo kuwa bambooyinka rida ee Maraykanka.Dhoola tuskan wuxuu ka dhacay goob ka tirsan gobolka Gangwon oo 150km u jirta xadka Kuuriyada Koonfureed, sida ay ku warrantay wakaaladda wararka ee Yonhap oo soo xiganaysa milatariga.

In kabadan 200 oo diyaaradood iyo kumannaan askari ayaa ka qayb qaadanaya dhoolatuskan oo ku eg Jimcaha, waxaana la sii qorsheeyay intii Kuuriyada Waqooyi aysan tijaabinin gantaalkii u dambeeyay. iyaaradaha dagaalka ee F-16 iyo F-35A ayaa iyaguna qayb ka ah dhoolatuska

Kuuriyada Waqooyi oo si joogta ah Maraykanka iyo Kuuriyada Koonfureed ugu eedaysa in dhoolatusku uu yahay isu diyaarin dagaal ayaa midkan ugu dambeeya ku tilmaantay “daandaansi keeni kara dagaal hub nukliyeer ah la isu adeegsado” sida lagu sheegay war ay Isniintii baahisay warbaahinta dawladda.

Dhoolatuskan ayaa dhacaya iyadoo uu Pyongyang booqanayo Jeffrey Feltman oo ah madaxa siyaasadda ee Qaramada Midoobay, waana arrin naadir ah in uu wadahadal u tago Kuuriyada Waqooyi masuul ka tirsan Qaramada Midoobay

Ethiopia 6da Diseembar 2017 Hay`adda u doodda xuquuqda aadanaha ee Human Right Watch ayaa warbixin ay soo saartay ku sheegtay in xukuumadda Itoobiya ay fulisay weerarro cusub oo dhanka Internetka ah, kaas oo loogu kuurgalayo cambaareynta dowladda uga timaadda dibadda.

Ololahan weerarka fayraska ee dowladda, ayaa lagu beegsanayaa dadka u dhaqdhaqaaqa xuquuqda aadanaha iyo mucaaradka Itoobiya.

Sida ay sheegtay HRW, weerarradaas ayaa daba socda taariikh dheer oo la xiriirta dadaallo kuwan la mid ah oo ay dowladdu ugu kuur galeysay xasaradaha gudaha iyo bannaanka Itoobiya.

Sida ku cad falanqeynta, weerarrada oo billowday sanadkii hore ayaa dad badan oo kuwa bartilmaameedka ahaa loo diray email-llo lagu doonayay in xogtooda lagu helo, dadkaas waxaa ka mid ahaa dhowr qof oo xuquuqda banai`aadamka u dhaqdhaqaaqa iyo aqoon yahanno ka soo jeeda qowmiyadda Oromada.

Inta ololahan uu socday ayaa warbixinta lagu sheegay in dibad baxyo ballaaran ay ka jireen Itoobiya, laga soo bilaabo dibad baxyadii Oromada ee hareeraha magaalada Addis Ababa, kaas oo horseeday bandow socday muddo toban bilood ah, balse la qaaday bishii August ee sanadkan.

Emaillada dadkan loo soo diray ayaa loogu sheegay inay soo dejistaan barnaamij, marka ay sidaa sameeyaan ayaa waxaa kumbiitarradooda gaarka ah saameynaya fayras xogta ka qaadaya.

Inkastoo sanadihii ugu dambeeyay xoogaa horumar ah laga sameeyay, haddana waxaa weli liita xakameynta iibka barnaamijyadan dadka lagu jaajuuso, tan oo ay caddeyn u tahay iibsashada ay dhowrka jeer iibsatay Itoobiya.

Dowladda Itoobiya ayaan ka hadlin eedeynta loo jeediyay.

Hirshabelle State 6da Diseembar 2017 Mudane Cali guudlaawe, ayaa saraakiishii uu kulmay oo loo xilsaaray in hirshabeelle ay kala shaqeeyaan tababarka Ciidamada Booliska kula dardaarmay  inay  tababaro aqoontooda kor loogu qaadayo Ciidanka amaanka ay joogto u  siiyaan, ayna kaalin weyn ka qaataan nabadeynta deegaanada maamulkaasi. Saraakiisha Ciidanka Booliska Soomaaliyeed ka tirsan ee Hirshabeelle u aaday tababarka Ciidanka amaanka ee maamulkaasi, ayaa qeyb ah qorshaha Dowladda federaalka ah ee Soomaaliya  ay wado ee ku aadan in Maamulada dalka ka jira laga caawiyo   tababarka  iyo qalabeynta  Ciidanka Nabad gelyada ee qaabilsan amaanka gudaha.

Galmudug State 6da Diseembar 2017 Madaxweynaha Dowlad Goboleedka Galmudug Axmed Ducaale Geelle Xaaf ayaa kulan la qaatay Ciyaaryahanada Maamulka Galmudug u matalaya tartanka Kubada Cagta  maamul goboleedyada kaas oo dhawaan ka furmi doona Magaalada Muqdisho

Madaxweynaha ayaa Ciyaartooyda u balan qaaday in hadii ay ku guuleystaan koobka uu siin doono abaal Marin aan wali horay looga bixin Somalia.

Sidoo kale waxa uu sheegay in Ciyaaryahankii gool dhaliya uu siinayo 300$ (sadex boqol oo dollar) kii ka caawiyayna la siin doono 200$ (Labo boqol oo dollar)

Qaar ka mid ah Ciyaartooyda ayaa iyana aad u soo dhaweeyay dhiiragelinta uu u sameeyay Madaxweyne Xaaf.

Puntland State 6da Diseembar 2017maamulka gobolka Mudug ee Puntland Taliyihii Saldhigga Suuqa degmada Gaalkacyo Cali Ibraahim Cali  (Cali Magafe)ayaa u geeriyooday dhaawac saaka ka soo gaaray Qarax loogu xiray Gaari uu watay oo ka dhacay Magaalada Gaalkacyo ee Xarunta Gobolka Mudug.

Qaraxan ayaa ka dhacay dhabarka dambe ee wadada marta Madaxtooyada Magaalada Gaalkacyo qaybta Puntland.

Cali Magafe, wuxuuna ka tirsanaa ciidamada Booliska Puntland, xilliga la qarxinaayay gaarigiisa ayaa wuxuu u sii socday goobtiisa shaqada.

Goobta qaraxa uu ka dhacay ayaa waxaa gaaray ciidamo ka tirsan Booliska Puntland, kuwaasi oo goobta ka qaaday dhaawaca Sarkaal Cali Magafe, waxayna geeyeen Isbitaalka Magaalada Gaalkacyo, halkaasi oo uu ku geeriyooday.

Qaraxa gaariga loogu xiray Sarkaalkaasi ayaa wararka waxa ay sheegayaan inuu ahaa nooca dhajiska loo yaqaan ee Baabuurta lagu xiro.

Al Shabaab ayaa Qaraxyo iyo dilal qorsheysan la eegta Saraakiisha ciidamada Booliska Puntland ee ku sugan Waqooyiga Magaalada Gaalkacyo.

WARARKA MAANTA 5da Diseembar 2017 Sir Culus! Yaa Runta qarin kara beesha caalamka wax dhaqaallo ah ma siin doonto Xukuummadda Khaa'inul Waddan Raysal Wasaare Mudane Xassan Cali Kheyre? Su'aalaha Maanta: Maxay Hay'adda Qaramadda Midooway U-Qaabilsan Soomaaliya Iyo Eritrea kashiftay inay Soomaaliya Madaxdeeda uu Raysal Wasaaruhu ugu horeeyo wada yihiin khaa'imiin aan waxba lagu aamini karin? Meeqo lacag ayaa kursiyadda lagu kala gatay ku gatay? Maxuuse qaban karaa Khaa'inul Waddan Raysal Wasaare Mudane Xassan Cali Kheyre ugu musuqmaasuq badan asagoo ay beesha caalamka u caddeysay inaysan wax dhaqaallo siin doonin xukuummadda uu hoggaaminayo? Akhri Warqada ay Hay'adda Qaramadda Midooway U-Qaabilsan Soomaaliya Iyo Eritrea u gudbisay Guddoomiyaha Guddigga Qaramadda Midooway kaasoo tallaabo ka qaadi doona madaxda Soomaaliyeed ee uu musuqmaasuqa hareeyey. Intii aad koobi garaysto lifaaqan si aad u hesho warbixinta Qaramadda Midooway oo dhan:-

Letter dated 2 November 2017 from the Monitoring Group on Somalia and Eritrea addressed to the Chair of the Security Council Committee pursuant to resolutions 751 (1992) and 1907 (2009) concerning Somalia and Eritrea

https://undocs.org/S/2017/924


Muqdisho 5da Diseembar 2017 Dowladda Federaalka ah ee  Soomaaliya,  ayaa maanta Heshiis taariikhi ah la gashay Dowladda Mareykanka mudo 30 sano ah kadib.

Heshiiskaan oo ku kacaya ku dhawaan $300 oo milyan oo Dollar,  ayaa waxa wax looga qaban doonaa arimaha Caafimaadka, Waxbarasha iyo hormarinta dhaqaalaha Dalka.

Hishiiskaan, ayaa Dowladda Soomaaliya waxaa u saxiixay Wasiirka Maaliyadda Soomaaliya, Mudane C/raxmaan Ducaalle Beyle iyo Wasiirka Qorsheynta, Maalgashiga iyo xiriirka caalamiga ah, Mudane Jamaal Maxamed Xasan, iyaddoona uu goob joog ka ahaa Ra’iisul wasaaraha Soomaaliya, Mudane Xasan Cali Kheyre.

Wasiirka Qorsheynta Xukuumadda Federaalka ah ee Soomaaliya, Mudane Jamaal Maxamed Xasan, ayaa dhowaan hishiis lagu horumarinayo kaabayaasha dhaqaalaha dalka iyo dhismaha wadooyinka ka baxa Magaaladda Muqdisho lagalay Dowladda Qatar, taasi oo ku baxaysa lacag dhan $200 oo Milyan oo dollar.

Sawirro:

Syria 5da Diseembar 2017 Madaxweynaha Dalka Syria Bishaar Al-Asad ayaa Aroos wadareed u sameeyay boqolaal Askari oo ku dhaawacmay dagaalka ay dowladdiisa kula jirto Ururka Daacish iyo xoogaga ka soo hor jeeda dowladiisa ee Syria.

Madaxweynaha Dalka Syria iyo Ururro ka shaqeeya arrimaha gudaha oo ka jira Dalkaaasi ayaa Aroos wadareed u sameeyay boqolaal ka mid ah Askarta dalkaas oo ku dhaawacmay dagaalka ay dowladda Syria kula jirto Ururka Daacish.

Munaasibaddan ayaa lagu qabtay Magaalada Laatikiya ee dalka Syria,halkaas oo Askarta aroosayay ay xirnaayeen Tuutaha dagaalka halka Gabdhaha loo xiray Taaj ka sameysay Caddaan iyo Calanka Dalka Syria.

Dhacdadii tan ka horreeyay 2013kii ayaa 15 Askari mar qura loo guuriyay Dadka ka hadlay Munaasibaddan ayaa u jeedka ku sheegay in Dadka dalkaas iyo Carruurtooda la jecleysiiyo dalkooda,Askartii naftooda u hurayna loo abaal gudo.

Muqdisho 5da Diseembar 2017 Waxaa magaalada Muqdisho maalintii Labaad ka soconaya wejigii 2-aad shirkii London ee arrimaha Soomaliya, kaasi oo ay ka qeyb galayaan madaxda dowladda Soomaaliya,kuwa dowlada Goboleedyada iyo saaxiibada beesha Caalamka,waxaana lagu wadaa in maanta la soo gaba gabeeyo iyadoo Warmurtiyeed laga soo saari doono.

Hadaba Shirka oo haatan socda ayaa waxaa laga jeediyay khudbado kala duwan oo aad muhiim u ah, waxaan ka soo qaadan doonaa nuxurka Khudbadahaasi, waxaana khudbadii ugu horeysay jeediyay Madaxweynaha Soomaaliya Maxamed Cabdulaahi Farmaajo oo ka hadlay Hormaro badan oo dhinaca dhaqaalaha iyo amniga ah oo dowlada sanadkan ay ku talaabsatay, Federaalka, Qorshaha Doorashada 2020 iyo Xiriirka wanaagsan ee ka dhaxeeya Dowlada Federaalka iyo Dowlad Goboleedyada hoostaga

“Hormaro badan ayaan ka sameynay dhinaca Amniga iyo Dhaqaalaha, waxaa naga go’an inaan hirgalino Federaalka, Doorashada 2020 waa mida ugu muhiimsan Siyaasadeena waxaana socda wadatashiyada la xiriira sida ay u dhacayso doorashada, Xiriirka dowlad goboleedyada waa hagaajinay waxaana jirta wadashaqeyn wanaaagsan” ayuu yiri Madaxweynaha Soomaaliya.Ra’iisul wasaaraha Xukuumadda Soomaaliya Mudane Xasan Cali Kheyre ayaa isna jeediyay khudbad uu kaga hadlay arimo badan waxaana ka mid ahaa Miisaaniyadda Dowlada uu sheegay in lagu hormarinayo adeega Bulshada iyo in Canshuurta shacabka laga qaado oo lagu dhisayo Dugsiyo Waxbarasho

“Muda kadib Miisaaniyadda dowladda ee sanadka 2018 ayaa lagu hormarinayaa adeega Bulshada, Canshuurta shacabka Soomaaliyeed ayaa loogu dhisayaa Iskuulo waxbarasho, Waddanka hore ayuu socdaa” ayuu yiri R/wasaare Khayre.

Sidoo kale waxaa ka hadlay shirka qaar ka mid ah Madaxweyneyaasha Dowlad Goboleedyada, Madaxweynaha Puntland Dr Cabdiweli Maxamed Cali Gaas ayaa sheegay si Kala dambeyntii iyo Sharcigii dalka loo soo celiyo in muhiim ay tahay in la dhameystiro Dastuurka

“Kala dambeyntii iyo sharcigii si loosoo celiyo waxaa loo baahan yahay in Dastuurka dalka la dhameystito, waxaa socda wada hadalo, waa in laga wada qeybgalo lana xoojiyo” ayuu yiri Cabdiweli Gaas

Shariif Xasan Sheekh Aadan Madaxweynaha Dowlad Gobaleedka Koonfur Galbeed ayaa ka hadlay saameynta ka dhalata Fatahaadaha wabiga iyo Abaarta, isagoo sheegay in loo baahan yahay qorshe wax looga qabto.

“Caqabada na haysata waa fatahaada wabiga, sidoo kale Abaarta waa dhibaato na heysata waxaan u baahanahay inaan ka faa’iideysano wabiga oo keyd loo sameeyo, Kaliya markii ay Abaar dhacdo maaha in la gurmado,waxaan u baahanahay qorshe ku talagal ah oo wax looga qabto Abaaraha iyo ka Faa’iidaysi la’aanta Wabiga”ayuu yiri Shariif Xasan.

Madaxweynaha Dowlad Goboleedka Galmudug Axmed Ducaale Geelle Xaaf oo ka hadlay shirka ayaa codsaday in la taageero heshiiska ay wada galeen Galmudug iyo Ahlu sunna

“Galmudug hadii aan nahay waan dambeynaa waa in nala taageeraa, Ahlusuna ayaan la heshiinay Waxaan u bahanahay in nala caawiyo” ayuu yiri Xaaf.

Wasiirka Wasaaradda Dastuurka Xukuumadda Soomaaliya C/raxmaan Xoosh Jibriil ayaa ka hadlay meesha ay marayaan howlaha dastuurka.

“Dib u eegista dastuurka waa hab aad muhiim u ah, si hufan ayaan howsha u wadnaa waxaan tagnay xarumaha dowlad goboleedyada iyo Muqdisho oo aan ku qabanay wadatashiyo Bishii May waxaan la kulanay wasiirada dowlad goboleedyada ee dastuurka”ayuu yiri C/raxmaan Xoosh Jibriil

Wasiirka Arrimaha Gudaha Federaalka iyo Dib u heshiisiinta Soomaaliya Mudane Cabdi Faarax Saciid ( Juxa) oo markiisa hadalka qaatay ayaa ka hadlay hanaanka qaran ee dib u heshiisiinta iyo khilaafaad badan oo guulo laga gaaray

“Wadahalo badan ayaa qaadanay hadii ay ahaan lahaayeen shirarkii madaxda qaranka iyo dowlad goboleedyada, waxaan qabanay shir hanaanka Qaran ee dib u heshiisiinta kaasoo ay ka soo baxeen guulo la taaban karo, Khilaafaadka hada hormaro ayaa laga sameeyay si gaar ah wadahadalada Galmudug iyo Ahlusuna, waxaan kale oo aan wax ka qabanay dhismaha dowladaha hoose ee dalka” ayuu yiri Wasiir Juxa.

Jamaal Xasan Wasiirka Qorsheynta ayaa sheegay in la bilaabay qorshe looga feejignaanayo inay soo laabtaan abaarihii iyo dhibaatooyinkii kale ee saameeyay shacabka .

“Waxaan xaqiijinay in dhibaato mar dhacdaa inaanay soo laaban Qorshaheeda, sida abaarihi dhacay sanadkii hore ilaa sanadkan bartamahiisa,waxaan sameynay qorshaha Taageerada hadii ay ahaan laheyd midka fog iyo kan dhow si looga faa’ideysto kaalmada Bani’aadannimo iyo mida Hormarinta, qorshaha hormarinta Qaranka si joogta ah ayaan uga wadatashanaa anagga iyo dowlad goboleedyada”. Ayuu yiri Mudane Jamaal

Xaliimo Yarey, oo ah Guddoomiyaha Guddiga Doorashada Qaranka ayaa sheegtay in la bilaabay diiwaan galinta Xisbiyada iyo diyaarinta habka diiwaanka Codeeyeyaasha.

“Gudiga doorashada qaranka waxaa uu Diyaariyay qorshe Howleedka, waxaa ka mid ah bilaabida diiwaan galinta Xisbiyada, waxaa diiwaan galinay 7 xisbi, waxaa kale oo aan diyaarinay habka diiwaanka codeeyaasha” ayay yiri Xaliimo Yareey.

Wasiirka haweenka iyo xuquuqul insaanka ee xukuumadda Soomaaliya Deeqa Yaasiin ayaa sheegtay inay ay sameeyeen siyaasadii lagu dhisi lahaa Guddiga Xuquuqul Insaanka.

“Waxaan sameynay siyaasadii dhisida guddiga Xuquuqul Insaanka,waxaana u qoondeenay in lagu qeybiyo 50% Raga iyo 50% Haweenka waxaana ku jira dadka Naafada ah, waan sii wadeynaa sameynta Siyaasadaha Muhiimka u ah ilaalinta Xuquuqda dadweynaha”ayay yiri Wasiirka Haweenka.

Sidoo kale madasha waxaa khudbado ka jeediyay wakiilada beesha caalamka ee shirka ka qeyb galaya waxaana ka mid Safiirka dowladda Sweden ee Soomaaliya Mikael Lindvall oo sheegay in Soomaaliya sanadihii ugu dambeeyay ay ku guuleysatay waxyaabo badan

“Waxyaabaha Soomaaliya ay ku guuleysatay waxaa ka mid ah ka qeybgalinta Siyaasadda ee Haweenka,shirkan waxaa uu muujinayaa hormarka Soomaaliya,Ilaalinta xuquuqda Aadanaha waa muhiim, waa in xooga la saaro qabsoomida doorashada 2020, Dowladeyda waxa ay garab istaageysaa dadka iyo dowladda Soomaaliya,waxaan goaansanay inaan dib eegno taageeradeena, si aan kor ugu qaadno Hormarka ka socda Soomaaliya.

Maxamed Cali Guyo Wakiilka Urur Goboleedka IGAD ee Soomaaliya ayaa Ra’iisul wasaare Kheyre kaga mahad celiyay doorkii uu ka qaatay wada hadalada Galmudug iyo Ahlu sunna, isagoo sidoo kale ka hadlay doorashada iyo arimo kale

“Waxaan kaaga mahad celinayaa Ra’iisulwasaare ka qeyb qaadashada wadahadalkii Galmudug iyo Ahlusunna, Doorashada 2020 qabsoomideeda qof iyo cod waa muhiim”

Ujeedka guud ee shirkan ka socda magaalada Muqdisho ayaa ah in dowladda Soomaaliya ay soo bandhigto waxyaabihii uga qabsoomey shirkaasi oo wejigiisa koowaad ka dhacay magaalada London ee xarunta Dalka Brtian bishii May ee sanadkan 2017.

Gedo 5da Diseembar 2017 Taliyaha Qeybta 43 Aad ee Ciidanka Xoogga Dalka Soomaaliya general cismaaciil Saxardiid  oo la hadlay idaacadda ku hadasha afka ciidamada qalabka sida ayaa waxaa uu sheegay in hogaamiyaha ugu sareeya Al-Shabaab Axmed Diiriye Abuu cubeyda.

Sidoo kale waxaa uu tilmaamay in hogaamiyaha Al-Shabaab uu gaaray degaano ka tirsan gobalka gedo,islamarkaana halkaasi ay ku sii qul qulayaan Dagaalamayaal ka tirsan Al-Shabaab.

Taliyaha ayaa waxaa uu sheegay in maanta halkaasi ciidamada xoogga dalka ay ka bilaabeen howlgal ka dhan ah Al-Shabaab iyo sidii looga saari lahaa degaanada hoostaag gobalka gedo oo ay ku sugan yihiin Shabaab badan.

Waxaa maalmihii la soo dhaafay jiray warar soo baxaya oo sheegaya in Hogaamiyaha  ugu sareeya Al-Shabaab uu gaaray Degaano ka tirsan gobalka Gedo,inkastoo haatan warkaasi uu xaqiijiyay Taliyaha Qeybta 43 aad ee ciidamada Xoogga Dalka.

Hayeeshee Sababata keentay in dagaalamayaasha Al-shabaab ay u gaareen gobalka gedo ayaa lagu sheegay inay tahay kadib markii ay sii kordheen duqeymaha ay diyaaradaha mareykanka ka fulinayaan qeybo ka mid ah gobalada oo ay ku sugan yihiin Al-Shabaab.

Muqdisho 5da Diseembar 2017 Muqdisho soo gaaray dhammaan maamul Goboleedyada sanadkan ciyaaraya tartankan markii labaad lagu qabanayo Muqdisho.

Haddaba waxaa sanadkan ka qeyb galaya Lix Maamul Goboleed oo la isugu aadiyay Sidan

Group A: Banaadir, Galmudug iyo Jubaland.

Group B:

Puntland, Hirshabeele iyo Koonfur Galbeed.

Puntland oo sanadkii hore ku guuleystay tartanka Maamul Goboleedyada Soomaaliya ayaa gashay Group ay malaha dhib badan kala kulmi doonin.

Tartanka ayaa furmi doona Jimaha soo socota oo ay bisha ku beegan tahay 8-da December waxaana lagu furi doonaa Banaadir iyo Jubaland.

Muqdisho 5da Diseembar 2017 Wasiirka Wasaaraddda Amniga Xukumadda Federaalka Soomaaliya Maxamed Abuukar Islow Ducaale oo la hadlay Warbaahinta ayaa faah faahin dhinacyo kala duwan taabanaysa ka bixiyay Amniga Dalka.

Maxamed Abuukar Islow Ducaale Wasiirka Wasaaraddda Amniga Xukumadda Federaalka Soomaaliya ayaa tilmaamay in ay meel wanaagsan marayso Howgala laamaha Amniga Soomaaliya ku xaqiijinayaan Amaanka Caasimadda Soomaaliya ee Muqdisho iyo Gobolada Dalka.

Wasiirka ayaa soo hadal qaaday in ay wax badan ka hirgaleen Qodobadii kasoo baxay shirkii london ee looga hadlay Arrimaha Amniga Soomaaliya kaasoo ay goobjoog ka ahaayeen Madax kala duwan.

Hadalkaan Wasiirka Amniga XFS Mudane Maxamed Abuukar Islow Ducaale ayaa imaanaya xili Magaalada Muqdisho uu ka soconayo Shirka looga hadlayo Amniga Dalka oo uu furay Madaxweyne Maxamed C/llaahi Maxamed Farmaajo ayna ka qeyb galayaan Madaxda Dowlad Goboleedyada qeybta ka ah Dowladda dhexe.

Muqdisho 5da Diseembar 2017 Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo khudbad ka jeediyay furitaanka Shirweynaha Amniga Soomaaliya ee ka furmay magaalada Muqdisho ayaa sheegay in Dowladda Federaalka Soomaaliya ay ka go’antahay dhismaha ciidan qaran oo tiro iyo tayo ahaanba ku filan in ay amniga kala wareegaan Ciidanka Nabad Ilaalinta Afrika ee Soomaaliya (AMISOM).

Shirkan oo muddo labo maalmood ah soconaya ayaa Soomaaliya iyo Beesha Caalamku waxa ay dib u eegid ku samaynayaan qorshayaashii ka hirgalay shirkii Soomaaliya ee London, hirgalinta qorshaha qaab-dhismeedka Amniga Qaranka oo haatan ay meel wanaagsan maraya howlaha isku dhafka Ciidanka iyo sidii Dowladda Federaalka Soomaaliya ay ula wareegi lahayd amniga dalka kaddib markii uu soo gaba-gaboobo howlgalka nabad ilaalinta Midowga Afrika ee Soomaaliya AMISOM.

Madaxweynaha ayaa ugu baaqay beesha caalamka in ay dhankooda si mug leh u buuxiyaan kaalinta ay maanta Soomaaliya ka sugayso, gaar ahaan dagaalka ka dhanka ah  Alshabaab.

“Waxaa noo muuqata ifafaallo ku aaddan Soomaaliya oo xor ka ah l-shabaab,dhammaanteenna taas ayaan ka midaysannahay oo aan ka leenahay qorshe midaysan, beesha caalamkana waxa aan ka doonaynaa in ay si buuxda uga  soo dhalaasho ballan qaadyadii Shirkii London.”

Madaxdka iyo masuuliyiinta ka soo qayb galay Shirweynaha Amniga Soomaaliya waxaa ka mid ahaa Raiisul Wasaaraha dalka, Raiisul Wasaare Kuxigeenka, Xubno ka mid Golaha Wasiirrada, Madaxweynayaasha Dowladda Goboleedyada,Guddoomiyaha Gobolka Benaadir.s Taliyeyaasha Ciidamada, Safiirrada dalalka shisheeye ee Soomaaliya, Wakiillada Qaramada Midoobay iyo Midowga Afrika ee Soomaaliya, wufuud ka kala timid caalamka iyo hoggaanka Ciidamada Nabad Ilaalinta Afrika ee AMISOM.

Boosaaso 5da Diseembar 2017 Magaaladda Boosaaso ee Gobolka Bari ayaa ku waramaya in rag hubeysan ay gudaha Magaaladaas ku toogteen Xalay sarkaal sare oo katirsanaa ciidamada Booliska Maamulka Puntland.

Sarkaalka la dilay ayaa magaciisa lagu soo koobay Qaasim, wuxuuna ka tirsanaa Ciidamada Mamulka Puntland,qeybta Magaladda Boosaaso.

Dhanka kale Xarakada Al-shabaab ayaa sheegatay Mas’uuliyadda dilka sarkaalka ka tirsanaa Ciidamada Maamulka Puntland.

Muqdisho 5da Diseembar 2017 Axmed Maxamed Islaam Axmed Madoobe,Madaxweynaha Dowlad Goboleedka Jubbaland ayaa marka hore sheegay in laba qodob oo kaliya wax looga qabankaro amniga Guud ee dalka taas oo fududeyn karta.

Waxa uu sheegay in marka hore lala dagaalamo fikirka qaldan oo kooxaha Argagaxisada ay dadka Soomaaliyeed ku marin habaabinayaan, iyaga oo la helikaro taageerashada Shacabka.

Sidoo kale Madaxweyne Axmed Madoobe ayaa hadalkiisa intaas raaciyay, in tan labaad la dejiyo qorsho Ciidamada xoogga dalka iyo kuwa AMISOM ay siwadajir ah u qaadan howlgal ka dhan ah Al-Shabaab oo dalka looga saarayo sida uu hadalka u dhigay.

Dhowr mar ayaa Madaxda dowladda iyo kuwa Maamul goboleedyada waxa ay ku cel celiyeen in muhiim ay tahay in siwadajir ah loola dagaalamo Al-Shabaab balse taasi aan la fulin.

Israa'iil 5da Diseembar 2017 Israa’iil ayaa gantaalo ku garaacday saldhig militari oo ay dowladda Suuriya leedahay kaasi oo ku yaalla meel u dhaw caasimada Dimishiq.

Qaraxyo xooggan ayaa laga maqlay gobolka Jamaraya oo ku yaalla galbeedka Dimishiq.

Koox u dooda xuquqda aadanaha Suuriya ayaa sheegtay in weerarkan lala bartilmaameedsaday xarun lagu sameeyo cilmi baarida sayniska iyo goob hubka lagu kaydiyo.

Telefishinka dowladda Suuriya ayaa sheegay in saddex ka mid ah gantaaladani laga hortagay.

Militariga Suuriya ayaa diiday in ay faahfaahin ka bixiyaan weerarkan.

Balse weerarkan ayaa ku soo beegmaya xiilli laba maalmood ka hor weerar kan la mid ah ay Israa’iil fulisay.

Dowladda Israa’iil ayaa sheegtay in ay ka walaacasn tahay galaangalka Iiraan ee dalka Suuriya.

Muqdisho 5da Diseembar 2017 Madaxweynaha dowlad goboleedka Galmudug Axmed Ducaale Geelle Xaaf ayaa sheegay in wahadaladii dhex maray iyaga iyo Ahlusuna Wal-Jamaaca ay guulo weyn ka gaareen.

Waxa uu sheegay in heshiiskii ay wada gaareen labada dhinac uu meesha ka saari karo culeysayadii siyaasadeed ee heystay Maamulka Galmudug.

Waxa uu shegay in haatan Galmudug ay qorsheyneyso in ay bilaawdo howlgallo lagu furayo wadooyin farabadan kuwaas oo haatan xiran si dhamaan gobolada kale ee dalka iyo maamulka Galmudug ay iskugu furmaan.Sidoo kale waxa uu sheegay in inta aysan bishaan dhamaan isaga iyo Madaxweyne Shaakir tegi doonaan Magaalada dhuusa Mareeb.

Turkey 5da Diseembar 2017 Madaxweynihii hore ee Soomaaliya Xasan Shiikh Maxamuud ayaa rajo wanaagsan ka muujiyay in natiijo wanaagsan ay ka soo baxdo Shirka ka socda magaalada Muqdisho ee looga hadlaayo amaanka iyo dhaqaalaha.

Qoraal uu Bartiisa Facebook soo dhigay Madaxweynihii hore ee Soomaaliya Xasan Shiikh Maxamuud ayaa waxa uu ku yiri.

“Shirka ka socda muqdisho waxaan rajeynayaa in ay ka soo baxdo Natiijo wanaagsan oo wax ku ool ah, dhinacyada ka qeyb galaya waxaan filayaa in ay diiradda saaraan sidii dhibka looga saari lahaa Soomaaliya oo dhibaato ku heysato dhaqaalaha, amaanka iyo siyaasadda” ayaa lagu yiri qoraalka Madaxweynaha.

Xasan Shiikh Maxamuud ayaa sheegay in Soomaaliya ay soo kaban doonto waqtiyada dhaw loona baahan yahay iskaashi iyo isku tanasulid.

WARARKA MAANTA 4da Diseembar 2017 Sir Culus! Ma jirtaan Maxkamadda Iyo Guddiyo Sharciga Waafaqsan oo Dastuuriyan ah? Su'aalaha Maanta: Waxaa xaqiiqo ah Guddigga Madaxabannaan ee Doorashooyinka Soomaaliya inuusan ahayn mid sharciyaysan sababtoo ah dalka weli ma loo dhisi Guddigga Garsoorka Madaxa banaan iyo Maxkamaddii Dastuuriga ahayd marka waxaa ceeb ah qof aan sharciga waxba ka aqoon inuu dalbado dhaqaallo asagoo guddiggiisa uusan wafaqsanayn dastuurka dalka oo weli qaybo qoraal ah? Maxaysa laba aqal u dhisi la yihiin Guddigga Garsoorka Qaranka Soomaaliyeed iyo Maxkammaddaha Sida Maxkamadda Dastuuriga, Maxkamadda Racfaanka Iyo Guddigga Maxkmadda Sare oo ayadu hadda noqotay meesha ugu musuqmaasuqa badan oo sharcigii iyo dastuurkii dalka ku beddeshay inay wax uu sii musuqmaasuqdo sida cad ee dhowr jeer lagu kashifay warbaahinta gudaha iyo dibaddaba? Maxay Dowladda Wada Dadban Iyo Madaxweynayaasha Maamul Gobaleedyadda ka wada hadli doonaan? Maxay ka wada hadli doonaan mashaariicda ay $ 200 milyan ay fulinayso Dowladda Qatar mise siyaasadda kale oo cusub ayey xilka uga qaadi rabaan Madaxweyne Mudane Maxamed Cabdilaahi Farmaajo Iyo Khaa'inul Waddan Raysal Wasaare Xassan Cali Kheyre oo ku fashilmay hoggaanka dalka Soomaaliyeed tan iyo intii ay xilka qabteen ilaa iyo hadda oo ay beesha caalamka diiday inay wax dhaqaallo ah siiso Dowladda Soomaaliya? Waa tee Dowladda Gobaleedka heli doonta dhaqaalaha ugu badan Dowladda Somaliland mis Dowladda Puntland? Maxayse Dowlad Gobaleedyada kale u helaan dhaqaallo ka yar tan ay helaan Dowladda Somalilland Iyo Dowladda Puntland?

Muqdisho 4da Diseembar 2017 Wararka inaga soo gaaraya xarunta Villa Baydhabo ee ciidanka Xoogga dalka Somaliyed, ayaa sheegaya in goor dhaw halkaasi uu ka dhex dhacay qarax.

Qaraxan ayaa wuxuu ahaa mid lagu soo xiray gaari uu leeyahay Sarkaal ka tirsan ciidamada Xoogga dalka Soomaaliyeed, kaasi oo gaarigiisa ku dhex qarxay xarunta Villa Baydhabo.

Gaadiidka yar yar ee ay leeyihiin Saraakiisha Ciidamada Xoogga dalka Somaliya, badanaa lama baaro, waana mida sababtay qaraxan oo gaari ku dhagan inuu dhexgalo Xarunta Villa Baydhabo ee Magaalada Muqdisho.

Yeman 4da Diseembar 2017 Wararka ka imaanaya dalka Yaman ayaa sheegaya in madaxweynihii hore ee dalkaasi Cali Cabdalla Saalax lagu dilay dagaal uu Xuutiyiinta kula galay magaalada Sanca.

Telefishin ay Xuutiyiinta maamulaan oo lagu magacaabo al-Masirah ayaa baahiyay muuqaalka nin wasiirka arrimaha gudaha lagu sheegay oo shaacinaya in “la afjaray dhibaatada maliishiyada khiyaanada qaran sameysay, lana dilay hoggaamiyahooda”.

Dad ka tirsan xisbiga Mr Saalax ayaa sidoo kale xaqiijiyay geeridiisa, sida uu baahiyay TV-ga Al-Carabiya.

Sawirro iyo muuqaallo lagu baahiyay baraha bulshada waxay muujinayaan maydka qof u eg saalax oo dhaawacyo xun ay ka gaareen madaxa.

Xisbiga siyaasadeed ee uu ka tirsan yahay ayaa beeniyay in la dillay xilli hore, ka dib markii kooxda Xuutiyiinta ay qarxiyeen gurigiisa ku yaalla caasimadda Yaman ee Sanca.

Wixii ka horeeyay isbuucii tagay, taageerayaasha Cali Cabdalla Saalax waxay la safnaayeen ururka shiicada ah ee Xuutiyiinta, waxayna dagaal kula jireen dowladda Yaman ee Sucuudiga uu taageero.

Madaxweyne Cabdrabbuh Mansuur Haadi oo la doortay ka dib markii Saalax xilka looga tuuray kacdoon ayaa xarun ka dhigtay Sacuudiga.

Balse khilaaf siyaasadeed iyo muran dhanka maamulka ee masaajidka wayn ee ku yaalla meesha mucaaradka ay maamulaan ee Sanca ayaa sababay dagaal culus oo oo dhexmaray taageerayaasha Cali Cabdalla Saalax iyo maleeshiyada Xuutiyiinta.

Ugu yaraan 125 qof ayaa ku dhimatay, 238 kalena way ku dhaawacmeen dagaalka oo socday tan iyo Arbacadii la soo dhaafay.

Sabtidii, Saalax wuxuu ku baaqay “in bog cusub la furo” oo uu taageerayo Mr Haadi, haddii isbeheysiga Sacuudiga uu hoggaaminayo ay joojiyaan weerarka Yaman iyo xannibaadda xun ee ay ku hayaan.

Isbeheysiga iyo dowladda Cabdurabah Mansuur Haadi ayaa soo dhoweeyay hadalkaasi. Balse, Xuutiyiinta waxay Saalax ku eedeeyeen in uu “afgembinayo” isbeheysi “uusan weligii aaminin”.

In ka badan 8,670 qof ayaa lagu dilay, 49,960 kalena waa lagu dhaawacay dagaalka bilowday ka dib markii isbeheysiga Sacuudiga uu farageliyay Yaman sannadkii 2015-kii, sida ay sheegtay Qaramada Midoobey.

Dagaalka iyo go’doominta ayaa sababay 20.7 milyan oo qof in ay si adag ugu baahdaan gargaar bini-aadamnimo. Arrintaas ayaa lagu tilmaamay in ay tahay cunta la’aanta ugu xun Caalamka, waxaana ka dhashay daacuun dilay 2,211 qof, tan iyo bishii April.

Maamulka Somaliland 4da Diseembar 2017 Guriga uu deganyahay wasiirka Madaxtooyada Somaliland Maxamuud Xaashi Cabdi ayaa ku gubtay magaalada Hargeysa.

Wariyaha Hargeysa ee Idaacadda Kulmiyr ayaa sheegaya in aanay cid ku dhiman islamarkaana aanu jirin dhaawac balse ay gubatay alaabtii guriga taalay oo dhami, dadka qaar ayaa sheegaya in alaabo iyo dukmentiyo ay ku jiraan alaabaha guriga ku gubtay.

Ciidamada Dabdamiska oo goor dambe soo gaaray guriga ayaa bakhtiiyay dabka.

Ciidamada Booliiska ayaa u diiday warbaahinta inay muuqaalo iyo sawiro ka qaataan guriga wasiirka ee gubtay.

Haayadaha dabdamiskaa ilaa iminka kama hadalin guriga wasiirkan ee maanta ku gubtay magaalada Hargeysa iyo cida ka dambeysa dabkaasi.

Muqdisho 4da Diseembar 2017 Askari ka tirsan ciidamada ku sugan Isgoyska Ex-Control Afgooye ayaa ayaa rasaaseeyay dad shacab ah oo maraayay meel aanan ka fogeyn Isgoyskaasi.

Rasaasta uu furay askarigaasi ayaa waxaa ku dhaawacmay saddex ruux oo haween ah oo mid ka mid ah la sheegay in xaaladeeda ay liidato.

Lama oga sababta askarigaan uu u rasaaseeyay dadka shacabka ah ee maraayay Isgoyska Ex-Control Afgooye, iyadoo maanta wadooyinka Magaalada Muqdisho ay yihiin kuwa xiran oo dadkana ay lugeynayaan.

Ciidamada kale ee ku sugan Isgoyska Ex-Control ayaa xiray askariga dadka shacabka ah rasaaseeyay, waxaana laga qaaday qorigii uu falka ku gaystay.

Saddexda haweenka ah ee la dhaawacay ayaa la geeyay Isbitaalka Madiina ee Magaalada Muqdisho, halkaasi oo lagu daaweynaayo.

Kenya 4da Diseembar 2017 Dowladda Kenya ayaa sheegtay in ay sare u qaadi doonto duqeynta ay la beegsaneyso dagaalyahano ka tirsan Al-Shabaab oo la sheegay in ay buux dhaafiyeen gobolka Gedo.

Sarkaal Sare oo ka tirsan ciidamada Difaaca Kenya ayaa u sheegay Wargeys ka soo baxa Kenya in ay qaadi doonaan tilaabooyin deg deg ah oo arintaasi wax looga qabanaayo.

Waxaa uu sheegay in ay suurtagal tahay in Al-Shabaab ay kasoo gudbaan gobolka Gedo, islamarkaana ay soo galaan dhulka Keynta ah ee ku yaalla Kenya.

Maalmhii lasoo dhaafay ayuu xusay in ay wadeen howlgallo kala duwan oo lagu xaqiijinaayay Guud ahaan Ammaanka Xadka Soomaaliya iyo Kenya.

Boqolaal ka mid ah Dagaalyahanada Al-Shabaab ayaa gaaray degaano ka tirsan gobolka Gedo sida uu horay Risaala ugu xaqiijiyay Gudoomiye ku xigeenka gobolka Gedo.

Waxaa sidoo kale xusid mudan in la duqeeyay qaar ka mid ah dagaalyahanadii halkaasi gaaray

Muqdisho 4da Diseembar 2017 Xildhibaanada Baarlamaanka Jamuuriyadda Federaalka Soomaaliya oo maanta kulankoodii caadiga ahaa ku yeeshay xarunta Golaha shacabka ayaa ansixiyay xubin ka mid noqon doonta  Gudiga madaxa banaan ee hirgelinta iyo dib u eegista dastuurka.

Golaha Shacabka Jamuuriyada Fadaraalka marki uu furmay kulankooda waxaay cod aqlabiyadleh ku ansixiyeen xubinnimada Muumino Shiekh Cumar, oo noqotay Xubin ka mid ah Guddiga madaxa banaan ee hirgelinta iyo dib u eegista dastuurka.

Xildhibaanad Muumino ayaa lagu wadaa in ay marto xildhibaanada  Aqalka sare si ay u ansixiyaan  Golaha Aqalka sare markaasi oo ay noqon doonto xubin buuxdo oo ka mid ah  Gudiga madaxa banqaan ee hirgelinta iyo dib u eegista dastuurka.

Maraykanka 4da Diseembar 2017 Mid ka mid ah Dadkaasi oo la hadlay Qareenkiisa ayaa sheegay inay isaga iyo in ka badan 100 qof oo Somali ku xiran yihiin Xarun dadka lagu hayo oo ay Hay’adda Socdaalka Maraykanka ku leeyihiin magaalladda Oakdale ee Gobalka LOUSISIANA ee K/bari ee dalkaasi.

Waxa uu intaasi ku daray inay wada sugayaan sidii loogu soo masaafurin lahaa Somalia, inkastoo aysan ogayn xilliga la dhoofin doono.

Sarkaal ka tirsan Hay’adda Socdaalka iyo Xoojinta Canshuuraha Maraykanka (ICE) In 7 qof oo Somali ah oo ku xirnaa Xarunta dadka lagu hayo ee Elk River loo wareejiyey loo wareejiyey Xarun ku taalla magaalladda Oakdale ee Gobalka LOUSISIANA.

Qareen Kim Hunter oo ka mid ah Qareenadda u dooday 5 ka mid ah Soomaalida la soo dhoofinayo ayaa sheegay inay dadaal ugu jiraan sidii loo joojin lahaa Masaafurintaasi.

Waxa uu tilmaamay inay inta badan dalalka Europe ee ay ku nool yihiin Qurbo-joog badan oo Somali aysan marnaba dadka u masaafurinin dalka Somalia oo ay u arkaan Waddan ay aad khatar u tahay in lagu laabto.

Dhinaca kale,, 5 ka mid ah dadka Soomaalida ee la qorsheynayo in laga soo dhoofiyo Maraykanka ayaa la sheegay inay yihiin dad ku-dhawaad 20-sanno deganaa Maraykanka, isla markaana guursaday Xaasas Somali-Maraykan ah.

Shanta qof ee ay Qareenadooda haatan ku hawlan yihiin inay joojiyaan Masaafurintaasi waxaa magacyadooda lagu kala sheegay: Maxamed Aadan, Yoonis Cali, C/maalik Ramadaan Ibraahim, C/xakiim Maxamed iyo Abuukar Sheekh.

UK 4da Diseembar 2017 Dowladda Britain ayaa joojisay mashruuc gargaar caalami ah ka dib markii barnaamijka BBC Panorama baaritaan uu sameeyay lagu ogaaday in lacagta canshuur bixiyayaasha UK loo weeciyay dhanka xagjiriinta Suuriya.

Sidoo kale waxaa la ogaaday in ciidamo boolis oo UK ay taageerto oo ku sigan Suuriya ay la shaqeeyeen maxkamado fuliyay xukunno xad gudub ah.

Afhayeen u hadlay dowladda UK ayaa sheegay in eedaha ah la shaqeynta argagixisada ay u qaadaneyso “si dhab ah”.

Shirkadda mashruuca gargaarka fulisay oo lagu magacaabo Adam Smith International, ayaa sheegtay in si adag ay u beenineyso eedahaasi.

Booliska xorta ah ee Suuriya waxaa la dhisay ka dib kacdoonkii Suuriya si kala dambeyn loogu soo celiyo deegaanada ay ka taliyaan xoogagga mucaaradka.

Shirkadda Caalamiga ah ee Adam Smith (ASI) waxay mashruuca fulineysay tan iyo bishii Oktobar, 2014-kii.

Britain waxay ka mid tahay lixda dal ee bixiya dhaqaalaha mashruucan oo ah mid ku saabsan arrimaha amniga bulshada ku nool meelaha mucaaradka ay joogaan ee gobollada Xalab, Idlib iyo Daraca.

Waxaa loogu talagalay in uu ahaado boolis rayid ah oo aan hubeysneyn, iyo in aan lala shaqeyn kooxaha xagjiriinta, balse barnaamijka Panorama wuxuu helay tusaalooyiin muujinaya in shaqada mashruuca uusan sidaa ahayn.

Qaar ka mid ah eedaha lagu muujiyay Panorama waxaa ka mid ah:

  • Booliska in uu la shaqeeyo maxkamado fuliya dilal – sida kiiska laba dumar ah oo dhagax lagu dilay

  • Ciidamada waxaa la siiyaa lacag taas oo ka dib lagu cadaadiyo in ay u sii gudbiyaan “xagjiriinta” maamula meelaha ay joogaan

  • Askarta booliska waxay gacanta u galaan koox xagjir ah

  • Dad dhintay iyo kuwa aanba jirin ayaa magacyadooda lagu qaataa mushaarka booliska

Xoghayaha arrimaha dibadda ee Britain, Boris Johnson ayaa bishii April ku dhawaaqay in £4 milyan oo gini oo dheeraad ah la siinayo mashaariicda UK ay maalgeliso ee cadaaladda iyo amniga bulshada la xiriira, kaas oo ay fuliso laanta booliska xorta ah ee Suuriya.

Hay’adda ASI waxay sheegeysaa in FSP ay yihiin boolis aan hubeysnayn oo ka shaqeeya sharciga iyo kala dambeynta iyo amniga malaayiin qof oo ku dool dalka uu dagaalka ragaadiyay.

Afhayeen u hadlay ASI wuxuu sheegay “in si adag ay u beeninayaan eedaha Panorama”.

“Si fiican ayaan u maamulnay lacagta laga qaaday canshuur bixiyayaasha si loola dagaallamo argagixisada, in amni ay helaan dadka Suuriya iyo in la yareeyo halista ka dhalan karto ka shaqeynta dal uu dagaal ka socdo,” ayuu sheegay afhayeenka u hadlay ASI.

“ASI si guul ah ayey uga shaqeysay fulinta mashruuca ayadoo garab ka heleysa saaxiibadeeda, xilli ay jiraan caqabado adag, halis aad u sareysa. Waxaana korka kala socda xafiisyada arrimaha dibadda iyo barwaaqa sooranka iyo shan dowladood oo kale.”

Shirkadda ayaa ku doodeysa in booliska ay siiyay lacag caddaan ah maadaama aysan jirin wax kale oo la sameeyo, dowladda Britain na ay ka warhayso bixinta lacagtaasi.

Baarayaasha Panorama waxay gacanta ku dhigeen warqadaha ASI ee muujinaya in magacyada dad dhintay iyo kuwa aan jirin ay ku jiraan diiwaanka bixinta mushaarka.

Saldhig boolis oo ku yaalla magaalada Koknaya ee gobolka Idlib waxaa loogu talagalay in 57 askeri ay ku sugnaadaan. Balse warqadaha waxay muujinayaan in ASI markii ay booqatay halkaasi, bishii Sebtembar ee 2016-kii, in aysan qofna ku arag saldhigga.

Shirkadda waxay sheegtay in askarta lagu arkay booqashooyiin hore. Hadda waxay joojiyeen dhammaad dhaqaalihii lagu bixinayay saldhiggaasi Koknaya.

Sidoo kale waxay sheegeen in ay ogaadeen in magacyada askar dhimatay weli lagu qaadanayay mushaar.

Sidoo kale dukumiintiyada ASI waxay muujinayaan in boolis ku sugan Xalab ay ku qasbanaadeen in lacagta ay siiyaan koox xogjir ah oo lagu magacaanbo Nuur al-Din al-Zinki oo maamusha nawaaxigaas.

Warbixin ay soo saartay shirkadda caalamiga ah ee ASI, bishii July ee 2016-kii, waxaa lagu sheegay in laga baqayo in boqolkiiba 20 mushaarka booliska uu gacanta u galo kooxda xagjirka ah ee Zinki oo ilaaliya shan saldhig boolis oo ku yaalla meesha ay ka arrimiso.

lacag wareejinta ka soke, booliska waxay kooxda Zinki kala shaqeeyaan arrimo sida “bixinta amarada xarigga, gaarsiinta farriimaha iyo in dembiilayaal la hor geeyo maxkamadaha kooxda.”

Muqdisho 4da Diseembar 2017 Madaxweynaha maamulka Galmudug Axmed Ducaalle Geelle (Xaaf) iyo wafdi uu hoggaaminayo ayaa saakay ka soo degay Garoonka Diyaaradaha Aadan Cadde ee magaalada Muqdisho.

Wafdiga Madaxweynaha Galmudug waxaa Garoonka Diyaaraha ku soo dhaweeyay Wasiiro iyo xildhibaano ka tirsan Dowladda Federaalka, Saraakiil Ciidan iyo xubno kale.

Axmed Ducaalle Geelle (Xaaf) Madaxweynaha maamulka Galmudug magaalada Jabuuti ee dalka Jabuuti waxa uu uga qeyb galay wada hadalka Galmudug iyo Ahlusuna, kaasi oo maalmo ka socday halkaasi, waxaana laga soo saaray heshiis horudhac ah.Madaxweyne (Xaaf) ayaa ku biiraya shirka Amniga, kaasi oo maanta ka furmaya magaalada Muqdisho waxaana looga hadlayaa arrimo ay ka mid yihiin amniga iyo kobcinta dhaqaalaha.

Muqdisho 4da Diseembar 2017 Iyada oo la filayo in doorashada soo socota ee dalka Soomaaliya ka dhaceysa ay noqoto mid qof iyo cod ah ayaa hadana Guddiga doorashooyinka waxa ay shaacinayaan in loo baahan yahay Dhaqaalihii ku bixi lahaa doorashadaas.

Guddoomiyaha guddiga madaxa banaan ee doorashooyinka qaranka Xaliimo Ismaaciil Ibrahim(Yarey) ayaa sheegtay in hadii doorasho la gelayo ay tahay mid u baahan qarash farabadan.

Waxa ay sheegtay in doorashooyinkii horay uga dhacay Soomaaliya ay dalka u geysteen dhibaatooyin xaga dhaqaalaha,is lamarkaana ay dhici karto in xiliga doorashada markale la sheego in lagu celiyo suurtagalna ay tahay in Dhaqaalo la waayo.

Sidoo kale wax ay sheegtay in sikasto ay ahaataba in markii uu waqtigeeda dhamaado Dowladda hadda jirta in doorasho ay dalka ka dhaceyso isla markaana waqtiga loogu talo galo aysan dhaafi doonin.

Muqdisho 4da Diseembar 2017 Xildhibaanada Baarlamaanka Federaalka Soomaaliya ayaa Maanta oo Isniin ah kulan koodii caadiga ahaa waxa ay ku leeyihiin Xarunta Golaha Shacabka ee Magaalada Muqdisho.

Ajendaha kulanka Maanta ayaa ah Ansixinta Xubin ka tirsan Guddiga Madaxbanaan iyo Hirgelinta Dastuurka iyo sidoo kale Qaybinta Warbixin la xiririirta  wax ka badelka Xeer-hoosaadka Golaha Shacabka iyo ka Doodistiisa.

Xidhibaanada Baarlamaanka Soomaaliya ayaa marka hore ansixin doona Xubin ka mid ah Guddiga Madaxa banaan ee Dastuurka oo lagu soo daray Muumina Sheekh Cumar oo horey u noqotay Wasiir ku xigeen iyo xildhibaan oo dhawaan Golaha Wasiirada ay meel mariyeen.Intaasi kadib xildhibaanada ayaa ka doodi doona si ay wax uga bedelaan xeer-hoosaadka Golaha Shacabka,iyada oo qodobada wax laga bedelayo ay ka mid noqon doonaan soo xaadirista kulamada ee Xildhibaanada Baarlamaanka.

Diyaar garoowga kulanka Baarlamaanka ayaa haatan laga dareemayaa Xarunta Golaha Shacabka ee Magaalada Muqdisho.

Hiiraan 4da Diseembar 2017 Hiiraan ayaa waxa ay sheegayaan in xalay qeybo ka mid ah gobolkaasi dil iyo dhaawac loogu geystay dad Shacab ah.

Falkaan ayaa ka dhacay tuulada Gafiir oo hoostaga degmada Maxaas ee Gobolka Hiiraan,waxaana la sheegay in la dilay ilaa 2 ruux halka Saddex kalena la dhaawacay.

Ilaa iyo hadda lama oga cida ka dambeysa dilka iyo dhaawaca dadkaas iyo sababta falkaas loogu geystay.Qaar kamid ah Shacabka iyo waxgaradka deegaanka ayaa ku baxay goobta dhacdadaasi ka dhacday,waxaana loo  qaaday isbitaalka guud ee magaalada Baladweyne si loo dabiibo dadkii halkaasi lagu dhaawacay.

Deegaanka falkaas uu ka dhacay oo ah Dhul Miyi ah,ayaa waxaa cabsi soo wajahday qaar ka mid ah dadka deegaanka oo sheegaya in aysan ogeyn sababta dadkaas loo dilay kuwo kalena loo dhaawacay.

Afganistam 4da Diseembar 2017 Saraakiisha sirdoonka dalka Afqanistan ayaa sheegay in ciidamada dowlada ay ku dileen gobolka Helmand abaanduule sare o oak tirsan kooxda Taliban.

Mullah Shah Wali ayaa lagu tilmaamay in uu ahaa madaxa kooxda howlgalada gaarka ah u qaabilsan Taliban.

Bayaan ay soo saareen waaxda sirdoonka Afqanistan ayaa sheegay in sargaalkani lagu dilay gobolka Musa Qala .

Saraakiisha Afqanistan ayaa waxa ay intaa ku dareen in Mullah Shah Wali lagu ilay duqayn dhanka cirka ah.

Ururka Taliban ilaa iyo imika kama aysan hadlin dilak la sheegay in sargaalkani loo gaystay.

Saraakiisha Afqanistan ayaa waxa ay sheegeen in ninkani uu si toos ah ugu lug lahaa weerarada ay Taliban fuliyaan iyo howlo dhoofinta daroogada ah.

Qoryooleey 4da Diseembar 2017 Degmada Qoryooley ee Gobalka Shabeelaha Hoose ayaa soo sheegaya in Dagaalamayaasha Al-Shabaab ay xalay weerar ku qaadeyn Ciidamo ka tirsan milatariga Soomaaliya iyo kuwa midowga Africa ee AMISOM.

Dagaalka ayaa ka dhacay deegaan lagu magacaabo mashalaay oo ka tirsan degmada Qoryooley ee Shabeelaha Hoose waxaana la sheegay in uu ka dhashay khasaaro dhimasho iyo dhaawac.

Saraakiisha Ciidanka Soomaaliya ee ku sugan degmada Qoryooley oo aan la xariirnay ayaa sheegay in uu jiro weerarkaasi Khasaarana ay gaarsiiyeen Dagaalamayaasha Al-Shabaab, saraakiisha ma sheegin tirada dhimashada inta ay gaarsiisan tahay.

Muqdisho 4da Diseembar 2017 Shir weyne looga hadlaayo Amniga Qaranka ayaa maanta ka dhacaya magaalada Muqdisho waxaana ka qeyb galaya Madaxweynaha Soomaaliya, Ra’iisal Wasaaraha, Madaxda Maamul Gobaleedyada, Saraakiil Ciidan iyo Xubno ka tirsan Beesha Caalamka.

Shirkaan ayaa diiradda lagu saari doonaa xaaladda Soomaaliya waxaana laga soo saari doonaa qodobo wadajir ah oo amaanka ku saabsan sida ay noo sheegeyn qaar ka mid ah ka qeyb galayaasha Shirkaasi.

Xubno ka mid ah Saraakiisha ka qeyb galaya ayaa sheegay in shirkaan uu daba joogo Shirkii ka dhacay London ee arimaha Soomaaliya qodobadii ka quseeyay amaanka Soomaaliya, waxaana laga eegi doonaa waxyaabihii ka dhaqan galay iyo kuwa aan dhaqan galin Caqabadaha ku hor gudban.

Masar 4da Diseembar 2017 Ra’iisul Wasaarihii hore ee dalka Masar Axmed Shafiq ayaa sheegay inuu nabad qabo oo aanan la afduubin.

Qoyskan Axmed Shafiq ayaa walwal ka muujiyay noloshiisa ka dib markii wadanka Imaaraadka laga masaafuriyay.

Masaafurintan ayaa imanaysa kadib markii mas’uulkani uu sheegay inuu doonayo inuu u tartamo doorashadda Masar ka dhacaysa sanadka soo socda ee 2018-ka

Axmed Shafiq ayaa dalka Masar u cararay 2012-kii xiligii Maxamed Mursi uu xukunka dalka ku guulaystay.

Markii dambena waxaa Maxamed Mursi xilka ka tuuray General Cabdifataax Alsisi sanadkii 2014-kii.

Axmed Shafiq waxaa loo haystay arrimo la xiriira musuqmaasuq iyo wax isdaba marin.

Dalka Masar ayaa lagu wadaa sanadka soo socda ee 2018-ka inuu doorasho gallo.

Waxaana hadda wadankaasi ka taagan dhaqaalo xumo iyo amaanka oo aad u liita.

Cabdifataax Alsisi ayaa si weyn ula tacaalaya dagaal ay koox fadhigoodu yahay Siinaay ay ku hayso ciidanka dowladda

Maraykanka Iyo Koonfurta Korea 4da Diseembar 2017 Dhoolatuskan ayaa waxaa ka qayb qaadanaya 230 diyaaradood

Mareykanka iyo Kuuriyada Koonfureed ayaa bilaabay dhoolatuskii ugu balarnaa ee dhanka cirka ah.

230 diyaaradood ee ka qayb qaatadanaya dhoolatuskani ayaa waxaa ka mid ah diyaaradaha dagaalka ee loo yaqaano F-22.

Arrintani ayaa ku soo beegmaysa toddobaad ka dib markii Kuuriyada Waqooyi ay Tijaabisay gantaalkii ugu hormarsanaa oo ah nooca qaaradaha isaga tallaaba.

Militariga Mareykanka ayaa waxay sheegeen in dhoolatuskani wadajirka ah looga gol leeyahay in sare loogu qaado awoodda wada shaqaynta labada dhinac.

Saraalkiisha Mareykanka ayaa waxa ay intaa ku dareen in dhoolatuskani lagu xaqiijinayo nabadda iyo ammaanka gacanka Kuuriya.

Kuuriyada Waqooyi ayaa dhawaan tijaabisay gantaal ah nooca qaaradaha isaga tallaaba.

https://www.youtube.com/watch?v=lWbPv6eOIwE



December 2017

 

WARARKA MAANTA 3da Diseembar 2017 Sir Culus! Yaa khaa'inul waddan ah?

Su'aalaha Maanta: Ma waxaa shacabka Soomaaliyeed laga qarin karaa khaa'inul waddaninimada Raysal Wasaare Mudane Xassan Cali Kheyre oo ay beehsa caalamka u diiday inay wax dhaqaallo ah siiso xukuummadda uu hoggaaminayo? Maxayse umalaysay inay Wasiirka Isboortiga Iyo Dhallinyaradda Marwo Khadiijo ay


December 2017

 

WARARKA MAANTA 2da Diseembar 2017 Sir Culus! Yaa maanta runta qarin kara?

Su'aalaha Maanta: Maxuu Madaxweyne Mudane Maxamed Cabdillaahi Farmaajo u magacaawi la yahay Taliyaha Hay'adda Nabadsugidda Qaranka Soomaaliyeed Iyo Taliyaha Booliska? Maxay madaxda dalka ugu saraysa ay Dowladda Ethiopia daba dhilifka ugu noqdaan? Ma waxaan run ahayn inuu Wasiirka Maalliyadda Mudane Dr. Bayle uu shacabka Soomaaliyeed ku maaweelinayo inay hesho Wasaaradda Maalliyadda Dakhli kor u kacay kaasoo aan ku jaangoysnayn shilin Soomaali? Mudane Wasiir Dr. Bayle, Ilaa maalin


November 2017

 

WARARKA MAANTA 29ka Nofeembar 2017Sir Culus! Yaa maanta runta qarin kara? Su'aalaha Maanta: Yaa maanta diidi kara inay beesha caalamka u diiday inay dhaqaallo siiso Dowladda Soomaaliya muddadii la doortay Madaxweyne Mudane Maxamed Cabdillaahi Farmaajo 8dii Feebaraayo, 2017 ilaa iyo hadda wakhtigan la joogo? Maxay tahay sababta Dowladda Soomaaliya loogu diiday dhaqaallo gacanta loo geliyo? Xaqiiqda waxay caddaynaysaa inuu Madaxweyne Mudane Maxamed Cabdillaahi Farmaajo u doortay khaa'inul waddan Raysal Wasaare Mudane Xassan Cali Kheyre inuu noqdo Raysal Wasaaraha Soomaaliya asagoo la kashifay inuu musuqmaasuq baahsan galay taasoo ay sii fiican u kashiftay Shirkadda Soma Oil and Gas iyo shirkaddo badan oo qandaraas qarsoodi ah uu kula ga


November 2017

 


WARARKA MAANTA 21ka Nofeembar 2017 Sir Culus! Yaa maanta runta qarin kara?

Su'aalaha Maanta: Maxuuu qaban karaa khaa'inul waddan Raysal Wasaare Mudane Xassan Cali Kheure oo heshiisyadii qarsoodiga ahaa ee uu la galay Shirkadda Soma Oil & Gas si fiican loo kashifay asagoo $ 2 milyan oo saami beenaad laaluush ahaan ah loogu daray Shirkadda Soma Oil & Gas taasoo markii dembe ay Shirkadda Soma Oil & Gas boggeeda ku caddaysay inuusan wax saami ah ku darsan shirkadd


November 2017

 

WARARKA MAANTA 13ka Nofeembar 2017 Sir Culus Yaa qarin kara runta?

Su'aalaha Maanta: Maxaad kala socotaan fadeexadda iyo musuqmaasuqa Bangiga dhexe iyo guddoonka? Maxaad rajo ka sugaysaa Khaa'inul waddan Raysal Wasaare Mudane Xassan Cali Kheyre oo heshiisyadda qarsoodiga ah ee uu la galay Shirkadda Soma Oil & Gas iyo kuwo kale oo ayaantan dembe si fiican ay warbaahinta Soomaalida u fashishay? Ma ogtihiin sababta ay beesha caalamka u diiday inay wax dhaqallo ah ay gacanta u galiso Dowladda Wada Dadban ee uu hoggaaminayo Khaa'inul waddan Raysal Wasaare Mudane Xassan Cali Kheyre? Ma waxaa la qarin karaa argagixisadda Ururka Al-Shabaab ee loo magacaabay taliyayaasha sar-sare ee hoggaaminaya laamaha amniga kuwaasoo ragga Al-Shabab u samaynaya kaararka iyo waxayna siinaya baabuurka lagu qarixinayo shacabka aan waxba galabsan? Maxuu Guddoomiyaha Maxkamadda Sare Ibraahim Iidle u fashilay inuusan wax awood ah u lahayn hoggaaminta Maxkamadda Sare?

Dowlad Gobaleedka Somaliladn 13ka Nofeembar 2017 Dadka Jamhuuriyadda iskeed ugu dhawaaqday madaxbanaanida ee Somaliland ayaa u dareeray goobaha codbixinta si ay u doortaan madaxweynihii shanaad tan iyo markii uu gobolkaasi ku dhawaaqay inuu ka go’ay Soomaaliya inteeda kale, in ka badan shan iyo labaatan sanno ka hor.


October 2017

 


WARARKA MAANTA 20ka Okoobar 2017 Sir Culus Yaa runta qarin kara?

Su'aalaha Maanta: Goorma ayaa labada golaha casili doonaan Khaa'inul waddan Raysal Wasaare Mudane Xassan Cali Kheyre? Meeqo rag oo wasiiro aad ka dhigtay oo dumar dalka gudihiisa iyo dibaddaba ku soo kufsaday ayaanu soo bandhigi doonaan meesha, sida iyo booliska hawlahaas kufsi dembiyeedka ah dacwadeeda haya? Muxuu isku casilay Safiirkii Maraykanka ee U-qaabilsanaa dalka Soomaaliya? Ma qarin kartaa inta nin ee taliyayaal sar-sare oo Shabaab u-qaabilsanaa basaasnimadda iyo dilalka qorshaysan in aad ka dhigtay Saraakiil sar-sare oo laamaha amniga siday rabaan u hoggaaminaya si ay u sii xasuuqaan shacabka Soomaaliyeed? Maxuuse Madaxweyne Farmaajo Raysal Wasaare uga dhigay Mudane Xassan Cali Kheyre oo khaa'inul waddan ah kaasoo ay Soma Oil & Gas laaluush $ 2 Milyan oo magac-dhaw/Magac-Uyaal ah kula heshiiyey shirkadaas si ay u dhacdo kheyraadka Ummadda Soomaaliyeed? Maxuu Taliyaha Hay'adda Nabadsugidda Cabdillaahi Sanbolooshe uga hadli la yahay sida uu ugu guuldaraystay inuu amniga magaalada Muqdisho wax ka qabto? Maxuuse Taliyihii Booliska Soomaaliya Janaraal Cabdixakiin Daahir Saacid uga aamusay inuu ka hadlo halaagii lagu baabi'iyey shacabka Muqdisho oo si qarsoodi ah ugu soo ambabaxay dalka Maraykanka magaalada Washington DC meeshaasoo uu heshiis qarsoodi ah ula galay hay'addo shisheehe oo si been ah ugu cunna inay amniga Soomaaliya ka saacidayaan Dowladda Soomaaliya? Maxuu sida xaqiiqda ah u sharixi la yahay Wasiirka Amniga Mr. Isloow wixii dhacay? Muxuuse Wasiirka Arrimaha Gudaha Juxaa u sharaxi la yahay askartii fududaysay qaraxan asaga iyo wasiirka amniga Mr. Isloow? Maxuuse Wasiirka Warfaafinta uga hadli waayey fashilka hay'addaha amniga iyo taliyayaashooda halka uu warbaahinta u ogolaaday inay faafiso ceebaha madaxweyne Farmaajo Iyo Khaa'inul Waddan Raysal Wasaare Mudane Xassan Cali Kheyre?

Maraykanka 20ka Okoobar 2017 Barack Obama iyo George W Bush midkoodna ma soo qaadin magaca Trump

Barack Obama iyo George W Bush oo horay madaxweyneyaal u soo noqday ayaa walaac ka muujiyay xaaladda siyaasadeed ee dalka Maraykanka, arrintaas oo loo arko dhaliil maldahan oo ka dhan ah hogaaminta madaxweyne Donald Trump.

Obama ayaa ku baaqay in dadka Maraykanku ay diidan siyaasadda “kala qaybinta” iyo “cabsida” Bush-na wuxuu soo bandhigay eedkale oo ah in nolosha dadka lagu hayo “xoogsheegasho iyo yasid”

Haddaladaas ayay meelo kala duwan ka jeediyeen, midkoodnanase ma soo hadal qaadin magaca madaxweyne Trump.

Trump oo aad u naqdiyijiray madaxweynihii uu badalay ayaan wali arrintan ka hadlin.

Madaxweyneyaashii hore ayaa caadiyan ka xishooyin jiray in ay meel fagaare ah wax kaga sheegaan madaxda badasha Obama markii uu xafiiska ka tagayayna wuxuu sheegay in ixtiraaankaas uu sii wadi doona inta uu Trump xilka hayo sidii uu sameeyay George W Bush oo isaga ka sii horreeyay

Laakiin aamusnaanta ayuu joojiyay tan iyo markii ay soo baxday dadaallada uu Trump ku doonayo in uu ku nasakho oo ku badalo daryeelka caafimaadka ee Obamacare iyo waliba mamnuucitaankii “Muslimiinta” ee muranka badan dhaliyay iyo isaga bixiddii heshiiskii cimilada ee Paris.

Muqdisho 20ka Okoobar 2017 Dadka aan waxba galabsan ee iyaga oo nolol maalmeedkooda la harjadaya sida maangaabnimada iyo arxan la’aanta ah loo dilay waxaan Ilaahey uga baryayaa in uu ka waraabiyo naxariista Jannada.

Dhaawaca dalka gudhiisa ama dibaddiisa lagu daweynayo waxaan Ilaaheey uga baryayaa in uu dhakhso u bogsiiyo.

Qof kasta oo si toos ah ama si dadban gacan uga geystay howlaha gurmadku wuu ku mahadsan yahay waxaanna Ilaaheey uga baryayaa in uu ajar iyo farxad ka siiyo

Wasiirka arimaha dibadda Somaliya yuusuf Garaad

Muqdisho 20ka Okoobar 2017 Kadib, Qarixii dadka badan ku geeriyoodeen, waxay Ciiddanka Badda ee Midowga Europ ee (EU Naval Force), waxay Xafiiska QM ee Somalia soo gaarsiiyeen QALAB Cafaimaaf oo loogu talagalay in lagu taageero dadkii ay waxyeelladu ka soo gaartay Qarixii Zoope.

Diyaarad Helikopter ah oo ka soo kacday Markabka Dagaalka ee Spain ee ESPS RAYO ayaa waxay soo qaaday Shixnad Xamuul oo ay ku jiraan Qaboojiyayaasha lagu kaydiyo Dawooyinka iyo qalab kale, kuwaasi oo ay QM soo socdsatay, si loogu taageero dadkii ku dhaawacmay Qarixii ka dhacay Isgoyska Zoope.

Dhinaca kale, Guddiga Samafalka ee Ururka Midowga Europe waxay bilaabeen dadaalka Samafalka ee lagu taageerayo dadkii ku dhaawacmay qarixii bishan 14-dii ka dhacay Muqdisho.

Midowga Europe waxay sannadkan ugu deeqeen  Somalia Taageero Degdeg ah oo dhan 118 million oo EURO.

Muqdisho 20ka Okoobar 2017 Guddoomiyaha Gobolka Banaadir ahna duqa Muqdisho Thaabid Cabdi Maxamed oo Warbaahinta la hadlay ayaa sheegay in aysan aqbali doonin in dacayaad ay la kulmaan dhaawacyadii laga qaaday Muqdisho ee dalka dibadiisa la geeyay.

Guddoomiyaha ayaa sheegay in Hay’addaha Dowladda ay kula Xisaabtamayaan dhib walbo oo ay la kulmaan dhaawacyadii laga qaaday Muqdisho ee dalalka qaar la geeyay.

Waxa uu sheegay in Maamulka Gobolka Banaadir ay masuuliyad gaar ah ka saran tahay ka warqabka dadka dalka dibadiisa la geeyay.

Sidoo kale Guddoomiyaha Gobolka Banaadir ahna duqa Muqdisho Thaabid Cabdi Maxamed ayaa shacabka Soomaaliyeed ee dalalka qaar ee dhaawacyada loo qaaday ka codsaday iney ka warqabaan islamarkaana ay caawiyaan dadka dhaawacyada ah ee la geeyay dalalka ay ku sugan yihiin.

Hadalka Guddoomiye Thaabid ayaa imaanaya Xilli daryeel Caafimaad iyo ka warqab wanaagsan aysan helin qaar ka mid ah dhaawacyadii loo qaaday dalka dibadiisa gaar ahaan dhaawacyadii dowladda qadar ay geysay dalka Suudaan.

Muqdisho 20ka Okoobar 2017 Taliyaha cusub ee Ciidanka Xoogga dalka Soomaaliya S/Gaas C/weli Jaamac Gorod ayaa la kulmay Taliyaha Ciidamada AMISOM Jen, Cusmaan Nuur Subagle iyo saraakiisha ugu sareysa Ciidanka Midowga Afrika ee AMISOM, Labada dhinac ayaa waxa ay isla soo soo qaadeen sida ay lagama maarmaan u tahay in la sii xoojiyo howlgallada ka dhan ah ururka Al-Shabaab.

Taliyaha Ciidanka Xoogga ayaa sheegay in sanadkan  uu u noqon doono Ciidanka Xoogga dalka sanadkii dib-u-dhiska iyo howlgallada lagu lagula dagaalamayo Al-Shabaab, laguna xoreyn lahaa meelaha kooban ee dalka ay uga sugan yihiin.

“Kulankan muhiimka ah ee aynu halkan u fadhino ujeedkiisu waa in wadajir loogu diyaar garoobo dib u xoreynta goobaha dhiman ee Shabaabku joogo. Waxaan isla garanay AMISOM in  Soomaaliya laga ciribtiro Al-shabaab.” Ayuu yiri Taliyaha Xoogga Jen. Gorod.

Taliyaha AMISOM Jen. Sugable ayaa ugu hambalyeeyey Taliyaha cusub ee Xoogga dalka xilka culus ee loo magacaabay, wuxuuna cadeeyey in AMISOM ay diyaar u tahay sii xoojinta wada shaqeynta ka dhaxeysa labada dhinac.

EU 20ka Okoobar 2017 Raisul wasaaraha Mariano Rajoy iyo madaxda kale ee Yurub

Madaxwaynaha golaha midowga Yurub Donald Tusk ayaa sheegay in midowga Yurub aysan meelna uga banaaneen in ay ku lug yeeshaan dhaxdhaxaadinta arrinta Catalonia.

Waxaa uu hadalkan ka jeediyay maalinkii koowaad ee shirka wadamada Midowga Yurub .

Madaxwaynaha golaha midowga Yurub Donald Tusk ayaa sheegay in muranka ka taagan Catalonia aysan ka wadaxaajoon doonin hogaamiyayaasha midowga Yurub.

Xukuumada Spain ayaa khamiistii sheegtay in ay bilaabayso geedi socod ay kula wareegayso qaar ka mid awoodahii ismaamulka Catalonia.

Hogaamiyaha gobolka Catalonia,Carles Puigdemont,ayaa dhankiisa ku hanjabay in uu saxiixi doono madaxbanaanida gobolkaasi.

Madaxa guddiga midowga Yurub Jean-Claude Juncker ayaa sheegay in boqolkiiba shan oo kali ah la bixiyay lacagihii loogu talagalay in loogu deeqo dowladaha Afrika si loo dhimo qulqulka muhaajiriinta ka imanaysa qaarada.

Qaramadda Midooway 20ka Okoobar 2017 Qaramada Midoobe ayaa walaac ka muujisay wararka sheegay in barakicin qasab ah oo gaar ahaan lagu bartilmaameedsanayo dadka rayidka ah ee Kurdiyiinta ay ka socoto waqooyiga Ciraaq.

Waxaa sidoo kale jira warar sheegaya in rabshado lagula kacay dadka Kurdiyiin waqooyiga Ciraaq.

Ciidamada dowlada ayaa la sheegay in ay dileen qof dibad bax cabasho ah dhigayay magaaladda Khanaqin.

Ciidamada dowladda Ciraaq ayaa ku sii siqaya gooba ay horey u maamuli jireen xukuumada Kurdiyiinta.

Horey waxa ay Ciidamada Ciraaq gacanta ugu dhigeen magaalada qaniga ku ah Shidaalka ee Kirkuk, .

Qaramada Midoobey ayaa ugu baaqday xukumadda Baqdaad in ay xaqiijiso in la difaaco dhammaan dadka rayid ah.

Dhanka kale maamulka Kurdiyiinta Waqooyiga Ciraaq ayaa waxa ay soo dhaweeyeen wadaxaajoodka uu ku baaqay raisul wasaaraha Ciraaq.

Boosaaso 20ka Okoobar 2017 Warark aan ka heleyno Magaalada Boosaaso ee Xarunta Gobolka Bari ayaa waxa ay sheegayaan in Bartamaha Magaaladaas lagu arkayo Caagag loo maleynayo in ay qaraxyo ku jiraan.

Ciidamo farabadan oo ka tirsan kuwa Puntland ayaa ku harereysan halka la sheegay in uu qaraxa yaallo oo ah Aaga Isgoyska Suuqa Caanaha ee Boosaaso sida ay  sheegeen qaar ka mid ah Dadka Magaalada Boosaaso.

Ciidamada aya tan iyo Galabta daka u diidaya in ay ka agdhawaadaan Goobta looga shakisan yahay in uu yaallo qaraxa,waxaan sidoo kale la xiray goobihii Ganacsi eek u yaalla Aaga Suuqa Caanaha Magaalada Boosaaso.

Saraakiil ka tirsan Ciidamada Maamulka Puntladn ayaa xiriir lasameynay si aan wax uga weeydiino arrintaas balse kama jawaabin taleefoonaena.

http://www.somaoilandgas.com/shareholders/

Muqdisho Oktobar 20, 2017 Madaxweynaha Soomaaliya Maxamed C/llaahi Farmaajo ayaa warqado u diray Guddoonka labada Aqal ee Baarlamaanka Federaalka ah ee Soomaaliya, kaasoo uu kaga codsanayo qabashada kulan deg deg ah oo wadajir la isugu yeero Xildhibaanada Labada Aqal.

Madaxweyne Farmaajo ayaa ka dalbaday Guddoonka labada Aqal in maalinta Sabtida oo ku beegan 21 bisha October la isugu yeero xubnaha labada Aqal, si uu khudbad ku aadan xaalada dalka ugu jeediyo.

WARARKA MAANTA 19ka Okoobar 2017 Sir Culus Yaa runta qarin kara?

Su'aalaha Maanta: Muxuu isku casilay Safiirkii Maraykanka ee U-qaabilsanaa dalka Soomaaliya? Ma qarin kartaa inta nin ee taliyayaal sar-sare oo Shabaab u-qaabilsanaa basaasnimadda iyo dilalka qorshaysan inaad aad ka dhigtay Saraakiil sar-sare oo laamaha amniga siday rabaan u hoggaaminaya si ay u sii xasuuqaan shacabka Soomaaliyeed? Maxuuse Madaxweyne Farmaajo Raysal Wasaare uga dhigay Mudane Xassan Cali Kheyre oo khaa'inul waddan ah kaasoo ay Soma Oil & Gas laaluush $ 2 Milyan oo magac-dhaw/Magac-Uyaal ah kula heshiiyey shirkadaas si ay u dhacdo kheyraadka Ummadda Soomaaliyeed? Maxuu Taliyaha Hay'adda Nabadsugidda Cabdillaahi Sanbolooshe uga hadli la yahay sida uu ugu guuldaraystay inuu amniga magaalada Muqdisho wax ka qabto? Maxuuse Taliyihii Booliska Soomaaliya Janaraal Cabdixakiin Daahir Saacid uga aamusay inuu ka hadlo halaagii lagu baabi'iyey shacabka Muqdisho oo si qarsoodi ah ugu soo ambabaxay dalka Maraykanka magaalada Washington DC meeshaasoo uu heshiis qarsoodi ah ula galay hay'addo shisheehe oo si been ah ugu cunna inay amniga Soomaaliya ka saacidayaan Dowladda Soomaaliya? Maxuu sida xaqiiqda ah u sharixi la yahay Wasiirka Amniga Mr. Isloow wixii dhacay? Muxuuse Wasiirka Arrimaha Gudaha Juxaa u sharaxi la yahay askartii fududaysay qaraxan asaga iyo wasiirka amniga Mr. Isloow? Maxuuse Wasiirka Warfaafinta uga hadli waayey fashilka hay'addaha amniga iyo taliyayaashooda halka uu warbaahinta u ogolaaday inay faafiso ceebaha madaxweyne Farmaajo Iyo Khaa'inul Waddan Raysal Wasaare Mudane Xassan Cali Kheyre?

Muqdisho 19ka Okoobar 2017 Madaxweynaha dowlada Soomaaliya Mudane Maxamed cabdullahi farmaajo ayaa mar uu qudbad u jeedinyay dad dibad-baxayaal isugu yimid Studio Koonis kuwaa oo ka baroor diiqayay dadkii dhimashada iyo dhaawaca ku noqday Weerarkii 14 bishan ka dhacay isgoyska Zoobe ee Magaaalada muqdisho.

Madaxweyne Farmaajo ayaa Shacabka ugu baaqay iney Qorayga-qataan iskana dhiciyaal Cadawga, sida hadalka uu udhigay

Sido kale Madaxweynha ayaa sheegay iney bixinayaan Qarashaadka ku baxaya Ciidamo uu sheegay in loogu magac dari doono Ciidamada Difaaca Dadweynaha.
Waxuu Madaxweynha intaasi raaciyay Shabaab inta ay Soomaaliya joogaan in aan Gumeysi laga bixi doonin.

Muqdisho 19ka Okoobar 2017 War Saxafadeed kasoo baxay Taliska Ciidanka Xoogga Dalka Soomaaliya ayaa lagu beeniyay Warar ay baahiyeen Idaacadaha ka Howlgala Magaalada Muqdisho iyo wargesyadda caalamka.

Taliska ayaa sheegay in Wararka ay baahiyeen Idaacadaha Muqdisho uu Yahay mid waxba aan ka Jirin

Halkaan hoose ka Akhriso Warsaxaafadeedka

Warka ay baahiyeen Idaacadaha Muqdisho ka Howlgala iyo wargeys laga leeyahay dalka Ingiriiska ayaa ahaa Askari ka Tirsanaan Jiray Xoogga Dalka Soomaaliya inuu ku Lug Lahaa Qaraxii 14 Bishaan ka dhacay Muqdisho.

Taliska Ciidanka Xoogga Dalka ayaa Tilmaamay in Qaraxii ka dhacay Zoobe ay Fuliyeen Al-shabaab balse waxa uu Intaasi ku Daray Ciidamada Xoogga Dalka ay Al-shabaab ku weeraraan Gobolada Dalka.

‘’’Ciidamada Xoogga Dalka Soomaaliya waxa ay weerar ku qaadaan Goobaha ee Al-shabaab ka Joogaan Gobolada Dalka Soomaaliya waxaan Fulinaa Howlgalo aan ku dilno ciidamo iyo saraakiil ka tirsan Al-shabaab ayaa lagu Yiri Warsaxafadeed kasoo Baxay Taliska Ciidanka Xoogga Dalka’’

Taliska Xoogga Dalka Soomaaliya ayaa Sidoo kale sheegay in ay leeyihiin Afhayeen u Hadla Ciidamada Xoogga Dalka Soomaaliya kaa oo ka Hadlay Howlgalada Ciidamada ay Fuliyaan iyo Xaalada Adag ee Soo Wajaha Ciidamada Xoogga Dalka

Saraakiil ka Tirsan Ciidanka Xoogga Dalka Soomaaliya ayaa sidoo kale sheegay sheegay in dhawaan ay bilaawi doonaan Howlgal Al-shabaab lagu weerari doono Goobaha ay Joogaan.

Kismaayo 19ka Okoobar 2017 Warar dheeraad ah ayaa ka soo baxayo dilka Alle ha u naxariistee Xildhibaan Cabdi Xakiin Jaamac Cumar “Tima Farasle” oo ka tirsanaa Baarlamaanka Maamulka Jubbaland kaas oo xalay Fiidkii hore lagu dilay Kismaayo.

Goob joogayaal ayaa  xaqiijiyay in Marxuumka ay toogteen Labo nin oo hubeysan kuwaas oo dilka ka dib la sheegay si Cabsi la’aan ah in ay magaalada u dhaxmarayeen mana jirto wax dadaal oo ay Samaayeen Laamaha amaanka Jubbaland.

Ilo lagu kalsoon yahay oo ku sugan Kismaayo ayaa sheegay in Marxuumka la dilay loo maleynayo in dilkiisa aysan ka danbeyn Al-Shabaab balse lagu tuhmaayo in uu salka ku haayo muran dhinaca Dhulka oo maalmihii la soo dhaafay ka dhex taagnaa Xildhibaanka iyo Saraakiil kale.

Laamaha amaanka Jubbaland oo aan la hadalnay ayaa ka gaabsaday in ay Faah Faahin ka bixiyaan dilkaasi, balse Shacabka Kismaayo ayaa kuu sheegayo in dilka Xildhibaan Tima Farasle uu salka ku haayo muran dhinaca Dhulka oo maalmihii la soo dhaafay ka dhex taagnaa Marxuumka iyo Xubno kale oo ka tirsan Jubbaland.

Wararka kale oo dheeraad ah oo aan ka helnay Kismaayo ayaa xaqiijinaya in Marxuumka uu dilkiisa geesaty nin ku libisan dareeska Ciidanka Nabad Sugidda Jubbaland kadibna goobta ka baxsaday.

Waa markii ugu horeysay oo Bartamaha Kismaayo lagu t

Kismaayo 19ka Okoobar 2017 Dagaalamayaasha Aragixisadda Al-Shabaab ayaa sheegtay dilkii ka dhacay Kismaayo ee loo geestay Xildhibaan ka tirsan Baarlamaanka Maamulka Jubbaland.

Al-Shabaab ayaa sheegay in dilkaasi ay ka danbeeyeen waxayna sheegeen in dilkaas uu yahay kii ugu horeeyay oo loo geesto Xildhibaan ka tirsan Jubbaland.

In kastoo Al-Shabaab ay sheegteen dilkaasi ayaa warar kale ayaa xaqiijinaya in dilka Xildhibaanka uu salka ku haayo muran kala dhaxeeyay Mas’uuliyiin kale oo ka tirsan Jubbaland murankaas oo ka dhashay is qab qabsi la xariira dhul ku yaala Kismaayo.

http://www.somaoilandgas.com/shareholders/

Sir Culus

Yaa runta qarin kara dadka Ururka Argagixisadda Al-Shabab la shaqaynaaya? Yaase Askarigii is-qarxiyey u soo dhiibay gaarigii/baabuurkii shacabka lagu dhex qaxiyey?

Maxweyne Mudane Farmaajo, maxuu isku-casilay Safiirkii Maraykanka u jooga Soomaaliya Mudane Stephen Schwartz? Maxayse Xukuummadda uu hoggaminayo khaa'inul waddan Raysal Wasaare Mudane Xassan Cali Kheyre u heli weysay wax dhaqaallo oo ka yimaada beesha caalamka gaar ahaan Maraykanka iyo reer Yurub? Ma waxaad umalaynaysaa in aad xaqiiqda ka qarin karto Ummadda Soomaaliyeed Iyo beesha caalamka sidii loo soo abaabulay qaraxii lagu hagaalaya shacabka Muqdisho ee aad diidan tahay inay xitaa helaa xuquuqdooda heer federaal ahaan ah si ay wax ula qayb sadaan dowlad gobaleedyada kale ee hadda ka dhex-jira Soomaaliya?

Ma qarin kartaa xiriirka sirta culus ee sida loo fashilay?

Madaxweyne Mudane Farmaajo, laba usbuuc/laba toddobaad haddii aadan ku casilin khaa'inul waddan Raysal Wasaare Mudane Xassan Cali Kheyre waxaa dhici doono in adiga si lama filaan ah xoog laguugu casilo sidii ku dhacday Madaxweyne Mudane Cabdalaahi Yuusuf Axmed “Ayey”?

Ogoow in aanu nahay dadkii ku soo saaray gursigan, mar haddii aadan tallo Ummadda Soomaaliyeed u hoggaansamayn waxaad ogaataa meeshii iyo qasabkii madaxweyne Cabdilaahi Yuusuf laga tuuray xukunka inay kugu soo socoto?

https://www.rt.com/uk/335247-al-shabaab-oil-somalia/

WARARKA MAANTA 18ka Okoobar 2017 Sir Culus Yaa runta qarin kara?

Su'aalaha Maanta: Yaa ka dembeeyey qaraxii lagu dilay dad badan oo aan waxba galabsan? Maxaa ku kalifay Madaxweyne Mudane Farmaaho inuu dhaho afar sanno kaliya ayaan xilka haynayaa oo isma soo sharaxayo? Ma waxuu Farmaajo afartaas sanno aruursanayaa lacag uu dhaco? Maxuuse Madaxweyne Farmaajo Raysal Wasaare uga dhigay Mudane Xassan Cali Kheyre oo khaa'inul waddan ah kaasoo ay Soma Oil & Gas laaluush $ 2 Milyan oo magac-dhaw/Magac-Uyaal ah kula heshiiyey shirkadaas si ay u dhacdo kheyraadka Ummadda Soomaaliyeed? Maxuu Taliyaha Hay'adda Nabadsugidda Cabdillaahi Sanbolooshe uga hadli la yahay sida uu ugu guuldaraystay inuu amniga magaalada Muqdisho wax ka qabto? Maxuuse Taliyihii Booliska Soomaaliya Janaraal Cabdixakiin Daahir Saacid uga aamusay inuu ka hadlo halaagii lagu baabi'iyey shacabka Muqdisho oo si qarsoodi ah ugu soo ambabaxay dalka Maraykanka magaalada Washington DC meeshaasoo uu heshiis qarsoodi ah ula galay hay'addo shisheehe oo si been ah ugu cunna inay amniga Soomaaliya ka saacidayaan Dowladda Soomaaliya? Maxuu sida xaqiiqda ah u sharixi la yahay Wasiirka Amniga Mr. Isloow wixii dhacay? Muxuuse Wasiirka Arrimaha Gudaha Juxaa u sharaxi la yahay askartii fududaysay qaraxan asaga iyo wasiirka amniga Mr. Isloow?

Turkiga 18ka Okoobar 2017 Wargeyska The Guardian ayaa qoray Qaraxii lagu hoobtay ee Sabtidii 14-kii October ka dhacay Isgoyska Zoobe ee magaalada Muqdisho in uu ka dambeeyay Askari horey uga tirsanaa Ciidamada Dowladda Federaalka.

Qaraxan ayaa ahaa mid jawaab u ah weerarkii Duqeynta loo adeegsaday ee 25-kii August ee sanadkan Ciidamada Dowladda iyo kuwa Mareykanka ay ka geysteen degaanka Bariire ayna ku dileen 10 qof oo rayid ah, sida uu qoray Wargeyska.

“Weerarkan waxa uu ahaa mid lagu doonayay in lagu qaado Garoonka Diyaaradaha magaalada Muqdisho waxana waday gaariga qarxay Askari hore uga tirsanaa ciidamada dowlada kaas oo ka soo jeeda degaanka Bariire.” Ayuu daabacay Wargeyska.

Sidoo kale Qaraxan oo warar dheeraad ah ay ka soo baxayaan ayaa hadana Wargeyska wuxuu kaloo qoray weerarkan in loo adeegsaday laba Gaari oo midi Xamuul yahay, halka mid kalena uu ahaa Gaari NOAH, kaasi oo Ciidamada ammaanka ay ku qarxiyeen Agagaarka Ceel-qalow, kadib markii ay gacanta ku dhigeen ninkii waday.

“Gaariga yar waxaa la doonayay inuu isku qarxiyo albaabka laga galo Garoonka Diyaaradaha ee Aadan Cadde Medina Gate ka dibna Gaariga weyn uu wadada u furo si uu ugu qarxo gudaha ama afaafka hore ee Garoonka Diyaaradaha.”Ayuu qoray Wargeyska The Guardian.

Qaraxaan ayaa ahaa kii ugu khasaaraha badnaa ee abid ka dhaca Soomaaliya, ilaa iyo iminka ma jirto cid sheegatay, balse Dowladda Soomaaliya iyo xeeldheerayaasha arrimaha Argagixisada ayaa rumeysan qaraxii Zoobe in ay ka dambeeyeen Al-Shabaab.

Muqdisho 18ka Okoobar 2017Waxaa mudo ka badan 30 Daqiiqo xiran Isgoyska Ceelgaabta ee degmada Xamarweyne ee Gobolkaan Banaadir Kadib markii halkaasi lagu arkay Gaari weyn oo laga shakiyay.

Gaari Nooca ay Soomaalida u taqaano Candhamedlaha ayaa yaalla halkaasi kaas oo looga shakisan yahay in ay ka buuxaan waxayabaha qarxa taas oo keentay in Ciidamadu wadada xiraan.

Dadka ka agdhow Goobta uu yaallo Gaariga ayaa waxa ay sheegeen in Darawalkii waday Gaariga oo ka maqnaa in markii dambe uu yimid haatana Ciidamada amniga ay Su’aalo weeydiinayaan.

Sudan 18ka Okoobar 2017 Dowladda Federaalka ah ee Soomaaliya Bukaanaddii Maanta ay ka qaaday Magaaladda Muqdisho ee ku wajahnaa Dalka Suudaan, ayaa hadda ka degay Magaaladda Khartoum ee Xarunta dalkaasi, halkaas oo ay kusoo dhoweeyeen Masuuliyiin Safaaradda Soomaaliyeed ee Suudaan iyo Jaaliyadda Dalkaasi ku nool.

Madaxweynaha Dowladda Sudan, Cumar Albashiir, ayaa kahadlay qaraxii Zoobe ee Dadka badan ay ku dhinteen, isagoo sheegay in Bukaanadda Wadaankaasi gaaray oo gaaraya 23 Qof ay Dowladdiisa u balan qaadeyso in addeeg Caafimaad ay siin doonto, islamarkaana Suudaan ay diyaar u tahay Caawinaada iyo Garab istaaga Soomaaliya, ayna la qeyb saneyso Dhibaatada.

Cumar Albashiir, Madaxweynaha Wadanka Suudaan, ayaa Amray Wasaaradda Caafimaadka ee Wadankaasi in il gaar ah lagu hayo bukaanada Soomaalida ah, loona fidiyo Gargaar caafimaad oo tayo leh, waxaana uu intaas ku daray in xil gaar ah la iska saaro

Afooye 18ka Okoobar 2017 Dagaalamayaasha Argagixisadda Al-Shabaab ayaa xalay weerar ku qaaday Saldhig ay Ciidanka Dowladda ku leeyihiin degmadaasi.

Dagaal culus oo socday ku dhawaad 30 daqiiqo ayaa ka dhacay Afgooye waxaana la sheegay in uu ka dhashay Khasaaro dhimasho iyo dhaawac soo kala gaaray Labada dhinac.

Goob joogayaal ayaa  sheegay in mudadii uu dagaalka Socday saameyn balaaran ku yeeshay dadka deegaanka.

Saraakiisha degmada oo aan la hadalnay ayaa sheegay in uu jiro dagaalka islamarkaana uusan dhinacooda Khasaaro soo gaarin.

Al-shabaab ayaa Sheegtay in ay Guulo ka gaareyn Dagaalkaasi

Muqdisho 18ka Okoobar 2017 Sarkaal sare oo ka tirsan sirdoonka Soomaaliya ayaa VOA-da u sheegay in qaraxi ay dadka badani ku dhamaadeen ee Sabtidi ka dhacay Muqdisho uu bartilmaameedkiisu ahaa saldhigga ciidan ee ay Dowlada Turkiga dhawaan ka furtay magaalada Muqdisho.

Sarkaalkan oo diiday in magaciisa la xuso ayaa sheegay in macluumaadka ay ururiyeen tan iyo inti uu qarraxa dhacay ay tilmaamayaan in hadafku uu ahaa in saldhiga milatari ee ay Turkigu ku leeyihiin Muqdisho.

30-ki bishii September ayaa si rasmi ah xariga looga jaray saldhiga milatari ee Turkiga uu ka furay Muqdisho. Sida ay sheegtay Dowlada Turkiga, qorshaha ayaa ah in 200 oo sarkaal oo Turkish ah ay xerada ku tababari doonaan ilaa iyo 10,000 oo Askari oo Soomaali ah.

Dhinaca kalana, Agaasimihi hore ee Hey’adda Nabadsugida Qaranka Soomaaliya Axmed Macallim Fiqi ayaa VOA-da u sheegay in bamkii lagu qarxiyay isgoyska Zoobe lagu soo diyaariyay dhul beera ah oo ku yaala duleedka degmada Afgooye ee gobolka Shabeelaha Hoose.

Sidoo kale madaxii hore ee mukhaabaraadka Puntland Cabdi Xassan Xuseen ayaa isna sheegay in loo xaqiijiyay in baabuurka lagu fuliyay qarraxi ugu xumaa abid ee ka dhaca Soomaaliya uu ka yimid dhulka ay maamulaan Al-Shabab ee duleedka magaalada Muqdisho.

Saraakiisha amniga ee Dowlada Soomaaliya ayaa sidoo kale xaqiijiyay in ay su’aalo weydiinayaan darawalka baabuur Toyota NOAH ah oo isna Sabtidii hore ku qarxay magaalada Muqdisho, Waxay kaloo sheegeen in ay xireen Afar nin oo looga shakisanyahay in ay ka tirsanyihiin Al-Shabab isla markaana lala xiriirinayo qarraxii lagu baaba’ay ee Muqdisho.

Hindiya 18ka Okoobar 2017 Allaha u Naxariistee waxaa dalka India ku geeriyooday Xildhibaan ka tirsanaa Baarlamaanka Federaalka Soomaaliya oo lagu Magacaabi jiray Bootaan Ciise Caalin.

Xildhibaanka ayaa Maalmihii la soo dhaafay ku xanuunsanayay Isbitaal ku yaalla gudaha dalkaasi kadib markii howlo Caafimaad darted loo geeyay sida ay xaqiijiyeen Eheladiisa.

Xildhibaanka Allaha u Naxariistee ayaa horay waxa uu uga mid noqday Hoggaamiyaashii dalka ee dagaalka la galay Midowgii Maxkamadaha Islaamiga,waxaana ugu dambeyn haatan uu ka mid ahaa Xildhibaanada baarlamaanka ee laga soo doortay deegaanada Galmudug.

Muqdisho 18ka Okoobar 2017Sarkaal sare oo ka tirsan sirdoonka Soomaaliya ayaa warbaahinta u sheegay in qaraxi ay dadka badani ku dhamaadeen ee Sabtidi ka dhacay Muqdisho uu bartilmaameedkiisu ahaa saldhigga ciidan ee ay Dowlada Turkiga dhawaan ka furtay magaalada Muqdisho.

Sarkaalkan oo diiday in magaciisa la xuso ayaa sheegay in macluumaadka ay ururiyeen tan iyo inti uu qarraxa dhacay ay tilmaamayaan in hadafku uu ahaa in saldhiga milatari ee ay Turkigu ku leeyihiin Muqdisho.

30-ki bishii September ayaa si rasmi ah xariga looga jaray saldhiga milatari ee Turkiga uu ka furay Muqdisho. Sida ay sheegtay Dowlada Turkiga, qorshaha ayaa ah in 200 oo sarkaal oo Turkish ah ay xerada ku tababari doonaan ilaa iyo 10,000 oo askari oo Soomaali ah.

Dhinaca kalana, agaasimihi hore ee Hey’adda Nabadsugida Qaranka Soomaaliya Axmed Macallim Fiqi ayaa VOA-da u sheegay in bamki lagu qarxiyay isgoyska Zoobe lagu soo diyaariyay dhul beera ah oo ku yaala duleedka degmada Afgooye ee gobolka Shabeelaha Hoose.

Sidoo kale madaxii hore ee mukhaabaraadka Puntland Cabdi Xassan Xuseen ayaa isna sheegay in loo xaqiijiyay in baabuurka lagu fuliyay qarraxi ugu xumaa abid ee ka dhaca Soomaaliya uu ka yimid dhulka ay maamulaan Al-Shabab ee duleedka magaalada Muqdisho.

Qaraxaan ayaa ahaa kii ugu khasaaraha badnaa ee abid ka dhaca Soomaaliya. Ilaa iyo iminka ma aysan sheegan kooxda Al Shabab, balse Dowlada Soomaaliya iyo xeeldheerayaasha arrimaha argagixisada ayaa rumeysan qaraxi Zoobe ay ka danbeeyeen Al-Shabab.

Saraakiisha amniga ee Dowlada Soomaaliya ayaa sidoo kale warbaahinta u xaqiijiyay in ay su,aalo weydiinayaan darawalka baabuur Toyota Noah ah oo isna Sabtidi hore ku qarxay magaalada Muqdisho. Waxay kaloo sheegeen in ay xireen afar nin oo looga shakisanyahay in ay ka tirsanyihiin Al-Shabab isla markaana lala xiriirinayo qarraxi lagu baaba,ay ee Muqdisho.

Dowlada Soomaaliya ayaa xaqiijisay in qarraxi 14-ki October ay ku dhinteen ku dhawaad 300 oo ruux. Tiro intaasi ka badan ayaa ku dhaawacmay.

https://www.youtube.com/watch?time_continue=5&v=kUlyjpuZXaA



October 2017

 

WARARKA MAANTA 16ka Okoobar 2017 Sir Culus Yaa runta qarin kara?

Su'aalaha Maanta: Yaa ka dembeeyey qaraxii lagu dilay dad badan oo aan waxba galabsan? Mudane Raysal Wasaare, ma qarin kartaa musuqmaasuqa baahsan ee Dowladda aad raysal wasaaraha ka tahay? Maxuu qaban karaa Agaasimaha Madaxtooyadda Mr. Fahad Yasiin oo warbixintii ay ka qortay Qaramadda Midooway Guddigga U-qaabilsan Soomaaliya Iyo Eritrea ay ku caddeeyeen inuu yahay khaa'inul waddan musuqmaasuqiisa gaaray inuu dowladdo kale jaajuus u noqdo


September 2017

 


WARARKA MAANTA 11ka Okoobar 2017 Sir Culus

Su'aalaha Maanta: Maxay tahay sababta khaa'inul waddan Fahad Yasiin loogu dhiibay Agaasimaha Madaxtooyadda asagoo si fiican ay horay Qaramadda Midooway u kashiftay musuqmaasuqa baahsan ee uu ku dhisay dowladii Damu-Jadiid ee uu hoggaaminayey Mudane Xassan Shiikh Maxamuud “Garguurte” Iyo Dowladdan Wada Dadban ee uu hoggaaminayo Madaxweyne Mudane Maxamed Cabdilaahi Farmaajo “Been-Hawaas” oo kii ugu musuqmaasuq badanaa ka dhigtay Agaasimaha Madaxtooyadda Fahad Yasiin “Dhuusaaye” oo ka shaqayn jiray Idaacadda Al-Jazeera! Marka yaa musuqmaasuq la dagaalamaya haddii dadka noocan ah oo kale uu Madaxweyne Mudane Maxamed Cabdillaahi Farmaajo uu magaacabay jaggooyinkan oo kale? Madaxweyne Farmaajo waxay shacabka Soomaaliyeed soo nacayaan beentii iyo faataa-baqlayntii aad u sheegtay, waxaadna ogaataa mar dhow inay AMISOM qasab xilka kaaga dejin doonto sidaa ay horayba xilka kaaga dejisay adigoo Raysal Wasaare ka ahaa waddanka oo weli si fudud uga cararay jaggaddii raysal wasaarenimadda sida uu kashifay madaxweynihii aad xilka ka qaadatay Mudane Xassan Shiikh Maxamuud “Garguure” oo hantidii Ummadda Soomaaliyeed magaceeda lagu soo qaaday si xirfadaysan u dhacay oo ku maanaafacaadaya maalmalaha adduunka!

Muqdisho 11ka Okoobar 2017 Dowladda Kenya ayaa sheegtay kadib Howlgalo ay Ciidameeda ka sameeyeen  Keymaha  Booni iyo Degaanka Lamu in ay ku guuleysteen  in Xarakada Al-shabaab ay ka baxaan degaannada xeebta ah.

Agaasimaha howlgalka xoreynta Boni ee Kenya  Joseph Kanyiri,ayaa sheegay in 5- ka mid ah Al-shabaab ay dileen islamarkaana ka furteen 6 Qori oo AK47 ah,321 xabbo oo rasaas ah,Saddex grneyl iyo Waxyaabaha qarxa.

Howlgalka Ciidamada Kenya ayaa jirsaday lix sano Bishan ayuuna gaarayaa sanadkii lixaad,Al-shabaab waxaa ay wali ka dagaallamayaan gudaha Kenya waliba si ka xoog badan sidii howlgalka Al-shabab ee gudaha Kenya uu ahaa ka hor 2011kii.

Sidoo kale Agaasimaha howlgalka xoreynta Boni ee Kenya  Joseph Kanyiri ayaa sheegay in Ciidamada KDF ay sameyaan howlgal joogto ah joogitaankooda degaankaasna uu aad u badanyahay islamarkaana ay helaan xogta Ragga ka tirsan Xarakada Al-shabaab.

Waxaa uu sheegay Agaasimaha howlgalka xoreynta Boni ee Kenya  in dadka degan Gobolka Xeebta ah iyo xoolo dhaqatada ay ka helaan xogta ugu badan ee la xiriirta Goobaha ay Xarakada  Al-shabaab ku suganyihiin.

Muqdisho 11ka Okoobar 2017 Wasiirka Wasaarada Arrimaha gudaha iyo dib u heshiisiinta Soomaaliya Cabdi Faarax Siciid Juxa waxa uu sheegay in qorshaha xukuumada Soomaaliya uu yahay dib u heshiisiinta iyo amniga.

Waxa uu sheegay in dalkaan Soomaaliya uu yahay mid la wada leeyahay isla markaana dowladda Soomaaliya ay wadahadal la geli doonto cid kasta oo dowladda ka soo horjeeda.

Sidoo kale waxa uu sheegay in weli uu taagan yahay cafiskii Madaxweynaha Soomaliya uu u fidiyay dadka dowladda ka soo horjeeda.

Afgooye 11ka Okoobar 2017 Faah Faahin dheeraad ah ayaa ka soo baxaya Weeraro loo adeegsaday Qaraxyo Bam-Banooyin ah oo ka dhacay Bar Kontorool oo ay Ciidamada Dowladad Soomaaliya ku leeyihiin Isgoyska Ex Control Afgooye ee Duleedka magaalada Muqdisho.

Qaraxyada oo dhacay Xalay Fiidkii hore ayaa la sheegay in lala eegtay goob lagu jaro Boonada Canshuurta Gaadiidka magaalada Muqdisho waxaana ku dhaawacmay ugu yaraan 3 Ka mid ah Ciidanka Dowlada Soomaaliya sida ay noo xaqiijiyeen Laamaha amaanka.

Saraakiisha Ciidanka ayaa  sheegay in Ciidanka dhaawacmay ay ku jiraan kuwa ay Xaaladooda aad u liidato waxaana la dhigay Isbtaal ku yaala magaalada Muqdisho.

Ciidanka Dowladda ee la weeraray ayaa Qaraxa ka dib Sameeyay Baaritaano mudo halkaasi ka socday lamana sheegin Wax dad ah oo lagu soo qab qabtay.

Waa markii 3aad oo weerar nuucaan oo kale lagu qaaday Ciidanka Dowladda Soomaaliya ee halkaasi Saldhigga ku leh, Goob joogayaal ayaa Idaacadda kulmiye u xaqiijiyay in Habeenadii la soo dhaafay ay maqlayeen Weerarada nuucaan oo kale ah oo deegaanka ku soo laab laabtay.

Taliska Ciidanka Dowladda ee deegaanka Ex Control oo aan la xariirnay ayaa ka gaabsaday in ay faah faahin ka bixiyaan Weerarkii xalay ka dhacay deegaankaasi.

Weerarka ayaa ku soo beegmay Saacado yar ka dib markii meel u dhax Ex-Control lagu dilay mid ka mid ah Ergadii Baarlamaanka Soomaaliya ku soo dooratay magaalada Baydhabo  ee Xarunta KMG ah ee Koonfur Galbeed Soomaaliya.

Balacad 11ka Okoobar 2017 Argagixisadda Al-Shabaab ayaa saakay Aroortii hore weerar ku qaaday Ciidamo ka tirsan Dowladda Soomaaliya oo Saldhig ku leh deegaan u dhaw degmda Balcad ee gobalka Shabeelaha Dhexe sida ay dadka deegaanka sheegeen.

Dagaal oo mudo kooban socday ayaa la sheegay in ay ku dhinteen Ciidan ka tirasn Dowladda iyo Askar ka mid ah Al- Shabaab ee weerarka soo qaaday in kastoo aan la ogeyn inta ay gaarsiisan tahay dhimashada iyo dhaawaca.

Dagaalka ayaa ka dhacay Saldhigga Ciidanka Dowladda ee deegaanka Basra oo ka tirsan degmada Balcad ee gobalka Shabeelaha dhexe waxa uuna ka mid ah deegaanada fara ku tiriska ah oo ay xaalad daganaan ah ka jirtay sanadiihii la soo dhaafay.

Goob jooge ku sugan deegaanka Basra ayaa sheegay in uu arkay meydadka ugu yaraan 4 ka mid ah Ciidamadii dagaalamay waxaana sidoo kale jira dhaawac soo kala gaaray dhimacyada dagaalka dhex-maray.

Al-Shabaab ayaa qabsaday deegaanka waqti kooban waxaana wararkii ugu danbeeyay ay sheegayaan in hadda ay xaaladda dagan tahay waxaana ka baxay Shabaabkii qabsaday.

Dowlad Gobaleedk Jubballand 11ka Okoobar 2017 Shirkii ka socday magaalada Kismaayo ee Xarunta gobalka Jubada Hoose ayaa la sheegay in uu soo dhamaaday Xalay oo ay qodobo ku heshiiyeen Madaxdii ka qeyb galeysay Shirkaasi.

Hogaamiyaasha Shirka ayaa diiradda saaray qodobo xasaasi ah oo ka taagan Soomaaliya waxaana taagnaa dodo kulul oo dhinacyada yeesheen.

Qodobada qaar ayaa la isku afgartay waxaana qaarkood la xaqiijiyay in lagu heshiin waayay waxaana la filayaa in maanta la soo saaro War-murtiyeed ku saabsan Shirkooda.

Qodobada lagu heshiiyay ayaa sheegaya in ay u qornayeen   sida warar hor dhaca lagu helay  ayaa  ka mid yihiin.

In dib loo soo celiyo Madasha Wadatashiga Qaran iyo laga tala giliyo Wixii la xariira Lacagta, Ciidanka iyo Xariirka Caalamiga ah sidoo kale waxa ay qaar ka mid ah Soo jeediyeen in xariirka loo jaro Dowladda Soomaaliya in kastoo qdobkaas la isku afgaran waayay.

Hore waxaa u jirtay 6 qodob oo kale oo aan helnay Islamarkaana ku baahinay wararka iyo barnaamijyada Idaacadda.

Si walba maanta ayaa la dhowraya in ay soo saaraan Warsaxaafadeed ku aadan Shirkooda waxaana jira walaac xoog leh oo laga muujinayo qdobada Shirkaasi ka soo bixi karo.

Dowlad Gobaleedka Koonfur Galbeed 11ka Okoobar 2017 Maamulka Koonfur Galbeed ayaa shalay soo saaray amaro culus oo ka dhan ah siyaasiyiinta iyo warbaahinta madaxa banaan, iyagoo looga digay inay joojiyaan shirarka siyaasadeed iyo wararka wax u dhimaya maamulka.

Taliyaha Ciidamada Booliska Koonfur Galbeed ayaa sheegay in aan la qaban karin shirarka siyaasadeed ee ka dhanka ah maamulka, islamarkaana cidii qabata ay tallaabo cad ka qaadayaan.

Warkaas mid ka duwan waxaa qaba Wasiiru Dowlada Wasaraadda Amniga ee Koonfur Galbeed Soomaaliya C/qaadir C/raxmaan Cali uu sheegay in aan wax caburin ah aan lagu heynin siyaasiyiinta ka soo jeeda degaanada Koonfur Galbeed.

C/qaadir C/raxmaan Cali ayaa dhanka kale sheegay in ay jiraan shaqsiyaad gaar ah oo maamulka bartilmaameysanyo, kuwaasi oo uu sheegay in ay caqabad ku yihiin hormarka ka socda degaanada Koonfur Galbeed.

Magaalada Baydhabo ayaa laga mamnuucay shirarka siyaasadeed ee ka dhanka ah maamulka, iyadoo lagu soo rogay Hotelada in aan lagu qaban karin shirar aanu maamulka iyo Hay’adaha ammaanka ogeyn.

Maamulka Koofur Galbeed ayaa waxa uu muddooyinkan dambe la kulmayay culeysyo siyaasadeed oo uga imaanayay siyaasiyiinta, waxaana xildhibaano ka tirsan Baarlamaanka Koonfur Galbeed ay ku hanjabeen inay mooshin ka keenayaan Madaxweynaha maamulkaas Shariif Xasan.

Itoobaya 11ka Okoobar 2017 Wararka ka imaanaya dalka Ethopia ayaa ku waramaya in ay dib usoo laabteen dhibaatooyinkii u dhaxeeyay Soomaalida iyo Oromada  oo dhawaan la sheegay in xal laga gaaray.

Waxaa la xaqiijiyay in Gaari ka baxay magaalada Amaro ee gobolka Oromiya lagu rasaaseeyey xadka gobolka Koonfurta Ethiopia.

Sida uu xaqiijiyay TV-ga ESAT waxaa goobta ku naf waayay mid ka mid ah dadkii saarnaa gaariga la rasaaseeyay halka ay labo kalena ay ku dhaawacmeen.

Arintan ayaa la sheegay in ay salka ku hayso khilaaf xaga xuduuda ah ee u dhaxeeya Gobolka Oromada iyo Gobolka Shucuubta Koonfureed

Dowlad Gobaleedka Galmudug 11ka Okoobar 2017 Wasaaradda Warfaafinta Dowladd Goboleedka Galmudug ayaa ka hortimid amar lagu caburinayay Saxaafadda Deegaanada Maamulkaas oo kasoo baxay Madaxtooyadda Galmudug.

Qoraal uu soo saaray wasiir ku-xigeenka Wasaaradda Warfaafinta maamulka Galmudug C/raxman Jaamac Afrax ayaa lagu sheegay in wasaaradda aysan marnaba aqbali doonin caburinta Saxaafadda Galmudug.

Wasaaradda Waxa ay difaacdey Dastuurka Galmudug oo Diidaya in la Caburiyo Warbaahinta madaxa Banaan.

Qoraal shalay kasoo baxay Madaxtooyadda Galmudug oo uu ku saxiixnaa agaasimaha Madaxtooyadda Maamulkaas Maxamed Cabdi Feynuus ayaa lagu sheegay in Saxaafadda aysan tabin karin wararka lidiga ku ah amniga Galmudug.

Spain11ka Okoobar 2017 Catalonia mudo dheer ayay madaxbanaani raadinaysay

Dowladda Spain ayaa ku gacan sayrtay madaxbanaanida ay ku dhaqaaqeen gobolka Catalonia ee dhowaanta aftida loogu qaaday.

Waxaa sidoo kale xukuumadu ay diiday inay wax wadahadal ah la gasho madaxda gobolka Catalonia.

Ra’iisul wasaare kuxigeenka Spian ayaa ku tilmaamay hogaamiyaha Catalonia qof aan garanayn meesha uu joogo iyo halka uu ku socdaba.

Ra’iisul Wasaare Marriano Rajoy ayaa qabanay shir deg deg ah oo golaha wasiiradu ay yeelanayaan kagana xaajoonayaan amuurtan.

Hogaamiyaha gobolka Catalonia ayaa saxiixay madaxbanaanida ay dadku u codeeyeen isbuucii hore.

Muranka xoogan ee soo kala dhexgalay xukuumada Madrid iyo gobolka Catalonia ayaa salka ku hayay madaxbanaani ay mudo dheerba doonayeen dadka reer Catalonia.

Hogaamiyaha Catalonia ayaa caalamka ugu baaqay in la aqoonsado madaxbanaanidooda

Dowlad Gobaleedk Jubba;and 11ka Okoobar 2017 Wararka ka imaanaya Gobolka Jubbada Hoose ayaa ku waramaya In Ciidamada Nabad Sugida maamulka Jubba-land ay howlgal ka fuliyeen galinkii hore ee shalay deegaano ku dhow magalaada Kamsuuma oo qiyaastii 90 KM dhanka waqooyi kaga beegan magaalada Kismaayo.

Taliye ku xigeenka Nabadsugidda Jubaland Axmed C/laahi Ciise (Gaas) oo la hadlay warbaahinta  ayaa sheegay in shalay galinkii hore ay weerar qorsheysan ku qaadeen saldhig ay Al-shabaab ku lahaayeen nawaaxiga deegaanka Kamsuuma ee Gobolka Jubada Hoose.

“Ciidamo ka tirsan nabadusgida Jubba-land waxa ay  ka talaabeen Webiga dhinaca Buulogaduud, waxaa bartilmaamdeed u ahaa fariisin ay Al-shabaab ku lahaayeen nawaaxiga Kamsuuma, goobtaasi waxa ay ahayd goob ay jidgooyo u taal oo ay gaadiidka lacago uga qaadi jireen, qasaarooyin ayaan u geysannay, waxayna u carareen dhanka Kamsuuma,” ayuu taliyuhu Yiri.

Waxa uu sheegay Sidoo kale in ay saldhigga ugu tageen xoolo ay Al-shabaab Zako ahaan uga soo ururiyeen dadka xoolaleeyda ah iyo lacago, isagoo sheegay in qasaarooyin isugu jira dhimasho iyo dhaawac ay u gesyteen.

Ma jiro wax war ah oo ku saabsan howlgalladaasi oo kasoo baxay dhanka Al-shabaab.

Ciidamada Jubaland iyo kuwa xoogga dalka ayaa mudooyinkii u danbeeyay waday weerarro qorsheeysan oo ay ku bartilmaadeesanayaan saldhigyada ay Al-shabaab ku leeyihiin Gobolada Jubooyinka iyo Gedo ee Koonfurta dalka Soomaliya.

Minneapolis 11ka Okoobar 2017 Maxkamad ku taalla magaalada Minneapoles ee dalka Mareykanka ayaa dambi ku heshay Askari cadaan ah oo xad gudub jirdil la xiriira u geystay nin Soomaali ah oo lagu magacaabo Maxamed Cusmaan.

30-kii May ee sanadkii hore gabar Soomaaliyeed ayaa Booliska waxa ay uga dacwootay Maxamed Cusmaan oo ay sheegtay in uu u gacan qaaday.

Booliska ayaa si deg deg ah ku yimid guriga gabadha xilligaasi waxaa gaari guriga hortiisa yaallay ku dhexjiray Maxamed Cusmaan, oo Booliska ay ku amreen in jilbaha uu dhulka dhigto, kadibna gacmaha uu gadaal mariyo.Askari Boolis ah oo lagu magagaacbo Cristover River oo 36 sano jir ah ayaa Maxamed Cusmaan oo jilbaha ay dhulka u yaallaan darbeeyay, kadib Maxamed ayaa miir belay oo uu soo gaaro dhaawac uu ka mid yahay inuu sanka ka jabo.

Askarigii ayaa shaqada laga fariisiyay, waxaana la daawaday muuqaal ay duubtay Camerada qarsoon, shalay oo aheyd Talaado ayay Maxkamaddu sheegtay in Askarigan uu qalad galay, dambina lagu helay.

Ilaa hadda Maxkamadda ma aysan sheegin xukunka dhabta ah ee ay ku riday Askarigan, balse ilaa gaba gabada Todobaadkan ayaa la ogaan doonaa xukunka lagu ridi doono Askariga.

Xeer ilaaliye ka tirsan Maxkamadda Minneapoles ayaa codsaday in ninkan xabsi loo taxaabo, inkastoo hadalkaasi ay ka soo horjeesteen qareenada u doodaya Askariga, iyaga oo dalbaday in uu banaanka joogo, korna lagala socdo

Muqdisho 11ka Okoobar 2017 Maalma ka hor waxaa dib u dhac uu ku yimid shirweynaha Qaran ee dib u eegista Dastuurka dalka kaas oo ay soo diyaarisay Wasaarada Dastuurka Xukuumada Federaalka Soomaaliya kadib markii ay qaadaceen shirkaas Wasiirada Arrimaha Dastuurka ee dowlad goboleedyada .

Wasiirka Wasaarada Dastuurka Soomaaliya Cabdiraxmaan Xoosh Jibriil ayaa sheegay in uu aad uga xun yahay Baaqashadaas balse taasi ay  tahay dumuqraadiyad ama xuriyad la gaaray in Xukuumadda Sooamaliya laga soo horjeesto.

Wasiir Xoosh ayaa sidoo kale sheegay in Wasaaradu ay mar kale qaban doonto shirkaas kaas oo ah mid dib u eegis lagu lagu sameynayo Dastuurka dalka oo ah weli mid qabyo ah.

Hadalka Wasiirka ayaa imaanaya xili weli ay dhaliil muujinayaan Wasaaradaha Dastuurka Maamul goboleedyada, taas oo Wasaarada Dastuurka dalka Soomaaliya looga baahan yahay in ay xal ka gaarto.

Muqdisho 11ka Okoobar 2017Wararka ugu danbeeyey ee shirka uga socday madaxweyna yaasha maamul  goboleedyada  hoostago Dowlada Federaalka   ee Soomaliya uga  socday   magaalada  Kismaanyo ayaa  sida muuqata leysku mari waayey qodobo  dhowr ah iyadoona   arinta shirka sii murjisay kadib markii Ra iisal wasaarahii hore Cumar Cabdarshiid laga duubay cod sir ah taana  ay keentay in masuuliyiinta qaar ka hor yimadaan

Madaxweynaha maamulka Galmudug ayaa  ka hor yimid  qodoba  dhowr ah

Isagoona soo jeediyey in wax aan anaga ku heshiinay  aan sameysano isagoona sheegay wax kor looga keenay uusan qaadan karin

Madaxweyne Xaaf ayaa  ka hor yimid qodka ah Dalada  wareegta  ay yeelanayaan madaxda maamul goboleedya da waxuuna soo jeediyey taa in lagu badalo gudi  farsamo oo ka imanaayo   maamul goboleeydyada  kuwaa oo ka shaqeynaayo waxii qilaaf ah ee ka dhaxeeya maamul gobooeedyada iyo dowlada Federaalka

Sidoo kale  madaxweyne Xaaf ayaa si doo kale   ka hor yimid qodobka  ah in  ciidamada Turikiga  laga saaro soomaliya  isagoo qos laayo ayuu yiri Xaaf  Arimahq Dibadda ayaaba nagula  heystayey ma hadaan dowlada Federaaka ku qabsanaa gaashandhiga isagoo yiri hadaan Turikiga  soo hadal qaadno  shacabkaaba na dhagaxyeynayaan  marka waa in aan ka joognaa taa waxaana dhamaan la tuuray qodobkaas

Sida aan ku  heleyno ila hoose ee shirka ayaa sheegayo in dhamaan wax laga badalay qodob badan

Shirka ayaa sii socon doono ilaa maalinta Bari waxaana moodaa in madaxweyne Xaaf ka fikir duwan yahay madaxda kale isagoona dhamaan ka hor yimid qodobadii sida qaaska u wateen Cumar Cabdirashiid  iyo Gaas kuwaa oo dhamaan la doonaayey  in dowlada   Federaalka lagu bur burinaayey

http://www.un.org/ga/search/view_doc.asp?symbol=S/2013/413

WARARKA MAANTA 10ka Okoobar 2017 Sir Culus

Su'aalaaha Maanta: Maxay Dowladda Wada Dadban, Iyo Raysal Wasaare Khaa'inul Waddan Mudane Xasan Cali Kheyre u rabaa inuu u baabi'iyo Dowlad Gobaleedk Galmudug ee uu hoggaaminayo Madaxweyne Mudane Axmed Ducaale Geelle “Xaaf”? Raysal Wasaare Khaa'inul Waddan Mudane Xasan Cali Kheyre u rabaa inuu u baabi'iyo Dowlad Gobaleedka Hirshabeelle taasoo uu si sharci-darro ah uga takhalusay Madaxweyne Cabdilaahi Cosoble? Maxuuse Raysal Wasaare Khaa'inul Waddan Mudane Xasan Cali Kheyre u rabaa inuu u baabi'iyo Dowlad Gobaleedka Koonfur Galbeed Iyo Madaxweyne Shariif Xassan? Maxuu u fashilmay inqilaabkii lagu ridi rabay Madaxweynaha Dowlad Gobaleedka Puntland Mudane Cabdiweli Cali Gaas? Annagoo ku hadlayna magaca warbaahinta dalka waxaanu Ummadda Soomaaliyeed u sheegaynaa inay Dowladda Wada Dadban Iyo Madaxdeeda rabaan inay si cad ugu tuntaan dastuurka federaalka ayagoo ka takhalusaya dastuurka federaalka si ay u noqdaan kooxdan yar ee xukunka dalka ku qabsatay si dadban oo ay dowladdo kale soo maalgelinayaan. Hadii aynan rabin inay dalka ku maamulaan dastuurka federaalka ee lagu doortay ayga haddaba ha iska casilaan jaggooyinka isla-markaasna ha ka raalligeliyaan Ummadda Soomaaliyeed dhibka iyo fowdada ay ku sameeyeen! Xaqiiqdii waddankan waxaa siyaasaddiisa jahwareerinaya daka ay Qaramdda Midooway horay u kashifeen musuqmaasuqooda warbixino ay hor u shaaciyeen. Dadkaas waxaa kamid ah Agaasimaha Madaxtooyadda Mr. Fahad Yaasiin iyo rag badan oo kale haddaba dadka musuqmaasuqa iyo argagixisadda wada ahaan jiray miyaa dhaqaallo ka sugaya inay dowladda wada dadban uga helaan beesha caalamka oo si fiican u caddeysay raggaas iyo falalkii dembiyadda ay dad iyo dalkaba ka galeen. Jawaabtu waa maya ee Mudane Madaxweyne Farmaajo, waa fashilan tahay ee is-casil inta aan mar labaad si qasab ah madax qori lagaaga saarin si aad isku-casisho! Ogoow wixii adiga Iyo Shiikh Shariif dhex maray way soo socotaa!

Maraykanka 10ka Okoobar 2017 Maraykanka Ivana Trump (Bidix) ayaa 3 caruur ah u dhashay Donald Trump, Halka Ivanka Trump ay tahay xaaska ay hadda wada joogaan, wiilna u haysa

Marwada koowaad ee Maraykanka Melania Trump ayaa si kulul ugu jawaabtay xaaskii hore ee madaxweyne Donald Trump oo lagu magacaabo Ivana Trump, taas oo taleefishinka ABC u sheegtay in ay iyadu tahay ‘marwada koowaad’.

Afhayeen u hadlay marwada koowaad ayaa sheegay in Ivana ay raadinayso caannimo, tahayna qof danaheeda ka shaqaynaysa.

Ivana ayaa barnaamijka Subax Wanaagsan ee ABC u sheegtay in ay xiriir toos ah la leedahay Aqalka Cad, balse aysan doonaynin in ay wax maseer ah dhaliso.

Haweenaydan oo soo saaraysa buug cusub oo ay ka qortay ninkeedii hore iyo caruurteeda, ayaa waxa ay Trump is guursadeen sanadkii 1977-dii, balse waxa ay is fureen horaantii 1990-naadkii, kadib markii Trump la sheegay in uu gogol dhaaf la sameeyay haweenay lagu magacaabo Marla Maples oo markii dambane xaaskiisa noqotay.

Ivana iyo Trump ayaa isu haya saddex caruur ah oo kala ah Donald Jr, Ivanka, iyo Erick Trump.

“Xiriir toos ah ayaan la leeyahay Aqalka Cad, balse maadaamaa ay Melania ka ag dhowdahay markasta ma woco” ayay tiri Ivana.

Waa markii ugu horeysay taariikhda Maraykanka oo ay si furan saxaafadda hadalo isu mariyaan Marwo koowaad iyo xaas horey loo furay intii madaxweyne ee Maraykanka soo maray.

Trump ka hor , Ronald Reagan oo kaliya ayaa jirey madaxweyne xaas horey usoo furay.

Ivana Trump ayaa sheegtay in ay iyadu korisay caruurteeda, halkaTrump uu ahaa qofka bixiya qarash kasta, balse uusan ahayn aabbe caruurta waqti la qaata “Markii ay 18 jir gaareen ayuu bilaabay in uu lasoo hadlo, wuxuuna kala hadli jiray arrimo ganacsi oo kaliya”, ayay tiri Ivana oo intaas ku dartay in Trump uusan ahayn aabbe xun.

Turkiga 10ka Okoobar 2017 Madaxweynaha Turkiga, Rajab Dayib Erdogan ayaa hadalkaasi ku sheegay Shir Jaraa’id oo ay isaga iyo dhigiisa dalka Yukrayn Petro Porochenko ku qabteen caasimadda dalkaasi ee Kiev.

Madaxweynuhu waxa uu sheegay inuu aad iyo aad uga xun yahay go’aankii ay Dowladda Maraykanka ku hakisay Adeegii Fiisaha ee Muwaadiniinta Turkiga lagu siin jireen Dal-ku-galka Maraykanka.

Waxa uu tilmaamay inuu amar ku siiyey Safaaradda Turkiga ee Washington inay qaadaan Tallaabo la mid ah Go’aankii Maraykanka ee Adeegga Fiisaha.

“Turkiga waxaa lagu xukumaa Sharci oo wax kasta ka sarreeya, ma nihin Qabiil, mana nihin Dowlad Qabiileed” ayuu yiri Madaxweyne Erdogan.

Khilaafka Diplomaasiyadeed ee Maraykanka iyo Turkiga ayaa yimid, kadib, markii ay Ciiddanka Ammanka Turkiga xireen Muwaadin  Turkish ah oo ka shaqeeya Qunusuliyada Maraykanka ku leeyihiin magaalladda Istanbuul, kadib, markii lagu soo oogay inuu xubin ka yahay Kooxda uu hoggaamiyo Sheekh Fatxullahi  oo ku nool Maraykanka.

Shaqaalaha la xiray oo lagu magacaabo Metin Topuz, waxaa lagu eedeynayaa inuu Warbixin ka hayo doorkii ay Maraykanka ku lahaayeen Afgembigii Fashilmay ee 15-kii July ee sannadkii hore ka dhacay Turkiga.

Saraakiisha Turkiga waxay sheegeen inuusan Eedeysanahaasi lahayn wax Xasaanad Diplomaasiyadeed, isla markaana ay Maraykanka ku degdegeen Xayiraadda dhinaca Adeegga Fiisaha la siin jirey dadka Turkiga ee doonaya inay tagaan Maraykanka.

Muqdisho 10ka Okoobar 2017 Waxaa Isbitaalka Madiina ee Magaalada  Muqdisho ka Furmey  Tababar loo qabtey Umulisooyin kuwaa oo Wasaarada caafimaadka ay dooneyso in ay la tacaalaan  haweenka Uurka leh  ee Barakacayaasha ah ee  Dalka Dib ugu soo laabanaya kuwaa oo mar waliba la kulma Dhibaatooyin islamarkaan aan helin Daryeel Caafimaad

Tababarkaan oo soconaya Muddo Tododbaad ah ayaa ka qayb agalayaa Umulisyooyin tiradodoa gaaraysa 30 Umuliso kuwaa oo ka kala yimid Gobolada Banaadir iyo Shabeelada Hoose  waxaana Furitaanka tababartkaan ka hadley  Xoghayaha ururka Umulisooyinka Soomaaliyeed  Xaawo Cismaan waxayna sheegtey in Tababarkaa uu wax weyn ka tari doono Haweenka Uurka leh ku jira Xeryaha Barakacayaasha maadaama ay yihiin Haween Xaaladooda caafimaad ay aad u liidato.

Xubnihii kale ee halkaa ka hadley waxaa ka mid ahaa Dr Cabduqaadir Weheliye Afrax oo Wasaarada Caafimaadka iyo Daryeelka Bulshada u qaabilsan la Taliyaha Taranka Hooyada iyo Dhalaanka waxaana uu yiri “Tababarkaan Ujeedkiisu waa wax ka qabashada Xaaladaha Deg dega ah ee mar waliba la soo Gudboonaadaan Haweenka Uurka leh ee Barakacayaasha kuna soo laabanaya Dalka” waxaa uu intaa sii raaciyey

“Sidoo kale tababarkaan   oo ay ka qayb galayaan Umulisooyin aad u tababaran waxaa  xooga lagu saari doonaa wax  ka qabashada Xadgudubyada haweenka iyo waliba Gudniinka Fircooniga oo  dhibaato ku haya Haweenka Soomaaliyeed gaar ahaan kuwa  Uurka leh marka ay dhalayaan

Tababarkaa ayaa waxaa iska kaashadey wasaarada Caafimaadka,iyo Hayada UNFPA Halka ay Dhaqaalaha ay ku taakuleeyeen  Dowlada Jabaan  Tababarka noocaan oo kale ah oo lagula tacaalayo haweenka Uurka leh ma aha markii ugu horeysey ee loo qabato Umulisooyin  waxaana horey loo qabtey tababaro Noocaan oo kale ah maadaama Soomaaliya lagu tiriyo Wadamada uigu dhimashada Badan gaar ahaan marka ay Foosha Timaado kuwaa oo aan helin Adeegyadii loo baahnaa ee dhinaca  Caafimaadka

Dowlad Gobaleedka Galmudug 10ka Okoobar 2017 Wasaarada War faafinta Dowlad Gobaleedka Galmudug ayaa maanta soo saartay Go’aano iyo digniin ku socota Warbaahinta Iyo Wariyaasha Ka Howlgala Deegaanada Galmudug.

Agaasimaha Qeybta Warbaahinta Wasaarada Warfaafinta Galmudug Maxamed Xasan Sahal Faynuus ayaa ka warbixiyay go’aanda ay soo saareen

Waxa uu  sheegay in magaalada Cadaado ay ku suganyihiin Dad uu ku sheegay  Qaswadayal Doonaya inay duminayaan Galmudug Awooda Ay Adeegsanayaana ay tahay Warbaahinta Waxuuna Warbaahinta Ugu Baaqay Inay ka digtoonaadan Sideenta Wararka ay Dadkaasi Warbaahinta Siiyaan.

Sidoo kale Wasaarada Warfaafinta Galmudug yaa Sheegay In Wariyihii u hogaansami waaya Go’aanada iyo amarada ay soo saareen ay sharciga la’tiigsan doonaan.

Ugu Danbeentii waxa ay Wasaarada warfaata Baaq U Dirtay Warbaahinta Deegaanada Galmudug  oo ay Ugu baaqday inay ixtiraamaan Maamulka oo si dhaxdhaxaad nimo ah u shaqeeyaan

Qaramadda Midooway 10ka Okoobar 2017 Qarammada Midoobay ayaa afar markab ka mamnuucday in ay ku xirtaan dekedaha caalamka, ka dib markii lagu helay in ay jabiyeen cunaqabatayntii caalamiga ahayd ee la saaray Kuuriyada Waqooyi.

Hugh Griffiths oo ah isku dubaridaha guddiga ay Qaramada Midoobay u saartay cunaqabataynta Kuuriyada Waqooyi ayaa tallaabadaas ku tilmaaamay mid aan caadi ahayn.

Maraakiibtan ayaa la sheegay in ay kala yihiin Petrel 8, Hao Fan 6, Tong San 2 iyo Jie Shun.

Golaha Ammaanka ee Qarammada Midoobay ayaa bishii hore sare u sii qaaday cunaqabataynta Kuuriyada Waqooyi, iyaga oo ka jawaabaya tijabadii lixaad ee uguna xoog badnayd ee nukliyeer ah ee Kuuriyada Waqooyi samayso.

Mamnuucitaanka ayaa lagaga dhawaaqay kulan ay Qarammada Midoobay qabatay oo Isniintii dhacay.

Griffiths oo ka hadlaya kulankaas looga hadlayay dhaqangalinta xayiraadaha Kuuriyada Waqooyi ayaa sheegay in maraakiibtani lagu helay “in ay qaadeen alaabo la mamnuucay”

Dowlad Gobaleedka Jubbaland 10ka Okoobar 2017 Shirka Madaxda maamul goboleedyada oo maalinkii Saddexaad ka socda magaalada Kismaayo ayaa maanta lagu wadaa in la soo gaba gabeeyo, war-murtiyeedna laga soo saaro.

Shirka oo soo bilowday Axadii ina dhaaftay ayaa shalay ilaa xalay waxaa socday doodo aad u kulul iyo qodobada shirka looga hadlayo ay isku waafaqaan Madaxda Dowlad goboleedyada.

Qodobada qaar oo laga soo xiganayo masuuliyiinta ka qeyb galeysa shirkan ayaa waxa ay sheegayaan dhinacyada shirka in ay qorsheynayaan in la sameeyo Gole ay ku mideysan yihiin Madaxda Dowlag goboleedyada.

Warar  ayaa sheegaya in maanta magaalada Kismaayo uu ku wajahan yahay Wakiilka gaarka ah ee QM arrimaha Soomaaliya, si uu madal joog ugu noqdo go’aanada ka soo baxaya shirkan.

Masuuliyiinta ayaa kulankooda waxa uu yimid kadib markii ay cirka isku sii shareertay khilaafaadyada siyaasadeed ee xilligan u dhaxeeya Dowladda dhexe iyo maamul goboleedyada.

Muqdisho Iyo Qaahira 10ka Okoobar 2017 Madaxweynaha Soomaaliya Maxamed Cabdullahi Farmaajo ayaa qadka telfoonka kula hadlay Madaxweynaha Masar Al siisi oo ay isku soo hadal qaadeen dhibaatada Argagexiso ee Soomaaliya ka jirta.

Ugu horeyn Madaxweyne Farmaajo ayaa dhigiisa Masar uga warbixiyay xaalada gudaha Soomaaliya dhinaca amaanka iyo xasiloonida.

Madaxweynaha Dalka Masar ayaa dhigiisa Soomaaliya u sheegay inay garab taagan yihiin shacabka iyo Dowladda Soomaaliya.

Al siisi ayaa balan qaaday inay sii wadayaan ka taagerida sidii Soomaaliya uga gudbi lahayd khatarta argagexisada.

Labada Madaxweyne ayaa isku raacay xoojinta xiriirka adag ee ka dhaxeeya Masar iyo Soomaaliya.

Dowlad Gobaleedka Koonfur Galbeed 10ka Okoobar 2017 Maamulka Koonfur Galbeed Soomaliya ayaa sheegay in uu meel gaba-gabo ah uu marayo wadahadalka lagu mideynayo ciidamada Shiikh Muqtaar Roobow Cali (Abuu Mansuur) iyo kuwa Maamulka Koonfur Galbeed.

Wasiir ku xigeenka Wasaaradda Amniga maamulka Koonfur Galbeed Soomaaliya Cabdirisaaq Cabdi Aadan  ayaa sheegay in qorshaha lagu mideynayo labada Ciidan dhawaan guul laga gaari doono,islamarkaana Ciidamadii Muqtaar Roobow oo dhawaan isku dhiibay Dowladda Soomaliya ay ku biiri doonaan dagaalka lagula jiro Xarakada Al-shabaab ee ka socda Gobolada dalka Soomaliya.

“Waxaa socda qorshe Ciidamada Muqtaar Roobow iyo kuwa Koonfur Galbeed Soomaliya lagu mideyn doono, Ciidamada Roobow waxa ay ku sugan yihiin deegaankii ay awalba joogen weeraro ayay  kala kulmaan dagaalyahanada Xarakada Al-shabaab, mustaqbalka dhow Ciidamadaas Maamulka Koonfur Galbeed ayay kusoo biiri doonaan “, ayuu yiri

Sidoo  kale Wasiir ku xigeenka Wasaaradda Amniga maamulka Koonfur Galbeed Soomaaliya Cabdirisaaq Cabdi Aadan waxa uu sheegay in meel wanaagsan ay marayaan qorshayaal lagu doonayo in Al-shabaab loogu saaro qeybo kamid ah Gobolada Baay iyo bakool iyo koonfurta dalka Soomaliya.

Maamulka Shabeelle Hoose 10ka Okoobar 2017 Gudoomiye Ku xigeenka Dhinaca Ammaanka ee Maamulka Gobolka Shabellaha Hoose Cali Nuure Maxamed ayaa sheegay in Afar ka tirsanaa Al-shabaab ay shalay gelinkii dambe lagu dilay wadada xiriirisa Degaanka Xaawo-cabdi iyo Laanta Buuro.

Wuxuu sheegay Guddoomiye Cali Nuur raggan Ciidamada Millitariga Soomaaliya ay dileen in dhowr jeer ay dilal ka geysteen degaano ka tirsan Shabeellaha Hoose, shalay oo ugu dambeyseyna ka hor inta aanay howlgalka lagu dilin ay rasaas ku fureen Gaari ay la socdeen Odayaal, halkaasi oo ay ku geeryoodeen laba Oday iyo Askari la socday.

Cali Nuure Maxamed ayaa tilmaamay Shabaab inaanay dadku ku dilin sabab iyo sabab la’aan toona, balse ay iska dilaan cid kasta oo wadada maraysa.

Ugu dambeyntii Cali Nuure ayaa waxa uu ku baaqay in Dowladda Soomaaliya ay dardar geliso hawlgalada amni ee Gobolka Shabeellaha Hoose, lana kordhiyo tirada Ciidamada.

Dowlad Gobaleedka Jubbaland 10ka Okoobar 2017 Maaaladda Kismayo ee Caasimadda KMG ah ee Maamulka Jubba-land waxaa wali ka socda shirka u dhaxeeya Madaxda maamul goboleedyadda Galmudug, Puntland, Hir-shabeelle, Koonfur Galbeed Soomaliya iyo Jubba-land oo marti galiyaasha ah.

Warar soo baxaya ayaa sheegaya in ay jiraan qodobo dhowr ah oo ay isku raaceen Hogaamiyaasha ku shirsan Magaaladda Kismaayo islamarkaana ay jiraan qodobo aan weli la isku Afgaran oo ka doodistoodu socoto.

Qodobada qaar ee Madaxda Maamul Gobolleedyadu isku raaceen waxaa kamid ah.

1- in la aas aaso Gole ay ku mideysan yihiin Madaxda Maamul Gobolleedyada

2- in Sanadkiiba ay mar kulmaan Madaxweyneyaasha Maamul Gobolleedyada,iyadoo Kulankaas lagu qaban doono Magaalo uu ka taliyo mid kamida Maamulada.

3- in Madaxda maamul Gobolleedyada ay iska dhex doortaan Hogaan,Hogaankaas oo aan weli la caddeyn,balse Qodobkaas ay weli doodiisu socoto.

4- Qodobka Afraad waxaa uu sheegayaa in Golaha ay ku mideysan yihiin Madaxda Maamul Gobolleedyada uu u taagan yahay Xalinta Khilaafaadka oo Madashaas ay xalin doonto haddii Labo Maamul uu Khilaaf soo kala dhex galo.

5- Qodobka Shanaad ee ay isku Afgarteen Hogaamiyaasha Maamul Gobolleedyada waxaa ka mida in Qodobada ka soo baxa Shirkooda ay la wadaagaan Dowladda Dhexe oo Muqdisho loogu keeno iyo in sidoo kale loo bandhigo Baarlamaanka Maamul Gobolleedyada.

6- Qodobka Lixaad ayey isku raaceen in Guddi ay u saaraan Khilaafka Xoogan ee ka dhex jira Madaxda Maamulka Galmudug.

Shirka ayaa maanta lagu wadaa in lagu soo gaba-gabeeyo Magaaladda Kismaayo islamarkaana laga soo saaro War-murtiyeed.

Koongo 10ka Okoobar 2017 Howgalka Qaramada Midoobay ee dalka Jamhuuriyada Congo ayaa sheegay in la dilay labo askari oo ciidankooda ka mid ah.

Weerarkan ayaa dhacay ka dib markii la weeraray xero ciidanka nabad ilaalinta Qaramada Midoobay ay leeyihiin.

Xerada la weeraray ayaa ku taalla bariga dalkaasi meel u dhow magaaladda Beni.

Wararku waxaa kaloo ay sheegayaan in dhowr askari oo kale lagu dhaawacay weerarkaasi.

Afhayeen u hadlay Qaramada Midoobay ayaa BBC-da u sheegtay in weerarkan ay gaysteen jabhada loo yaqaano ADF.

Jabhada ADF ayaa ka dagaalanta dalka jaarka la ah Jamhuuriyada Dimoqraadiga Congo ee Uganda.

Haweenaydan Qaramada Midoobay u hadashay ayaa sheegaysa inay sidoo kale jiraan warar sheegaya in jabhadana ADF ay laayeen dad shacab ah oo saarnaa baabuur kolonyo ah maalintii axada ahayd.

Waxaana weerarkaasi la sheegayaa in lagu dilay shacab gaaraya ilaa labaatan qof

Ruushka 10ka Okoobar 2017 Madaxweyne Trump iyo Hilarry Clinton

Warbaahinta dalka Maraykanka ayaa sheegaysa in la soo ogaaday in basaasiinta Ruushka ay kumanaan kun oo doolar ku bixiyeen xayaysiimo si saamayn loogu yeesho doorashadii Maraykanka ka dhacaday sanadkii hore.

Warar laga helay shirikada internetka ee Google ayaa sheegaysa in xayaysiimahani looga gon lahaa in lagu faafiyo warar aan sax ahayn iyadoo la isticmaalayo aaladaha Google, Youtube iyo Gmail.

Xayaysiimahan ayaan u muuqan kuwa laga soo maleegay aqalka Ruushka looga taliyo ee Kremlin-ka.

Sirdoonka Maraykanka ayaa bilowgii sanadkan soo qatimay baaritaan lagu hayay Ruushka oo ku saabsanaa saamaynta uu ku lahaa doorashadii Maraykanka ka dhacday.

Waxaa sidoo kale jirtay in xubno aqalka Congreska Maraykanka ka tirsan ay amuurtan baarayeen.

Shirikada Google ayaa iyana sheegaysa inay si qoto dheer u baarayso iskudayo looga meel dhacay qaabkooda shaqo.

Kenya 10ka Okoobar 2017 Dabley hubeysan ayaa la sheegay inay rasaas ku fureen dad ku sugnaa Kambaska Jaaamacadda Farsamada (The Technical University of Mombasa) oo ku taalla Deegaanka Xeebta leh ee Kwale.

Boliska iyo Goobjoogayaal ayaa sheegay in weerarkaasi lagu dilay 2 haween oo ka tirsanaa Shaqaalaha Jaamacadda, iyadoo 2 Askari, Dareewal iyo dhowr Arday ku dhaawacmeen Weerarkaasi.

Goobjooge codsaday inaan magaciisa la sheegin ayaa u sheegtay Wakaalladda Wararka REUTERS inay iyada iyo dhor arday ku baxsadeen Baskii ay la socdeen, kadib, markii dabley hubeysan tacshiirad ku fureen Kambaska Jamaacadda.

Waxay kaloo sheegtay inay aragtay Arday dhiig ka qulqulayey oo laga soo bixinayo Dhismahaasi, xilli ay Boliska galayeen Kambaska.

Dhinaca kale, Saraakiisha Boliska ayaa sheegay inaysan kala caddayn haddii ay kooxaha weerarka geystay ka tirsan yihiin Alshabaab iyo in kale. Dagalaamayaasha Alshabaab waxay horey weeraro uga geysteen gudaha Kenya, gaar ahaan Degmooyinka ku teedsan dhulka xuduudka

Dhinaca kale, Ciiddanka Kenya waxay shalay sheegteen inay 6 Dagaalyahan o oka tirsan Alshabaab ku dileen Hawlgal ay ka fuliyeen dhulka kaymaha Booni..

Afhayeenka Ciiddanka Kenya, David Obonyo waxa uu Saxaafadda u sheegay inay Hawlgalkaasi ku qabsadeen 6 qoryaha AK 37, 3 bam gacmeed iyo 321 xabbo oo rasaas ah, waa sida uu hadalka u dhigay.

Muqdisho 10ka Okoobar 2017 Guddigii loo xilsaaray in ay soo baaraan Kiiska Cabdikariin Sheekh Muuse Qalbi dhagax ayaa Maanta lagu waddaa in ay jawaab ka bixiyaan baaritaanadii loo xilsaaray.

Guddiga oo ka koobnaa 15 xubnood ayaa waxaa la magacaabay Horaantii Bishii hore , waxaana loo qabtay in ay maanta oo ah 10 October ay jawaab keenaan.

Guddiga ayaa lagu Waday in Warbixintooda ka horjeediyaan Baarlamaanka, laakiin waxaa xusid Mudan in Maanta uusan jirin Kulankii Baarlamaanka.

Xubnaha Guddiga loo xil saaray Kiiska Qalbi dhagax ayaa maalmihii lasoo dhaafay waday Kulamo kala duwan oo ay la qaadanayeen Hay’adaha kala duwan ee dowladda.

Xukuumadda Soomaaliya ayaa horay u sheegtay in ay dowladda Itoobiya ay ku wareejisay Cabdikariin Sheekh Muuse Qalbi Dhagax oo ka tirsanaa ONLF.

Arintaasi ayaa buuq badan ka dhexdhalisay Hay’addaha kala duwan ee dowladda.

WARARKA MAANTA Oktoobar 09, 2017 Sir Culus Yaa runta qarin kara?

Su'aalaha Maanta: Maxay tahay sababta uu Madaxweyne Mudane Maamed Cabdillaahi Farmaajo (Been-Hawaas) uga qayb-geli waayey Shirka ay Dowlad Gobaleedka Jubbaland ku martiqaaday Madaxweynayaasha Dowlad Gobaleedyada? Maxuuse Khaa'inul Waddan Raysal Wasaare Mudane Xassan Cali Kheyre (Bakhti-Raamsade” uga qayb-geli waayey Shirka Dowlad Gobaleedka Jubbaland ku martiqaaday Madaxweynayaasha Dowlad Gobaleedyada? Waxaa xaqiiqo ah inay Madaxweynayaasha Dowlad Gobaleedka fahansan yihiin inqilaabka ay Dowladda Federaalka u soo maleegtay sdii ay uga takhalusi lahayd Dowlad Gobaleedyada iyo Madaxweynayaasha Dowlad Gobaleedyada kuwaasoo wada qaatay magaca madaxxweyne isla-markaasna sheki weyn geliyey yaa waddanka madaxweyne rasmi ah ka maadaamo dowlad gobaleed walba ay siday rabto heshiisyo ula soo galayso ururo iyo dowladdo shisheehe ah!

Muqdisho Oktoobar 09, 2017 Wararka naga soo gaaraya inta u dhaxeysa Degmooyinka Wadajir iyo Dharkinley ee Gobolka Banaadir ayaa ku waramaya in rag hubeysan ay goordhaweyd dhaawaceen  Mas’uul ka Tirsan Dowladda Soomaliya.

C/laahi Shiikh Cumar oo ah Agaasimaha waaxda shaqaalaha Wasaaradda Gaadiidka iyo Duulista Hawada Xukuumadda Soomaliya ayaa la weeraray xili uu gaarigiiisa shidaal ku shubanayay.

Qaar  ka mida Dadkii goobta ka Dhowaa  ayaa sheeeg in dhaawac uu soo gaaray mas’uulka ka Tirsan wasaaradda gaadiidka iyo duulista Hawada Xukuumadda  Federaalka Soomaliya, islamarkaana dhaawiciisa loo qaaday isbitaaladda Magaaladda Muqdisho.

Ilaa haatan si dhab ah looma oga ragii ka dambeeyay falkaan.

Kismaayo Oktoobar 09, 2017 Adolf Hitler Hogaamiyahii hore ee Dalka Jarmalka ayaa xiligii uu qabsanayey dalal badan oo reer yurub ah baa beri lagu yiri dadkii ugu doqonsanaa uguna xumaa xaga damiirka ee aad la kulantay waa kuwee?

“Waxuu yiri waa kuwo daba dhilifyo ahaa oo anigoo wadankooda ku duulayo igu caawiyay burburintiisa garabna igu siiyay qabsashadiisa

Hitler kuwaa uu sheegayo ee Daba dhilifyada ah ee Ajnabiga uu ku adeegto raalina ka ah in dalkooda hooyo lagu bur buriyo waxaa waqtigan hormuud u ah siyaasiyiintii fashilmay ee Badda Soomaaliya iibsaday iyo Madaxda Maamul Goboleedyada ama hogaamiye kooxeedyada cusub loogu yeero.

Hadaba marka aan usoo daadego dulucda qormadan sida la ogyahay waxaa Magaalada Kismaayo shir uu uga socdaa Madaxda Maamul goboleedyada waxaana ujeedooyinka shirkaas iyo waxa uu daaran yahay si aan xogo dheeri ah uga helo aan la xiriirey qaar ka mid ah xildhibaanada Baarlamaanka Soomaaliya oo iyagu si dhaw ula socda shirkaas qabashadiisa waxaana ay ii xaqiijiyeen in shirkaas dabada ay ka riixeyso dhaqaalena ay ku bixisay dawladda Imaaraadka Carabta.

Xildhibaanada arintan ii xaqiijiyey waxa ay ka mid yahiin mudanayaashii dhawaan mooshin ka gudbiyey Imaaraadka Carabta oo ay ku eedeeyeen in ay fara gelin ku hayso siyaasada arimaha gudaha ee Soomaaliya.

Waxaa la yiraahdaa taariikhda waxaa laga bartaa taxanaha isdaba jooga ee dunidu soo martay waxayna kala huftaa Geesiga iyo Fuleyga Halyeeyga iyo Habacsanaha, Deeqsiga iyo Baqaylka, Waddaniga iyo Qaa’inka.

Sida la ogyahay Soomaaliya intii ka dambeysay bur burka dawladdii hore waxaa meel walba oo ciida soomaaliyeed ah buux dhaafiyey Madax Daba Dhilifyo iyo Jawaasiis ay ku adeegtaan cadawyada faraha badan ee Soomaaliya ay leedahay gaar ahaan Itoobiya iyo Imaaraadka Carabta oo haatan kusoo biirtey.

Dabadhilif iyo Jaasuus marka qeexitaan lagu sameeyo qadiyadoodu waxa ay ku xiran tahay waa qadada,xoogaga shilimaadka ah iyo jago been ah oo la siinayo iyagoo waxyaabahas aan micnaha weyn laheyn ku iibsanaya ama ku bedalanaya bur burinta Diintooda,Dadkooda iyo Dalkooda.

Taariikhdu iyadaa is qorta, ruux waliba waxaa lagu qori doonaa labada Buug midka madow ama midka cad midkood iyadoo geesiyada wadaniga ah had iyo jeer lagu qoro “Buuga Dahabka ah” ee Alle uu la doonay kuwa xaqa u dagaalama duligana aanan aqbalin, difaacana diintooda, dadkooda iyo dalkooda, cidna aanan uga haybaysan rabitaanka shacabkooda, cadowgana aan ka baqin ee iska celiya.kuwaas oo dhab ahaantii aduunkana Sharaf,Cisi iyo Karaama ku noolaada, Aakhirana baraare iyo ku waara Janatul Fardowsa,ummadda ka dambeeysa ee ku abtirsatana ay ku naaloodaan sharaftii iyo karaamadii ay u soo hooyeen dadkooda iyo dalkooda.

Dhinaca kalena waxaa jira adeegayaal daba dhilifyo ah oo gumeysiga uu ku shaqeysto, ma damqadayaal xariga gumeystaha uu ku dabayo walaalkood soo diyaariya kuwaasna ummaddu waxa ay ku qortaa “Buuga Madow” iyagoo damiir laawayaashaas gumeysiga uu ku shaqeysanayo inta ay nool yahiin oo dunida ay joogaan waxay ku noolanayaan Sharaf daro, Uur ku taalo,Dhag xumi taariikhda u gasha iyo dulinimo ay ku dambeeyaan waxaana magac xumidaas ay xitaa dhaawaceysaa oo bar madow ku noqoneysaa caruurtooda iyo eheladooda.

Ugu dambayntii dadka wadaniyiinta Soomaaliyeed ee sida xooga leh u diidan fara gelinta shisheeyaha ayaa marka ay qiimeeyeen shirka ka socda Magaalada Kismaayo oo ah mid duulaan ku ah qaranimada soomaaliyeed waxa ay yiraahdeen shartiisa hagoogan Alle ayaan ka magan galnay shar gudan iyo shaydaan xijaaban.

Fadlan walaal adigoo mahadsan Share dheh oo la wadaag walaalaha kale si ay u aqriyaan qoraalkan.

Dowlad Gobaleedka Oktoobar 09, 2017 Hitler kuwaa uu sheegayo ee Daba dhilifyada ah ee Ajnabiga uu ku adeegto raalina ka ah in dalkooda hooyo lagu bur buriyo waxaa waqtigan hormuud u ah siyaasiyiintii fashilmay ee Badda Soomaaliya iibsaday iyo Madaxda Maamul Goboleedyada ama hogaamiye kooxeedyada cusub loogu yeero.

Hadaba marka aan usoo daadego dulucda qormadan sida la ogyahay waxaa Magaalada Kismaayo shir uu uga socdaa Madaxda Maamul goboleedyada waxaana ujeedooyinka shirkaas iyo waxa uu daaran yahay si aan xogo dheeri ah uga helo aan la xiriirey qaar ka mid ah xildhibaanada Baarlamaanka Soomaaliya oo iyagu si dhaw ula socda shirkaas qabashadiisa waxaana ay ii xaqiijiyeen in shirkaas dabada ay ka riixeyso dhaqaalena ay ku bixisay dawladda Imaaraadka Carabta.

Xildhibaanada arintan ii xaqiijiyey waxa ay ka mid yahiin mudanayaashii dhawaan mooshin ka gudbiyey Imaaraadka Carabta oo ay ku eedeeyeen in ay fara gelin ku hayso siyaasada arimaha gudaha ee Soomaaliya.

Waxaa la yiraahdaa taariikhda waxaa laga bartaa taxanaha isdaba jooga ee dunidu soo martay waxayna kala huftaa Geesiga iyo Fuleyga Halyeeyga iyo Habacsanaha, Deeqsiga iyo Baqaylka, Waddaniga iyo Qaa’inka.

Sida la ogyahay Soomaaliya intii ka dambeysay bur burka dawladdii hore waxaa meel walba oo ciida soomaaliyeed ah buux dhaafiyey Madax Daba Dhilifyo iyo Jawaasiis ay ku adeegtaan cadawyada faraha badan ee Soomaaliya ay leedahay gaar ahaan Itoobiya iyo Imaaraadka Carabta oo haatan kusoo biirtey.

Dabadhilif iyo Jaasuus marka qeexitaan lagu sameeyo qadiyadoodu waxa ay ku xiran tahay waa qadada,xoogaga shilimaadka ah iyo jago been ah oo la siinayo iyagoo waxyaabahas aan micnaha weyn laheyn ku iibsanaya ama ku bedalanaya bur burinta Diintooda,Dadkooda iyo Dalkooda.

Taariikhdu iyadaa is qorta, ruux waliba waxaa lagu qori doonaa labada Buug midka madow ama midka cad midkood iyadoo geesiyada wadaniga ah had iyo jeer lagu qoro “Buuga Dahabka ah” ee Alle uu la doonay kuwa xaqa u dagaalama duligana aanan aqbalin, difaacana diintooda, dadkooda iyo dalkooda, cidna aanan uga haybaysan rabitaanka shacabkooda, cadowgana aan ka baqin ee iska celiya.kuwaas oo dhab ahaantii aduunkana Sharaf,Cisi iyo Karaama ku noolaada, Aakhirana baraare iyo ku waara Janatul Fardowsa,ummadda ka dambeeysa ee ku abtirsatana ay ku naaloodaan sharaftii iyo karaamadii ay u soo hooyeen dadkooda iyo dalkooda.

Dhinaca kalena waxaa jira adeegayaal daba dhilifyo ah oo gumeysiga uu ku shaqeysto, ma damqadayaal xariga gumeystaha uu ku dabayo walaalkood soo diyaariya kuwaasna ummaddu waxa ay ku qortaa “Buuga Madow” iyagoo damiir laawayaashaas gumeysiga uu ku shaqeysanayo inta ay nool yahiin oo dunida ay joogaan waxay ku noolanayaan Sharaf daro, Uur ku taalo,Dhag xumi taariikhda u gasha iyo dulinimo ay ku dambeeyaan waxaana magac xumidaas ay xitaa dhaawaceysaa oo bar madow ku noqoneysaa caruurtooda iyo eheladooda.

Ugu dambayntii dadka wadaniyiinta Soomaaliyeed ee sida xooga leh u diidan fara gelinta shisheeyaha ayaa marka ay qiimeeyeen shirka ka socda Magaalada Kismaayo oo ah mid duulaan ku ah qaranimada soomaaliyeed waxa ay yiraahdeen shartiisa hagoogan Alle ayaan ka magan galnay shar gudan iyo shaydaan xijaaban.

Fadlan walaal adigoo mahadsan Share dheh oo la wadaag walaalaha kale si ay u aqriyaan qoraalkan.

Turkiga Iyo Maraykanka Oktoobar 09, 2017 Turkiga ayaa afgambigii dhicisoobay ku eedeeyay Fethullah Gulen Dawkadda Turkiga iyo Maraykanka ayuu soo kala dhexgalay muran qunsiliyad ka billawday, waxayna labadooduba joojiyeen inta badan dal ku galkii ay muwaadiniinta kale siin jireen.

Safaaradda Turkiga ee Washington ayaa sheegtay in ay u baahan tahay in ay dib u qiimaynayso, sida ay dawladda Maraykanka uga go’antahay ammaanka shaqaalahaha iyo hawlahooda.

War midkaas aad ugu dhaw ayay mar hore soo saartay safaaradda Maraykanka ee Ankara.

Arrintan ayaa timid iyadoo la qabtay qof ka shaqaynayay qunsuliyadda Maraykanka ee Istanbul, isaga oo lagu tuhunsan yahay in uu calaaqaad la lahaa wadaadkii lagu eedeeyay afgambigii dhicisoobay ee Turkiga ka dhacat sannadkii hore.

Maraykanka ayaa arrintaas ku tilmaamay mid aan sal iyo raad lahayn ayna dhaawacayso xiriirkii laba geesoodka ahaa.

Shaqaalaha qunsuliyadda ee la xiray ayaa ahaa muwaadin Turkiga u dhashay, sida ay ku warrantay Anadolu.

Muqdisho Oktoobar 09, 2017 Ra’iisul Wasaaraha Xukuumadda Federaalka Soomaaliya Mudane Xasan Cali Khayre ayaa caawa ka qeyb gaay munaasabad lagu soo bandhigeyey waxii u qabsoomay Guddiga Taakuleynta Ciidanka qalabka sida, ee dhawaan uu magacaabay Madaxweyne JFS Mudane Maxamed Cabdullaahi Farmaajo.

Guddiga ayaa sheegay iney diyaariyeen dariiq ay Shacabka Soomaaliyeed ku soo gaar siin karaan kaalmada ay ugu talagaleen in lagu caawiyo ciidankooda.

Ra’iisul Wasaare Khayre ayaa xusay muhiimadda ay Ciidamadu u leeyihiin dal kasta iyo sida Soomaaliya ay maanta ugu baahan tahay soo celinta karaamadii ay lahaayeen ciidankeenu. Isagoona baaq ku aaddan iney ciidamadooda taageeraan u diray bulshada Soomaaliyeed, ay garab istaagaan hawlaha lagu horumarinayo dhismaha dawladnimada.

Mudane Khayre ayaa balan qaaday in Xukuumaddu ay 20 kun dollar siin doonto gudiga taakuleynta Ciidamada si loo dar-dargeliyo hawlaha gudiga.

Munaasabadan ayaa waxaa sidoo kale ka soo qeyb galay masuuliyiin ka tirsan labada gole ee dawladda, maamulka gobolka Banaadir, saraakiil iyo siyaasiyiin.

—DHAMMAAD—-

Xafiiska Warbaahinta iyo Xiriirka

Carabta Oktoobar 09, 2017 Guddiga doorashooyinka Somaliland ayaa  ku dhawaaqay in dhammaan waraaqihii lagu codeynaayay iyo agabkii kale ee lagama maarmaanka u ahaa doorashada madaxtooyada Somaliland ay soo gaareen magaalada Hargeysa.

Afhayeenka guddiga doorashooyiinka Soomaliland Saciid Cali Muuse , ayaa sheegay in qalabkani doorashada laga keenay dalka Imaaraadka carabta.

Afhayeenka ayaa intaa ku daray in qalabkani oo warqadaha codaynta iyo foomamka ay ka mid yihiin ay soo gaareen Hargeysa .

“Waxa aan u xaqiijinayaa dadka Somaliland in wax alaale iyo wixii la doonayay in doorasho lagu galo guddiga doorashooyiinka qaranka wax ka maqan haba yaraatee ma jirto ” ayuu yri mr Saciid.

Afhayeenka guddiga doorashooyiinka Soomaliland Saciid Cali Muuse ,oo waraysi siinayay BBC ayaa sheegay in qandaraaska daabacaada warqadaha codeynta ay siiyeen shirkada Al Qureyr ee fadhigeedu yahay dalka Imaraadka Carabta.

Mr Saciid ayaa intaa ku daray in ay sugi doonaan ammaanka qalabka doorashada islamarkana ay wax waliba hubiyeen.

Doorashada Somaliland ayaa lagu wadaa in ay dhacdo 13 Nofembar 2017.

Dowlad Gobaleedka Puntland Oktoobar 09, 2017 Wararka ka imaanaya Magaalada Boosaaso Ee xarunta Gobolka Bari ayaa sheegaya in Weerar lagu qaaday Bar-koontorool oo Ciidamada Puntland ay ku leeyihiin Magaalada Boosaaso Ee xarunta Ganacsiga Puntland.

Weerarka ayaa la sheegay in ay ku dhinteen Saddex Askari oo ka tirsan Ciidamada Maamulka Puntland islamarkaana ay ku dhaawacmeen illaa 10 kale.

Goobjoogeyaal ayaa sheegay in Koox Hubeysan ay Weerar ku soo qaadeen Kontorool ay joogeen Ciidamada Puntland,waxaana halkaas ka dhacay Dagaal Mudo Saacado ah qaatay.

Magaalada Boosaaso ee Gobolka bari ayaa Dhowr jeer waxaa Weeraro ka geystay Al-shabaab iyo Daacish,balse weli ma jirto cid si rasmi ah u sheegatay Weerarka Xalay lagu qaaday Ciidamada Puntland.

Kenya Oktoobar 09, 2017 Mucaaradka Kenya ayaa dhigaya banaanbaxyo ay uga soo horjeedaan gudiga doorashooyinka

Dalka Kenya weli waxaa ka taagan muran u dhaxeeya muaacaradka iyo isbahaysiga Jubilee. Mucaaradku NASA ayaa waxaa ay dalbanayaan in isbadal lagu sameeyo xubnaha gudiga doorashooyinka oo ay leeyihiin waa in la bedelaa qaar ka mid ah xubnaha guddiga doorashada.

Sidoo kale mucaaradku waxay ku baaqeen banaanbaxyo looga soo horjeedo qaabka ay wax u wadaan guddiga doorashada, balse dowladda ayaa ku adkaysanaysa in isbadal aanan lagu samaynin gudiga doorashooyinka oo sidooda loo daayo.

Rabshado ayaa ka dhashay banaanbaxyo dhowr toddobaad ee la soo dhaafay ay dhigeen mucaaradka Kenya, kuwaa oo ka dhacay magaalooyinka ugu waaweyn dalka, waxaana doorashada ku celiska ah loo ballansan yahay inay dhacdo 26-ka bishan Octobar in la qabto.

Waxaana dalka ka socda ololoe xoogan oo ay wadaan isabahaysiga Jubilee ee madaxweyne Uhuru Kenyatta. Maxkamadda saree ee dalka Kenya ayaa waxba kama jiraan kasoo qaaday doorashadii dhacday bishii Agoosto,ka dib markii la sheegay in wax la isdaba mariyay. Cabsida ugu weyn ee la qabo ayaa ah in mucaaradka ay ka baaqsadaan doorashada inay ka qayb galaan.

Muqdisho Oktoobar 09, 2017 Ciidamada amaanka maamulka Puntland ayaa gacanta ku dhigay Doon laga leeyahay dalka Iiraan oo la sheegay inay si sharci daro ah u kalluumeysanaysay xeebaha Puntland.

Ciidamada illaalada Xeebaha Puntland ayaa dhaawacay mid kamid ah shaqaalaha doonta saarnaa iyadoo gacanta lagu hayo kabtankii waday doonta.

Doonta ayaa maalmo ka hor lagu arkay gudaha Badda deegaanada Puntland.

Korneel Maxamed Cabdi Xaashi oo ah Taliyaha Ciidamada Dekedda Boosaaso ayaa sheegay Ciidamada ammaanka in ay gacanta ku dhigeen Doontan oo laga leeyahay dalka Iiraan, iyadoo ay saarnaayeen 18 qof, intii uu howlgalkan socdayna lagu dilay mid ka mid ah raggii Doonta la socday, halka mid kalena uu dhaawacmay.

Dowlad Gobaleedka Galmudug Oktoobar 09, 2017 Xildhibaanadii Xilka ka qaaday Madaxweynaha Maamulka Galmudug ayaa sheegay in Guddoomiye ku xigeenka labaad ee Baarlamaanka Galmudug Maxamed Aadan Macalin laga dhigay Xabsi guri.

Waxa ay sheegeen in Ciidamo ka amar qaata Madaxweynaha Galmudug ayaa la sheegay iney Xabsi guri ka dhigeen Guddoomiye ku xigeenka labaad ee Baarlamaanka Galmudug islamarkaana loo diiday wax dhaq dhaqaaq ah.

Xildhibaan Axmed Yuusuf Cige oo ka mid ah Xildhibaanada Xilka ka qaaday Madaxweynaha Galmudug  ayaa sheegay in magaalada uusan ka bixi Karin Guddoomiye ku xigeenka labaad ee Baarlamaanka Galmudug, oo Ciidamo ay ku hareereysan yihiin.

Dhanka kale Xildhibaan Axmed Yuusuf Cige ayaa sheegay in shirka ka furmay Magaalada Kismaayo uu yahay shir lagu burburinayo Maamulka Galmudug, isaga oo sidoo kale tilmaamay in aysan aqbali doonin go’aanada shirka ka soo baxa.

Waxa uu tilmaamay in ay muhiim tahay in la tixgeliyo sharciga dalka iyo Dastuurka Maamulka Galmudug.

https://www.youtube.com/watch?v=5qgBzFcCeSo


WARARKA MAANTA Oktoobar 06, 2017 Sir Culus Yaa runta qarin kara?

Su'aalaha Maanta: Maxuu u qaban karaa Madaxweyne Mudane Maxamed Cabdilaahi Farmaajo (Been-Hawaas) Ummadda Soomaaliyeed mar haddii uu wax heshiis ah kala dhex dhigi waayey walaashiis, hooyadiis iyo xaaskiisa? Nala dhegaysta hee nin qoyskiisa maamuli waayey ayaa madaxweyne idiin ah oo waliba haddaba sidaa Madaxweynihii hore ee Damu-Jadiid Mudane Xassan Shiikh Maxamuud diidan inuu gobalka Banaadir helo xuquuqdiisa gobalnimo sida goballada kale ee dalka kuwaasoo leh maamul goballeedyo? udane Maxamed Cabdilaahi Farmaajo (Been-Hawaas) Ummadda Soomaaliyeed Iyo Raysal Wasaare Mudane Xassan Cali Kheyre “Bakhti-Raam-Sade” uga takhaluseen Madaxweynihii Maamulka Hirshabeelle Iyo Madaxweynihii Maamulka Galmudug oo ay ku bixiyeen lacago farabadan oo ah lacagihii la siin lahaa shaqaalaha dadweynaha iyo ciidamadda? Haddii aanu nahay madaxda warbaahinta waxaa waajib nagu ah in aanu Ummadda Soomaaliyeed u soo bandhigno runta ayadoo hadda la soo qaadi doono lacago farabadan oo lagu daabacay dalka Suudaan si lacagaha doolarka looga furto Ummadda Soomaaliyeed.

https://www.youtube.com/watch?v=zXaL2MnJAIs

Muqdisho Oktoobar 06, 2017 Wasiirka Wasaarada Maaliyadda ee Xukuumada Soomaaliya C/raxmaan Ducaale Bayle ayaa faah faahin ka bixiyay qorshaha ay Dowladda wado oo ah soo daabicista lacago cusub.

Wasiirka ayaa sheeegay in Dowladda Soomaaliya oo kaashaneysa Bankiga Aduunka ay socdaan qorshe lacago cusub lagu soo daabacayo.

Waxa uu sheegay Wasiir Bayle in ay muhiim tahay in Soomaaliya ay lacago cusub soo daabacdo islamarkaana ay ka shaqeynayaan hormarinta lacagahaasi, isaga oo sidoo kale tilmaamay in tirada lacagaha la soo daabacayo la isku afgartay balse ay socdaan qorshaha lagu daabici lahaa oo keliya.

“Waxa haray waxa weeye lacagtii, lacagtan lagu daabici lahaa oo aan lacag yar aheyn aya dhiman, taasina aad baan uga wada shaqeyneynaa World Bankiga, IMF iyo annaga.” Ayuu yiri Wasiir Bayle.

Dowladda Federaalka ee Somaaliya xilligaan adag ee lagu jiro waxaa lagama maarmaan ah in dalka ay u sameyso lacago daboola baahida bulshadu u qabto fududeynta adeegyada ganacsiga.

Muqdisho Oktoobar 06, 2017 Omar Abdirashid Ali Sharmarke Ra’iisul Wasaarihii hore ee Somaaliya ,hada waa la taliyaha Dowladda Imaraatka arimaha Somaaliya xaruntiisa waa Dubai.

Wada shaqeynta oo ah qaab qarsoodi ah ayaa waxa uu ku helay aduun lacageed oo ku fillan noloshiisa.

Horey waxa uu qeyb ka ahaa saxiix & heshiis muran dhaliyay oo ku saabsan badda Somaaliya .
Markale waxa lagu sheegay qoraal inuu qeyb ka ahaa Saxiix Dekaddaha Berbera iyo inuu dhiiri galiyay la wareegida tan Bosaaso.

Waxa uu ku heli donaa abaal gud lacageed ku gulleysashada in lala wareego Hobyo ,Marka ,Kismaayo iyo Baraawe , hasayeshee waxa adkaan doonto Dekadda Baraawe oo hada gacanta Dowlada ku jirto sida qoraal lagu daabacay.

Sanadii 2015 waxa uu si qarsoodi ula kulmay isagoo ah RW ninka lagu magacaabo Mohammed Ahmed Othman Al Hammadi oo ah Safiir Imaraadka Muqdisho ,waxaana lagu heshiiyay iskaashi arimaha Siyaasada oo dhameystiran .

Imaraadka oo ku xadgudbaya madax-banaanida Somaaliya ayaa hadana heshiisyada ka dhigaya ansax ; waxaa qeyb ka ah RW .

Raiisul Wasaare Masuul ka ahaa dalkiisa oo burbursan oo isku badalay la taliye dal kale arimaha dalkiisa ;waxa ay noqon kartaa qiyaano , basaasnimo iyo wardoon .

Aabihii oo beri Somaaliya ka ahaa Madaxweyne waxa uu ahaa halyeey wadani oo Somaaliya u qabtay arrimo badan oo hormar ah.

Bangiga Adduunka Oktoobar 06, 2017 Warbixinta Bankiga Aduunka uu soo saaray ayaa waxa ay taabaneysaa heerka nolosha iyo saboolnimada baahday ee ka dhalatay deganaanshiya la’aanta, Abaaraha soo noq noqday iyo shaqo la’aanta ku habsatay dadka ku sugan gobolada Soomaaliya.

Gobolka ayaa sida warbixinta Bankiga Aduunka lagu sheegay wuxuu wajahayaa Abaaro daba dheeraaday oo daran, taasi oo keentay in dad ku dhow Shan boqol oo Kun oo dad ah ay ku jiraan xeryaha barakacayaasha iyo dhulka fogfog ee baadiyaha.

Bankiga Aduunka warbixintiisa waxaa sidoo kale lagu sheegay in ay sii xumaaneyso xaaladaha cunto, sababo la xiriira Roobabkii gu’ga oo la waayay intii u dhaxeysay October 2016-kii ilaa Sanadkan Bishii March.

Sida ku qeexan warbixintan ku dhowaad Lix Milyan oo dad ah ayaa ku sii jiri doona dhibaatadan, gaar ahaana kuwa ku dhaqan gobolada Baay iyo Bakool, iyo gobolada reer guuraaga ah ee Waqooyi Bari, iyada oo ay keeni doonto in la waayo dalaga, sidoo kalena ay sii dhintaan xoolo.

Macluumaad dheeri ah oo Worl Bankiga uu sameeyay ayaa waxa ay ku aruuriyeen gugii la soo dhaafay ee sanadkii 2016-kii qiyaastii dad ku dho dhow 4.9 Milyan oo ku dhaqan meelaha la tagi karo amni ahaan ee baadiyaha in uu ku habsaday faqri baahsan.

Ka sokow dadka baadiyaha ah waxaa warbixintan lagu sheegay in xeryaha dadka barakacayaasha ah ee ka jirto gaajo iyo saboolnimo lagu sheegay in 10-kii qof ee ku nool halkaasi Todobo ka mid ah ay yihiin faqiiriin.

Maamulka Koonfur Galbeed Oktoobar 06, 2017 Maamulka Koonfur Galbeed Soomaaliya ayaa wuxuu markale sheegay in ay ka soo horjeedaan go’aankii Dowladda dhexe ay ka qaadatay khilaafka Khaliijka, oo ay taageersan yihiin xulufada Sacuudiga.

Kulan shalay Golaha Wasiirada Koonfur Galbeed Soomaaliya ay ku yeesheen Baydhabo, kadib hadal uu warbaahinta siiyay Wasiirka Warfaafinta ayuu ku sheegay in ay ku celinayaan in ay taageersan yihiin xulufada Sacuudiga.

Wuxuu kaloo sheegay Wasiirka Warfaafinta Ugaas Xasan Cabdi Maxamed shacabka Soomaaliyeed gaar ahaan kuwa Koonfur Galbeed in ay abaal u hayaan Imaaraadka iyo Sacuudiga, maadaama ay mar walba caawiyaan.

Sidoo kale Wasiirka Warfaafinta ayaa sheegay shirka Axada ka furmaya magaalada Kismaayo in ay ka qeyb geli doonaan wafdi uu hoggaaminayo Madaxweynaha Koonfur Galbeed Shariif Xasan Sheekh Aadan.

Maraykanka Oktoobar 06, 2017 Donald J. Trump Madaxweynaha Wadanka Mareykanka ayaa u muuqda in uu soo afjarayo heshiisyadii dhanka hubka Nuclearka oo horey loola galay Dalka Iiraan, Mr Trump ayaa  dib ugu celin doono aqalka Congareeska si cunaqabateyn cusub loo saaro Iran.

Todobadka soo socda ayaa lafilayaa in uu madaxweyne Donalda Trump uu jeediyo khudbad uu kaga hadlayo qorshaha Washington ay ku wajahayso barnaamijka Nuclearka ee Iiraan,sida ay sheegeen saraakiil katirsan Wasaaradda Difaaca Mareykanka.

Go’aankan ayaa la sheegay inuusan gabi ahaanba burburin doonin heshiiskii 2015-ka, balse taasi badalkeeda loo wareejin doono Kongareeska oo muddo 60 cisha gudahood go,aan uga gaari doono in Iran la saro cunaqabteyn cusub.

Sidoo kale Burinta heshiiskan ayaa  albaab u fureysa wadahadalo cusub oo ku saabsan heshiiska niyukleerka Iran, hase yeeshee madaxweynaha Iran Hassan Rouhani ayaa sheegay in aysan wadahadal ka geli doonin arrintani.

Madaxweyne Trump oo ka hadlayay kulan gaar ah oo  uu Aqalka Cad kula yeeshey saraakiisha milateriga ayuu sheegay inay qasab tahay inay soo afjaraan hanka nukliyeerka ee Iiraan, iyo sidoo kale waxa uu ugu yeeray daandaansigeeda Bariga Dhexe.

Maamulka Jubbaland Oktoobar 06, 2017 Meydka laba nin oo Ka Ganacsada Dhuxusha ayaa la geeyay degmada Badhaadhe ee Gobolka Jubbada Hoose kuwaas oo shalay labsheegay in lagu dilay deegaanka Wareeg Kismaayo ee isla Gobolkaas.

Labadaan Nin ee Ganacsatada ah ayaa dilkooda waxaa ka soo baxaya warar kala duwan Saraakiil ka tirsan Maamulka Jubbaland ayaa waxa ay  sheegeen in ay ka dambeeyeen dilkooda Al-Shabaab.

Dhanka kale ehelada ragga la dilay ayaa iyana waxa ay dhankooda sheegeen in Maalmihii u dambeysay ay taagneed xiisad u dhaxeysay dadka Dhuxusha shida iyo Al-Shabaab oo diidan in Dhirta la guro.

Maanta ayaa la filayaa in Degmada Badhaadhe ee Gobolkaasi Jubbada Hoose lagu aaso labadaasi nin ee ka Ganacsada Dhuxusha balse shalay Gelinkii dambe lagu dilay deegaanka Wareeg Kismaayo.

Laatiin Ameerika Oktoobar 06, 2017 Magaalooyin badan oo Costa Rica ku yaalla ayay daadad xoog badan ku dhufteen

Dabaylo roobab mahiigaanno ah wata ayaa lagu soo warramayaa in ay ugu yaraan 22 ruux ku dileen Costa Rica, Nicaragua iyo Honduras ka hor intii aysan u jihaysan Maraykanka.

Xaalad degdeg ah ayaa lagaga dhawaaqay dalal ku yaalla Badhtamaha Ameerika, halkaas oo lagu la’yahay 20 ruux.

Roobab mahiigaanno ah oo da’ay ayaa sidoo kale sababay, dhul go’ay iyo daadad gooyay waddooyinkii, iyadoo buundooyinna ay burbureen.

Sidoo kale guryo badan ayay waxyeelo ka soo gaartay roobabkaasi.

Ku dhawaad 400,000 oo kun oo ruux ku nool dalka Costa Rica ayaan haysanin biyo qasabadaha ka socda, kumannaan ruuxna waxay seexdaan goobo dadka loo diyaariyay.

Ugu yaraan lix ruux ayuu ku dhintay duufaanta halkaas ka dhacay, 11 ruux oo kaleetana waxay ku dhinteen markii ay u warreegtay dhanka waqooyi ee ay gaartay Nicaragua.

Dad lagu qiyaasay 5,000 oo ruux oo reer Costa Rica ah ayaa ku nool goobo ku meelgaar ahSaddex ruux ayaa ku dhimatay Honduras kuwo kale oo badanna waa la la’yahay.

Dhammaan khadadkii tareenka ee Costa Rica ayaa la xiray duulimaadyo badanna waa la baajiyay Khamiistii.

Beero xayawaan oo badan oo heer qaran ah oo caan ku ah dalxiiseyaasha ayaa iyagana albaadaba loo laabay ka hortag ahaan.

Meelaha ugu badan ee ay ka dhacday waxyeelada Nicaragua waa dhanka xeebta Caribbean

Khartuum Oktoobar 06, 2017  Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo dhiggiisa dalka Suudaan Mudane Cumar Xasan Albashiir oo si wadajir ah saxaafadda ula hadlay ayaa bogaadiyey wada-xaajoodyada ku aaddan iskaashiga Soomaaliya iyo Suudaan, iyaga oo dhabbaha u xaaray heshiisyo taariikhi ah oo ay wada saxiixdeen labada dowladood.

Madaxweynaha dalka Suudaan Mudane Cumar Xasan Al-bashiir ayaa ka hadlay ahmiyadda ay leedahay iskaashi buuxa oo dhexmara Soomaaliya iyo Suudaan iyo sida ay lagama maarmaan u tahay in kor loo qaado xiriirka ka dhexeeya wadamada Geeska Afrika.

“Mudane Madaxweyne, muddo labo maalmood ah oo aad nala joogteen aad bay noo farxad galisay. Maanta baahi wayn ayaan u qabnaa in aan garabkeenna ka aragno Soomaaliya oo midaysan, horumarsan oo awood leh, waana naga go’antahay in aan garab idinku siinno.”

Madaxweyne Maxamed Cabdullahi Farmaajo ayaa dhankiisa uga mahad celiyey Madaxweynaha iyo shacabka Suudaan sida wanaagsan ee ay u soo dhaweeyeen isaga iyo wafdigiisa. Sidoo kale, Madaxweynuhu waxa uu bogaadiyey kaalinta Suudaan ay ka qaadatay waxbarashada ardayda iyo tayeynta laamaha ammaanka ee Jamhuuriyadda Federaalka Soomaaliya.

Madaxweynaha ayaa yiri “waxaan ku xaqiijinaaya Mudane Madaxweyne in higsigeenna ku aaddan iskaashiga iyo horumarka uu mira dhal u muuqda, haddii aan Alle kaashanno, kana dhabayno qorsheyaasha aan hiigsaneyno.”

Intaas kaddib, Wasiirada labada dowladood ee wada xaajoodka ka qayb galay waxa ay heshiisyo ku kala saxiixdeen xarumaha Wasaaradaha Dowladda Suudaan. Heshiisyadan ayaa ku saabsan amniga, iskaashiga caalamiga ah, waxbarashada, beeraha, fanka, ciyaaraha, socdaalka iyo duulista hawada. Diblomaasiyiinta ka hawlgala Wasaaradda Arrimaha Dibadda ayaa iyagana tababarro ku qaadan doona dalka Suudaan.

Fulintan heshiisyadan ayaa waxaa loo xilsaaray guddi isku dhaf ah oo ka kooban labada dowladood kuwaas oo yeelan doona kulamo joogto ah. Waa heshiisyadii ugu ballaarnaa ee ay galaan taniyo markii uu soo bilowday xiriirka labada dawladood.

Dhanke kale, Madaxweynaha Jamhuuriyadda ayaa galinkii hore kormeeray warshadda lacagta, gaar ahaan kayd ay ku jirto lacag cusub oo dowladda Suudaan ay u daabacday Soomaaliya oo hawsheedu ay soo bilaabatay 2011kii iyo warshadda Yarmuuk ee soo saarta qalabka ciidamada.

Dhammaad

Wixii faahfaahin ah, fadlan kala xiriir

Oktoobar 06, 2017


WARARKA MAANTA Oktoobar 05, 2017 Sir Culus

Su'aalaha Maanta: Maxuu Xildhibaan Mudane Aamiin Jeesoow u kashifay aqoon darrada iyo beenta uu caadaystay Wasiirka Warfaafinta Eng. Mudane Cabdiraxmaan Yarisoow oo isku dayey inuu qariyo shirkaddaha sida sharci-darro ah uga dhex shaqeynaya gudaha Soomaaliya asagoo xitaa khaldaya magaca dowladda uu ka tirsan yahay oo uu Xildhibaan Jeesoow si xeelladaysan u saxay wasiirka oo indho-adeeg maciin-biday? Maxuu Wasiirka Warfaafinta Mudane Eng. Cabdiraxmaan Yariisoow u malaynayaa inuu qarin karo shirkaddaha sida sharci-darrada ah ugua dhex shaqeeya gudaha Soomaaliya? Maxuu qarin karaa macdanta ay sida khaldan u qarin karaa? Wasiirka Warfaafinta Eng. Mudane Cabdiraxmaan Yarisoow oo dhowr mar isku-dayey inuu warbaahinta ku amro inaysan wax warbixin ah ka qorin shirkadda sida sharci-darradaha uga dhex shaqeeya Soomaaliya asagoo waliba og inay si sharci-darro ah uga dhex shaqeeyaan gudaha Soomaaliya.  Xildhibaan Daahir Aamiin Jeesoow oo si fiican u sharaxay 140 shirkaddood oo aan cashuur bixin oo si khaldan u gurta macdanta dalka! Yaa qarin Kara runta?

https://www.youtube.com/watch?v=q0dyk-bJwfg

Maamulka Koonfur Galbeed Oktoobar 05, 2017 Shalay Magaaalada Baydhabo ee Xarunta Gobolka Baay waxaa mudo kadib dib ugu soo laabtay Madaxweynaha Maamulka Koonfur Galbeed Soomaaliya kaas oo si aan horay loo arag loo soo dhaweeyay balse waxaa barbar socda xildhibaanada Maamulkaas qaarkood oo dhaliilsan Siyaasadiisa.

Xildhibaan Dubad Maxamed Dhaqane oo ka mid ah Xubnaha Baarlamaanka Koonfur Galbeed Soomaaliya ayaa sheegay in Shariif Xasan uusan wax u qaban dadka dega deegaanada Koonfur Galbeed marka laga reebo in uu kursigiisa ilaashaday sida uu hadalka u dhigay.

Sidoo kale waxa uu hadalkiisa intaas ku daray in Shariifka uu jebiyay Dastuurka Koonfur Galbeed islamarkaana uu qaatay go’aan aan loo dirsan oo u ula jeeday mowqifka uu ka qaatay khilaafka Wadamada Khaliijka.

Isagoo sii hadlayay ayaa waxa uu hadalkiisa intaas ku daray in Shacabka qaarkood ay u geeriyoodeen abaar iyo sidoo kale in deegaano badan oo ka tirsan koonfur Galbeed lala wareegay.

Ugu dambeyn waxa uu sheegay in 16 Bishan uu furmi doono kulanka Baarlamanka kaas oo ay go’aan kaga gaari doonaan Shariif Xasan Sheekh Aadan Madaxweynaha dowlad Goboleedka Koonfur Galbeed Soomaaliya

Boosaaso Oktoobar 05, 2017 Kooxda Daacish ayaa sheegatay Mas’uuliyada Weerar lagu dilay qof shacab ah, laguna dhaawacay taliye ku xigeenkii Saldhiga Baalade C/raxmaan Barre Saalax.

Weerarka ayaa ka dhacay Maqaayad shaah laga cabo oo ku taala gudaha magaalada Boosaaso, waxaana Kooxdii Weerarka soo qaaday ay ka baxsadeen goobta. Kooxda Daacish ayaa ka mid ah Kooxaha ay dagaalka kula jirto Maamulka Puntland, kuwaas oo ku Ku Sugan Buuralayda degmada Qandala ee gobolka Bari.

Laamaha amniga Puntland ayaan illaa iyo hadda ka hadlin qofka rayid ah ee xalay ka dilay iyo Sarkaalka la beegsaday Boosaaso.

Si kastaba ha ahate, arrimahan ayaa kuso beegamaya xilli laamaha amniga ay maalmihii ugu dambeeyay hawlgalo amaanka kor loogu qaadayo ka wadeen Boosaaso.

Las Vegas Oktoobar 05, 2017 Haweenaydii ay saaxiibbaha ahaayeen ninkii 58 ruux ku dilay magaalada Las Vegas Axaddii ayaa sheegtay in aysan waxba ka ogayn wixii uu qorshaynayay saaxiibkeedii “naxariista badnaa, dacabsanaa, ee haddana afka gaabnaa.

Marilou Danley hadalkeedu wuxuu ku soo aaday saacado ka hor markii ay booliisku tilmaameen in Stephen Paddock uu ku noolaa “nolol dahsoon”.

Booliisku wuxuu sheegay in uu qorshaynayay markii hore in uu baxsado badalkii uu isagu is toogan laa, laakiin faahfaahin dheeri ah ma uusan bixinin.

Lama oga ilaa iyo hadda waxa ku qaaday in uu rasaas ku furo dadkii barxadda kaga qaybgalayay bandhig faneedka, isaga oo gaystay toogashadii ugu xumayd ee ka dhacda Maraykanka marka laga hadlayo taariikhda casiriga ah ee dalkaas.

Taliyaha booliiska deegaanka Joseph Lombardo ayaa ayaa shir jaraaid oo uu Arbacadii qabtay ka sheegay waxyaabahan:


    September 2017

     

    WARARKA MAANTA 18ka Sebteembar 2017 Sir Culus

    Su'aalaha Maanta: Maxuu qaban karaa Khaa'inul-Waddan Raysal Wasaare Mudane Xassan Cali Kheyre oo ay beesha caalamka diiday inay xukuummadiisa lacag dhaqaallo ah? Ma waxuu umalaynayaa inuu Khaa'inul-Waddan Raysal Wasaare Mudane Xassan Cali Kheyre runta ka qarin karo Ummadda Soomaaliyeed ee uu isku-dayey inuu si xeeladaysan ugu wareejiyo kheyraadooda Shirkadda Soma Oil and Gas oo $ 2 milyan oo saami be


    Agoosto 2017

     

    WARARKA MAANTA 31ka Agoosto 2017 Sir Culus

    Kenya 1ka Agoosto 2017Inta la xaqiijiyay Saddex qof oo shacab ah ayaa ku geeriyooday kadib markii gaarigii ay saarnaayeen ay miino kula qaraxday waddo ku dhow xuduudda Kenya ay la wadaagto Soomaaliya.

    Warkan waxaa warbaahinta gudaha ee dalka Kenya u xaqiijiyay sarkaal ka tirsan dowladda Kenya.

    “Baabuur Toyota ah oo ay saarnaayeen dhowr qof ayaa dul maray miino dhulka lagu aasay, deegaanka Nyongoro, waxaa halkaasi ku geeryootay Saddex qof.” Ayuu yiri Gilbert Kitiyo oo ah madax degaanka Lamu, oo taleefoon kula hadlay wakaaladda wararka Reuters.

    Ururka Al-Shabaab ayaa marar badan degaanka ka fulisay weeraro iyo qaraxyo, waxayna sheegeen inay sii wadi doonaan inta ay ciidamada Kenya ku sugan yihiin gudaha dalka Soomaaliya.

    Qaraxan ayaa ah midkii Shanaad oo noociisa ah oo muddo Saddex bilood ah ka dhaca degaanka.

    Kenya 31ka Agoosto 2017 Warar dheeraad ah ayaa ka soo baxaya qarax lala eegtay kolanyo gadiid ah oo ay la socdeen ciidamada  AMISOM kuwaa oo maraayey mid ka mid ah xaafadaha degmada af-Gooye ee gobalka shabeelada hoose.

    Qaraxaan oo Ahaa kuwa meelaha fog fog laga hago ayaa waxaa laga maqlay dhamaan xaafada degmada Af-Gooye ee gobalka shabeelada hoose.

    Goobjoogayaal  ka ag dhawaa halka qaraxa uu ka dhacay ayaa sheegay in qaraxa aysan waxyeelo kasoo gaarin dad Rayid ah waxeyna ka gaabsadeen  khasaaraha soo gaaray ciidamada AMISOM ee la bartilmaameedsaday, Ciidamada AMISOM ayaa la sheegay in ay xireen jidadka soo gala goobta uu qaraxa ka dhacay, waxaana la maqlay risaas culus oo ay ciidamadu ridayeen.

    Warar lagu baahiyay Warbaahinta Xarakada AL-shabaab ayaa lagu shegay in Qaraxaas iyagu ay ka danbeeyeen uuna ku geeriyooday hal Askari halka tira kalana ay ku dhawacantay sida hadalka ay u dhigeen.

    Wali ma jiro wax war ah oo ka soo baxay saraakiisha hay’addaha amniga dowladda iyo kuwa AMISOM, ee ku sugan degmada Af-Gooye ee gobalka sh/hoose.

    Muqdisho 31ka Agoosto 2017 Waxaa soo dhamaatay dhaarinta xildhibaanada labada aqal ee baarlamaanka Kenya, xili wali maxkamadda sare ay ka socoto dacwad la xiriirta muranka doorashada xilka madaxweynenimada Kenya oo ay isku hayaan madaxweyne Uhuru Kenyatta iyo hoggaamiyaha mucaaradka Raila Odinga.

    Saakay dhaarinta waxa ay ka bilaabatay aqalka baarlamaanka, halkaas oo xilka la dhaariyay dhammaan 290 xildhibaan ee lasoo doortay iyo 47 dumarka ah ee laga soo doortay 47-da degmo ee Kenya iyo waliba 12-ka xildhibaan ee lasoo xulay sida uu qabo sharciga Kenya.

    Baarlamaanka aad ayuu uga duwanyahay baarlamaanadii hore, waxaana jira wajiyo badan oo ku cusub oo qaarkood xariiqay taariikh ku cusub dalka Kenya.

    Waxaa markii ugu horeysay baarlamaanka Kenya si toos ah loogu soo doortay 22 xildhibaan oo dumar ah oo rag inta la tartamay kaga guulaystay doorashada , 18 ka mid ah dumarkaas waxa ay u tahay markii koowaad oo lasoo doorto. Waxaa ka mid ah haweenay Soomaali ah oo laga soo doortay deegaanka Ijaaraa Safiya Nuur.

    Xildhibaanada Soomaalida ah ee iyagu markii ugu horeysay baarlamaanka soo galay waxaa ka mid ah Bashiir Cabdullaahi oo laga soo doortay Waqooyiga Mandhera, Aadan Qalooshe oo laga soo doortay galbeedka Wajeer iyo Cabdiqaadir Cusmaan oo laga soo doortay deegaanka Faafi ee Gaarisa, waxana ay u warameen wariyaha BBC-da Bashka Jug Soo dhacay, waxayna sheegeen in ay ku faraxsanyihiin xilkooda cusub.

    Xildhibaan Aadan Qaloshe, Galbeedka Wajeer.

    Waxaa kale oo taariikh xariiqay wiil 23 jir ah oo magaciisu yahay John Paul Mwirigi oo noqday xildhibaankii ugu da’da yaraa baarlamaanka Kenya.

    Wariyihii caanka ah ee xagga dabogalka Maxamed Cali ayaa isna ka mid ah xildhibaanada maanta la dhaariyay.

    Xisbiga talada haya ee Jubillee ayaa kursiga hoggaamiyaha aqlabiyadda usoo sharaxay markale Aadan Barre Ducaale oo laga soo doorto magaalada Gaarisa.

    Guddoomiyaha ururka xoogga badan ee macalimiinta Kenya Wilson Sossion ayaa ka mid noqday baarlamaanka Kenya kadib markii uu soo magacaabay xisbiga ODM ee Raila Odinga oo qoondo ku lahaa xildhibaanada 12-ka ah ee aqalka loosoo magacaabayo.

    Sidoo kale waxaa baarlamaanka ka mid ah noqdey Baba Owino oo ahaa guddoomiyihii ardayda Kenya oo isaga lasoo doortay isaga oo kusoo galay xisbiga ODM.

    Aqalka kale ee baarlamaanka Kenya ee Sanate-ka ama Aqalka Sare ayaa isna maanta la dhaariyay xildhibaanada oo ka kooban 47 xildhibaan oo laga soo doortay 47-da degmo ee Kenya, 12 dumar ah oo lasoo magacaabay , 2 xubnood oo dhalinyarada loo qoondeeyay iyo 2 loo qoondeeyay dadka naafada ah.

    Dhaarinta kadib aqalka ayaa galay doorashada guddoomiyaha iyo ku xigeenadiisa oo uu sharciga ogolyahay in xitaa ay banaanka kai man karaan.

    Kursiga guddoomiyaha Aqalka waxaa si adag ugu tartamay Ken Lusaka oo horey xilkan usoo qabtay iyo Faarax Macalin oo horey usoo noqday guddoomiye ku xigeenka baarlamaanka, labadooduba kama mid ahan xildhibaanada aqalkan.

    Codbixinta kadib Lusaka waxa uu heley 40 cod, halka Faarax uu helay 23 cod, sidaasina waxa ay guushu ku raacday Ken Lusaka.

    Muqdisho 31ka Agoosto 2017Taliyaha Hay’adda Nabad Suggida Iyo Sirdoonka Qaranka Soomaaliya C/laahi Maxamed Cali (Sanbaloolshe) ayaa sheegay hawlgalka xasilinta in la gaarsiinayo Gobolada dalka Soomaaliya.

    Sanbaloolshe ayaa sheegay qorshaha inuu yahay in hawlgalka xasilinta in lagu ballaariyo Gobolada Shabeellaha hoose iyo Shabeellaha Dhexe oo Magaalada Muqdisho daris la’ah.

    Wuxuu tilmaamay hadda inuu socdo tababarida ciidamadii loo diyaarin lahaa qorshahaasi oo bilaha soo socda lagu dhaqaaqi doono, si nabad waarta loogu soo dabaalo ammaanka labadaasi Gobol oo Muqdisho daris la’ah.

    Taliyaha Nabad Suggida ayaa sidoo kale sheegay in la saxaayo qaladaad ka jira hanaanka ciidamada xasilinta gaadiidka shaqsiyaadka wata aqoonsiyada ay u waydiiyaan, taasi oo ah kaliya in qofka uu wato aqoonsi Dowladeed, iyadoo dadka dowladda u shaqeeya iyo kuwa ka madax banaan ay badan yihiin kuwa ka madax banaan Dowladda.

    Magaalada Muqdisho, ayaa tan iyo markii laga sameeyay qorshaha ku aadan xasilinta caasimada, Magaalada waxaa laga dareemay amni buuxa oo ku aadan inay yaraaden dilalkii ka dhici jiray Magaalada gudaheeda.

    Muqdisho 31ka Agoosto 2017 Ra’isul wasaaraha  Ethopia Hailemariam Desalegn ayaa ka codsaday madaxda gobalka geeska Africa in si dhaw ugu shaqeeyaan xasiloonida iyo nabadeenta gudaha dalka soomaaliya iyo sidoo kale gobalka.

    Ra’isul wasaaraha ethopia ayaa hadalkan jeediyay xili kulan arimahaaasi ku saabsan ay ku wada qaateen magaalada Addis Ababa David Muhaazi oo ah ergayga gaarka u ah madaxweynaha dalka Uganda Yoweri Museveni.

    Desalegn Iyo  Muhoozi  ayaa sidoo kale ka hadlay arimo kala duwan oo diirada ay ku saareen iskaashiga dagaalka ka dhanka ah waxa loogu argagixisada sida lagu yiri war saxaafadeed ka soobaxay xafiiska  ra’isul wasaaraha ethopia  Hailemariam Desalegn

    Desalegn ayaa ka digay taageerad  beesha caalamka ee ku aadan howlgalka nabad ilaalinta midowga Africa ee soomaaliya oo uu tilmaamaay in ay tahay mid aan ku filneen.

    Marka la eegayo xasaanada Ra’isul wasaaraha Ehopia wuxuu mas’uuliyadiisu tahaay in uu codkiisa uu ku miijiyo walaaca beeesha calamka ee quseeya xaalada amaaan ee gobalka iyo Midda Qaarada Africa.

    Muqdisho 31ka Agoosto 2017 Iyadoo maalinta Berito ah ay ku beegantahay Ciida Carafa ayaa suuqyada xoolaha lagu iibiyo laga dareemayaa mashquul iyo u diyaar garoow xoogan oo looo diyaar garoobayo maalinta berita ah.

    Aalaaba mashquulkaan iyo u diyaar garoowgaan oo kale ayaa suuqyada xoolaha laga dareemaa hadahaan oo kale sanadkiiba mar, waxaana siyaada khiimaha xoolaha lagu kala iibsado.

    Iyadoo maalinta Berito ah ay ku beegantahay Ciida Carafa ayaa suuqyada xoolaha lagu iibiyo laga dareemayaa mashquul iyo u diyaar garoow xoogan oo looo diyaar garoobayo maalinta berita ah.

    Aalaaba mashquulkaan iyo u diyaar garoowgaan oo kale ayaa suuqyada xoolaha laga dareemaa hadahaan oo kale sanadkiiba mar, waxaana siyaada khiimaha xoolaha lagu kala iibsado.

    Muqdisho 31ka Agoosto 2017 Ra’iisul Wasaaraha Dowladda Federaalka Soomaaliya Xasan Cali Khayre ayaa sheegay in aysan cidna dhihin Wasiirada lama hadli karaan Warbaahinta, balse loo baahan yahay marka laga hadlayo arrimo xasaasi ah in la wadatashado.

    Wuxuu sheegay Khayre Wasiirada in ay ka hadli karaan arrimaha la xiriira Wasaaradahooda, balse muhiim ay tahay marka ay doonayaan in ay ka hadlaan arrimo kale in si wadajir ah looga wadatashado, maadaama masiirka dalka laga hadlayo.

    Khayre ayaa hadalkan ka sheegay kadib kulan loogu magac daray Xukuumadda iyo Saxaafadda oo xalay ka dhacay Madaxtooyada Soomaaliya, kaasi oo su’aalo lagu weydiinayay Ra’iisul Wasaaraha iyo qaar ka tirsan Wasiiradiisa.

    “Cidna ma dhihin Wasiirada warbaahinta lama hadli karaan, laakiin hadii ay arrintu tahay mid meelo kala duwan galeysa in loo baahan yahay in la wadatashado, maadaama laga hadlayo masiirka dalka.” Ayuu yiri Khayre.

    Arrinta la xiriirta in Wasiirada ay soo maraan xafiiska Ra’iisul Wasraaha marka ay doonayaan in ay ka hadlaan arrimo xasaasi ah, ayaa waxa ay timid, kadib markii dhacdadii Bariire Wasiiro ka tirsan xukuumadda ay uga hadleen siyaabo kala duwan, dhacdadana ay aheyd mid qura.

    Muqdisho 31ka Agoosto 2017 Shaqo, wax qabad, hufnaan, karti iyo hal-abuur ayaa la isku dhaafay, guushu iskama dhalato balse waxay ku timaadaa aqoon, dhiiranaan, dadaal, daacadnimo iyo in dhaxda loo xerto adeeg kasta oo la qabanayo, marna la isma garab dego, dad ma wada sinaan karo, adduun waa isdaba maal. Dad baa hibo u leh inay ka mira dhaliyaan shaqooyinka loo xil saaro hase yeeshee waa fara ku tiris inta ku najaxda hadba hawsha lagu aamino, Madaxda Soomaaliyeed ee waqtigaan ku aflaxday shaqadii ay Qarankooda u hayeen waxaa tusaale wacan u ah masuulkii dhaliyay horumarka ay ku talaabsatey Wasaradda Arimaha Gudaha iyo Federaalka.

    Waa cusub ayaa u baryay Wasaaraddaasi xilligii loo magaacabay Prof. Yaxyre Cali Hareeri inuu ka noqdo Xoghayaha Joogatda ah, juhdi iyo dadaal aad u balaaran ayuu u galay sidii ay Wasaaraddu u sameyn laheyd isbadal iyo horumar la arki karo, hal–abuur, aqoon, xilkasnimo iyo waaya aragnimo ayuu la yimid, muddo kooban ayay Wasaaraddu sameysay hore-u-kac lixaad leh.

    Dhismaha Dawlad Goboleedyadii Galmudug iyo Hirshabeelle, maataaneynta Wasaaradda Arimaha Gudaha iyo dhigeeda Maamul Goboleedyada, baahinta maamulka Dawladaha Hoose, wax ka qabashada Abaaraha Wadanka, nooleynta maamulka Magaalada Muqdisho, is fahamsiinta beesha caalamka iyo madaxda Qaranka, suurta galinta Shirweynihii Dib-u-Heshiisiinta ee lagu qabtay Muqdisho iyo qorshayaal kale oo lagu guuleystay ayuu saldhig u ahaa Prof. Yaxye Cali intiii uu Wasaaradda ka ahaa Xoghayaha Joogtada ah.

    Xaq-soor, sinaan iyo in ruux kasta uu helo xaqiisa ayuu ka shaqeeyay, ul iyo diirkeed ayuu ka dhigay shaqaalihii kala daadsanaa, shucuur, shaqo jaceyl iyo isku kalsoonaan ayuu ku beerey shaqsi kasta, hab dhaqan aad loo jecleystay oo ku dhisan isla xisaabtan iyo daah furnaan ayuu soo kordhiyay, heegan ayuu saacad kasta u ahaa sidii loo gaari lahaa yoolalkii la hiiigsaneyay.

    Daacadnimo, hufnaan, iyo xilkasnimo ayuu ku kala maareyn jirey shaqooyinka horyaalo, geesi iyo halyey inuu ahaa ayaa la rumeysan yahay, haddii uu jiryo cid la ciseeyo isagu wuxuu ahaa midka loo ciseynta badan yahay, xusuus ahaan waxaa lagu xusuusan doonaa maamul wanaag, go’aan qaadasho sax ah, caddaalad, saafinimo, codkarnimo, dhiiri galinta shaqaalaha, u dhaga nuglaanta dadka taagta daran iyo xal u raadinta arin walba oo lagu kala aragti duwan yahay.

    Muran kama taagna inuu Prof. Yaxye ahaa masuulkii ugu saameynta balaarnaa Wasaaradda Arimaha Gudaha, xaqiiqdii mutacalimkaasi si cad ayuu uga soo dhalaaley xilkii loo igmadey, wey adag tahay in la helo ruug cadaa buuxin kara booskii uu banneeyay Xoghayihii Hore, la yaab iyo hal-xiraale ayay ku noqotay guud ahaan ummadda Soomaaliyeed gaar ahaan bahda Wasaaradda markii ay war heleen in la badalay aqoonyahankii u kacay Wasaaradooda.

    Fekarado aad isugu dhaw-dhaw ayay dadku ka bixiyeen arintaasi, isbadalkaasi in lagu deg-degay ayaa la isugu raacay, maalin madow ayay uga dhigneyd shaqaalaha Arimaha Gudaha badalkii lagu sameeyay Xoghayihii Wasaaradooda, Taariiqda ayaa ka marqaati kacaysa mustawihii uu gaarsiiyay Yaxye Cali Wasaaradda Arimaha Gudaha, amaan, bogaadin iyo hambalyo ayuu ku muteystay, mar haddi uu yahay Guuleyste Wanaagsan waxa haboon in lagu abaal mariyo Wasiir iyo Darajo kasta oo Wadanka loogu adeegayo.

    Muqdisho 31ka Agoosto 2017 Shaqaalaha dowlada oo la.murugsanaa sida ay u ciidi lahayeen iyaga iyo Caruurtooda ayaa mur qur ah Farxad laga dareemay taa oo keentay  in Mur qur ah jawigooda ku yimaado isbadal.

    Farxada shaqaalaha ayaa timid xili ay dhaqaalo xuma heysatay dhanka dhaqaalaha iyagoona oo wal wal xoogan haayey sida ay noloshooda ku maareyn la hayeen maalinta ciida oo maalinta bari kubbeegan

    xili danbe  ee Caawa ayaa mar qur ah isbadalay jawiga shaqaalaha Dowlada Federaalka Soomaaliya   taa oo laga dheehan karay wajiyadooda

    Shaqaalaha oo  Caawa ka war helay in akoomadooda ugu soo dhacdo Musharaadkooda ayaa  ka farxisay dhamaan ciidamada kala duwan ee dowlada iyo shaqaalaha

    Hal ku dhiga shaqaalaha Caawa ayaa ahaa Ra iisal wasaare Khere waa qeyreysan yahay  allaha  dhowro waa naga farxiyee cili muruga la taaheynay

    Muqdisho 31ka Agoosto 2017 Dowladda Ethiopia ayaa markii ugu horreysay xaqiijisay in dowladda Federaalka Soomaaliya ay u soo gacan galisay sarkaal ka tirsanaa ururka ONLF oo toddobaadkii hore la sheegay in lagu qabtay magaalada Gaalkacyo ee Gobolka Mudug.

    Dr. NEGERI Lencho, wasiirka arrimaha warbaahinta dowladda Ethiopia ayaa wareysi uu siiyay qeybta Afka Amxaariga ee idaacadda VOA ku sheegay in dowladda Somalia ay usoo gacan galisay Cabdikariim Sheekh Muuse (Qalbi Dhagax)oo ka tirsanaa ururka ONLF ee dagaalka lagula jirta dowladda Ethopia.

    “Waxaan kuu xaqijiyay in Ethiopia loo soo gudbiyay sarkaalka ONLF ka tirsan, waxaana soo gudbinta ay ku dhacday heshiis nagala dhaxeeya dowladda Somalia. Mas’uulkan wuxuu ka tirsan yahay ururka ONLF oo ah urur argagixiso ah” ayuu yiri Dr. NEGERI Lencho.

    Dowladda Soomaliya ayaan dhankeeda war kasoo saarin arinnta Qalbi Dhagax, inkastoo xalay Taliyaha Hay’adda Nabad Sugida iyo Sirdoonka qaranka Soomaliyeed ee Nisa C/laahi Maxamed Cali Sambaloolshe uu sheegay in arintaas ay tahay mid xasaasi ah islamarkaana isaga uu dowladda afduubtay.

    Muqdisho 1ka Agoosto 2017 Madaxweynaha Soomaaliya mudane Maxamed Cabdullaahi Farmaajo ayaa shacabka Soomaaliyeed u diray hambalyada ciidda barakaysan ee Al-Adxaa.

    Madaxweyne Famaajo waxa uu Alle uga rajeeyey shacabka Soomaaliyeed meel kasta ay ku sugan yihiin, caafimaad, horomar iyo barwaaqo, isagoo sheegay in arrimahaas lagu gaari karo xasilooni Amni oo si dhammaystiran uga hirgasha guud ahaan dalka.

    “Maalmaha Ciidul Adxaaga waa maalmo kuwayn diinteena Islaamka, waa maalmo astaan u ah isjacaylka iyo walaaltinimada bulshadeenna. waa maalmo muujiya dareenka dhabta ah ee aynu isu qabno.”ayuu yiri Madaxweynuhu.

    Madaxweynha waxa uu sii wayn  ugu muujiyey dhambaalka hambalyada ciidda ee uu u diray shacabka Soomaaliyeed ahmiyadda ay nabadda iyo amnigu u leeyihiin umadda, maadaama haatan si wayn looga soo kabtay dhibkii bur burka.

    Madaxweynaha ayaa yiri:  “haddii aan anagu masuuliyiintii nahay waxaanu u istaagnay in aan ka shaqayno amniga, qof kasta oo Soomaali ahna waxaan ka doonaynaa in uu nagala shaqeeyo, maxaa yeelay cadawga aan leenahy hadda waa kooxaha nabad diidka ah oo u diiday Soomaaliya horomar”

    Ugu dambeyntii Madaxweyne Farmaajo waxa uu tilmaamay dadaalka dowladdu ay ugu jirto xasilinta dalka, isagoona rajo ka muujiyey in Soomaaliya oo Nabad dhamaystiran ay ka jirto lagu ciido sanadka soo socda.

    Jarmalka 31ka Agoosto 2017 Wasaaradda Iskaashiga Dhaqaalaha iyo Horumarinta ee Dowladda Federalka Jarmalka (BMZ) ayaa sheegtay inay 25.85 million oo Dollar ugu deeqday Maamulka Puntland, UNICEF iyo Hay’adaha ay wada-shaqeynta leeyihiin.

    Lacagahaasi ayaa la sheegay in lagu sii wadi doono Hawlaha Isku-xirka Caafimaadka`iyo Barnaamijka Nafaqeynta, kaasi oo dhamaaday sannadkii hore.

    Ku-xigeenka Safiirka Jarmalka u jooga Somalia,

    Markus Bollmohr waxa uu sheegay inay ka walaacsan yihiin xaalladda caafimaadka ee dadka ku nool Puntland, gaar ahaan Haweenka iyo Carruurta.

    Waxa uu tilmaamay in Iskaashiga Dowladda Jarmalka ka geysanayso arrintaasi lagu badbaadin karo nolosha dad badan oo ku nool Somalia, gaar ahaan  Deegaanadda Puntland.

    Si kastaba ha ahaatee, Kharajka ayHay’adda Dowladda Jarmalka ugu qaabilsan Horumarinta Iskaashiga ku deeqday ayaa la sheegay in la soo marsiin doono Bangiga Horumarinta ee KfW Development Bank..

    https://www.voasomali.com/a/4009952.html

    WARARKA MAANTA 30ka Agoosto 2017 Sir Culus
    Su'aalaha Maanta:Maxay tahay sababta uu Raysal Wasaare Ku-xigeenka Mahdi Maxamed  u amaray in Dowladda Itoobiya lagu wareejiyo Taliyaha Jabhadda Dib-U Xoraynta Ogadeeniya kaasoo ay diideen Maamulka Galmudug inay u diibaan Itoobiya? Maxay tahay sababta Wasiirka Warfaafinta uu si hoos hoos ah ula dhacayaa dhaqaallo uu Bangiga Adduunka ugu tallogalay Ummadda Soomaaliyeed? Yaase raba inau weli ku sii dhacaan magaca Ummadda Soomaaliyeed 1991dii ilaa iyo hadda sida Hay'adda UNDP-Somalia Iyo Bangiga Adduunka "World Bank? Yaa qarin kara runta iyo musuqmaasuqa baahsan ee ay ka wada shaqaynayaa Wasiirka Warfaafinta Iyo labada hay'addood ee Soomaaliya ka dhigtay meel ay wax ku xadaan isla-markaasna aan la la xisaabtamin. Maxay Hay'adda IOM ka qabanaysaa gudaha Soomaaliya? Sida la wada ogyahay Hay'adda IOM waxay ka shaqaysaa arrimaha socdaalk adduunka balse ma aragteen wax mashaariic ah oo ay Ummadda Soomaaliyeed wax ugu qabtaan? Ma run baa inay Dowladda Wada Dadban u gudbisay Madaxii Ururka Jabhadda Xoraynta ee Ogadenia dowladda Itoobiya?
    Muqdisho 30ka Agoosto 2017 Raysal Wasaare Mudane Xassan Cali Kheyre oo shaaciyey inuusan la shaqayn karin Madaxweyne Mudane Maxamed Cabdilaahi Farmaajo oo markasta fashilay qorshayaasha ay xukuummadda soo dejinayso. Raysal Wasaare Mudane Xassan Cali Kheyre oo sheegay inuu Madaxweyne Mudane Maxamed Cabdilaahi Farmaajo  uusan hadda rabin sidii loo dardar galin lahaa hawlaha horyaala xukuummadda haddii uusan wax ka baddelin siyaasaddiisa.
    Muqdisho 30ka Agoosto 2017  Guddoomiyaha Degmada Awdheegle ee Dowladda Soomaaliya ayaa soo saaray waraaq uu ku faahfaahinayo natiijada maamulka uga soo baxday baaristii ay ku sameeyeen weerarkii  dhawaan ka dhacay degmadaas.
    Sidoo kale Guddoomiyaha ayaa sheegay waxyaabo badan oo ku saabsan dadkii la laayey, isagoo sheegay inay dadkaas ahaayeen dad hubeysan oo naftooda iyo maalkooda difaacanayey iyagoo ka cabsanayey beelo kale.
    Dhanka kale Guddigii Dowladda Soomaliya u magacowday arintaas ayaa maanta oo Arbacaha ah laga sugayaa in ay soo bandhigaan Natiijadda baaritaanka weerarkii lagu laayay shacab Soomaliyeed ee ka dhacay deegaanka bariire ee Gobolka Shabeelaha hoose.
    Muqdisho 30ka Agoosto 2017  Muddo sanada ahba waxaa qiimaheedu sii dhimanayay lacagta shilin Soomaaliiga taasoo jahwareer gelisay suuqyada ganacsiga.
    Bilooyinki ugu danbeeyey qaar ka mid ah gobolada dhexe iyo kuwa bari ee Soomaaliya ayaa waxaa aad u saameeyey lacago been abuur ah taasoo dhaawacday suuqyada ganacsiga.
    Haddaba arrimahaan oo dhan sideey u saameyn karaan dhaqaalaha dalka. Sahra Abdi Ahmed ayaa ka wareystay madaxa Machadka Cilmibaarista Dhaqaalaha iyo Arrimaha Bulshada Geeska Africa, Dr. Ali Isse Abdi.

    Wararka ka imaanaya deegaanka Xeraale ee Gobolka Galgaduud ayaa sheegaya inay ka jirto xiisad dagaal oo u dhaxeysa maleeshiyo deegaanka ah iyo kuwa Ahlusuna, kuwaasoo maalmihii la soo dhaafay ku dagaalamayay gacan ku heynta deegaanka.
    Muqdisho 30ka Agoosto 2017  Dhaq dhaqaaqyo ciidan oo iska soo hor-jeeda ayay labada dhinac ka wadaan gudaha iyo duleedyada, iyadoo Ahlusuna ay ciidamo fara badan oo duulaan ku ah u dirtay deegaanka, si ay weerar rogaal celin ah ugu qaadaan.
    Guddoomiyaha deegaanka Xeraale ee Maamulka Galmudug Bashiir Daahir Dhagabadan ayaa sheegay in Ciidamo ku hubeysan gaadiidka dagaalka ay Ahlusuna geysay duleedka Xeraale, ayna doonayaan inay dib ula wareegaan.
    Dagaaladii u dambeeyay ee ka dhacay deegaankaas ayaa waxaa ku dhintay dad fara badan, waxaana deegaanka ka barakacay boqolaal qoys, waxaana mar kale jirta cabsi laga qabo in mar kale dagaalo dib uga bilowdaan.
    Maamulka Galmudug ayaa ugu baaqay labada dhinac inay dagaalka joojiyaan, waxaana jiray baaqyo dowladda Federaalka horay ugu jeedisay dhinacyada ku dagaalamaya deegaankaas inay joojiyaan.


    Gudoonka Sare ee Barlamanka HirShabelle, ayaa ka warbixiya diyaar-garowga Doorashada Madaxweynaha cusub, ee maamulkaasi, oo la filayo inay dhacdo maalmaha food inagu soo hayo.

    Afhayeenka Barlamanka, Sheekh Cismaan Barre Maxamed oo la hadlay Warbaahinta, ayaa sheegay in doorashadda Madaxweynaha ay ku dhici doonto si Xur iyo Caddaalad ah oo lagu qanci doono.

    Wuxuu tilmaamay inay magacaabeen Gudi Doorasho oo 9 Xubnood ka kooban, kaasi oo ay u xilsaareen diyaarinta iyo maamulka Doorashada, iyadoo uu Barlamankana dusha kala socon doono howshiisa.
    Hirshabelle State 30ka Agoosto 2017  Doorashada ayaa la filayaa inay dhacdo billowga bisha September, Ciida Carafo kadib, balse arinta sida la hadal hayo ayaa ah in Kursiga ay u tartami karaan oo kaliya Murashaxiin kasoo jeeda beesha Xawaadle.
    Dastuurka maamulka HirShabelle ayaa dhigaya in mudo 30 cisho gudahood ah lagu doonayo in maamulka uu yeesho Madaxweyne cusub.
    Xildhibaanada Baarlamaanka maamulka HirShabeelle, ayaa bartamihii bishan kalsoonida kala noqday Madaxweynihii Hirshabeelle Cali Cabdullaahi Cosoble, kadib markii ay ku eedeeyeen Xil-gudasho la’aan.
    Cali Cabdullaahi Cosoble, ayaa wali diidan xilka qaadistii lagu sameeyay, iyadoo xitaa ay dowladda ay taageertay Go’aanka Xildhibaanada HirShabelle, wuxuuna kulamo kawadaa magaalada Beledweyne.
    Muqdisho 30ka Agoosto 2017  Guddoomiyaha degmada Yaqshiid ee maamulka Gobolka Banaadir Axmed Xasan Geedow oo Warbaahinta la hadlay ayaa sheegay in ciidamada amaanka gacanta kusoo dhigeen labo nin oo ku eedeesnaa dilka Gudoomiyihii gobolka Galgaduud iyo nin la dhashay.
    Geedow ayaa sheegay in ragan lasoo qabtay ay ku tuhmayaan in ay xubno ka yihiin kooxda Al Shabaab ayna ka dambeeyeen dilka Degmada Yaqshiid loogu geestay afartii bishan Guddoomiyihii Gobolka Galgaduud Maxamed Shiikh Cali Cilmi iyo walaalkiis Eng. Xasan Shiikh Cilmi.
    Gudoomiyaha ayaa xusay in ragan lasoo qabtay ku wareejiyeen laamaha amaanka ayna ku socdaan baaritaano dheeraad, waxa uuna inaa raaciyay in sidoo kale degmadiisa kasoo qabteen rag iyana falal kale amaanka lidi ku ah lagu tihmayo.
    Ugu dambeyn Gudoomiyaha Yaqshiid ayaa ugu baaqay shacabka ku dhaqan degmadiisa in ay keenaan xogta raga Shabaab katirsan ee dilalka ka geesta Degmada Yaqshiid, waxa uuna dadka uga digay in ay qariyaan dadka dhibaatada dhaxdooda ku geesta.
    Maamulka Hirshabeelle 30ka Agoosto 2017  Madaxweyne Mudane Cali C/llaahi Cosoble ayaa yiri “Hadii Shabaab meel qabsadaan waalooga guuraa, Anagane Jowhar waxaan ugu guurnay Dowladda Federaalka ah ee Soomaaliya oo dulmi cad nagu sameysay, Dowladda waxay dulmisaa Maamul goboleedyada Cagahooda isku taagay”.
    Madaxweynihii Baarlamaanka Xilka ka qaadeen ee Hir-Shabeelle ayaa sheegay in uu hayo Cadeemo Cad oo Muujinayo in Ra’iisul wasaaraha Soomaaliya uu soo abaabulay Mooshinkii ka dhanka ahaa, waxa uuna sheegay in howlaha shaqo uu u wareejiyey Magaalada Balad weyne.
    Cali C/llaahi Cusub ayaa Odoyaasha dhaqanka Hiiraan ka codsaday in ay la shaqeeyaan, maadaama uu sheegayo in ay dulmisay Dowladda federaalka.
    Waxaa lagu wadaa in uu la kulmo odoyaasha dhaqanka ee beesha uu kasoo jeedo si uu ugu sheego in ay u yeeraan Xildhibaanada Baarlamaanka Federaalka iyo Kuwa Maamulka Hir-Shabeelle.

    sagoo hadlayay ka dib markii uu soo booqday dhismaha Wasaaradda, ayaa Ra’iisul Wasaare Ku-xigeenku wuxuu sheegay in tallaabadani ay si weyn kor ugu qaadi doonto wax-soo-saarka iyo niyadda shaqaalaha, isla markaasna suurtogelin karta isla xisaabtan buuxa.

    Waa markii ugu horreysay ee dhismaha Wasaaradda ay si buuxda ugu shaqeeyaan mas’uuliyiinta Wasaaradda tan iyo markii ay burburtay dawladdii dhexe 1991-kii. Laga soo billaabo 2014-kii markii la kala jaray wasaraadihii warfaafinta iyo boostada iyo isgaarsiinta, madaxdii ugu sarreysay ee Wasaaradda Boostada iyo Isgaarsiinta, sida wasiirka, ku-xigeenka iyo agaasimaha guud waxay xafiisyo ku lahaayeen dhismaha Wasaaradda Warfaafinta ee agagaarka madaxtooyada, halka shaqaalaha intooda kale ay ku hawl-galayeen dhismihii rasmiga ahaa oo ku yaalla degmada Boondheere.
    Muqdisho 30ka Agoosto 2017  Wasaaradda Boostada & Isgaarsiinta Oo Xarun Ka furatay Muqdisho.. Hase yeeshee, markii ay soo gabagaboobeen waxyaabo ka dhinnaa dhismaha oo la sameeyay bilihii la soo dhaafay, waxaa la soo xiray xafiisyadii kale, iyadoo madaxda wasaaraddu ay si rasmi ah ugu shaqo billaabeen xaruntii ay Wasaaraddu lahayd.
    Wasiirka Wasaaradda Boostada, Isgaarsiinta iyo Tiknolojiyada Mudane Eng. Cabdi Cashuur Xasan ayaa sheegay in aysan suurto geli karin fulinta qorshe-hawleedka Wasaaradda haddii aysan masuuliyiinta Wasaaradda iyo shaqaaluhu ku wada shaqeynin hal meel, isaga oo sidoo kale ka mahadceliyey martigelinta Wasaaradda Warfaafinta ee muddadaas dheer.
    “Guuritaanka rasmiga ah ee madaxda wasaaradda iyo xiritaanka xafiisyadii kale waxay muujinayaan sida ay nooga go’an tahay inaan dalkeena iyo dadkeena u adeegno. Waxaan aaminsanahay inaan shaqo wanaagsan la qaban karin haddii maamulka sare iyo shaqaaluhu aysan isku meel ku shaqeyneynin, waayo ma jiri karaan wada-shaqeyn iyo isla-xisaabtan” ayuu hadalkiisii ku soo gabagabeeyay wasiirka.
    Muqdisho 30ka Agoosto 2017  Suxufi Daahir Calasoow oo wax badan kashifay:
    https://www.youtube.com/watch?v=MsRv5WBFd0c

    WARARKA MAANTA 28KA Agoosto 2017 Sir Culus
    Musuqmaasuq, kufsi, argagixiso iyo dilka dad rayidka ah oo aan waxba galabsan iyo kala hadal been loo wada sheegaayo Ummadda Soomaaliyeed!
    Su'aalaha Maanta: Ma jirtaa inuu Madaxa dalka ugu sareeye kufsaday gabar hadda xildhibaan ka ah aqalka hoose taasoo horayna u soo ahayd xildhibaannad oo uu dhalay abwaan caan ah? Ma jirtaa inuu Wasiirka Warfaafinta kufsaday gabar Maraykanka ah? Ma Jirtaa Wasiirka Dastuurka inuu ku kufsaday gabar magaalada San Diego California? Maxay tahay sababta uu Madaxweyne Ku-Xigeenka Maamul Gobaleedka Puntland Cabdixakiin Cameey u casilay Taliyaha Booliska Maamulka Gobaleedka Puntland Janaraal Cabdiqaadir Shire Erag? Maxaadse ka ogtahay inuu Madaxweyne Ku-Xigeenka Maamul Gobaleedka Puntland Cabdixakiin Cameey uu ka soo cararay dalka Maraykanka kadib markii uu bixin waayey lacagaha la siiyo caruurta aan dhashay ee loo yaqaano afka-qalaad "Child Support? Ceeb waxaa ah dadka ka dhigtay Madaxweyne Ku-xigeenka Maamulka Puntland nin xitaa ka soo cararay inuu bixiyo biilkii uu siin lahaa caruurtiisa? Agaasimaha Guud oo wacad ku maray inuu kashifi doono dad badan oo dalka dembiyo ka soo galay iyo ku dembiyo waa weyn ku galay dibaddaba toddobaadada soo socda ayagoo si toos ah loo soo dayn doono markhaatiyadii iyo dadkii goob jooga u ahaa dhacdooyin badan.
    Maamul Gobaleedka Puntland 28KA Agoosto 2017 Wareegto kasoo baxday madaxweyne ku-xigeenka Puntland ahna kusimaha Madaxweynaha,  Cabdixakiim Cabdullaahi Xaaji Cumar Camey ayaa shaqadii looga joojiyay taliyihii ciidamada Booliiska Puntland, Cabdulqaadir Farax Shire Ereg.
    Shaqo joojintan ayaa loo adeegsaday arrimo ay kamid ahayd inuu kasoo bixi waayay waajibaadkii loo igmaday. Waxaa lagu dhaliilay inuusan qaab wanaagsan u maamulin arrimaha la xariira howlaha ciidanka Booliiska oo faraha kula jiro shaqooyin kale.
    Warar soo baxaya ayaa sheegaya in taliye Ereg shaqo fariisintiisa sabab u tahay sii daynta maxaabiis ku xirnaa xasbiyada Puntland oo galay dambiyo kala duwan inkastoo aysan ku jirin shakhsiyaad ku eedaysnaa Al-shabaab
    Tallaabadan ayaa timid xilli Madaxda Puntland dhowr jeer oo hore loo gudbiyay cabasho ka dhan  ah shaqada taliyaha Booliiska.
    Shaqo fariisinta Taliyaha ciidamada Booliiska Puntland, ayaa kusoo aaday waqti Madaxweyne Gaas ku maqanyahay waddanka Sacuudiga isagoo u aaday inuu soo guto Acmaasha Xajka oo maalmo kooban inaga xigto.
    Maamulka Koonfur Galbeed 28KA Agoosto 2017 Ku simaha Madaxweynaha maamulka Koonfur Galbeed ahna Wasiirka Beeraha iyo Waraabka Maxamed Xasan Fiqi oo warbaahinta kula hadlay magaalada Baydhabo ayaa sheegay in dowladda Soomaaliya laga doonaayo in ay kusoo wargeliso howlgallada laga fulinaayo degaanada maamulka Koonfur Galbeed.
    Waxaa uu sheegay howlgallo badan oo waxyeelo ay kasoo gaartay dad Shacab ah in laga fuliyay gobolka Shabeelaha Hoose.
    Fiqi ayaa sheegay Dowladda Federaalka iyo Ciidamada taageera in ay gacan ka siin doonaan howlgalka ka socda gobolka Shabeellaha Hoose, oo uu ka taliyo Koonfur Galbeed, si uu u yaraado khasaare soo gaara dadka shacabka ah.
    Dowladda Soomaaliya ayuu ugu baaqay in ay la shaqeyso maamulka Koonfur Galbeed, xilliyadda ay socdaan howlgallada ka dhanka ah dagaalyahanada Al-Shabaab.
    Waxaa uu xusay in Koonfur Galbeed dowladda Soomaaliya in ay uga aqoon badan tahay degaanada gobolka Shabeelaha Hoose,sidaas darteed ay haboon tahay in ay howlgallada hagaan.
    Hadalka kasoo baxay maamulka Koonfur Galbeed ayaa kusoo beegamaya xilli Ciidamo ka tirsan Dowladda Soomaaliya iyo kuwa Mareykanka 25-kii bishaan ay weerar ku qaadeen beer ku taalla degaanka Bariire, halkaasi oo ay ku dileen 10 qof oo shacab ah.
    Muqdisho 28KA Agoosto 2017 Dowladda Soomaaliya ayaa sheegtay in ay dib u eegis ay ku sameyn doonto Tayadda Waxbashadda Jaamacaddaha Faraha badan ee ku yaalla Magaalada Muqdisho.
    Wasiirka Wasaaradda Waxbashadda dowladda Soomaaliya Cabdiraxmaan Daahir Cusmaan ayaa sheegay in dowladda Soomaaliya ay dib u eegis ay ku sameyn doonto Tayadda waxbarashadda si gaar ah Jaamacadaha.
    Wasiirka ayaa sheegay in Magaalada Muqdisho ay ku yaallaan in ka badan 50 Jaamacadood oo badankood ay liitaan nidaamkooda Waxbarasho.
    Waxaa uu sheegay in aan la aqbali doonin in xarun waxbarasho oo aan buuxin shuruudihii laga rabay in ay ka furnaato Soomaaliya.
    ” Xamar keliya waxaa ku taalla in ka badan 50 Jaamacadood, qaarnood uma qalmaan Jaamacad sida ay inoo sheegeen dadka” ayuu yiri Cabdiraxmaan Daahir Cusmaan.
    Wasaaradda waxbarashadda ayaa wata dadaallo xooggan oo laga hortagaayo xarumaha waxbarashadda ee laga iska furanaayo,kuwaa soo aan buuxinkarin shuruudihii laga rabay.
    Maraykanka 28KA Agoosto 2017 Ilaa 2,000 oo qof ayaa laga samata bixiyey daadad ku soo rogmaday magaalada Houston, iyada oo weli uu da’ayo mahiigaanka duufaanka Harvey oo mashaqeeyey gobolka Texas ee dalka Maraykanka.
    Wararka qaar ayaa sheegaya in ay suurto gal tahay in dad ku dhinteen baabuurta biyuhu qaadeen, laakiin weli waxa socda baadhitaannada samata bixinta ah, waxaana sidaa sheegay duqa degmada Harris County.
    Badhasaabka gobolka Texas, Greg Abbot, ayaa warbaahinta u sheegay in aanu ilaa haatan caddayn karin dad ku dhintay daadadkaas.
    Wakaaladda Saadaasha Hawada ayaa sheegtay in jawigu weli yahay mid aan “la saadaalin karin”. Waxaanay intaa ku dartay in daadadku sii xoogaysan doonaan oo aan gaadiid socon kari doonin.
    Waxa dadkii la samato bixiyey loo furay goobo hoy ah oo ay ka mid yahay garoon wayn oo shirarka lagu qabtaa.
    Badhasaabka gobolka ayaa sheegay in 250 waddo oo ku yaal gobolka Texas la xidhay isla markaana uu qaylo dhaan u diray dawladda federaalka ah si ay kaalmo ula soo gaadho 19 degmo oo gobolkaas ka mid ah oo madaxweyne Donald Trump deeq ugu yaboohay.
    “Waxaanu la daalaa dhacaynaa mashaqada roobabka ka da’aya saddex jiho oo ay meelaha uu ka da’ayona ka mid yihiin magaalooyinka Houston, Victoria iyo Corpus Chiristi” ayuu yidhi Abbott.
    Muqdisho 28KA Agoosto 2017 Dowladda Soomaaliya ayaa dadaal xoogan ugu jirta sidii loo horumarin lahaa adeegyada dhanka duulimaadyada ee dalka, iyo maamulka hawada Soomaaliya, maadaam haatan dalka uu dib uga soo kabsanayo saameyntii ka dhalatay burburkii 25 sano ka badan dalka uu kujiray.
    Wasiirka Gaadiidka iyo Duulista Hawada Xukuumadda Federaalka Soomaaliya Mudane Max’ed C/llaahi Salaad oo ka qeybgalay shir u dhexeeyey Wasiirada Duulista Africa iyo Bariga Dhexe, loogana hadlayay ammaanka dhanka duulista oo ka dhacay magaalada Sharma,Alsheekh ee Dalka Masar ayaa sheegey in guulo la taaban karo ay uga soo bexeen shirkaasi Soomaaliya.
    Wasiirka ayaa kulamo kaladuwan la yeeshey qaar kamid ah Wasiiradii ka qeybgalay shirkaasi oo ay kawad hadleen arrimaha laxiriira dhanka duulista, Sida wasiirka Duulista Hawada ee Dalka Masar, wuxuuna sheegey in siweyn loo soo dhaweeyey natiijooyin fiicana ay ka soo bexeen kulamadaasi.
    Wareysi gaar ah oo uu SONNA siiyay Axadii,  Wasiirka ayaa waxaa uu ku faah faahiyay qorshaha ku aadan waqtiga rasmiga ah ee Dowladda Soomaaliya ay qorsheynayso in la bilaabo maamulka Hawada Soomaaliya.
    “Waxaa rajeynaynaa in hawada Soomaaliya marka ugu horeysay laga maamulidoono magaalada Muqdisho,  Duulista hawada marka horeba iyadoo marka horeba aan aad u dhisnayn ayaa hadana dowladii bur burtay, marka hadda waxaan u baahanahay, in aanu helno shaqaale tababar fiican leh, markii ay soo laabtaana ay ka qeyb qaataan maamulka hawada Soomaaliya, sida aan qorsheynayno dhamaadka bisha October ayaa rajaynaynaa in ay bilaabato arrintaasi,balse way dhici kartaa dib u dhac oo maalmo ah, maadaama qalab badan la rakibayo”, Ayuu Yiri Wasiir Max’ed C//llaahi Salaad.
    Wasiirka ayaa sheegay in la dhameystiray adeegyadii looga baahnaa garoonka diyaaradah si loo helo duulimaadyada xiliyadii habeenkii, duulimaadyada shacabka iyo kuwa kaleba ay si isku mid ah u shaqeyn karaan, isagoo intaasi ku daray in ay jiraan shirkado la soo xiriirey si ay isku diwaan geliyaan adeegyada dhanka Duulimaadyada oo xiliyada habeenkii ah oo markii ugu horeysay laga hirgeliyay Garoonka Muqdisho.
    Muqdisho 28KA Agoosto 2017 aliyaha Ciidamada Maraykanka iyo NATO ee dalka Afghanistan , General John Nicholson, ayaa sheegay in dowlada Maraykanku ay ogtahay in hoggaamiyaha Taliban uu howlgalada ka soo qaado dalka Pakistan.
    Waxaa uu u sheegay kanaal telefishin oo Afhganistan laga leeyaha, Paksiatn in looga baahan yahay in ay wax ka qabato joogitaanka hoggaamiyaha Taliban ee magaalooyinka Quetta iyo Peshawar.
    Waxaa uu sheegay in arintaasi ay si gaar ah uga wada hadleen Washington iyo Islamabad.
    General Nicholson waxa uu wareysi faahfaahsan siinayey warbaahinta Afghanstan tan iyo markii uu madaxweyne Trump ku dhawaaqay istraatijiyadiisa cusub ee dalka Afghanistan todobaadkii tagay.
    Todobaadki hore, Madaxweynaha Maraykanka, Donald Trump, ayaa sheegay in degdeg ku saaridda ciidanka dalkiisa ee ku sugan Afghanistan ay fursad siineyso ururada argagixisada ah.
    Waxa uu intaa ku daray in markii hore uu ka fekerayay in ciidamada Maraykanka uu gebi ahaanba ka saaro Afghanistan, balse aanu hadda rabin inuu sameeyo khalad la mid ah kii Ciraaq.
    Trump ayaa sheegay inuu ka weecanayo hannaanka waqtiga ku xiran, oo uu xoogga saarayo mid salka ku haya wax ka qabashada xaaladda Afghanistan inta ay doonta ha qaadatee.
    Maamulka Galmudug 28KA Agoosto 2017 Madaxweynaha maamulka Galmudug oo shalay gaaray degmada Galinsoor oo ka mid ah gobolka Galgaduud ayaa Shacabka halkaasi kunool ugu baaqay in ay ka shaqeeyaan sidii loo qaadi lahaa isbaarooyinka yaalla Galinsoor.
    Waxaa uu sheegay in dadka halkaasi kunool aysan dhibaato ka bixi doonin inta ay yaallaan Gelinsoor , isbaarooyinka.
    Waalidiinta dhalay dhalinyaradda Isbaaradda dhigtay ayuu ugu baaqay in ay wacyi gelin u sameeyaan,islamarkaana ay u sheegaan in ay isbaaradda ay joojiyaan.
    Ciidamada Ammaanka maamulka Galmudug ayaa bilihii lasoo dhaafay waday howlgallo culus oo lagu dagaallamayo Kooxaha Jidgooyooyinka digtay degaanada maamulka Galmudug.
    Caluula 28KA Agoosto 2017 Wararka ka imaanaya Magaalo Xeebeedka Caluula ee gobolka Gardafuu ee Puntland ayaa ku waramaya in diyaarad dagaal ay saakay deegaankaas duqeyn ka geysatay.
    Mid kamid ah dadka deegaanka Afkalahaye ee degmada Caluula oo la hadlay oo warbaahinta ayaa sheegay in diyaarad  jawi hoose ku socotay ay duqeyn ka geysatay deegaanka islamarkaana uu jiro qasaaro soo gaaray xoolo ay lahaayeen dadka deegaankas.
    “Saakay Salaadii Subax diyaarad dagaal ayaa duqeysay deegaanka Afkalahaye ee degmada Caluula, dhawaqa rasaasta ay ridaysay ayaa laga maqlay deegaanka, goobta ay duqeysay ayaa ah goob ay ku sugnaayeen xoolo, waxaa jiro qasaaro soo gaaray xoolaha baaritaan ayaan wadnaa”, ayuu yiri mid kamid ah dadka deegaanka.
    Ilaa haatan ma jiro wax war ah oo kasoo baxay dhanka Maamul Goboleedka Puntland oo loogu hadlayo diyaaradda duqeysay degmada Caluula ee gobolka Gardafuu ee Puntland.
    Muqdisho 28KA Agoosto 2017 Deegaanka Bariire ee Gobolka Shabeelaha Hoose waxaa maanta ku wajahan Guddiga  xaqiiqa raadinta ee dowladdu ay u magacowday dhacdadii deegaankaas ka dhacday subaxnimadii Jimcaha aheyd kadib markii la laayay shacab Soomaliyeed Beeraley ahaa.
    Guddigaan waxaa hogaaminaya Wasiirka Amniga gudaha Xukuumadda Federaalka Soomaliya Maxamed Abuukar Ducaale Islow,waxaa sidoo kale kamid ah Taliyayaaasha Ciidamada Xoogga, Nabad Sugida Soomaliya iyo odoyaaal dhaqameed.
    Guddigaan ayaa la kulmi doona qeybaha kala duwan ee bulshada deegaanka bariire ee Gobolka Shabeelaha Hoose,waxayna ka xog wareysan doonaan dhacdadii lagu laayay 10-qof oo beeraley aheyd oo deegaankaas ku sugnaa, oo lagu eedeeyay Ciidamada Dowladda Soomaliya iyo kuwa Mareykanka in ay geystaan falkaas.
    Raisulwasaare ku-xigeenka  Xukuumadda Federaalka Soomaaliya mudane Mahdi Maxamed Guuleed ayaa sheegay shalay  in guddi loo saaray dhacdadii deegaanka bariire ee Gobolka Shabeelaha hoose, islamarkaana laga doonayo in Muddo 5-maalmood ah ay warbixin kaga keenaan wixii ka dhacay.
    https://www.youtube.com/watch?v=9cssd0HKM5U


    WARARKA MAANTA 27KA Agoosto 2017 Sir Culus
    Su'aalaha Maanta: Maxuu ka shaqayn jiray Jaajuuska la dhigay Raysal Wasaare Ku-Xigeenka Mudane Mahdi Maxamed "Siil-Dhuuqe"? Maxay tahay sababta Raysal Wasaare Ku-Xigeenka Mudane Mahdi Maxamed "Siil-Dhuuqe" oo aan awood u lahayn inuu Hargayso tago inuu warqad amar ah ku soo rogo golaha wasiiradda oo xaq u leh inay ku hadlaan magaca wasaaraddaha ay maamulaan inkastoo uu jiro khaladaad iyo kala hadal? Maxay la tahay jaajuuskan Ethiopianka ah oo loo magaacabay Raysal Wasaare Ku-Xigeenka Dalka Soomaaliya Mudane Mahdi Maxamed "Siil-Dhuuqe" inuu warqadiisan Af-Soomaaliga khaldan inuu wax uga qaadi karo laba nin oo Hawiye ah oo jooga deeggaankooda mise ninkan wuu yara waalan yahay oo beentii ay Itoobiya u soo sheegtay ayuu run u maleeyaa inuu awood leeyahay? Dowladdaha Shisheeye iyo Ciidamadda ay soo galiyeen dalka Soomaaliya wixii ay si khaldan ku dilaan waa inay magdhaw ka bixiyaan ayadoo la raacayo sharuudaha iyo xeerarka caalamiga balse ma ahan inay Dowladda Wada Dadban ka aamusto sidii loo soo qaadi lahaa xuquuqda dadka la dilo ama wax aan sharci ahayn lagu sameeyo!
    Maamulka Galmudug 27KA Agoosto 2017 Wasiirka Amniga Dowladd Goboleedka Galmudug Cismaan Ciise Nuur oo la hadlay warbaahinta ayaa waxaa uu ka hadlay Sargaal Katirsan ururka (ONLF) oo Laba Maalin Kahor Lagu qabtay Magaalada Gaalkacyo ee Gobolka Mudug.
    Sargaalkan oo Lagu magacaabo  Abdkarin Sh Muse (Qalbi DHAGAX) ayuu wasiirku Sheegay in Laga qabtay Magaalada Gaalkacyo Asagoo wada falal amaanka Maamulka Galmudug Lidi ku ah.
    Waxaana uu Wasiirku sheegay in Ciidamada Nabadsugida Qaranka ay Si Xoogaa ku qaateen Sargaalkaas Loona Waday Magaalada Muqdisho ee Caasimadda Soomaliya.
    Dawlada Somaliya ayuu baaq u diray Wasiirka Maamulka Galmudug Cismaan Ciise Nuur  Waxaana uu kacodsaday in Gacanta Maamulka Galmudug dib Loogu Soo Celiyo,waxaana uu Shaki Galiyay Wadashaqaynta Dawlada Dhexe iyo Galmudug hadii gacntooda dib loogu Soocelinwaayo.
    Brussels 27KA Agoosto 2017 Qaar ka mid ah bulshada Soomaalida ee dalka Belgium ayaa cambaareeyay falkii uu nin Soomaali ah uu faash ku weeraray askar boolis ah oo ku sugneyd bartamaha magaalada caasimadda ah ee Brussels.
    Ninkaasi oo 30 jir ah ayaa waxaa toogasho ku dilay ciidamada booliska dalkaasi Belgium. Hal askari ayuuse gacanta ka dhaawacay.
    Haddaba Bashir Cabdi waa orodyahan caan ah oo 5,000 iyo 10,000 ee mitir u orda waddanka Belgium-ka, waxa uuna sheegay in ay ka soo horjeedaan weerarkan uu ninkaasi gaystay, bulshada Soomaalidana aanay wax shuqul ah ku lahay
    Ceelbuur 27KA Agoosto 2017 Sida uu sheegay gudoomiyaha degmada Ceelbuur  In maalintii Arbacadii la soo dhaafay uu xasuuq ban ka geysteen ciidamo Etoobiyaan ah oo ka tirsan AMISON. Ciidmadaan Etoobiyaanka ah  ayaa Kaare dul mariyey haweeney Uur leh iyo Laba Caruur ahay dhashay   iyagoona Kaaraha Markay marsiyeen hadana markale  dib ugu soo celiyeen  ilaa ay dadkii ka dhintaan Haweeneyda iyo labadeedii  Caruur
    Xasuuqan ayaan waxaa wali ka hadlin dowlada Federaalka waxuuna gudoomiyaha Degmada Ceelbuur sheegay in ciidmada  shacaka maatada Xasuuqay ay xarun u tahay degmada Maxaas oo wax yar u jirta  Wabxo
    Xasuuqan ba an laga geestay deeganada Wabxo ayaan wax war ah ka soo saarin xildhibaanada matalo deegamadaasi iyagoona sida muuqata aan ka muuqan wax u danqasho  ah dadka ay matalayeen ee lagiu xasuuqay magaalada Wabxo
    Xasuuqan ka dhacay  Wabxo loogu geestay haweenka Uurka laheyd iyo Labadeeda Caruur ayaa ku soo aaday xili magaalada Bariire ee gobolka Shabeelada Hoose lagu xasuuqay dad shacab ah.
    Muqdisho 27KA Agoosto 2017 Xukuumadda Somaliya, ayaa markii ugu horeysay awaamiir culus oo ka dhan ah warbaahinta ku soo rogtay Golaha Wasiirada, ka dib weerarkii maalintii Jimcaha ka dhacay Deegaanka Bariire ee Gobolka Shabellaha Hoose.
    Wasiirada Warfaafinta iyo Gaashaandhigga, ayaa dhaleeceen xoogan kala kulmay qaybaha bulshada, ka dib markii ay weerarkaasi ku sheegeen mid lagu bartilmaameydsaday xubno ka tirsan Ururka Al Shabaab.
    Ra’iisal Wasaare Kuxigeenka Somaliya, Mahdi Maxamed Guuleed, ayaa qoraal uu soo saaray ku sheegay inaanan Golaha Wasiirada warar ku saabsan siyaasadda u adeegsan karin barraha bulshada iyo warbaahinta, intaba, iyagoo aan ogolaansho ka haysan Xafiiska Ra’iisal Wasaare Xasan Cali Khayre.

    “Dhammaan xubnaha Golaha Wasiirada oo ay warqadani ku socoto waxaa lagu wargelinaya in isticmaalka barraha bulshada, idaacadaha, telefishinada iyo dhammaan wixii la xiriira warbaahinta, ay u baahan tahay in marka hore ogolaansho Wasiirada ka haystan Xafiiska Ra’iisal Wasaaraha, lana isla ogyahay mowduuca aad warbaahinta kala hadleysan, markasta oo ay khuseyso arrimaha Xukuumadda.” Ayaa lagu sheegay qoraalka.
    Golaha Wasiirada, ayaa waxaa lagu adkeeyay inay u hogaansaman awaamiirtan cusub, oo waafaqsan siyaasadda warbaahinta ee Xukuumadda Somaliya.
    “Haddaba waxaa reeban in barraha bulshada loo isticmaalo arrimo siyaasadeed oo xasaasi ah. Sidaa daraadeed waxaa la idin farayaa inaad fulisan arrimaha sare ku xusan ee waafaqsan siyaasadda warbaahinta ee Xukuumadda Jamhuuriyadda Federaalka Somaliya.” Ayaa lagu yiri qoraalkan.
    Awaamiirtan, ayaa waxay xadidi doontaa hadaladii is burinayay ee masuuliyiinta dowladdu ku baahinayen barraha bulshada iyo warbaahinta gudahaba.


    August 2017

     

    WARARKA MAANTA 26KA Agoosto 2017 Sir Culus
    Maraykanka 26Ka Agoosto 2017 Duufaan xooggan ayaa ku dhufatay gobolka Texas ee dalka Maraykanka.
    Duufaanta ayaa saacadii jareysa 215 kiilo mitir taasi oo ah mid heerkeedu sarayo.
    Waxaa la filayaan in duufaanta ay noqoto tii ugu xumayd oo muddo 12 sano ah ku dhufata gobolkaasi Texas.
    Duufaanta oo ah mid xoog badan ayaa waxa weheliya roobab mahiigaan ah oo halkaasi ka da’aya.
    Madaxwayne Donald Trump ayaa ku dhawaqay in duufaantan ay tahay musiibo islamarkana dowlada dhexe ay gargaar gaarsiin doonto goobaha ay sida ba’an u saamaysay.
    Gavanatooraha Texas Greg Abbott ayaa ka digay in fatahaado ay ku dhufan doonaan degaano badan.
    Duufaantan oo khubarada ay sheegeen in ay tahay mida heerka afaraad loo yaqaano ayaa dhulka dhigtay geedo magaalada Corpus Christi.
    Kumanaan qof ayaa ka cararay guriyahood gobolka Texsas ee dalkaasi Maraykanka.
    Duqa magaalada Rockport ,Patrick Rios ayaa ku baaqay in dadka degan magaalada oo tiradooda dhan tahay 10,000 oo qof sida ugu dhaqsiyaha badan halkaasi looga daadgureeyo.
    Mr Patrick ayaa sheegay in dadka ay ku xannibmeen guriyaha halkaasi oo saqafyada ay soo dumeen islamarkana shaqaalaha gurmadka ay waayeen meel ay u maraan sida uu ka soo xigtay talafishinka CBS.
    Muqdisho 26Ka Agoosto 2017 Taliyaha Ciidnka Xoogga dalka Soomaaliya Maxamed Axmed Jimcaale Cirfiid ayaa sheegay in dadkii lagu dilay deegaanka Bariire ee Gobolka Shabeellha Hoose ay ahaayeen dad rayid ah.
    Waxa uu sheegay in warbixinadii horay loo dhiibay ay ahaayeen kuwo qaldan,islamarkaana dhacdadaas ay aheyd mid siqaldan u dhacday,kadib howlgal ay wadeen Ciidamada Xoogga dalka iyo kuwa Saaxiibadooda Mareykanka.
    Sidoo kale waxa uu hadalkiisa intaas ku daray in dhacdaas dadka lagu laayay ay dowladda Guddi baaritaano ah u saartay,islamarkaana jawaab cad ay ka bixin doonto.
    Hadalka taliyaha ayaa ku soo aadaya xili Wasiirka Warafafinta Soomaaliya Cabdiraxmaan Cumar Cismaan Yariisoow,uu brta uu ku leeyahay Fcebook ku sheegay in dadka la dilay ay ahaayeen Al-Shabaab,walow markii dambe uu ka saaray.
    Hargaysa 26Ka Agoosto 2017 Sheekh Aadan Xaaji Maxamuud Xiiray (Sheekh Aadan-Siiro),  oo kamid ah Culimadda Maamulka Somali-land ayaa sheegay in Masuuliyiin Somaliland ka tirsani ku lug-leeyihiin tahriibka, isla markaana ay qayb ka yihiin Shabakadaha ku Shaqaysta Tahriibinta Dhalinyarada.
    Sheekhu waxa kale oo uu khudbaddiisa Jimcaha kaga hadlay Dhallinyarada reer Somaliland ee Tahriiba, isagoo waanana u soo jeediyey oo uu yiri; “Shaqadii Qaranka (Xilligii Soomaaliya) waxaan joogay Iskuulka Faarax oomaar, 9 Fasal oo Fasallada 3-aad ee Dugsiga sare ah ayaa joogay halkaa, 180 Wiil, oo ka ugu weyni yahay 17 Jir ayaa Maalin keliya tallaabay (ku biiray SNM), waxaan uga jeedaa Dalkan waxa xorreeyay 16 Jirro oo ku lugo beelay, kuna Dhego-beelay.
    Maanta oo wax walba isa saaran yihiin, Dhibna aanay jirin inaad Tahriibtaan oo aad Gaalo isku dhiibtaan waa arrin aad u layaab badan, markaa Dhallinyarada waxaannu ku waanineynaa (in aanay Tahriibin).”Waxaanu Sheekh Aadan-Siiro intaa sii raaciyey in Dad maamulka ka mid ahi ku lug leeyihiin Tahriibka Dhallinyarada, waxaanu yiri.
    “Waxa ka sii layaab badan kuwa Maamulka haya ee kuwa Carruurta Tahriibiya ah ee Hargeysa jooga, Xarumahooda Gobollada, Telefoonnadooda iyo Magacyadooda la hayo, halka Lacagtooda lagu shubo iyo Saacadaha ay Carruurta kexeeyaanna la garanayo.”
    Sheekh Aadan-Siiro wuxuu dhallinyarada Somali-land  ka waaniyey inay Tahriibaan isla-markaana aanay Hooyooyinkood ku khasbin inay inay ka hor ooyaan Dad kale, si ay uga helaan Lacag ay iyaga ku soo bedbaadiyaan, iyagoo awalba ku soo koriyey Daasad daasad Tamaandho ah oo ay suuqa la fadhiisteen.
    Shabeelle Hoose 26Ka Agoosto 2017 Military-ga Mareeykanka ayaa Xaqiijiyay in ay Taagerayeen Ciidamo Soomaali ah oo Howlagal Argagixiso la Diriri ah ka Fuliyay Gobolka Shabeelaha Hoose Halkas oo lagu dilay Dad rayid ah oo Sadex ka mid ah ay Caruur yihiin, Ciidamada Mareykanku ayaa sheegeen in ay baarayaan eedeeymaha ku aadan in Ciidamadoodu ay Qeeyb ka ahaayeen Rayid ka la xasuuqay.
    Geeridaan Soo korortaya ayaa Su’aal galisay Howlagaladda ciidamadda Mareeykanku ay Soomaaliya ka Fuliyan oo horay u sababay Dimashadda Dad badan oo Rayid ah, Qasaaraha ka dhalanaya Howgaladda Ciidamadda Mareeykanka waxaa ay soo kordheen ka dib markii Madaxweeynaha Mareeykanku uu Meelmariyay in la baariyo Howlagaladda ka dhan ka ah Al-shabaab ee Soomaaliya iyadoo Hoos loo dhigayo Xeerka ilaalinaya Xuquuqda Dad ka Rayid ka ah ee ku nool Goobaha laga Fulinayo Howlagaladda Argagixiso la dirirka Mareeykanku ugu Magac daray.
    “Waan ka Warqabnaa Waxyeeladda Dad ka Rayid ah kusoo gaartay Duleedka Bariirre, Edeeyn kasta oo ku aadan Waxyeladda shacab ka waxaan u qaadaneeynaa mid dhab ah, sida caadiga ahna waxaan qiimeeyn kusameeyneynaa Xaaladda si loo ogado Xaqiiqada jirta” ayaa lagu yiri war uu soo saaray military0ga Mareeykanku.
    Todobaad ka hor ayey ahayd markii howlagal Ciidamadda Mareeykanku ay kasameeyeen Gobolka Jubadda Dhexe ay ku dileen Todobo Ruux oo shaacab ah, oo waqtigii ay duqeentu dheceeysay uu gurigooda ku sugnaa Sargaal ka Tirsan Al-shabaab oo ay Xidid ahaayeen.
    Maamulka Galmudug 26Ka Agoosto 2017 Madaxweynaha Galmudug Axmed Ducaale Geelle Xaaf ayaa Maanta oo Sabti ah lagu wadaa in Baarlamaanka Maamulkaasi uu horgeeyo Golaha Wasiiradda Cusub ee uu dhawaan Soo Magacaabay.
    Mas’uuliyiin ka tirsan Galmudug ayaa sheegay in Madaxweynaha Galmudug Xaaf uu Baarlamaanka hor geyn doono Wasiiarada Cusub islamarkaana uu Baarlamaanka ka horjeedin doono Qudbad ku aadan in ay u Ansixiyaan Wasiiradda.
    Xildhibaanada Galmudug ayaa ku kala Aragti duwan Ansixinta Wasiirada Cusub ee Galmudug,iyadoo Wasiirada intooda badan ay yihiin kuwii shaqeyn jiray Xilligii uu Madaxweynaha ahaa Madaxweyne C/kariin Xuseen Guuleed.
    Muqdisho 26Ka Agoosto 2017 Maxamed Cabdullaahi Farmaajo Madaxweynaha  Soomaaliya ayaa tacsi u direy Eheladda dadkii lagu laayay deegaanka Bariiire ee Gobolka Shabeelaha Hoose.
    Madaxweynaha oo bartiisa soo dhigay qoraal uu kaga hadlayo dadkii la laayay ayaa sheegay inuu ka tacsiyeynayo dadka lagu laayey weerarkaas ka dhacay subaxnimadii hore ee saakay deegaanka Bariire.
    Madaxweyne Farmaajo ayaa  sheegay inay dowladda Soomaaliya baaritaan dhab ah ku sameyn doonto wixii dhacay iyo qaabka ay u dhaceyn,islamarkaana ay tahay wax aad loogu xumaado in shacab masaakiin lagu xasuuqay goob ay ku sugnaayeen.
    Hadalka madaxweynaha ayaa aad uga duwan hadaladii ay jeediyeen Wasiirada Warfaafinta iyo Gaashaandhigag Soomaaliya C/raxmaan Cumar Cusmaan “Yariisow” C/rashiid C/llaahi Maxamed iyo Sidoo kale Gudoomiyaha gobalka Shabeelaha Hoose kuwaas oo sheegay in waxa la dilay ay ahaayeen Shabaab.
    Madaxweynaha ayaa la sheegay in uu la hadlay dadka ay arintaan quseyso isagoo amray in la soo baaro sidii ay wax u dhaceen balse waxa uu sheegay in aad uga xun yahay falkii dhacay ee shacabka lagu xasuuqay.
    UNHCR 26Ka Agoosto 2017 Hay’adda QM ugu qaabilsan Arrimaha Qaxootiga ee UNHCR ayaa sheegtay inay dib u soo celiyeen 70,516 Qaxooti Somali ah, kuwaasi oo iskooda ugu soo laabtay dalkooda hooyo tan iyo markii la bilaabay Hawlgalkaasi bsihii December ee sannadkii 2014-kii.
    Qoraalka Toddobaadlaha ee ay Hay’adda UNHCR ka soo saareen magaalladda Nairobi ayaa lagu sheegay in 30,383 Qaxooti iskooda u soo laabteen sannadkan 2017-ka oo keliya.
    UNHCR waxay kaloo sheegtay inay haatan is-diiwaan geliyeen 18.274 Qaxooti Somali, kuwaasi oo ku sugan Xeradda Dhadhaab ee Waqooyiga Kenya.
    Dhinaca kale, Hay’adda waxay xustay intii ay socdeen Doorashadii Kenya inay yaraadeen tirade Qaxootiga doonaya inay iskooda ugu soo laabtaan dalkooda hooyo ee Somalia.
    Si kastaba ha ahaatee, ku-dhawaad 900,000 oo Somali ah ayaa hataan Qaxooti ahaan ugu nool dalalka Kenya, Ethiopia, Uganda iyo Yemen.
    Maraykanka 26Ka Agoosto 2017 Dowlada Mareykanka ayaa ku dhawaaqday in cunaqabateyn dhaqaale ay kusoo rogeyso dowlada madaxweyne Nicolas Maduro ee dalka Venezuela. Dowlada dalkaasi ayaa lagu eedeeyay inay ku dhaqaaqday xadgudubyo ka dhan xuquuqda aadanaha iyo dimoqraadiyada.
    Madaxweynaha dalka Mareykanka Donald Trump ayaa saxiixay dikreeto madaxweyne oo lagu mamnuucayo in lala macaamilo shirkadaha ganacsiga ee ay dowladu leedahay. Tallaabadan ayaa saameyn doonta shirkada weyn ee shidaalka ee dowlada Venezuela.
    Aqalka cad ee dalka Mareykanka ayaa dowlada madaxweyne Maduro ku tilmaamay mid kali talis ah. Mareykanka ayaa sidoo kale cunaqabateyn kusoo rogay madaxweyne Maduro iyo shakhsiyaad ka ag dhaw.
    Safiirka Mareykanka ee Qaramad midoobay Nikki Haley ayaa waxaa ay sheegtay in Washington ay ka go’antahay sidii cadaadis loo saari lahaa dowlada dalkaasi.
    Dhanka kale wasiirka arrimaha dibadda ee Venezuela Jorge Arreaza ayaa Mareykanka ku eedeeyay in uu doonayo in dhibaato bani’aadanimo uu ka abuuro dalka Venezuela, waxaan uu ugu baaqay Mareykanka in uusan soo faragelinin arrimaha Venezuela.
    Dibadbaxyadii u dambeeyay ee looga soo horjeedo dowlada dalkaasi oo ka dhacaya caasimada dalka Venezuela ee Caracas ayaa waxaa ku dhintay dad badan kaddib markii ciidamada Booliska ay ku dhufteen sunta dadka ka ilmeysiisa.
    Madaxweyne Maduro ayaa horay u sheegay in qorshihiisa dhaqaale ee uu suuqa uga saarayo nuqulka lacagta bolivarka dalkaasi oo gaaraysa malaayiin ay burburisay suuqa madow.
    Balse arintaasi ayaa dhalisay dibadbaxyo kaddib markii shacabka dalkaasi ay waayen lacago cadaan ah oo ay cunto ku iibsadaan.
    Maraykanka 26Ka Agoosto 2017 Mareykanka oo sheegay in Ciidamadoodu ay qeyb ka ahaayeen Weerarkii Bariire
    Taliye Cirfiid” 10 qof oo beeraley ah ayaa lagu dilay Bariire”
    Taliyaha Ciidamada xoogga dalka Soomaaliyeed Mudane Axmed Maxamed Jimcaale (Cirfiid) oo la hadlay VOA-da ayaa sheegay in dadkii Shalay lagu dilay degaanka Bariire ay ahaayeen dad Shacab ah oo Masaakiin ah.
    Waxaa uu sheegay in ciidamada dowladda Soomaaliya ay si kama’ah ay u dileen dad Shacab ah, oo beeraleey ah oo aan waxba galabsan.
    Taliyaha ayaa sheegay in dowladda ay arintaasi ay guddi u saartay ,islamarkaana ay waddaan baaritaano kala duwan .
    Jeneraal Cirfiid ayaa qiray in warkii shalay kasoo baxay dowladda Soomaaliya uusan sax aheyn, halkaasina lagu dilay 10 qof oo Shacab ah.
    Wasiirka Gaashaandhigga Soomaaliya C/rashiid C/laahi Maxamed oo la hadlay VOA ayaa sheegay weerarkii  ka dhacay degaanka ee gobolka Shabeellaha Hoose in ay fuliyeen Ciidamada Dowladda Federaalka, oo aysan lug ku laheyn Ciidamo kale.
    Wuxuu sheegay Wasiirka Difaaca Soomaaliya dadka halkaasi lagu laayay in ay ahaayeen 9 Qof oo rag ah, kuwaasi oo hubeysnaa, diideyna in ay dhigaan Hubka, xabadna bilaabay, Ciidamadana ay sidaasi ku dileen.
    Wasaaradda Warfaafinta ayaa dhankeeda sheegay in dadkii lagu dilay Bariire ay ahaayeen Shabaab
    Muqisho 26Ka Agoosto 2017 Wasiirka Gaashaandhigga Soomaaliya Cabdirashiid Maxamed Cabdullaahi oo la hadlay warbaahinta  ayaa sheegay in hawlgal uu  ka dhacay degaan u dhow Bariire ay fuliyeen ciidamada dawladda Xoogga dalka Soomaliyeed iyo kuwa mareykanka.
    Wasiirka ayaa sheegay in Ciidamada Xoogga dalka Soomaliyeed ay gudaha u galeen beer ku taala deegaankaas,islamarkaana ay iska cabin ay kala kulmeen shaqsiyaad hubeysnaa taasina ay keentay in Cidamada ay rasaas dhankooda ku furan dadkaas.
    ” Sida aad ka war qabtaan maalmo ka hor Ciidamada dowladda iyo Ciidamada kaalmeenaya ayaa la wareegay Bariire oo ahaa aaga ay ku sugnaayeen Ciidamada Cadowga, mar kasta ciidamada waxay sameenayeen Baaritaano iyo dabagalka cadowga, maantaa waxaa dhacday inay la kulmeyn dad Soomaaliyeed oo hubeysan, waxaana loo sheegay inay hubka dhigaan, waa ay diideen, waxaana sidaas ku bilaabatay Xabadda, meydkoodana meesha waa laga soo qaaday” Ayuu yiri Wasiirka Gaashaandhigga.
    Sidoo kale Wasiirka Gaashaandhigga Xukuumadda Soomaaliya Cabdirashiid Maxamed Cabdullaahi ayaa beeniyay in weerarkaas ay fulisay diyaaradda Bancroft,oo inta badan lagu fuliyo weerarada dhanka cirka ah ee ka dhaca Gobolka Shabeelaha Hoose iyo qaar kamid ah gobolada dalka Soomaliya.
    Brussels 26Ka Agoosto 2017 magaalada Brussels ee dalka Belgium-ka ayaa sheegaya in bartmaha magaalada lagu toogtay nin ka dib markii uu toori ku weeraray labo askari.
    Muqaalo laga soo duubay halka ay wax ka dhaceen ayaa muujinaya ciidamada ammaanka oo xiray goobta uu weerarka ka dhacay, waxaana halkaasi soo gaaray kooxaha gurmadka degdega ah.
    Qof goobjooge ah ayaa Warbaahinta u sheegay in uu maqlay dhawaqa rasaasta.
    Ninkii Weerarkaasi geystay ayaa la sheegaya in uu asal ahaan uu kasoo jeedo Soomaaliya, waxaana markii uu weerarkaasi geysanayay uu ku qeylinaayay Allahu Akbar.
    Boolisku waxa ay sheegeen in ninkaasi da’diiso ay tahay 30 jir.
    Duqa Magaalada Brussels sheegay in ciidamada Ammaanka heegan buuxa la geliyay , islamarkaana ay waddaan baaritaano kala duwan.

    WARARKA MAANTA 24ka Agoosto 2017 Sir Culus
    Su'aalaha Maanta:  Maxay tahay sababta Madaxweyne Mudane Maxamed Cabdilaahi Farmaajo "Been-Hawaas" Iyo Raysal Wasaare Mudane Xassan Cali Kheyre "Bakhti-Raamsade" aysan awood ugu lahayn inay si sharci ah ku soo booqdaan Dowlad Somaliland Iyo Dowlad Gobaleedka Puntland State oo ay si siyaasaddeed ay tartiib-tartiib ugu minjo-xaabinayaan jiritaanka maamuladaas sida ay xukunka uga tuureen Madaxweynaha Dowlad Gobaleedka Hirshabeelle State Mudane Cosoble?  Maxay tahay sababta ay Dowlad Gobaleedka Puntland ugu tumanaysaa Dastuurka Federaalka ee ay si toos ah iyo si dadbanba waddanka Soomaaliya uga hirgelisay? Maxay tahay sababta Dowlad Gobaleedka Puntland State inay ku gacan-sayrto dhex-dhexaadnimadii Dowladda Soomaaliya ay ka qaadatay khilaafka dowladdaha Carabta?
    Puntland State 24ka Agoosto 2017 Magaalada Garowe ee maamulka Puntland ayaa waxaa ka dhacay shir looga hadlayey sidii loo dajin lahaa sixir bararka lacagta shilinka Soomaaliga ku dhacay.
    Kulankaasi ayaa waxaa ka qayb galay maamulka gobolka Nugaal ka degmada Garoowe iyo wasiirka Maaliyada maamulka Puntland iyo Taliyaha la dagaalanka waxa loogu yeero Argagixsada ee Puntland.
    Taliyaha la dagaalanka argagixisada Puntland Gen.Muxyadiin Axmed Muuse ayaa digniin adag u soo jeediyey ganacsatada iyo laamaha amaanka gobalka isagoo sheegay inay talaabo shirciga waafaqsan ka qaadi.

    Muqdisho, August 23, 2017 - Wasiir kuxigeenka Arrimaha Dibadda iyo Iskaashiga Caalamiga H.E. Mr. Mukhtar Mahad Daud oo uu wehliyo Amb. Hamoud Samaran Al Jowhary Al Huwaidi Madaxa Ergada Jaamacadda Carabta ee Soomaaliya ayaa maanta xariga ka jaray dib u dayactir iyo qalabayn lagu sameeyay xafiisyada cusub ee ay ku howlgali doonto Waaxda Carabta.

    Agaasimaha Waaxda Carabta Mustafa Adam Dagaal ayaa ku soo dhoweeyay Madaxda kala duwan ee Wasaaradda qeybaha la dayactiray ee Waaxdiisa, isaga oo bogaadiyay dadaalka Jaamacadda Carabta ay ugu jirto taageeridda Soomaaliya.

    Xoghayaha joogtada Wasaaradda Arrimaha Dibadda iyo Iskaashiga Caalamiga Danjire Cali Maxamed Cali ayaa sheegay in dib loo dayactiri doono, lana qalabayn doono waaxyaha kala duwan ee Wasaaradda oo uu ku jiro Machadka Daraasaadka Diblomaasiyadda, isaga oo xusay in Waaxyuhu isku fidin doonaan dhammaan dhismaha Wasaaradda, si loo xoojiyo howlaha shaqo iyo shaqaale.

    Dhankiisa, Wasiir kuxigeenka Wasaaradda Arrimaha Dibadda iyo Iskaashiga Caalamiga Mudane Mukhtaar Mahad Daauud ayaa tilmaamay in Wasaaraddiisu ay la kaashan doonto Wasaaradaha kale ee dalka si loo suurageliyo dib u dhis ballaaran oo lagu sameeyo dhammaan hey?adaha qaranka ee ku burburay dagaaladii sokeeye.

    Ergeyga Jaamacadda Carabta ee Soomaaliya Danjire Hamoud Al Huwaidi ayaa sheegay in Xoghayaha guud ee Jaamacadda Carabta Ahmed Aboul-Gheit uu qaban-qaabinayo shir ballaaran oo dhammaan dowladaha carbeed ay ka soo qeybgali doonaan oo lagu uruurin doono lacago dib loogu dhisayo dalka Soomaaliya, isaga oo qiray in Jaamacadda Carabta aanay marnaba ka gaabin doonin in ay ka shaqeyso sidii Soomaaliya ay dib uga soo kabsan laheyd dhibtii colaaduhu ay gaarsiiyeenUK 24ka Agoosto 2017 Aasiya Cumar oo aheyd hooyo Soomaaliyeed oo dhalinyara ah ayaa Isniinti lagu dilay magaalada Bristol ee dalka Ingiriiska, kadib marki uu toorreeyay seygeeda oo lagu magacaabo Aden Dahir. Ayan Cabdulahi oo ay qaraabo yihiin Asiya, ayaa VOA-da u sheegtay in marxuumada ay u dhimatay dhaawacyo halis ah oo ka soo gaaray labada dhinac ee qoorta.
    Lama oga sababta ku kaliftay Aden inuu dilo xaaskiisa, balse booliska magaalada Bristol ayaa wada baaritaan ku aadan dilka Aasiya Cumar.
    Aasiya Cumar ayaa aheyd 27 jir, waxana ay ifka uga tagtay wiil iyo gabar.
    Wadamada Yurub ayaa waxaa ju soo badanayo Raga haweenka u dhaxo dilayo iyadoona waxa sababay aan la ogeen.
    Hirshabelle State  24ka Agoosto 2017  Wararka aan ka heleyno Magaalada jowhar ee Xarunta maamulka hir-Shabeelle ayaa waxa ay sheegaayn in tiro Odayaal ah lagu xir xiray Gudaha Magaalada jowhar.
    Odayaashaan ayaa la sheegay in ay ahaayeen kuwii ka  qeybgalayay wadadhadaladii Nabadeed ee lagu heshiisiinayay beelihii ku dagaalamay degmada Cadalle ee Gobolka Shabeellaha dhexe.
    Ka hor xariga Odayashaan ayaa la sheegay in looga yeeray howlka shirka balse markii ay tageen Gawaari lagu dabulay,sidaasna Xabsiga loo geeyay.
    Ila Wareedyo ku sugan Magalada Jowhar  ayaa  xaqiijiyay amarka lagu xiray Odayaashaan uu lahaa Madaxweyne ku xigeenka Hir-Shabelle Cali Guudlaawe Xuseen.
    Galmudug State 24ka Agoosto 2017 Wasiirka warfaafinta dowlad goboleedka Galmudug Maxamuud Aadan Cusmaan Masagawaa oo shiraa’id ku qabtay magaalada cadaado ayaa sheegay in janaraal Maxamed Nuur Galaal oo ku sugan cadaado aysan ka maamul ahaan kala hadlin arimo la xiriira dhax dhaxaadinta ahlu suunna iyo maamulkooda.
    Wasiir Masagawaa ayaa sheegay in aysan jirin heshiis dhexmaray Dowladd Goboleedka Galmudug iyo Maamulka Gobolada Dhexe ee Ahlusuna Waljameeca islamarkaana hadalka maanta kasoo yeeray Galaal uu yahay mid aan waxba ka jirin.
    Sidoo kale Wasiirka warfaafinta dowlad goboleedka Galmudug Maxamuud Aadan Cusmaan Masagawaa ayaa sheegay in Jeneraal Galaal  uusan fasax ka heysanin labada maamul in uu dhex-dhaxaadiyo balse aysan haatan jirin heshiis dhexmaray Galmudug iyo Ahlusuna.
    Dhanka kale Wasiirka warfaafinta dowlad goboleedka Galmudug Maxamuud Aadan Cusmaan Masagawaa ayaa sheegay in uusan jirin amarka kasoo baxay madaxweynaha Galmudug oo Ciidamo galmudug ah loogu fasaxay dagaalkii maanta ka dhacay deegaanka Mareer-gur ee Gobolka Galgaduud islamarkaana dagaalkaas uu dhexmaray Maamulka Ahlusuna iyo Ciidamo deegaanka ah.
    Janaraal Maxamad Nuur Galaal oo kamid ahaa Saraakiishii hor e ee Dowladii Dhexe ee Soomaliya ayaa sheegay in labada madaxweyne ee Galmudug iyo Ahlu-Sunna Waljamaaca ay mabda’ahaan isku raaceen in la mideeyo labada maamul isla markaana uu madaxweyne u noqdo Axmed Ducaale Geelle Xaaf.
    Muqdisho 24ka Agoosto 2017  R/Wasaare Xasan Cali Kheyre ra’iisul Wasaaraha Xukuumadda Federaalka Soomaaliya iyo xubno la socday ayaa Maanta booqday Xabsiga dhexe ee Magaalada Muqdisho.
    Gudaha Xabsiga waxaa ra’iisul Wasaaraha iyo xubnihii la socday ku soo dhaweeyay Kusimaha taliyaha ciidanka asluubta,oo ay garbihiisa taagnaayeen inta badan Saraakiisha Ciidannka Asluubta ee ku sugan Xabsiga dhexe.
    Marka hore ra’iisul Wasaaraha ayaa warbixino ka dhagestay Kusimaha taliyaha ciidanka asluubta.
    Ra’iisul Wasaaraha ayaa kormeeray qeybaha kala duwan ee Xabsiga si uu ula socdo xaalada ay ku nool yihiin Maxaabiista ku xiran Xabsiga dhexe.
    Ra’iisul Wasaaraha oo hadal kooban halkaasi ka jeediyay ayaa sheegay in aysan suurtagal aheyn Xabsiga dhexe oo ah Goobtii Cadaalada in ay waxyaabo amnidaro ah ka dhacaan,kadib markii dhawaan uu ka dhacay qarax Ismiidaamin ah.
    Muqdisho 24ka Agoosto 2017  Nabadoon C/raxmaan Jaabiri Samatar oo kamid ah waxgaradka Puntland ayaa sheegay in Puntland ay ku saxan tahay iney taageerto dowladaha Sacuudiga iyo Imaaraadka, isaga oo faah faahiyey sababta arrintaasi keentay. Waxa uu sheegay Nabadoonka in dowladda Imaaraadka ay mashaariic badan ka fulisay deegaannada Puntland, taasina ay keentay in ay jawaab uga dhigaan iney taageeraan.
    Waxa uu tilmaamay in dowladda Federaalka Soomaaliya ay gadaal marsatay deeqaha iyo kaalmada ay ka hesho dalal badan oo caalamka sida Turkiga, iyaguna ay ku qasban yihiin iney taageeraan cid walbo oo wax siineysa, waa sida uu hadalka u dhigaye.
    Xiriirka Xulufada Sacuudiga ayuu sheegay in danweyn ay ku qabaan maamulka Puntland.
    Muqdisho 24ka Agoosto 2017  Masuuliyiinta Sare ee Wasaaradda Arrimaha Dastuurka ee Xukuumadda Federaalka Soomaaliya oo uu ugu horeeyo Wasiir Cabdiraxmaan Xoosh Jibriil, Wasiir Ku-Xigeenka Mudane Xuseen Cilmi, iyo Agaasimaha Guud Maxamed Abuukar Zubeeyr ayaa xarunta Wasaaradda kula kulmay Nahida Hussein, Hastings, iyo Hassan Ebrahim oo ka kala socday UNDP Soomaaliya iyo UNSOM.
    Kulanka ayaa looga hadlay hawlaha muhiimka ah ee ay Wasaaradda wado iyo sidii UNDP ay u taageeri lahayd.
    Wasiir Cabdi Xoosh oo ka hadlayay hawlaha ku saabsan Geedi-socodka dib-u-eegista Dastuurka ayaa yiri “Waxa aan doneynaa in Geedi-socodka uu noqdo mid ay Soomaali hogaamineyso islamarkaana ay Soomaali leedahay, wixii taageera ah waan soo dhaweyneynaa waanan idinkaga mahadcelinaynaa sida aan kala go’a lahayn ee aad noo taageertaan”.
    Sido kale, Wasiirku waxa uu sheegay in loo baahanyahay in Wasaaradda laga taageero sidii dhamaan deegaamada dalka loo gaarsiin lahaa Geedi-socodka.
    “Arinta ugu muhiimsan waa in ololaha la gaarsiiyo dhamaan deeganada dalka si uu u noqodo mid ka qaybgalkiisu loo dhanyahay oo ugu dambeyn sal adag u dhiga Dastuur ay Soomaali leedahay oo dhameeystiran” ayuu yiri AVV Xoosh.
    Dhankeeda, Nahida Hussein oo ahayd Madaxa Farsamada ee UNDP Soomaaliya ayaa aad u soo dhaweeysay hawlaha ay Wasaaradda wado.
    Ugu dambay, Wasiirka ayaa uga mahadceliyay UNDP sida ay u taageereyso Wasaaradda.

    WARARKA MAANTA 23ka Agoosto 2017 Sir Culus
    Su'aalaha Maanta: Maxay tahay loogu magaabay Sadiiq Fadhi-Ku-Dirir ka cayn jiray Madaxweyne Mudane Maxamed Cabdilaahi Farmaajo Iyo Raysal Wasaare Mudane Xassan Cali Kheyre tan iyo intii xilka ay qabteen ilaa iyo markii loo magacaabay Wasiirka Hawlaha Guud? Mid kale Maxay tahay sababta loo qarinaayo taariikh nololeedka Wasiirka cusub Mudane Sadiiq oo aan ognahay inuu ahayn injineer/Engineer? Waa xaqiiq inuu sadiiq haysan aqoon u ku fuliyo hawlaha Wasaaradda Hawlaha Guud Iyo Guryenta? Mudane Raysal Wasaare Kheyre, waxaanu soo bandhigi doonaa cajalado lagu duubay Mudane Sadiiq asagoo fadhi-ku-dirirka ka caynaaya Dowladdaada iyo Madaxweyne Mudane Maxamed Cabdillaahi Farmaajo marka ma waxaad arinta ku qarinaysaa musuqmaasuqa baahsan ee dowladdan hareeyey. Illaahay Soomaaliya badbaadi meeshan wax dowlad la dhihi karo kama soo socoto! Dowladda Soomaaliya waxaa ka buuxa argagixiso, dad wax kufsaday, dad wax dilay iyo dad wax xaday marka goorma ayaa cadaalad la heli doonaa? Ha Wada turufaysato! Bal Soomaaliyeey arka Sadiik ayaa maanta sheeganaya Injineernimo marka berri  na waxaan sugaynaa darajo kale oo uu bililiqaysto! Maxay shirkadda Soma Oil and Gas u kashiftay inuusan wax saami ah ku darsan Xassan Cali Kheyre oo haatan Raysal Wasaare ka noqday Soomaaliya meeshaasoo weli magacaabayo turatoorayaan wada dembiyo waa weyn galay!
    Muqdisho 23ka Agoosto 2017  Madaxweynaha Somaliya Maxamed C/laahi Maxamed (Farmaajo) ayaa amar ku bixiyay baaritaan rasmi ah in lagu sameeyo cidii ka dambeysay weerarkii lagu qaaday Qoyska Xasan Cabdi Cawad oo ah muwaadin Soomaaliyeed oo ganacsade ah, kaasi oo caruurtiisa gaari ay saarnaayeen lagu rasaaseeyay 15-kii Bishan Degmada Hodan.
    Mid ka mid ah Caruurta ayaa geeriyooday, halka laba kale oo xaaladooda caafimaad ay liidato shalay dalka dibadiisa loo qaaday, kadib markii mid ka mid ah caruurta dalka wax looga qaban waayay Koomana uu ku jiray.
    Ra’iisal Wasaare Ku xigeenka dalka Mahdi Maxamed Guuled oo Warbaahinta la hadlay, ayaa sheegay falkaasi in aanan sidaasi looga hari doonin oo Dowladda Soomaaliya ay ku sameynayso baaritaan dhab ah.
     Wuxuu sheegay Madaxweynaha inuu si adag amar ugu bixiyay baaritaanka xasuuqa loo gaystay qoyskaasi oo illaa hadda aanan la ogeyn cida ka dambeysay falka lagu rasaaseeyay.
    Qoyskan oo gaari yar wada saarnaa ayaa lagu rasaaseeyay agagaarka Isbitaalkii Digfeer ee Degmada Hodan, waxaa halkaasi ku geeriyooday saddex, halka Afar kalena dhaawac uu soo gaaray, Kooxaha hubaysan ayaa watay  gaari yar.
    Madaxweynaha ayaa Hay’addaha ammaanka si adag u faray inay keenaan macluumaad la xiriira cida ka dambeysay falkaan, maadaama falal badan oo horay u dhacay dabagalkii lagu sameeyay ay noqdeen kuwa aanan meel cad wax lagu soo sheegin.
    Muqdisho 23ka Agoosto 2017  Dalka Masar ayaa waxaa ka jira dhibaato xoogan oo lagu haayo Soomalida ku nool kuwaa oo amniga Dalka Masar ay  ku hayaan dhac iyo xarig joogta ah.
    Madaxweynaha oo amar ku bixiyay in la baaro qoyskii lagu rasaaseeyay Muqdish
    Safaarada Soomalida.ee dalka Masar oo amniga dalka Masar ku amartay in la qab qabto xabsiyada la dhigo Soomalida.ku nool halkaa
    Dalka Masar ayaa waxaa ka jira dhibaato xoogan oo lagu haayo Soomalida ku nool kuwaa oo amniga Dalka Masar ay  ku hayaan dhac iyo xarig joogta ah
    booqashada Madaxweyne Farmaajo ee dalka Masar ayaa Soomalida lagu bilaabay  dhac  loo geesanaayo hantida qaaska ah iyadoona xabsiyada la dhigay ilaa iyo 280 oo Soomali ah
    Xariga Soomalida iyo dhaca loo geesanaayo ayaa amar waxaa ku bixiyey Safaarada Soomalida ku leedahay dalka Masar kuwaa oo amniga Masar u sheegay in Soonalida ku nool Masar ay yihiin kuwa qas wadayaal ah oo ka soo horjeeda madaxweyne Farmaajo taana keentay in Soomalida xabsiyada lagu guro hantidoodana la dhaco
    waxaa taa ka sii daran in dhamaan dhalinyarada Soomalida loo diido xaflada Madaxweyne Farmaajo  u qabanaayey  Soomalida ku nool dalka Masar, waxaana goobta Xaflada horteeda ka dhacay Banaanbax weyn looga soo horjeedo Safaarada Soomalida ee dalka Masar waxaana ka mid ah erayada ay ku dhawaqayeen Banaanbaxaaysha ha dhacdo safaarada Soomalida doonimeyno safaarada Soomaliya iyo erayo kale oo ka dhan ah safaarada Soomalida ee dalka Masar
    Ma jirta wax uu ka qabtay madaxweynaha Soomaliya cabashada shacabka Soonaliyeed ee. ku nool dalka Masar
    Si kastaba ha ahatee  Xaflada madaxwey Farmaajo loogu qabtay dalka Masar ayaa noqon mid faraxad galiso boqolaal qof oo Soomali ah ee  dhib ku heyso safaarada Soomalida ee dalka Masar.
    Muqdisho 23ka Agoosto 2017  Shalay waxaa magaaladda muqdisho ka furmay wada-hadal u dhaxeeyay Dowladda Federaalka Soomaliya iyo Shiikh Mutqaar Roobow Cali(Abuu Mansuur) ku-xigeenkii Hogaamiyihii Al-shabaab waxaa la xaqiijiyay in wada-hadalkaas uu mel fiican kusoo dhamaaday.
    Dhanka Dowladda Soomaliya waxaa wada-hadalka u matalayay Raisulwasaaraha Xukuumadda Federaalka Soomaliya Xasan Cali Kheyre waxaa la sheegay in qodoboda qaar la isku fahmi waayay kuwaasi oo la sheegay in ay yihiin kuwa aan sidaas u muhiin aheyn.
    Heshiiska ay gaareen Mutqaar Roobow Cali(Abuu Mansuur) iyo Dowladda Soomaliya ayaa waxaa ka harsan oo kaliyah dhaqan galkiisa in uu saxiixo madaxweynaha Jamhuuriyadda Federaalka Soomaliya Maxamed C/laahi Maxamed(Farmaajo).
    Dhinaca kale Abuu Mansuur Roobow ayaa kasoo kacay qaliin dhinaca Kelida todobaad Ka hor lagu sameeyey waxaa Laga soo saarey Laba dhagax hadana caafimaadkiisu  uu yahay mid aad u wanaagsan, waxaa uu maalmaha soo Socdo Uu ku wajahanyay Magaalada Xudur Ee Gobolka Bakool ee Koonfurta dalka Soomaliya.
    Roobow ayaa latashi lasoo sameyn doona lataliyaaahiisa Sida aan xogta ku helay kadibna waxaa bilaaban doona Wadadii Lagu heshiiyay sidii lagu fulinlahaa oo ah In Dowladu ay dagaalyahanada Xarakada Al Shabaab Ka saarto bartamaha Iyo Koonfurta dalka Soomaalia.
    Masar 23ka Agoosto 2017 Madaxweynihii hore ee Dowladii KMG aheyd ee Soomaliya  C/qaasim Salaad Xasan oo ku sugan dalka Masar ayaa ugu baaqay dowladda Federaalka Soomaliya  inay wax u qabato dadkii hantidooda la qaatay iyo sidoo kale kuwii gudaha dalka dhibka loogu geystay.
    Dr C/qaasim Salaad ayaa sheegay in ay jiraan dad badan oo hantidooda la dhacay iyo kuwa dhibaatooyin loo geystay oo aan waxba laga qabanin dhibaatooyinkooda.
    “Waxaan shaki lahayn dowladdu wixii ay ka qaban karto iney ka qabaneyso dadkii hantidooda la qaatay ama dhibka loo geystay si wax un loogu qaban lahaa, laakiin waxaa la rabaa in duqeyda, culimada, dadka waxgaradka ah arrintaasi ay waxbadan ka qabtaan si ilaahay dhibaatada inooga dulqaado, aan barinno ilaahay, kadibna aan isku soo noqonno, gacmaha aan is qabsanno Koonfur iyo Waqooyi, Bari iyo Qoraxsin meel walbo hala is cafiyo ilaahayna hala baryo ayaan leeyahay, shacabka Soomaaliyeed waxaan ugu baaqayaa haddii aan ilaahay loo soo noqon dhibaatadu naga tagi meyso, nagana kici meyso ilaahay haloo soo noqdo waa marka Koowaad, marka ku xigtana ilaahay hala baryo” ayuu yiri Madaxweyne hore C/qaasim.
    Maamulka Galmudug 23ka Agoosto 2017 Ciidamada  Galmudug  iyo kuwa Xoogga dalka Soomaliyeed ayaa Saakay la wareegay gacanta ku heynta Deegaanka Mareergur oo 18 KM u jira magaalada Godinlabe Gobolka Galgaduud  oo mudooyinkii ugu dambeeyay ay ku sugnaayeen Ciidamada Ahlusuna.
    Gadiidka dagaalka oo gaaraya ilaa iyo 20 gaari ayaa gaaray deegaanka Mareergur  ee Gobolka Galgaduud waxaana soo wajahday dadka degaanka cabsi ay ka qabaan in dagaal dhaco madaama ay weli aysan degaankaas ka fogeyn ciidamadii iskaga baxay Mareergur ee Ahlusuna Waljameeca.
    Dhanka kale Degmada Dhusamareeb oo xarun  u ah maamulka gobolada Dhexe ee Ahlusuna Waljameeca ayaa laga dareemaya xiisad ciidan oo ay wadaan  Ahlusunna madaama ay gacantooda ka baxday degaanka Mareergur.
    Angola 23ka Agoosto 2017 Dalka Angola maanta waxaa loo dareerayaa codbixinta doorashada guud ee dalkaasi.
    Codbixiyeyaasha ayaa dooranaya shakhsigii badali lahaa madaxweyne Jose Eduardo Dos Santos oo hadda xilka isaga dagaya ka dib 38 sano oo uu dalkaasi soo xukumayay.
    Wasiirka gaashaandhigga ee xukuumadda hadda jirta Joao Lourenco ayaa la saadaalinayaa in uu si weyn ugu guuleysan doono doorashadan.
    Haseyeeshee madaxweyne Dos Santos ayaa wali sii maamuli doono xisbiga MPLA, waxaana xubnaha qoyskiisa ay hayaan xilal aad muhiim u ah.
    Lourenco ayaa beeniyay in uu noqonayo madaxweyne maqaar saar ah haddii uu xilkaasi ku guuleysto.
    Shaqo la’aanta ka jirta dalka ayaa ka mid ah arrimaha ugu muhiimsan ee hareeyay doorashadan.
    Musharaxa xisbiga ugu weyn mucaaradka ee Unita, ayaa ah Isaias Henrique Ngola Samakuva.
    Doorashadan ayaa dadka reer Angola waxay ku soo dooran doonaan qofka noqonaya madaxweynaha dalka iyo xisbiga ay tahay in uu dalka xukumo.
    Maamulka Galmudug 23ka Agoosto 2017 Magaalada Cadaado ee Caasimadda KMG ah ee Maamulka Galmudug waxaa shalay galinkii dambe gaaray Jeneraal Maxamed Nuur Galaal oo muddooyinkaan ku sugnaa degmada Guriceel ee Gobolka Galgaduud.
    Jeneraalka ayaa xalay kulan ay albaabada ay u xirnayeen waxa uu kula qaatay madaxtooyadda maamulkaas Madaxweynaha dowlad goboleedka Galmudug Axmed Ducaalle Geelle Xaaf.
    Shirka labada Masuul ayaa ahaa mid albaabadu u xirnaayeen  waxaana loo ogolaanin saxaafadda, ilo ku dhow madaxtooyada Galmudug ayaa inoo xaqiijiyey in Jen. Galaal oo isku dayayo sidii la iskugu soo dhaweyn lahaa Galmudug iyo Ahlu sunna.
    Warar  soo baxaya ayaa sheegaya in Galaal uu Madaxweynaha u gudbin doono qodobo uu ka wado Maamulka Gobolada Dhexe ee Ahlu sunna.
    Wararka aan ka helayno dhanka Ahlu sunna ayaa sheegaya in ay ku kala aragti duwan yihiin ergeynta Jeneraal Galaal, iyagoo u arka inuusan ku matalin arintan.
    Madaxweynaha Galmudug Axmed Ducaale Xaaf ayaa xoogga saaraya sidii uu usoo xero galin lahaa  Ahlu sunna oo gacanta ku haya caasimadda Maamulka Galmudug Magaalada Dhuusamareeb.
    Muqdisho 23ka Agoosto 2017  Madaxweynaha Jamhuuriyadda Faderaalka Soomaaliya Mudane Maxamed Cabdullaahi Farmaajo ayaa faray Xukuummadda in ay dabagal ku samayso sidii looga mira dhalin lahaa qorshayaashii ay isku soo afgarteen dowladda Masar.
    Madaxweynaha oo shir Jaraa’id ku qabtay Garoonka Diyaaradaha ee Aadan Cabdulle ayaa sheegay in booqashada uu ku tagay dalka Masar ay ahayd mid mira dhal ah taasoo ka turjumeysa xiriirka qotoda dheer ee ka dhaxeeya labada dal.
    Madaxweyne Farmaajo ayaa ka warbixiyey arrimaha ugu muhiimsan ee ay isku soo af-garteen dhiggiisa dalka Masar Mudane Cabdi Fataax Al-Siisi oo ay ka mid tahay xoojinta xiriirka labada dal, kordhinta deeqaha waxbarasho, tababarrada iyo tayeynta Ciidanka Booliska Soomaaliyeed iyo horumarinta arrimaha dhaqaalaha.
    Waxyaabaha kale ee isafgaradka laga gaaray waxaa kamid ah horumarinta ganacasiga, maalgalisha beeraha, kalluumeysiga, xoolaha iyo in muwaadiniinta Soomaaliyeed loo fududeeyo dal ku galka Masar.
    Dowladda Federaalka Soomaaliya ayaa dhawaan u direysa dalka Masar saraakiil gaaraya 15 oo ka tirsan Ciidanka Booliska kuwaas oo bilow u ah qorshaha dowladda Masar ay kaga qeyb qaadaneyso tayeynta Ciidanka Booliska Soomaaliyeed.
    DHAMMAAD
    http://www.somaoilandgas.com/shareholders/

    WARARKA MAANTA 22ka Agoosto 2017 Sir Culus

    Su'aalaha Maanta: Maxay tahay sababta uu Madaxweyne Mudane Maxamed Cabdillaahi Farmaajo u soo magacaabay Raysal Wasaare Khaa'inul Waddan Mudane Xassan Cali Kheyre oo si dadban ugu fududaynaayey Shirkadda Soma Oil and Gas inay si fudud ku dhacdo kheyraadka Illaahay ku mannaystay Ummadda Soomaaliyeed? Ogoow ma jirto wax saami ah uu ku darsaday Soma Oil and Gas sida ay kashiftay Shirkadda Soma Oil and Gas taasoo ku qortay bogga shakadda shirkadda Soma Oil and Gas http://www.somaoilandgas.com/shareholders/

    Maxay tahay sababta Raysal Wasaare Khaa'inul Waddan Mudane Xassan Cali Kheyre uu u soo magacaabay wasiiro wax kufsaday iyo kuwa horay musuqmaasuq baahsan oo kala duwan dadka, diinta iyo dalkaba uga soo galay kuwaasoo lagu soo daabacay warbixino kala duwan oo caalami ah sida warbixintii ay soo saartay Hay'adda Qaramadda Midooway ee u qaabilsan lasocoshada arrimaha Soomaaliya Iyo Eritrea taasoo la daabacay July 13, 2013kii?

    Yaa Ummadda Soomaaliyeed maanta runta ka qarin kara? Maxayse kuu qaban karaan dowladdahan isku haysta sidii ay u jahwareerin lahaayeen Ummadda Soomaaliyeed iyo kuwa raba inay qaranka Soomaaliya ku kala daraan dowladdaha deriska ah? Ma soo magacaabi kartaa Raysal Wasaare aan khaa'inul waddan ahayd mise wakhtiga ayaa kuu run sheegi doona Mudane Madaxweyne Farmaajo waayo waxay bulshadda caalamka u diidan yihiin inay deeq iyo wax kula qabtaan waxaad shaqaale ka wada dhigtay kuwa dembiyo waa weyn oo xitaa ay ku jirto argagixisanim, dil iyo musuqmaasuq aan shaqaale ka wada dhigtay marka Dowladda Wada Dadban waxay ku dhammaan doontaa jid ka liita tii Dowladdii Damu-Jadiid!

    Muqdisho 22ka Agoosto 2017 Ra’iisul Wasaaraha Xukuumadda Federaalka Somalia, Xasan Cali Kheyre ayaa Injineer Saadiq Cabdullaahi Cabdi u magacaabay Wasiirka Wasaaradda Howlaha Guud iyo Dib u Dhiska.

    Digreeto kasoo baxday Xafiiska Ra’iisul Wasaaraha ayaa lagu shaaciyay magacaabista Wasiirka cusub.

    Injineer Saadiq Cabdullaahi, ayaa bedelaya Wasiirkii hore, Marxuum Cabaas Siraaji, oo Askari katirsan dowladda, gaar ahaan Ilaalada Hanti-dhowrihii hore Nuur Faarax Jimcaale ku dilay Muqdishu 3dii May.

    Mudane Kheyre ayaa ka codsadayy Madaxweyne Farmaajo inuu dhameys-tiro hab-raaca la xiriira magacaabista Wasiirka cusub, ee Wasaaradda Howlaha Guud iyo Dib-u Dhiska Injineer Saadiq.

    Maamulka Galmudug 22ka Agoosto 2017 Agoosto Kadib Magacaabistii Madaxweyne Xaaf Golihiisa Wasiirada ayaa waxaa iminka soo baxay qaar ka mid ah Xildhibanada Galmudug kuwaas oo dhaliilsan Magacaabistaas.

    Xildhibaan Axmed Yuusuf Ciyow oo ka mid ah Xildhibaanada Galmudug ayaa sheegay in horay madaxweyne Xaaf ugu sheegeen in aysan aqbali doonin hadii uu dib u soo celiyo Wasiiradii Hore.

    Waxa uu sheegay in Wasiiradii hore ay inta badan yihiin kuwo aan waxba qaban,sidaas darteedna an ku wargelinay in uusan soo celin balse Go’ankeenu uu yahay in aysan aqbalin.

    Sidoo kale waxa uu hadalkiisa intaas ku daray in sababtii ay horay ugu rideen Madaxweynihii hore ee Galmudug ay aheyd in isbedel la helo,laakin taas aysan muuqaan ayna ka go’aan tahay in aanan la ansixin.

    Maamulka Somaliland 22ka Agoosto 2017 Maalin ka hor Wasaarada Waxbarashada Maamulka Soomaaliland waxa ay ammar ku bixisay in ilaa 7 Iskuul oo ku yaalo Magaalada Hargeysa Al-Baabada la iskugu dhufto balse Go’aankaas ay Wasaaradu ka laabatay.

    Wasiirka Wasaarada Waxbarashada Maamulka Soomaaliland Cabdullaahi Ibraahim oo ka hadlayay kulan uu la qaatay Maamulayasha Iskuuladaas ayaa waxa uu sheegay in xayiraadii laga qaaday Iskuuladaas.

    Waxa uu sheegay in Wasaaradu ay wadi doonto kormeerada kala duwan oo ay ku sameyneyso Macaahidda wax lagu barto ee ku yaalo Magaalada Hargeysa ee Soomaliland.

    Sikastaba hadalka ka soo baxay Wasaarada waxbarashada Maamulka Soomaaliland ayaa waxaa soo dhaweeyay maamulyaasha Iskuulada ku yaalla Magaalada Hargeysa.

    Muqdisho 22ka Agoosto 2017 Madaxweynaha Puntland, Cabdiweli Maxamed Calii Gaas, ayaa lagu eedeeyay inuu ku fashilmay dhamaan Howlihii loo igmaday, una dhaartey, sida Siyaasadda, Dhaqaalaha iyo Cadaaladda.

    Cuqaasha, Odayaasha Dhaqanka iyo Waxgaradka Beesha Obokor Ciise, oo Shir mudo labo Todobaad uga socday magaalada Garoowe ayaa aad u dhaliilay Maamulka uu majaraha u hayo Madaxweyne Gaas.

    “Madaxweyne Gaas wuxuu lumiyay Kalsoonidii shacabka, kadib markii uu hareermaray hanaanka awood-qeybisga iyo heshiishii ay ku midoobeen beelaha, ee lagu dhisay Puntland,” ayaa lagu yiri war kasoo baxay Beesha.

    Gaasi ayaa lagu eedeeyay inuu sameeyay Musuq-maasuqii ugu ballaarnaa, oo aan horey usoo marin Puntland, kadib markii maamulkiisa uu daabacay lacago been abuur ah, oo saameeyay nolosha Shacabka, islamarkaana sababay Sacir barar xooggan guud ahaan Deegaanada Puntland.

    Odayaasha ayaa sheegay in Madaxweynaha uu ku guuldareestay, Bixin la’aanta Mushaarka Ciidamada difaaca iyo Shaqaalaha dowladda, is-hor-taagista dhisamaha Maxkamadda Dastuuriga ahayd, fashil amni oo ka jira Badda iyo Bariga iyo luminta Soohdimaha Puntland, iyadoo ay faraha ka baxeen gobollo badan.

    Madaxweyne Cabdiweli Gaas ayaa loogu baaqay inuu xilka iska-casilo, maadaama uu ku fashilmay hogaanka, waxaana laga codsaday Isimada iyo waxgaradka inay wax ka qabtaan khataraha kusoo food-leh Puntland iyo Xaaladda cakiran ee ka taagan xilligan.

    Hoos ka akhriso Magacyada Saxiixiyaasha Bayaanka, kana daawo, isagoo vedio ahna qeybta Hoose.

    Muqdisho 22ka Agoosto 2017 Xildhibaanada Aqalka Sare ee Baarlmaanka Federaalka Soomaaliya ayaa Maalintii Saddexaad oo xiriir ah  waxa ay kulan ku yeelan doonaan Magaalada Muqdisho.

    Xildhibaanada Aqalka sare ayaa maanta waxa hortegi doona islamarkaana Warbixino ay ka dhageysan doonaan Gudiga amniga iyo Xaquuqul insaanka kaas oo loo xil saaray in ay soo baaraan duqeyntii dhawaan ka dhacday deegaanka Jilib ee Gobolka Jubbada hoose.

    Wasaarada Warfaafinta Soomaaliya ayaa horay u shaacisay,in duqeyn ka dhacday degmada Jilib lagu dilay Saraakiil ka tirsan Al-Shabaab,balse qaar ka mid ah Odayaasha dhaqanka Gobolka Jubbada dhexe ay sheegeen in duqeyntaas lagu dilay 7 Ruux oo hal Qoys ka koobnaa.

    Sidoo kale Guddigaan ayaa waxaa horay loogu diray in baaritaano dhab ah ay ku sameeyaan dagaalkii ka dhacay deegaanka Xeraale ee Gobolka Galgaduud iyo xiisadii Maamulka hir-Shabeelle walow xiisadaas ay dowladda Soomaaliya Go’aan ka gaartay.

    Australia 22ka Agoosto 2017 Xarrunta Imaam Cali ee magaalada Melbourne ayaa labo jeer dab la qabadsiiyay

    Saddex nin ayaa maxkamad la oo soo taagay in ay gaysteen dambiyo argagixiso ka dib markii lagu eedeeyay in ay gubeen masaajid ku yaalla magaalada Melbourne.

    Labada weerar ee lagu eedeeyay in ay ka gaysteen magaalada ayaa lagu bartilmaameedsaday xarun ay leeyihiin Shiicada, arrintaas ayaana la sheegay in ay dhiirigalisay kooxda isku magacawda Dawladda Islaamka, sida ay booliiska dalkaasi sheegeen.

    Qofna waxba kuma noqonin dababkaas oo kala dhacay bilihii Nofembar iyo Disembar ee sannadkii hore.

    Booliiska faderaalka Australia ee magaciisa loo soo gaabiyo (AFP) ayaa sheegay in hadafka weerarradaasi ay ahaayeen in loogu cagajugleeyo dadka masaajidka ku tukada iyo guud ahaan bulshada Muslimiinta ah.

    “Ma dhahayno dab ayay masaajid qabadsiiyeen oo kali ah” ayuu yiri McCartney oo ah taliye ku xigeenka booliiska oo Axaddii hadlay.

    “Waxaan ku eedayn doonaa in weerarradani ay ahaayeen kuwo ay ka dambaysay kooxda isku magacawda Dawladda Islaamka. iyaga ayaa dhiirigaliyay waxayna ugu talagaleen in ay ku cabsigaliyaan qayb gaar ah oo ka mid ah bulshada”.

    Labo ka mid ah raggaas oo da’dooda lagu sheegay 25 iyo 27 ayaa lagu soo oogay in ay dab qabadsiiyeen Xarunta Islaamka ee Cali, halka nin kale oo 29 jir ahna lagu soo oogay dhacdadii kale ee bishii Disembar. Arrimo qawaaniinka la xiriira dartood ayaanan magacyadooda loo sheegi karin.

    Booliiska ayaa raggan laga shakisan yahay ku eedeeyay in “taabacsan yihiin aragti xagjir ah oo Sunni ah”.

    Saddexdan nin waxaa maxkamadda Melbourne la soo taagay ammin dambe oo Isniintii ah.

    Dhagaysiga dacwadda ayaa laga sheegay in loo baahan yahay in la turjumo waxyaabo badan oo af ajnabi ah ku qoran, waxaana dacwadda dib dib loo billaabi doonaa 27 Nofembar.

    Haddii lagu helo dambiyadaas waxay mutaysan karaan xabsi cimrigaa haku furto ah.

    Maraykanka 22ka Agoosto 2017 Madaxweynaha Maraykanka, Donald Trump, ayaa sheegay in degdeg ku saaridda ciidanka dalkiisa ee ku sugan Afghanistan ay fursad siineyso ururada argagixisada ah.

    Waxa uu intaa ku daray in markii hore uu ka fekerayay in ciidamada Maraykanka uu gebi ahaanba ka saaro Afghanistan, balse aanu hadda rabin inuu sameeyo khalad la mid ah kii Ciraaq.

    Trump ayaa sheegay inuu ka weecanayo hannaanka waqtiga ku xiran, oo uu xoogga saarayo mid salka ku haya wax ka qabashada xaaladda Afghanistan inta ay doonta ha qaadatee.

    “Maraykanku waxa uu la shaqeyn doonaa dowladda Afghanistan ilaa iyo inta laga gaarayo hormarka dalkasi,” ayuu yiri madaxweynaha.

    Pakistan ayuu u digay, asagoo sheegay in Maraykanka aanu u dulqaadan doonin in dalkaasi uu “hoy u noqdo” ururada xagjirk ah.

    Madaxweyne Trump oo laga filayay inuu ku dhawaaqo kordhinta tirada ciidanka ka jooga Afghanistan, ayaa arintaa ku gaabsaday, waxaana uu sheegay in aanu ka hadli doonin tirada askarta iyo qorshahooda.

    Janaraalka haysta ciidamada Maraykanka ee Afghanistan ku sugan, John Nicholson, ayaa codsaday 4,000 oo askari oo dheeraad ah in dalkasi la geeyo.

    Khudbada madaxweyne Trump ayaa muujinaysay inuu ka filayo dalalka xulafada la ah inay kordhiyaan askarta ka joogta Afghanistan iyo weliba kharashaadka ay ku bixiyaan ciidamadaasi.

    Maraykanka ayaa dabayaaqadii 2014 si rasmi ah u joojiyay howlgalada ciidan ee ka dhanka ah ururka Taliban, balse waxaa Afghanistan ka jooga ciidan sida gaarka ah u tababaran oo kalmeeya xooggaga dalkaasi.

    Tirada ciidamadaasi Maraykanka ah ee Afghanistan ku sugan ayaa gaaraysa 8,400 oo askari.


    WARARKA MAANTA 21ka Agoosto 2017 Sir Culus

    Su'aalaha Maanta: Meeqo Madaxweyne Gobaleed ayaa xilka laga tuuri doonaa? Maxuuse Agaasimaha Madaxtooyadda ugu bixiyey $ 2.4 xilka qaadista Madaxweynaha Dowladda Gobaleedka Hirshabelle? Ma ogtahay Dowladda Soomaaliya Dowlad Gobaleedka ay ka takhalusi doonto si ay xukunka uga dhigto xukun adag oo hal meel wax laga xukummo ayadoo la tirtirayo Dastuurka Federaalka?

    Maxay tahay sababta uu Madaxweyne Dr. Cabdiweli Cali Gaas ugu wareejiyey dekkadda Bossasso Shirkadda DP World ee laga leeyahay dalka Imaaraadka? Maxuuse sharciga fedaraalka ugu tumanayaan oo u daba-maray go'aankii Dowladda Soomaaliya ee dhex-dhexaadnimada ahaa? Ma oga miyaa asagoo aan cid taqaana jirin inuu Madaxweyne Mudane Farmaajo ka dhigay Wasiir kadibna dalka ka noqday Wasiirkii Iyo Raysal Wasaarihii ugu musuqmaasuqa badnaa sida ay wada qireen shaqaalihii iyo wasiiraddii la soo shaqeeey Cabdiweli Cali Gaas markii uu ahaa Wasiir Iyo Markii uu noqday Raysal Wasaare intaba? Maxayse maanta u qaylinayaan Ummadda reer Puntland State oo fahantay khiyaanada iyo musuqmaasuqa baahsan ee ay ku dhaqmayso Dowladda Gobaleedka Puntland State? Maxayse haddii ay Dowlad Gobaleedka Puntland State hirgalisay Dastuurka Federaalka, maxay ugu tumanaysaa/ama hadda u abuuraysaa khilaaf siyaasaddeed? Mise sheeko kala jirtoo way soo bixi doontaa!

    Muqdisho 21ka Agoosto 2017 Gudoomiyaha Guddiga Dib u eegista Dastuurka ee Baarlamaanka Soomaaliya Xildhibaan Cabdi Xasan Cawaale (Cabdi Qeybdiid) ayaa sheegay inay Waajib tahay in la dardargaliyo dhameystirka dastuurka qabyo qoraal ah ee dalka si loogu diyaar garoobo Doorashooyin qaran oo qof iyo Cod lagu soo Doorto Hogaanka Dalka.

    Xildhibaan Cabdi Qeybdiid ayaa tilmaamay inay Dadajinayaan dhameytirka Dastuurka, ayadoo latashi lala Sameynayo Qeybaha kala Duwan Shacabka Soomaaliyeed si Dastuurku uu u noqdo mid ku salaysan rabitaan dalka iyo Dadka una Adeegaya Danaha Qaranka Soomaaliyeed.

    Ugu danbeyntii Xildhibaan Cabdi Qeybdiid ayaa Xusay inay Guddiga Dastuurka oo ka Kooban Golaha Shacabka iyo Aqalka Sare ee Baarlamaanka ay u diyaar garoobeen Fududeynta Sidii Doorasho Qof iyo Cod ah ay Dalka uga dhici la heyd Marka la gaaro Sanadaha 2020-2021 midkii Dowladda Soomaaliya Maamul Gobaleedyada ay u Heshiiyaan ay Doorasho Dhacdo.

    Puntland State 21ka Agoosto 2017 Madaxweyne kuxigeenka Dowlad Gobaleedka Puntland Mudane Eng.Cabdixakiin Cabdulaahi Xaaji Cumar Camay ayaa soo saaray Amaro filan waa ku noqoday Ganacsata Magaalada Boosaaso gaar ahaan Kuwa Badeecoonyinka ay uga Soo dagaan Dekeda Magaaladda Boosaaso.

    Eng- Camay ayaa ku Amaray Ganacsata Dekeda Magaalada Boosaaso aysan wax Badeecooyin soo dajin doonin marka lagaaro 15 bisha Setemper 2017 ciidaan haysan Shahaado ganacsi islamarkaan aan iska soo diwaan galin Wasaarada Ganacsiga Puntland.

    Hadalkaan ayuu ka sheegay Madaxweyne kuxigeenka Puntland xilli uu ka qeybgalay munaasabad lagu daahfuray waaxda Tayo dhawrka oo ka qabsoontay magaalada Garowe, waxaana ka qeybgalay masuuliyiin ay ka mid yihiin Wasiirka Ganacsiga iyo Warshadaha Puntland Cabdiweli Xirsi Cabdulle (Indha guran) Gudoomiye kuxigeenka Baarlamanka Puntland, Wasiiro ka tirsan Xukuumadda, Xildhibaano, Ganacsato, Haween iyo Marti sharaf kale.

    Waxaa bahwadaag ku ah barnaamijkaan Wasaaraddaha kala ah Wasaaradda Ganacsiga iyo Warshadaha Puntland, Wasaarada Xanaanada Xoolaha, Wasaaradda Beeraha iyo Waraabka Puntand,Wasaaradda Caafimaadka,Wasaaradda Hawlaha Guud iyo Wasaaradda Kaluumaysiga Puntland.

    Kismaayo 21ka Agoosto 2017 Cabdi faarax Siciid Juxa,Wasiirka arrimaha Gudaha iyo dib u heshiinta Soomaaliya oo shalay gaaray Magaalada Kismaayo ayaa Maanta la filayaa uu furo shir xasaasi ah.

    Shirkaan ayaa ah mid u dhaxeeya Golayaasha dowladaha hoose kaas oo mid la mid ah horay uga dhacay magaalada Baydhabo ee Xarunta gobolka Baay.

    Qaban qaabada furitaanka shirka ayaa haatan laga dareemayaa Kismaayo,waxaana ku sugan wufuud kala duwan oo ka kala socda Maamul goboleedyada.

    Wasiir Juxa ayaa markii uu shalay tegay Kismaayo waxa uu sheegay in dhamaan xarumaha Maamul Goboleedyada shirkaan lagu qaban doono.

    Sacuudiga 21ka Agoosto 2017 Shirkadda diyaaradaha qaran ee Sacuudi Carabiya ayaa sheegtay in dowladda Qadar aanay weli siin ogolaansho ah inay dalkaasi kasoo daabusho dadka doonaya in sanadkan ay soo xajiyaan.

    Labada dal ayaa todobaadyadii lasoo dhaafay waxaa ka dhex taagnaa xiisad diblomaasi, taasoo keentay in xukuumadda Riyad iyo dalal kale oo xulafo la ah ay xiriirka u jaraan Dooxa, isla markaana ka xirtaan xuduudaha dhulka, badda iyo hawada.

    Dowladda Sacuudiga ayaa todobaadkii lasoo dhaafay shaacisay in ay soohdinteeda u furayso xujeyda Qadar, tallaabadaasi oo u muuqatay mid muujinaysa in xiisadda ay hadda hoos u dhacday.

    Shirkadda diyaaradaha ee Sacuudiga ayaa sheegaysa in maalmo ka hor ay u gudbisay xukuumadda Qadar codsi ah inay dalkaasi ka qaado xujeyda doonaysa inay hawada ku safraan, balse aanay wax jawaab ah helin.

    Dalalka go’doomiyay Qadar ayaa ku eedeeyay inay taageerto ururo ay ku sheegeen argagixiso, eedeyntaasi oo ay beenisay xukuumadda Dooxa.

    Muqdisho 21ka Agoosto 2017 Ka dib markii Madaxweynaha Galmudug uu shalay xildhibaanada Baarlamaankaasi uu ka codsaday in loo ansixiyo in uu soo celiyo Wasiiraddii uu soo magacaabay Madaxweynihii hore ee Galmudug Mudane Cabdi kariin Xuseen Guuleed ayaa arintaasi waxaa ka hor yimid Xildhibaanada Galmudug.

    Xildhibaanada ayaa badankood diiday arintaasi waxaana ay ka codsadeen Madaxweynaha in uu soo magacaabo Wasiiro cusub.

    Xildhibaan Duraan Cali Jaamac oo ka mid ah Xildhibaanada Galmudug ayaa sheegay in Madaxweynaha laga diiday codsigaasi,islamarkaana laga doonaayo in uu dhiso wasiiro cusub.

    Sidoo kale waxaa uu tilmaamay in ay muhiim tahay in Galmudug uu isbadel ka dhaco,islamarkaana loo baahan yahay wasiiro wax u qaban kara Shacabka Galmudug.

    Kenya 21ka Agoosto 2017 Militriga dalka Kenya ayaa ku wergeliyay dadka ku nool keymaha Boni ee ku dhirirsan xeebaha dalka Kenya in ay isaga baxaan muddo 48 saac gudahooda iyadoo la qorsheynayo in bambaanooyin culus lagu garaaco keymahaasi oo la rumeesan yahay in ay ku dhuumaaleesanayan dagaalyahada Xarakada Al shabaaab.

    Amarkaan waxaa aqriyay madaxa howlgalka Linda Boni Joseph Kanyiri waxaana uu ku booriyay dadka deegaanka ee halkaasi ku nool in keymaha ay ka fogaadaan.

    “Waxaan jecelnahay iney dadku ka fogaadaan keenta waa qeyb kamid ah howlgalkeena ma dooneyno in qof kale ay waxyeelo ka soo gaarto duqeymaha aan la beegsaneeno Al-shabaab waxeynu idiin siinay 48-saacadood in aad adinka iyo xawaaankiina ugu baxsataan”, sidaas ayuu ku yiri shir jaraaid uu  magaalo xeebeedka Mombasa uu ku qabtay  madaxa howlgalka Linda Boni Joseph Kanyiri.

    Digniintaan cusub ayaa ku soo beegmeysa xili Al-shabaab weeraro kala duwan ay ka geestaan deegaanadaasi labadii bilood ee la soo dhaafay oo ugu yaraan 20 kamid ah police-ka Kenya ay ku dhinteen iyo fulinta miinooyin dhulka lagu aaso.

    Keenta Boni ayaa dhacda xadka Kenya iyo soomaaliya ay wadaagaan.

    Muqdisho 21ka Agoosto 2017 Guddoomiyaha Maxkamada Sare ee dalka Ibraahim Iidle Suleymaan oo la hadlay Warbaahinta ayaa sheegay in aysan aqbali doonin in Muwaadiniinta Soomaaliyeed si sharci daro ah la isaga xiro.

    Waxa uu sheegay in dadka lagu xirayo Saldhigyada in la hubiyo hadii aysan dambi lahayn la iska fasaxo oo la sii daayo hadii kalena si deg deg ah loo gudbiyo Hay’addaha Garsoorka.

    Waxa uu sheegay in ay la xisaabtamayaan Taliyeyaasha Saldhigyada hadii ay qof si sharci daro ah ku xiraan.

    Waxa uu sheegay in Xafiiskiisa uu ka shaqeyn doono Cadaaladda iyo in dadka Soomaaliyeed si siman loogu garsooro.

    Masar 21ka Agoosto 2017 Madaxweynayaasha Soomaliya iyo Masar Maxamed C/laahi Maxamed (Farmaajo) iyo Cabdifitaax Al Siisi oo kulan kuwada qaatay magaaladda Qaahira ayaa kawada hadlay xiriirka labada dal.

    Masar State 21ka Agoosto 2017 Xaqiijinta Ammaanka wadanka Soomaaliya ayaa noqday Ajandaha ugu weyn ee ay iskula soo qaadeen Kulan ay ku yeesheen Magaalada Qaahira.

    Dowladda Masar ayaa ballan qaaday in Soomaaliya ay ka gacan siin dooto sugida Nabad Gelyada guud ahaan , iyo Xasilinta Magaalada Caasimadda ah ee Muqdisho.

    Afhayeenka Madaxtooyada Masar Calaa Yuusuf Madaxweynaha Masar ayaa ugu Hambalyeeyay Madaxweyne Maxamed Cabdullaahi Farmaajo Guushii uu ka gaaray doorashadii Madaxtinimo ee Soomaaliya Bishii February ee sanadkaan.

    Sidoo kale Cabdifitaax Al Siisi ayaa soo dhaweeyay Cilaaqaadka labada dal oo uu sheegay in uu yahay mid wanaagsan islamarkaama Taariikh fog leh.

    Madaxweynaha Masar ayaa u ballanqaaday Wafdiga dowladda Soomaaliya oo uu hoggaaminayo Madaxweyne Farmaajo in dowladda Masar ka taageeri doonto Soomaaliya dhinac kasta, sida dib u dhiska Hay’adaha Dowladda, Dhismaha Ciidamada Qalabka sida,islamarkaana ay kala kaashan doonaan Soomaaliya isdhaafsiga wax soo saarka labada Dal , sida Kalluunka iyo Xoolaha si ay kaalin uga geystaan Kobaca dhaqaalaha labada Dal.

    Sidoo kale Wafdiga Madaxweyne Farmaajo ayaa lagu wadaa in ay la kulmaan Imaamka Ugu Weyn Al Azhar Al Shariif Diktoor Axmed Al Dayib kaas oo ay ka wada hadli doonaan arrimo kala duwan , gaar ahaan sida looga hortagi karo waxa loogu yeero Kooxaha Argagixisada .

    https://www.youtube.com/watch?v=OE1l1exxhM8

    Madaxweynaha xilka laga qaaday ee dowlad-gobolleedka Hirshabeelle, Cali Cabdullaahi Cosoble ayaa ka soo horjeestay go’aanka ay dowladda federaalka ku taageertay go’aanka uu baarlamaanka Hirshabeelle xilka uga qaaday.

    Xilka qaadista wuxuu ku sheegay inay tahay sharci darro,wuxuuna marka go’aanka dowladda ee ka soo baxay wasiirro xaqiiqo raadib loogu dirray Jowhar ku sheegay mid uu filayay.

    “24 saac in mooshin lagu keeno laguna qaado xilna loogaga qaado madaxweyne maqan ma ahan mid sharci ah….Qoraalka ay soo saareen waa mid taladooda ah oo raqiis ah, madaxweynaha sharciga ahna waa anniga.”

    Cosoble waxaa la waydiiyay haddii ay dowladda taageertay go’aanka uu xilka looga qaaday taallabada uu qaadayo -” Fal dambiyeed ayaa la galay maxkamada sare ayaan u gudbinay sharciyaqaano ayaa arrintaas u bandhignay maxkamad ayaan ku kala baxaynaa.”

    Gabagabadii,wuxuu caddeeyay madaxweyne Farmaajo inuu la kulmay,wuxuuna marka tilmaamay madaxweynaha inuu u sheegay arrinta ku aadan khilaafka in laga hadli doonno marku ka soo laabto booqashada uu ku tagay Masar

    https://www.youtube.com/watch?v=7tejmZj80Yg

    WARARKA MAANTA 20ka Agoosto 2017 Sir Culus

    Su'aalaha Maanta: Maxay tahay sababta Dowladda Soomaaliya ee ay hoggaminayaan Madaxweyne Muane Maxamed Cabdillaahi Farmaajo “Been-Hawaas” Iyo Raysal Wasaare Mudane Xassan Cali Kheyre “Bakhti-Raamsade” ay ugu soo darsadeen golaha wasiiradda rag wada khaa'inul waddan ah oo sida la xaqiijiyey Raysal Wasaare Mudane Xassan Cali Kheyre “Bakhti-Raamsade” uu kamid yahay? Maxayse Ummadda Soomaaliyeed u qaban karaan rag wasiiro laga dhigay ayagoo la ogyahay dembiyada ay dadka, diinta iyo dalka ka galaan kuwaasoo xitaa ay kamid yihiin dembiyo dil, kufsi iyo xatooyo hanti qaran? Raysal Wasaare Mudane Xassan Cali Kheyre “Bakhti-Raamsade” waa khaa'inul waddan la mid ah Raysal Wasaarihii hore Senator Cumar Cabdirashiid Cali Iyo Wasiirkiisii Cabdiraxmaan Cabdishakuur oo si cad ugu saxiixay dhul badeed ay leedahay Ummadda Soomaaliyeed dowladda Kenya taasoo ay ka soo dhigeen Golaha Shacabka ee Dowladdii Ku-Meel-Gaar ahayd iyo Ummadda Soomaaliyeed! Yaa runta qarin kara maanta waa kaas ay Hay'adda Soma Oil and Gas kashiftay Raysal Wasaare Mudane Xassan Cali Kheyre “Bakhti-Raamsade”inuusan wax saami ah ku darsan isla-markaasna uu rabay inuu u sahlo sidii loo dhici lahaa kheyraadka Illaahay ku mannaystay Ummadda Soomaaliyeed. Dowladda Wada Dadban shaqadeeda hadda waa inay fuliso inkhilaabyo iyo maalgelinaysa kala dirida Maamul Gobaleedyadda si loo sameeyo dowladda dhexe oo hal meel looga talliyo balse waa riyo kamid ah riyooyinka Dowladda Wada Dadban.

    Jowhar 20ka Agoosto 2017 Magaalada muqdisho waxaa ku sugan Cali Cabdulalahi Cosoble Madaxweynihii Maamulka Hir-Shabeelle,kaas oo Xildhibaanada Hir-Shabeelle ay dhawaaan sheegeen in ay xilkii ka qaadeen.

    Cosoble,ayaa maalmihii uu ku sugnaa Jowhar waxa uu ku guuldarestay in uu isusoo dhaweeyo Xildhibnada Hir-Shabeelle ee diidan,waxana intaasi kadib uu shalay gelinkii dambe uu soo gaaray Magaalada Muqdisho.

    Ujeedada safarkiisa ayaa lagu sheegay sidii uu ula kulmi lahaa madaxda dowladda Federaalka Soomaaliya si xal looga gaaro xiisada Hir-Shabeelle.

    Sidoo kale Wararka ayaa waxa ay intaasi ku darayaan in Cosoble,uu ka qeybgeli doono kulan Wakiilada Beesha Caalamka ay ku leeyihiin Xarunta Xalane,waxana sidoo kale la sheegay in uu u gudbiyay dacwad ka dhan ah dowladda Soomaaliya oo uu ku eedeeyay in ay ka dambeysay xilka qaadistii lagu sameeyay.

    Sidoo kale Muqdisho waxaa haatan ku sugan Gudoomiyaha Baarlamaanka Hir-Shabeelle Cusmaan Bare Maxamed kaas oo ay u yeertay dowladda Federaalka Soomaaliya,islamarkaana uu la qaatay kulamo kala duwan,in kastoo waxyaabihii ka soo baxay aan Warbaahinta lala wadaagin.

    Muqdisho 20ka Agoosto 2017 Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo wafdi uu hoggaaminayo ayaa goor dhaw ka dhoofay Garoonka Aadan Cabdulle keddib markii uu casuumaad rasmi ah ka helay dhiggiisa Masar Mudane Abdulfataax Al Sisi.

    Labada Madaxweyne ayaa ka wada hadli doona adkeynta xiriirka soojireenka ah ee labada dal iyo iskaashiga dhinacyada Waxbarashada, Beeraha, Socdaalka, Duulista Hawada iyo Tamarta iyo Biyaha.

    Safarkn waxaa Madaxweynaha ku wehliya Wasiirka Arrimaha Dibadda, Wasiirka Beeraha, Wasiirka Tamarta iyo Biyaha, Wasiiru Dowlha waxbarashada iyo xildhibaanno.

    Puntland 20ka Agoosto 2017 Madaxwayne kuxigeenka maamulka Puntland ahna kusimaha madaxwaynaha Puntland Cabdixakiim Cabdulaahi Xaaji Cumar Camey oo warbaahinta la hadlay ayaa wax aan faa’iido lahayn ku tilmaamay dagaalka magaalada Buuhoodle ka dhacay maalinkii shalay.

    Camey waxa uu sheegay dagaal inay garanayaan reer Buuhoodle inuu waxba soo kordhinayn, waxaana uu ku booriyay siwadajir ah in looga qaybgalo joojinta dagaalkan.

    Sidoo kale Madaxweyne ku-xigeenka Maamulka Puntland ayaa xusay inuu xiriir kale duwan uu la sameeyey isimada dhaqanka oo ku sugan meelo kale duwan oo ay Muqdisho ka mid tahay, lana rajanayo inay maalinta berito u ambaxayaan magaalada Buuhdoole si looga qayb qaato kahortagidda dagaalo kale oo dhaca.

    Madaxwayne kuxigeenka Puntlad ayaa dhanka kale sheegay ka xukuumad ahaan inay wafdi u dirayaan oo wasiiro iyo xildhibaano isugu jira kuwaasi oo xal ka gaari doona dagaalka kasoo cubnooday magaaladda Buuhoodle.

    Bariire 20ka Agoosto 2017 Ciidamada dowladda Soomaliya oo ay wehliyaan Ciidamada Amisom iyo kuwo Cadaan ah ayaa xalay Sinabad ah ugu hoyday deegaanka Bariire ee Gobolka Shabeellaha hoose oo ay shalay Al-Shabaab kala wareegeen.

    Dagaal mudo saacado ah socday kadib ciidamada Huwanta ay u suurtagashay in ay sibuuxda ula wareegaan deegaanka Bariire halkaas oo ay mudo dhowr sano ah Gacanta ku hayeen ciidamo ka tirsn Al-Shabaab.

    Ciidamada Huwanta ah ayaa fariisimo ka samestay Duleedka degaanka Bariire,iyada oo la soo sheegayo in xalay xoogaa rasaas Goos Goos ah laga maqlay deegaanka Bariire.

    Wararkii u dambeeyay ee saakay naga soo gaaraya Bariire ayaa waxa ay sheegayaan in xaaladu iminka ay tahay mid degan islamarkaana ciidamada Huwanta ah ay weli ku sugan yihiin Bara koontorool oo ay shalay ka sameesteen daafaha deegaanka Bariire

    Jubbaland State 20ka Agoosto 2017 Madaxweynaha dowlad Goboleedka Jubbaland Axmed Maxamed Islaam(Axmed Madoobe) ayaa sheegay in dhibatooyinka la xiriira dhanka isqabqabsiga dhulalka ay ka jiraan Magaalada Kismaayo.

    Waxa uu sheegay in markii uu la kulmay Bulshada qeybaheeda kala duwan ay tahay cabashada ay u soo gudbinyaan dhibaatooyin ay sababeen isqabqbsiga dhulalka.

    Waxa uu hadalkiisa intaas ku daray in dhawaan uu wareegto ka soo saari doono isqab qabsigaas si looga gudbo.

    Malta 20ka Agoosto 2017 Ciidamada Booliska Jasiirada Malta ayaa xiray labo nin oo Soomaali ah ka dib markii lagu eedeeyay in ay dambiyo kala duwan ay ka galeen dalkaasi,islamarkaana ay ciidamada Booliska ay ku guuleysteen in ay soo qabtaan.

    Booliska waxa ay sheegeen in labadaan nin lagu eedeeyay in ay geysteen Fal xatooyo ah ,haddana ay ku socoto baaris.

    Magacyadda labada Muwaadin ee Soomaaliyeed ee ay xireen Ciidamada Booliska Malta ayaa lagu kala Magacaabaa Shaban Aadan Jaamac oo 21 sano jir ah iyo Maxamed Xabiib Xaashi 22 sano jir ah.

    Labaddaan nin ayaa lagu eedeeyay in ay dhaceen alaab uu watay nin u dhashay dalka Ruushka, islamarkaana ay Magaalada ku dhex carareen Ciidamada ayaana ugu dambeyntii ku guuleystay in ay soo qabtaan.

    Kormeeri sare oo ka tirsan ciidamada Booliska Malta ayaa sheegay in raggaan sharciga la marsiin doono ,islamarkaana hadii dambi lagu waayo sida ugu dhaqsiyaha badan loo sii deyn doono.

    Jasiiradda Malta ayaa waxaa ku xiran Soomaali badan oo qaarkood lagu eedeeyay in ay geysteen falal dil ah.

    Ciraaq 20ka Agoosto 2017 Ra’iisul Wasaaraha dalka Ciraaq ayaa ku dhawaaqay dullaan ka dhan ah kooxda isugu yeerta khilaafada islaamka ee ISIS.

    Haider al-Abadi ayaa sheegay inay doonayaan in ay la wareegaan gacan ku heynta magaalada Tal Afar oo ah magaaladii ugu dambeesay ee ay ku xooganyihiin kooxda ISIS.

    Ra’iisul Wasaaraha ayaa hadalkan ka sheegay telefishenka qaranka, waxaana uu intaa ku daray in kooxda Daacish ay u furantahay laba wado oo kala ah, inay isa soo dhiibaan ama in la dilo.

    Magaalada Tal Afar ayaa sidoo kale waxaa ku harereesan ciidamada dowladda Ciraaq, dagaalyahanada shiicada iyo kuwa Peshmerga-ka. Waxaana sidoo kale magaalada dul hehaabaya diyaaradaha dagaalka ee Mareykanka iyo kuwa ciidamada Ciraaq, kuwaa oo duqeynaya magaalada kahor dullaanka uu ku dhawaaqay ra`iisul wasaaraha dalkaasi.

    Magaalada Tal Afar ayaa sideetan kilomitir u jirta magaalada Mousil oo dhawaan laga qabsaday kooxda ISIS.

    Khaatumo State 20ka Agoosto 2017 Madaxweynaha maamulka Khaatuma Cali Khaliif Galeyr oo ka hadlay dagaalkii xooggana ee shalay Magaalada Buuhoodle ayaa waxaa uu sheegay in ay nasiib daro tahay in maanta lagu dagaallamayo Magaalada Buuhoodle.

    Isagoo ku sugnaa goob laga maqlaayay rasaas Xooggan ayuu sheegay Cali Khaliif in waxa Magaalada isku diriraayo ay yihiin dadkii Khaatumo oo la isku diray.

    Sidoo kale waxaa uu tilmaamay in Khaatuma aysan dani ugu jirin Maamulada Somaliland iyo Puntland oo ay u kala janjeeraan.

    Dhanka kale waxaa uu sheegay in waxgaradka degaanada maamulka Khaatuma laga doonaayo in ay qaataan doorkooda ,islamarkaana ay xaliyaan colaada Magaalada Buuhoodle.

    Muqdisho 20ka Agoosto 2017 Magaalada Muqdisho waxaa safar aan lasii shaacinin ku jooga Wasiirkii hore Ee Wasaarada arimaha dibada maamulka Somaliland Maxamed Cabdulaahi Cumar

    Dr. Maxamed Cabdilaahi ayaa warar hor dhac ah ee laga helayo safarkiisu sheegayaan inuu kulamo la qaatay Raisulwasaaraha Xukuumadda Soomaaliya Xasan Cali Khayre, islamarkaana ay kawada hadleen arrimaha Somali-land iyo Dowladda Soomaliya.

    Sidoo kale wararka ayaa waxa ay sheegayaan  in Dr. Maxamed Cabdilaahi uu wali ku sugan yahay Muqdisho,islamarkaana aan waxa hadal laga helin qodobada ugu muhiimsan uu kala hadlay madaxda Dowladda Soomaliya.

    Wasiirkii hore ee arimaha dibada somaliland Dr. Maxamed Cabdilaahi Cumar ayey sidoo kale wararku sheegayaan inuu ka qayb galay shirar kadhacay magaalada Muqdisho kuwaas oo lagaga hadlayey amaanka wadanka soomaaliya.

    Dr.Maxamed Cabdilaahi Cumar oo hore u soo noqday wasiirka arimaha dibada somaliland, ayaa haatana ka mid ah saraakiisha sar sare ee xisbiga muxaafidka ah ee Kulmiye.

    Xukuumada somaliland ayaa dhawaan shirkii golaha wasiirada ku go’aamisay inaanay muwaadiniintu u safri Karindalka soomaaliya, bals waxa laga war dhawrayaa talaabada ay ka qaadi doono Dr.Maxamed Cabdilaahi oo ahmasuul ka tirsan xisbiga Kulmiye.

    Puntland State 20ka Agoosto 2017 Madaxweynaha Puntland Cabdiwali Gaas oo ku sugan dalka boqortooyada Sacuudiga ayaa baaq nabadeed u dirrey labo beelood oo maanta ku dagaallamay degmada Buuhoodle.

    Cabdiweli wuxuu ku baaqay si deg deg ah in xal loogu helo dagaalka,wuxuu ugu baaqay hay’adaha dowladda iyo bulshada qeybaheeda inay wada-jir uga shaqeeyaan sidii looga hortagi lahaa dagaal mar kale dhiig ku daato.

    Inta la xaqiijiyay siddeed ruux ayaa ku dhintay dad ka badan toban ruuxna waa ay ku dhaawacmeen dagaalka maanta ka dhacay Buuhoodle,kaaso ka bilowday dil dhawaan ka dhacay magaalada oo la sheegay ninkii geystay inuu fakaday.

    Xaaladda ayaa hadda ah mid deggan markii odayaasha iyo wax-garadka deegaanka ay ku guuleysteen in la joojiyay dagaalka dhacay.

    Hoos ka akhri baaqa uu soo saaray madaxweynaha Puntland

    http://www.somaoilandgas.com/shareholders/

    WARARKA MAANTA 19ka Agoosto 2017 Sir Culus

    Su'aalaha Maanta: Meeqo Wasiir oo wax kufsaday ayaa ku jira xukuummadda Mudane Xassan Cali Kheyre “Bakhti-Raamsade”? Ma jirtaa inuu Madaxweynaha gabar uu kufsaday ay kamid tahay golaha xildhibaannadda Soomaaliya ee Aqalka Hoose? Maxuuse Wasiirka Maalliyadda Soomaaliya uga been sheegau dakhliga dalka asagoo ku jaanjooyey lacag shisheeye oo ah Ameerikaan doolar miisaaniyaddii dalka Soomaaliya? Maxayse ku dhacday inaysan Dowladda Soomaaliya isticmaali karin shillin Soomaali? Toddobaadka soo socda waxuu Agaasimaha Guud Wasaaradda Warfaafinta idin soo gudbin doonaa warar sir culus ah oo ka sheekaynaya dembiyo culus oo ay horay u soo galeen qaar kamid ah madaxda dallka ee hadda haysa xukunka ayagoo si cad loo wada kashifi doono! La socda xaqiiqda iyo dembiyada ay dadka, diinta iyo dalkaba ka galeen.

    Muqdisho 19ka Agoosto 2017 Prof. Cabdi Ismaaciil Samatar oo ka mid ah aqoonyahanada Soomaaliyeed ayaa sheegay in Puntland ay qaaday tilaabo khaldan oo aan u hiilinayn Soomaaliya isla markaana madaxda Puntland midnimada Soomaaliya ay ka door biday dano gaar ah uu filayo in aysan dadka reer Puntland aysan madaxwayne Gaas ku taageersanayn go’aankaas aan dalka anfacayn

    Samater oo u Waramay Laanta afka Soomaliga ee Voa-da ayaa sheegay In Go’aanka Puntland ay qaadatay uu yahay mid aan marna sax aheyn islamrkaana uu ka hor imaanayo midowga Umadda Soomaliyeed.

    Prof. Cabdi Ismaaciil Samatar oo  ka mid ah aqoonyahanada Soomaaliyeed  ayaa ugu baaqay  Dowlada Soomaliya dhankeeda in ay ka hadasho arinta maamul goboleedyadda ay qaateen ee ku aadan Dowladda Qatar laga soo horjeysto islamarkaana taageero loo muujiyo Dowladdda Imaaraakdka iyo Sacuudiga.

    Hirshabelle State 9ka Agoosto 2017 Gudoomiyaha Baarlamaanka maamulka Hirshabeelle oo ku sugan Magaalada Muqdisho ayaa lagu waddaa in uu maanta la kulmo Mas’uuliyiinta Sarsare ee dalka  si xal looga gaaro xaaladda Siyaasadeed ee ka jirta Magaalada Jowhar.

    Sheekh Cusmaan Barre Maxamed ayaa shalay Gelinkii dambe soo gaaray Magaalada Muqdisho ka dib markii diyaarad Khaas ah looga soo qaaday Jowhar.

    Wasiiro ka tirsan dowladda Soomaaliya shalay tagay Magaalada Jowhar , waxaana ay la kulmeen labada dhinac ee isku haya Jowhar.

    Guddoomiyaha Baarlamaanka Hirshabeelle ayaa dalab culus

    Koonfur Galbeed19ka Agoosto 2017 Xildhibaano  ka Tirsan Baarlamaanka Soomaaliya ayaa ka soo horjeestay Qaab-dhismeedka Maamulka Koonfur Galbeed Soomaaliya oo ay Tilmaameen in uu ku dhisan yahay Hanan aan Waafaqsanayn Dastuurka Maamulka Koofur Galbeed oo Muujinaya Qaab-Dhismeedka Xukuumada iyo Golaha Wakiilada Koonfur Galbeed.

    Xildhibaan Idriis Dhaqtar oo ka mid ah Xildhibaanada Golaha Shacabka Soomaaliya ee ka soo Jeeda Deegaanada Koofur Galbeed kana mid ah Xildhibaanada Mooshinka ka Wada Maamulkaas ayaa Sheegay Madaxweyne Shariif Xasan uu Jabiyey Dastuurka Maamulka ka dib isbadalkii uu ku Sameeyey Golaha Wasiirada.

    Xildhibaanka ayaa sharci daro ku qeexay Wasiiru-Dowlayaasha uu dhawaan soo magacaabay Hogaamiyaha Koonfur Galbeed kuwaasi oo uu sheegay inay ka hor imaanayaan Dastuurka Koofur galbeed oo aan dhigayn Magacaabid Wasiiru-Dowlayaal waxa uuna Xusay in Madaxweyne Shariif uu bur-buriyey Hanaankii awood qeybsiga  Beelaha Taasi Abuuraysa Isfahan-waa iyo Daganaansho la’aan siyaasadeed oo ka dhex-timaada Maamulka Koofur Galbeed.

    Turkey 19ka Agoosto 2017 Madaxweynaha Turkiga, Rajab Tayib Erdogan Madaxweynaha Turkiga, Rajab Tayib Erdogan, ayaa ku tilmaamay hogaanka Jarmalka mid “cadow” ku ah dalkiisa, asagoo ugu baaqay dadka asal ahaan Turkiga ka soo jeeda ee haysta dhalashada Jarmalka in aanay u codeyn isbahaysiga hadda u taliya dalkaasi.

    Doorashada guud ee Jarmalka ayaa dhici doonta 24-ka September ee sanadkan, waxaana codkooda ka dhiiban doona ku dhawaad milyan qof oo Jarmal ah balse asal ahaan ka soo jeeda Turkiga. Qaar badan oo ka mid ah dadkaasi ayaa taageersan madaxweyne Erdogan.

    “Xisbiyada kala ah Christian Democrats [CDU], Social Democrats [SPD], iyo Green Party waxay dhammaantood cadow ku yihiin Turkiga,” ayuu yiri madaxweyne Erdogan.

    Ma aha markii ugu horaysay ee uu Erdogan hadalo adag u adeegsado Jarmalka.

    Labadan dal ayaa leh xiriir dhaqaale oo ballaaran, sidoo kale waxay ka wada tirsan yihiin gaashaanbuurta NATO.

    Muranka u dhexeeya labada dal ayaa sii xoogaystay wixii ka dambeeyay isku-daygii afgembi ee Turkiga ka dhacay 15-kii July 2016, kaasoo ay ku dhinteen ugu yaraan 240 qof.

    Xukuumadda Ankara ayaa Jarmalka ku eedeysay inay magangelyo siisay askar loo haysto inay qeyb ka ahaayeen isku-daygaasi.

    Waxaa arinta uga sii daray markii uu Jarmalka u diiday mas’uuliyiin ka tirsan xisbiga madaxweyne Erdogan inay olole ka sameeyaan gudaha dalkaasi, ayagoo xilligaa jaaliyadda Turkiga ah taageero uga raadinayay aftidii dhacday bishii April

    Maraykanka 19ka Agoosto 2017 Steve Bannon ayaa aad ugu dhawaa madaxweyne Trump Madaxa istaraatajiyadda Aqalka Cad, Steve Bannon, oo ka mid ah shakhsiyaadka aadka ugu dhaw madaxweyne Donald Trump, ayaa xilka laga qaaday.Bannon oo afkaartiisu ay u janjeerto midig, ayaa ahaa ninkii ka dambeeyay in Trump uu ololihiisii doorashada ku saleeyo fariinta ah “Danaha Maraykanka ayaa waxkasta ka horreeya.”

    Wararka qaar ayaa sheegaya in madaxweyne Trump uu ka carooday waraysi uu Bannon siiyay wargeyska American Prospect, kaasoo uu ku sheegay inaanay suuragal ahayn in awood milateri wax looga qabto khatarta Kuuriyada Waqooyi.

    Bannon ayaa u sheegay wargeyska in Maraykanka uu “dagaal dhaqaale” kula jiro Shiinaha, isla markaana uu doonayo inuu Aqalka Cad ka saaro dadka aan fekerkaasi la wadaagin.

    63 jirkan ayaa lagu eedeeyay inuu taageersan yahay qolyaha caddaanka cunsuriyiinta ah, isla markaana uu naceyb u qabo Muslimiinta iyo Yuhuuda.

    Waxa uu si weyn ugu ololeeyay xannibaada uu Maraykanka saaray dadka ka yimaada lix dal oo Muslim ah.

    Kenya 19ka Agoosto 2017 Hogaamiyaha mucaardka Kenya, Raila Odinga

    Isbaheysiga mucaaradka ee dalka Kenya ayaa xalay saqdii dhexe maxkamadda sare u gudbiyay dacwad ka dhan ah natiijadii doorashada oo guddiga doorashada uu ku dhawaaqay in uu ku guuleystay Uhuru Kenyatta.

    Xisbiga Odinga ee NASA ayaa horay u sheegay in aysan aadi doonin maxkamadda, balse ay gao’aankaasi qaateen ka dib markii ay arkeen ”sida ay dowladda ugu cagajugleyneysa hay’adaha aan dowliga ahayn ee doonayay inay maxkamadda geeyana dacwad ka dhan natiijada doorashada.

    Mr Odinga ayaa horay u sheegay in doorashadaasi loogu shubay Uhuru Kenyatta. Guddiga doorashada ayaa horay u beeniyay eedeyntaasi.

    Goobjoogayaasha caalamiga ah ayaa ku sheegay doorashada mid u dhacay si xor ah, waxyna ku baaqeen xasilooini.

    Mr Odinga ayaa sheegay in mucaaradkauu hayo cadddeymo muujinaya in lagu shubtay doorashada, waxaana toddobaadyada soo socda laga dhowrsugayaa go`aanka maxkamadda sare ay gaarto murranka ka dhashay natiijada doorashada.

    Hirshabelle State 19ka Agoosto 2017 Wasiir dowlaha Amniga maamulka Hirshabeelle Bishaar Xasan Xirsi oo Saxaafadda kula hadlay Magaalada Jowhar, waxaa uu sheegay in loo diiday in uu galo Hoteel uu ka deganaa Magaalada Jowhar,islamarkaana ciidamo hubeysan oo ka tirsan maamulka Hirshabeelle ay ku qabteen qoryo. Waxaa sidoo kale sheegay in arintaasi ay ka dambeeyeen Mas’uuliyiin ka tirsan maamulka Hirshabeelle sida Wasiirka Arrimaha Gudaha.

    Wasiir dowlaha sidoo kale sheegay in xaaladooda Amniga ay Qatar ku sugan tahay Maadaama loo handadaayo.

    Magaalada Jowhar ayaa wali waxaa ka taagan xiisad siyaasadeed oo kacsan, waxaana xildhibaano iyo Wasiiro uu wato Madaxweynihii xilka laga qaaday la sheegay in ay dhibaato ku hayaan dadka kasoo horjeeda.

    WARARKA MAANTA 16ka Agoosto 2017 Sir Culus

    Su'aalaha Maanta: Maxuu noqon doonaa Xilka loo magacaabi doono Taliye Ku-xigeenkii Ururuka Argagixisadda Al-Shabab Shiikh Mukhtaar Rooboow oo si dhow ula shaqaynaayey rag ka tirsan Dowladda Soomaaliya tan iyo markii uu madaxda ka noqday Ururuka Argagixisadda Al-Shabab ilaa iyo hadda oo uu isa soo dhiibay? Maxuu ahaa xiriirka ka dhaxeeyey Raysal Wasaare Mudane Xassan Cali Kheyre Iyo Taliye Ku-xigeenkii Ururuka Argagixisadda Al-Shabab Shiikh Mukhtaar Rooboow? Maxuuse rabaa inuu Raysal Wasaare Mudane Xassan Cali Kheyre u magacaabo Taliye Ku-xigeenkii hore ee Ururuka Argagixisadda Al-Shabab Shiikh Mukhtaar Rooboow? Waa xaqiiqo rab badan oo la soo wada shaqeeyey Taliye Ku-xigeenkii hore Ururuka Argagixisadda Al-Shabab Shiikh Mukhtaar Rooboow inay hadda jaggooyin sar-sare ka hayaan Dowladda Soomaaliya ee uu hoggaamiyo Mudane Maxamed Cabdilaahi Farmaajo Iyo Raysal Wasaare Mudane Xassan Cali Kheyre kuwaasoo la ogyahay shaqooyinkii muhiimka ahaa inay siiyaan rag badan oo dembiyo adag ka galaya Ummadda Soomaaliyeed, Diinta Iyo dalkaba.

    Maraykanka 16ka Agoosto 2017 Madaxweynaha dalka Maraykanka Donald Trump ayaa mar kale labada dhinacba ku eedeeyay daganaansho la’aanta deegaanka Charlottesville ee ku yaalla gobolka Virginia ee dalka Maraykanka.

    War qoraal ah oo uu soo saaray Isniintii ayuu madaxweynuhu ku cambaareeyay dadka cad ee cunsurinamadoodu xad dhaafka tahay.

    Laakiin isaga oo Talaadadii ku sugan magaalada New York ayuu qolyaha garabka-bidix ku eedeeyay in ay dhibaatada qayb ka yihiin.

    Sidoo kale wuxuu difaacay wakhtiga ay ku qaadatay in uu qoraal ka soo saaro xaaladdaas, isaga oo sheegay in uu rabay in uu helo xogta dhabta ah ee arrintaas ku saabsan oo dhamaystiran.

    Heather Heyer oo 32 jir ah ayaa dhintay, 19 kalena dhaawac ayaa soo gaaray ka dib markii gaari la mariyay dad mudaaharaadayay Sabtidii oo ka soo horjeeday qolyaha ay aragtidoodu midig fog raacsan tahay ee ku sugan Charlottesville.

    Trump ayaa sheegay in gaariga lagu dhex eryay dadka uu waji gabax ku yahay isaga iyo dalkiisaba

    Nigeria 16ka Agoosto 2017 Saddex haween ah ayaa lagu soo warramayaa in weerar is miidaamin ah ay ka fuliyeen waqooyi bari dalka Nigeria, kaas oo galaaftay ugu yaraan 27 qof, sida laga soo xigtay saraakiisha dalkaasi. Tobaneeyo qof oo kalena ay ku dhaawacmeen kaddib markay isku qarxiyeen bannaanka xero qaxooti oo u dhow magaalada Maiguguri ee gobolka Borno, oo ah halka ay aadka ugu badan yihin kooxda Boko Xaraam ee dalka Nigeria ka dagaallanta.

    Waxaa aad u kordhayay dagaalka iyo rabshadaha ka dhaca magaaladaasi bilihi u dambeeyay.

    Boko Xaraam ayaa dalkaasi ka dagaallameysa tan iyo sanadkii 2009kii, si ay uga hirgeliso dalka shareecada diinta Islaamka.

    Baba Kura, wuxuu ka mid yahay ciidamada loo igmaday inay soo afjaraan dagaalka kooxda jihaad doonka ah, waxuuna wakaaladda wararka ee AFP u sheegay maalintii Talaadada in haweeneydii ugu horreysay ay isku qarxisay meel u dhow xerada.

    Wuxuu intaasi ku daray in labada dumar ee kalana ay is qarxiyeen waqti dadka ay xirayeen dukaamahooda, halkaas oo uu ka dhashay khasaaraha ugu badan.

    Warbixin ay soo sareen baarayaasha Mareykanka ee dembiyada argagixisannimada ayaa lagu sheegay inay tahay kacdoonkii ugu horreeyay taariikhda ee haween badan oo is qarxiya la isticmaalo in ka badan ragga.

    Sanadkii hore, dowladda Nigeria ayaa sheegtay in kooxda Boko Haram laga adkaaday.

    Balse wararka ayaa sheegaya in ciidanku ay ku guul-darreysteen inay joojiyaan qaraxyada, dadkana ay ka sii qaxayaan guryahooda gobolka Borno oo ay galayaan xeryaha

    Maraykanka 16ka Agoosto 2017 Wasiirkii hore ee arrimaha Dibadda Soomaaliya C/raxmaan Jaamac Barre, ayaa ku geeriyooday dalka Mareykanka oo muddooyinkii dambe uu ku xanuunsanaayay.

    C/raxmaan Jaamac Barre, ayaa ku geeriyooday magaalada San Diego ee gobolka California, sida ay xaqiijiyeen ehelada Marxuumka oo Warbaahinta la hadlay.

    Cadiraxman Jamac Barre ayey da’diisu aheyd 79 sano, Wuxuu xilal ka soo qabtay dowladii kacaanka, isaga oo soo noqday Ra’iisal Wasaare ku xigeen, wasiirka maaliyadda iyo wasiirka arrimaha dibadda.

    Marxuumka geeriyooday ayaa ifka wuxuu kaga tagay caruur gaareysa 15 oo isugu jirta Gabdho iyo Wiilal oo qaybo kala duwan oo dunida ah ku kala nool.

    Jaaliyadda Soomaaliyeed ee dalka Mareykanka ayaa ka tacsiyadeysay geerida ku timid Ra’iisal Wasaare ku xigeenkii hore ee dalka, sidoo kalena soo qabtay xilal kala duwan.

    Marxuumka Eheladiisa, ayaa sheegay inay qorsheynayaan aas Qaran in loo sameeyo, inkastoo aanan la ogeyn meesha lagu aasi doono.

    Koonfur Afrika 16ka Agoosto 2017 Allaha u naxariistee waxaa dalka Koonfur Afrika ku geeriyooday Ganacsade Axmed Jaliil Xuseen oo ka mid ahaa Ganacsatada Soomaaliyeed ee dalkaasi Koonfur Afrika.

    Ganacsadahan ayaa u geeriyooday dhaawac ka soo gaaray dhawaan dab la qabad siiyay Goobtii Ganacsi oo ku taala Magaalada Darban ee dalkaasi Koonfur Afrika.

    Kooxo Burcad ah ayaa Ganacsadaha horay u soo weeraray isagoo ku sugan Goobtii Ganacsi,iyaga oo intaas kadib dab qabadsiiyay waxaana Axmed Jaliil ka soo gaaray dhaawac culus oo ugu dambeyn uu u geeriyooday.

    Weli dhacdadaas kama hadlin laamaha amniga dalkaasi Koonfur Afrika waxa ayna tani qeyb tahay dhibaatooyinka marwalba Soomaalida ku nool dalkaas loo geesto gaar ahaan kuwa Ganacsatada ah oo hantidooda la boobo.

    Maamulka Koonfur Galbeed 16ka Agoosto 2017 Maamulka Koonfur Galbeed ayaa waxa uu sheegay in uu wado qorshe ku aadan sidii wax looga qaban lahaa colaada iyo dhibaatada ka taagan magaalada Marko ee xarunta gobolka Shabeellaha Hoose.

    Wasiirka Beeraha maamulka Koonfur Galbeed Maxamed Xasan Fiqi ayaa sheegay in ay wadaan Wasaaradaha qaar ee Koonfur Galbeed qorshe dib u heshiisiin loogu sameynayo shacabka Shabeellaha iyo sidii wax looga qaban lahaa arrimaha Abaaraha.

    Wuxuu kaloo sheegay Maxamed Fiqi dhibaatooyinkii ka dhacay Shabeellaha Hoose gaar ahaan Marka in ay sababtay in dadka qaar ay u barakacaan magaalada Muqdisho, kuwaasi oo gabaadsi doontay, iyo nolol wanaagsan oo ay raadsadaan.

    Maxamed Xasan Fiqi Wasiirka Beeraha maamulka Koonfur Galbeed ayaa sidoo kale sheegay Dowladda Soomaaliya iyo Beesha Caalamka in ay qeyb ka yihiin xasilinta magaalada Marko iyo guud ahaan gobolka Shabeellaha Hoose.

    Warbixin dhowaan ay soo saartay Hay’adda Human Rights Watch ayay ku sheegtay dagaalyahanada Al-shabaab in ay qafaasheen dad rayid ah, dhaceen xoolo, islamarkaana dab qabadsiyay guryo taasi oo keentay in dad ka badan Shan iyo Toban Kun ka barakacaan guryahooda.

    Gobolka Shabeelaha Hoose oo ka mid ah gobolada ugu wax soo saarka badan ee Soomaaliya ayaa mudo dheer waxaa ka socday Dagaalo u dhaxeeya Maleeshiyo beeleedyo iska soo horjeeda, Ciidamada Dowladda Federaalka, Ciidamada AMISOM oo dhinac ah iyo kuwa Al-shabaab, laakiin saameynta ugu weyn waxaa ku yeeshay Dagaalka laba beelood oo awooda gobolka isku heysta.

    Jowhar 16ka Agoosto 2017 Ex- Cali Cabdullaahi Cosoble Madaxweynihii Maamulka Hir-Shabeelle islamarkaana ay xildhibaanada Maamulkaas ay xilkii ka qaadeen ayaa sheegay in ay ku lug laheyd dowladda Soomaaliya.

    Cosoble oo Jowhar Waraabhinta kula hadlayay ayaa sheegay in uu aaminsan yahay in mowjadaha siyaasadeed ee ka jira Hir-Shabeelle ay masuul ka tahay dowladda Federaalka Soomaaliya,oo maalmahaan uu khilaaf kala dhaxeeyay.

    Waxa uu sheegay in arintaan ay salka ku heyso arinta Wadamada Khaliijka kadib markii isaga uu taageeray xulufada Sacuudiga,taas oo uu u arkay danta Shacabka Soomaaliyeed.

    Dowladda Federaalka Soomaaliya ayaanan weli ka hadlin khilaafka ka dhexjira Masuuliyiinta ugu sareysa Maamulka Hir-Shabeelle marka laga reebo Xildhibaanada Federaalka gaar ahaan kuwa laga soo doortay Hir-Shabeelle oo taageeray xilka qaadistaas.

    Gaarisa 16ka Agoosto 2017 Faah faahino dheeraad ah ayaa ka soo baxaya weerar Askar lagu dilay oo ka dhacay Magaalada Gaarisa ee dalka Kenya.

    Weerarkaan ayaa ah mid Wadad loo galay Ciidamada,waxaana ku geeriyooday ilaa Shan Askari oo Ciidamada Kenyatiga ah sida ay sheegeen Saraakiisha Ciidamada Kenya.

    Ka hor weerarka ayaa Saraakiishu waxa ay sheegeen in mid ka mid ah Gawaaridooda uu haleeyay qarax islamarkaana uu ka badbaaday mid ka mid ah Saraakiisha ugu sareysa dowladda Kenya.

    Waxaa lagu eedeeyay in ay qaraxaasi ka dambeeyaan Al-Shabaab oo dhowr mar weeraro ka fulisay Gudaha dalkaas.

    Weerarkaan ayaa ku soo aadaya xili shalay Saraakiisha dowladda Kenya ee gobolka Waqooyi Bari dalka Kenya ay soo saareen digniin ku aadan weeraro ay Al-Shabaab ka geestaan Gudaha Gobolka Waqooyi Bari.

    Goobtii uu weerarka ka dhacay ayaa waxaa la geeyay Ciidamo farabadan kuwaas oo baaritaano halkaasi ka wada mararka qaarna wadooyinka xiraya.

    Kolambiya 16ka Agoosto 2017 Gaarigii ugu dambeeyay ee ay ku raran yihiin hub ay leeyihiin kooxdii hore ee mucaaradka dalka Colombia, ee FARC ayaa laga saaray meelo ka mid ah dalkaasi, iyadoo taageero laga helayo Qaramada Midoobay.

    Madaxweynaha dalka Colombia, Juan Manuel Santos, ayaa sheegay in tan ay tahay guushii ugu dambeysay ee dalkaasi uu ka gaaro dagaalkii soo jiitamayay muddada konton iyo labada sano ahayd.

    Wuxuu madaxweynuhu sharraxaad ka bixiyay sida xoogagga hubeysan ee dalkaasi loogu daad gureyn doono deegaannadii ay ka baxeen kooxda FARC.

    Ciidamada ayaa sugi doona ammaanka bulshada iyagoo sidoo kale ka caawin doona dhismaha waddooyinka.

    Madaxa howl-galka Qaramada Midoobay ee dalka Colombia, Jean Arnault, ayaa sheegay in toddoba iyo toban kunteenarro ay ka buuxaan hub laga saaray goobaha ku meel gaarka ah. Dagaal-yahannadii hore ee FARC ayaa lagu wadaa in lagu dhex daro bulshada

    Aljeeriya 16ka Agoosto 2017 Madaxweynaha dalka Algeria Abdelaziz Bouteflika ayaa shaqada ka ceyriyay Raisul wasaarihii dalkaasi Abdelmadjid Tebboune oo xafiiska hayay muddo ka yar saddex bilood.

    Weli lama oga tallaabada uu qaaday madaxweynaha sababta ka dambeysa, balse waxay dabo socotay warqad uu madaxweynaha u diray Mr Tebboune oo uu ku dalbanaayay in si deg deg ah wax looga baddalo hanaaanka siyaasadda dalkaasi.

    Durbaba waxaa xilka Raisul wasaare loo magacaabay Ahmed Ouyahia oo ahaa agaasimaha madaxtooyada dalkaasi.

    Dadka wax falanqeeya ayaa sheegaya in Axmed loo arki karo mid saameyn weyn aan lahayn, iyadoo Algeria ay isku dayeyso inay yareyso qiimaha shidaalka iyo dhaqaalaha dalka ee hoos u sii dhacaya.

    Jowhar 16ka Agoosto 2017 Magaalada Jowhar ee xarunta Gobolka Shabeelaha dhexe ayaa sheegaya in xilka laga qaaday Gudoomiyaha Baarlamaanka Maamulka Hirshabeelle.

    Xildhibaano katirsan Baarlamaanka Maamulkaasi ayaa kulan ay goordhaw yeesheen waxay sheegeen in Xilka ay ka qaadeen Gudoomiyaha Baarlamaanka Maamulkaasi Shiikh Cismaan Barre Max’ed.

    Xildhibaanada Xilka Ka qaaday ayaa shirkooda jaraaid ku sheegay in Waxqabad la’aan uu ku sifoobay Gudoomiye Shiikh Cismaan sida ay sheegeen.

    Muqdisho 16ka Agoosto 2017 Taliye ku-xigeenkii Ururuka Argagixisadda Al-Shabab oo si rasmi ah u caddeeyey inuu ka baxay ururkaas asagoo dalbaday cafsi iyo inuu xil sare ka qaban doono Dowladda Soomaaliya oo horay ugu dhiibtay shaqooyin muhiim ah kuwii horay uga soo goostay Ururuka Argagixisadda Al-Shabab ee “UGUS”. Raysal Wasaare Mudane Xassan Cali Kheyre oo raba inuu xil muhiim ah u magacaabo sarkaallkan ka soo goostay Ururuka Argagixisadda Al-Shabab Shiikh Mukhtaar Cali Rooboow oo xilligii ururkaas uu la shaqaynayey galay dembiyo farabadan oo lid ku ah Xuquuqda Aadamaha. Bal haddaba nala dhageysta hee.

    #Shabab Terrorists Deputy Commander Sheikh Mukhtar Robow defects to Somali Government, and he asks for forgiveness after years of ingenious crimes against humanity.

    So, who can hide the facts now? Listen to him now from this recorded video clip.

    https://www.youtube.com/watch?v=D0luRWE49E0




    August 2017

     


    WARARKA MAANTA 15ka Agoosto 2017 Sir Culus
    Su'aalaha Maanta: Meeqo Madaxweyne Gobaleed ayaa xilka laga qaadi doonaa? Maxayse Dowladda Wada Dadban u rabtaa inay Madaxweynayaasha Maamul Gobaleedyadda u beddesho? Maxay tahay sababta qabiilo badan ay ugu dagaalamayaan wax aan macno lahayn ayagoo waddanka Soomaaliya faraha ka sii baxayo sida uu kashifay Wasiirka Warfaafinta Iyo Wasiirka Isgaarsiinta kuwaasoo si hoose ugu xog-waramaya warbaahinta dalka iyo kuwa dibadda. Balse maxay tahay sababaha runta ay shacabka u fashilayaan arrimaha ay ku kacayaan madaxda dowladda wada dadban iyo shaqooyinka ay siinayaan ragga madaxda sar-sare ka soo noqday ururka Al-Shabab?
    Muqdisho 15ka Agoosto 2017 Kuuriyada Waqooyi ayaa sare u qaadday haddalada ay ku taagtaagayso Maraykanka
    Hoggaamiyaha Kuuriyada Waqooyi Kim Jong-un ayaa dib u eegis ku sameeyay qorsheyaasha gantaalada loogu garaacayo jasiiradda Guam ee dalka Maraykanka, sida ay ku warrantay warbaahinta Maraykanka. Marka horena wuxuu dalkaasi eegi doonaa ficilka uu Maraykanku qaado.
    Inkastoo ay u diyaargaroobeen “duqaynta Guam” hadda Kuuriyada Waqooyi ayaa sheegtay in ay eegi doonto go’aanka Maraykanka.
    Toddobaadkii hore ayay cirka isku shareertay hanjabaadda Guan, ka dib markii ay labada dal sare u qaadeen cago juglaynta ay isu jeedinayaan.
    Hadalkan Kuuriyada Waqooyi xaqiiqo ahaan muxuu ka dhigan yahay?
    Warbixinta wakaaladda wararka dawladda ee KCNA ayaa lagu sheegay in Kim Jong-un uu “qiimayn ku sameeyay qorshaha wakhtiga dheer” uuna arrintan kala hadlay saraakiisha sare ee milatariga.
    Taliyaha arrimaha istaraatiijiyadda ee ciidammada Kuuriyada Waqooyi ayaa sugaya in la siiyo awaamiirtii uu ku ridi lahaa gantaalada, ka dib markii uu soo afjaray diyaarinta hubkii lagu ridi lahaa jasiiradda Guam ee dalka Maraykanka.
    Venezuela 15ka Agoosto 2017 Madaxwaynaha dalka Venezuela Nicolás Maduro ayaa amar ku bixiyay in militariga dalkaasi ay sanmeeyaan dhoolatus Militari ka dib markii madawxayne Donald Trump uu ka hadlay in laga yaabo in faragalin militari ay ku sameeyaan dalkaasi.
    Khudbad uu ka jeediyay telafishinka dalkaasi ayuu Maduro ku sheegay in ay tahay in dadka Venezuelan ay u diyaar garoobaan in dalka ay ka difacaan waxa uu ugu yeeray gumaysiga.
    “Dhulka Venezuela waa mid barakaysan waana in aysan taaban gumaystayaal,”ayuu yiri Mr Maduro.
    Dhoolatuska militari ayaa lagu wadaa in uu dhaco 26 ilaa 27 bishan August.
    Mr Trump ayaa jimcihii ka digay in Maraykanka waxyaabaha ay ka baaraandagayan ay ka mid tahay in tillaabo militari laga qaado dalka Venezuela .
    Hadalka madaxwayne Trumpa ayaa waxa canbaareeyay wadamada kale ee Latin America iyo sidoo kale mucaaradka Venezuelan.
    Dalka Venezuela ayaa waxaa ka aloosan dhibaato siyaasadeed waxaana dalkaasi ka socda dibad baxyo looga soo horjeedo dowlada oo ay ku naf waayeen 120 qof .
    Kumanaan qof ayaa u dhag raariciyay baaqii madaxwayne Nicolas Maduro ee ahaa in ay isugu soo baxaan wadooyiinka si ay Maraykanka ugu muujiyaan in ay ka soo horjeedaan.
    Khaatumo State 15ka Agoosto 2017 Cabdulle Maxamuud Heybe oo dhawaan Xildhibaanada Maamulka khaatuma ay u doorteen in uu noqdo Mdaxweynaha KMG,ka ah ee Maamulkaas kadib markii ay xilkii ay ka qaadeen Cali Khaliif ayaa ka hadlay kaararka codbixinta doorashooyinka Soomaaliland ee la keenay qeybo ka mid ah Gobolka Togdheer.
    Waxa uu sheegay in dhawan ay Gacanta ku dhigeen Kaararka codbixinta oo Soomaaliland ay dhawaan keentay deegaano hoostaga degmada Buuhoodle islamarkaana ay Saxaafada u soo bandhigi doonaan.
    Sidoo kale isaga oo sii hadlayay ayaa waxa uu uga digay dadka ku nool Gobolka Togdheer gaar ahaan deegaanada hoostaga Magaalada Buuhoodle in ay qaataan kaarkaas doorashada
    Jabuuti 15ka Agoosto 2017 Wafdigan oo uu hogaaminayo Wasiirka Wasaaradda Boostada, Isgaarsiinta iyo Tiknolojiyadda Mudane Eng. Cabdi Cashuur Xasan ayaa waxa soo dhoweeyey Wasiirka Wasaaradda Boostada iyo Isgaarsiinta dalka Jabuuti Mudane Cabdi Youssouf Sougueh, Madaxa Djibouti Telecom Mudane Maxamed Cosoble Buuxe iyo Safiirka Jabuuti u fadhiya dalka Soomaaliya Mudane Aadan Xasan Aadan.
    Wasiirka Wasaaradda Boostada Isgaarsiinta iyo Tiknolojiyadda ayaa waxa uu sheegay in ay la soo qaadi doonaan dhigoodda dalka Jabuuti arrimaha la xiriira horumarinta Iskaashiga dhinaca Isgaarsiinta iyo boostada
    “Waxa aan u soconaa howlo ay ka mid tahay dhaqan gelinta heshiiska Boostada Jabuuti iyo Soomaaliya oo aan hore u saxiixanay kaas oo ku saabsanaa in Boostada Jabuuti ay noqoto xiriirka Boostada Soomaaliya ee dibedda(Gateway ) iyo arrimo kale oo xiriira horumarinta xiriirka labadda dal ee dhinaca Iskaashiga horumarinta Isgaarsiinta” ayuu yiri Wasiirka Boostada, Isgaarsiinta iyo Tiknolojiyadda Somaaliya Mudane Eng. Cabdi Cashur Xasan.
    Hirshabeelle 15ka Agoosto 2017 Xildhibaano ka tirsan Baarlamaanka Maamulka Hirshabeelle ayaa ka soo horjeestay Xilka qaadistii shalay Golaha Wakiilada Maamulka Hirshabeelle ay ku Sameeyeen Madaxweyne Cali Ca/laahi Cosoble.
    Xildhibaan C/raxmaan Cabdi Iidoow oo ka mid ah Xildhibaanada diidan kalsooni kala Noqoshada Madaxweyne Cosoble ayaa Fowdo iyo jah-wareer Siyaasadeed oo aan Sharci aheyn ku Tilmaamay Tilaabada Baaralamaanku ay qaadeen ee ah inay Kalsoonida kala laabteen Madaxweynaha.
    Xildhibaan iidow ayaa Tilmaamay in laga Been abuurtay Baarlamaanka oo uu sheegay in uu Xirnaa Maalmahaan islamarkaana ay maqan yihiin Gudoomiyaha iyo Guddiyada Joogtada ah ee Baarlamaanka kuwaas oo ku sugan Magaalaada Muqdisho.
    Xiisad Siyaasadeed oo ka dhalatay Xilka Qaadistii Baarlamaanka Hir-shabeelle aya ku Sameeyeen Madaxweyne Cali Ca/laahi Cosoble ayaa Si weyn looga Dareemayaa Magaalooyinka Jowhar iyo Baladweyne ee Gobalada Hiiraan iyo Shabeellaha Dhexe ka dib markii uu soo baxay Go’aanka Baarlamaanka Maamulkaasi.
    Guriceel 15ka Agoosto 2017 degmada Guriceel ee Gobolka Galgaduud ayaa waxa ay sheegayan in xalay halakaasi ay siyaabo kala duwan uga dhaceen dilal kala duwan.
    Ilaa laba Ruux ayaa la sheegay in xalay lagu dilay degmada Guriceel,mid ka mid ah dadka la dilay ayaa rasaas lagu furay xili uu ku sugnaa Goob maqaaxi ah waxana sidoo kale dhaawac soo gaaray dadkale.
    Arintaan ayaa lala xiriirinayaa dhanka aanooyinka qabiilka ah,oo maalmihii la soo dhaafay ka jiray qeybo ka mid ah degmada Guriceel oo horay uga dhaceen dilal kala duwan.
    Degmada Guriceel ee Gobolka Galgaduud ayaa waxaa Maamula Maamulka Gobolada Dhexe ee Ahlusuna Waljamaaca,waxana ay hada wadaan howlgallo ay ku baadi goobayaan dadkii ka dambeeyay dilalkaas
    Maamulka Koonfur Galeed 15ka Agoosto 2017 Mudanayaal ka tirsan Baarlamanka Maamulka Koonfur Galbeed Soomaaliy ayaa siweyn u dhaliilay Madaxweyne Shariif Xsan sheekh Aadan,iyaga oo ku eedeeyay waxqabad la’aan.
    Xildhibaan Idiris Cabdi Dhaqtar iyo Xildhibaana Aamino Cali Xasan ayaa waxa ay sheegen in dadka ku nool deegaanada Maamulka Koonfur Galbeed ay heystaan dhibatooyin isugu jira abaar iyo dagaalo.
    Xildhibaan Idiris aya sheegay in dadka ku nool koonfur Galbeed ay Gaajo u dhimanayaan islamarkna Maamulk Koonfur Galbeed uu ka aamusay.
    Sidoo kale Xildhibaanad Aamino Cali Xasan iyana sheegtay in dagaalada ka jira Gobolka Shabeellaha Hoose uusan wax ka qaban Shariif Xasan,iyo dib u dhis lagu sameeyo Ciidamada Koonfur Galbeed..
    Maamulka Hirshabeelle 15ka Agoosto 2017 Cali Cabadulalahi Cosoble Madaxweynihii Maamulka Hir-Shabelle oo ay shalay xilkii ka qaadeen baarlamaanka Maamulkaas ayaa Maanta ku wajahan Magaalada Jowhar.
    Cosoble ayaa Maalmihii la soo dhaafay ku sugnaa Magaalada Muqdisho,iyada oo ay ku furnaayeen Mowjado Siyaasadeed oo kaga imaanayay dhanka xildhibaanada Baarlamaanka Hir-Shabeelle oo ugu dambeyn xilkii ka qaaday.
    lama oga talabada xigta ee la qaadi doona,welina dhankiisa kama hadlin Cosoble xilka qaadista ay ku sameeyeen Xildhibaanada.
    Magaalada Jowhar ee Xarunta Maamulka Hir-Shabeelle y haatan waxa laga dareemayaa guluf dhanka Siyaasada ah,iyada oo ay jiraan Xildhibaano kale oo diidan xilka qaadista Cosoble.
    Muqdisho 15ka Agoosto 2017 Hogaamiyaha dowladda isku dhiibay ee Sh Muqtaar Roobow Abuu Mansuur ayaa shaaca ka qaaday in madaxweynihii hore ee Soomaaliya Sh Shariif Sh Axmed uu marar badan ka helay fariimo ah inuu kasoo baxo Shabaab. Roobow oo wali wareysiyo siinaya taliska hay’adda nabad sugidda ayaa sheegay in Sh Shariif uu usoo bandhigay inuu kusoo biro laakiin uu iska diiday xiligaas.
    Warkan oo laga soo xigtay ilo wareedyo lagu kalsoonaan karo ayuu sidoo kale Sh Mukhtaar Roobow uu ku sheegay in qorshihiisii hore ahaa inuu la dagaalamo Shabaab iyo ciidamadda dowladda.
    Muqdisho 15ka Agoosto 2017 Beesha Biimaal oo kamid ah beelaha Soomaaliyeed ayaa ku hanjabay iney gobolka Sh/Hoose ka cirib tiri doonaan beesha Habar Gidir

    WARARKA MAANTA 14ka Agoosto 2017 Sir Culus

    Su'aalaha Maanta: Maxay tahay sababta ay Dowladda Wada Dadban uga buuxaan argagixisadda Shabab oo xilal sar-sare ka haysa hay'addaha kala duwan ee Dowladda Soomaaliya? Maxay Dowladda Soomaaliya doorbiday inay shaqaalaysiiso argagixisadda Shabab halka dadka aan dadka, dalka iyo diintaba dembi ka gelin aysan wax shaqo ah siin amaba aysan u dhiiban jaggooyin sar-sare sida kuwa ay ku taxday raggii hoggaamin jiray Ururka Argagixisadda Al-Shabaab ee uu kamid yahay Taliyaha Laanta Socdaalka Maxamed Aadan Koofi, Taliyaha Gobalka Banaadir Zakariye Hirsi iyo kuwo badan oo taliyayaal sar-sare ka ah hay'addaha amniga Soomaaliya ee kala duwan? Yaa runta qarin kara hadda?

    Maamulka Somaliland 14ka Agoosto 2017 Maamulka Somaliland ayaa sheegay in doorashada maamulkaasi ay ka dhici doonto Gobolada Sool iyo Sanaag oo ay ku muransan yihiin maamulka Puntland.

    Somaliland waxa ay sheegtay in Puntland aysan sheegankarin degaano hoos yimaada maamulka Somaliland.

    Afhayeenka Madaxtooyadda Somaliland, Eng. Xuseen Aadan Cigge (Xuseen Deyr) ayaa xusay in Somaliland ay leedahay ciidan difaacikara xuduudaheeda, isagoona sheegay in Puntland ay dhibaato ka waddo gobolada Sool iyo Sanaag.

    Sidoo kale waxaa uu xusay in Somaliland ay diyaar u tahay in ay iska difaacdo cidkaste oo kusoo xadgudubta degaanadeeda.

    Doorashada ayuu sheegay in ay ka dhici doonto Sool iyo Sanaag,islamarkaana halkaasi ay ku sugan yihiin ciidamada Somaliland.

    Wasiirka Amniga maamulka Puntland Axmed C/laahi Yuusuf ayaa horay Somaliland ugu baaqay muhiim in ay tahay in laga wada shaqeeyo arrimaha amniga, si shacabka labada dhinac ay u nabad galaan.

    Axmed C/laahi Yuusuf ayaa maamulka Somaliland ka dalbaday in ay yareeyaan wax walba oo dhib keenaya, si loo helo xal walba oo nabad iyo wada noolaansho lagu heli karo.

    Gedo14ka Agoosto 2017 degmada Garbahaareey ee Gobolka Gedo ayaa ku waramaya in saakay xiisad u dhaxeyso ciidamada itoobiya iyo dad shacab ah ay ka taagan tahay degmadaasi.

    Xiisada ayaa timid kadib markii ciidamada itoobiya gelinki danbe ee shaley duleedka degmada Garbahaareey  ee Gobolka Gedo ay ku dileen  4-qof oo shacab ahaa.

    Dadka ay dileen ciidamada itoobiya ayaa la xaqiijiyay in ay ahaayeen dad xoola dhaqato ah sida ay xaiijiyeen mas’uuliyiin ka tirsan maamulka degmada Garbahaareey.

    Ehalada dadka la laayay ayaa saakay isugu soo baxay degmada Garbahaareey waxana ehalada dadka ay ciidamada itoobiya u diideen in degmada ay biyo u soo doontaan.

    Ciidamada itoobiya  ee qeybta ka ah howlgalka Midowga Afrika AMISOM ayaa had iyo jeer tacadiyo aan lagula xisaabtamin ka geysta deeganada ay kaga sugan yihiin gobolada soomaaliya.

    Burkiino Faaso 14ka Agoosto 2017 Toddoba iyo toban qof ayaa lagu soo warramayaa inay ku dhinteen weerar looga shakisan yahay in koox jihaad doon ah ay ka fuliyeen bartamaha caasimadda dalka Burkina Faso, Ouagadougou.

    Dad goob-joogayaal ah ayaa laga soo xigtay in saddex nin oo hubeysan ay xabbado ku fureen macmiil fadhisay bannaanka hotel iyo maqaayad.

    Bartamaha magaalada ayaa waxaa xiray ciidamada, safaaradda Mareykanka ayaana uga digtay muwaaddiniinteeda inay ka fogaadaan goobtaasi.

    Weerar koox jihaad doon ah ay ku qaadeen maqaayad dalkaasi ku taalla ayaa waxaa ku dhintay 30 qof bishii Jannaayo ee sanadkii hore.

    Waxaa laga cabsi qabaa in weerarka ay geysateen koox xiriir la leh ururka al-Qaeda kana howl-gala gobolka Saaxil.

    Burkina Faso waxay qayb ka tahay gobolka Saaxil, oo ay dalka Mali uu ka tirsan yahay halkaas oo kooxaha Islaamiyiintu ay ka howl-galayeen tan iyo sanadkii 2012

    Itaaliya 14ka Agoosto 2017 Booliiska dalka talyaaniga ayaa xiray 24 jir magangalo doon soomaali ah kaa oo sanadkii 2011-kii lagu eedeeyay in uu afduubtay markab saliida qaada oo marayay  biyaha gacanka Persia.

    Markabka iyo shaqaalihiisa ayaa la heestayaal ahaa 10 bilood ilaa laga bixiyo lacag madax furasho ah oo dhan 11 Million oo dollar.

    Maxamed Faarax ayaa waxaa gacanta ku dhigay Militiriga qaaska ah ee Carabinieri kadib markii uu codsaday in loo tixigeliyo qaxooti magan galyo doon ah sida booliisku ay sheegeen.

    Saraakiisha ayaa isticmaalay mashiin-ka faraha la’isaga qaado si ay u gartaan isaga iyo 50 kale oo ka tirsanaa kooxaha burcad badeeeda kuwaa oo 8 February 2011 afduubtay markab laga lahaa dalka Talyaaniga iyagoo xiligaas isticmaalaya qoryaha fudud iyo bombaanooyinka Atomicada.

    Lacagta madax furashada ayaa la sheegay xiligaas in loo gacan geliyay Xarakada Al-shabaab kadib markii 5 u dhalatay dalka talyaaniga iyo 17 u dhalatay dalka india la jirdilay 10-kii bilood ee la heestayaal u ahaayeen kooxaha burcad badeeda.

    Venezuela 14ka Agoosto 2017 Madaxa sirdoonka dalka Venezuela ayaa sheegay in ugu yaraan toddoba iyo toban qof loo xiray weerar lagu qaaday saldhig milatari toddobaad kahor.

    Janaraal Gustavo Gonzalez Lopez ayaa sheegay in dadka la xirxiray ay ku jiraan ciidamo iyo dad rayid ah. Wuxuu sheegay in labaatan iyo saddex qof oo kale loogu raad joogo waxa uu ugu yeeray fal argagixisannimo.

    Dadka la xiray ama ku jira liiska dadka la doonayo ayaa waxaa ka mid ah ganacsato, madaxda midowga iyo dad u dhaqdhaqaaqa xuquuqda dadka.

    Janaraal Gonzalez ayaa sheegay in sidoo kale hub ay soo heleen.

    Muqdisho 14ka Agoosto 2017 Wasaaradda Arrimaha Dastuurka ee Xukuumadda Federaalka Soomaaliya ayaa maanta kulan wadatashi ah oo ku saabsanaa hanaanka dib-u-eegista Dastuurka la yeelatay Maamulka Gobolka Banaadir.

    Kulanka oo ay ka soo qaybgaleen Gudoomiyaha Gobolka Banaadir, Gudoomiye Ku-Xigeenada, Xoghaya-Guud ee Gobolka, iyo Gudoomiyayaasha Degmooyinka ayaa waxaa looga hadlay arrimo ay kamid ahaayeen dib-u-egiista Dastuurka iyo Maqaamka Muqdisho.

    Wasiir Cabdiraxmaan Xoosh Jibriil oo kulanka ka hadlay ayaa sheegay in muhiim ay tahay wadashaqayn dhexmarta Wasaaradda iyo Maamulka G/Banaadir oo ku aadan dib-u-eegista Dastuurka.

    “Maanta waxaa farxad wayn inoo ah inaan la kulanno Maamulka Gobolka Banaadir oo aan ka talagelino hannaanka dib-u-eegsita Dastuurka, waxaa muhiim inoo ah inaan yeelanno wadashaqayn si aan isaga kaashano hawlaha ina horyaalla, waana hubaa madaxda gobolka in ay yihiin masuuliyiin aan si dhaw u wadashaqayn doonno” ayuu yiri Wasiirka.

    Dhinaca kale, Gudoomiyaha Gobolka ahna Duqa magaalada Muqdisho Mudane Taabid ayaa uga mahadceliyay Wasaaradda hawlaha ay qabatay mudooyinkii dambe isaga oo u ballanqaaday in ay si dhaw u wadashaqayn doonaan.

    Ugu dambayn, Gudoomiyayaasha Degmooyinka ayaa fikradahooda ku saabasan Geedi-socodka dib-u-eegista Dastuurka la wadaagay Wasaaradda.

    —–DHAMAAD—–

    Ra’iisulwasaare ku xigeenka dalka Australia Barnaby Joyce ayaa shaaca ka qaaday in laga yaabo in uu leeyahay dhalasho New Zealand ah.

    Dadka labada dhalasho haysta ayaan loo ogolayn in ay ka shaqeeyaan xafiisyada dadwaynaha sida uu dhigayo dastuurka Australia.

    Joyce ayaa sheegay in uu maxkamadda sare ee dalka waydiisan doono xallinta arrintan, ka dib markii uu helay talo qaanuun oo sheegaysa in uusan wax gaf ah gaysanin.

    Haddii shaqada laga joojiyo Joyse xukuumadda Ra’iisalwasaare Mancolm Turnbull ayay soo foodsaaraysaa halis ku aadan halis ku aadan sii haynta awoodda.

    Si kastaba ha ahaatee Joyce ayaa sheegay in loo shaagay in uu haysto wax uu ku andacoon karo oo xoog badan, uuna sii hayn doono xilka Ra’iisulwaasre ku xigeennimada.

    Joyce ayaa ah masuulkii u dambeeyay ee ay soo wajahdo fadeexad labo dhalasho la xiriirta, iyadoo ay kuwo kale uga sii horreeyeen.

    Labo senetor oo kala ah Scott Ludlam iyo Larissa Waters, ayaa bishii hore is casilay arrimo labo dhalasho la xiriira awgeed.

    Labo senator oo kale oo kala ah , Matt Canavan iyo Malcolm Roberts ayay maxkamadda sare iyagana go’aan ka gaaridoontaa arrintooda.

    Madaxweyne ku xigeenka Maamulka Galmudug Maxamed Cabdi Xaashi Carabeey ayaa sheegay in uu kordhay dhaqaalaha Maamulka Galmudug.

    Waxa uu sheegay in Miisaaniyada 6 bil ee Galmudug ay ku shaqeyneyso ay gaareyso 7.2 milyan isla markaana lacagahaasi lagu dabooli doono baahiyaha ay qabaan dadka Galmudug.

    Waxa uu tilmaamay in kororka ku yimid dhaqaalaha Galmudug ay sabab u tahay Canshuuraha oo si wanaagsan loo qaaday.

    Sidoo kale waxa uu sheegay in shacabka galmudug loo bilaabayo barnaamijyo hormarineed.

    Maamulka Galmudug ayaa waday dadaallo kala duwan bilihii lasoo dhaafay taasi oo kor loogu qaadaayo dhaqaalaha maamulka Galmudug

    Australia 14ka Agoosto 2017 Ra’iisulwasaare ku xigeenka dalka Australia Barnaby Joyce ayaa shaaca ka qaaday in laga yaabo in uu leeyahay dhalasho New Zealand ah.

    Dadka labada dhalasho haysta ayaan loo ogolayn in ay ka shaqeeyaan xafiisyada dadwaynaha sida uu dhigayo dastuurka Australia.

    Joyce ayaa sheegay in uu maxkamadda sare ee dalka waydiisan doono xallinta arrintan, ka dib markii uu helay talo qaanuun oo sheegaysa in uusan wax gaf ah gaysanin.

    Haddii shaqada laga joojiyo Joyse xukuumadda Ra’iisalwasaare Mancolm Turnbull ayay soo foodsaaraysaa halis ku aadan halis ku aadan sii haynta awoodda.

    Si kastaba ha ahaatee Joyce ayaa sheegay in loo shaagay in uu haysto wax uu ku andacoon karo oo xoog badan, uuna sii hayn doono xilka Ra’iisulwaasre ku xigeennimada.

    Joyce ayaa ah masuulkii u dambeeyay ee ay soo wajahdo fadeexad labo dhalasho la xiriirta, iyadoo ay kuwo kale uga sii horreeyeen.

    Labo senetor oo kala ah Scott Ludlam iyo Larissa Waters, ayaa bishii hore is casilay arrimo labo dhalasho la xiriira awgeed.

    Labo senator oo kale oo kala ah , Matt Canavan iyo Malcolm Roberts ayay maxkamadda sare iyagana go’aan ka gaaridoontaa arrintooda.

    Muqdisho 14ka Agoosto 2017 Sheekh Mukhtaar Roobow Cali Abuu Mansuur ayaa sanado kaddib caawa ku hoyanaya magaalada Muqdisho oo aheyd, halkii uu magaciisa ku soo caan baxay, xilligii Midowgii Maxkamadaha Islaamiga

    https://www.youtube.com/watch?v=Z3ata0Ug7NU

    Kismaayo 14ka Agoosto 2017 Magalaada Kismaayo Ee xarunta Maamulka Jubaland waxaa Galab nimadii maanta Si Lama Filaan ah Uga dagay Ama u gaadhay madaxweynihii Hore Puntland cabdiraxmaan Faroole.

    Puntland State 14ka Agoosto 2017 Ciidamo katirsan kuwa difaaca Puntland ayaa maanta galinkii dambe ku baxay qaybo kamid ah deegaanada lagu muransanyahay ee gobolka Sool, Labo maalin kadib markii mas’uuliyiin katirsan golaha xukuumadda maamulka labaxay Somaliland iyo Puntland war kasoo saareen xaaladda gobolka iyo doorashada Somaliland isu diyaarinayso.

    Somaliland ayaa shaacisay in Puntland hishiis ku gaareen inaysan carqaladayn doorashada ka dhacaysa gobolka Sool, halka wasiirka Warfaafinta Puntland uu sheegay in arrintaas waxba kama jiraan tahay islamarkaana aysan suurogal noqon doonin in goobo ay maamulaan la keeno sanaadiiq codbixinta.

    Arrintaas ayaa keenta in Puntland furimaha hore gayso ciidamadeeda. Warar warsidahan ka helay jiida hore ayaa sheegaya in ciidankaas u jeedkoodu yahay sidii ay u joojin lahaayeen isku day kasta oo lagu doonayo in sanaadiiqda codbixinta lagu geeyo goobaha ay wali maamusho Puntland ee gobolka Sool kamid ah.

    Maamulka madaxweyne Gaas ee Puntland iyo saraakiisha ciidamada ilaa hadda wax war ah kama soo saarin ujeedka ciidamadaas loo geeyay gobolka Sool oo qaybo kamid ah gacanta ugu jira Somaliland.

    Dhinaca kale maamulka labaxay Somaliland ayaa wada dadaalo ku aadan inuu hirgaliyo nidaamka doorashada iyo in shacabku ka codeeyaan gobolka.

    Gobollada Sool, Sanaag iyo Cayn ayaa ah kuwo ay ku muransanyihiin maamullada Somaliland iyo Puntland, waxaana tan iyo bur-burkii dowladdii dhexe ee Milatariga ka dhacay dagaalo u dhaxeeya ciidamada labada dhinac.

    Qaar kamid ah dagaalladaas oo dhimasho, dhaawac iyo barakac sababay, waxay ka dhasheen murarnka doorashada.


    WARARKA MAANTA Agoosto 12, 2017 Sir Culus
    Su'aalaha Maanta: Maxay tahay sababta Dowladda Wada Dadban ee Soomaaliya ugu qorayso waraaqaha Af-Ingiriis iyo afaf kale halka ay ka xaragoonayaan inay wax ku qoraan Af-Soomaali si ay Ummadda Soomaaliyeed ula socota wxii ka dhex jira gudaha dalka Iyo dibaddaba? Meeqo qof ama ruux oo wax kufsaday ayaa madax kawada ah Dowladda Wada Dadban ee uu hoggaaminayo Khaa'inul Waddan Mudane Xassan Cali Kheyre "Bakh-Raamsade" kaasoo si cad ay u kashiftay khiyaanadiisii shirkadda Soma Oil and Gas sida u ku qeexday boggeeda rasmiga ee http://www.somaoilandgas.com/shareholders/
    Marka yaa runta ka qarin kara Ummadda Soomaaliyeed? Maxay is-dhaamaan Raysal Wasaarihii hore ee Soomaaliya Khaa'inul waddan Mudane Cumar Cabdirashiid Cali Sharmaake iyo Wasiirkiisii Mudane Cabdiraxmaan Cabdishakuur oo si bareer ah ugu saxiixay qayb kamid badda Soomaaliya dalka Kenya oo shirkaddo shisheeye ah u siiyey shati ay uga qodan karaan shidaal iyo qaadashada khayraadka kala duwan ee Illaahay ku mannaystay Ummadda Soomaaliyeed? Wasiir warfaafinta iyo wasaaradda warfaafinta Dowlad Goballeedyada oo soo daabici doona buuggii uuu Madaxweyne Mudane Maxamed Cabdilaahi Farmaajo "Been-Hawaas" ku caayay qabaa'ilka Hawiye, Dir iyo kuwo kale asagoo aan ku soo qorin dembiyadii kuu dadka, dalka iyo Diinta ka galay adeerkiis kaligiis-taliska ahaan jiray ee xoogga looga saaray Madaxtooyadda Soomaaliya 1991. Taariikhdu isma qarso haddii aadan cadaalad Ummadda Soomaaliyeed kula dhaqmin ogoow adeerkaa meeshii la geeyey meel ka daran aa la idin geynaa!

    Hargaysa Agoosto 12, 2017 Maanta ayaa la filayaa in Magaalada Hargeysa ee Maamulka Soomaaliland kulan ay ku yeeshaanWakiilada Maamulkaasi gudi ay u sareen  kaas oo ay uga hadli doonaan khilaafka ku aadan doorshadii Guddoonka sare ee Golaha Wakiilada Maamulkaas.


    July, 2017

     

    WARARKA MAANTA 22ka Luulyo 2017 Sir Culus

    Su'aalaha Maanta: Maxay Dowladda Soomaaliya ugu janjeertaa dhanka Dowladda Qadar? Meeqo Madaxweyne ayaa jooga Soomaaliya? Mise Meeqo Dowladdood ayaa qaba Madaxweyneyaal? Maxaa Madaxda Goballadda loogu yeeri layahay Guddomiye goballeedyo? Waxaa xaqiiqo ah inay Ummadda Soomaaliyeed Iyo Bulshadda Caalamka ay ku wareersan yihiin magaca madaxweyne? Marka Soomaaliya waa inay yeelato hal madaxweyne halka Maamullada laga rabo inay yeeshaan Guddomiyayaasha Goballadda! Dowladda Wada Dadban iyo dadkan hoggaaminaya waxaa laga saari layahay musuqmaasuq iyo jahwareer cusub oo ka dhex-jira Maamulka Sare ee haatan haya hoggaanka dalka kaasoo shaqaaleeyey dadka ku sifooway musuqmaasuq iyo wax isdaba-marin toos ah iyo mid dadbanba!


    Warqad ka soo baxday Wasiiru dowlaha Wasaaradda Arrimaha Gudaha C/llaahi Faarax Wehliye ayaa lagu sheegay inay sharci darro tahay shaqo joojinta iyo magacaabista Xoghayaha Joogtada KMG ee Wasaaradda Arrimaha Gudaha.

    Wasiiru dowlaha ayaa ku eedeeyay Wasiirka Arrimaha Gudaha in Eedeymaha uu xilka kaga qaaday Yaxye aysan sal laheyn.

    Wasiiru dowlaha ayaa sheegay in magacaabista iyo xil ka qaadista Xoghaye Joogto ay u baahan tahay in la marsiiyo Xafiiska Ra’iisul Wasaaraha, kadibna laga ansixiyo Golaha Wasiirada, laguna soo saaro digreeto Madaxweyne.

    Maamulka Gobollada dhexe ee Ahlu-sunna  Waljameeca ayaa qoraal uu soo saaray wuxuu ku sheegay in dagaalkii ka dhacay deegaanka Xeraale ay soo abaabuleen maamulka Galmudug.

    Qoraalkan ayaa lagu sheegay in Ahlu-sunna ay markii hore halkaasi u tageen sidii ay ku xalin lahaayeen beello walaalo ah oo dad iska dilay.

    Putland State 22ka Luulyo 2017 Magalada Kismaayo waxaa maanta ka shir looga hadlayo HindiseSharciyeedka Isgaarsiinta Soomaaliya, kaasi oo ay joob joog ka yihiin Wasaaradaha Isgaarsiinta Soomaaliya iyo kuwa maamul goboleedada.

    Maamul goboleedka Puntland ayaa la sheegay in uusan ka qeyb galaynin ,waxaana Puntland la sheegay in shirkaas ay u arakato  in aan Hindise Sharciyeedkan aan loo marin wadadii saxada ahayd.

    Hindise Sharciyeedkan ayaa waxaa horay u ansixiyay Xukuumadda Soomaaliya, balsewaxaa qaadacay dawlada Federaalka Soomaaliya.

    Dhanka kale Wasiiru dowlaha wasaaradda Isgaarsiinta xukuumadda Soomaaliya C/laahi Bile Nuur, ayaaJubbaland uga mahadceliyay marti gelinta shirka, waxaana la filayaa marka laso afmeero inlaga soo saaro Warmutiyeed ku saabsan natiijada shirka

    Muqdisho 22ka Luulyo 2017 Maxkamadda sare ee Somalia iyo Golaha shacabka ayaa xiligaan isku qilaafsan sida laga yeelaayo 8 kursi oo muran ku jiro oo aqalka hoose ka tirsan.
    Baarlamaanka ayaa maanta diiday go’aan ay maxkamadu horey u gaartay oo ahaa in kuraastaasi aaney sharci aheyn dibna loogu laabto doorashadii ay kusoo baxeyn, balse wax yar uun kadib waxaa qoraal soo saartay maxkamadda sare ee dalka kaas oo liddi ku ah mowqifkii maanta ee Baarlamaanka Soomaliya ay ka gaareen kuraastii lagu murasanaa.
    Bayaanka maxkamadda sare ayaa qeexaya iney sidoodii u dhaqan galaayaan labadii go’aan ee Maxkamadda sarre iyo Xeer ilaalinta Qaranka ee soo baxay bilihii Janaayo iyo May eek u aadanaa In dib loogu laabto doorashada

    Muqdisho 22ka Luulyo 2017 Mas’uuliyiin ka tirsan dowladda Soomaaliya ayaa ka qeyb galay soo dhaweynta maxaabiis Soomaaliyeed  oo dhawaan Dowladda Itoobiya ay ku wareejisay dowladda Soomaaliya .

    Maxaabiistaan ayaa Goor dhow waxaa laga soo dejiyay Garoonka diyaaradaha Aadan Cadde ee Muqdisho.

    Qaarkood Maxaabiistaan muddo waxa ay ku xirnaayeen dalka Itoobiya, iyadoona loo heystay dambiyo kala duwan.

    Tirada Maxaabiista laga soo dejiyay Muqdisho ayaa dhan 114 qof.

    Soo deynta Maxaabiistaan ayaa timid ka dib markii dhawaan ay heshiisyo dhanka Maxaabiista ay wada gaareen dowladaha Itoobiya iyo Soomaaliya

    Muqdisho 22ka Luulyo 2017 Wararka naga soo gaaraya Xaafadda Suuqa Xoolaha ee Degmada Heliwaa ee Gobolka banaadir  ayaa ku waramaya in Nin maseersan xaaskiisa  saakay uu ku gowracay Xaafaddaaas.Aadan cali Macalin ayaa gowracay xaaskiisa oo lagu magcaabi jirey Abshiro Shiikh Nuur Meyle oo 18-sano jir aheyd, waxaana la sheegay in muran uu soo kala dhexgalay islamarkaana uu saakay aroortii uu ku gowracay hoyga ay ka daganaayeen xaafadda Suuqa Xoolaha.

    Mid kamid ah dadka ku nool xaafadda Suuqa Xoolaha ayaa sheegay in dhacdaan ay dhacday saakay aroortii islamarkaana uu baxsaday ninkii falka gowraca ahaa geystay.

    Aadan cali Macalin iyo Aadan cali Macalin ayaa isqabay muddo 1-sano iyo todobo bilood,warar soo baxaya ayaa sheegaya in uu ka maseeray nin hore u soo guursaday Xaaskiisa sidoo kale waxaa la sheegay in ay qaraabo ay ahaayeen ninkaan iyo xaaskiisa.

    Dhacdaan ayaa ah mid saakay si weyn loogu hadal hayo Xaafadda Suuqa Xoolaha.

    Muqdisho 22ka Luulyo 2017 Maanta ayaa la filayaa in Xarunta Golaha Shacabka ee Magaalada Muqdisho ay ku kulmaan Xubnaha Baarlamaanka Federaalka Soomaaliya,iyada oo kulankooda ay uga doodi doonaan Xubno dhowr ah.

    Kulanka Maanta ayaa waxaa ka mid ah Qodobada looga hadli doono Go’aankii ay horay Maxkamada sare ay ku laashay ilaa 8 Xildhibaan kadib markii muran la geliyay islamarkana ay amartay in dib loogu laabto doorashadooda.

    Xildhibaanada ayaa dood dheer ka yeelan doona arinta ku aadan muranka ka dhashay doorashada 8 mudane,kadib markii dhowr jeer ay Dacwad Maxkamada Sare u gudbiyeen dad sheegay in kuraastoodii looga qaatay si musuq maasuq ah.

    Sidoo kale Ajandooyin kale ayay Xildhibaanadu Maanta ka doodi doonaan,waxaana aad loo adkeeyay amniga Wadooyinka soo gala Xarunta Golaha Shacabka ee Magaalada Muqdisho.

    Muqdisho 22ka Luulyo 2017 Ciidamo ka socda dalka Uganda kana mid ah howlgalka nabad ilaalinta midowga Africa soomaaliya ee AMISOM ayaa soo gaaray magaalada Mogadishu kuwaa oo lagu badalay guutada 19 ee ciidamada ururka midowga Africa  oo muddo sanad ah ka howlgalayay gudaha dalka soomaaliya.

    Ciidamada ka ambabxay garoonka aadan cade ee magaalada Mogadishu  ayaa loo qabtay xaflad sagootin ah taa oo uu soo agasimay taliyaha qeybta ciidamada Uganda Brigadier Kayanja Muhanga ee hoostagta howlagalka AMISOM waxaana ay ka sooo howl galeen magaalada Marka ee gobalka shabeelaha hoose.

    Taliyaha howlgalka ciidamada Uganda ee AMISOM ayaa waxa uu tilmaamay  in xaalado adag oo dagaalo iyo abaaro ah ku howlgaleen  intii ay howlgalkooda ku jireen isagoo sheegay in ay ku guuleesteen waajibaadkooda nabad ilaalineed ee soomaaliya u yimaadeen.

    Ciidamadan Uganda ee qeybta ka ah howlagalka AMISOM ee soo gaaray gudaha dalka ayaa dagaal  lageli doona dagaalyahanada Xarakada Al shabaab iyagoo kabar bar dagaalamaya  ciidmada dowlada federalka soomaaliya , waxaana sidoo kale ay gacan ka geesan doonaan isu furka wadooyinka xeran si dadka abaaruhu saa meyn loo gaarsiiyo gargaar bii’aadanimo

    Muqdisho 22ka Luulyo 2017 Muqdisho kullan ku yeeshay Odayaal, Nabadoono, Boqoro, Salaadiin, Ugaasyo iyo Waxagarad ka soo jeeda sideedii Xildhibaan ee dhawaan Maxamadda Sare go’aan ka gaartay ee ahaa in Kuraastaas dib loogu laabto madaama si cadaalad daro ah ay ku dhacday doorashadooda.

    Ugu horeyntii waxaa kullankaasi ka hadlay  Malaaq Ibraahim Macalin Cali, waxa uuna soo dhaweeyey go’aankii Maxkamadda sare ay ku gaartay in dib loogu laabto Kuraastaas, sidoo kale waxa uu ka codsaday Madaxda Qaranka inay dedejiyaan sidii loo gali lahaa doorashada kuraastaas oo uu sheegay in ay diyaariyeen ergadii u codeyn lahayd.

    “Waxaan maqalnay in Baarlamaanku uu rabo inuu soo farageliyo go’aanka maxkamadda  sidaasi darteed waxaan uga digeynaa Baarlmaanka in go’aan ay gaartay Maxkamad in aysoo farageliyaan” sidaa waxaa yiri Boqor Herejire oo sheegay inay markaan ay sugayaan sidii lo fulin lahaa go’aankii  uu garosoorku gaaray.

    Xubnihii kale ee goobta ka hadlay waxaa ka mid ahaa ugas Cabdulqaadir Mubaarak oo u soo jeediyey guddoomiyaha Baarlamaanka Maxamed Sheikh Cusmaan Jawaari in uusan ku lug yeelan hor-istaaga go’aanka maxkamadda, wuxu intaa sii raaciyey “Gudodomiye Jawaari waa sharci yaqaan og go’aan ay maxmadi gaartay, sidaasi  darteed waxaan ka sugeynaa inuu taageero go’aankaas”

    Malaaq Siidow Maadow oo isna ka hadlay kullankaasi waxa uu ka codsaday Madaxweynaha Dowladda Federaalka in uu gacan weyn ka geysto sidii loo fulin lahaa go’aanadii ay horey u gaareen guddiga khilaafaadka. Madasha iyo kii ugu dambeeyey ay gaartay maxkamadda oo ah go’aankii ugu dambeeyey ee laga gaaray sideedaas kursi.

    Boqor Abdullahi Ahmed oo sidoo kale ka hadlay kullankaasi ayaa soo dhaweeyey go’aanka maxkamadda wuxuuna ka dalbaday Dowladda Federaalka in ay si deg deg ah ku fuliso go’aankii ay maxkamaddu ka qaadatay sideedaas kursi oo mudo dheer muran ka taagnaa.

    Ugu dambeyn xubnihii ka hadlay kullankaasi lagu taageerayey go’aankii ay maxkamaddu ka gaartay kuraastaas waxaa ka mid ahaa, Nabadoon Cabdinuur Cabdiqaadir iyo Nabadoon Sayid Axmed Ismaaciil, waxayna dhamaantood hoosta ka xariiqeen in la gaaray xiligii ay shaqeyn lahayd cadaaladda, iyagoo ka codsaday madaxda qaranka inay dedejiyaan go’aanka maxkamadda.

    Muqdisho 22ka Luulyo 2017 Raisulwasaaraha Xukuumadda Soomaliya Xasan Cali Kheyre ayaa sheegay in Dowladda Soomaliya aysan xal u heli karin dhammaan caqabada xiligaan taagan sida musuq-maasuqa iyo la dagaalanka Xarakada Al-shabaab. Sida lagu daabacay wargeyska faafiya wararka ku saabsan Sirdoonka africaintelligence.com Reer galbeedku waxa ay ka cabsi qabaan in Muqdisho aanay xal u heli karin dhammaan arrimahaasi mar qura.

    Kulan bilowgii bishii July dhexmaray mas’uuliyiin ka kala socda Britain, Norway iyo Midowga Yurub, Kheyre wuxuu qiray inay ku adag tahay la dagaalanka musuq maasuqa iyo inuu horumariyo howlaha canshuur uruurinta guud ahaan dalka Soomaaliya, waxaana uu farta ku fiiqay qaar ka mid ah ganacsatada gudaha oo ay ku jiraan Ahmed Mohamed Yusuf, Guddoomiyaha Shirkadda Isgaarsiinta Hormuud telecom Soomaliya,  Mohamed Yusuf Ahmed Alore, Guddoomiyaha Salaam African Bank iyo Abdirashid Duale, Maamulaha Xaawaaladda  Dahabshiil.

    Raisulwasaaraha Xukuumadda Soomaliya Xasan Kheyre ayaa sheegay in dowladda Soomaliya ay xalka u arko la jooojiyo qodobadaan , si loo xoojiyo awoodda dowladda, waayo taasi waxa uu nidaamka canshuuraha ka dhigayaa mid aad waxtar u leh.

    Ra’iisul wasaaruhu waxa uu si lama filaan ah u sheegay in ganacsatada Soomaliyeed ay canshuur dheeraad ah ay siiyeen Al Shabaab, kana badan tan ay Xukuumadda Federaalka Soomaaliya ay ka qaaddo. “

    “Waxaana uu u arkaa taageeridda qarsoon ee dagaalayahanada Al Shabaab in ay ka dhigan tahay qalqal gelinta deganaanshaha dowladda, hor istaageysana in sharcigu sarreeyo. taasi waxay keentay in ragga muuq-muuqda ee  ganacsatada ay ka gaabiyaan bixinta xaqqa dowladdu ku leedahay”, ayuu yiri Kheyre.

    Muqdisho 22ka Luulyo 2017 Wasiirka Wasaaradda Dhalinyarada iyo Cayaaraha Xukuumadda Federaalka Soomaliya  Khadiijo Max’ed Diiriye oo la hadashay warbaahinta ayaa sheegtay in Ciidamada AMISOM dhawaan laga rari doono Garoonka kubada Cagta Stadium Muqdisho oo fariisin  ay ka sameyteen muddo ka hor.

    Wasiir Khadiijo Max’ed Diiriye ayaa sheegtay in Wasaaradeeda ay meel fiican u marayso qorshaha ku aadan in Ciidamada AMISOM laga raro Garoonka Kubada Cagta ee Stadium, kaasi oo haatan Saldhig malatari ay ka sameysteen Ciidamada Midowga Afrika AMISOM,waxayna sidoo kale sheegtay in Dowladda ay diyaarisay habkii loo sugi lahaa amaanka goobtaas hadii laga saaro Ciidamada.

    “Wasaaradda Dhalinyarada iyo Cayaaraha Xukuumadda Federaalka Soomaliya  waxaa meel fiican u maraya qorshaha Ciidamada AMISOM loogu rarayo Garoonka Stadium Muqdisho, runtii waa Garoon u muhiim ah shaqada Wasaaradda Ciyaarayaha, dib u dhis ayaa lagu sameyn doonaa, sidoo kale Ciidamada boolis ah ayaa la geyn doonaan kuwaasi oo sugaya amaanka Garoonka”, ayay tiri Wasiir Khadiijo Max’ed Diiriye.

    Garoonka Kubada Cagta Stadium Muqdisho ayaa waxaa Saldhig ku yeeshay Ciidamada AMISOM tan iyo markii ay dagaalada  ka dhaceen Magaalada Muqdisho ee Caasimadda Soomaliya,waxaana halkaas ka muuqdo burbur aad u xoogan

    Qadar 22ka Luulyo 2017 Amiirka Dowladda Qadar Sheekh tamiim ayaa caawa jeediyey khudbad xasaasi ah oo uu uga hadlayo xaaladda ka taagan Khilaafka Khaliijka ee ka dhashay go’doomintii ay ku sameeyeey Qadar Sacuudiga iyo xulufadiisa. Amiirka ayaa amaanay shacabka Qadar iyo sida ay uga jawaabeen go’doomintaas. Sidoo kale waxa uu amaanay dowaladda Kuwait iyo dowrkeeda dhexdhexaadinta khilaafkaas, dalalalka caalamka ayuu ku amaanay mowqifka ay ka qaateen khilaafka Khaliijka gaar ahaan Turkey.

    waa Khudbaddii ugu horaysay ee uu jeediyo amiirka Qadar tan iyo bilawgii khilaafka Khaliijka.

    https://www.youtube.com/watch?v=VxO1oLTxtiw

    Maamulka Somaliland 22ka Luulyo 2017 Deegaanka Ceel-Afweyn ee Gobolka Sanaag ayaa waxaa ka dhacay dagaal geestay khasaaro isugu jiray dhimasho iyo dhaawac kaas oo u dhaxeeyey labada Maleeshiyo Beeleed oo deegaanka lagu dagaalamay ku wada nool.

    Dagaalka ayaa inta la xaqiijiyay waxaa ku geeriyooday 6 Qof halka 18 kalena ay ku dhaawacmeen dhamaantood oo ahaa Maleeshiyaadkii wada dagaalamay,waxaana si kulul uga hadlay Maamulka Soomaaliland.

    Wasiiru dowlaha Wasaarada Ganacsiga Maamulka Soomaaliland Maxamuud Warsame Jaamac oo Saxaaafada kula hadlay Magaalada Hargeysa ayaa sheegay in ay haatan wadaan dadaalo lagu xalinaayo dagaaladaas kuwaas oo ah kuwo soo laab laabtay.

    Waxa uu sheegay in Soomaaliland aysan aqbaleyn in la wada dagaalamo islamarkaana cid alaala cidii Nabada ka soo horjeesato ay talaabo ka qaadi doonaan sida uu hadalka u dhigay.

    Galgaduud 22ka Luulyo 2017 Waxaa saakay xaalad deganaansho ah laga dareemayaa deegaanka Xeraale ee Gobolka Galgaduud halkaas oo Maalmihii la soo dhaafay ay ku wada dagaalameen Ciidamada Maamulka Gobolada Dhexe ee Ahlusuna Wal-Jamaaca iyo Maleeshiyo dadka deegaanka ah.

    Dagaalka oo la sheegay inta uu socday in ay ku geeriyoodeen dad ku dhow 20,ayaanan jirin cid kala dhexgashay balse waxaa jirta in si iskiis ah uu u istaagay sida ay radio Dalsan u sheegeen qaar ka mid ah dadka deegaanka.

    Xaalada ayaa saakay ah mid degan,waxaana xusid mudan in ay weli halkaasi iskuhor fadhiyaan Ciidamadii wada dagaalamay markastana la filan karo dagaal maadaama aysan jirin cid kala dhexgashay.

    Qaar ka mid ah Waxgaradka Gobolka Galgaduud ayaa haatan waxa ay wadaan waan waan ku aadan sidii xal looga gaari lahaa dagaal beeleedyadaas maadaama ay ku waxyeeloobayaan dad rayid ah.

    Maamulka Galmudug ayaa dhawaan Shaaciyay in Galmudug aysan aqbaleyn in halkaasi lagu wada dagaalamo in kastoo aysan cadeyn talaabada ay qaadeysa,sidoo kale waxaa jirta in Madaxweyne Farmaajo,uu shalay sheegay in halkaasi loo diri doono Guddi baara qaabkii uu dagaalkaas ku bilaawday.

    Minneapolis 22ka Luulyo 2017 Waxaa goor sii horeysay shaacisay in ay iscasishay Taliyaha ciidanka booliska magaalada Minneapolis  ee dalka Mareykanka Janee Harteau kadib cadaadis la saaray.Janee Harteau  sababta ay isku cashishay ayaa lagu sheegay in Maxamed Nuur oo ka tirsan booliska Minneapolis uu u geystay dil haweenay caddaan ah oo Ausralia u dhalatay. Dilka haweenaydan ayaa xiisad badan ka dhex-abuurtay booliska Minneapolis.

    Taliye Harteau oo warbaahinta kula hadashay magaalada Minneapolis waxa ay sheegtay in ay go’aansatay ka tagista shaqada, kadib cadaadis joogto ah ay kala kulantay dowladda Mareykanka, waxayna sidoo kale sheegtay in  dilkii lagu eedeeyay Maxamed  ay keentay in iyada  si joogto ah cadaadis ay kala kulanto

    Maraykanka 22ka Luulyo 2017 Afhayeenka Aqalka Cad, Sean Spicer ee iscasilay

    Afhayeenka Aqalka Cad ee looga arimiyo Maraykanka, Sean Spicer, ayaa iscasilay, ka dib markii sida la sheegay uu ka biya diiday isku shaandheyn lagu sameeyay kooxda warfaafinta ee uu madaxa u ahaa.

    Wargeyska New York Times ayaa sheegay in Spicer uu shaqada ka tegay ka dib markii uu madaxweyne Donald Trump nin cusub u magacaabay agaasimaha warfaafinta ee Aqalka Cad.

    Anthony Scaramucci oo ah ganacsade laga yaqaano Wall Street ayaa loo magacaabay agaasimaha cusub, shaqadaas oo uu si kumeelgaar ah u hayay Spicer.

    Spicer ayaa todobaadyadii dambe qolka wararka ee Aqalka Cad ka mamnuucay kaamarooyinka telefishinnada.

    Isku shaandheynta ayaa kusoo beegmaysa xilli mas’uuliyiin ka tirsan Aqalka Cad ay wajahayaan baaritaan ku aaddan faragelinta la sheegay in Ruushka uu ku sameeyay doorashadii Maraykanka ka dhacday sanadkii hore.

    Wargeyska New York Times ayaa sheegay in Spicer oo 45 jir ah uu rumaysan yahay in magacaabidda Scaramucc ay tahay “khalad weyn” oo uu sameeyay madaxweyne Trump.

    Mike Dubke oo hayay shaqadaasi ayaa iska casilay bishii May ee sanadkan, waxaana xilkaasi iyo afhayeenka Aqalka Cad isku hayay Sean Spicer.

    Galmudug 22ka Luulyo 2017 Wasiirka Dastuurka iyo Dib u Heshiisiinta Maamulka Galmudug Cismaan Maxamed Cali (Cismaan Dheere) ayaa Dowlada Soomaaliya ka Dalbaday inay Maamulka Galmudug ka Taageerto sidii uu Ciimadamo u gayn lahaa Deegaanka Xeeraale oo ay ku Dagaalamayaan Maamulka Ahalusuna iyo dadka deegaankaasi.Wasiirka ayaa Sheegay ay ka go’an tahay in la joojiyo dagaalka maalmaha qaatay ee ka socday Deegaanka Xeeraale islamarkaana ay Dowlada Federaalka ay ka sugayaan inay ka qeyb qaadato sidii deegaankaas loo geyn lahaa Ciidamo kala Dhexgala dhinacyada dagaalamaya.

    Cismaan Dheere ayaa  tilmaamay in  Madaxda Sare Maamulka Ahalusuna inay kula Xisaabtamayaan ku dhawaad  30-Ruux oo ku dhimatay Dagaal muddo Labo Maalin ah ka socoday  Deegaanka Xeraale ee Gobalka Galgaduud Madaama Sida uu Xusay Ciidamadoodu ay Weerar ku qaadeen dadka deegaan Xeraale oo la daalaa-dhacayey Xaalad Adag oo dhanka Noollosha ah.

    Galmudug 22ka Luulyo 2017 Madaxda Maamulka Galmudu ayaa lagu eedeeyey Lacago ay Bixisay Dowladda Soomaaliya oo lagu Tala galay Dadka Abaartu ay ku dhufatay Deegaanada Gobalada Dhexe in ay ku Iibiyeen Rasaasta iyo Hubka ay ku Dagaalamayaan Maleeshiyaad Deegaankaas kula dagaalaya maamulka Ahlusuna Waljameeca.Mahad Xaashi Faarax oo ka mid ah Waxgaradka Gobalka Galgaduud oo la hadlay Idaacada Simba ayaa Sheegay Maamulka Galmudug lacagihii Gurmadka Abaaraha ay ku wareejisay Dowladda Soomaaliya in ay ku bixiyeen Abaabulka Dagaalka dhowr Maalin socday kaasi oo sababay qasaaro dhimasho iyo dhaawac oo kala gaaray Dhinacyada Dagaalamay.

    Dhanka kale Wararka naga gaaraya degmada Cadaado e Caasimadda KMG ah ee Maamulka Galmudug ayaa waxa ay sheegayaan in xalay Kulan deg deg ahaa ay yeesheen madaxda Maamulkaas,islamarkaana ay ka hadleen dagaalka shalay dib ugu qarxay deegaanka Xiraale ee waqooyiga gobolka Galguduud ee bertamaha dhulka Soomaliya

    Hirshabeelle 22ka Luulyo 2017 Wasiirka Maaliyadda Maamulka Hir-Shabeelle Zaki Cabdi Xaraare oo u waramay Idaacada Simba ayaa Sharcidaro ku tilmaamay qaabka Dowladda Federaalka Soomaaliya ay Maamul Gobaleedyada ay ugu qeybisay Miisaanida Sanadeedka 2017-ka oo dhawaan la hor geeyey Baarlamaanka Federaalka  Soomaaliya.Wasiirka ayaa sheegay in Wasaarada Maaliyadda Xukuumadda Soomaaliya aysan waxa la tashi kala Sameyn Maamulka Hir-Shabeelle qaabka  dajinta Miisaaniyada ay Dowladda u qoondaysay Maamulada Dalka ka jira wuxuuna sheegay in aan la aqbali doonin Lacagta kaga soo aaday Miisaaniyadda Dowladda Dhexe.

    Sidoo kalewuxuu Ugu baaqay Shacabka Maamulka Hir-Shabeelle inay il gaar ah ay ku hayaan Qorshada Dowladda Dhexe ee ku Wajahan Deegaanada Maamulka Hir-Shabeelle.

    Dowladda Federaalka Soomaliya ayaa maamulka Hir-shabeelle u qoondeysay 700 kun oo dollarka Maraykanka ah, waana maamulka ugu hooseeya lacagaha loogu talagalay Maamul goboleedyadda dalka xiligaan ka jira.

    WARARKA MAANTA 21ka Luulyo 2017 Sir Culus
    Su'aalaha Maanta: Maxay ahayd sababta Mr. Xassan Cali Kheyre uga noqday Agaasime Shirkadda Soma Oil and Gas ee rabtay inay si sharci-darro ah ku qaadato kheyraadka Ummadda Soomaaliyeed 90% asagoo laaluush been ah lagu magac-dhabay $ 2 Milyan oo saami ah taasoo sida ay caddaysay shirkadan ay ku sheegtay inaysan jirin wax lacag saami ah oo uu ku darsaday Mr. Xassan Cali Kheyre balse ay rabeen inuu Ummadda Soomaaliyeed u fududeeyo sidii ay shirkaddan u dhici lahayd kheyraad Ummadda Soomaaliyeed ee Ilaahay ku mannaystay? Ma maxaad Ummadda Soomaaliyeed u sheegaysaan shaqsi sidan khaa'inul waddan u ah inuu wax u qabanaayo Ummadda Soomaaliyeed? Beeni raad ma leh! Ka akhriso meeshan http://www.somaoilandgas.com/shareholders/

    Raysal Wasaare Mudane Xassan Cali Kheyre “Bakhti-Raamsade” waa khaa'inul waddan, waxuuna la mid yahay Raysal Wasaarihii hore Senator Cumar Cabdirashiid Cali Iyo Wasiirkii hore Mr. Cabdiraxmaan Cabdishakuur oo ayagaba si sharci-darro ah ugu saxeexay badda Soomaaliya dalka Kenya iyo shirkaddo shisheeye ah kuwaasoo si sharci-darro ah ugu hawlan sidii ay kheyraadka dabeeciga ugala bixi lahaayeen dhulka Soomaaliya!

    Muqdisho Luulyo 21, 2017 Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa ku baaqay in si deg deg ah loo joojiyo dagaalka kataagan agagaarka deegaanka Xeeraale ee Gobolka Gal-guduud.

    Madaxwaynuhu waxa uu sheegay in colaaddaan ay tahay arrin foolxun, nasiib darro ah oo aan loo dulqaadan karin in ay sii socoto.

    Madaxwaynaha ayaa sheegay in Dowladda Federaalka Soomaaliya ay qaadayso tallaabo kasta oo lagu joojinayo colaaddan,waxa uuna intaas raaciyey in deeganadaas loo dirayo guddi soo baara sababaha keenay dagaalkaas iyo dhibaatada ka dhalatay.

    Madaxwaynaha oo ka hadlayey tallaabooyinka deg-degga ah ee ay dowladdu qaadayso ayaa yiri “ Dowladda indhaha kama fiirsaneeyso, umana dulqaadan doonto in ay colaadda sii socoto, dadkeenna aan waxba galabsanna lagu sii dhibaateeyo. Deegaanka colaaddu ka dhacday waxaan u dirayaa guddi xaqiiqo raadin ah kuwaas oo soo baara sababaha dhabta ah ee kiciyay colaadda.”

    Madaxwayne Farmaajo ayaa tacsi u diray dhammaan eheladii iyo qarabaadii ay ka geeriyoodeen dadkii lagu laayey dagalaaka ka dhacay deeganaadaas.

    Muqdisho Luulyo 21, 2017 War ka soo baxay wasaaradda waxbarashada dowladda Soomaaliya ayaa lagu sheegey in Arday ku dhow 16,000 (lix iyo toban kun) oo ka mid ah ardayda sanadkan u fadhiisatay Imtixaanka shahaadiga ee Wasaaradda Waxbarashada ay ka qaaday ardayda dugsiyada sare ee dalka ay ku baaseen Imtaxaanka.

    Mudane Cabdiraxmaan Maxamuud Cabdulle Wasiiru dowlaha Wasaaradda Waxbarashada ee Xukuumada Federaalka Soomaaliya ayaa sheegay in sanadkan ay imtixaanka ku baastay ku dhawaad 16,000 oo arday,

    “Tirida imitixaanka ku baastay sanadkan waa 15, 356 arday, 5,094 ay gabdho yihiin halka 10,262 ay wiilal yihiin” ayuu yiri Wasiiru dowlaha Wasaaradda Waxbarashada.

    Sidoo kale waxaa halkaasi ka hadlay Wasiir ku-xigeenka Wasaaraddaasi Feysal Cumar Guuleed wuxuuna sheegay in uu qorshaha imtixaanka ee sanadka uu ahaa inay u fariistaan ilaa iyo 23,000 (saddex iyo labaatan kun) oo ardey laakiin waxaa imtaxaanka ka qeybgalay oo u suurta gashay, 18,239 (sideed iyo toban kun, labo boqol, sodon iyo sagaal) ardey,

    “23,000 waxa ay ahayd intii is diiwaangelisay, balse waxaa sanadkan imtixaanka u fadhiistay 18,239 arday, inta kale waa ay u suurta geli weysay inay imtixaanka galaan” ayuu yiri Wasiir ku-xigeenka Waxbarashada Soomaaliya.

    Tabanka ardey ee kaalimaha hore ka galay Imtaaxnka shahaadiga ee sanadkan ayaa waxaa Dowladda Soamaaliya siisay deeqo waxbarasho oo dalka dibadiis ah sida uu sheegay Ra’iisulwasaare ku-xigeenka Dalka Mudane Mahdi Maxamed Guuled (Khader)

    “Tobanka arday ee ugu sareysay waxa ay dowladda siineysaa deeqo waxbarasho oo dibadda ah, oo weliba u cuntama, tikidkiisa iyo noloshiisa dowladda ayaa qabta Insha Allah” ayuu yiri Ra’iisul Wasaare ku-xigeenka Soomaaliya.

    Talaabadan ayaa qeyb ka ah dadaal Dowladda soomaaliya ay dib ugu soo celinayso tayadiiwaxbarashada ee dalka, taasi oo meeshi ka maqnayd 25kii sano ee la soo dhaafay oo dalku burbursanaa.

    Muqdisho Luulyo 21, 2017 Ciidamada Nabad Suggida iyo Sirdoonka Qaranka Soomaaliya ayaa shalay gelinkii dambe gacanta ku dhigay gaari waxyaabaha qarxa laga soo buuxiyay, kaasi oo lagu qabtay degaanka Ceelasha Biyaha ee duleedka Magaalada Muqdisho.

    Gaarigaan oo noociisa uu yahay midka yar ee raaxada ee loo yaqaan CAMRY, ayaa waxaa ka buuxay waxyaabaha qarxa oo la doonaayay in lagu dhibaateeyo shacabka Soomaaliyeed, sida ay Saraakiisha sheegeen.

    Xogo dhanka Sirdoonka ah oo ay heleen ciidamada Nabad Suggida ayaa suuragelisay in laga hortago gaarigaasi oo la doonaayay meelo ka mid ah Magaalada Muqdisho in lagu qarxiyo, markii Ciidamada ay qabteena laga fur furay Qaraxyadii ku xirna

    Wasriirka Warfaafinta Soomaaliya C/raxmaan Cumar Cusmaan (Eng. Yariisow) oo la hadlay warbaahinta ayaa waxa uu sheegay arrintan in ay timid kadib markii Ciidamada ammaanka ay aad u adkeeyeen amniga, gaarigana mudo 11 cisho ah Ciidamada ay daba joogeen.

    Maalmo ka hor ayay aheyd markii Gaari Dheyno ah oo waxyaabaha lagu soo xiray uu ku qarxay degaanka Siinka-dheer ee Duleedka Muqdisho, kaasi oo markii Ciidamada ay qabteen kadib Qarxay, geystayna khasaare dhimasho iyo dhaawac ah oo soo gaaray dad shacab ah.

    Muqdisho Luulyo 21, 2017 Xildhibaano ka tirsan Baarlamaanka Soomaaliya, kana soo jeeda degaanada Hirshabeelle ayaa ka soo horjeestay Miisaaniyadda Dowladda ee hada hortaalla Baarlamaanka Soomaaliya.

    Xildhibaan Daahir Amiin Jeesow oo ka tirsan Baarlamaanka Soomaaliya ayaa waxa uu sheegay 64 xildhibaano oo ka soo jeeda Hirshabeelle in ay ka soo horjeedaan arrinta Miisaaniyadda la xiriirta ee hada hortaalla Baarlamaanka Federaalka.

    Wuxuu sheegay Miisaaniyadda in aysan aheyn mid cadaalad ku fadhida, sidoo kalena aysan ahen mid shacabka Soomaaliyeed ay u siman yihiin.

    Daahir Amiin Jeesow sidoo kale wuxuu sheegay Miisaaniyadda meelaha qaar in si mug leh loogu gacan buuxiyay, meelaha qaarna laga dhigay si aan loo baahneyn.

    Wasaaradda Maaliyadda ayaa looga fadhiyaa in ay dib u saxdo qaladaadka kala duwan ee ka jira Miisaaniyadda Dowladda, ee hortaalla Baarlamaanka Soomaaliya

    Sacuudiga Luulyo 21, 2017 Boqor Salmaanka Sucuudiga. Qaraarro boqortooyo oo dhawr ayaa Sucuudigu soo saaray kuwaas oo lagu bilaabay isku shaandhaynta saraakiil sar sare.

    Waxaana ka mid ah meelahaa isku shaandhaynta lagu sameeyay waaxda nabad sugidda si wax looga qabto argagixisada iyo arimaha la xidhiidha, waaxdaas oo markii hore hoos tagi jirtay wasaaradda arimaha dibadda.

    Qaraarrada la shaaciyey waxa ka mid ah in la bedeli doono taliyaha ilaalada boqortooyada, halka dhawr xil oo cusubna la shaaciyey oo ka mid noqon doona kooxda la shaqaynaysa amiirka dhaxal sugaha ah ee Maxamed Bin Salmaan.

    Bishii hore ayaa amiir Maxamed oo kow iyo soddon jir ahi noqday dhaxal sugaha koobaad ee taajka Sucuudiga.

    Waxaanay arintaasi noqotay dallacsiintii u dambaysay waxa lagu sheegay dallacaad sida hillaaca ah oo amiirkani helay tan iyo markii aabihii Boqor Salmaan awoodda la wareegay.

    Sanaag Luulyo 21, 2017 Warar dheeraad ah ayaa ka soo baxaya Dagaal xoogan oo u dhaxeeyay laba maleeshiyo beeleed, kaasi oo ka dhacay degmada Ceel-afweyne ee gobolka Sanaag, sida ay sheegeen masuuliyiinta gobolka Sanaag.

    Dagaalkan oo dib uga soo cusboonaada degmada Ceel-afweyne ee gboolkaasi ayaa bilowday gelinkii dambe ee shalay wuxuuna soo gaaray ilaa xalay, iyada oo dhinacyada dagaalamayay ay isku adeegsanayeen Hubka nuucyadiisa kala duwan.

    Inta la xaqiijiyay 6 Qof ayaa ku dhimatay 18 kalena way ku dhaawacmeen Dagaalka ka dhacay, dadka dhaawacmay ayaa waxaa loo qaaday isbitaalada ku yaalla gobolka Sanaag, si halkaasi loogu dabiibo.

    Axmed Cabdi Falaay oo ah Guddoomiyaha gobolka Sanaag ayaa sheegay maamulkooda, Culimaa’udiinka, iyo qeybaha kale ee bulshada in ay wadaan dadaalo ay ku dhex dhexaadinayaan beelaha ku isku hor fadhiya degmada Ceel-afweyne ee gobolkaasi.

    Warar soo baxaya ayaa sheegaya in dagaalkaasi uu salka ku hayo muran ka dhashey dhul daaqsimeed, waxaana uu daba socdaa dagaal sanadkii la soo dhaafayhalkaasi ku dhexmaray labadan beelood ee wada dega degmadaasi Ceel-Afweyne.

    Dagaalkaasi ayaa saameeyey isu socodka iyo nolosha bulshada, waxaana jira barakac farabadan oo ay sameynayaan dadka degaanka.

    WARARKA MAANTA Luulyo 20, 2017

    Su'aalaha Maanta: Maxay tahay sababta Shacabka Gobalka Banaadir aysan u heli karin xaqooda inay samaystaan Banaadir State? Mise Madaxweyne Mudane Farrmaajo 'Been-Hawaas” oo aan tagi karin Hargaysa Caasimadda Jamhuuriyadda la magacbaxday Somaliland ayaa awood u leh inuu xaquuqda gobalka Banaadir Staate xaqiro? Ma oga miyaa casharkii loo dhigay Kaligii-Taliskii Madaxweyne Mudane Maxamed Yisaad Barre oo dalka Nageria qoxooti ahaan ugu dhintay markii xukun si xoog ah looga tuuray 1991dii? Walee taariikhdu isma qariso ee haddii xaq-darradda iyo is-qaadqaadka beenta ah aad Ummadda Soomaaliyeed ka dayn weyso waxaa laguu dhigi doonaa cashar cusub oo aadan ilaawi doonin tan iyo New York meeshaasoo aad qaxooti ku ahayd markii dalka lagaa masaafuriyey fadeexad aad samaysay awgeed. Raysal Wasaare Mudane Xassan Cali Kheyre “Bakhti-Raamsade” waa khaa'inul waddan xun, golaha xildhibaannadda waxay diyaar u yihiin inay xilka ka qaadaan oo weliba maxkamad la soo saaro asaga, Raysal Wasaarihii hore Senator Cumar Cabdirashiid Cali Iyo Wasiirkii saxiixay badda Soomaaliya Mudane Cabdiraxmaan Cabdishakuur oo isku dembi wada ah! Barnaajimka khaa'inul waddanimadda waxaa la rabaa inay Ummada Soomaaliyeed jahwareerto basle Ummadda Soomaaliyeed wey idinka indho iyo aragti-dheer tahay.

    Dhusamareeb Luulyo 20, 2017 Madaxweynaha maamulka Ahlusunna ee gobolada Dhexe Sheekh Maxamed Shaakir Cali Xasan  ayaa ka codsatay Hay’adaha Gargaarka in ay caawiyaan dadka ay Abaaruhu saameeyeen ee kunool degaanada Ahlusunna.

    Waxaa uu sheegay in dhibaato badan ay heysato dadka kunool degaanada maamulkaasi, isagoona sheegay in Hay’adaha gargaarka laga doonaayo in ay kaalintooda ka qaataan.

    Madaxweynaha ayaa shalay kulan la qaatay Mas’uuliyiin ka tirsan Hay’adaha Gargaarka ee ka howlgalla degaanada maamulka Ahlusunna.

    Abaaro daran ayaa wali ka jira gobolada Mudug iyo Galgaduud , waxaana dhawaan uu Madaxweynaha Galmudug uu sheegay in dadkii kunoolaa Galmudug ay barakacayaan.

    Muqdisho Luulyo 20, 2017 Wasaaraha Xukuumadda Federaalka ah ee Soomaaliya Mudane Xasan Cali Khayre ayaa maanta kulan hal mar bishiiba la qabto la yeeshay qeybaha kala duwan ee bulshada rayidka ah, kaasoo looga hadlo isbadelka dalka iyo sida shacabka Soomalaiyeed ay uga qayb qaadan karaan horumarka iyo xasillinta amniga Caasimadda iyo guud ahaan dalka.

    Ra’iisul Wasaaraha ayaa u sheegay ka soo qayb galayaasha kulanka inuu ugu yeeray sidii uu ugala tashan lahaa xaaladda uu dalka ku jiro iyo sida ugu habboon ee horumar lagu gaarsiin karo dalka, maadaama bulshadda Soomaaliyeed la’aantood aan la soo gaareen meesha maanta ay joogto dawladnimadu.

    “Waxan idinka codsanayaa inaad si dhow ula shaqeysaan dawladdiina si meesha looga saaro cidda aan ku farxsaneyn qaranimadeena iyo kuwa caadeystay dhiigga shacabkeenna qiimaha badan” ayuu yiri Ra’iisul Wasaare Khayre.

    Qaar kamid ah ka soo qeyb galayaasha kulanka ayaa soo jeediyey in la dardargaliyo sugidda amniga Muqdisho, si loo furo waddooyinka xiran oo shacabku ay dhib ku qabaan xiliyada ay marayaan, sidoo kalena waxay cadeeyeen in amni daradu ay saameyn ku yeelatay Ganacsiga iyo isku socodka dadka.

    Ra’iisul Wasaaraha Xukuumadda Mudane Xasan Cali Khayre, ayaa tilmaamay in shacabka Soomaliyeed ay ku adag tahay aaminaada madaxdooda, taasina waxay meesha ka saartay wada shaqeynta dawladda iyo shacabka,haddana loo baahan yahay sidii aan u heli lahayn kalsoonida shacabka.

    DHAMMAAD

    Muqdisho Luulyo 20, 2017 Wararka laga helayo Waad maka Al-mukarama ayaa waxaa ay shegayaan in lagu qabtey labo qeybood oo ka mida 2 baabuur oo qaraxyo wadey .

    Midka 1-aad ayaa la sheegey in ciidamada ay ku qabteen Agagaarka Guriga Shaqalaha kaas oo noociisa lagu sheegay Nooha oo ay saarnaayeen walxaha qarxa iyadoo ay ciimada ku daba jireen sida lagu arkayey markii ay qabanayeen oo dadbadan ay arkayeen.

    sidoo kal mid kale ayaa isna lagu qabtey Agagaarka Guriga hooyooyinka oo isna ay saarnayeen waxyabaha qarxaa balse lagu guuleystey in isna lagu qabto qeyb ka mida wadada maka al mukarama ee agagaarka Tiyaatarka Qaran.

    Ilaa hada ma jiraan wax warbixina oo ay ka soo baxdey Ciidamada Iyo maamulka Dowlada Somalia hadii ay ku soo qabteen Rag saarnaaGaadiidkaas la qabtey iyo in ay ahaayeen kuwa goobta lagu diyaariyey oo lala sugayey in la qarxiyo oo kaliya .
    wixii faahfaafina wararkayaga Danbe ayaan idinkugu soo sheegi Doonaa

    Ohio Luulyo 20, 2017 Qaar ka mid ah hogaamiyaasha bulshada Soomaaliyeed ee magaalada Columbus ee gobolka Ohio ayaa xaqiijiyey dilka 3 nin oo Soomaali ah oo sadexdi maalmood ee lasoo dhaafay ay kooxo hubeysani ku dileen xaafado ka mid ah magaalada Columbus.

    Sida ay sheegeen booliska magaalada Columbus, laba ka mid ah wiilasha la dilay ayaa kala ahaa Abdul kadir Ali Yuusuf iyo Mohamed Ali Mohamed.

    Ciidamada Booliska waxa ay sheegeen in ay waddaan baaritaano kala duwan oo ku aadan Sababta loo dilay dadkaasi Soomaaliyeed.

    Dhalinyaradda la dilay ayaa qaarkood la sheegay in ka mid ahaayeen bahda waxbarashada Mareykanka.

    Ciidamada Booliska wali ma caddeyn in dhacdaan ay la xariirto dil uu Sarkaal Soomaali ah u geystay haweenay Caddaan ah.

    Duqa magaalada Minneapolis Betsy Hodges ayaa qoraal ay Arbacadi shalay ku shaacisay barta ay ku leedahay Facebook ku sheegtay in bulshada Soomaaliyeed ee ku nool magaalada Minneapolis aysan mas,uul ka aheyn dil la sheegay inuu uu askari Soomaali Mareykan ah uu Sabtidi u geystay haweeneey Cadaan ah oo aanan hubeysneyn.

    Qadar Luulyo 20, 2017 Qatar way beenisay eedaha loo soo jeediyey oo dhan Afarta dal ee Carbeed ee hormuudka u ahaa go’doominta Qatar ayaa ka soo debcay halkii ay taagnaayeen oo haatan kuma adkaysanayaan in Qatar saddex iyo tobankii qodob ee ay bishii hore u soo gudbiyeen ay fuliso.

    Diblomaasiyiin ka kala socda Sucuudiga, Imaaraatka, Baxrayn iyo Masar ayaa warfidiyeenka ugu sheegay xarunta Qaramada Midoobay in ay haatan doonayaan in Qatar fuliso lix qodob oo mugweyn.

    Qodobadan ay sheegeen waxa ka mid ah la dagaalanka argagixisada iyo xag jirka iyo in ay joojiso talaabooyinka carinta iyo kicinta ah.

    Qatar oo beenisa in ay argagixisada taageerto ayaan iyadu markiiba ka jawaabin hadalkan diblomaasiyiintu sheegeen.

    Waxay sidoo kale ganafka ku dhufatay qodobadii ay u soo jeediyeen dalalkaasi oo ay ku sheegtay in ay halis ku yihiin qarannimadeeda ama ay xad gudub ku yihiin xeerka caalamiga ah, waxaanay sidoo kale dhaleecaysay “go’doonka” ay geliyeen dalalka la olloga ahi.

    Diblomaasiyiinta ka socday afarta dal waxay warbixintii ay warfidiyeenka ku siiyeen xarunta Qaramada Midoobay ee New York ku sheegeen in ay doonayaan in xiisadda lagu dhameeyo xal sokeeye.

    Danjiraha Sucuudiga u fadhiya Qaramada Midoobay, Cabdullah al-Mucallimi, ayaa sheegay in wasiirada arimaha dibadda ee dalalkoodu lixdan qodob ee cusub isku raaceen markii ay ku shireen Qaahira 5 Juulaay “waana kuwo u fudud Qatar oo ay aqbali karto” ayuu yidhi.



    Muqdisho, 19 Luulyo 2017; Madaxtooyada Jamhuuriyadda Federaalka Soomaaliya ayaa waxaa munaasabad saagootin ah loogu qabtay Safiirkii dalka Sweden Mr. Mikael Lindvall oo muddo gaaraysa 5 sano ka shaqaynaayey dalka.

    Madaxweynaha Jamhuuriyadda Federaalka Soomaaliya, Wasiirka Arrimaha Dibadda iyo Iskaashiga Caalamiga, Xildhibaanno ka tirsan Baarlamaanka iyo saraakiisha Madaxtooyada ayaa Safiirka qado sharaf kula qaatay Aqalka Madaxtooyada.

    “Dawladda Soomaaliya waxay uga mahad-celinaysaa Safiir Mikael Lidvall kaalinta mugga lahayd ee uu ka qaatay xoojinta xiriirka labada dal intii uu hayey xilka Safiirnimo. Sidoo kale, dadaaladii ay ku bixisay Safaaraddu hawlaha gargaarka iyo arrimaha bulashada.” Sidaas waxaa yiri Wasiirka Arrimaha Dibadda iyo Iskaashiga Caalamiga ah Mudane Yuusuf Garaad Cumar.

    Safiirka Dalka Sweden Mr. Mikael Lindvall ayaa sheegay sida uu ugu faraxsanyahay wada shaqayntii iyo garab istaaggii uu ka helay Madaxda iyo Shacabka Soomaaliyeed muddadii uu ka shaqaynaayey Safaaradda Dalkiisa, sidoo kale waxa uu ka warbixiyey qaar ka mid ah Mashaariicda dhawaan ay fulin doonto Safaraaddu. “Waxaan la bilaabaynaa Wasaaradda Caafimaadka ee Dowladda Federaalka ah mashruuc cusub oo lagu tayeynaayo Caafimaadka hooyada iyo dhallaanka kaasoo Dowladda Sweden ay ku maalgalindoonto lacag gaaraysa 8.5 Malyan oo Doolar”.

    Madaxwayne Maxamed Cabdullahi Farmaajo ayaa guddoonsiiyey Safiir Mikael Lidvall walxo ka mid ah Agabka Hiddaha iyo Dhaqanka Soomaaliyeed.

    DHAMMAAD

    Beledweyne Luulyo 20, 2017 Kooxo Hubeysan ayaa galabta gudaha magaalada Beledweyne ee Gobolka hiiran waxa ay ku dhaawaceen  Gudoomiyaha Guddiga Waxbarashada Gobalka Hiiraan Dr Maxamed Macalim Cismaan.

    Falkaan ayaa ka dhacay  galinkii dambe ee Maanta Xaafada Howlwadaag ee Magaalada Baledweyne ee Gobolka Hiiraan.

    Kooxda dhaawacday Gudoomiye Dr. Maxamed Macalim ayaa waxaa lagu guuleysatay in gacanta lagu dhigo mid kamid ah ragii werarka geystay ,waloow aan faah faahin laga bixin sababta ka danbeysay weerarka.Dhanka kale Maxamed Macalim Cismaan ayaa lagu dabiibayaa Isbtaalka Beledweyne iyadoo qaar kamid ah ehelkiisa  ay u sheegeen warbaahinta in xaaladiisa ay haatan tahay mid aad u wanaagsan

    Kenya Luulyo 20, 2017 Ra’iisul Wasaare Ku xigeenka Xukuumada Mudane Mahdi Maxamed Guled (Khadar) ayaa xariga ka jaray Transmitter 5 KW ah oo laga hirgeliyey Raadiyo Muqdisho si maqalku u gaaro deegaano fara badan.

    Si kor loogu qaado wacyi galinta bulshadda ayaa Wasaaradda Warfaafinta Soomaaliya oo kaashanaysa Qaramada Midoobey UNSOS iyo BKT waxa ay ku guuleysatay inay hawada geliso FM 5.000 oo Waad ah kaasoo cod baahiyaha Radio Muqdisho codka Jamhuuriyadda Soomaaliya gaarsiinaya si toos shanta Gobol ee ku hareereysan Muqdisho.

    Ra’isul Wasaare ku-xigeenka dalka, Wasiiro, Xildhibaanno, Mas’uuliyiin ka socotay maamulka Gobolka Benaadir iyo marti sharaf kale ayaa goob joog ka ahaa xafladda daahfurka mashruuca balaarinta Raadiyaha Qaranka..

    Agaasimaha Radio Muqdisho Mudane Cabdifataax Daahir Jeyte ayaa sheegay in sare u qaadidda tayada Idaacada ay muhiim u tahay bulshada, waxaana uu intaa ku daray in tallaabadan ay xoojineyso in bulshada Soomaaliyeed ay gaarto siyaasadda dowladda.

    Wasiirkii hore ee warfaafinta C/qaadir Xuseen Maxamed Jahaweyn ayaa bogaadiyay horumarka Radio Muqdisho iyo Warbaahinta Qaranka .

    Agaasimaha Guud ee Wasaaradda Warfaafinta, Dhaqanka iyo dalxiiska Cabdiraxmaan Yuusf Al-cadaala iyo Wasiir ku xigeenka Warfaafinta Cabdiraxmaan Iidaan Yoonis waxa ay si wadajir u sheegeen in balaarinta dhegeysiga Radio Muqdisho ay muhiim u tahay la dagaallanka afkaarta qaldan.

    Wasiirka Warfaafinta, Dhaqanka iyo Dalxiiska Eng C/raxmaan Cumar Cismaan Yariisow waxa uu tilmaamay in Wasaaradda ay kordhinayso howlaha kor loogu qaadayo wacyi gelinta bulshada.

    Ra’iisul wasaare ku-xigeenka dalka Mudane Mahdi Maxamed Guuleed Khadar oo daah furay mashruuca balaarinta Radiyo Muqdisho Codka Jamhuuriyadda waxa uu ku tilmaamay tallaabo hore loo qaaday.

    1951 dii ayaa la aas aasay Radio Muqdisho Codka Jamhuuriyadda waa uu door ku lahaa dhismaha dowladnimada Soomaaliya kaddib burburkii Soomaaliya iyo waqtigan lagu guda jiro dib u soo kabashada dowladnimada Soomaaliya.

    DHHAMAAD

    Wasaaradda Warfaafinta, Dhaqanka & Dalxiiska

    Kenya Luulyo 20, 2017 Dowladda Kenya ayaa sheegtay in ay intii karaankeeda ah isku dayeyso sidii ay kaga hortagi laheyd dagaalyahanada Xarakada Alshabaab oo iyagu dhawaanahaan weerara is xig xiga ku qaadeyey Gudaha dalkaasi gaar ahaan Gobalka Waqooyi Bari Kenya, iyagoo Lacago dul dhigay rag Kenyan ah oo ay kaga shakisanyihiin in ay gacan ka geestaan weerarada alshabaab ay ka geestaan dalkaasi. Saraakiil u hadlay Booliska Dalkaasi ayaa warbaaihinta la wadaagay in ay 2 Milyan oo dollar ku awaalmarin doonan cidii warkooda Booliska usoo wariso shan nin oo ay sheegen in ay si gaar ah u bartilmaameedsanaayaan.

    Booliska ayaa soo bandhigay sawiradda shantaa nin oo lagu kala magacaabo Abdikadir Mohamed aka Ikrima, Mohammed Tajir Ali, Suleiman Irungu Mwangi Salad Tari Gufu iyo Gufu Tari Gufu. Booliska ayaa sidoo kale waxa ay sheegeen in raggaani shanta ah ay markii cid ugu wardanbeeysay in ay ku sugnaayeen degaanka Lakta oo ku taal dhulka Keymaha ah ee Boni ee magaalo xeebeedka Lamu.Dowladda Kenya ayaa horaan u shaacisay in waxa ay doonto haku qaadato ay ka hortagi doonto weerarada alshabaab ay ka geestaan deegaanada dhaca gobalka waqooyi bari Kenya.

    WARARKA MAANTA Luulyo 18 2017

    Su'aalaha Maanta: Maxay tahay sababta loo riday golaha wasiiradda Dowlad Gobaleedka Puntland State? Maxay tahay sababta amniga iyo dhaqaalaha Dowlad Gobaleedka Puntland State uu u sii liidanaayo? Maxay tahay sababta Somaliland State ay u aqoonsatay Khaatumo State inay wadahadlaan oo ay ka wada hadlaan wixii dan u ah labadan Dowlad Gobaleed? Yaa burburinaya Jiritaanka Dowlad Gobaleedka Puntland? Ayaantan ma waxaan la cunnin kiniinigii waalida oo sidaas ayaaba khatar ay Puntland State ugu jirtaa inay la wareegaan argagixisada duulaanka ku soo ah nabad yar ee ka jirta dhulka Puntland State? Meeqo qabiil ayeey xuquuqdooda duudsiisaa Dowlad Gobaleedka Puntland ee ay xoogga ku haystaan Beesha Majeerteen? Maxuuse u rabaa inay Puntland State burburto Madaxweyne ay haatan khaatiga ka taagan yihiin golaha xildhibaannadda Dowlad Gobaleedka Puntland State kuwaasoo ri rasmi ah u riday golihii wasiiradda ee Dowlad Gobaleedka Puntland?

    Puntland State Luulyo 18 2017 Kulan goor dhow ay magaalada Garoowe ku yeesheen xildhibaannada baarlamaanka maamulka Puntland ayaa kalsoonida waxay kala laabteen golaha wasiirada ee maamulkaasi. Kulanka baarlamaanka waxaa soo xaadirtay 57 mudane, waxaa  codka kalsoonida kala laabtay 47 mudane, waxaa ka aamusay 9 xildhibaan, halka 1 xildhibaan  uu kahor yimid.

    Xildhibaannada Puntland ayaa ku eedeeyay xukuumadda Gaas wax qabad la’aan, waxaana madaxweyne C/weli Gaas laga sugayaa inuu soo magacaabo wasiirro cusub.

    Jubbaland Stat State Luulyo 18 2017 Wararka laga helayo deegaanka Yaaq Dabeyl oo qiyaastii 55 Km dhinaca Galbeed uga beegan Magaalada Kismaayo ayaa ku warramaya in halkaas oo diyaarado dagaal oo Ciidamada Kenya ay leeyihiin ay duqeymo ka geysteen. Dad deegaanka  ayaa sheegay in ay arkayeen Diyaarado jawi hoose ku socda oo duqeymo ka geysanaya deegaankaasi Yaaq Dabeyl.

    Ma cadda Khasaaraha ka dhashay duqeymahaasi oo deegaanka lala beegsaday ay Maamulkaan Xarakada Al Shabaab.

    Dhinaca kale Ciidamada Kenya ee Fariisimaha ku leh deegaanka Buulo-Xaaji oo u dhow Magaalada Kismaayo ayaa madaafiic ku garaacay Tuulooyin hoostaga  deegaankaasi.

    Deegaanada ay Ciidamada Kenya  Madaafiicda ku garaaceen ayaa waxaa ka mid ah, Aboodin , Qabri Shariif iyo Lafta Buulo Xaaji.

    Gobollada Jubbooyinka ayaa waxaa qeybo ka mid ah ku sugan Xarakada Al Shabaab, waxaana Howlgallo ay Maamulka Jubbaland iyo Ciidamada Kenya sheegayaan in ay ku doonayaan in deegaanadaasi ay dib ugu qabsadaan saameyn ay ku yeeshaan dadka shacabka ah ee ku nool deegaanadaasi.

    Jubbooyinka ayaa ka mid ah meelaha ugu badan ee diyaaradaha dagaal ay duqeymaha Cirka ah ka geystaan, kuwaas oo geysta Khasaaro Nafeed iyo mid Hantiyadeed intaba.

    Maraykanka Iyo Ruushka Luulyo 18 2017 Saraakiisha Maraykanka ayaa sheegay in dhismaha Maryland ku yaalla uu sare u qaaday basaasidda. Saraakiil sarsare oo Ruushka iyo Mareykanka ka kala socda ayaa waxaa wada hadallo diblomaasiyadeed ay ku yeesheen magaalada Washington, iyagoo ka wada hadlay muranka ka taagan labo xarun oo Ruushku lahaa kuwaas oo uu xiray maamulkii Obama.

    Xukuumadda Moscow ayaa sheegtay in ay jawaab ka bixin doonto haddii uusan Mareykanka hantidaasi u fasixin Ruushka.

    Kulankan ayaa soconayay ku dhawaad saddex saacadood, ka dib markii waxyar kadib ku xigeenka wasiirka arrimaha dibada ee Rushka uu isaga oo qaylinaya saxafiyiinta u sheegay in labda dhinac ay gebi ahaanba xaliyeen khilaafkooda, hase ahaate ma faahfaahinin, Aqalka Cadna wax war ah kama soo saarin arrintan.

    Aqalka looga arimiyo Rushka Kremlin ayaa sheegay in xarumahan ay ahmiyad weyn u leedahay Ruushka, waxaa ayna dhawaan bilaabeen in ay soo jeediyaan in tani keeni karto in la eryo qaar ka mid ah diblomaasiyiinta Mareykanka, haddii Mareykanku uusan fasaxin hantidaasi.

    Moscow ayaa rajeyneysay in maamulka Trump uu kasoo horjeedsado talaabooyinkii uu horey u qaaday maamulkii Obama.

    Balse arrintan ayaa aahaan doonto mid muran badan dhalisa marka la eego baaritaanada socda ee la xiiriira eedeymaha ah inRushku faragaliay doorashadii Ruushka.



    Jubbaland State Luulyo 18 2017 Korneel aadan Axmed Rufle oo kamid ah saraaakiisha Ciidamada Dowladda Soomaliya ee ku sugan Gobolka gedo ayaa ku eedeeyay Ciidamada Kenya ee qeybta ka ah Howglka AMISOM ee Soomaliya in ay duqeymaha ay ka geysanayaan Gobolkaas aysan la beegsanin dagaalyahanada Xarakada Al-shabaab, balse ay ku dilen shacab Soomaliyeed iyo xoolo.

    Waxa uu sheegay in isbuucaan gudihiisa Diyaaradaha Dowladda Kenya ay beegsadeen goobo shacab Soomaliyeed ay ku sugnaayeen oo ku yaala Gobolka Gedo,islamarkaana qasaaraha augu badan la gaarsiyay shacabka, balse Kenya ay sheegtay in dishay dagaalyahano ka Tirsanaa Xarakada Al-shabaaaB.

    “Diyaarahada Dowladda Kenya waxa ay muddo 3-bari ah ay garacayaan deegaano ka tirsan gobolka Gedo oo ay leeyihiin waxaan ku beegsanaynaa Al-shabaab,, adeerow duqeymaha seddexda bari socda waxaa lagu laayay shacab Soomaliyeed, waxaa lagu laayay 30-geel oo shacab ay lahaayeen, dadkii deegaanada la duqeyno ku sugnaa wax qaxeen”, ayuu yiri Korneel aadan axmed Rufle oo kamid ah saraaakiisha Ciidamada Dowladda.

    Ugu dambeyntii Korneel aadan axmed Rufle oo kamid ah saraaakiisha Ciidamada Dowladda Soomaliya ee ku sugan Gobolka gedo ayaa ka codsaday baarlamaanka Soomaliya in ay arintaas ka hadlaan, madaama Dowladda Kenya ay kordhisay duqeymaha ay ka geysato Gobolka Gedo ee Koonfurta dalka Soomaliya

    Mahadaay Luulyo 18 2017 Qarax miino oo dhulka lagu aasay ayaa lala beegsaday Ciidamo ka tirsan Kuwa AMISOM oo marayay duleedka Waqooyi ee deegaanka Buurane oo 20km dhinaca Waqooyi ka xiga degmada Mahadaay ee Gobolka Shabeelaha Dhexe.

    Gaariga miinada la qaraxday oo ay saarnaayeen ciidamo ka tirsan kuwa nabad ilaalinta Midowga Afrika AMISOM  ee Soomaliya ayaa galbinayay booyad biyo u dhaaminaysay ciidamada AMISOM oo saldhig ku leh duleedka deegaanka Buurane duleedka degmada Mahadaay.

    Lama oga qasaaraha ka dhashay qaraxa miinadan la kacday gaariga ay lahaayeen ciidamada AMISOM balse wararka aan ka heleyno deegaanka Buurane ayaa sheegaya in gaariga burbur xoog leh uu soo gaaray.

    Dhanka kale ma jiro wax war ah oo ka soo baxay ciidamada AMISOM iyo kuwa maamulka gobolka Shabelaaha Dhexe ee la xiriira qaraxa miinada ah ee ka dhacay gelinkii dambe ee Shalay deegaanka Buurane, sidoo kale ma jiro cid sheegatay mas’uuliyadda qaraxa Miino.

    Muqdisho Luulyo 18 2017 Wasiirka Wasaaradda Caddaaladda iyo Garsoorka dowladda Soomaaliya Mudane Xasan Xuseen Xaaji ayaa sheegay in ay waddaan dadaallo kala duwan oo dib loogu hirgalinaayo xarumihii Ciidamada Asluubta ee gobolada dalka Soomaaliya.

    Waxaa uu sheegay in dowlada Soomaaliya ay xoogga saari doonto sidii dib u dayactir loogu sameyn lahaa xarumihii talisyadda Ciidamada Asluubta.

    Dhammaan maamul goboleedyadda ayuu sheegay in xarumaha Ciidamada Asluubta laga dhisi doono.

    Xasan Xuseen Xaaji ayaa ugu dambeytii sheegay in haddii aysan dhisneyn Ciidamada Asluubta in aan la heli doonin Garsoor Caddaalad ah.

    Hirshabelle State Luulyo 18 2017 Maamulka gobolka Hiiraan ayaa amar kusoo rogay Hay’addaha kala duwan ee Caalamiga ah ee ka howlgalla Gobolka Hiiraan.

    Gudoomiyaha gobolka Hiiraan Cumar Aadan Ibraahim ayaa sheegay in Hay’addaha kala duwan ee ka howlgalla gobolka Hiiraan laga doonaayo in shaqo uu qabankaro qof kasoo Jeeda Hirshabeelle in aan loo dhiibin qof kale oo Soomaali ah.

    Sidoo kale waxaa uu tilmaamay in ay muhiim tahay in Fursadaha la siiyo dadka u dhashay gobolka Hiiraan.

    Gudoomiyaha xusay in Hay’addaha laga doonaayo in ay arintaasi hirgaliyaan ,islamarkaana shaqooyinka ay u dhiibaan dadka reer Hirshabeelle.

    Hay’addaha Caalamiga ah ayaa inta badan qaata shaqaallo aqoon u leh Shaqooyinka ay qabanayaan ,iyadoo aan la fiirinayn gobolka uu kasoo jeedo.

    Muqdisho Luulyo 18 2017 Wasiirka Wasaaradda Amniga dowladda Soomaaliya mudane Maxamed Abuukar Islow ayaa sheegay in dowladda Soomaaliya ay diyaarinayso ciidamo gaar ah ,kuwaa soo lagu wareejinaayo guud ahaan Amniga Magaalada Muqdisho.

    Wasiirka Amniga ayaa sidoo kale tilmaamay in ciidamada loo diyaarinaayo Amniga Muqdisho aysan ka mid aheyn Ciidamada NISA iyo Booliska.

    Dadaaladii ugu dambeeyay lagu sameynaayo Ciidamadaasi ayaa socda sida ay sheegayaan Madaxda dowladda.

    Ciidamada ayaa isugu jira Boolis iyo Nabad Suggid , waxaana hal talis ay ku yeelan doonaan Magaalada Muqdisho.

    Dowladda Soomaaliya ayaa hadda Amniga Magaalada Muqdisho u xilsaartay Ciidamo lagu magacaabo xasilinta Caasimadda.

    Muqdisho Luulyo 18 2017 Mudane Xasan Cali kheyre Ra’iisl Wasaaraha Jamhuuriyada Federaalka Soomaaliya ayaa sheegay in waqtigaan dadka Soomaaliyeed ay u baahan yihiin in ay helaan Madal Siyaasadeed oo ay kaga doodaan waxyaabaha ay qabaan.

    Waxa uu sheegay in tani ay keeneyso in Shacabka soomaaliyeed ay fursad u heli doonaan in loo kordhiyo Sinaantooda isaga oo soo hadal qaaday Qoondada Dumarka xiligaan ee dhanka Siyaasada.

    Hadalkaan ayaa xiligii uu sheegay Ra’iisul Wasaare Kheyre ayaa waxa uu kulan la qaatay Xubno ka tirsan Wasaarada arimaha gudaha Soomaaliya isaga oo u sheegay in ay ka Shaqeeyaan sidii loo sameyn lahaa Madashaas.

    Muqdisho Luulyo 18 2017 Xafiiska QM ee Somaliya ayaa shaaca ka qaaday in ay jirto shaqa la’aan xoogan oo haysato dhalinyarada Somaliyed ee ku dhaqan gudaha dalka.

    Ergayga gaarka ah ee QM u qaabilsan arimaha soomaaliya Micheal Keating ayaa sheegay in shaqa la’aanta haysata dhalinyarada Soomaaliyeed ay tahay mid aad u sareyso ayna u baahan yahay xirfado iyo aqoon ay ku shaqaystaan si meesha looga saaro shaqo la’aanta oo uu tilmaamay in ay qayb ka tahay dhibaatada ka jirta gudaha dalka Soomaaliya.

    Keating oo sii hadlayay ayaa intaasi ku daray in marka la eego warbixinta ay soo saareen ururka shaqaalaha aduunka ee dalka Soomaaliya ay sheegeen in 33% ay shaqeeyaan halka 67% ay shaqo la’aan yihiin.

    QM ayaa hadda Soomaaliya ku maal galinayso lacag gaarayso 17.5 Million oo doolar taasi oo loogu tala galay hormarinta dhalinyarada Soomaaliyeed, dhincyada xirfadaha shaqo sida, kaluumaysiga, beeraha, ka shaqeynta dhismaha iyo iyo kaabayaasha caafimaadka.

    Hadalka QM ayaa ku soo aadayo xili dhalinyarada Soomaaliyeed ay haysato shaqo la’aan xoogan oo saameyn ku yeelato noloshooda, iyadoo qaarkood ay dalka iskaga tahriibeen

    Minneapolis Luulyo 18 2017 Warbaahinta dalka Mareykanka ayaa si aad uga hadleysa Sarkaal Soomaali ah oo ka tirsan ciidamada Booliska dalka Mareykanka ,kaa soo la sheegay in uu toogasho uu ku dilay Haweenay Caddaan ah oo u dhalay dalka Australia,islamarkaana ku sugneyd Minneapolis dalka Mareykanka.

    Sarkaalkasi ayaa lagu magacaabaa Maxamed Nuur waxaana la sheegay in 2015-tii uu kusoo biiray Ciidamada booliska dalka Mareykanka.

    Dhacdadaan ayaa Warbaahinta Mareykanka waxaa ay sheegeen in ay dhacday ka dib markii haweenaydaasi ay soo wacday Labo Sarkaal oo booliska ka tirsan , ka dibna ay tageen gurigeeda ,halkaasi ay xabad ka dhacday.

    Haweenayda la dilay ayaa lagu magacabaa Justine Damond, waxaana da’deeda lagu sheegay 40 sano jir.

    Justine Damond, waxaa ay dhawaan ka timid dalka Australia waxaana ay u dooneyd nin degan Mareykanka.

    Booliska ayaa ka gaabsaday dhacdadaan waxaana ay xuseen in ay waddaan baaritaano ku aadan cidda ka dambeysay Falkaasi.

    Taliyaha qeybta Booliska goobta ay dhacdadaasi ka dhacay ayaa xaqiijiyay in falkaasi ay geysteen labada Sarkaal Midkooda,hadda ay waddaan Baaritaano

    Muqdisho Luulyo 18, 2017 Xoghayaha Guud ee Ururka Saxifiiyiinta Soomaaliyeed ee NUSOJ Cumar Faaruuq Cusmaan Oo La Hadlayay Warbaahinta SBC Ayaa eedeyay Wasaaradda Warfaafinta ee Xukuumada Somaliya,

    Cumar wuxuu dhaliilay nidaamka ay dowladdu u marayso Xeerka Saxaafada ee dhawaan La Horgeeyay Golaha Wasiirada ee Somaliya, Isagoona sheegay iney taasi ka hor imaanayso Qaynuunka Caalamiga ah,

    Si gaar ah wuxuu u dhaliilay Qodobo Ku Jira sharcigan oo muujinaya In Dhamaan wariyayaasha la diwaangaliyo, Si Aan Munaasib Aheyn, Wuxuuna taasi ku tilmaamay mid Xoriyad darra ah,

    Sidoo kale wuxuu xeerkan dhigaya in La Ganaaxo saxafigii Ka Horyimaada Xeerkaan Qalafsan ee Ay ansixiyeen Golaha Wasiirada ee Somaliya, waxaana uu sheegay in xiligaan ay saxifiyiinta soomaaliyed ay ku shaqeeyaan Duruufo adag,

    Cumar Faaruuq Cusmaan Xoghayaha Guud ee Ururka NUSOJ, Wuxuu Wax laga xumaado ku Tilmaamay in Wasaarada warfaafinta Ay sharcigan Tashi kala sameysay Dad kooban oon matali karin Masuuliyadda Suxufiyiinta Somaliyed, sida uu Hadalka u dhigay,

    Ugu danbeyn ayuu Ugu Baaqay Wasiirka Warfaafinta ee soomaaliya in Xeerkan Dib Loogu laabto lagana saaro, Qodobada ka hor imaaanaya Xoriyada iyo Hadalka Saaxafada, wuxuuna Cod dheer ugu baaqay Madaxweyne farmaajo iyo RW. Kheyre in Sharcigan aan la Horgeyn baarlamanka.


    July, 2017

     


    WARARKA MAANTA Luulyo 15, 2017 Sir Culus oo uu Wasiir Warfaafinta Ka Shifi rabo barrito taasoo waxyaabo badan u kashifi doonta Ummadda Soomaaliya!

    Su'aalaha Maanta: Maxuu qaban karaa Madaxweyne Mudane Maxamed Cabdilaahi Farmaajo “Been-Hawaas” oo si cad u khiyaamayey Xisbiga Daljir oo siiyey xildhibaanada uu ku soo baxay Iyo


    Juun 2017

     


    Sannad-Guuro wacan Luulyo 1, 2017! #Luulyo12017
    #Happy 57th #Independence Day July 1, 2017 2 to #Somalis in #Somalia around the #world

    Image may contain: sky

    WARARKA MAANTA June 29, 2017 Sir Culus

    Su'aalaha Maanta: Ma waxaa la kharin karaa khaa'inul Waddan Raysal Wasaare Mudane Xassan Cali Kheyre “Bakhti-Raamsade” oo shirkadda Soma Oil Iyo Gas u sahlayey inay dhacdo khayraadka dabeegiga ee Ilaahay ku mannaystay Ummadda Soomaaliyeed? Mid kamid ah Siyaasiyiinta Maamulka Somaliland Boobe Yuusuf oo si toos ah u saxaya khaladaadkii uu Madaxweyne Mudane Maxamed Cabdilaahi Farmaajo “Been-Hawaas” ku galay qudbadii Sannad-Guuradda Juun 26kii taasoo ku beegnayd markii Gobaladda Waqooyin ka xoroobeen gummaysigii Ingiriiska?

    Puntland State June 29, 2017 Maamul goboleedka Puntland ayaa maamulka Somaliland ku eedeeyay in xiriir ballaaran la leeyahay xarakada Al-shabaab eek a dagaalanta dalka

    Wasiirka amniga Puntland Cabdi Xirsi Cali Qarjab oo ku sugan Garoowe ayaa sheegay in dagaalyahannada hubeysan ee ka dagaallama buuraleyda Galgala ay ka yimaadaan dhinaca Somaliland.

    Waxa uu xusay in xarumo tababar ay ku leeyihiin degaanno kamid ah Somaliland, islamarkaana dhaawacooda loo qaado dhankaasi.

    “Nimankaan wixii aan ka dhaawacno waxaa loo qaadaa gobollada Waqooyi sida magaalada Burco, waxyaabo badan ayaa jira oo is soo taraya waana laga xisaabtami doonaa, Somaliland kalama hadal arrimahan waxyaabo oo aan ka wada hadli jirnay waa ay jiraan, laakiinse kuwaan kalama hadal, dadka Soomaaliyeed waxba kama qarsana waana la ogyahay waxa ka jira Somaliland iyo xiriirka raggan kala dhaxeeya” ayuu yiri wasiirka.

    Dhanka kale Wasiir Qarjab ayaa xusay in Puntland ay dadaal ugu jirto sidii ay u adkeyn lahayd ammaanka xuduudaha ay la wadaagto Somaliland si lagaga hortago falalka amni darro.

    Muqdisho June 29, 2017 Ra’iisul Wasaaraha Xukuumadda Federaalka Soomalaiya Mudane Xassan Clai Khayre ayaa la kulmay dadka baahiyaha gaarka ah qaba ee ku nool magaalada Muqdisho ee caasimadda Soomaaliya asagoo u sheegay inuu is-casili rabo kadib golaha xildhinnaadda oo ka soo gudbiyey mooshin lagu ridayo.

    Kulankan Ra’iisul Wasaaraha waxaa ku wehlinayay Wasiiro ka tirsan xukuumaddiisa oo ay ka mid yihiin Wasiirka Shaqada iyo shaqaalaha iyo Wasiirka Haweenka.

    Xasan Cali Khayre Ra’iisul Wasaaraha Xukuumadda Federaalka Soomalaiya ayaa dadkan u sheegay in Madaxda dalka ay kula xisaabtamaan helista xuquuqdooda.

    Waxa uu sheegay Mudane Khayre xukuumaddiisa dadka baahiyaha gaarka ah qaba in ay siineyso fursado shaqo oo noloshooda ay ku maareyn karaan.

    Carabta June 29, 2017 Dawladaha xulufada Carbeed ee horkacaya in cilaaqaadka loo jaro dalka Qatar ayaa mar kale ku baaqay in dalka Qatar uu aqbalo qodobo 13 ah oo ay hore ugu gudbiyeen, haddii ay taasi dhici waydana ay suurogal tahay inay qaadaan tallaabooyin adag oo aan ka laabasho yeelan doonin.

    Haddaba xiisadda sii xumaanaysa ee u dhexeysa Qatar iyo Xulafada Carbeed iyo dhawaaqan cusub ee ka soo yeedhay Sucuudiga iyo Imaaraadka ayaa Ismaaciil Xuseen Farjar waxa uu ka waraystay Cabdicasiis Calas Cartan oo falanqeeya arrimaha Carabta oo ku sugan magaalada Qaahira.

    Maraykanka June 29, 2017 Amarki uu Madaxweynaha Donald Trump uu uga mamnuucay inay galaan dalka Mareykanka, qaxootiga iyo muwaadiniinta ka soo jeeda lix waddan oo ka mid ah dalalka Islaamka ayaa dhaqan galaya saacadaha hore ee maanta oo Khamiis ah.

    Saraakiisha Socdaalka Mareykanka ayaa sugaya tilmaamo ku saabsan habka ay u fulin doonaan amarka madaxweye Trump, iyadoo madaxda Waaxaha Arrimaha Dibadda, Cadaaladda iyo Amniga gudaha aysan wali u kala caddeyn shakhsiyaadka loo ogolaan doono in ay soo galaan iyo kuwa laga celin doono xuduudaha iyo garoomada diyaaradaha Mareykanka ee kasoo jeeda dalalka Iran, Libya, Somalia, Sudan, Syria and Yemen.

    Waaxda Amniga Gudaha Mareykanka ayaa u xaqiijisay dadka musaafurka ah in aysan la kulmi doonin isk-dhax-yaacii ka dhacay garoomada diyaaradaha marki ugu horeysay ee uu dhaqan galay amarki madaxweyne Trump bishii March ee sanadkaan.
    Qaar ka mid ah qareenada muhaajiriinta ee Mareykanka ayaa sheegay inay iska xaadirin doonaan maanta garoomada diyaaradaha ee caalamiga ah si ay u caawiyaan dadka uu saameyn doono amarka trump.

    Maxkamadda Sare ee Mareykanka ayaa Isniintii dib u fasaxday amarka madaxweynaha Mareykanka uu si kumeel gaar ah ugu diiday in ay Mareykanka ku yimaadaan muwaadiniinta u dhashay lix waddan oo ka mid ah dalalka Dunida Islaamka.

    Liibya June 29, 2017 Kolonyo gawaari ah oo uu leeyahay howlgalka Qaramada Midoobay ee Liibiya ayaa lagu weerarray meel u dhaw magaalo xeebeedka Surman, ayadoo muddo kooban la haystay 7 shaqaalaha ah oo gawaarida la socday.

    Shaqaalaha ayaa isugu jiray afar ajaanib ah iyo saddex Liibiyaan ah, waxaana ay qeyb ka ahaayeen koox ka tirsan xafiiska xuquuqda aadanaha ee Qaramada Midoobay kuwaasoo booqanayay muhaajiriin lagu hayo xabsiyo ku yaal magaaladaasi.

    Maleeshiyada weerarka fulisay ayaa markii dambe shaqaalaha Qaramada Midoobay ku wareejisay boolis maxalli ah oo deegaankaasi ka shaqeeya.

    Dableyda shaqaalaha qafaalatay ayaan wax shuruud ah ku xirin sii deyntooda, waxaana la filayaa in howlwadeennadaasi Qaramada Midoobay dib loogu celiyo caasimadda Tripoli.

    Weerarkan ugu dambeeyay ayaa loo arkaa mid muujinaya amni darrada ay Liibiya ku wajahayaan hay’adaha caalamiga ah ee doonaya in ay ka shaqeeyaan dalkaasi.

    Inta badan safaaradaha shisheeye iyo hay’adaha caalamiga ah ayaa isaga baxay Liibiya sanadkii 2014, xilligaasi oo uu dagaal culus Tripoli ku dhex maray maleeshiyaad uu loolan ka dhexeeyo.

    Talyaaniga June 29, 2017 Talyaaniga ayaa ku hanjabay inuu u diidi doono maraakiibka dalalka shisheeye leeyihiin in ay ku dejiyaan dekadihiisa dadka muhaajiriinta ah.

    Hadalkani wuxu ku soo baxay warqad uu danjiraha Talyaaniga u fadhiya Midowga Yurub, Maurizio Massari, uu digniin ah in xaaladdu noqontay haatan mid “aan la sii wadi karin” ku siinayey Midowga.

    Ra’isal Wasaare Paolo Gentiloni ayaa isna ku eedeeyey qaramada Yurub in “ay isha ka lalinayaan” duruufaha taagan.

    Waxa la rumaysanyahay in afartii cishee la soo dhaafay dad tiradoodu gaadhayso 10,000 oo qof isku soo miidaamiyeen safar ay badda kaga gudbayaan oo ay kaga soo kicitimeen Woqooyiga Afrika.

    In ka badan 73,000 oo muhaajiriin ah ayaa sannadkan gaadhay dalka Talyaaniga, taas oo ah tiro ka badan boqolkiiba 14 tirada sannadkii hore gaadhay.

    Qiyaastii 2000 oo qof ayaa ku dhintay ama la la’yahay oo loo malaynayaa in ay ku qarraqmeen badda, hay’adda Qaramada Midoobay u qaabilsan qaxootiga yaa iyaduna sheegtay in dadka badda isku biimaynaya badankoodu ka dhoofaan dalka Liibiya.

    Liibiya ayaa noqotay marinka ay Yurub u maraan muhaajiriinta ka yimaad dalalka ka hooseeya saxaraha Afrika, Bangladesh iyo dalal ka mid ah jasiirad la moodda Carabta oo ay ka mid yihiin Masar iyo Suuriya. Dadkaa qaar badan oo ka mid ahi waxay ka qaxayaan dagaallo iyo faqri.

    Ciidanka ilaalada xeebaha Talyaaniga yaa hormood ka ah isku duwidda hawlaha gurmadka ah ee lagu samato bixinayo dadkaas, laakiin maraakiibta muhaajiriinta u gurmada badankooda waxa leh ururro khayri ah waxa aanay maraakiibtaasi sitaan calamada qaramo kale oo ay ku jiraan dalal ka tirsan Midowga Yurub sida Jarmalka iyo Malta.

    Gedo June 29, 2017 Ciidamada Dowladda Federaalka Soomaaliya ayaa dagaal kula waregay fariisimo ururka Al-shabaab ay ku lahaayeen degaano ka tirsan gobolka Gedo.

    Dagaalkan dhexmaray Ciidamada Dowladda Federaalka Soomaaliya iyo ururka Al-shabaab ayaa geystay khasaare isugu jira dhimasho iyo dhaawac.

    Saraakiisha Ciidamada Dowladda ee ku sugan gobolka Gedo ayaa waxa ay sheegeen dagaalkaasi in ay kula wareegeen fariisimo Shabaab ay lahaayeen iyo Agab Millitari.
    Dagaalka ayaa si gaar ah uga dhacay degaano 30-KM ujira degmada Baardheere ee gobolka Gedo.

    Faarax Maxamed Turbac oo ah sarkaalka hoggaaminayay Dagaalka oo la hadlay Risaala ayaa sheegay Dagaalka in ay qaadeen xilli habeen ah, halkaasina ay ku baacsadeen dagaalyahano ka tirsan Shabaab.

    https://www.youtube.com/watch?v=JsmZlun-sp8

    WARARKA MAANTA Juun 28, 2017 Sir Culus

    Muqdisho Juun 28, 2017 Raysal Wasaare Mudane Xassan Cali Kheyre oo maanta ku wargeliyey inuu is-casili doono la-taliyayaashiisa khaaska ah kadib markii uu ogaaday 138 Xildhibaanno inay ka soo gudbiyeen mooshin lagu ridayo xukuummaddiisa ku guuldarraysatay inay hoggaan fiican iyo maamul wannaag la timaado taasoo uu horay ugu soo daray dad musuqmaasuq baahsan ay ku eedeeyeen Hay'adda Qaramadda Midooway u qaabilsan Arrimaha Soomaaliya Iyo Eritrea Iyo Hay'adda Caalamiga ee La-dagaalanka Musuqmaasuqa “Transparency International” oo in badan warbixino ka qorta sida uu u bah-dilay musuqmaasuqa dalka Soomaaliya?

    Raysal Wasaare Mudane Xassan Cali Kheyre oo sidoo kale shaaciyey inay jiraan dowladdo khas siyaasaddeed ka wada gudaha dalka Soomaaliya kuwaasoo ay horboodayaan Sacuudiga Iyo Imaaraadka oo raba inay Dowladda Soomaaliya xiriirka u jarto dalka Qatar.

    Raysal Wasaare Mudane Xassan Cali Kheyre oo xaqiijiyey inay khalad ahayd in mar kale jaggadda dalka oo doorto qof horay waxba ku qaban waayey asagoo Raysal Wasaare soo maray balse hadda wado fowdo siyaasaddeed oo aan waxba u tarayn inay Soomaaliya dhibka ka baxdo.

    Raysal Wasaare Mudane Xassan Cali Kheyre oo u mahadceliyey Madaxweynihii hore ee Jamhuuriyadda Federaalka Soomaaliya Mudane Xassan Shiikh Maxamuud kaasoo si dhow ay u wada shaqayn jireen xilligii uu Madaxda ka ahaa Shirkadda Soma Oil and Gas oo lagu aasaasay dalka Britain.

    Raysal Wasaare Mudane Xassan Cali Kheyre oo u sheegay Ummadda Soomaaliyeed inay jiraan dad ay faa'iido ugu jirto in dowlad walba fowd iyo burbur loo horseedo si ay wax u dhacaan sidaas darteena waxuu Ummadda Soomaaliyeed ka codsanayaa in iska-cafiyo muddadii uu xilka hayey iyo khasaarihii soo ka soo gaaray Ummadda Soomaaliyeed.


    Waad Mahadsan Tihiin,


    Raysal Wasaare Mudane Xassan Cali Kheyre

    Xafiiska Raysal Wasaaraha

    Xafiiska Warfaafinta Iyo Isku-Xirka Arrimaha Bulshadda

    Shirkadda Facebook Juun 28, 2017 Shirkadda Facebook oo gaartay ilaa iyo laba bilyan oo dadka isticmaala ah taasoo ka dhigaysaa shirkadda ugu weyn ee baraha bulshadda adduunka

    Lamu Kenya Juun 28, 2017 Qarax Miino oo geytay khasaare isugu jira dhimasho iyo dhaawac ayaa ka dhacay degaanka Laamu ee gobolka Waqooyi Bari dalka Kenya, sida ay sheegeen laamaha ammaanka gobolka Waqooyi Bari.

    Qaraxan ayaa haleelay Gaari ay saarneeyaan Ciidamo Kenyan ah iyo Arday, waxaana ku dhimatay 8 Qof oo isugu jirta Askar iyo Arday, sidoo kale waxaa jira dhaawacyo soo gaaray dad kale oo Gaariga saarnaa.

    Saraakiisha Ciidamada Kenya ayaa waxa ay sheegeen in ay wadaan baaritaano lagu raadinayo raggii ka dambeeyay Qaraxan, waxayna sheegeen in ay gacanta ku soo dhigi doonaan.

    Todobaadyo ka hor waxaa Qarax Miino sidoo kale lala eegtay Ciidamo Kenyan ah, waxaana Qaraxaasi ka dhashay khasaare dhimasho iyo dhaawac ah.

    Shabaab ayaa weerarada nuucaan oo kale ah waxa ay ka geystaan degaanada gobolka Waqooyi Bari dalka Kenya, halkaasi oo ay ku beegsadaan Ciidamada Kenya

    Venezuela Juun 28, 2017 Dowladda Venezuela ayaa sheegeysa in sarkaal ciidamada qalabka sida ka tirsan uu afduubay diyaarad helikoptar ah oo booliisku leeyahay, ka dibna uu ku duuliyay magaalada.

    Muuqaalo la soo dhigay baraha bulshada ayaa muujiyay diyaaradda helikobtarka oo dul heehaabeysa magaalada, gaar ahaan xarunta maxkamadda sare dusheeda, waxaana la maqlay dhawaqa qaraxyo dhowr ah.

    Sarkaalka ayaa la rumeysan yahay in uu afduubtay diyaaradda isaga oo iska duubay muuqaal uu dowladda ku cambaareynayo.

    Ma jiro wax war ah oo sheegaya in weerarka uu ka dhashay khasaare.

    Inta badan waxaa ka jiray dalka Venezuela dibadbaxyo ka dhan ah dowladda oo soconayay ku dhawaad laba bilood, iyada oo ay sii xumaanayaan dhibaatooyinka dhanka dhaqaale iyo kuwa siyaasadeed ee dalkaasi.

    Inka badan 70 qof ayaana ku dhintay rabshado ka dhashay dibadbaxyadaasi tan iyo 1-dii bishii April.

    Madaxweynaha Venezuela Nicolas Maduro ayaa sheegay in bambooyin loo adeegsaday weerarka, waxa uuna wacad ku maray in ciidamada amaanka ay gacanta kusoo dhigi doonaan dadkii ka dambeeyay weerarkan.

    Maraykanka Juun 28, 2017 Xubnaha xisbiga Jamhuuriga ee Mareykanka oo iminka ah aqlabiyadda aqalka Senetka ayaa dib u dhigay cod u qaadidda sharciga daryeelka caafimaadka ee ay wataan ilaa toddobaadka dambe, maalinta dalkaasi fasaxa u ah ee 4-ta July.

    Hadalkan oo uu ku dhawaaqay Hoggaamiyaha Aqlabiyadda Senate-ka Mitch McConnell ayaa dib u dhac ku ah qorshahii lagu beddelayay daryeelka caafimaad ee Obama.

    Siddeed ka tirsan xisbiga Jamhuuriga ayaa sheegay inay ka soo horjeesan doonaan sharciga, xisbiga ayaana keliya lumin kara labo cod si uu ugu guuleysto in hindisaha ay meel mariyaan golaha sare.

    Madaxweynaha Mareykanka Donald Trump ayaa Senate-ka Jamhuuriga ku casuumay Aqalka Cad galabtii Talaadada si uu kulan ula yeesho.

    Mid la mid ah hindise sharciyeedkan ayaa waxaa horey u meel mariyay Aqalka cad, ka dib markii uu dib u dhac ku yimid.

    Mr McConnell ayaa wacad ku maray inuu sii wadi doono isku dayga ah inuu codad helo, uuna is beddel ku sameyn doono hindisaha haddii loo baahdo.

    Senatarrada dhexdhexaadka ah ayaa sheegaya in sharcigan uu dhib u keeni doono qaar ka tirsan deegaannadooda, halka muxaafidkuna ay sheegayaan inay ku jirto faragelin dowladeed oo saa`id ah.

    Warka dib u dhaca ayaa imaanaya maalin uun ka dib markii xafiiska maaliyadda congress-ka ee dhexdhexaadka ah uu sheegay in sharcigan uu 22 milyan oo dad Ameerikaan ah ka qaadi doono caymiska caafimaadka 10-ka sano ee soo socda.

    Maraykanka Juun 28, 2017 Maamulayaasha Maraykanka ayaa sheegay inay baarayaan weerar baahsan oo lagu qaaday hanaanka kombiyuutarrada ee dunida.

    Golaha amaanka qaranka ee Washington ayaa sheegay in Maraykanka ay ka go’an tahay in cid kasta oo mas’uul ka ah lagula xisaabtamo.

    Tiro hay’ado ah ayey weerarradaas saameeyeen, waxaana ku jira Bankiyo, Xarumo dawladeed, shirkado waaweyn, iy shabakadaha gadiidka.

    Isticmaalayaasha ayaa loo sheegay in kombiyuutarradoodu fariisteen ilaa iyo ay bixiyaan 300 oo Doollar oo madax furasho ah oo an lahayn wax raadraac ah, ayadoo lagu bixinayo qaab loo yaqaanno Bitcoins, laguna ridayo xisaabta koox loo yaqaanno anonymous.

    Waaxda amaanka gudaha ee Maraykanka ayaa dadka kula talisay inaysan madax furasho dhiibin. Waxaa la sheegay inaysan jirin wax damaanad qaadaya in dib loo soo celinayo faylasha la xannibay.

    Ukraine Juun 28, 2017 Weerar dhanka internetka ayaa lagu qaaday dalka Ukrain, sida ay sheegtay Wasaaradda Arrimaha Gudaha dalkaasi.

    Weerarkan lagu qaaday Ukrian ayaa waxa uu saameeyay guud ahaan shirkadaha dunida, waxaana shirkadii ugu horeysay uu saameeyay ay noqotay shirkad laga leeyahay dalka Mareykanka.

    Afhayeen u hadlay Wasaaradda Arrimaha Gudaha dalka Ukrain ayaa sheegay xukuumada in loo soo gudbiyay cabashooyin la xiriiira werarkaasi.

    “Ku dhowaad laba boqol oo cabasho ah ayaa ina soo gaaray, waxaanu ku dadaadleynaa sidii aan wax uga qaban laheyn arrintaasi, waliba sida ugu dhaqsiyaha badan” Ayuu yiri Afhayeenka u hadlayWasaaradda Arrimaha Gudaha.

    Waaxda Arimaha Gudaha dalka Mareykanka dhankeeda waxa ay sheegtay in ay il gaar ah ku heyso weerarkaasi.

    Talyaaniga Juun 28, 2017 Mas’uuliyiinta Talyaaniga ayaa sheegaya inay xireen nin Soomaali ah oo lagu eedeynayo inuu ku lug leeyahay tacaddiyo loo geystay dad magangelyo doon ah, ka hor safarkoodii Badda Medetrianka ay kaga soo talaabeen, kuna soo gaareen Siishilis.

    Booliska ayaa baaritaano ay wadeen mudo ku dhow Todobaad waxaa u suuragashay in ay gacanta ku soo dhigaan ninkan, ayna u taxaabeen xabsiga, si cadaalada loo horgeeyo.

    Booliska ayaa hada waxa ay ka shakisan yihiin ninkan in uu ka tirsan yahay urur caalami ah oo si sharci daro ah dadka u tahriibiya, xitaa mararka qaar dila.

    Liibiyiinta dadka ku heysta goobaha ku yaalla gudaha Liibiya ayaa dhibaatoyin xun dadka u geysta oo xitaa mararka qaar dhacda in sida qofka ay u garaacayaan uu dhinto.

    Labadii malmood ee la soo dhaafay ayaa waxaa la soo badbaadiyay muhaajiriin gaareysa 5000, kuwaasi oo la soo gaarsiiyay dhanka Koonfureed ee Badda Medetrianka.

    Hay’adaha xuquuqda aadanaha ayaa in muddo ah sheegayey in muhaajiriinta soo mara dalka Liibiya ay la kulmaan xadgudubyo baahsan oo ay u gaystaan dadka ka ganacsada masaafurinta.

    Muqdisho Juun 28, 2017 Warar lagu kalsoonaan karo oon helnay ayaa sheegaya in xafiiska Hanti Dhowrka Qaranka dowlada Soomaaliya baaritaano adag ku wadaan Hay’ada Socdaalka iyo Jinsiyadaha dowlada Soomaaliya oo lagu tuhmayo in musuq maasuq ka dhax jiro lacago badan lagu lunsaday.

    Baaraaal kasocda Hanti Dhowrka Qaranka ayaa mudo isbuuc ah ku sugan xarunta Hay’ada Socdaalka iyo Jinsiyadaha, waxa ayna xubnahan si gaar ah u baarayaan xafiiska Maaliyada u qaabilsan Hay’ada socdaalka iyo Jinsiyadaha.

    Sida aan Wararka ku heleyno Wasiirka Maaliyada Xukuumada Soomaaliya ayaa dacwad ka dhan ah Musuq maasuq ka jira Xafiiskan iyo lacago badan oo la lunsaday u gudbiyay xafiiska Hanti dhowraha Qaranka, waxa uuna ka codsaday in baaritaano lagu sameeyo lacagaha soo xarooda iyo kuwa la lunsaday..

    Hay’ada Socdaalka iyo Jinsiyadaha Soomaaliya oo lacago badan kasoo xareysa bixinta Baasaboorka iyo sidoo kale viisaha iyo dadka kasoo dega garoonka iyo kuwa ka dhoofaya ayaa la sheegay in lacagahaasi aan la geyn Wasaarada Maaliyada.

    Inta badan lacagaha soo gala Hay’ada Socdaalka iyo Jinsiyadaha ayaa la tilmaamay in sifo qaldan ku baxaan, waxaana mararka qaarkood akoonka Wasaarada Maaliyada lagu shubaa lacag aad u yar aysan suurto gal aheyn in kasoo xarooto Hay’adaasi oo kale.

    Xubnaha Baaritaanka ku wada Hay’ada socdaalka iyo jinsiyadaha dowlada Soomaaliya oo markii hore la qorsheeyay in mudo isbuuc ah lagu soo gabo gabeeyo ayaa qaatay waqti intaasi ka badan, waxaana wali baaritaanka ku howlan xubno badan oo katirsan Xafiiska Hanti dhowrka.

    Lama oga tilaabada la qaadi doono hadii Musuq maasuq kusoo baxo Hay’ada Socdaalka iyo Jinsiyadaha dowlada Soomaaliya, waxa ayna horey u balan qaadeen Madaxweynaha Soomaaliya iyo R/Wasaaraha in si adag ula dagalami doonaan Musuq maasuqa ka dhax jira Hay’adaha dowlada.

    WARARKA MAANTA Juun 27, 2017

    Muqdisho Juun 27, 2017 Madaxweynaha Jamhuuriyada Soomaaliya  Maxamed Cabdullahi Maxamed Farmaajo ayaa Galabta Cafis u fidiyay 13 Maxbuus oo ku xirnaa Xabsiga Dhexe ee Xamar Munaasabadda Ciidda awgeed.

    Maxaabiista Maanta uu cafiska u fidiyay  Madaxweyne Farmaajo ayaa waxaa la sheegay in ay galeen dambiyada fud fud waxaana la sheegay ujeedka cafiska in uu yahay in waqtiga farxada maalmaha ciida iyo xuriyada ay la qaataan eheladooda iyo asxaabtooda.

    lataliyaha dhinaca sharciga madaxweynaha oo saxaafada la hadlay ayaa sheegay in cafiska maanta bilowday uu socon doono ilaa iyo todobaadka xuriyada oo dhan.

    Midowga Yurub  Juun 27, 2017 Michel Barnier ayaa sheegay in ujeeddadiisa ku aaddan xuquuqda muwaadiniinta ay ahayd in lagu guuleysto dhowrid la mid ah tan sharciga Midowga Yurub uu dhigayo.

    Ra’iisul wasaaraha Britain Theresa May ayaa sheegtay inay dooneyso in saddex milyan oo ah muwaadiniin ka soo jeeda waddamada Midowga Yurub ee ku nool Britain ay joogaan, ka dib ka bixitaanka Britain ee Midowga Yurub.

    Mrs May ayaa sheegtay inay yeelan doonaan xuquuqo la mid ah kuwa ay muwaadiniinta Britain u leeyihiin caafimaadka, waxbarashada, faa`iidooyinka iyo lacagaha dadka howlgabka noqda la siiyo.

    Dowladda ayaa sameyn doonta wax walba oo ay awooddo si ay u fududeyso hannaanka u damaanad qaadaya xaqa ay u leeyihiin inay sii joogaan muwaadiniinta Midowga Yurub ee Britain ku noolaa muddo shan sano ah.

    Madaxa midowga Yurub u qaabilsan wadaxaajoodka ka bixitaanka Britain ee Midowga Yurub, Michel Barnier, ayaa sheegay in ujeeddadiisa ku aaddan xuquuqda muwaadiniinta ay ahayd in lagu guuleysto dhowrid la mid ah tan sharciga Midowga Yurub uu dhigayo

    Brazil Juun 27, 2017 Madaxweyne Temer wuxuu wajahayaa eedeymo Laaluush

    Madaxweyne Michel Temer ayaa ku adkeysanaya in uusan wax khalad ah samayn, balse dacwad ooge Rodrigo Janot ayaa sidaasi si ka duwan qaba.

    Dacwada ooguhu waxaa uu keenay eeddeymo la xiriira in madaxweynuha uu aqbalay in laaluush la siiyo maxkamadda sare Isniintii.

    Sida uu qabo sharciga waddanka Brazil, aqalka hoose ee baarlamaanka ayaa loo baahan yahay in ay cod u qaadaan in loo ogolaanayo iyo in kale in maxkamaddu shaqa joojn ku sameyso madaxweynaha.

    Xildhibaannada isbaheysiga madaxweynaha ayaa sheegaya inay haystaan codad ku filan oo ay uga adkaan karaan aqlabiyadda baarlamaanka marka saddex meel loo dhigo laba ka mid ah, taas oo loo baahan yahay haddii ay noqoto in madaxweynaha maxkamadda la horkeeno

    Ceeldher Juun 27, 2017 Qarax Miino ayaa Duleedka Degmada Ceel-waaq ee Gobolka Gedo lagula beegsaday Kolonyo Gaadiid ah oo ay leeyihiin Ciidamada Kenya ee Qeybta ka ah Howlgalka AMISOM.

    wararka ka imaanayo Degmada Ceelwaaq ee gobolka Gedo ayaa waxa ay sheegayaan qaraxa marka ciidanka kolonyada Kenya lala beegsaday ay fureen rasaas isla markaana ay halkaasi ka bilaabeen baaritaan kooban.

    wali lama oga qasaaraha saxda ah ee uu geestay qaraxa balse waxii warar ah ee kusoo kordha waan idin soo gudbin donaa insha alah.

    Muqdisho Juun 27, 2017 Maxkamadda ugu sarreysa dalka Mareykanka ayaa fasaxday in la dhaqangeliyo qeyb ka mid ah amarkii xayiraada socdaalka ee Trump inta ay maxkamaddu ka baaraandagaysa sharci ahaanshaha amarkaasi.

    Amarkaasi ayaa ka mamnucaya muwaadiniinta lix dal oo Muslimiin u badan oo ay Soomaaliya ku jirto inay u safraan Mareykanka muddo 90 maalmood ah. Wuxuu sidoo kale si ku meel gaar ah u hakinayaa barnaamijka qaabilaada qaxootiga muddo 12 maalmood ah.

    Amarkan ayaa waxaa horay u diiday maxkamadaha hoose ee Mareykanka, taasoo ku qaaday in Aqalka Cad uu racfaan ka qaato.

    Maxkamadda ugu sarreysaya ayaa haseyeeshee amarkan sheegtay inuusan khuseyn doonin ajaaniibta dalalkaasi ee ”xiriirka macuuqlglka ah” la leh Mareykanka, sida shaqo, waxbarasho ama xubnaha qoyskooda oo ku nool Mareykanka.

    Madaxweyne Trump ayaa amarkan ku tilmaamay guul cad , wuxuuna ku dooday in xayiraada ay ka difaaci doonto Mareykanka khatarta uga imaaneysa dalalkaasi.


    WARARKA MAANTA Juun 26, 2017

    Muqdisho Juun 26, 2017 Axmed Xaaji Cabdalla agaasimaha guud ee wasaarada boostada iyo isgaarsiinta ayaa u sheegay warbaahinta in cilad ku timid cable yaala badda kaas oo uu sheegay in markab jaray

    “cilad bixin ayaa socota todobaadna wu maqnaan doonaa “ayu yiri Abdalla

    Dadka Muqdisho ayaa internet la’aa 24 saac ee i dambeysay kadib markii cable go’ay ,waxaana at ku so aaday xili dabaaldaga ciida lagu jiro

    Dad badan ayuu saameeyey oo waayey xirirki eheladooda iyo iney isugu hambalyeeyaan warbaahinta bulshada.

    BoosaasoJuun 26, 2017 Dadka ku dhaqan deegaanyo Murcanyo oo qiyaastii 44 km u jirta degamada Caluula ee xeebaha Puntland ayaa ku soo waramaya inay arkeen Markab weyn oo ay u maleeyeen kuwa dagaalka oo qarxaya muddo ka dibna biyaha quusay.

    Qaar ka mid ah kaluumeysata iyo dadka deegaanka oo ay VOA-du la hadashay ayaa sheegay inay u maleynayaan in qaraxa uu ka dhex dhacay markabka oo nooca dagaalka ah.

    Waxey sheegeen in laba Markab oo kale oo kuwa dagaalka ah oo u soo gurmaday ay illaa iyo hadda taagan yihiin halka uu markabka ku degay oo Murcanyo u jirta ilaa iyo afar mile.

    Ma cadda waxa dhabta ah ee qaraxaasi uu ahaa, waxeyse dadka deegaanku sheegeen inuu aad u xooganaa.

    Kalluumeysata deegaanka ayaa walaac ka muujiyay waxa dhacay, iyagoo ka cabsi qaba saameynta deegaanka ay ka kaluumeystaan ay ku keeni karto, haddii sida ay sheegayaan uu noqodo Markab qarxay oo degay.

    Talyaani Juun 26, 2017 Tisbiyada mucaaradka garabka midig ee dalka Talyaaniga ayaa guulo la taaban karo ka gaaray doorashooyinkii heerka duqa magaalada ee Axaddii dhacday.

    Waxay ku guuleysteen maamulka magaalooyin dhowr ah oo dalkaasi ku yaalla, sida magaalo-dekadeedka Genoa, oo uu gacanta ku hayay xisbiga bidix dhexe in ka badan konton sano.

    Hoggaamiyaha xisbiga Forza Italia ee aqalka hoose ee baarlamaanka Renato Brunetta ayaa sheegay in tallaabadiisa ay haatan u sii gogol xaareyso inuu ku guuleysto doorashooyinka baarlamaaniga ah ee sannadka soo socda.

    Hoggaamiyaha xisbiga dimuqraadiga ah ee bartamaha-bidix iyo ra’iisalwasaarihii hore Matteo Renzi ayaa sheegay in natiijooyinka ay ahaayeen kuwo ka soo baxay magaalooyin yar.

    Muqdisho Juun 26, 2017 Opium oo ah waxa ugu badan ee laga sameeyo daroogada heroin ayaa ah midka ugu caansan ee Iiraan laga adeegsado

    Tirada dadka la qabatima daroogada ee dalka Iiraan ayaa labajibbaarantay lixdii sano ee la soo dhaafay, sida ay ku warrantay warbaahinta gudaha.

    Baaritaan ay sameeyeen koox daroogada la socota ayay ku ogaadee in 2.8 milyan oo ruux oo dalkaas ku sugan in ay si joogto ah u adeegsadaan daroogada.

    Opium oo ah waxa ugu badan ee laga sameeyo daroogada heroin ayaa ah midka ugu caansan ee Iiraan laga adeegsado, iyadoo dadka isticmaala ay gaarayaan 67%.

    Daroogada lagu sameeyo dalka ay dariska yihiin ee Afghanistan ayaa sare u kacday sannadihii u dambeeyay.

    Parviz Afshar oo u hadlay Ururka xakamaynta darooga ee DCO ayaa sheegay in marijuana iyo waxyaabaha laga hagaajiyo ay 12% ka yihiin darooga laga isticmaalo Iiraan.

    Maadada methamphetamine ee lagu mirqaamo ayaa iyadana lagu qiyaasay 8% ka tahay daroogada laga isticmaalo Iiraan.

    Saeed Safatian ayaa wakaaladda wararka ee IRNA u sheegay in laga yaabo in dadka darooga isticmaala ay xataa intaas ka sii badan yihiin.

    Afghanistan ayaa soo saarta 90% opium-ka adduunka laga isticmaalo.

    Iiraan ayaana inta badan marin u ah daroogada Afghanistan laga soo saaro ee loo wado qaaradda Yurub.

    Waxsoosaarka daroogada ee Afghanistan ayaa sare u kacday ka dib markii Maraykanka iyo xulafadiisu ay ciidammo u direen dalkaas sannadkii 2001dii, iyagoo ujeedadoodu ahayd in ay xukunka ka tuuraan Taliban ayna meesha ka saaraan al-Qaacida.

    Muqdisho Juun 26, 2017 Donadl Trump iyo xogahayaha arrimaha dibedda ee Mareykanka Rex Tillerson

    Madaxweynaha Mareykanka Donald Trump ayaa jibiyay caado muddo 20 sano soo jirtay markii uu diiday inuu martigeliyo casho sharafeed munaasabadda Ciidda awgeed.

    Aqalka Cad ayaa martigelin jiray munaasabaddan sanad kaste tan iyo markii uu Clinton ahaa madaxweynaha.

    Xoghayaha Arrimaha Dibedda ee Mareykanka, Rex Tillerson, oo wasaaradiisu lagu waday inay qabanqaabiso xafladan ayaa diiday, isagoon sharraxaad ka bixinin.

    Bishii May, ayaa wakaaladda wararka ee Reuters waxay ku warrantay in Mr Tillerson uu diiday talo uu soo jeediyay xafiiska Waaxda Arrimaha Dibedda u qaabilsan arrimaha diimaha oo ku taliyay in cashada Ciidul Fitriga la qabtaa sandkan sidii caadada ahaydba.

    Mr Trump ayaa horay loogu dhaliilay hadalladii ka dhanka ahaa Muslimiinta oo uu jeediyay intii lagu jiray ololihiisa doorashada sida inuu ku baaqay in basaasid lagu sameeya masaajidada Muslimiinta.

    Cashada habeenka Ciidda ee Aqalka Cad uu qaban jiray ayaa soo jirtay tan iyo sanaddii 1999, waxaana ka soo qeybgali jiray hogaamiyayaasha Muslimiinta caanka ah ee Mareykanka, diblomaasiyiin iyo mas’uuliyiin kale.

    Trump ayaa haseyeeshee, war qoraal ah oo uu soo saaray ugu hambalyeeyay Muslimiinta u dabbaaldageysa Ciidda. Waxa uu sheegay in munaasabadan ay “ina xasuusineyso ahmiyadda naxariista iyo samafalka`.

    Muqdisho Juun 26, 2017 Donadl Trump iyo xogahayaha arrimaha dibedda ee Mareykanka Rex Tillerson

    Madaxweynaha Mareykanka Donald Trump ayaa jibiyay caado muddo 20 sano soo jirtay markii uu diiday inuu martigeliyo casho sharafeed munaasabadda Ciidda awgeed.

    Aqalka Cad ayaa martigelin jiray munaasabaddan sanad kaste tan iyo markii uu Clinton ahaa madaxweynaha.

    Xoghayaha Arrimaha Dibedda ee Mareykanka, Rex Tillerson, oo wasaaradiisu lagu waday inay qabanqaabiso xafladan ayaa diiday, isagoon sharraxaad ka bixinin.

    Bishii May, ayaa wakaaladda wararka ee Reuters waxay ku warrantay in Mr Tillerson uu diiday talo uu soo jeediyay xafiiska Waaxda Arrimaha Dibedda u qaabilsan arrimaha diimaha oo ku taliyay in cashada Ciidul Fitriga la qabtaa sandkan sidii caadada ahaydba.

    Mr Trump ayaa horay loogu dhaliilay hadalladii ka dhanka ahaa Muslimiinta oo uu jeediyay intii lagu jiray ololihiisa doorashada sida inuu ku baaqay in basaasid lagu sameeya masaajidada Muslimiinta.

    Cashada habeenka Ciidda ee Aqalka Cad uu qaban jiray ayaa soo jirtay tan iyo sanaddii 1999, waxaana ka soo qeybgali jiray hogaamiyayaasha Muslimiinta caanka ah ee Mareykanka, diblomaasiyiin iyo mas’uuliyiin kale.

    Trump ayaa haseyeeshee, war qoraal ah oo uu soo saaray ugu hambalyeeyay Muslimiinta u dabbaaldageysa Ciidda. Waxa uu sheegay in munaasabadan ay “ina xasuusineyso ahmiyadda naxariista iyo samafalka`.

    https://www.youtube.com/watch?v=nrvkedgRNis

    #Ciid Wannaagsan #Ummadda Soomaaliyeed Iyo Muslimiinta Adduunka, waxaan idiin rajaynaynaa #cibaado suuban iyo #kheyr. #Amiin nala dhaha!
    عيد الفطر السعيد إلى الصوماليين والمسلمين في جميع أنحاء العالم أينما كانوا يعيشون.#
    #Eid AL-Fitri #EidFitri #EidMubarak
    #Happy #Eid to #Somalis and #Muslims around the #world wherever they live, and we #wish you #good #worship and #deeds


    WARARKA MAANTA Juun 24, 2017
    Su'aalaha Maanta: Ma og tihiin inuu Janaraal Maraykan ah General Weseley Clark horay u fashilay sababta Soomaaliya iyo waddamo badan loo burburinaayo? Maxay tahay sababta Wasiirka Warfaafinta uu ugu khasbayo warbaahinta in la qariyo sheegida iyo ha hadlida Xuquuqda Gobalka Banaadir? Ma waxuu umalaynayaa in la joogo barigii Xukuummaddii Kaligiis-Taliska ahayd ee ay dadka afka qaban jirtay si aysan xuquuqdooda uga hadlin? Mise Aftar wiil ee qabiilada yar yar ka yimid ayaa xuquuqda dadka Gobalka Banaadir cagta saari kara? Maxayse labada gole uga hadli layihiin sdii loo siin lahaa dadka ay xuquuqda ka maqan tahay inta wax aan jirin lagu mashquulinaayo Ummadda Soomaaliyeed?

    Ma khaa'inul waddan maa xaq iyo xuquuq ka sugaaysaan Shacabka Gobalka Banaadir? Mise Xaqiina Iyo Xuquuqdiina waxaa ku soo dhacsanaysaan sidii ay ka fursan wayso ileen haddii ay doqon kaa yara adkaato waxba kuuma hambayso!

    Muqdisho Juun 24, 2017 Guddiga Joogtada ah ee Golaha Shacabka Jamhuuriyadda Federaalka Soomaaliya ayaa kulan ay Muqdisho ku yeesheen waxa ay ku go’aamiyeen xiliga uu furmayo Kalfadhiga 2aad ee Golaha Shacabka.

    Kulanka Guddiga Joogtada ah waxaa shir guddoominayey ku simaha Guddoomiyaha ahna Guddoomiye ku xigeenka Labaad ee Golaha Shacabka Mudane Mahad Cabdalla Cawad waxaana looga hadlay ajandeyaal dhowr ah oo ay ugu horeyso mudeynta xiliga uu furmayo Kalfadhiga 2aad ee Golaha Shacabka maadaama ay Mudaneyaasha hada ku maqan yihiin fasaxooda Dastuuriga ah.

    Xoghayaha guud ee Golaha Shacabka Mudane C/kariin Xaaji Cabdi (Buux) oo ka hadlay qodobbada looga hadlay kulanka Guddiga Joogtada ah ee Golaha Shacabka ayaa sheegay in guddiga Joogtada ahi ay go’aamiyeen in furitaanka Kalfadhiga 2aad ee Golaha Shacabka loo mudeeyey in uu noqdo 08-July-2017 waxaana uu ku wargeliyey dhammaan Xildhibaannada Golaha Shacabka ee fasaxa ku maqan iney usoo diyaar garoobaan furitaanka Kalfadhiga 2aad ee Golaha Shacabka.

    Dhinaca kale Guddiga Joogtada ah waxa ay kulankooda uga hadleen howlaha horyaala Golaha iyo sida ay ukala muhiimsan yihiin waxaana howlahaasi ka mid ah ammaanka, dib u eegista miisaaniyadda, guda gelidda dhameystirka Dastuurka, dhameystirka sharciyadii ka yimid Baarlamaankii 9aad iyo qodobo kale.

    -DHAMMAAD—

    Uganada Juun 25, 2017 Maxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo dhiggiisa dalka Uganda Mudane Yoweri Kaguta Museveni ayaa caawa kulan ku yeeshay magaalada Kampala. Madaxweynayaasha ayaa ka wada hadlay xoojinta xiriirka labada dal iyo iskaashiga dhinacyada amniga iyo dhaqaalaha.

    Madaxweyne Farmaajo ayaa uga mahadceliyay dowladda iyo shacabka Uganda sida wanaagsan ee ay usoo dhaweeyeen qaxootiga Soomaaliyeed. Waxa uu sidoo kale xusay kaalinta aan marnaba la ilaawi karin ee ay Uganda ka geysatay nabad ilaalinta Soomaaliya.

    Madaxweynaha Uganda ayaa dhankiisa bogaadiyay hoggaanka cusub ee Dowladda Federaalka Soomaaliya iyo dadaalka dheeriga ee ay kula dagaallamayaan musuqmaasuqa, nabadgalyo xumada iyo faqriga. Wuxuu ballan qaaday in dowladdiisu ay taageero walaaltinimo la garab taagantahay Dowladda Federaalka Soomaaliya.

    Waxyaabaha lagu lafo guray kulankan ayaa waxaa kamid ahaa in dowladda Uganda ay taageerto qorshaha ay dowladda Soomaaliya ku dooneyso in ay ku biirto Bulshada Bariga Afrika, oo uu haatan Guddoomiye u yahay Madaxweyne Museveni.

    Waxaa la isla soo qaaday maxaabiista Soomaaliyeed ee ku jirtaa xabsiyada dalkan iyo sidii ay dowladda Uganda dib ugu eegi lahayd kiisaska loo haysto maxaabiistaas, xaaladaha cakiran ee ka jira gobolka, gaar ahaan Koonfurta Sudan iyo muran xuduudeedka soo cusboonaaday ee dowladaha Jabuuti iyo Eriteriya.

    Labada Madaxweyne ayaa isku afgartay dhammaan qodobadii ay isla soo qaadeen.

    Madaxweynaha Jamhuuriyadda waxaa kulankan ku wehliyay Wasiirka Gaashaandhigga Mudane Cabdirashiid Cabdullaahi Maxamed, Wasiiru Dowlaha Arrimaha Dibadda Mudane Cabdulqaadir Axmed-Khayr Cabdi iyo Safiirka Jamhuuriyadda Federaalka Soomaaliya ee dalka Uganda Mudane Sayid Axmed Sheekh Daahir.

    DHAMMAAD

    Muqdisho Juun 24, 2017 Wasiirka Arimaha Gudaha dowladda Federaalka Soomaaliya ayaa ugu baaqay Shacabka ku nool deegaanada Maamulka Puntland islamarkaana dalka Soomaaliya ay haatan ka jiraan qataro badan oo dhanka amniga ah taasina ay la qabto Puntland.

    Waxa uu sheegay in dowladda Soomaaliya ay muhiimada Koowaad siin doonto dadka Reer Puntland islamarkaana qorshuhu uu yahay in madaxda ugu sareysa dalka sida Madaxweyne Maxamed Cabdullaahi Farmaajo,uu yimaado Puntland gaar ahaan Magaalada Garoowe hadalkaas oo ay Shacabka Puntland aad u soo dhaweeyeen.

    Wasiirka Arimaha gudaha Soomaaliya Cabdi Faarax Siciid Juxa,ayaa ku sugan Magaalada Garoowe ee Xarunta Gobolka Nugaal,waxana haatan uu wadaa kulamo uu la qaadanayo madaxda ugu sareysa Maamulka puntland.

    Sacuudiga Juun 24, 2017 Sacuudi Carabiya ayaa xirtay xadkii kali ahaa ee dhul ee ay Qadar lahayd

    Afar dal oo Carbeed ayaa dawladda Qadar ka dalbaday liis ay ku qoran yihiin 13 dalab oo ay waajibtahay in ay fuliyaan haddii ay rabto in laga qaado xayiraadda ay saareen, sida ay wakaaladuhu ku warramayaan.

    Sacuudi Carabiya, Masar, Isutagga Imaaraadka Carrabta iyo Baxrayn ayaa waydiisanaya Qadar in ay xirto oo albaabada u laabto warbaahinta Al-Jazeera.

    Waxaa kale oo ay qadar waydiisteen in ay yarayso calaaqaadka ay Iiraan la leedahay, ayna xirto saldhiga uu Turkigu ku leeyahay Qadar, shuruudahaas oo dhanna ay ku fuliso muddo 10 maalmood gudahood ah.

    Dawladda Qadar ayaa diiday in ay maalgaliso argagixisada iyo in ay dhiirigalinayso degenaansho la’aanta gobolka. Waa Qalalaasihii ugu xumaa ee soo mara Khaliijka muddo sanado ah

    Qadar ayay labo toddobaad saaran tahay xayiraad dhaqaale iyo mid dublamaasiyadeed, arrintaas oo aan la filaynin ayaa noqotay culayskii ugu waynaa ee dalalka Khaliijka ka dhacda muddo tobannaan sano ah.

    13ka Shuruudood ee lagu xiray dalka Qadar

    urkiga ayaa saldhig milatari ku leh dalka Qadar

    Sida ay ku warantay wakaaladda wararka ee AP, shuruudahan ayaa lagu xiray Qadar:

    • Inay xiriirka oo dhan u jarto kooxda Ikhwaanu Muslimiinka oo dalalka kale ee Carabta laga mamnuucay

    • Inay si deg deg ah u xirto xarunta milatariga ee uu Turkiga ka dhisayo gudaha Qadar, xiriirka wadashaqeynta milatari-na ay u jarto dalkaasi.

    • Inay xirto telefishinka Al Jazeera iyo laamaha warbaahineed ee xiriirka la leh.

    • Inay u diido inay dhalasho siiso muwaadiniinta afarta dal ee xiriirka u jartay, kuwa hadda joogana ay dalkeeda ka ceyrsio. Waxay sheegeen in taasi ay horseedi doonto in Qadar aysan faragelin ku sameyn arrimaha daakhiliga ee dalalkaasi.

    • Inay dalalkaasi ku soo wareejiso shakhsiyaadka loo hayssta inay ku kaceen falal argagixisnimo ee dalkeeda ku nool.

    • Inay joojiso maalgelinta kooxaha ay Mareykanku ku sheegay inay yihiin argagixiso.

    • Inay macluumaad badan ka bixiyaan kooxaha mucaaradka ee ay Qadar maalgelisay ee ku kacsan sacuudiga iyo dalalka kale.

    • Inay joojiso maalgelinta kooxaha mucaaradka ku ah dalalka Sacuudiga, Imaaraadka, Masar iyo Baxrayn.

    • Inay u dhaqanto si waafqasan danaha dhaqaale iyo siyaasadeed ee dalalka ku jira Golaha Khaliijka.

    • Inay joojiso si dadban u maalgelinta warbaahinta sida Carabiya21 iyo Middle east Eye

    • Inay bixiso lacag ganaax ah oo aan la sheegin caddadeeda oo ah magdhawga saameynta ka dhalatay siyaasadaha kahladan ee ay Qadar ku dhaqmeysay muddo sanado ah.

    • Inay 10 maalmood gudahood ku aqbasho dallabaadkan.

    • Inay aqbasho baaritaanno iyo dabagal joogt ah oo lagu eegayo sida ay u fulineyso dalabaadkan bilaha iyo sanadaha soo socdo.


    Shuruudahan ayaa lagu dhawaaqay ka dib markii Wasiirka Arrimaha Dibadda ee Maraykanka Rex Tillerson uu dalalka ay Qadar dariska yihiin ugu baaqay in dalabkoodu uu noqdo mid “sabab leh oo wax laga qaban karo”.

    Saxafiyiintu waxay sheegayaan in jahwareer uu haysto Maraykanka oo raadinaya siddii uu ku xallin lahaa khilaafkan, taas oo ka dhalatay wakhtiga ay qaadatay in Sacuudiga iyo dalalka kale ay si rasmi ah u soo gudbiyaan waxa ay dalbanayaan.

    arunta telefishinka fadhigiisu yahay Qadar ee Al Jazeera.



    In ka badan 800 oo guryo ah oo ku yaalla degmada Camden, ee waqooyiga London, ayaa dadkii deganaa laga saaray iyadoo sabab looga dhigay badqabkooda.

    Waxay ka dambeysay dabkii ka kacay dhismo ku yaalla waqooyiga London oo ay dadka badani ku dhinteen.

    Dowladda hoose ee Camden ayaa sheegtay in dadka deggan shan guri oo ka tirsan shan dabaq oo ku yaalla deegaanka Chalcots iyagana laga saari doono dhawaan.

    Derbiyada iyo safiitooyinka dhismayaasha dadka laga saaray ayaa la sheegay inay la mid yihiin kuwa dhismihii Grenfell Tower ee gubtay.

    Dowladda UK oo baaritaanno ku sameysay daaraha dhaadheer ee dabka u nugul

    Guud ahaan 79 qof ayaa laga cabsi qabaa inay dhinteen kaddib dabkii dhismaha Grenfell.

    Dowladda hoose ayaa sheegtay inay baaritaan joogto ah ku sameyn doonto dhismayaasha si ay u hubiso badqabka dadka deggan.

    Shaqada baaritaannada guryaha ayaa la filayaa inay qaadato muddo saddex ilaa afar toddobaad ah.

    Wiil Soomaali ah oo ka badbaaday dabka

    Sacuudiga Juun 24, 2017 Wasaarada arrimah gudaha ee dalka Sacuudi Carabiya ayaa sheegtay in ciidamada ammaanka ee dalkaasi ay fashiliyeen waxa ay ku tilmaameen argagixiso qorshaynaysay in ay bartilmaameedsadaan misaajidka barakaysan ee Makka.

    Wasaarada arrimaha gudaha ee Sacuudi Carabiya ayaa sheegtay in dhisma uu ku jiray qofka weerarka fulin rabay ay ciidammada hareereeyeen kadibna uu is qarxiyay.

    Dhismaha ayaa burburay waxaana ku dhaawacmay 11 qof oo ay ka mid yiihiin askar booliiska ka tirsan .

    Shan qof oo mintidiin ah oo looga shakisan yahay weerarka ayaa xabsiga loo taxaabay sida ay sheegeen saraakiisha.

    Malaayiin qof oo Muslimiin ah oo ka kala timid daafaha caalamka ayaa isugu soo uruuray magaalada Makka dhamaadka bisha barakaysan ee Ramadaanka si ay u cumreystaan.

    Saraakiisha Sacuudiga ma bixin faahfaahin ku aadan weerarkan la fashiliyay.

    Sacuudi Carabiya ayaa sanadihii u danmbeeyay waxa soo maray weeraro is xig-xiga oo ay dad ku dhinteen , qaar badan oo ka mid ah weeraradan waxaa sheegataay kooxda la magac baxday Dowladda Islaamka.

    Weeraradaas ayaa waxa inta badan lala bartilmaameedsaday dadka Shiicada ah ee looga tirda badan yahay dalkaasi iyo ciidammada ammaanka.

    Bishii July 2016, afar ka tirsan ciidamada ammaanka ayaa lagu dilay weerar ismiidaamin ahaa oo lagu qaaday meel u dhaw masaajidka barakaysan ee Madiina

    Maamulka Koonfur Galbeed Juun 24, 2017 Maamulka Koonfur Galbeed Soomaliya ayaa soo dhaweeyay Talaabadda Dowladda Mareykanka ay qaaday ee ku aadan in laga saaray Sheekh Mukhtaar Roobow Abuu Mansuur Liiska Argagaxisada.

    Wasiirka warfaafinta ee Koonfur Galbeed Mudane Xasan Cabdi Maxamed oo la hadlay warbaahinta ayaa sheegay in ay soo dhaweynayaan go’aanka dowladda Mareykanka ee loogu saaray liiska Argagaxisada Sheekh Mukhtaar Roobow Abuu Mansuur oo deegaan ahaan kasoo jeeda Koonfur Galbeed Soomaliya.

    Wuxuu sheegay in Sheekh Mukhtaar Roobow Abuu Mansuur uu yahay shaqsi dhex-dhaaxd islamarkaana jecel dalkiisa iyo dadkiisa balse ay marin habaabiyeen hogaamiyayaasha sare iyo Xarakada Al-shabaab.

    “Qoraalka ku aadan in Sheekh Mukhtaar Roobow Abuu Mansuur laga saaray liiska Argagaxisada, waxaan ku araknay baraha bulshada, dabagal ayaan ku saameenay waxaa noo cadaadatay in liiska Argagaxisada, laga saaray, runtii Roobow wax dhibaato ah oo haatan la sheegi karo kuma haynin deeganada Maamulka koonfur Galbeed soomaliya, waa shaqsi aad u jecel dadkiisa iyo dalkiisa waana soo dhaweynayaa go’aanka dowladda Mareykanka”, ayuu yiri Wasiirka warfaafinta ee Koonfur Galbeed.

    Sidoo kale Wasiirka warfaafinta ee Koonfur Galbeed Mudane Xasan Cabdi Maxamed ayaa sheegay in haatan aysan soo gaarin warar ku aadan in Muqtaar uu ku wajahan yahay Magaalada Baydhabo balse ay waqti walba ay soo dhaweynayaan haduu yimaado, madaama uu yahay shaqsi kasoo jeeda deeganada Koonfur Galbeed Soomaliya.

    Dowladda Mareykanka ayaa ka saartay Sheekh Mukhtaar Roobow Abuu Mansuur Liiska Argagaxisada, waxaa la rumeysan yahay in ciidamo uu hogaaminayo oo gaaraya 600-askari in ay ku sugan yihiin duleedka Magaalada Baydhabo ee Caasimadda KMG ah Maamulka koonfur Galbeed Soomaliya.

    Carabta Juun 24, 2017 Qadar ayaa waxaa muddo laba todobaad ah saaran go’doomin

    Dowladda Maraykanka ayaa ku tilmaamtay xiisadda sii socota ee u dhexeysa dalka Qadar iyo waddamo kale oo Carab ah, in ay tahay mid salka ku haysa “arimo qoys”.

    Afhayeenka Aqalka Cad ee Maraykanka looga arimiyo, Sean Spicer, ayaa hadalkan sheegay mar uu la hadlayay weriyayaal ku sugnaa Washington.

    “Waxaan rumaysannahay in khilaafkan uu u dhexeeyo qoys, afarta dal ee is-hayana waxaa looga baahan yahay in ay gaaraan xal dhexdooda ah,” ayuu yiri Spicer oo intaa raaciyay, “haddii ay gacan nooga baahan yihiin diyaar ayaan u nahay, balse waa in ay xalka gaaraan.”

    Qadar ayaa waxaa go’doomiyay xulafo uu horkacayo Sacuudiga, waxaana loo soo bandhigay 13 dalab oo ay tahay in ay fuliso xukuumadda Dooxa, si looga qaado cunaqabateynta. Waxaa shuruudahaasi ka mid ah in Qadar ay xirto warbaahinta Al Jazeera, ayna xiriirka u jarto Iran.

    Dalalka uu u dhexeeyo khilaafkan ayaa dhammaantood xiriir dhaw la leh Maraykanka, xoghayaha arimaha dibedda ee dalkaasina weli kama uusan hadlin shuruudaha lagu xiray Qadar.

    Puntland State Juun 24, 2017 Wasiirka wasaarada kaluumaysiga iyo khayraadka bada Somaliland Cali jaamac Faarax (CaliBuureed) ayaa gaaray Magaalada Qardho ee Gobolka Bari ee Puntland.

    Wasiir Cali oo watay ciidan ilaalo ah oo aad u faro badan ayaa safarkiisa ka soo bilaabay Magaalada ceerigaabo wuxuuna safar dhulka ah ku soo maray deegaano badan oo puntland ah gaar ahaan gobalada ay puntland ula baxday hayland iyo karkaar sida Magaalooyinka baraagaha , Xilgalool , Dhahar, xeradaamuudal, sanjilbo iyo magaalada Qardho oo uu ugu danbayn wasiirku soo gaaaray sida ay sheegtay Warbaahinta ka Howlgasha Degaanada Puntland.

    Cali Buureed ayaan la kulmin intii uu safarkiisa ku jiray cid ka tirsan maamulka puntland oo wax ka waydiisay ujeedka safarkiisa iyo sababta uu qardho u yimid, waxaana uu degay markii uu gaaray magaalada Qardho hotelka caanka ee Ala’aamin kaas oo ku yaal faras magaalaha islamrkaasna ah goob inta badan lagu falanqeeyo arimaha siyaasada Puntland.

    Waxaana sida la sheegay uu dib ugu laabtay labo beri kadib habeenkii xalay Magaalada dhahar oo iyaduna ah Magaalo Puntland,Maamusho,waxaana Warbaahinta Puntland ay qoreysaa in Puntland ay ku baraarugtay markii uu dib ulaabtay Wasiirka Kaluumeysiga Somaliland.

    https://www.youtube.com/watch?v=9RC1Mepk_Sw

    WARARKA MAANTA Juun 23, 2017
    Su'aalaha Maanta: Maxay tahay sababta ku kaliftay 138 xildhibaaan inay mooshin ka keenaan Khaa'inul Waddan Raysal Wasaare Mudane Xassan Cali Kheyre oo horay agaasime uga soo noqday Shirkadda Soma Oil and Gas oo si khiyaano ah ay u furteen niman shihseeye ah oo rabay inay si bareer ah u dhacaan khayraadka dabeeciga ah ee Illaahay ku mannaystay Ummadda Soomaaliyeed? Ma waxuu u malaynayey inuu runta ka qarin karo Ummadda Soomaaliyeed iyo musuqmaasuqa saamiga been-abuurka ee $ 2 milyan taasoo uusan wax lacag $ 2 milyan ah uusan ku darsan shirkadda Some Oil and Gas, xaqiiqdana tahay inay si Ummadda Soomaaliyeed loo khiyaameeyo uu raali ka ahaa inuu ka saami been-abuur ah oo $ 2 milyan si qof Soomaali ahaan ah uu u matalo shirkadda ay aasaaseen laba nin oo si weyn loo ogyahay been iyo been-abuurka ay ku shaqaystaan isla-markaasna ay raad raadiyaan dadka saamiley ah!
    Xaqiiqda waxay tahay shirkadda Some Oil and Gas oo been lagu aasaasay isla-markaasna Hay'adda Dembi-baarista Musuqmaasuqa ee dalka UK ay baaritaan gelisay ayaa weli waxay u hanqal taagaysaa inay si sharci-darro ah 90% ku hannato kheyraadka saliida ee Illaahay ku mannaystay Ummadda Soomaaliya.
    Dalalka Carabta Juun 2, 2017
    Sacuudi Carabiya ayaa xirtay xadkii kali ahaa ee dhul ee ay Qadar lahayd
    Afar dal oo Carbeed ayaa dawladda Qadar ka dalbaday liis ay ku qoran yihiin 13 dalab oo ay waajibtahay in ay fuliyaan haddii ay rabto in laga qaado xayiraadda ay saareen, sida ay wakaaladuhu ku warramayaan.
    Sacuudi Carabiya, Masar, Isutagga Imaaraadka Carrabta iyo Baxrayn ayaa waydiisanaya Qadar in ay xirto oo albaabada u laabto warbaahinta Al-Jazeera.
    Waxaa kale oo ay qadar waydiisteen in ay yarayso calaaqaadka ay Iiraan la leedahay, ayna xirto saldhiga uu Turkigu ku leeyahay Qadar, shuruudahaas oo dhanna ay ku fuliso muddo 10 maalmood gudahood ah.
    Dawladda Qadar ayaa diiday in ay maalgaliso argagixisada iyo in ay dhiirigalinayso degenaansho la’aanta gobolka.
    Qadar ayay labo toddobaad saaran tahay xayiraad dhaqaale iyo mid dublamaasiyadeed, arrintaas oo aan la filaynin ayaa noqotay culayskii ugu waynaa ee dalalka Khaliijka ka dhacda muddo tobannaan sano ah. Shuruudahan ayaa lagu dhawaaqay ka dib markii Wasiirka Arrimaha Dibadda ee Maraykanka Rex Tillerson uu dalalka ay Qadar dariska yihiin ugu baaqay in dalabkoodu uu noqdo mid “sabab leh oo wax laga qaban karo”.
    Saxafiyiintu waxay sheegayaan in jahwareer uu haysto Maraykanka oo raadinaya siddii uu ku xallin lahaa khilaafkan, taas oo ka dhalatay wakhtiga ay qaadatay in Sacuudiga iyo dalalka kale ay si rasmi ah u soo gudbiyaan waxa ay dalbanayaan.
    Maamulka Galmudug Juun 23, 2017 Maamulo Maamulka Galmudug ee Bartamaha Soomaaliya ayaa sheegaya in Ciidamada Nabad Sugidda ee ka howlgala Galmudug ay Saakay Cagta mariyeen Isbaarooyin Dhowr ah oo Dadka iyo Gaadiidka lagu dhibaateyn jiray islamarkaana lagu qaadi jiray Lacago Sharci daro ah.
    Isbaarooyinka la qaaday ayaa gaarayay illaa 7 Isbaaro,waxaana laga qaaday inta u dhaxeysa Galinsoor iyo Mareergur oo ka wada tirsan Gobolka Galgaduud.
    Qaar kamida Odayaasha ku nool Degaanka Godinlabe ee Gobolka Galgaduud oo qeyb ka ah Howlgalka lagu qaaday Isbaarooyinka ayaa sheegay in Goobihii laga qaaday Isbaarada ay la wareegeen Ciidamada Galmudug.
    inta badan Maleeshiyaad aan ka amar qaadan Galmudug ayaa Isbaaro Sharci daro ah dhigta Degaanada uu Maamulo Maamul Goboleedka Soomaaliyeed ee Galmudug.
    Maraykanka Juun 23, 2017 Dawladda Maraykanka ayaa joojisay hilibkii looga soo dhoofin jiray dalka Brazil ka dib markii ay soo noqnoqotay walaaca laga qabo badqabka hilibkaas loogu talogalay suuqyada Maraykanka.
    Dalal dhawr ah ayaa bishii saddexaad ee sannadkan mamnuucay hilibkii Brazil uga iman jiray, ka dib markii dacwad oogeyaal ay sheegeen in la laaluushay saraakiishii caafimaadka ee xaallada hilibka la sosocan lahayd.
    Masuuliyiintaas caafimaadka ayaa laaluushka loo siiyay si ay u sheegaan in tayada hilibku uu wanaagsan yahay oo ay gaarsiisan tahay heerkii lagu iibgayn lahaa.
    Maraykanku markaas ma mamnuucin hilibkii Brazil, laakiin wuxuu amray in baaritaan lagu sameeyo dhamman hilibka laga soo dhoofiyo dalka Brazil.
    Hadda ayuu dalku sheegay in qaar badan oo ka mid ah hilibka Brazil uu ka hooseeye heerkii badqabka ee lagu quudan karay.
    Xukuumadda Maraykanka ayaa tan iyo bishii saddexaad diiday in uu dalka soo galo 860,000 kg oo hilibka Brazil ah, iyadoo lagu sababeeyay walaac laga qabo in hilibkaasi uu wax u dhimo caafimaadka bulshada, xaaladda nadaafadeed ee hilibka oon wanaagsanayn iyo caafimaadka xoolaha la soo qalay..
    Jubbaland State Juun 23, 2017 Puntland ayaa sheegtay in ay xoojineyso ammaanka inta lagu guda jiro maalmaha Ciida iyo dhammaan goobaha lagu tukanayo saalada ciida.
    Golaha Wasiirada maamulka Puntland oo kulan yeeshay ayaa kulankooda waxa ay kaga hadleen adkeyna amniga iyo qoddobo kale.
    War-murtiyeed laga soo saaray kulankan ayaa lagu sheegay in aysan jirin khatar amni oo weyn degaanda Puntland, hase yeeshee amarada cusub ay la xiriirto sidii looga hortagi lahaa falal ay soo maleegaan Shabaab.
    “Shacabka Puntland waa inay ka dheeraadaan buun buuninta wararka been-abuurka ah ee cadawga Puntland sheegaan, waxayna golluhu caddeeyeen in dhammaan degaamadda Puntland aysan ka jirin wax khatar amni ah” ayaa lagu yiri War-murtiyeedkii ka soo baxay shirka Golaha Wasiiradda
    Madaxweynaha Puntland C/wali Maxamed Cali (Gaas) wuxuu golaha u sheegay in la xoojin-doono isku xirka xogta shacabka iyo dhammaan laamaha sirdoonka dalka si buu yiri looga hortago cadowga Puntland, loogana feejignaado kuwa ku dhumaaleysta magaalooyinka Puntland.
    Jubbaland State Juun 23, 2017 Guddoomiyaha gobolka Jubbada Hoose C/rashiid Cali Gooni ayaa sheegay in ay u diyaar garoobeen dagaal ka dhan ah ururka Al-shabaab, islamarkaana dhowaan ay qaadi doonaan guluf colaadeed oo ka dhan ah Shabaab.
    Waxa uu sheegay Guddoomiyaha ujeedadooda in ay tahay sidii ay u xoreyn lahaayeen degaanada Jubbaland gacanteeda ka maqan, taasina ay si aad ah ugu diyaar garoobeen.
    Sidoo kale Guddoomiye C/rashiid ayaa sheegay in ay ku qasban yihiin Shabaab in ay ka saaraan degaanada iyo degmooyinka ay ka joogaan Jubbaland, si shacabka ay u helaan xasilooni waarta.
    C/rashiid Cali Gooni Guddoomiyaha gobolka Jubbada Hoose ayaa dhanka kale sheegay shaqada rasmiga ah ee Jubbaland in ay bilaabaneyso marka la xoreeyo degaanada ay gacanta ku hayaan Shabaab.
    Al-shabaab ayaa gacanta ku haya degaano iyo degmooyin ka tirsan Jubbaland, iyaga oo sidoo kale mararka qaar weerara fariisimaha Ciidamada Jubbaland iyo kuwa AMISOM ee halkaasi ku yaalla.
    Brussels Europe Juun 23, 2017 Madaxweynaha Midowga Yurub Donald Tusk iyo R/wasaaraha Britain Theresa May
    Hogaamiyayaasha Midowga Yurub oo ku shiraya Brussels waxay sheegeen in ay go’aan ku gaareen in ay yeeshaan iskaashi intii hore ka dhow oo difaaca ah.
    Gudoomiyaha guddiga reer Yurub Jean-Claude Juncker wuxuu sheegay in hogaamiyayaashu ay garawsadeen baahida ah in ay aad sare ugu qaadaan gaashandhigooda,haddii ay Yurub dooneyso in ay wajahdo heer Maraykanka.
    Hogaamiyaha dalka Jarmalka Angela Merkel oo iyaduna gaartay magaalada Brussels oo uu ka dhacayo shirwaynaha Midowga Yurub ayaa sheegtay in arrinta ugu wayn ee laga wadaxaajoonayo ay tahay ka bixitaanka Britain ee Midowga Yurub
    Waxaa sidoo kale si cad diirada loo saarayaa mustaqbalka 27-ka dal ee ku harray Midowga Yurub.
    Waxa ay sheegtay in ay rajaynayso in natiijooyiin lataaban karo ay ka soo baxaan hanaan dhanka gaashaandhiga ah. waxa ayna bogaadisay hal abuurnimada madaxwaynaha cusub ee faransiiska Emmanuel Macron.
    Dhankakale Ra’isalwasaaraha Britain Theresa May ayaa ka qeybgaleysa shirka Brussels markii u horeysay tan iyo markii xisbiga muxaafdka ee Britain uu waayey aqlabiyadii uu barlamaanka ku lahaa kadib doorashadii guud.
    Ms May waxay shirkaasi ku soo bandhigi doontaa aragtida ay ka qabto xuquuqda muwadiniinta Midowga Yurub ee Britain ku nool iyo qodobo kale.
    Madaxda Yurub ayaa wali ku sii qulqulaya Brussels hase ahaate guddoomiyaha guddiga sare ee Midowga Yurub Donald Tusk war qoraal ah oo uu soo saaray wuxuu ku sheegay in ay suuroobi karto in Britain aysanba kaba bixin Midowga Yurub
    Uganda Juun 23, 2017 Magaalada Kampala ee caasimadda dalka Uganda maanta waxaa lagu soo gaba gabeynayaa shirka looga hadlayo arrimaha Qaxootiga, kaasi oo shalay ka furmay halkaasi.
    Madaxda shirkan ka qeyb galeysa waxaa ka mid ah Madaxweynaha dalka Gani Alfa Victor Okong’o, Madaxweynaha wadanka Gabon Ali Bongo, Madaxweynaha Soomaaliya Maxamed C/laahi (Farmaajo), kan Zambia Edgar Lungu, Ra’iisul Wasaaraha Itoobiya Hailemariam Desalegn, Xoghaya Guud ee QM Antonio Gutters iyo madax kale.
    Dhinacyada shirkan ka qeyb galaya ayaa waxa ay isla garteen muhiim in ay tahay in wax loo qabto Qaxootiga, si aysan u dareemin midab takoor iyo cidlo.
    Madaxweynaha Soomaaliya Maxamed C/laahi Maxamed (Farmaajo) ayaa sheegay shirkan in muhiimad gaar ah uu u leeyahay Soomaaliya, lagana doonayo shacabka Soomaaliyeed in ay cashar ka qaataan dadkan Qaxootiga ah ee ku dhaqan Uganda.
    Uganda ayaa iminka martigelineysa Hal Milyan iyo Laba Boqol oo Kun oo Qaxooti ah, waxaana ay fileysaa in ay uruuriso lacag dhan Laba Bilyan oo Dollar, taasi oo lagu caawinayo Qaxootiga labada sanadood ee soo socota.
    Gaba gabada shirkan ayaa waxaa laga soo saari doonaa War-murtiyeed, kaas oo muujinaya wax u qabashada dadka Qaxootiga ah ee ku nool dunida, gaar ahaan kuwa Uganda.
    Maraykanka Juun 23, 2017 Madaxweyne Donald Trump ayaa beeniyey inuu duubay wadahadaladii dhexmaray isaga iyo agaasimihii hore ee FBI-da ee uu shaqada ka eryey inkastoo uu hore u muujiyey Trump inuu duubay wadahadalada.
    Bilooyin kadib caqabado iyo cadaadis ku aadan in cajaladaha lasoo gudbiyo ayaa Trump fariin u baraha bulshada ee twitterka uu ku baahiyay wuxuu ku sheegay inuusan ogeyn in duubitaan caynkaasi ah uu jiro,Laakinse aanu isagu waxba duubin.
    Qoraalkii ugu horeeyay ee u Madaxweynaha ku baahiyey baraha bulshada ay ku xiriiraan ee Twitter-ka ayaa noqotay mid muran badan dhalisay kadib markii shaqada u ka eryey hogaamiyihii hore ee FBI-da. Arrimahaas oo lala xiriinayo eedaha ku aadan faragelinta Ruushka ee doorashada Maraykanka
    Maraykanka Juun 23, 2017 Maxkamada dastuurka ee dalka Koonfur Africa ayaa go’aaamisay in gudoomiyaha baarlamaanka ay awood u leedahay in ay go’aan ka gaarto in mooshinka kalsooni kala-noqoshada madaxwayne Jacob Zuma codaynta loo dhiibanayo si qarsoodi ah iyo in kale.
    Maxkamada dastuuriga ayaa sheegtay in afhayeenka baarlamaanka ay xaq u leedahay in ay amarto tilaabadasi. Waxa ay sheegtay in xeerka baarlamaanka aysan ka mid ahayn arintani.
    Gudoomiyaha barlamaanka ayaa horay u sheegtay inaysan lahayn awood ay mooshinka go’aan kaga gaarto
    Mucaaradka ayaa waxa ay ku baaqeen in codadka loo dhiibto si qarsoodi ah ,balse waxaa arintaasi diiday gudoomiyaha baarlamaanka Baleka Mbete oo qudheeda ka mid ah saraakiisha sarsare ee xisbiga ANC.
    Mr Zuma ayaa waxa lagu eedeeyay in uu ku lug lahaa tiro fadeexado musuqmaasuq ah ,hasa yeeshee waxa uu ka badbaaday dhowr jeer oo loo qaaday codka kalsooni kala noqoshada
    Bilihii aynu soo dhaafnaya Madaxweyna Zuma ayaa cadaadis weyn oo dhanka siyaasadda wajahayay, iyadoo hogaamiyayaasha mucaraadka, ururada shaqaalaha, kooxaha diimaha iyo bulshada rayidka ah ay bilaabeen isbahaysi cusub oo ay ku khasbayaan Madaxweyne Zuma inuu xilka ka dego.
    Isbahaysigan oo isku sheegay dhaqdhaqaaqa xoriyadda waxaa taageeray baadariga weyn ee Desmond Tutu.

    WARARKA MAANTA Juun 22, 2017

    Su'aalaha Maanta: Maxay Golaha Xildhibaanadda u ridi rabaa Raysal Wasaare Mudane Xassan Cali Kheyre “Bakhti-Raamsade” oo la kashifay khaa'inul waddan inuu yahay oo si sharci-darro ah ulaha shaqeeyey Hay'adda Soma Oil and Gas oo ay aasaaseen laba nin oo calooshood u-shaqaystayaal Shisheeye ah taasoo uu si been-abuur ah ugu darsaday $ 2 milyan oo doolar oo aan sal iyo raad lahayn kadibna markii uu ogaaday inay baaris xooggan ku socoto, wuu iska-casilay waayo xaqiiqda ayaa la kashifay marka nin khaa'inul waddan ah oo la xaqiijiyey Ummadda Soomaaliyeed ma sii hoggaamin doono marka inta aan qadaadka la qaban sidii Raysal Wasaarayaashii hore waa innuu is-casilaa haddii kale asagoo ooynaaya ayuu albaabka ka bixi doonaa.

    Uganda Juun 22, 2017 Magaalada Kampala ee xarunta dalka Uganda maanta waxaa ka furmaya shir looga hadlayo arrimaha Qaxootiga, sida horeyba loo sii shaaciyay.

    Magaalada Kampala ee dalka Uganda shalay waxaa tagay Madaxweynayaasha dalalka Guinea Alfa Victor Okong’o, Madaxweynaha wadanka Gabon Ali Bongo, Madaxweynaha Soomaaliya Maxamed C/laahi (Farmaajo), kan Zambia Edgar Lungu, Ra’iisul Wasaaraha Itoobiya Hailemariam Desalegn iyo Xoghaya Guud ee QM Antonio Gutters.

    Madaxweyne Farmaajo, ayaa waxaa booqashadan ku wehlinaya masuuliyiin ay ka mid yihiin Wasiirka Gaashaandhigga, Wasiiru Dowlaha Arrimaha Dibadda iyo Xildhibaano labada Gole ka tirsan.

    Madaxdan ayaa dhammaantood iyo Madaxweynaha martida loo yahay Yoweri Musseveni ayaa ka qeyb galaya shirweyne laba maalmood soconaya oo taageero iyo isbar bar taag loogu sameynayo Qaxootiga.

    Shirkan ayaa magaalada Kampala waxaa uu ka furmayaa maanta oo 22-ka Juun ay Taariikhdu tahay, waxaana la soo gaba gabeyn doonaa berri oo 23-ka Juun ay ku beegan tahay, sida ay sheegeen qaban qaabayaasha shirkan.

    Uganda ayaa iminka martigelineysa Hal Milyan iyo Laba Boqol oo Kun oo Qaxooti ah, waxaana ay fileysaa in ay uruuriso lacag dhan Laba Bilyan oo Dollar, taasi oo lagu caawinayo Qaxootiga labada sanadood ee soo socota.

    Madaxweynaha Soomaaliya Maxamed C/laahi Maxamed (Farmaajo) ayaa marka uu shirkan soo idlaado waxaa uu la kulmi doonaa qaar ka tirsan Madaxda shirkaasi ka soo qeyb gashay, isaga oo kala hadli doona sidii taageero buuxda loogu muujin lahaa Soomaaliya.

    Muqdisho Juun 22, 2017 magaaladda Muqdisho ka soconaya olole ay wadaan ku dhawaad 130 xildhibaan kaas oo ay ku doonayaan iney ku ridaan RW Xasan Cali Kheyre iyo Golihiisa Wasiirada. Xogta ay Baahin.com heleyso ayaa sheegeysa in afar garab oo xildhibaanadda ah ay isku baheysanayaan iney RW Kheyre xilka ka tuuraan bisha July ee soo socota markaas oo uu furmi doono kalfadhiga barlamaanka.

    Garbayadda ugu waa weyn ee arintan wada waxaa kamid ah Xildhibaano Saaxiib la ahaa MD Farmaajo laakiin Wasiir noqon waayay, Xildhibaano uu horboodayo Cumar C/Rashiid oo ka xun go’aankii dowladda ee Khilaafka Carabta, Kooxdii Daljir ee dooratay MD Farmaajo, Damu-jadiid iyo garab kale oo uu hogaaminayo gudoomiye Jawaari.

    Jahwareer siyaasadeed ayaa ka jirta madaxtooyadda, xili madaxweyne Farmaajo uu dadaal xoogan ku bixinayo inuu ka hortago qorshaha ay xildhibaanada ku diidan yihiin RW Kheyre.

    RW Kheyre ayaa la ogaanayaa inuusan saaxiibo badan ku laheyn Xildhibaanada kadib markii uu dhumiyay kalsoonida xildhibaanadii ay isku beesha ahaayeen oo ay isku khilafsan yihiin arinta Maqaamka G.Banaadir.

    Muqdisho Juun 22, 2017 Askari Boolis ah oo lagu Magacaabo Maxamuud Axmed Toosoow ayaa Saakay lagu Dilay Xaafadda Dabakaayo Madow Ee Degmada Dharkeynley ee Gobolka Banaadir.

    Goobjoogeyaal ayaa sheegay in Kooxdii Dishay Askariga ay horay uga sii qaateen Qorigii uu watay,kuwaas oo Goobta ay wax ku dileen ka baxsaday.

    Wax yar ka dib ayaa waxaa Goobta yimid Ciidamo ka tirsan kuwa Dowladda Soomaaliya oo halkaas ka qaaday Meydka Alle ha u Naxariistee Askarigii Toogashada lagu dilay.

    Dhowr Jeer ayaa Gudaha Magaalada Muqdisho waxaa ka dhacay Dilal Nuucaan oo kale ah,iyadoo Askar lagu dilay Muqdisho laga qaatay Qoryahoodii.

    Muqdisho Juun 22, 2017 Wasiiro ka tirsan Dowladda Federaalka Soomaaliya oo tagay Bangiga dhexe ee Xamar ayaa sheegay in Xukuumada Soomaaliya ay bixisay Mushaaraadka shaqaalaha iyo Ciidamada Dowladda 5-tii bilood ee ugu dambeysay.

    Guddoomiyaha Bangiga dhexe ee Soomaaliya Bashiir Ciise Cali ayaa sheegay amar ka soo baxay Ra’iisul Wasaaraha dalka Mudane Xasan Cali Khayre uu Bangiga ku bixiyay Mushaaraadka shaqaalaha iyo Ciidamada.

    Waxa uu sheegay Dowladda Federaalka in ay masuuliyad ka saaran tahay xaqa ay leeyihiin shaqaalaha Dowladda, si ay u dar dar geliyaan hormarka dalka.

    Shaqaalaha dalka iyo Ciidamada xooga dalka ayaa aad uga caban jiray mushaar la’aan ku dhici jirtay bilooyin badan, inkastoo Ra’iisul Wasaaraha Soomaaliya uu horey u shaaciyay in xukuumadiisa ay bixin doonto mushaaraadka shaqaalaha Dowladda.

    Gaalkacyo Juun 22, 2017 Cabdi Faarax Saciid (Juxa), Wasiirka Arrimaha Gudaha Soomaaliya ayaa gelinkii dambe ee Arbacadii gaaray Magaalada Gaalkacyo ee Gobolka Mudug, iyadoona si diiran loogu soo dhaweeyay Garoonka Gaalkacyo.

    Juxa ayaa inta uu ku sugan yahay Magaalada Gaalkacyo waxa uu kulamo kula qaadan doonaa masuuliyiinta Galmudug iyo Puntland iyo Odadayaasha Dhaqanka ee labadda dhinac, si horey loogu dhaqaajiyo heshiis ay labada maamul kala saxiixdeen maalintii Talaadada.

    Wasiir Juxa oo warbaahinta kula hadlay magaalada Gaalkacyo ayaa sheegay in Dowladda Soomaaliya ay muhiim u tahay in xal nabadeed oo wadajir ah laga gaaro xasiloonida Xarunta Gobolka Mudug, lagana gudbo xurgufta ku soo noq noqotay ee u dhaxeysa labada maamul.

    Puntland State Juun 22, 2017 Taliyaha Ciidamada Booliska gobolka Mudug ee maamulka Puntland ayaa waxa uu ka hadlay xaalada ammaan ee magaalada Gaalkacyo, kadib heshiis dhexmaray maamulada Puntland iyo Galmudug.

    Heshiiska labada dhinac dhexmaray ayaa saldhig u ahaa xal u helida xaalada ammaan magaalada Gaalkacyo iyo guud ahaan gobolka Mudug.

    Waxa uu sheegay Taliyaha in laamaha kala duwan ee amniga Puntland ay ka war heleen in uu soconayo abaabul la qorsheynayo in Qaraxyo looga geysto magaalada Gaalkacyo, kuwaasi oo uu gu yeeray sharwadayaal.

    Sidoo kale shacabka magaalada Gaalkacyo ayuu ka dalbaday in ay la shaqeeyaan laamaha ammaanka ee magaalada Gaalkacyo, si loo fashiliyo weeraradaas ay suurtagalka tahay in laga geysto Gaalkacyo.

    Degmadda Warshiikh Juun 22, 2017 Dgaal u dhaxeeya Ciidamo ka wada tirsan Milatariga Soomaaliya ayaa maanta ka dhacay Degmada Warshiikh ee Shabeelaha Dhexe waxaana ka soo baxaya warar kala duwan.

    Ugu yaraan Shan qof oo isugu jiro shacab iyo Ciidan ayaa ku dhintay in ka badan 10 qof oo kalane waa ay ku dhaawacmeyn ka dib markii uu dagaal Culus Xaafada ka tirsan Degmada Warshiikh ku dhax-maray Ciidamo ka wada tirsan Dowladda Soomaaliya.

    Dagaalka ayaa yimid ka dib markii Ciidamo ka tirsan Dowladda Soomaaliya ee uu hogaaminayo Sarkaal ka tirsan Ciidamada Dowladda oo lagu magacaabo qoodhe uu weeraray Xarunta Degmada iyo Saldhigga waxaana ku dhintay dad Badan sida ay noo xaqiijiyeen Mas’uuliyiinta degmada.

    Rasaas ayaa wali laga maqlayaa Goobihii lagu dagaalamay waxaana la ogeyn ilaa hadda waxa uu salka ku haayo dagaalkaan ka socda warshiikh.

    Mas’uuliyiin ka tirsan Degmada oo aan la hadalnay ayaa ii sheegay in ay rasaas ku socoto oo aysan xiligaan hadli karin waxaana laga yabaa in uu qasaaraha intaasi ka bato.

    Maraykanka Juun 22, 2017 Codbixiyasha Maraykanka oo codkooda ka dhiibanaya doorashadii Madaxweynanimo

    Sarkaal sare oo ka tirsan waaxda arrimaha gudaha ee Maraykanka ayaa u sheegtay aqalka Congress-ka in ay hayso cadaymo muujinaya in burcadda internetka Ruushka ay bartilmaameedsadeen nidaamka doorashada Maraykanka ee 21-ka gobol ee doorashadii madaxtinimada ay ka dhacday sannadkii la soo dhaafay.

    Jeanette Manfra oo madax ka ah waaxda ammaanka ee internetka ayaa sheegtay in ay ku kalsoon tahay hufnaanta doorashada Maraykanka laakiin waxay qirtay in waxdeeda aysan tijaabo ku samayn qalabka codaynta.

    Hay’adda dambi baarista gudaha Maraykanka ee FBI-da ayaa sidoo kale baaritaan ku sameynaysa isku-deygii Ruushka uu ku sameeyay inuu farageliyo doorashada iyo xiriirka ka dhaxeeyay Aqalka Kremlin ee Ruushka looga arrimiyo iyo guddiga ololaha Trump.

    Kenya Juun 22, 2017 Sida ay shaaciyeen Ciidamada Booliska dalka Kenya tiro ka mid ah dagaalyahanada Al-Shabaab ayaa gudaha u galay qeybo ka mid ah gobolka Waqooyi Bari ee dalka Kenya.

    Dagaalyahanadaan ayaa waxaa la sheegay in ay ka gudbeen xadka ay Soomaaliya ay la wadaagto dalka Kenya.

    Warbaahinta gudaha dalka qaarkood oo soo xiganaya Saraakiisha Ciidamada Booliska ee ku sugan degaanada gobolka Waqooyi Bari ayaa waxa ay sheegeen in tiro ku dhow labaatan dagaallame ay ka gudbeen xadka ,islamarkaana ay u gudbiyeen dhanka dalka Kenya.

    Dadka xoolo dhaqatada ah ee ku sugan xadka ayaa waxa ay sheegeen in ragga hubeysan oo ay aaminsan yihiin in ay ka tirsan yihiin Shabaab,  ay ku arkeen xadka ,islamarkaana ay waydiiyeen halka ay jooggaan Ciidamada dalka Kenya.

    Al-Shabaab ayaa dhowr jeer waxa ay ka gudbeen xadka ay wadaagaan labada dal waxaana ay weeraro ka geysteen degaano hoos yimaada gobolka waqooyi Bari.

    Tuulooyinka gobolka Waqooyi Bari ee dalka Kenya Ciidamada Booliska ah ee joogga ayaa waxaa soo foodsaartay Cabsi aad u badan.

    Dowladda Kenya dhawaan sheegtay in ay ka feejigan tahay Weeraro kaga yimaada Xarakada Al-Shabaab maalmaha Ciida.

    Hiiraan Juun 22, 2017 Degaanka Banyaaley oo ka tirsan Gobolka Hiiraan dhowaan waxaa ku dagaalamay laba maleeshiyo beeleed oo halkaasi wada dega, Dagaalkaas waxaa ka dhashay khasaare isugu jira dhimasho iyo dhaawac oo soo kala gaaray dhinacyadii dagaalamay.

    Odayaasha dhaqanka ee ka soo kala jeeda labada beelood ee dagaalay ayaa heshiis hordhac ah waxa ay ka gaareen dagaalka ka dhacay degaanka Banyaaley ee gobolka Hiiraan.

    Maamulada Hirshabeelle iyo Ahlusuna xubno ka socda ayaa ka shaqeeyay in heshiis hordhac ah la kala dhexdhigo, labada dhinac, sidoo kalena la kala qaado maleeshiyaadka.

    Madaxweyne ku xigeenka maamulka gobolada dhexe ee Ahlusuna Cali Baashi Aadan Faarax oo la hadlay Risaala ayaa xaqiijiyay in heshiis hordhac ah laga gaaray dagaalka, sidoo kalena maanta lagu wada in la dhameystiro wajiyada kale heshiiska.

    Waxa uu sheegay in Odayaasha dhaqanka ee labada dhinac ay ku heshiiyeen in xabada lagu badalo wada-hadal iyo nabad, rajaduna hada ay wanaagsan tahay.

    In ka badan 20 qof ayaa ku dhimatay dagaalka Banyaaley, iyadoo dhaawacuna uu intaasi ka badan yahay, walow hadda waxgaradka Labada dhinac ay bilaabeen iney ka wada hadlaan wixii dhexmaray Labada beel.

    Khaatumo State Juun 22, 2017 -Puntland isaga oo sheegay in aanay waxba ka dhaxayn maamulka Puntland.

    Cali Khaliif waxa uu ku dhaliilay madaxeynaha Puntland Cabdiwali Gaas in uu yahay in aan xukumin magaalada Gaalkacayo oo uu dhalasho ahaan ka soo jeedo, waxaanu arimahan kaga hadlay waraysi uu siiyay tilifishanka Somalinews xaruntiisa magaalada Hargeysa, waxaana isaga oo arimahan ka hadlaaya uu yidhi

    “Waa iska hadloow ina Iigare waxa uu halkaas ka yidhaahdo waxa dhagaysta ayaaba ka daran, waxay qudha ee ay Puntland ka tahay Sool,S anaag iyo Cayn waa inay kolba u yeedho odayaal dhawr ah oo ay xoogaa dhaqaale ah ku saydhsaydho oo cad quudheed ku tuur tuurto, ninkaas leh madaxweyne ayaan ahay oo dastuurka ayaa I faraaya inaan dhulka xukumo waar ma xukumo oo dadkii waxan lahaa way tashadeen maamulkoodana way samaysteen kooda haw taliyo, Gaalkacayo oo uu isagu u dhashay ayaan gacanta ugu jirin inta uu Gaalkacayo iyo Garoowe ka maqan yahay ayaa ka badan intuu joogo.

    Hadduu cid la talinaayo isaga iyo maamulkiisu ha tashadeen danahoodana ha ku aadeen,anagu waxaanu mar walba u nahay diyaar hadday iyagu miyirsadaan in wada hadalo iyo nabad ku wada noolaansho iyo daris wanaag waxase aanu wada leenahay oo golayaal iyo siyaasad ahi ma jirto, waxa la yidhi dhidarka ayaa wax ka hurdo badan, mar uun buu danab ku dhacaa oo meesha ugu horaysa ee uu u ordi karo ayuu u ordaa, dad, ood, dudumo iyo waxii uu doonayaba waa jiidhayaa wadaadkaasi maruun buu maqlaa shirar ayaa halkan ka socda markaas ayuu sidii dhidarka soo hanbabaraa wadada ayaan uga baydhaynaa bal halka uu noo dhaafayo ha noo dhaafee.”

    https://www.youtube.com/watch?v=ZjyR6_V1A7I


    WARARKA MAANTA Juun 21, 2017
    Su'aalaha Maanta: Maxay tahay sababta ay 138 xildhibaan ay mooshin uga keenayn Raysal Wasaare Mudane Xassan Cali Kheyre "Bakhti-Raamsade" oo laga daba tagay beentiisa iyo khaa'inul waddanimadiisa kadib markii ay ogaadeen xildhibaanadda sida loo aasaasay Shirkaddii Soma Oil and Gas oo rabay inay nimanka shisheeyaha ah ay ku dhacaan khayraadka Ummadda Soomaaliyeed? Mar beentii $ 2 million oo saami ayaan ku darsaday oo sidaas ayaan agaasime uga noqday Shirkaddii Soma Oil and Gas waa been aan sal iyo raad lahayn! Waxaa xaqiiqo aha qofkasta iyo shirkad kasta oo saami ku yeelan karta gudaha dalka madaxbanaan waxaa diwaangelisa dowladda marka maxay dowladda UK u diwaangeli waysay saamigaagii $ 2 million Mr. Kheyre - Bakhti-Raam-sade!
    Wariye Cabdinasir Sola oo Kashifay sir ku saabsan wiil Norway baasaborka kala laabatay iyo yuusuf garaad oo ku dhex wareeray wax u qabashada Ummadda Soomaaliyeed ee ay dhibta ku dhex haysto Norway

    https://www.youtube.com/watch?v=XCO_EfaPzHE

    Muqdisho Juun 21, 2017 Raysal wasaaraha Xukuumadda Federaalka  Soomaliya Mudane Xassan Cali Kheyre "Bakhti-Raamsade" ayaa xalay kulan deg deg ahaa la qaatay Taliyayaasha Hay’addaha a\Amniga Dowladda Soomaliya kaasi oo loogu hadlayay sidii loogu hortagi lahaa weerarada ay geystaan dagaalyahanada Xarakada Al-shabaab balse la isma weydiin rag horay ugu guuldarraystay hoggaaminta Hay'addaha Amniga Soomaaliya inay mar labaad muuqato inay ku guuldaraysteem ilaalinta amniga caasimadda Muqdisho.

    Kulanka oo uu shir gudoominayay Raisulwasaaraha Xukuumadda Federaalka  Soomaliya Xasan Cali Kheyre, waxa ka qeyb galay wasiirka Amniga gudaha Soomaliya Maxamed Abuukar Islow ducaale, taliyaha Hay’adda Nabad Sugida iyo sirdoonka qaranka Soomaliya  Jeneraal Sambaloolshe, Taliyaha Ciidanka Booliska Soomaliyeed Jeneraal Saacid, iyo Taliyaha Ciidamada Xoogga dalka Soomaliyeed Jeneraal Cirfiid.

    kulanka ayaa diirada lagu sidii hay’adda amniga Dowladda Soomaliya ugu hortagi lahaayeen weerarada sii xoogeysanaya ay geystaan Xarakada Al-shabaab, oo bishaan Ramadaan gudaheda ay Magaalada Muqdisho ka geysteen labo qaraxa oo shalay midkii ugu dambeeyay uu ka dhacay degmada Wadajir.

    Kulanka markuu soo dhamaaday waxaa saxaafada ugu waramay wasiirka Amniga Gudaha Xukuumadda Federaalka Soomaliya Maxamed Abuukar Islow ducaale,wuxuuna sharaxaad uu ka bixiyay waxyaabaha kulanka diirada lagu saaray.

    Muqdisho Juun 21, 2017 Wafdi uu Hogaaminayo Madaxweynaha jamhuuriyadda Federaalka Soomaliya Mudane Maxamed C/laahi Maxamed (Farmaajo/ Been-Hawaas) ayaa maanta u safraya Magaalaa Kampala ee Caasimadda Uganda.

    Madaxweyne Farmaajo ayaa casuumaad rasmi ah ka helay dhigiisa dalka Uganda Yoweri Museveni   waxaa haatan mgaalada Kampala laga dareemayaa qaban-qaabada soo dhaweynta Wafdiga Maxamed C/laahi Maxamed (Farmaajo).

    Madaxweynayaasha  Farmaajo  iyo Yoweri Museveni  ayaa la filayaa in  marka ay kulmaan ay kawada hadlaan arrimaha Soomaliya gaar ahaan dhanka Amniga, madaama Uganda ay Ciidamada ugu badan ay Soomaliya ka joogaan.

    Muqdisho Juun 21, 2017 Madaxweynaha Soomaliya Farmaajo ayaa dhawaan la kulmay Madaxweynaha Uganda waxayna kawada hadleen sidii dowladda Cusub loogu gacan siin lahaa dagaalka lagula jira Dagaalyahanada Xarakada Al-shabaab.

    Kulan u dhaxeeyay tobanan ka tirsan xubnaha baarlamaanka federaalka  soomaaliya iyo madaxeynaha  Soomaliya Maxamed C/laahi Maxamed (Farmaajo) ayaa xalay ka dhacay mid kamid ah hoteelada magaaada Mogadisho .

    Kulankan ayaa yimid kadib markii habeen ka hor xildhibanadaan oo ka soo horeeda  Xukuumada  uu hogaamiyo Ra’isul asaare kheyre ay ku shireen hotel ku yaala magaalada Mogadishu ,waxaana madax weynaha uu la kulmay 15 kamid ahaa xubnahaasi mucaaradka.

    Madaxweynaha Soomaliya ayaa ka codsaday in mooshinkooda ay la laabtaan Xildhibaanada kasoo horjeeda Kheyre islamarkaana wax walba uu jira la xalin doono.

    Waxaa xubnaha  golaha aqalka sare hogaaminaya Senator Da’ud Cumar (Bisinle) laakiin ma’uusan xusin magacyada xubnaha kale ee baarlamaanka kuwaa oo ka soo horjeeda  dowlada uu hogaamiye madaxweyne Maxamed Cabdullahi Farmaajo.

    “Xildhibaanada waa kuwa doortay madaxweyne Maxamed C/laahi Maxamed farmaajo” Sida uu sheegay  Senator Da’ud Cumar (Bisinle) oo kulanka kadib hadal kooban jeediyay.

    Maxkamadda Ciidamada ayaa Xukun Dil ah ku ridday Maxamed Aadan Cali Barrow oo 16-kii Bishaan June Masaajid ku yaalla Magaalada Baydhabo ku dhex dilay Sheekh Maxamed Madeer oo Xilligaas Tukanayay Salaada Taraawiicda.

    Sidoo kale Maxkamadda Ciidamada Qalabka sida ayaa Labo Nin oo kale islamarkaana la sheegay in ay Gacansiiyeen ku Xukuntay Xabsi daa’in .

    Goobta Xukunka uu ka dhacay waxaa ku sugnaa Guddoomiyaha Maxkamadda Darajada Kowaad Gaashaanle Sare Xasan Cali Nuur Shuute iyo Masuuliyiin kale oo ka tirsan Koofur Galbeed.

    Guddoomiyaha Maxkamadda Darajada Kowaad ee Ciidamada Qalabka Sida G/sare Xasan Cali Nuur Shuute ayaa ku dhawaaqay Xukunka isugu jira Dilka iyo Xabsi daa’inka.

    Central Africa Republic Juun 21, 2017 ciidamadda nabad ilaalinta Qaramada midoobe ayaa roondo ka sameeyo xeryaha si ay ammniga u sugaan

    Hay’adda dhaqaatiirta aan xuduuda lahayn ee MSF ayaa sheegtay in ugu yaraan 35 qof ay ku dhaawacmeen dagaal ka dhacay Jamhuuriyada Afrikaada dhaxe maalin uu ka dib markii heshiis xabad joojin ah ay kala saxiixdeen dowlada iyo kooxaha mucaaradka.

    Maalintii Talaadada ayay ahayd markii xabad joojin lagu saxiixay magaalada Rome ee dalka Talyaaniga ee u daxeeysay xukuumada Bartamaha Jamhuuriyadda Afrika iyo kooxaha falaagada ah ee dalkaasi.

    Heshiiskan waxaa garwadeen ka noqday kaniisada katooliga

    Xabad joojinta oo si dhaqsa ah u dhaqangeleysay ayaa waxay dhabaha u xaareysaa in mucaaradka laga qeybgeliyo geedi-socodka nabadda iyo siyaasadda, si ay iyaguna rabshadaha u soo afjaraan.

    Heshiiskan waxaa garwadeen ka noqday kaniisada katooliga waxaana looga gollahaa in lagu soo afjaro mudo dhowr sano ah oo ay dalkaasi ka socdeen rabshado ku salaysan Diimaha

    Jubbaland Juun 21, 2017Taliyaha qeybta guud ee Ciidanka Booliiska Magaalada Kismaayo ee Maamulka Jubbaland Maxamed Naasir guud ayaa sheegay in sharciga la horgeynayo Ajaaniibtii Kalluumeysiga sharci darada ka waday Xeebta Ku dhaa ee Jubbaland.

    Taliyaha ayaa sheegay inta sharciga laga horgeynayao in ay sugayaan amaankooda isla markaana ay ka shaqeynayaan sidii Booliiska ay usii heyn lahaayeen inta sharciga laga horgeynayo.

    Waxa uu tilmaamay in cid walbo oo sharciga ku xad gudubta talaabo laga qaadayo.

    Waxa uu xusay in Hay’addaha garsoorka Jubbaland ay Cadaalada waafajin doonaan Ajaaniinta Kalluumeysiga sharci darada ka waday Xeebta Ku dhaa ee Jubbaland.

    Taliyaha ayaa u mahad celiyay Ciidamada Jubbaland ee gacanta ku soo dhigay ragaan, kana soo qabtay Degmada Badhaadhe sida uu sheegay Kalluumeysiga sharci darada waday.

    Sacuudiga Juun 21, 2017 Maxamed Bin Nayef waxaa lagu yaqaannay inuu aad uga soo hor jeeday mintidiinta jihaad-doonka ah.

    Boqorka sacuudiga, Salmaan Bin Cabdul Casiis, ayaa wax ka beddelay qaabka dhaxalka boqortooyada, isagoo wiilkiisa, Maxamed Bin Salmaan, ka dhigay ninka dhaxli doona boqornimada.

    Ninkii dhaxalka boqortooyada lahaa, amiir Maxamed Bin Nayef, ayaa darajadaas laga xayuubiyey, waxaana laga eryey wasiirnimadii wasaaradda arrimaha gudaha.

    Maxamed Bin Salmaan oo 31 jir ah ayaa sii hayn doona wasaaradda uu ku magacaaban yahay ee gaashaandhigga, wuxuuna sidoo kale noqonayaa ra’iisul wasaare ku xigeen.

    Isbeddellada ayaa lagu shaaciyey dikereetooyin boqortooyo oo is xig-xigay.

    Wakaaladda wararka ee dawladda Sacuudiga waxay sheegtay in boqorka uu ku baaqay in shacabku ay daacadnimo ugu muujiyaan amiirka cusub magaalada Makka fiidnimada Arbacada.

    Muqdisho Juun 21, 2017 Wasiirka Wasaarada Gaadiidka Cirka iyo dhulka ee xukuumada Federaalka Soomaaliya ayaa sheegay in Wasaarada ay mamnuuceyso in Gudaha Soomaaliya la keeno Gawaarida dhanka Midig Isterinka ku leh iyo waliba sidoo kale Gawaarida Albaabkooda uu u furmo dhanka Bidix ee Wadada dhankeeda ah.

    Maxamed Cabdulalahi Salaad(Oomaar) ayaa sheegay in kulan ay la qaateen qaar ka mid ah Ganacsatada gaadiidka dalka soo geliya ee ka Ganacsada in ay joojiyaan Gawaarida Isteerinka ku leh dhanka Midig Albaabkana ku leh dhanka Banaanka ee Gacanta Midig islamarkaana Ganacsatadii ay ka aqbaleen.

    Waxa uu arintaan ku micneeyay in tani ay uga gol leeyihiin arimaha amniga islamarkaana mararka qaar ay dhici karto Shilal ay waxyeelo ka soo gaarto dadka Shacabka ah.

    Hargaysa Juun 21, 2017 Maamulka Somaliland ayaa sheegay in ay doonaan wadahadal lala galo dowlada federal-ka soomaaliya oo ku saabsan arimaha amaanka,wada shaqeynta ku aadan dhanka dhaqaalaha iyo horumarka.

    Wasiirka u qaabilsan maamulka Somaliland arimaha dibadda Sacad cali shire  oo ka hadlayay sanad guuradii 26-aad ee ka soo wareegatay markii Somaliland ay ka go’aday jamuuriyada soomaaliya isaga oo munaasabaadaasi kala qeyb galay jaaliyada maamulka Somaliland ee ku sugan  magaalada London ee dalka Britian  ayaa  sheegay in maamulkiisa uu kor u qaadi doono wada hadalo mustaqbalka dhaw ay lagaalan dowlada federalka ee uu hogaamiyo Maxamed Cabdullahi Farmajo si wada shaqeyn ay u dhex marto.

    “Waxaan wada hadal la bilownay dowlada soomaaliya 2012-kii waxaana laheyn wada hadal joogto ah ilaa hadda, laakiin arimaha ku saabsan duulimaadyada hawada waxba maan ka gaarin,waxey nala tahay in dowladii hore wada hadalada aysan dhab ka aheyn.-Dowlada hadda jirta waxeey sheegtay in ay si aad ah u dooneyso wada hadal sidaas darted waxaan rajeyneenaa in horumar wanaagsan aan ka sameyno wadahadalada.” Sidaas waxaa yiri Sacid Cali Shiri oo u qabilsan arimaha dibadda maamulka Somaliland.

    Waxaana uu tilmaamay in arimaha ku saabsan madaxbaanida somalialand in aysan lagali doonin  dowlada  Federaalka soomaaliya.

    Waxaa wasiirka arimaha dibada Somaliland uu ku  booriyay beesha caalamka  in ay cadaadis ku saaraan dowlada soomaaliya si wadahadalo wax soo saar leh loo gaaro.

    Muqdisho Juun 21, 2017 Shirar Siyaasaded oo kala Gooni gooni ah ayaa saacadihii la soo dhaafay waxa ay ka dhacayeen Magaalada Buuhoodle ee Xarunta Gobolka Togdheer.

    Shirarkaas ayaa waxaa looga soo horjeedaa Siyaasada Madaxweynaha maamulka Khaatuma Cali Kahliif Galeyr oo dhawaan heshiis la galay maamulka Soomaaliland islamarkaana uu ku biiray.

    Odayaasha iyo waxgaradka Gobolada Sool Sanaag oo Shirar kala gooni gooni ah ku qabtay Magaalada Buuhoodle ayaa waxa ay sheegeen in Cali Khaliif uusan matalin dadka ku nool deegaanadaas islamarkaana ay ka soo horjeedaan go’aanka uu qaatay.

    Sidoo kale waxgaradkaas ayaa waxa ay sheegeen in dhawaan ay qabsan doonaan kulamo kale kaas oo ay uga hadlayaan sidii ay u doran la haayeen hoggaan kale sida ay hadalka u dhigeen.

    WARARKA MAANTA Juun 20, 2017
    Su'aalaha Maanta: Maxay tahay sababta Madaxweyne Mudane Maxamed Cabdilaahi Farmaajo "Been-Hawaas" u joojin layahay musuqmaasuqa baahsan ee haysta Dowladda Wada Dadban? Beeni raad ma leh ee nala dhageysta bulshadda rayidka oo si toos ah runta ugu sheegtay Madaxweyne Mudane Maxamed Cabdilaahi Farmaajo "Been-Hawaas" Iyadoo Raysal Wasaare Mudane Xassan Cali Kheyre "Bakhti-Raamsade" sheekadiisa ay ku soo gabagaboowday igu sawir iyo shacabka aan soo salaamay asagoo aan wax ka qaban raggii musuqmaasuqa baahansan ee Qaramadda Midooway ay ku soo dartay warbixino ay horay u soo saareen/daabaceen. Maxuuse Madaxweyne Mudane Maxamed Cabdilaahi Farmaajo "Been-Hawaas" u khiyaamayey Xisbiga Daljir ee uu hoggaamiyo Denjire Axmed Macalin Fiqi oo sabab u ahaa inuu Madaxweyne Mudane Maxamed Cabdilaahi Farmaajo "Been-Hawaas" helo fursad uu si toos ah ugula tartami karo taasoo u sahashay inuu noqdo Madaxweynaha Dowladda Soomaaliya  Bulshadda Rayidka oo si xun runta ugu sheegtay Dowladda Wada Dadban oo beenteedii laga daba tagay.
    https://www.youtube.com/watch?time_continue=42&v=CS27WDhAdoM
    Muqdisho Juun 20, 2017 Qarax xooggan ayaa dhacay hadda Muqdisho meeshaasoo ay ciidamadda baarayaan isla-markaasna ay soo sheegi donaan qasaaraha.
    Muqdisho Juun 20, 2017 Wasiirka Amniga Gudaha Xukuumadda Federaalka Soomaliya Maxamed Abuukar Ducaale ( Islow) ayaa sheegay in Dowldda Soomaliya ay dhawaan soo gaba-gabeyn doono Hawlgalka Amaanka lagu sugayo ee ka soconaya Magaalada Muqdisho.

    Wasiirka ayaa sheegay in inta badan guulo laga gaaray howlgalada xasilinta Caasimadda magaalada muqdisho ee dhawaan Dowladda Soomaliya ay ku dhawaaqday,islamarkaana shacabka Soomaliyeed loogu baahan yahay in mudada yare ee ka harsan holwgaladaas in ay dulqaad iyo adkeysi ay muujiyaan.

    ““Si aan u sii xoojinayo amniga ciidanku waxay sameyn doonaan wax walba oo suuragal ah. Waxaa la xiray qaar kamid ah jidadka xaafadaha dhex-dooda mara oo horey u furnaa ujeedka loo xirayna waa in lagu badbaadinayo shacabka Soomaaliyeed. Maalin walba qaraxyada iyo dhibabka ay geystaan argagixisadu waxaan ku weynaa nafta dadkeena qiimaha badan, si taas looga baaqsado waxaa lagama maarmaan ah in la xoojiyo amniga caasimadda lalana shaqeeyaa ciidamadda howlgalka ku jira”ayuu yiri Wasiirka Amniga”, ayuu yiri wasiir Maxamed Abuukar Islow Ducaale.

    Sacuudiga Juun 20, 2017  ilaaladdamada ilaalada xadka ee sacuudiga Wasaarada Warfaafinta Sacuudiga ayaa sheegtay in la xiray sadax askari oo ka tirsan ilaalada kacaanka Iiraan.Askartan la xiray ayaa lagu qabtay iyagoo u soo dhowaaday biyaha dalka Sacuudiga gaar ahaan ceelka saliida ee Marjan.

    Sacuudiga waxaa uu intaasi raaciyay in ragan la qabtay ay damacsanaayeen inay falal gaystaan.Waxayna wateen doon la sheegay inay ku soo dhowaatay ceelka shidaalka ee Marjan,

    Waxaa sidoo kale baxsatay doon kale oo la sheegay inay la socotay midan la qabtay.Balse dowladda Iiraan ayaa sheegaysay in doomahan la qabtay ay ahaayeen kuwo kaluumaysi ah.

    Waxaa jirra khilaaf xoogan oo u dhaxeeya labadan dowladood ee Iiraan Sacuudiga.

    Muqdisho Juun 20, 2017 Askari ka tirsan Ciidanka Nabad Sugidda Soomaaliya ayaa Tabeelaha Sheekh Ibraahim ee Duleedka Magaalada Muqdisho uu ku dilay Nin Ganacsade ah oo Magaciisa lagu sheegay C/kariin C/qaadir Maxamed,waxaana uu ka mid ahaa Ganacsatada halkaasi ku nool.

    Askariga wax dilay ayaa Magaciisa lagu sheegay Abuukar Barow,waxaana uu ilaalo u yahay Taliyaha Ciidanka Nabad Sugidda ee Garasbaaley Ibraahin Salaad Abuukar.

    Qof Goobjooge ah ayaa sheegay in Ganacsadaha iyo Askariga uu Muran dhex maray kadibna la dilay Marxuunka Ganacsadaha ahaa ee lagu Magacaabi jiray C/kariin C/qaadir Maxamed.

    Askarta Ciidamada Dowladda ayaa Xilliyada qar si Bareer ah u Toogto Dadka Shacabka ah ee ku nool Magaalada Muqdisho,waxaana Madaxweynaha Soomaaliya uu horay u sheegay in Askarigii Shacabka dhibaateeya Sharciga la hor geyn doono.

    Muqdisho Juun 20, 2017  Garoonka Aadan Cadde ee Magaalada Muqdisho ayaa sheegaya in Diyaarad yar oo aan weli la shaacin nuuceeda iyo heebteeda uu dab ku qabsaday Garoonkaasi.

    Diyaaradda ayaa la sheegay in ay ka duushay Garoonka Aadan Cadde islamarkaana Cilad soo food saartay aawgeed Garoonka dib ugu soo laabatay iyadoona durba uu dab ka kacay.

    Ma cadda Khasaaraha ka dashay dabkaasi ka kacay Diyaaradda Caawa ku gubatay Gudaha Garoonka Aaddan Cadde.

    Xiriiro aan la sameynay Saraakiisha iyo Masuuliyiinta Garoonka Aadan Cadde ayaan inoo suura galin xilliga oo habeen ah aawgeed.

    Buurhakabo Juun 20, 2017 Wararka naga soo gaaraya degmada Buurhakaba ee gobolka Baay ayaa waxa ay sheegayaan in halkaasi ciidamada dowladda Soomaaliya ee ku sugan uu isku dhiibay Sargaal ka tirsan Al-Shabaab.

    Gudoomiyaha degmada Buurhakaba Xuseen Maxamed Cali ayaa  sheegay ninka isasoo dhiibay in uu watay hub.

    Waxaa uu ka gaabsaday in uu shaaciyo Magaca Sarkaalka laakiin waxaa uu sheegay in ay u gudbin doonaan Magaalada Baydhabo.

    Maamulka degmada Buurhakaba ayaa waxa ay xuseen in ninkaan uu lasoo xariiray ka dibna uu yimid degmada.

    Muqdisho Juun 20, 201 Dawladda Soomaaliya ayaa shaacisay howlgal laga sameeyey qeybo kamid ah Suuqa weyn ee Baaraka in lagu soo qabtay Madaxii Amniyaadka Kooxda Alshabaab ee gobolka Banaadir C/wahaab Khaliif Axmed oo loo yaqaan (Ciise Tarabuun) , waxana howgalkan uu dhacay maanta oo Isniin ah.

    Wasiirka Amniga Mudane Maxamed Abuukar Islow Ducaale ayaa sheegay in howlgalkan uu ahaa mid qorsheysan isla markaana uu yahay guul ay soo hooyeen ciidanka Xasilinta Caasimadda.

    “Waxaa maanta qabanay C/wahaab Khaliif Axmed oo loo yaqaan (Ciise Tarabuun) oo dhibaatooyinkii ka dhacayay caasimadda masuuliyadeeda lahaa, hadda wuxuu ku jiraa gacanta dawladda oo caddaaladda ayaa la horgeynayaa”ayuu yiri Wasiirka Amniga oo raaciyey.

    Wasiirka oo ka hadlayay muhiimadda ay leeyihiin howlgalladan ayaa tilmaamay;

    “Dhowrkii bilood ee la soo dhaafay waxaan dalka ka wadnay howlgallo ballaaran oo lagu xasilinayo amniga caasimadda, waxana lagu guuleystay in laga hortago falal badan oo cadowgu maleegayeen”.

    Dhanka kale Wasiirka ayaa ka hadlay jidadja xaafadaha dhex-dooda maray ee Caasimadda oo qeybo kamid ah la xiray, isagoo ugu baaqay shacabka Soomaaliyeed in dulqaad ay muujiyaan maadaama waxa laga shaqeynayo ay yihiin amni, una baahan yahay feejignaan dheeri ah.

    “Si aan u sii xoojinayo amniga ciidanku waxay sameyn doonaan wax walba oo suuragal ah. Waxaa la xiray qaar kamid ah jidadka xaafadaha dhex-dooda mara oo horey u furnaa ujeedka loo xirayna waa in lagu badbaadinayo shacabka Soomaaliyeed. Maalin walba qaraxyada iyo dhibabka ay geystaan argagixisadu waxaan ku weynaa nafta dadkeena qiimaha badan, si taas looga baaqsado waxaa lagama maarmaan ah in la xoojiyo amniga caasimadda lalana shaqeeya ciidamadda howlgalka ku jira”ayuu yiri Wasiirka Amniga.

    Wasiirka ayaa hambalyo u diray Ciidamadda Xasilinta Caasimadda, waxana uu ku bogaadiyey xoojinta guushan la gaaray.

    —–DHAMMAAD—

    Xafiiska Warbaahinta iyo Xiriirka

    Maraykanka Iyo Ruushka Juun 20, 201 An F/A-18E Super Hornet (oo la mid ah diyaaraddan sawiran) ayaa soo ridday diyaarad ay leeyihiin ciidammada Suuriya

    Aqalka cad ee Maraykanka ayaa sheegay in Maraykanka uu is difaaci doono ka dib markii Ruushka uu ku dhawaaqay inuu bartilmaameedsan doono diyaarad iyo Drone walba oo soo gasha bartilmaameedkooda.

    Ruushka ayaa ka caroodey diyaarad nooca dagaalka ah oo Suuriya lahayd oo Mareykanku uu soo ridey .

    Ruushku waxaa kale oo uu sheegey in dhamaan uu joojinayo wadashaqayntii uu la lahaa Mareykanka ee ka hortaga shilalka hawada Suuriya.

    Wasiirka arrimaha dibadda ee Ruushka ayaa u sheegay Maraykanka in ay ixtiraamaan madaxbanaanida dhuleed ee Suuriya, ayna ka fogaadaan tallaabo hal dhinac ah.

    Maraykanka ayaa sheegay in diyaaraddaasi la riday ay duqeysay jabhad la dagaalanto kooxda isugu yeertay dowladda Islaamka.

    Hadalkan ayaa yimid kadib markii maalintii axada ay soo rideen xullafada Maraykanka diyaarad dagaal oo dowladda Suuriya ay leedahay.

    Maraykanka ayaa sheegay in diyaaraddaasi la riday ay duqeysay jabhad la dagaalanto kooxda isugu yeertay dowladda Islaamka.
    Maraykanka Juun 20, 2017 Xoghayaha arrimaha difaaca Maraykanka Jim Mattis ayaa sheegay in weerarada burcad badeeda ay dib ugu soo noqdeen gacanka cadan iyo biyaha soomaaliya bilihii ugu dambeeyay.

    Waxa uu sheegay in ugu yaraan lix maraakiibta ganacsiga lagu af dhuubtay ama lagu weeraray waqooyiga biyaha soomaaliya tan iyo bishii March ee sanadkaan.

    Xoghayaha ayaa hadalkaan waxa uu ka sheegay mar uu shir jaraa’id ku qabtay dalka aan dariska nahay ee jabuuti,halkaasi uu Maraykanku ka habaysanaayo saldhig military oo joogto ah .
    Waxa uu intaa ku daray in ay yaraayeen weerarada ay Gaystaan kooxda burcad badeeda shanti sano ee ugu danbaysay ka dib markii ay ka hortageen weeraradaa ciidamo caalamiga ah ee la dagaalanka burcad badeeda iyo shirkaddo gaar loo leeyahay.

    General Thomas Waldhauser oo madax ka ah taliska ciidamada Maraykanka ee qaarada Afrika ayaa ku sababeeyay in ay kooxaha burcad badeeda ay dib ugu soo noqdeen weeraradoodii in ay tahay abaarta daran ee ka jirto soomaaliya iyo doonyo kallumaysi oo si sharci darro ah ugu kallumaysto biyaha soomaaliya

    Kooxaha burcad badeeda soomalida ayaa dhowrkii bilood ee ugu danbeeyay waxa ay weeraro ay ku qaadeen maraakiib ganacsi oo marayay biyaha gacanka cadan.

    Hiiraan Juun 20, 2017 Maanta ayaa la filayaa in ay deeganka Banyaaleey ee gobolka Hiiraan ay ku kulmaan Odayaasha dhaqanka ee ka soo kala jeeda Beelihii dhawaan ku dagaalamay halkaas si xal buuxa looga gaaro daagal beeleedyadii dhex maray labadii maleeshiyo Beeleed.

    Masuuliyiin ka kala socda Maamulada Hir-Shabeelle iyo Ahlusuna Wal-Jamaaca ayaa dhawan ku guuleestay in ay kala qaadaan Maleeshiyaadkii wada dagaalamay islamarkaana la kala geeyo deegaan isku jira ilaa 10km taas oo keentay in uu dagaalka joogsado.

    Kulanka ayaa inta uu socdo waxaa looga hadli doonaa dagaaladii dhacay iyo khasaarihii ka dhashay iyo sidoo kale sidii heshiis buuxa looga gaari lahaa dagaaladaas maadaama dadka wada dagaalamaya ay yihiin dad wada Dhashay oo dhul iyo daaqsin wadaaga intaba.

    Qaar ka mid ah Waxgaradka ka qeybgalaya kulankaas ayaa waxa ay sheegeen in ay rajo wanaagsan ka qabaan in dagaal beeledkii dhacay xal buuxa laga gaari doono.

    London Juun 20, 2017 Muslimiinta ku nool Magaalada London ee Carriga Ingiriiska ayaa walaac xoogan waxa ay ka muujinayaan  Weeraro kaga yimaada Dadka Cadaanka ah ee Xag Jirka ah.

    Cadaanka Xag Jirka ah ayaa laga cabsi qabaa in weeraro ay doonayaan in ay Aargoosi kaga dhigaan weeraradii Argagixiso ee ka dhacay dalkaasi Ingiriiska ay ku qaadaan Muslimiinta ku nool Waqooyiga London oo ay ka mid yihiin Jaaliyadda Soomaaliyeed ee dalkaas.

    Dowladda Ingiriiska ayaa ka hortageysa falal kale oo weeraro  Aargoosi ah oo ka dhan ah Musliimiibta Dalkaas.

    Arrintaan ayaa ku soo beegmeysa kadib weerar  Gaari xamuul ah loo adeegsaday oo lagu qaaday Masjid ku yaalla Magaalada London.

    Galmudug & puntland State  Juun 20, 2017 Maamulka Galmudug ayaa Sheegay in Magaalada Gaalkacyo uu ka furi doono Shir Dib u Heshiisiineed oo u dhexeeya Maamulada Galmudug iyo Puntland oo ku Muransan Magaalada Gaalkacyo iyo Deegaano ka tirsan Gobalka Mudug.

    Wada hadaladaan ayaa waxaa Hogaaminaya Madaxweyne Cusub ee Gamudug Axmed Ducaale Geel Xaaf waxaan ka soo qeyb galayaa Madaxweynaha Maamulka Puntland C/wali Maxamed Cali Gaas iyo Madax ka socota Golayaasha Dowladda Federaalka Soomaaliya.

    Wasiirka Dastuurka iyo dib u heshiisiinta Galmudug Cismaan Maxamed Cali dheere ayaa Sheegay in uu Meel Wanaagsan marayo dadaalka Galmudug ay ugu jirto Furitaan Shirweyne Dib u Heshiisiineed oo Xal loogu Raadinayo Xiisad aan Dhamaadka la heyn ee ka jirta Gobalka Mudug.

    Wasiirka ayaa ugu baaqay in Dhinacyada uu Shirkaan Quseeyo iyo Dowladad Federaalka inay Xil iska Saraanaa Furitaan Wada Nabada Gobalka Mudug.

    WARARKA MAANTA Juun 22, 2017

    Su'aalaha Maanta: Maxay Golaha Xildhibaanadda u ridi rabaa Raysal Wasaare Mudane Xassan Cali Kheyre “Bakhti-Raamsade” oo la kashifay khaa'inul waddan inuu yahay oo si sharci-darro ah ulaha shaqeeyey Hay'adda Soma Oil and Gas oo ay aasaaseen laba nin oo calooshood u-shaqaystayaal Shisheeye ah taasoo uu si been-abuur ah ugu darsaday $ 2 milyan oo doolar oo aan sal iyo raad lahayn kadibna markii uu ogaaday inay baaris xooggan ku socoto, wuu iska-casilay waayo xaqiiqda ayaa la kashifay marka nin khaa'inul waddan ah oo la xaqiijiyey Ummadda Soomaaliyeed ma sii hoggaamin doono marka inta aan qadaadka la qaban sidii Raysal Wasaarayaashii hore waa innuu is-casilaa haddii kale asagoo ooynaaya ayuu albaabka ka bixi doonaa.

    Uganda Juun 22, 2017 Magaalada Kampala ee xarunta dalka Uganda maanta waxaa ka furmaya shir looga hadlayo arrimaha Qaxootiga, sida horeyba loo sii shaaciyay.

    Magaalada Kampala ee dalka Uganda shalay waxaa tagay Madaxweynayaasha dalalka Guinea Alfa Victor Okong’o, Madaxweynaha wadanka Gabon Ali Bongo, Madaxweynaha Soomaaliya Maxamed C/laahi (Farmaajo), kan Zambia Edgar Lungu, Ra’iisul Wasaaraha Itoobiya Hailemariam Desalegn iyo Xoghaya Guud ee QM Antonio Gutters.

    Madaxweyne Farmaajo, ayaa waxaa booqashadan ku wehlinaya masuuliyiin ay ka mid yihiin Wasiirka Gaashaandhigga, Wasiiru Dowlaha Arrimaha Dibadda iyo Xildhibaano labada Gole ka tirsan.

    Madaxdan ayaa dhammaantood iyo Madaxweynaha martida loo yahay Yoweri Musseveni ayaa ka qeyb galaya shirweyne laba maalmood soconaya oo taageero iyo isbar bar taag loogu sameynayo Qaxootiga.

    Shirkan ayaa magaalada Kampala waxaa uu ka furmayaa maanta oo 22-ka Juun ay Taariikhdu tahay, waxaana la soo gaba gabeyn doonaa berri oo 23-ka Juun ay ku beegan tahay, sida ay sheegeen qaban qaabayaasha shirkan.

    Uganda ayaa iminka martigelineysa Hal Milyan iyo Laba Boqol oo Kun oo Qaxooti ah, waxaana ay fileysaa in ay uruuriso lacag dhan Laba Bilyan oo Dollar, taasi oo lagu caawinayo Qaxootiga labada sanadood ee soo socota.

    Madaxweynaha Soomaaliya Maxamed C/laahi Maxamed (Farmaajo) ayaa marka uu shirkan soo idlaado waxaa uu la kulmi doonaa qaar ka tirsan Madaxda shirkaasi ka soo qeyb gashay, isaga oo kala hadli doona sidii taageero buuxda loogu muujin lahaa Soomaaliya.

    Muqdisho Juun 22, 2017 magaaladda Muqdisho ka soconaya olole ay wadaan ku dhawaad 130 xildhibaan kaas oo ay ku doonayaan iney ku ridaan RW Xasan Cali Kheyre iyo Golihiisa Wasiirada. Xogta ay Baahin.com heleyso ayaa sheegeysa in afar garab oo xildhibaanadda ah ay isku baheysanayaan iney RW Kheyre xilka ka tuuraan bisha July ee soo socota markaas oo uu furmi doono kalfadhiga barlamaanka.

    Garbayadda ugu waa weyn ee arintan wada waxaa kamid ah Xildhibaano Saaxiib la ahaa MD Farmaajo laakiin Wasiir noqon waayay, Xildhibaano uu horboodayo Cumar C/Rashiid oo ka xun go’aankii dowladda ee Khilaafka Carabta, Kooxdii Daljir ee dooratay MD Farmaajo, Damu-jadiid iyo garab kale oo uu hogaaminayo gudoomiye Jawaari.

    Jahwareer siyaasadeed ayaa ka jirta madaxtooyadda, xili madaxweyne Farmaajo uu dadaal xoogan ku bixinayo inuu ka hortago qorshaha ay xildhibaanada ku diidan yihiin RW Kheyre.

    RW Kheyre ayaa la ogaanayaa inuusan saaxiibo badan ku laheyn Xildhibaanada kadib markii uu dhumiyay kalsoonida xildhibaanadii ay isku beesha ahaayeen oo ay isku khilafsan yihiin arinta Maqaamka G.Banaadir.

    Muqdisho Juun 22, 2017 Askari Boolis ah oo lagu Magacaabo Maxamuud Axmed Toosoow ayaa Saakay lagu Dilay Xaafadda Dabakaayo Madow Ee Degmada Dharkeynley ee Gobolka Banaadir.

    Goobjoogeyaal ayaa sheegay in Kooxdii Dishay Askariga ay horay uga sii qaateen Qorigii uu watay,kuwaas oo Goobta ay wax ku dileen ka baxsaday.

    Wax yar ka dib ayaa waxaa Goobta yimid Ciidamo ka tirsan kuwa Dowladda Soomaaliya oo halkaas ka qaaday Meydka Alle ha u Naxariistee Askarigii Toogashada lagu dilay.

    Dhowr Jeer ayaa Gudaha Magaalada Muqdisho waxaa ka dhacay Dilal Nuucaan oo kale ah,iyadoo Askar lagu dilay Muqdisho laga qaatay Qoryahoodii.

    Muqdisho Juun 22, 2017 Wasiiro ka tirsan Dowladda Federaalka Soomaaliya oo tagay Bangiga dhexe ee Xamar ayaa sheegay in Xukuumada Soomaaliya ay bixisay Mushaaraadka shaqaalaha iyo Ciidamada Dowladda 5-tii bilood ee ugu dambeysay.

    Guddoomiyaha Bangiga dhexe ee Soomaaliya Bashiir Ciise Cali ayaa sheegay amar ka soo baxay Ra’iisul Wasaaraha dalka Mudane Xasan Cali Khayre uu Bangiga ku bixiyay Mushaaraadka shaqaalaha iyo Ciidamada.

    Waxa uu sheegay Dowladda Federaalka in ay masuuliyad ka saaran tahay xaqa ay leeyihiin shaqaalaha Dowladda, si ay u dar dar geliyaan hormarka dalka.

    Shaqaalaha dalka iyo Ciidamada xooga dalka ayaa aad uga caban jiray mushaar la’aan ku dhici jirtay bilooyin badan, inkastoo Ra’iisul Wasaaraha Soomaaliya uu horey u shaaciyay in xukuumadiisa ay bixin doonto mushaaraadka shaqaalaha Dowladda.

    Gaalkacyo Juun 22, 2017 Cabdi Faarax Saciid (Juxa), Wasiirka Arrimaha Gudaha Soomaaliya ayaa gelinkii dambe ee Arbacadii gaaray Magaalada Gaalkacyo ee Gobolka Mudug, iyadoona si diiran loogu soo dhaweeyay Garoonka Gaalkacyo.

    Juxa ayaa inta uu ku sugan yahay Magaalada Gaalkacyo waxa uu kulamo kula qaadan doonaa masuuliyiinta Galmudug iyo Puntland iyo Odadayaasha Dhaqanka ee labadda dhinac, si horey loogu dhaqaajiyo heshiis ay labada maamul kala saxiixdeen maalintii Talaadada.

    Wasiir Juxa oo warbaahinta kula hadlay magaalada Gaalkacyo ayaa sheegay in Dowladda Soomaaliya ay muhiim u tahay in xal nabadeed oo wadajir ah laga gaaro xasiloonida Xarunta Gobolka Mudug, lagana gudbo xurgufta ku soo noq noqotay ee u dhaxeysa labada maamul.

    Puntland State Juun 22, 2017 Taliyaha Ciidamada Booliska gobolka Mudug ee maamulka Puntland ayaa waxa uu ka hadlay xaalada ammaan ee magaalada Gaalkacyo, kadib heshiis dhexmaray maamulada Puntland iyo Galmudug.

    Heshiiska labada dhinac dhexmaray ayaa saldhig u ahaa xal u helida xaalada ammaan magaalada Gaalkacyo iyo guud ahaan gobolka Mudug.

    Waxa uu sheegay Taliyaha in laamaha kala duwan ee amniga Puntland ay ka war heleen in uu soconayo abaabul la qorsheynayo in Qaraxyo looga geysto magaalada Gaalkacyo, kuwaasi oo uu gu yeeray sharwadayaal.

    Sidoo kale shacabka magaalada Gaalkacyo ayuu ka dalbaday in ay la shaqeeyaan laamaha ammaanka ee magaalada Gaalkacyo, si loo fashiliyo weeraradaas ay suurtagalka tahay in laga geysto Gaalkacyo.

    Degmadda Warshiikh Juun 22, 2017 Dgaal u dhaxeeya Ciidamo ka wada tirsan Milatariga Soomaaliya ayaa maanta ka dhacay Degmada Warshiikh ee Shabeelaha Dhexe waxaana ka soo baxaya warar kala duwan.

    Ugu yaraan Shan qof oo isugu jiro shacab iyo Ciidan ayaa ku dhintay in ka badan 10 qof oo kalane waa ay ku dhaawacmeyn ka dib markii uu dagaal Culus Xaafada ka tirsan Degmada Warshiikh ku dhax-maray Ciidamo ka wada tirsan Dowladda Soomaaliya.

    Dagaalka ayaa yimid ka dib markii Ciidamo ka tirsan Dowladda Soomaaliya ee uu hogaaminayo Sarkaal ka tirsan Ciidamada Dowladda oo lagu magacaabo qoodhe uu weeraray Xarunta Degmada iyo Saldhigga waxaana ku dhintay dad Badan sida ay noo xaqiijiyeen Mas’uuliyiinta degmada.

    Rasaas ayaa wali laga maqlayaa Goobihii lagu dagaalamay waxaana la ogeyn ilaa hadda waxa uu salka ku haayo dagaalkaan ka socda warshiikh.

    Mas’uuliyiin ka tirsan Degmada oo aan la hadalnay ayaa ii sheegay in ay rasaas ku socoto oo aysan xiligaan hadli karin waxaana laga yabaa in uu qasaaraha intaasi ka bato.

    Maraykanka Juun 22, 2017 Codbixiyasha Maraykanka oo codkooda ka dhiibanaya doorashadii Madaxweynanimo

    Sarkaal sare oo ka tirsan waaxda arrimaha gudaha ee Maraykanka ayaa u sheegtay aqalka Congress-ka in ay hayso cadaymo muujinaya in burcadda internetka Ruushka ay bartilmaameedsadeen nidaamka doorashada Maraykanka ee 21-ka gobol ee doorashadii madaxtinimada ay ka dhacday sannadkii la soo dhaafay.

    Jeanette Manfra oo madax ka ah waaxda ammaanka ee internetka ayaa sheegtay in ay ku kalsoon tahay hufnaanta doorashada Maraykanka laakiin waxay qirtay in waxdeeda aysan tijaabo ku samayn qalabka codaynta.

    Hay’adda dambi baarista gudaha Maraykanka ee FBI-da ayaa sidoo kale baaritaan ku sameynaysa isku-deygii Ruushka uu ku sameeyay inuu farageliyo doorashada iyo xiriirka ka dhaxeeyay Aqalka Kremlin ee Ruushka looga arrimiyo iyo guddiga ololaha Trump.

    Kenya Juun 22, 2017 Sida ay shaaciyeen Ciidamada Booliska dalka Kenya tiro ka mid ah dagaalyahanada Al-Shabaab ayaa gudaha u galay qeybo ka mid ah gobolka Waqooyi Bari ee dalka Kenya.

    Dagaalyahanadaan ayaa waxaa la sheegay in ay ka gudbeen xadka ay Soomaaliya ay la wadaagto dalka Kenya.

    Warbaahinta gudaha dalka qaarkood oo soo xiganaya Saraakiisha Ciidamada Booliska ee ku sugan degaanada gobolka Waqooyi Bari ayaa waxa ay sheegeen in tiro ku dhow labaatan dagaallame ay ka gudbeen xadka ,islamarkaana ay u gudbiyeen dhanka dalka Kenya.

    Dadka xoolo dhaqatada ah ee ku sugan xadka ayaa waxa ay sheegeen in ragga hubeysan oo ay aaminsan yihiin in ay ka tirsan yihiin Shabaab,  ay ku arkeen xadka ,islamarkaana ay waydiiyeen halka ay jooggaan Ciidamada dalka Kenya.

    Al-Shabaab ayaa dhowr jeer waxa ay ka gudbeen xadka ay wadaagaan labada dal waxaana ay weeraro ka geysteen degaano hoos yimaada gobolka waqooyi Bari.

    Tuulooyinka gobolka Waqooyi Bari ee dalka Kenya Ciidamada Booliska ah ee joogga ayaa waxaa soo foodsaartay Cabsi aad u badan.

    Dowladda Kenya dhawaan sheegtay in ay ka feejigan tahay Weeraro kaga yimaada Xarakada Al-Shabaab maalmaha Ciida.

    Hiiraan Juun 22, 2017 Degaanka Banyaaley oo ka tirsan Gobolka Hiiraan dhowaan waxaa ku dagaalamay laba maleeshiyo beeleed oo halkaasi wada dega, Dagaalkaas waxaa ka dhashay khasaare isugu jira dhimasho iyo dhaawac oo soo kala gaaray dhinacyadii dagaalamay.

    Odayaasha dhaqanka ee ka soo kala jeeda labada beelood ee dagaalay ayaa heshiis hordhac ah waxa ay ka gaareen dagaalka ka dhacay degaanka Banyaaley ee gobolka Hiiraan.

    Maamulada Hirshabeelle iyo Ahlusuna xubno ka socda ayaa ka shaqeeyay in heshiis hordhac ah la kala dhexdhigo, labada dhinac, sidoo kalena la kala qaado maleeshiyaadka.

    Madaxweyne ku xigeenka maamulka gobolada dhexe ee Ahlusuna Cali Baashi Aadan Faarax oo la hadlay Risaala ayaa xaqiijiyay in heshiis hordhac ah laga gaaray dagaalka, sidoo kalena maanta lagu wada in la dhameystiro wajiyada kale heshiiska.

    Waxa uu sheegay in Odayaasha dhaqanka ee labada dhinac ay ku heshiiyeen in xabada lagu badalo wada-hadal iyo nabad, rajaduna hada ay wanaagsan tahay.

    In ka badan 20 qof ayaa ku dhimatay dagaalka Banyaaley, iyadoo dhaawacuna uu intaasi ka badan yahay, walow hadda waxgaradka Labada dhinac ay bilaabeen iney ka wada hadlaan wixii dhexmaray Labada beel.

    Khaatumo State Juun 22, 2017 -Puntland isaga oo sheegay in aanay waxba ka dhaxayn maamulka Puntland.

    Cali Khaliif waxa uu ku dhaliilay madaxeynaha Puntland Cabdiwali Gaas in uu yahay in aan xukumin magaalada Gaalkacayo oo uu dhalasho ahaan ka soo jeedo, waxaanu arimahan kaga hadlay waraysi uu siiyay tilifishanka Somalinews xaruntiisa magaalada Hargeysa, waxaana isaga oo arimahan ka hadlaaya uu yidhi

    “Waa iska hadloow ina Iigare waxa uu halkaas ka yidhaahdo waxa dhagaysta ayaaba ka daran, waxay qudha ee ay Puntland ka tahay Sool,S anaag iyo Cayn waa inay kolba u yeedho odayaal dhawr ah oo ay xoogaa dhaqaale ah ku saydhsaydho oo cad quudheed ku tuur tuurto, ninkaas leh madaxweyne ayaan ahay oo dastuurka ayaa I faraaya inaan dhulka xukumo waar ma xukumo oo dadkii waxan lahaa way tashadeen maamulkoodana way samaysteen kooda haw taliyo, Gaalkacayo oo uu isagu u dhashay ayaan gacanta ugu jirin inta uu Gaalkacayo iyo Garoowe ka maqan yahay ayaa ka badan intuu joogo.

    Hadduu cid la talinaayo isaga iyo maamulkiisu ha tashadeen danahoodana ha ku aadeen,anagu waxaanu mar walba u nahay diyaar hadday iyagu miyirsadaan in wada hadalo iyo nabad ku wada noolaansho iyo daris wanaag waxase aanu wada leenahay oo golayaal iyo siyaasad ahi ma jirto, waxa la yidhi dhidarka ayaa wax ka hurdo badan, mar uun buu danab ku dhacaa oo meesha ugu horaysa ee uu u ordi karo ayuu u ordaa, dad, ood, dudumo iyo waxii uu doonayaba waa jiidhayaa wadaadkaasi maruun buu maqlaa shirar ayaa halkan ka socda markaas ayuu sidii dhidarka soo hanbabaraa wadada ayaan uga baydhaynaa bal halka uu noo dhaafayo ha noo dhaafee.”

    https://www.youtube.com/watch?v=ZjyR6_V1A7I


    WARARKA MAANTA Juun 21, 2017
    Su'aalaha Maanta: Maxay tahay sababta ay 138 xildhibaan ay mooshin uga keenayn Raysal Wasaare Mudane Xassan Cali Kheyre "Bakhti-Raamsade" oo laga daba tagay beentiisa iyo khaa'inul waddanimadiisa kadib markii ay ogaadeen xildhibaanadda sida loo aasaasay Shirkaddii Soma Oil and Gas oo rabay inay nimanka shisheeyaha ah ay ku dhacaan khayraadka Ummadda Soomaaliyeed? Mar beentii $ 2 million oo saami ayaan ku darsaday oo sidaas ayaan agaasime uga noqday Shirkaddii Soma Oil and Gas waa been aan sal iyo raad lahayn! Waxaa xaqiiqo aha qofkasta iyo shirkad kasta oo saami ku yeelan karta gudaha dalka madaxbanaan waxaa diwaangelisa dowladda marka maxay dowladda UK u diwaangeli waysay saamigaagii $ 2 million Mr. Kheyre - Bakhti-Raam-sade!
    Wariye Cabdinasir Sola oo Kashifay sir ku saabsan wiil Norway baasaborka kala laabatay iyo yuusuf garaad oo ku dhex wareeray wax u qabashada Ummadda Soomaaliyeed ee ay dhibta ku dhex haysto Norway

    https://www.youtube.com/watch?v=XCO_EfaPzHE

    Muqdisho Juun 21, 2017 Raysal wasaaraha Xukuumadda Federaalka  Soomaliya Mudane Xassan Cali Kheyre "Bakhti-Raamsade" ayaa xalay kulan deg deg ahaa la qaatay Taliyayaasha Hay’addaha a\Amniga Dowladda Soomaliya kaasi oo loogu hadlayay sidii loogu hortagi lahaa weerarada ay geystaan dagaalyahanada Xarakada Al-shabaab balse la isma weydiin rag horay ugu guuldarraystay hoggaaminta Hay'addaha Amniga Soomaaliya inay mar labaad muuqato inay ku guuldaraysteem ilaalinta amniga caasimadda Muqdisho.

    Kulanka oo uu shir gudoominayay Raisulwasaaraha Xukuumadda Federaalka  Soomaliya Xasan Cali Kheyre, waxa ka qeyb galay wasiirka Amniga gudaha Soomaliya Maxamed Abuukar Islow ducaale, taliyaha Hay’adda Nabad Sugida iyo sirdoonka qaranka Soomaliya  Jeneraal Sambaloolshe, Taliyaha Ciidanka Booliska Soomaliyeed Jeneraal Saacid, iyo Taliyaha Ciidamada Xoogga dalka Soomaliyeed Jeneraal Cirfiid.

    kulanka ayaa diirada lagu sidii hay’adda amniga Dowladda Soomaliya ugu hortagi lahaayeen weerarada sii xoogeysanaya ay geystaan Xarakada Al-shabaab, oo bishaan Ramadaan gudaheda ay Magaalada Muqdisho ka geysteen labo qaraxa oo shalay midkii ugu dambeeyay uu ka dhacay degmada Wadajir.

    Kulanka markuu soo dhamaaday waxaa saxaafada ugu waramay wasiirka Amniga Gudaha Xukuumadda Federaalka Soomaliya Maxamed Abuukar Islow ducaale,wuxuuna sharaxaad uu ka bixiyay waxyaabaha kulanka diirada lagu saaray.

    Muqdisho Juun 21, 2017 Wafdi uu Hogaaminayo Madaxweynaha jamhuuriyadda Federaalka Soomaliya Mudane Maxamed C/laahi Maxamed (Farmaajo/ Been-Hawaas) ayaa maanta u safraya Magaalaa Kampala ee Caasimadda Uganda.

    Madaxweyne Farmaajo ayaa casuumaad rasmi ah ka helay dhigiisa dalka Uganda Yoweri Museveni   waxaa haatan mgaalada Kampala laga dareemayaa qaban-qaabada soo dhaweynta Wafdiga Maxamed C/laahi Maxamed (Farmaajo).

    Madaxweynayaasha  Farmaajo  iyo Yoweri Museveni  ayaa la filayaa in  marka ay kulmaan ay kawada hadlaan arrimaha Soomaliya gaar ahaan dhanka Amniga, madaama Uganda ay Ciidamada ugu badan ay Soomaliya ka joogaan.

    Muqdisho Juun 21, 2017 Madaxweynaha Soomaliya Farmaajo ayaa dhawaan la kulmay Madaxweynaha Uganda waxayna kawada hadleen sidii dowladda Cusub loogu gacan siin lahaa dagaalka lagula jira Dagaalyahanada Xarakada Al-shabaab.

    Kulan u dhaxeeyay tobanan ka tirsan xubnaha baarlamaanka federaalka  soomaaliya iyo madaxeynaha  Soomaliya Maxamed C/laahi Maxamed (Farmaajo) ayaa xalay ka dhacay mid kamid ah hoteelada magaaada Mogadisho .

    Kulankan ayaa yimid kadib markii habeen ka hor xildhibanadaan oo ka soo horeeda  Xukuumada  uu hogaamiyo Ra’isul asaare kheyre ay ku shireen hotel ku yaala magaalada Mogadishu ,waxaana madax weynaha uu la kulmay 15 kamid ahaa xubnahaasi mucaaradka.

    Madaxweynaha Soomaliya ayaa ka codsaday in mooshinkooda ay la laabtaan Xildhibaanada kasoo horjeeda Kheyre islamarkaana wax walba uu jira la xalin doono.

    Waxaa xubnaha  golaha aqalka sare hogaaminaya Senator Da’ud Cumar (Bisinle) laakiin ma’uusan xusin magacyada xubnaha kale ee baarlamaanka kuwaa oo ka soo horjeeda  dowlada uu hogaamiye madaxweyne Maxamed Cabdullahi Farmaajo.

    “Xildhibaanada waa kuwa doortay madaxweyne Maxamed C/laahi Maxamed farmaajo” Sida uu sheegay  Senator Da’ud Cumar (Bisinle) oo kulanka kadib hadal kooban jeediyay.

    Maxkamadda Ciidamada ayaa Xukun Dil ah ku ridday Maxamed Aadan Cali Barrow oo 16-kii Bishaan June Masaajid ku yaalla Magaalada Baydhabo ku dhex dilay Sheekh Maxamed Madeer oo Xilligaas Tukanayay Salaada Taraawiicda.

    Sidoo kale Maxkamadda Ciidamada Qalabka sida ayaa Labo Nin oo kale islamarkaana la sheegay in ay Gacansiiyeen ku Xukuntay Xabsi daa’in .

    Goobta Xukunka uu ka dhacay waxaa ku sugnaa Guddoomiyaha Maxkamadda Darajada Kowaad Gaashaanle Sare Xasan Cali Nuur Shuute iyo Masuuliyiin kale oo ka tirsan Koofur Galbeed.

    Guddoomiyaha Maxkamadda Darajada Kowaad ee Ciidamada Qalabka Sida G/sare Xasan Cali Nuur Shuute ayaa ku dhawaaqay Xukunka isugu jira Dilka iyo Xabsi daa’inka.

    Central Africa Republic Juun 21, 2017 ciidamadda nabad ilaalinta Qaramada midoobe ayaa roondo ka sameeyo xeryaha si ay ammniga u sugaan

    Hay’adda dhaqaatiirta aan xuduuda lahayn ee MSF ayaa sheegtay in ugu yaraan 35 qof ay ku dhaawacmeen dagaal ka dhacay Jamhuuriyada Afrikaada dhaxe maalin uu ka dib markii heshiis xabad joojin ah ay kala saxiixdeen dowlada iyo kooxaha mucaaradka.

    Maalintii Talaadada ayay ahayd markii xabad joojin lagu saxiixay magaalada Rome ee dalka Talyaaniga ee u daxeeysay xukuumada Bartamaha Jamhuuriyadda Afrika iyo kooxaha falaagada ah ee dalkaasi.

    Heshiiskan waxaa garwadeen ka noqday kaniisada katooliga

    Xabad joojinta oo si dhaqsa ah u dhaqangeleysay ayaa waxay dhabaha u xaareysaa in mucaaradka laga qeybgeliyo geedi-socodka nabadda iyo siyaasadda, si ay iyaguna rabshadaha u soo afjaraan.

    Heshiiskan waxaa garwadeen ka noqday kaniisada katooliga waxaana looga gollahaa in lagu soo afjaro mudo dhowr sano ah oo ay dalkaasi ka socdeen rabshado ku salaysan Diimaha

    Jubbaland Juun 21, 2017Taliyaha qeybta guud ee Ciidanka Booliiska Magaalada Kismaayo ee Maamulka Jubbaland Maxamed Naasir guud ayaa sheegay in sharciga la horgeynayo Ajaaniibtii Kalluumeysiga sharci darada ka waday Xeebta Ku dhaa ee Jubbaland.

    Taliyaha ayaa sheegay inta sharciga laga horgeynayao in ay sugayaan amaankooda isla markaana ay ka shaqeynayaan sidii Booliiska ay usii heyn lahaayeen inta sharciga laga horgeynayo.

    Waxa uu tilmaamay in cid walbo oo sharciga ku xad gudubta talaabo laga qaadayo.

    Waxa uu xusay in Hay’addaha garsoorka Jubbaland ay Cadaalada waafajin doonaan Ajaaniinta Kalluumeysiga sharci darada ka waday Xeebta Ku dhaa ee Jubbaland.

    Taliyaha ayaa u mahad celiyay Ciidamada Jubbaland ee gacanta ku soo dhigay ragaan, kana soo qabtay Degmada Badhaadhe sida uu sheegay Kalluumeysiga sharci darada waday.

    Sacuudiga Juun 21, 2017 Maxamed Bin Nayef waxaa lagu yaqaannay inuu aad uga soo hor jeeday mintidiinta jihaad-doonka ah.

    Boqorka sacuudiga, Salmaan Bin Cabdul Casiis, ayaa wax ka beddelay qaabka dhaxalka boqortooyada, isagoo wiilkiisa, Maxamed Bin Salmaan, ka dhigay ninka dhaxli doona boqornimada.

    Ninkii dhaxalka boqortooyada lahaa, amiir Maxamed Bin Nayef, ayaa darajadaas laga xayuubiyey, waxaana laga eryey wasiirnimadii wasaaradda arrimaha gudaha.

    Maxamed Bin Salmaan oo 31 jir ah ayaa sii hayn doona wasaaradda uu ku magacaaban yahay ee gaashaandhigga, wuxuuna sidoo kale noqonayaa ra’iisul wasaare ku xigeen.

    Isbeddellada ayaa lagu shaaciyey dikereetooyin boqortooyo oo is xig-xigay.

    Wakaaladda wararka ee dawladda Sacuudiga waxay sheegtay in boqorka uu ku baaqay in shacabku ay daacadnimo ugu muujiyaan amiirka cusub magaalada Makka fiidnimada Arbacada.

    Muqdisho Juun 21, 2017 Wasiirka Wasaarada Gaadiidka Cirka iyo dhulka ee xukuumada Federaalka Soomaaliya ayaa sheegay in Wasaarada ay mamnuuceyso in Gudaha Soomaaliya la keeno Gawaarida dhanka Midig Isterinka ku leh iyo waliba sidoo kale Gawaarida Albaabkooda uu u furmo dhanka Bidix ee Wadada dhankeeda ah.

    Maxamed Cabdulalahi Salaad(Oomaar) ayaa sheegay in kulan ay la qaateen qaar ka mid ah Ganacsatada gaadiidka dalka soo geliya ee ka Ganacsada in ay joojiyaan Gawaarida Isteerinka ku leh dhanka Midig Albaabkana ku leh dhanka Banaanka ee Gacanta Midig islamarkaana Ganacsatadii ay ka aqbaleen.

    Waxa uu arintaan ku micneeyay in tani ay uga gol leeyihiin arimaha amniga islamarkaana mararka qaar ay dhici karto Shilal ay waxyeelo ka soo gaarto dadka Shacabka ah.

    Hargaysa Juun 21, 2017 Maamulka Somaliland ayaa sheegay in ay doonaan wadahadal lala galo dowlada federal-ka soomaaliya oo ku saabsan arimaha amaanka,wada shaqeynta ku aadan dhanka dhaqaalaha iyo horumarka.

    Wasiirka u qaabilsan maamulka Somaliland arimaha dibadda Sacad cali shire  oo ka hadlayay sanad guuradii 26-aad ee ka soo wareegatay markii Somaliland ay ka go’aday jamuuriyada soomaaliya isaga oo munaasabaadaasi kala qeyb galay jaaliyada maamulka Somaliland ee ku sugan  magaalada London ee dalka Britian  ayaa  sheegay in maamulkiisa uu kor u qaadi doono wada hadalo mustaqbalka dhaw ay lagaalan dowlada federalka ee uu hogaamiyo Maxamed Cabdullahi Farmajo si wada shaqeyn ay u dhex marto.

    “Waxaan wada hadal la bilownay dowlada soomaaliya 2012-kii waxaana laheyn wada hadal joogto ah ilaa hadda, laakiin arimaha ku saabsan duulimaadyada hawada waxba maan ka gaarin,waxey nala tahay in dowladii hore wada hadalada aysan dhab ka aheyn.-Dowlada hadda jirta waxeey sheegtay in ay si aad ah u dooneyso wada hadal sidaas darted waxaan rajeyneenaa in horumar wanaagsan aan ka sameyno wadahadalada.” Sidaas waxaa yiri Sacid Cali Shiri oo u qabilsan arimaha dibadda maamulka Somaliland.

    Waxaana uu tilmaamay in arimaha ku saabsan madaxbaanida somalialand in aysan lagali doonin  dowlada  Federaalka soomaaliya.

    Waxaa wasiirka arimaha dibada Somaliland uu ku  booriyay beesha caalamka  in ay cadaadis ku saaraan dowlada soomaaliya si wadahadalo wax soo saar leh loo gaaro.

    Muqdisho Juun 21, 2017 Shirar Siyaasaded oo kala Gooni gooni ah ayaa saacadihii la soo dhaafay waxa ay ka dhacayeen Magaalada Buuhoodle ee Xarunta Gobolka Togdheer.

    Shirarkaas ayaa waxaa looga soo horjeedaa Siyaasada Madaxweynaha maamulka Khaatuma Cali Kahliif Galeyr oo dhawaan heshiis la galay maamulka Soomaaliland islamarkaana uu ku biiray.

    Odayaasha iyo waxgaradka Gobolada Sool Sanaag oo Shirar kala gooni gooni ah ku qabtay Magaalada Buuhoodle ayaa waxa ay sheegeen in Cali Khaliif uusan matalin dadka ku nool deegaanadaas islamarkaana ay ka soo horjeedaan go’aanka uu qaatay.

    Sidoo kale waxgaradkaas ayaa waxa ay sheegeen in dhawaan ay qabsan doonaan kulamo kale kaas oo ay uga hadlayaan sidii ay u doran la haayeen hoggaan kale sida ay hadalka u dhigeen.

    WARARKA MAANTA Juun 20, 2017
    Su'aalaha Maanta: Maxay tahay sababta Madaxweyne Mudane Maxamed Cabdilaahi Farmaajo "Been-Hawaas" u joojin layahay musuqmaasuqa baahsan ee haysta Dowladda Wada Dadban? Beeni raad ma leh ee nala dhageysta bulshadda rayidka oo si toos ah runta ugu sheegtay Madaxweyne Mudane Maxamed Cabdilaahi Farmaajo "Been-Hawaas" Iyadoo Raysal Wasaare Mudane Xassan Cali Kheyre "Bakhti-Raamsade" sheekadiisa ay ku soo gabagaboowday igu sawir iyo shacabka aan soo salaamay asagoo aan wax ka qaban raggii musuqmaasuqa baahansan ee Qaramadda Midooway ay ku soo dartay warbixino ay horay u soo saareen/daabaceen. Maxuuse Madaxweyne Mudane Maxamed Cabdilaahi Farmaajo "Been-Hawaas" u khiyaamayey Xisbiga Daljir ee uu hoggaamiyo Denjire Axmed Macalin Fiqi oo sabab u ahaa inuu Madaxweyne Mudane Maxamed Cabdilaahi Farmaajo "Been-Hawaas" helo fursad uu si toos ah ugula tartami karo taasoo u sahashay inuu noqdo Madaxweynaha Dowladda Soomaaliya  Bulshadda Rayidka oo si xun runta ugu sheegtay Dowladda Wada Dadban oo beenteedii laga daba tagay.
    https://www.youtube.com/watch?time_continue=42&v=CS27WDhAdoM
    Muqdisho Juun 20, 2017 Qarax xooggan ayaa dhacay hadda Muqdisho meeshaasoo ay ciidamadda baarayaan isla-markaasna ay soo sheegi donaan qasaaraha.
    Muqdisho Juun 20, 2017 Wasiirka Amniga Gudaha Xukuumadda Federaalka Soomaliya Maxamed Abuukar Ducaale ( Islow) ayaa sheegay in Dowldda Soomaliya ay dhawaan soo gaba-gabeyn doono Hawlgalka Amaanka lagu sugayo ee ka soconaya Magaalada Muqdisho.

    Wasiirka ayaa sheegay in inta badan guulo laga gaaray howlgalada xasilinta Caasimadda magaalada muqdisho ee dhawaan Dowladda Soomaliya ay ku dhawaaqday,islamarkaana shacabka Soomaliyeed loogu baahan yahay in mudada yare ee ka harsan holwgaladaas in ay dulqaad iyo adkeysi ay muujiyaan.

    ““Si aan u sii xoojinayo amniga ciidanku waxay sameyn doonaan wax walba oo suuragal ah. Waxaa la xiray qaar kamid ah jidadka xaafadaha dhex-dooda mara oo horey u furnaa ujeedka loo xirayna waa in lagu badbaadinayo shacabka Soomaaliyeed. Maalin walba qaraxyada iyo dhibabka ay geystaan argagixisadu waxaan ku weynaa nafta dadkeena qiimaha badan, si taas looga baaqsado waxaa lagama maarmaan ah in la xoojiyo amniga caasimadda lalana shaqeeyaa ciidamadda howlgalka ku jira”ayuu yiri Wasiirka Amniga”, ayuu yiri wasiir Maxamed Abuukar Islow Ducaale.

    Sacuudiga Juun 20, 2017  ilaaladdamada ilaalada xadka ee sacuudiga Wasaarada Warfaafinta Sacuudiga ayaa sheegtay in la xiray sadax askari oo ka tirsan ilaalada kacaanka Iiraan.Askartan la xiray ayaa lagu qabtay iyagoo u soo dhowaaday biyaha dalka Sacuudiga gaar ahaan ceelka saliida ee Marjan.

    Sacuudiga waxaa uu intaasi raaciyay in ragan la qabtay ay damacsanaayeen inay falal gaystaan.Waxayna wateen doon la sheegay inay ku soo dhowaatay ceelka shidaalka ee Marjan,

    Waxaa sidoo kale baxsatay doon kale oo la sheegay inay la socotay midan la qabtay.Balse dowladda Iiraan ayaa sheegaysay in doomahan la qabtay ay ahaayeen kuwo kaluumaysi ah.

    Waxaa jirra khilaaf xoogan oo u dhaxeeya labadan dowladood ee Iiraan Sacuudiga.

    Muqdisho Juun 20, 2017 Askari ka tirsan Ciidanka Nabad Sugidda Soomaaliya ayaa Tabeelaha Sheekh Ibraahim ee Duleedka Magaalada Muqdisho uu ku dilay Nin Ganacsade ah oo Magaciisa lagu sheegay C/kariin C/qaadir Maxamed,waxaana uu ka mid ahaa Ganacsatada halkaasi ku nool.

    Askariga wax dilay ayaa Magaciisa lagu sheegay Abuukar Barow,waxaana uu ilaalo u yahay Taliyaha Ciidanka Nabad Sugidda ee Garasbaaley Ibraahin Salaad Abuukar.

    Qof Goobjooge ah ayaa sheegay in Ganacsadaha iyo Askariga uu Muran dhex maray kadibna la dilay Marxuunka Ganacsadaha ahaa ee lagu Magacaabi jiray C/kariin C/qaadir Maxamed.

    Askarta Ciidamada Dowladda ayaa Xilliyada qar si Bareer ah u Toogto Dadka Shacabka ah ee ku nool Magaalada Muqdisho,waxaana Madaxweynaha Soomaaliya uu horay u sheegay in Askarigii Shacabka dhibaateeya Sharciga la hor geyn doono.

    Muqdisho Juun 20, 2017  Garoonka Aadan Cadde ee Magaalada Muqdisho ayaa sheegaya in Diyaarad yar oo aan weli la shaacin nuuceeda iyo heebteeda uu dab ku qabsaday Garoonkaasi.

    Diyaaradda ayaa la sheegay in ay ka duushay Garoonka Aadan Cadde islamarkaana Cilad soo food saartay aawgeed Garoonka dib ugu soo laabatay iyadoona durba uu dab ka kacay.

    Ma cadda Khasaaraha ka dashay dabkaasi ka kacay Diyaaradda Caawa ku gubatay Gudaha Garoonka Aaddan Cadde.

    Xiriiro aan la sameynay Saraakiisha iyo Masuuliyiinta Garoonka Aadan Cadde ayaan inoo suura galin xilliga oo habeen ah aawgeed.

    Buurhakabo Juun 20, 2017 Wararka naga soo gaaraya degmada Buurhakaba ee gobolka Baay ayaa waxa ay sheegayaan in halkaasi ciidamada dowladda Soomaaliya ee ku sugan uu isku dhiibay Sargaal ka tirsan Al-Shabaab.

    Gudoomiyaha degmada Buurhakaba Xuseen Maxamed Cali ayaa  sheegay ninka isasoo dhiibay in uu watay hub.

    Waxaa uu ka gaabsaday in uu shaaciyo Magaca Sarkaalka laakiin waxaa uu sheegay in ay u gudbin doonaan Magaalada Baydhabo.

    Maamulka degmada Buurhakaba ayaa waxa ay xuseen in ninkaan uu lasoo xariiray ka dibna uu yimid degmada.

    Muqdisho Juun 20, 201 Dawladda Soomaaliya ayaa shaacisay howlgal laga sameeyey qeybo kamid ah Suuqa weyn ee Baaraka in lagu soo qabtay Madaxii Amniyaadka Kooxda Alshabaab ee gobolka Banaadir C/wahaab Khaliif Axmed oo loo yaqaan (Ciise Tarabuun) , waxana howgalkan uu dhacay maanta oo Isniin ah.

    Wasiirka Amniga Mudane Maxamed Abuukar Islow Ducaale ayaa sheegay in howlgalkan uu ahaa mid qorsheysan isla markaana uu yahay guul ay soo hooyeen ciidanka Xasilinta Caasimadda.

    “Waxaa maanta qabanay C/wahaab Khaliif Axmed oo loo yaqaan (Ciise Tarabuun) oo dhibaatooyinkii ka dhacayay caasimadda masuuliyadeeda lahaa, hadda wuxuu ku jiraa gacanta dawladda oo caddaaladda ayaa la horgeynayaa”ayuu yiri Wasiirka Amniga oo raaciyey.

    Wasiirka oo ka hadlayay muhiimadda ay leeyihiin howlgalladan ayaa tilmaamay;

    “Dhowrkii bilood ee la soo dhaafay waxaan dalka ka wadnay howlgallo ballaaran oo lagu xasilinayo amniga caasimadda, waxana lagu guuleystay in laga hortago falal badan oo cadowgu maleegayeen”.

    Dhanka kale Wasiirka ayaa ka hadlay jidadja xaafadaha dhex-dooda maray ee Caasimadda oo qeybo kamid ah la xiray, isagoo ugu baaqay shacabka Soomaaliyeed in dulqaad ay muujiyaan maadaama waxa laga shaqeynayo ay yihiin amni, una baahan yahay feejignaan dheeri ah.

    “Si aan u sii xoojinayo amniga ciidanku waxay sameyn doonaan wax walba oo suuragal ah. Waxaa la xiray qaar kamid ah jidadka xaafadaha dhex-dooda mara oo horey u furnaa ujeedka loo xirayna waa in lagu badbaadinayo shacabka Soomaaliyeed. Maalin walba qaraxyada iyo dhibabka ay geystaan argagixisadu waxaan ku weynaa nafta dadkeena qiimaha badan, si taas looga baaqsado waxaa lagama maarmaan ah in la xoojiyo amniga caasimadda lalana shaqeeya ciidamadda howlgalka ku jira”ayuu yiri Wasiirka Amniga.

    Wasiirka ayaa hambalyo u diray Ciidamadda Xasilinta Caasimadda, waxana uu ku bogaadiyey xoojinta guushan la gaaray.

    —–DHAMMAAD—

    Xafiiska Warbaahinta iyo Xiriirka

    Maraykanka Iyo Ruushka Juun 20, 201 An F/A-18E Super Hornet (oo la mid ah diyaaraddan sawiran) ayaa soo ridday diyaarad ay leeyihiin ciidammada Suuriya

    Aqalka cad ee Maraykanka ayaa sheegay in Maraykanka uu is difaaci doono ka dib markii Ruushka uu ku dhawaaqay inuu bartilmaameedsan doono diyaarad iyo Drone walba oo soo gasha bartilmaameedkooda.

    Ruushka ayaa ka caroodey diyaarad nooca dagaalka ah oo Suuriya lahayd oo Mareykanku uu soo ridey .

    Ruushku waxaa kale oo uu sheegey in dhamaan uu joojinayo wadashaqayntii uu la lahaa Mareykanka ee ka hortaga shilalka hawada Suuriya.

    Wasiirka arrimaha dibadda ee Ruushka ayaa u sheegay Maraykanka in ay ixtiraamaan madaxbanaanida dhuleed ee Suuriya, ayna ka fogaadaan tallaabo hal dhinac ah.

    Maraykanka ayaa sheegay in diyaaraddaasi la riday ay duqeysay jabhad la dagaalanto kooxda isugu yeertay dowladda Islaamka.

    Hadalkan ayaa yimid kadib markii maalintii axada ay soo rideen xullafada Maraykanka diyaarad dagaal oo dowladda Suuriya ay leedahay.

    Maraykanka ayaa sheegay in diyaaraddaasi la riday ay duqeysay jabhad la dagaalanto kooxda isugu yeertay dowladda Islaamka.
    Maraykanka Juun 20, 2017 Xoghayaha arrimaha difaaca Maraykanka Jim Mattis ayaa sheegay in weerarada burcad badeeda ay dib ugu soo noqdeen gacanka cadan iyo biyaha soomaaliya bilihii ugu dambeeyay.

    Waxa uu sheegay in ugu yaraan lix maraakiibta ganacsiga lagu af dhuubtay ama lagu weeraray waqooyiga biyaha soomaaliya tan iyo bishii March ee sanadkaan.

    Xoghayaha ayaa hadalkaan waxa uu ka sheegay mar uu shir jaraa’id ku qabtay dalka aan dariska nahay ee jabuuti,halkaasi uu Maraykanku ka habaysanaayo saldhig military oo joogto ah .
    Waxa uu intaa ku daray in ay yaraayeen weerarada ay Gaystaan kooxda burcad badeeda shanti sano ee ugu danbaysay ka dib markii ay ka hortageen weeraradaa ciidamo caalamiga ah ee la dagaalanka burcad badeeda iyo shirkaddo gaar loo leeyahay.

    General Thomas Waldhauser oo madax ka ah taliska ciidamada Maraykanka ee qaarada Afrika ayaa ku sababeeyay in ay kooxaha burcad badeeda ay dib ugu soo noqdeen weeraradoodii in ay tahay abaarta daran ee ka jirto soomaaliya iyo doonyo kallumaysi oo si sharci darro ah ugu kallumaysto biyaha soomaaliya

    Kooxaha burcad badeeda soomalida ayaa dhowrkii bilood ee ugu danbeeyay waxa ay weeraro ay ku qaadeen maraakiib ganacsi oo marayay biyaha gacanka cadan.

    Hiiraan Juun 20, 2017 Maanta ayaa la filayaa in ay deeganka Banyaaleey ee gobolka Hiiraan ay ku kulmaan Odayaasha dhaqanka ee ka soo kala jeeda Beelihii dhawaan ku dagaalamay halkaas si xal buuxa looga gaaro daagal beeleedyadii dhex maray labadii maleeshiyo Beeleed.

    Masuuliyiin ka kala socda Maamulada Hir-Shabeelle iyo Ahlusuna Wal-Jamaaca ayaa dhawan ku guuleestay in ay kala qaadaan Maleeshiyaadkii wada dagaalamay islamarkaana la kala geeyo deegaan isku jira ilaa 10km taas oo keentay in uu dagaalka joogsado.

    Kulanka ayaa inta uu socdo waxaa looga hadli doonaa dagaaladii dhacay iyo khasaarihii ka dhashay iyo sidoo kale sidii heshiis buuxa looga gaari lahaa dagaaladaas maadaama dadka wada dagaalamaya ay yihiin dad wada Dhashay oo dhul iyo daaqsin wadaaga intaba.

    Qaar ka mid ah Waxgaradka ka qeybgalaya kulankaas ayaa waxa ay sheegeen in ay rajo wanaagsan ka qabaan in dagaal beeledkii dhacay xal buuxa laga gaari doono.

    London Juun 20, 2017 Muslimiinta ku nool Magaalada London ee Carriga Ingiriiska ayaa walaac xoogan waxa ay ka muujinayaan  Weeraro kaga yimaada Dadka Cadaanka ah ee Xag Jirka ah.

    Cadaanka Xag Jirka ah ayaa laga cabsi qabaa in weeraro ay doonayaan in ay Aargoosi kaga dhigaan weeraradii Argagixiso ee ka dhacay dalkaasi Ingiriiska ay ku qaadaan Muslimiinta ku nool Waqooyiga London oo ay ka mid yihiin Jaaliyadda Soomaaliyeed ee dalkaas.

    Dowladda Ingiriiska ayaa ka hortageysa falal kale oo weeraro  Aargoosi ah oo ka dhan ah Musliimiibta Dalkaas.

    Arrintaan ayaa ku soo beegmeysa kadib weerar  Gaari xamuul ah loo adeegsaday oo lagu qaaday Masjid ku yaalla Magaalada London.

    Galmudug & puntland State  Juun 20, 2017 Maamulka Galmudug ayaa Sheegay in Magaalada Gaalkacyo uu ka furi doono Shir Dib u Heshiisiineed oo u dhexeeya Maamulada Galmudug iyo Puntland oo ku Muransan Magaalada Gaalkacyo iyo Deegaano ka tirsan Gobalka Mudug.

    Wada hadaladaan ayaa waxaa Hogaaminaya Madaxweyne Cusub ee Gamudug Axmed Ducaale Geel Xaaf waxaan ka soo qeyb galayaa Madaxweynaha Maamulka Puntland C/wali Maxamed Cali Gaas iyo Madax ka socota Golayaasha Dowladda Federaalka Soomaaliya.

    Wasiirka Dastuurka iyo dib u heshiisiinta Galmudug Cismaan Maxamed Cali dheere ayaa Sheegay in uu Meel Wanaagsan marayo dadaalka Galmudug ay ugu jirto Furitaan Shirweyne Dib u Heshiisiineed oo Xal loogu Raadinayo Xiisad aan Dhamaadka la heyn ee ka jirta Gobalka Mudug.

    Wasiirka ayaa ugu baaqay in Dhinacyada uu Shirkaan Quseeyo iyo Dowladad Federaalka inay Xil iska Saraanaa Furitaan Wada Nabada Gobalka Mudug.


    Juun 2017

     

    WARARKA MAANTA Juun 19, 2017 Sir Culus

    Su'aalaha Maanta: Maxay tahay sababta uu Madaxweyne Mudane Maxamed Cabdillaahi Farmaajo “Been-Hawaas” ugu magacaaway Marwo Ms. Faadumo Dayib inay noqoto Safiirka Soomaaliya u-qaabilsan Qaramadda Midooway “New York”? Maxay qarinaysaa Dowladda Wada Dadban oo ay daadihinayaa rag musuqmaasuq baahsan ku wada lug leh kuwaasoo xitaa lagu kashifay warbixino ay horay soo daabaceen Guddigga Qaramadda Midooway u-qaabilsan Soomaaliya Iyo Eritriea? Mise waxaa lagi qarinayaa ragga la shaqeeya argagixisadda ee lugooyada ku haya jiritaanka qaranimadda Soomaaliya kuwaasoo la ogyahay dembiyadda ay dalka ka galeen? Mise waxay ka rajo beeshay inay dib mar kale isugu soo sharaxdo jaggadda Madaxweynenimadda Soomaaliya 2020? Mise waxaa arrintan dabada ka wada shisheeyaha Ummadda Soomaaliyeed ku ciyaarayey ilaa 1991dii ilaa iyo hadda. Hambalyo Denjire Ms. Faadumo Dayib oo aan wax xil dibolomaasiyaddeed horay uga soo qaban dalka Soomaaliya oo maanta loo magacaabay Safiirka Soomaaliya u-qaabilsan Qaramadda Midooway “New York”.

    Muqdisho Juun 19. 2017 Madaxweynaha Soomaliya Maxamed C/laahi Maxamed (Farmaajo), ayaa xil Cusub u magacaabay Faadumo Dayib oo kamid aheyd Musharixiinta Xilka Madaxweynaha Soomaliya doorashadii Soomaliya ka dhacday sanadkaan 2017-ka.

    Faadumo Dayib oo ah Haweeney Soomaliyeed islamarkaana haysata dhalasada dalka Finland ayaa sanadkii 2016-kii ku dhawaaqday in ay u taagan tahay xilka madaxweynaha   inkastoo inta aysan doorashada la gaarin ku dhawaaqday in ay isaga hartay tartanka, sababo ay ku sheegtay Musuq-maasuq.

    Madaxweyne Farmaajo ayaa u magacaabay Faadumo wakiilka Hay’adda Haweenka Qaramada Midoobay ee Soomaaliya, sababta ayaa lagu sheegay in ay tahay Qof wax badan u dhaqdhaqaaqda arrimaha Haweenka.

    Madaxweynaha Soomaliya Maxamed C/laahi Maxamed (Farmaajo), ayaa u rajeyay Faadumo Dayib in uu ilaahey ku guuleysiiso xilka uu u magacaabay.

    Dhanka kale Fadumo Dayib ayaa ka mahadcelisay xilka loo magacaabay,waxayna sheegtay in iyadoo yar Soomaliya  qoyskeeda ay ka baraceen balse ayna haatan kusoo laabtay iyadoo qof weyn ah.

    Hirshanelle Statet Juun 19. 2017 Madaxweynaha Maamulka Hirshabeelle Cali C/llaahi Cosoble ayaa sheegay in shaqo badan ay u baahan tahay wax ka badal in lagu sameeyo Dastuurka Maamulka Hirshabeelle.

    Cosoble ayaa sidoo kale sheegay in aysan sahlaneyn wax ka badalka Dastuurka isla markaana ay u baahan tahay waqti badan iyo dadaal dheeri ah.

    Waxa uu sheegay in Xildhibaano dano gaar ah wata in ay doonayaan in ay bilaabaan qorshe wax loogu badalayo Dastuurka Maamulka Hirshabeelle balse arrintaasi aysan suurta gal ahayn.Waxa uu tilmaamay in Maamulka Hirshabeelle uusan la mid ahayn Maamulada kale ee dalka ka jira, loona baahan yahay sida uu sheegay in Xildhibaanada aysan ku dayan maamuladaasi.

    Dhawaan ayay ahayd markii Xildhibaano ka tirsan Baarlamaanka Maamulka Hirshabeelle ay soo jeediyeen in wax ka badal lagu sameeyo Dastuurka Maamulka Hirshabeelle.

    London Juun 19. 2017 Nin ayaa dhintay siddeed kalena dhaawac ayaa soo gaaray ka dib markii gaadhi ladulmariyay dad ku sugnaa hareeraha wado ka agdhaw masaajid ku yaalla waqooyiga magaalada London.

    Nin 48 jir ah ayaa loo xiray shil ka dhacay agagaarka masaajidka degmada Finsbury Park.

    Dhacdadan ayaa boolisku ay ku tilmaameen shil aad u weyn.

    Shilkan wuxuu ka dhacay Wadada Seven Sisters. Ciddamada booliska ayaana goobtaas isku gadaamay.

    Guddiga Muslimiinta ee Britain ayaa sheegay in gaari si qasad ah loo jiirsiiyay dad cibaadeysanayay.

    Dadka dhacdadaasi ku waxyeeloobay ayaa la aamminsan yahay inay kasoo laabteen salaada tahajudka.

    Adeega gawaarida gurmadka degdega ah ee London ayaa sheegay in goobta weerarku ka dhacay ay u direen tiro ka mid ah shaqaalahooda caafimadka.

    Muuqaal baraha bulshada lasoo gelliyay dhacdada kadib ayaa muujinaya argagaxa goobtaasi ka dhacay iyadoo dadka halkaasi ku dhawacmayna loo gurmaday.

    Syria Juun 19. 2017 12 milyan oo ka mid ah dadka ku barakacay adduunka waa Suuriyaan

    Tirada dadka qaxootiga ah, kuwa magangalyo doonka ah iyo kuwa ku barakacay gudaha dalalkooda ee dunida oo dhan ayaa gaaray meeshii ugu saraysay abid, iyaga oo noqday 65.6 milyan oo ruux sida ay sheegtay Hay’adda Qaxootiga u qaabilsan Qaramada Midoobay.

    Qiyaastan la sameeyay dhammaadkii 2016kii ayaa ka badan 300,000 middii la sameeyay sannadkii 2015kii, sida ay hay’addu ku sheegtay warbixinteeda sannadlaha ah.

    Tiradda ku korortay ayaase ka hoosaysa middii ku korartay intii u dhaxaysay sannadkii 2014kii ilaa 2015kii.

    Laakiin madaxa hay’adda Qaramada Midoobay u qaabilsan Qaxootiga Filippo Grandi ayaa sheegay in ay tahay arrin walaac leh oo muujinaysa in dublamaasiyaddii calaamku ay guuldaraysatay.

    Waxay u muuqataa in dunidu ay noqday meel aan nabad keenikarin” ayuu yiri Filippo.

    Sidaas daraadeed waxaad arkaysaa dagaalladii hore oo sii socda iyo kuwo cusub oo qarxaya barokicin ayayna la imaanayaan, barakicinta qasabka ah ayaa astaan u ah dagaallada aan soo afjarmin.” ayuu sii raaciyay.

    Berbera Juun 19. 2017 Wararka ka imaanaya magaalada Berbera ee gobolka Saaxil ayaa ku waramaya in Dekadda Magaaladaas gaar ahaan Qaybta Loo yaqaano Barxada Wajaale in uu dab qabsday islamarkaana ilaa haatan uu socdo.Dabkan  ka kacay Dekadda magaalada Berbera ayaa la arkay un Markii salaada Maqrib la Tukaday Warar soo baxaya ayaa tilmaamaya in Koonteenaro Meesha Yaalay dab ka Dhashay, Taasina ay sababatay Dabkaa Cirka Isku Shareeray.

    Goobtan Gubanyasa oo loo yaqaan Barxada wajaale Ayaa kaabiga Ku haysa , Haamaha Shidaalka Berbera, iyo Shirkadaha Keena Gaaska wax Lagu karsado , Dabcana Xarumo Khatar Isku Ah Ayaa Is Kulaalaya.

    qalka sare ee baarlamaanka ingiriiska

    Brussels Juun 19. 2017 Maanta oo Isniin ah waxaa magaalada Brussels ka furmaya shirkii ugu horreeyay ee dalka Britain uu rasmi ahaan kaga baxayo ururka MIdowga Yurub. Waxaa kulankaas ka qayb gelaya wasiirka dowladda UK u qaabilsan ka bixidda Midowga Yurub iyo wakiilka Midowga Yurub u xilsaarteen wada xaajoodka labada dhinac.

    Wada xaajoodka rasmiga ah ee ka bixidda Midowga Yurub waxaa marka ugu horreysa diiradda lagu saarayaa arrimo ku saabsan sidii dalka UK uu uga guuri lahaa ururka Midowga Yurub, sida uu sheegay ururkaasi inuu jecel yahay inay u dhacaan wada xaajoodyadu iyadoo xiriirka mustaqbalka ee labada dhinac lagaga hadli doono kulammada dambe.

    Waaxda dalka Britain u qaabilsan ka bixidda Midowga Yurub waxay sheegtay inay weli ku dheggan tahay aragtida ah in la isku barbar wado bixitaanka iyo xiriirka mustaqbalka sida uu noqonayo.

    Ra’iisul wasaare Theresa May iyo madaxa guddiga Yurub, Donald Tusk oo kulan ku yeeshay London horaanti sanadkan

    Wada hadalka maanta ka dhacaya Brussels waa kan keliya ee toddobaadkan la isugu imanayo, iyadoo wada hadallada loogu talagalay in la qabto bil walba inta lagu jiro xilligan kulaylaha oo dhan.

    Qoryooleey Juun 19. 2017 Saraakiisha Dowlada Soomaaliya ee Dagamada Qoryooleey ee Gobolka Shabeelaha Hoose ayaa Sheegay inay Dileen Sarkaalkii Hogaaminayey Ciidankii Al-Shabaab ee shalay Galinkii danbe Weerarka ku qaaday Saldhiga Ciidamada Dowladda iyo kuwa AMISOM ay ku leeyihiin dagmadaasi.

    Taliyaha Booliska Degmada Qoryooleey ee Gobalka Shabeelaha Hoose  Korneel Cali Maxamed Aadan  ayaa Sheegay in ay Dileen Saraalkii Al-shabaab ee Hogaaminayey Ciidanka Dagmada Soo weeraray ka dib Dagaal kooban oo halkaas ka dhacay.

    Sidoo kale Taliyaha Booliska Degmada Qoryooleey ee Gobalka Shabeelaha Hoose  Korneel Cali Maxamed Aadan waxa uu tilmaamay in Ciidamada ay weerar  dabagal ahaa ay ku qaadeen Fariismaha ay kasoo duulaan tageen Ciidamada Al-shaabab.

    Ma jiro wax war ah oo kasoo baxay Al-shabaab

    Beledweyne Juun 19. 2017 Kooxo hubeysan ayaa lagu soo waramayaa in Magaalada Baladweyne ee Xarunta Gobolka Hiiraan ay ku dileen ganacsade caan ahaa.

    Marxuumka oo lagu magacaabi jiray Ibraahim Cismaan Muumin ayaa dabley ku hubeysnaa bistoolado waxey ku dhex toogteen goobtiisa ganacsi oo ku taalla Xaafada Howlwadaag ee Galbeedka Magaalada Baladweyne.

    Taliye ku xigeenka Saldhiga Booliska ee Degmada Baladweyne, Nuur Xasan Bidaar ayaa waxa uu sheegay in dilkaasi uu ka dhacay Magaalada Baladweyne.

    Taliyaha ayaa waxuu tilmaamay in ay socdaan howlgallo baaritaano ah, islamarkaana waxuu qeexay in gacanta lagu soo dhigi doono raggii ka dambeeyay falkaasi dilka ahaa.

    Ilaa iyo hada majiro cid sheegatay mas’uuliyada Dilkii ka dhacay Magaalada Baladweyne ee Xarunta Gobolka Hiiraan.

    Muqdisho Juun 19. 2017 axkamadda Ciidamada Qalabka Sida ayaa xukun ku riday ragii loo heystay in ay ka dambeeyeen dilka Allaha Unaxariiste Marxuum Cabaas C/laahi Sh. Siraaji oo ahaa wasiiirkii howlaha guud iyo dib udhiska xukuumadda Federaalka Soomaaliya.
    Gudoomiyaha Maxkamadda darajada 1-aad ee Ciidamada Qalbaka sida Gaashaanle Sare Xasan Cali Nuur Shuute ayaa ku dhawaaqay xukunka Maxkamadda.

    Taariikhdu markay Ahayd 14/06/2017, Maxkamadda Darajada 1’aad Ciidamada Qalabka Sida waxay mar sedaxaad u fariisatay Dacwad Ciqaabeedkii loo haystay Eedaysane D/le X Axmad C/laahi Cabdi (Caydiid) 29 jir ah ina Nadiifo Faarax Cabdi ku dhashay Galgaduud ka tirsan Ciidanka Bada XDS, Kaas oo Xafiiska Xeer Ilaalinta Ciidamada Qalabka Sida ku soo eedeeyey dambiga ah dil bareer ah kadib markii uu 2(labo) xabadood ku riday gaari uu waday Marxuum Cabaas C/laahi Sh. Siraaji oo ahaa wasiirkii howlaha guud iyo dib u-dhiska Xukuumada Federaalka hal xabad oo ka mid ahna ay wejiga kaga dhacday marxuumka sidaasna uu ku geeriyooday. 03/05/2017 abaaro 19:00 habeenimo ,sidoo kale waxaa lagu eedeeyay in Tr 28/04/2017 abaaro 15:00 galabnimo uu sameeyay isku day dil kadib markii asagoo saaran gaari qooqan ah uu ku qabtay qorigii uu watay taliyaha saldhiga X/jajab iyo askartii la socotay oo shaqo ka haayay isgoyska ceel-gaab sidaasna looga qaaday Eedaysanaha qorigii uu watay.

    DOOD DHEER KADDIB.
    Maxkamaddu
    Markay Aragtay:- Eedii uu soo gudbiyey Xeer ilaaliyaha Ciidamada Qalabka Sida oo ku Xusnayd Aayadda 178aad Suuratul AL- Baqara iyo Qod. 434 XCS.

    Markay Aragtay:- qoraalka eedaysane D/le X Axmad C/laahi Cabdi (Caydiid) uu ka hor qoray garsoorka ciidanka hortiisa kuna cadeeyay in uu 2 xabad ku riday gaariga uu waday wasiir siraaji, sidoo kale wuxuu qoraalka ku sheegay in 28/04/2017 laga qaaday qoraygii uu ku qornaa kadib markii ay murmeen ciidankii ilaalinaayay Ceel-gaab.

    Markay Dhagaysatay: - Markhaatiyaashii la hor keenay Maxkamadda mid midna ay u waydiisay marag furkooda, waxay ka hor cadeeyeen garsoorka hortiisa in ay arkayeen eedaysane D/le X Axmad C/laahi Cabdi (Caydiid) oo xabad ridaaya marki la joojiyay gaariga uu saarnaana uu isku dayay in uu baxsado sidaasna ay si qasab ah ugu xireen.


    Markay Aragtay:- Cadaymaha la horkeenay maxkamada horteeda oo ay ka mid yihiin Cadaymaha laga qoray markhaatiyaasha, sawirada laga qaaday baabuurta la isticmaalayay, cabirada laga sameeyay goobta uu dilku ka dhacay, qoraygii loo adeegsaday dilka, warqada cadaynta dhimashada marxuumka, iyo warbixinta ay soo gudbiyeen waaxda baarista cilmiyaysan.

    Markay Dhagaysatay: - Doodii u dhaxaysay dhinacyada xeer-ilaalinta CQS iyo qareenada difaacayay eedaysanaha.

    Sidaas darteed, Maxkamadda waxaa u caddaatay in D/le X Axmad C/laahi Cabdi (Caydiid), uu yahay dembiile galay dembiyada lagu soo oogay waxayna ku xukuntay Dil Toogasho ah, oo ah qisaasta marxuum Cabaas C/laahi Sh. Siraaji.

    Sidoo kale maxkamadu waxay Amraysaa in xabsiga laga siidaayo S/A/le Cusmaan Salaad Barre oo ka tirsan Ciidanka Asluubta soomaaliyeed, hadii aan loo haysan dambi kale.

    Ciddii aan ku qanacsanayn xukunka Maxkamadda waxaa u furan Racfaan.
    Wabillaahi Towfiiq

    https://www.youtube.com/watch?v=F3C4S6xVw8A


    Wararka Maanta Juun 18, 2017
    Su'aalaha Maanta: Maxay Maamulka Somaliland ula heshiinayaan Maamulka Khaatumo State kadib 26 sanno oo ictiraaf beenaad iyo is-maqiiq Ummadda Soomaaliyeed lagu wareerinayey? Maxayse Maamulka Puntland State u diidan yihiin in Dowladda Federaalka ay aqoonsato Maamulka Khaatumo State oo kaasoo maamulo badan oo ka dembeeyey ay si toos ah u aqoonsatay Dowladda Federaalka? Maanta Soomaaliya waxaa ka jira maamulo badan marka yaa been been lagu maawilin doonaa! Ummadda Khaatumo State waxay gaareen guul inay la heshiiyaan Maamulka Somaliland State marka ceebta Puntland State haysata mar dhow ayey soo afjarmi doonto! Guul Maamulka Somaliland Iyo Khaatumo State!

    Hargaysa Juun 18, 2017Maamulada Somaliland iyo Maalmulka Khaatuma ayaa maanta Heshiis ka kooban Shan qodob waxa ay kula saxiixdeen magaalada Hargeysa ee Caasimadda maamulka Somaliland.

    Heshiiskaan ayaa waxaa goobjoog ka ahaa Madaxweynaha maamulka Khaatuma iyo sidoo kale Wasiirka Arrimaha dibadda maamulka Somaliland.

    Qodobada lagu heshiiyay oo kala ahaa sidaan ayaa Saxaafadda waxaa u aqriyay Wasiirka Arrimaha dibadda Somaliland Sacad Cali Shire.

    1. Somaliland iyo Khaatumo ay ku dedaalaan sidii afgarad buuxa looga wada gaadhi lahaa
    2. In la wada qorsheeyo lagana wada shaqeeyo sidii loo heli lahaa somaliland loo wada siman yahay oo ku dhisan cadaalad, maamul wanaag iyo xaq dhawrista xuquuqal iinsaanka, ku dhisan diinta islaamka oo muwaadiniinteedu midna ku ahayn marti balse ay u wada siman yihiin.
    3. In dastuurka somaliland la furo si loo xaqiijiyo awood qaybsi sugan oo cadaalada ku dhisan oo laga sameeyo madaxda golayaasha fulinta, sharci dejinta, garsoorka iyo hay’adaha dawliga ah.
    4. In la sameeyo maamul daadejin heer gobol, degmo iyo magaalo lana qeexo mid walba awoodeeda.
    5. In shir dambe layskugu yimaado 10-ka July laguna qabto magaalada Burco si lo odhameeyo wixii qabyada ah lagana tashado qaabkii iyo hanaankii loo qaban lahaa shir loo wada dhan yahay.

    https://www.youtube.com/watch?v=jN5faqKVIVc

    Muqdisho Juun 18, 2017 Senator Cabdiraxmaan Faroole oo ka mid ah Aqalka Sare ee Baarlamanka Somalia, ayaa si faah faahsan uga hadlay dastuurka dalka Soomaaliya, wuxuuna weerar ba’an ku qaaday wasiirka dastuurka Cabdiraxmaan Xoosh Jabriil oo maalmahan ku sugnaa Garoowe.

    Hirshabelle State Juun 18, 2017 Maamulka Hirshabelle ayaa ka hadlay Qaraxyada ay Al-shabaab dhigaan inta u dhexeysa Degmooyinka Balcad iyo Jowhar ee Gobolka Shabellaha Dhexe,waxaana Maamulka uu sheegay in ay dajiyeen Qorshe looga hortagayo Qaraxyada Shabaab ay dhulka ku aasaan oo Mararka qaar waxyeelo gaarsiisa Ciidamada Ammaanka iyo Mas’uuliyiinta Maamulka Hirshabelle.

    Wasiirka Warfaafinta Maamulka Hirshabelle Mahad Xasan Cismaan oo la hadlay Idaacadda Kulmiye ayaa sheegay in Xabsiga Magaalada Balcad ay ku jiraan ku dhawaad 15 Shabaab ah oo qaarkood lagu soo qabtay Qaraxyo iyo Hub intaba.

    Sidoo kale Wasiir Mahad Xasan Cismaan waxaa uu sheegay in ay Gacanta ku hayaan Nin Al-shabaab Afur ugu geyn jiray Mooto oo hadda ku jira Gacanta Maamulka Hirshabelle.

    Muqdisho Juun 18, 2017 Ra’iisul Wasaaraha Soomaaliya Mudane Xasan Cali Kheyre ayaa sheegay in umadda Soomaaliyeed ay xabad, Miino iyo Qaraxyo ay laayeen taasina ay tahay wax laga xumaado.

    Waxaa uu sheegay in uu dhibaatada la qeybsanaayo dadka Soomaaliyeed ee maalinba maalinta ka dambeysa Qaraxyadda ay dhibaatadu kasoo gaarayso.

    Xasan Cali Kheyre ayaa sheegay in Umadda Soomaaliyeed laga doonaayo in ay hubka iska dhigaan.

    Waxaa uu xusay in dhibaatada ugu badan ee heysata Bulshada Soomaaliyeed ay tahay hubka ay wataan oo ay isku dilayaan.

    Hadalka kasoo baxay Ra’iisul Wasaaraha Soomaaliya Xasan Cali Kheyre ,waxaa uu kusoo beegmaya xilli maalmihii lasoo dhaafay dowladda Soomaaliya Muqdisho ay ka waday hub ka dhigis.

    Afganistan Juun 18, 2017 Askari ka tirsan ciidamada Afghanistan ayaa weerarray ciidamo shisheeye oo ku sugnaa saldhig milateri, waxaana uu halkaa ku dhaawacay tiro askar Maraykan ah.

    Weerarka ayaa ka dhacay saldhig ku yaalla waqooyiga Afghanistan oo lagu magacaabo Camp Shaheen, sida uu BBC-da u xaqiijiyay sarkaal ka tirsan ciidamada.

    Haseyeeshee, afhayeen u hadlay taliska ciidamada Maraykanka ee ku yaalla caasimadda Kabul, ayaa beeniyay warar hore oo sheegaya in askar Maraykan ah lagu laayay weerarkaasi.

    Weerarka ayaa kusoo beegmaya todobaad ka dib markii uu askari ka tirsan kumaandooska Afghanistan toogasho ku dilay 3 ka mid ah askarta Maraykanka ee sida gaarka ah u tababaran, kuwaasoo ku sugnaa bariga dalkaasi.

    Ururka Taliban ayaa sheegay inuu ka dambeeyay weerarkaasi.

    Ururkaasi ayaa sidoo kale sheegay inuu mas’uul ka ahaa weerarkii bishii April lagu qaaday saldhig ku yaalla Mazar-ash Sharif, halkaasoo lagu laayay in ka badan 100 askari oo ka tirsan ciidamada Afghanistan

    Muqdisho Juun 18, 2017 Madaxweynaha Jamhuuriyada Federaalka Soomaaliya Mudane Maxamed Cabdulaahi (Farmaajo) ayaa Sheegay inay Muhiim tahay in la kala Saaro awooda Dowlada Federaal-ka iyo Dowlada Gobaleedyada si loo helo awood Dowlada dhexe Xooga leh iyo Maamul Gobaleedyo Hoosyimaada.

    Madaxweyne Farmaajo ayaa Tilmaamay  in Hadii ay sinmaan Awooda Dowlada Dhexe iyo tan Maamulada ay tahay in meesha ka Saaraysa Jiritaanka Macag Qaranka Soomaaliya sidaa darteedna Dowladda ay Xooga Saarayso in la Dhimo Awoodaha Maamul Gobaleedyada oo hada Tarban kula Jira Dowlada Dhexe Marka la Eego Siyaasada Dibada, Sida heshiisyada Caalamiga ah dhinacyada Dhaqaalaha iyo Amniga  iyo Maamulka Ilaha Dhaqaalaha Dalka Sida Garoomada iyo Dekedaha.

    Mudane Farmaajo dhanka kale Sheegay Dowlada Fedaraal-ka Soomaaliya ay deg deg u sameynayso Ciidamo Qaran oo kale oo Dhexe gala Qabaa’ilada Dagaalamaya kuwaasi oo Dhex-dhexaadka ah Khilaafka Beelaha ee Gacanka hadalka Sababa.

    IGAD Juun 18, 2017 Col. Gabre Egziaber oo ah Sarkaal Itoobiyaan oo la shaqeynaayay Urur goboleedka IGAD ,islamarkaana dadka Siyaasadda la socdaa ay sheegaan in uu saameyn ku lahaa Siyaasadda Soomaaliya ayaa waxaa loo magacabaay Xil cusub ka dib markii dhawaan laga qaaday Xilkii uu ka hayay Arrimaha Soomaaliya ee IGAD.

    Xoghayaha Guud ee Urur Goboleedka IGAD Maxbuub Macalin ayaa u magacaabay La Taliye sare ee arrimaha Siyaasadda ee Xoghayaha Guud ee IGAD.

    Col. Gabre ayaa horay uga tirsanaan jiray Xafiiska Fududeynta arrimaha nabadgelyada iyo dib u heshiisiinta Soomaaliya.

    Wararka Maanta Juun 16, 2017

    War Saxaafaddeed Jimco Juun 16, 2017

    Tallo Wadaag

    Aniga oo ah Dr. Badal W. Kaariye, waxaan Madaxweynaha Jamhuuriyadda Federaalka Mudane Maxamed Cabdilaahi Maxamed “Farmaajo” Iyo Raysal Wasaare Mudane Xassan Cali Kheyre ka codsanayaa inay si deg deg ah u magacabaan Guddigga Garsooorka Qaranka, Hay'adda La Dagaalanka Musuqmaasuqa, Hay'adda Cilmi Baarista Iyo Hirgelinta Mashaariicda si waddankeena dib nabad iyo kala dembayntii loogu soo celiyo.


    Mudane Madaxweyne Farmaajo Iyo Mudane Raysal Wasaare Kheyre, Ummadda Soomaaliyeed waxay aad iyo aad uga daaleen siyaasadda iyo siyaasiyiin had iyo jeer is-fashiliya marka ay waxba qaban waayaan sababo la xiriira musuqmaasuq baahsan iyo mashaariic lagu dabaqayo nin jeclaysi iyo isu-qaraabo-kiil!


    Waa Illaahay Mahadiis maata Ummadda Soomaaliyeed waxay diyaar u yihiin inay idin la wada shaqeeyaan waa haddii aad cayrisaan dadka lagu sheegay warbixinadda caalamiga ee la la xiriirinayo inay ku lug lahaayeen musuqmaasuq baahsan taasoo ay soo daabacday Hay'adda Qaramadda Midooway u qaabilsan Arrimaha la socoshada Soomaaliya Iyo Eritrea iyo Hay'adda loo yaqaano “Transparency International”.


    Sida xaqiiqda ah inta dad lagu tuhunsan yahay musuqmaasuq ay horay u sameeyeen gudaha dalka Soomaaliya, marnaba laga ma yaabo Bangiga Adduunka, Hay'adda Caalamiga ee La Socoshada Lacagta “International Monetary Fund” (IMF) iyo dowladdo farabadanba diyaar uma noqon doonaan inay si dowladnimo ah ay lacag u siin doonaan dalkeena – Soomaaliya.


    Marka inta uusan wakhtiga inta ka dhammaan fadlan aanu isku-dayno in aan buuxino sharuudaha aan Ummadda Soomaaliyeed wax ugu qaban karno si ay dowladdaha kale iyo hay'addaha calaamiga ahba ay Dowladda Soomaaliya u soo gaarsiiyaan wixii ay si sharciga waafaqsan ugu qoondeeyeen.


    Waad Mahadsan Tihiin,


    Dr. Badal W. Kaariye

    Madaxweynaha Machadka Barashadda Arrimaha Amniga Soomaaliyeed

    http://www.sioss.org/news/


    Muqdisho Juun 16, 2017 Guddigii Madaxweynaha Jamhuuriyadda Federaalka Soomaaliya Maxamed C/laahi Maxamed (Farmaajo) uu dhowaan u xilsaaray qiimeynta arrimaha Maxaabiista ayaa sheegay in ay Madaxweynaha u gubin doonaan warbixin muhiim ah oo ku aadan dhinaca cadaalada.

    Warbixintan ayaa wax ka tareysa arrimaha uu mudnaanta siinayo Madaxweynaha Soomaaliya Maxamed (Farmaajo) ee la xiriirta dhinaca cadaalada.

    Madaxweyne Maxamed C/laahi Maxamed (Farmaajo) ayaa 30-kii bishii May ee sanadkan waxa uu Guddigan u xilsaaray in ay xog ka keenaan xaaladaha Maxaabiista ku jira xabsiga dhexe ee Xamar.

    Maraykanka Juun 16, 2017 Guddoonka Golaha Shacabka Jamhuuriyadda Federaalka Soomaaliya ayaa bogaadiyey hawlgallada ay Ciidammada Qalabka Sida ee Soomaaliyeed ku xasilanayaan amniga Caasimadda.

    Ku simaha Guddoomiyaha Golaha Shacabka ahna Guddoomiye ku xigeenka Labaad ee Golaha Mudane Mahad Cabdalla Cawad oo kormeer u kuurgelid ah ku tagay xarunta dembi baarista Ciidammada Booliiska ee CID ayadoo kormeerkana ay ku wehlinayeen Guddiyada Amniga iyo Difaaca ee Golaha Shacabka waxaana halkaasi ay warbixinno kaga dhageysteen Taliyaha Ciidammada Booliiska Soomaaliyeed iyo ku xigeenka Xeer Ilaaliyaha guud ee Qaranka.

    Kulammada iyo kormeerka kadib hadal uu Warbaahinta siiyey Ku simaha Guddoomiyaha Golaha Shacabka ahna Guddoomiye ku xigeenka Labaad Mudane Mahad Cabdalla Cawad waxa uu ugu horeyn tacsi ugu diray shacabka Soomaaliyeed ee ku waxyeeloobay weerarkii argigixiso ee lagu qaaday maqaayadaha Posh iyo Pizza House ee magaalada Muqdisho waxaana uu caadimaad u rajeeyey dadkii falkaasi ku dhaawacmay isaga oo inta dhimatayna Alle uga baryey in naxariistiisa jano uu siiyo.

    Mudane Mahad Cabdalla Cawad Ku simaha Guddoomiyaha Golaha Shacabka waxa uu bogaadiyey hawlgallada ay magaalada Muqdisho ka wadeen Ciidammada Qalabka Sida ee Soomaaliyeed kuwaasi oo lagu xasilinayo Caasimadda dalka waxaana uu ballan qaaday ka Gole Shacab ahaan iney garab taagan yihiin Ciidammada Qaranka si ay waajibaadkooda u gutaan,

    Ugu dambeyntii Xukuumadda Fedraalka Soomaaliya ayuu ugu baaqay iney soo nooleyso nidaamka xaq siinta ciidammada ee u naafoobay difaaca Qaranka iyo daryeelidda carruurta agoonta taasi oo ku cad sharci no 8 ee soo baxay 30kii Maarso 1965.

    Maraykanka Juun 16, 2017 Mike Pence “ayaa diiradda saaraya hirgalinta hadafyada madaxweynaha” Madaxweynaha dalka Maraykanka ayaa shaqaalaysiistay qareen u gaar ah oo gacan ka siin doona jawaabaha uu ka bixin doono baaritaannada ku aadan macquulnimada in uu xiriir dhexmaray ol’olihii madaxweyne Trump iyo Ruushka.

    Richard Cullen ayaa lagu yaqaannaa in uu horay u matalay macaamiil magac leh.

    Xafiiska madaxweyne ku xigeenka ayaa ku dhawaaqay magacaabidda Cullen Khamiistii, wuxuuna sheegay in madaxweyne ku xigeenku uu waraysi la yeeshay dad dhawr ah oo shaqadaas u tartamay.

    “Madaxweynuhu wuxuu si buuxda diiradda u saarayaa shaqadiisa iyo hirgalinta hadafyada madaxweynaha, wuxuuna sugayaa in hawshan si khaso ah loo soo afjari doono,” sida uu sheegay afhayeenka Pence, Jarrod Agen.

    Goor sii horaysayna warbaahinta Maraykanka ayaa tabisay in Robert Mueller oo ah dacwad ooge khaas ah uu baarayo macquulnimada in madaxweyne Trump uu hor istaagay caddaaladda.

    Mueller ayaa hogaaminaya baaritaanka ay waddo hay’adda dabibaarista Maraykanka ee FBI ee ku aadan in Ruushku uu farogaliyay doorashadii madaxweynenimada dalka Maraykanka ee sannadkii 2016ki

    Warbaahinta Maraykanku waxay sheegayaan in saraakiil sare oo sirdoonka ka tirsan la waydiin doono in Trump uu isku dayay in la soo afjaro baaritaankii lagu hayay lataliyihiisii ammaanka qaranka Michael Flynn oo shaqada laga eryay iyo shaqo ka cayrintii madixii hore ee hay’adda sirdoonka Maraykanka ee FBI James Comey.

    Trump ayaa ku celceliya in aysan wax wada shaqayn ah dhex marin isaga iyo Ruushka

    Ruuskha Juun 16, 2017 Wasaaradda difaaca ee dalka Ruushka ayaa baaraysa bal in mid ka mid ah duqaymaha diyaaradahoodu uu dilay hogaamiyaha kooxdaka isku magacawda Dawladda Islaamka.

    Wasaaradda ayaa sheegay in laga yaabo in Abu Bakr al-Baghdadi uu ku dhintay duqayn ay diyaaraddoodu gaysatay 28 May.

    Marar badan oo hore ayaa la sheegay in la dilay Abu Bakr.

    Puntland Juun 16, 2017 Maraakiibta badbaadada ee ka howl gala xeebta Liibiya ayaa maalin qura soo badbaadiyay in ka badan kun muhaajiriin ah.

    Waxay saarnaayeen doon ay rajeynayeen inay ku tagaan Yurub. Boqol qof oo badankoodu ka soo jeeda dalka Bangladesh oo hal mar la soo badbaadiyay ayaa lagu soo qaaday doon yar.

    Tahriibayaal badan ayaa la kulma tacaddiyo jir ahaan iyo maskax ahaanba loogu geysto Liibiya inta ay ku jiraan safarkooda.

    Tahriibka sharci darrada ah ee dhanka badda Liibiya laga soo galayo ayaa caqabad ku noqday Talyaaniga. Wuxuu dalkaasi qaabbilay in ka badan lixdan iyo shan kun oo muhaajiriin ah lixdii bilood ee la soo dhaafay, tiradaas oo boqolkiiba siddeed iyo toban ka badan tirada ay qaabbishay muddadan oo kale sanadkii hore.

    Dadaallo lagu doonayo in wax looga qabto qulqulka dadka muhaajiriinta ah ayay dowladdu amartay in la dhiso lix iyo toban xarumood oo cusub oo dib u dejin loogu sameyn doono muhaajiriinta.

    Puntland Juun 16, 2017 Maamulka Puntland ayaa ku Dhawaaqay Qorshe Hub ka dhigis  loogu Sameynayo Dad Xoola Dhaqato ah oo ay  Abaari ay ka Barakicisay Koonfurta Gobalka Mudug oo uu ka Arimiyo Maamulka Galmudug isla Markaana  Deegaanada ka tirsan Maamulka Puntland ugu hayaameen Roobka Gu’ga.

    Ka dib kulan ay Wada Qaateen Odayasha Dhaqanka iyo Maamulka Gobalka Mudug ee Puntland ayaa laga soo saaray Qaraar ka Dhan ah Hubka ay Wataan Dadka ka Soo jeeda Deegaanada Galmudug ee Roobka u Raacay Waqooyiga Gobalka Mudug.

    Qodobada ka soo baxay Kulankaan ayaa waxaa ka mid ah wax hub ah aan lala soo gali Karin deegaanada Puntland, iyo Wixii Hubka oo ay heystaan Dadka Reer Guuraaga ah ee u soo Naqraacay Deegaanada Puntland in Hubkooda ay ku Wareejiyaan Ciidamada Daraawiisha Puntland ee Deegaanka Godad.

    Uga Danbeyntii Maamulka Gobalka Mudug iyo Odaasha Dhaqanka Puntland ee Gaalkacyo ayaa Maamulka Galmudug ka Dalbaday in si Sharuud la aan ah ay ugu soo gacan galiyaan Dad ay Sheegeen in dhawaan ay Dad Rayid ah  ay ku dileen Deegaanka Bali-Busle ee Bariga Gobalka Mudug kuwaas oo u Baxsaday Dhanka Galmudug.

    Hargaysa Juun 16, 2017 Maxadweynaha Soomaaliland mudane Mudane Axmed Maxamed Silaanyo iyo Wafdi uu Hogaaminayo ayaa maanta ka Dhoofay Garoonka Diyaaradaha Cigaal ee Magaalada Hargaysa kuwaasi oo ku wajahan Dalka Imaaraadka Carabta oo ka mid ah Wadamada Khilaafka Xoogan uu kala Dhexeeyo Dalka Qatar.

    Wafdiga Madaxweyne Siilaanyo oo iskugu jira Xubnaha Golaha Xukumada iyo Golaha Wakiilada Shacabka ayaa gaaraya Magaalada abu-dubia Dalka Imaaraadka Carabta ka Dib Markii ay Casuumaad ka Heleen Dowlada Imaaraadka oo u yeertay Madaxweynaha Soomaaliland.

    Madaxweynaha Soomaaliland iyo Dowladda Imaaraadka ayaa ka Wada Hadlaya Xoojinta Xiriirka Soomaaliland iyo Imaaraadka Carabta iyo  in Soomaaliland ay Xoojiso Go”aankii ay Xiriirka ugu jartay Dalka Qatar.

    Warar ayaa intaa ku Sii darayaa in Madaxweyne  Siilaanyo iyo Imaaraadka ay ka Wada Hadli Doonaan Sidii Hawada Soomaaliland looga Mamnuuci lahaa Diyaarada Dalka Qatar Adeegsada Hawada Waqooyiga Soomaaliya iyo Dardar galinta Saldhiga Militariga Imaaraadka Carabta ee Magaalada Barbera Kuwaas oo muhiim u ah Dhaq-dhaqaaqa Xulufada Cusub ee ka soo horjeeda Dalka Qatar islamarkaana uu Hogaaminayo Dalka Sucuudi Carabiya.


    WARARKA MAANTA Juun 15, 2017
    Su'aalaha Maanta:  Maxay Madaxda Dowladda Soomaaliya ay beenta ugu sheegayaan Ummadda Soomaaliyeed? Xaggee xukumaan? Maxuuse nin xitaa midayn waayey Ururka Suxufiyiinta Qaranka ka qaban karaa soo noolaynta dalxiiska dalka? Maxay ilmo been-hawaas iyo ilmo bakhti-raamsada lugooyo u sii galinayaan Ummadda Soomaaliyeed ee dhibaataysan? Runta ragga kama nixiso! Ummadda Soomaaliyeed gudaha dalka iyo dibadabba ma la khaldi karo ee Mudane Madaxeyne Farmaajo "Been-Hawaas" Iyo Mudane Raysal Wasaare Kheyre "Bakhti-Raamsae waxaa la joogaa wakhtigii aad iscasili lahaydeen waayo dadkii shalay lagu sheegay inau ku lug lahaayeen musuqmaasuq baahsan ee warbixinadii Qaramadda Midooway ayaad xilal waa weyn u dhiibteen ilaa iyo inta aad ka qaadaysaan oo aad raaligelin ka bixinaysaana waxba laga qarin maayo saxaafadda iyo Ummadda Soomaaliyeedba.
    Muqdisho June 15, 2017 Ra iisal Wasaaraha Xukuumada Federaalka ah ee Soomaaliya Mudane Xasan Cali Kheyre ayaa ku baaqay in dhinacyada ku dagaalamaya deegaanka Baanyaaley ee gobolka Hiiraan ay si dag-dag ah oo shuruud la,aan ah u joojiyaan dagaalka.

    “Waxaan tacsi u direynaa dhammaan shacabkii ay waxyeeladu ka soo gaartay dagaalada. Waxaa nasiib daro ah in weli qeybo kamid ah dalkeena ay dagaalo sokeeyo ka dhacaan, xili lagu jiro bisha barakeysan ee Ramadan oo dadku u taagan yihiin cibaadada ALLE. ayuu yiri R-Wasaare Kheyre.

    Ra’iisal Wasaaraha ayaa sheegay in qorshaha Dawladda uu yahay in si deg-deg ah ay u joojiso dagaallada iyo colaadaha, wuxuna baaq u diray maamulka Hirshabelle, Odayaasha dhaqanka, aqoonyahanada, ururada bulshada iyo qeybaha kala duwan ee bulshada inay mas’uuliyad gaar ah iska saaraan joojinta dagaalada iyo collaadaha oo ay dawladda kala shaqeeyaan nabadeynta iyo isku soo dhaweynta dadka walaalaha ah.

    “Dagaalka shacabka dhexdiisa ah waa arrin aan loo dulqaadin karin, waxeyna fursad siineysaa dhammaan inta diidan nabadda iyo horumarka. Waa inaan wadajirkeenna iyo isku xirnaanteenna adkeynaa oo aan khilaafkeenna ku xallinaa si nabad, wadahadal iyo dib-u-heshiisiin.” Ayuu raaciyey R.W Xasan Kheyre.

    Muqdisho, 15 June 2017 Golaha Wasiirada ee Xukuumada Federaalka Soomaaliya ayaa maanta yeeshay kulankoodii joogtada ahaa kaasoo uu shir guddoominayay Ra’iisul Wasaaraha Xukuumada Mudane Xasan Cali Kheyre, iyadoo kulankan looga hadlay qodobo ay ka mid yihiin Amniga dalka iyo weerarkii kooxaha argagixsadu ay ku qaadeen maqaayadda Pizza House oo kamid ah goobaha ay ku caweeyaan shacabka Muqdisho.

    Ugu horeyn Wasiirka Amniga ayaa golaha warbixin ka siiyey khasaaraha ka dhashay weerarkii Pizza House, wuxuna tilmaamay in falkaasi ay ku dhinteen dad gaaraya 20 ruux oo kamid yihiin kooxihii weerarka geystay, isagoo tilmaamay in 7 kamid ah dadkaas ay yihiin haween ku sugnaa halkaas waqtigii uu qaraxu dhacayay.

    “Falkaas argagixiso wuxuu cadeeyey sida cadowga ummadeenu ugu heelan yahay daadinta dhiiggooda, waxaa cad in Shabaab ay yihiin koox ka fog diinteena marka loo eego dhacdooyinkooda, gaar ahaan midii xalay oo ay ku dileen shacab aan waxba galabsan”ayuu yiri Wasiirka Amniga Gudaha Maxamed Abuukar Isloow (DUCAALE) .

    Golaha Wasiirrada ayaa cambaareeyey weerarka, waxana ay tacsi u direen shacabka Soomaaliyeed iyo cid walba oo dhibaato ka soo gaartay, weerarka argagixiso.

    Dhanka kale, Shirka golaha ayaa looga hadlay qodobo ay kamid yihiin soo bandhigidda dakhliga soo xarooday oo golaha uu warbixin ka siiyey Wasiirka Maaliyadda Mudane C/rixmaan Ducaale Bayle.

    —–DHAMMAAD—

    New York 15 June 2017 Golaha ammaanka Qaramada Midoobay ayaa sheegay in ay kordhinayaan howlgalka Qaramada Midoobay ee Soomaaliya ee UNSOM, waxaana la gaarsiinayaa ilaa 31-ka bisha March 2018-ka.

    Qaraaar tirsigiisu yahay 2,358 soona baxay 2017 ayey golaha waxa ay hoosta kaga xariiqeen muhiimada uu leeyahay taageerida hanaanka geedi socodka siyaasadeed ee Soomaaliya, lana wanaajinayo xiriirka ka dhaxeeya howlgalka iyo bulshada rayidka ah ee maamul goboleedyada iyo dowlada dhexe.

    Golaha ayaa sheegay in ay soo dhaweeynayaan balan qaadkii dowladda ee ahaa hanaanka geedi socodka qaranka ee kala duwanaa oo ay ku jiraan hanaanka qoondeynta awoodaha iyadoo maamulka goboleedyada xubnaha ka ah ay wadaagayaan daqliyada iyo khayraadka, taasi oo loo marayo hanaan cadaalad ay ku dhisantay.

    Golaha ayaa dhanka kale waxa ay ka hadleen xaalada abaarta ka jirta Soomaalliya, waxayna sheegeen in si deg deg ah wax looga qaban doono arrintaas.

    Xafiiska howlgalka Qaramada Midoobay UNSOM ee Soomaaliya ayaa la aas aasay sanadkii 2007-dii.


    Muqdisho 15 June 2017 Robert Muller oo ah dacwad ooge madaxbannaan ayaa dusha kala socda baaritaanka Ruushka

    Robert Mueller oo ah dacwad ooge khaas ah ayaa baaraya macquulnimada in madaxweyne Donald Trump uu hor istaagay caddaaladda, sida ay ku waramayso warbaahinta Maraykanka.

    Waxay sheegeen in saraakiisha sare ee sirdoonka la waydiin doono in Trump uu isku dayay in la soo afjaro baaritaankii lagu hayay lataliyihiisii ammaanka qaranka ee shaqada laga eryay.

    Qareennada madaxweyne Trump ayaa sheegay in macluumaadkan u dambeeyay ee warbaahinta lala wadaagay uu yahay mid aad looga xishoodo.

    Mueller ayaa dusha kala socda baaritaan ay waddo hay’adda dambibaarista Maraykanka ee FBI oo ku saabsan in Ruushku uu farogaliyay doorashadii Maraykanka ee sannadkii 2016kii iyo in Trump uu wax lug ah ku lahaa arrintaas.

    Madaxweyne Trump ayaa ku celceliyay in aysan jirin wax calaaqaad ah oo dhexmaray isaga iyo Ruushka, baaritaanka hadda socdana wuxuu ku tilmaamay “quraafaad”.

    Warkan u dambeeyay waxaa markii hore daabacay wargeyska Washington Post, intaas ka dibna waxaa iyanana qoray the New York Times iyo Wall St Journal

    Wargeyska Washington Post ayaa Arbacadii sheegay in go’aanka uu Muller ku baarayo dhaqanka madaxweyne Trump uu yahay mid bog cusub u furaya baaritaanka oo markii hore Ruushka oo kali ah diiradda saarayay

    Muqdisho, 15 June 2017 Ra’iisul Wasaaraha Xukuumadda Federaalka ah ee Soomaaliya Mudane Xasan Cali Kheyre ayaa khudbad dheer oo dhinacyo badan taabanaysa u jeediyey ergooyinka ka qeyb galaya Shirweynaha Wadatashiga qaran ee hannaanka dib-u-heshiinta oo soo qaban qaabisay Wasaaradda Arrimaha Gudaha, Federaalka iyo dib-u-heshiisiinta, kaas ay ka soo qeyb galeen dad weyne isaga kala yimid gobollada dalka.

    Ra’iisul Wasaaraha ayaa sheegay inuu rajo wanaagsan ka qabo in shirkaan uu noqdo mid u horseeda horumar dhamaan shacabka ku nool Jamhuuriyadda Soomaaliya oo sanado badan ay haysteen dhibaatooyin kala duwan, isla markaana loo baahan yahay in la joogteeyo dib-u-heshiisiinta.

    ‘’Dib u heshiisiinta waa inaaney halkan ku joogsan, ee waa in la joogteeyaa, si loo adkeeyo midnimada dadka. Dawladda iyo hay’adaha kale ee waddanka ka jira diyaar bay u yihiin inay idin la shaqeeyaan, isla markaana idin fidiyaan taageerada aad u baahan tihiin.’’ayuu yiri Kheyre oo dhanka kale sheegay in tiirarka asaaska u ah dawladda Soomaaliya uu yahay hirgalinta nidaam dib-u-heshiin baahsan oo gaarta guud ahaan dadka Soomaaliyeed.

    “Waxaa xaqiiqo ah in dadkeena ay ka go’antahay nabad iyo iskaashiga, waxaana idiin sheegayaa dadku waxa ay go’aansadaan wey gaaraan, waxaan rajeynayaa in Soomaali meel kasta oo ay joogto ka gudubto dagaalka iyo khilaafka ayna u gudbaan nabad, iskaashi iyo wadajir” ayuu yiri raaciyey Ra’iisul Wasaare Xasan Kheyre oo hadal dheer ka jeediyay shirka.

    Ra’iisul Wasaaraha ayaa sheegay dadka ugu badan ee khilaafaadku ka dhexeeyo ay kamid yihiin siyaasiyiinta, wuxuna kula dar-daarmay in midnimada dadkeena la xoojiyo. Shirkan ayaa marka uu dhamaado waxaa laga soo saari doono qodobo waxtar u leh bulshada Soomaaliyeed. Gaar ahaan arrimaha dib-u-heshiisiinta.

    —–DHAMMAAD—

    Spain June 15, 2017 Wasiirka Warfaafinta, Dhaqanka & Dalxiiska Mudane Cabdiraxmaan Cumar Cismaan (Eng. Yarisow) iyo La-Taliyaha Dalxiiska Yasir Baffo ayaa gaaray magaalada Madrid ee dalka Spain oo si heer sare ah loogu soo dhoweeyey.

    Wasiir Eng. Yarisow ayaa kulamo la qaadan doona Xoghayaha Guud ee Hay’ada Dalxiiska Caalamiga ah (Word Tourism Orgnanization) Mr Taleb D. Rifai iyo mas’uuliyiin ka tirsan Dowlada Spain. Ujeedada booqashada Wasiirka ayaa ah dardargelinta Qorshaha dib u soo nooleynta Dalxiiska Soomaaliya iyo sii xoojinta xiriirka Spain iyo Soomaaliya.

    Wasiir Yarisow ayaa yiri “Wasaarada Warfaafinta, Dhaqanka & Dalxiiska waxey wadaa qorshihii dib u soo nooleynta Dalxiiska Soomaaliya si bushada caalamka ay ugu soo dalxiis tagaan dalka, tanoo keeneysa maalgashi caalami ah iyo shaqo-abuur ay dhalinyaradu ka helayaan. Bacdamaa uu amniga soo roonaanayo ma aha in la sugo inta wax walba ka hagaagayaan ee waa inaan jiilka cusub u sii diyaarinaa jawi dalku uu kula tartami karo caalamka intiisa kale. Kulanka Xoghayaha Guud ee WTO waa fursad aan dooneyno in Soomaaliya ay door ku yeelato Hay’ada Dalxiiska Caalamiga bacdamaa dalkeenu uu leeyahay fursad qaali ah oo ku habboon dalxiiska.”

    Wasiir Eng. Yarisow ayaa inta uu joogo Madrid, Spain waxuu kulamo la qaadan doonaa mas’uuliyiin ka socota dalka Spain si xiriirka labada dal loo sii xoojiyo.

    Garoowe June 15, 2017 Wasiirka Arrimaha Dastuurka ee Xukuumadda Federaalka Soomaaliya Mudane Cabdiraxmaan Xoosh Jibriil iyo wafdi uu hogaaminayo oo maalintii sedexaad ku sugan magaalada Garoowe ee caasimadda dawlad goboleedka Puntland ayaa booqday xarunta Wasaaradda Arrimaha Dastuurka ee Puntland, wafdiga uu hoogaminayay Wasiir Xoosh waxaa Wasaaradda Puntland ku soo dhaweeyay Wasiir Mudane Cali Ciise Oog iyo Wasiir Ku-Xigeenka Mudane Cabdiraxmaan Ismaaciil Filibiin.

    Wasiir Cabdiraxman Xoosh ayaa sheegay in uu ku faraxsanyahay booqashadiisa, sidoo kale waxuu sheegay in Puntland looga fadhiyo in kaalin weyn ay ka qaadato Geedi-socodka dib u eegista Dastuurka.

    “Farxad weyn bay ii tahay aniga iyo wafdigeyga inaan imaano Wasaaradda Arrimaha Dastuurka ee Puntland kuna argano dhalinyaro firfircoon, Puntland waxa ay door weyn ka qaadatay Geedi-socodkii hore ee Dastuurka ee 2011-2012, sidaa awgeed waxa aan hada ka rajeyneynaa in ay doorkii shalay mid ka fiican ay maanta ka qaataan Geedi-socodka dib u eegista Dastuurka” ayuu yiri Wasiir Xoosh.

    Ugu dambeyn, wafdiga uu hogaaminayo Wasiir Cabdiraxmaan Xoosh Jibriil ayaa kulamo kale oo muhiim ah la qaadan doona madaxdaugu sareeysa Puntland si loo xoojiyo wadashaqaynta Wasaaradda Arrimaha Dastuurka ee dawladda Federaalka iyo dawlad goboleedka Puntland.

    —–DHAMAAD—–

    Turkey June 15, 2017 Dadyowga Turkida ayaa ka qaybgalay dibadbax lagu taageerayo Qadar oo usbuucii la soo dhaafay ka dhacay bartamaha Istaanbul

    Madaxweynaha Turkiga Rajeb Tayib Erdogan ayaa cambaareeyay go’doominta dhowr waddan oo Carab ah ay go’doomiyeen waddanka Qadar, waxa uuna ku tilmaamay mid ka baxsan aadanaha iyo mabaa’diida Islaamka.

    Erdogan ayaa sheegay in go’aankii waddamada Sucuudiga, Baxreyn, Imaaraadka iyo Masar ay calaaqaadka ugu jareen dalka Qadar uu la mid yahay ‘Xukun dil ah.’

    “Khalad weyn ayaa laga galayaa dalka Qadar. In waddan la geliyo go’doon dhinac kasta ah ayaa ah mid ka baxsan bani’aadannimada isla markaana lid ku ah mabaa’diida Islaamka. Waxa ayna la mid tahay in dalka Qadar lagu riday xukun dil ah”, ayuu yiri Edogan.

    Qadar ayaa lagu eedeeyay in ay taageerto kooxaha argagixisada iyo dowladda Iiran, haseyeeshee waa ay beenisay dhammaan eedeymahaasi.

    Madaxwweyne Erdogan waxa uu wacad ku maray in uu garab istaagayo Qadar, waxa uuna dowladda Sucuudiga ugu baaqay in ay xalliso khilaafka kala dhexeeya dalka ay deriska yihiin ee Qadar.

    Dowladda Turkiga ayaa durbaba caasimadda Qadar ee Dooxa ku soo daabushay cunno, caano iyo cabitaan kale, waxaana cunnadaasi lagu arkay dukaamada dalkaasi dhammaadkii usbuucii tegay.

    Dowladda Morooko oo kal hore sheegtay in ay dhexdhexaad ka tahay khilaafka waddamada Carbeed kala dhaxeeya Qadar ayaa Isniintii la soo dhaafay shaacisay in ay diyaarado cunno ah u direyso dalka Qadar, si ‘dalkaasi uu uga baaqsado cunno la’aan ba’an oo ka dhalata go’doominta.’

    ”Go’aankaasi ayaa waafaqsan mabaa’diida Islaamka oo dhigaya midnimo iyo in dadyowga Muslimiinta ahi ay isu kaalmeeyaan, gaar ahaanna bishan barakeysan ee Ramadaanka” ayaa lagu sheegay warbixin qoraal ah oo ka soo baxday wasaaradda arrimaha dibadda ee Moroko.

    Muqdisho June 15, 2017 Warar soo baxaya ayaa sheegaya in Dowladda Federaalka Soomaliya ay  dalka ka ceyrisey Madaxa hay’adda qaramada midoobay ee cuntada ee FAO oo magaciisu yahay Richard Trenchard, kaasoo lagu eedeeyey dhaqan xumo iyo meel ka dhacyo waaweyn.

    Richard Trenchard ayaa la sheegay in dhowrkii sano aynu soo dhaafnay uu ahaa madaxa hay’adda qaramada midoobay ee cuntada ee FAO, islamarkaana Dowladda Soomalia ay ku waday baaritaano ku aadan eedeemaha loosoo jeediyay ee ku aadan dhaqan xumo iyo meel ka dhac weyn.

    Wuxuuna noqonayaa masuulkii ugu darajada sareeyey oo dalka laga ceyriyo.

    Muqdisho June 15, 2017 Xafiiska QM ee soomalia iyo Howlagalka AMISOM ayaa erayadda ug kulil ku Cambaareeyay Weerarkii ay Al-shabaab ku qaaadeen Maqayad ku Taaladda Magaaladda Muqdisho.

    Barta twitter ee Xafiiska QM ee Soomaaliya yaa lagu Daabacay in QM ay aad u Cambaareeyneeyso weerarkii Xalay, islamarkaan ay Qm Tacsidda la wadaageeyso Qoysaska iyo saaxiibadda dhibane yaasha.

    Sidoo kale Madaxa Howgalka AMISOM Faransisko Madeera ayaa sheegay in AMSIOM ay ka xuntay Wixii xalay ka dhacay Muqsho wuxuuna Cambaareeyn u soo jeediyay Al-shabaab oo sheegtay Masuuliyadda Weerarkii xallay.

    Madaxa Howgalka AMISOM ayaa sidoo kale Dhibane yaasha u Rijeeyay in ay Bogsoodaan.

    Baydhabo June 15, 2017 Wax yar ka hor ayaa magaalada Baydhaba xaafada Siliga lagu dilay mwadin Soomali ah waxaana dilka geystay laba dhalinyaraa oo bistoolada ku hubeysan.

    Shaqsiga la dilay ayaa hor fadhiyey gurgiisa hortiisa iyadoona magaciisa aan helin masuulka la dilay

    Magaalada Baydhaba ayaa mudooyinkaan ku yarayeen dilalka qorsheysan waxaana caawa dilkaan noqonayaa kii ugu horeyeey mudooyinkaan

    La soco waxii ku soo kordhay dilka Muwadinka reer abaydhaba

    Muqdisho June 15, 2017 Canshuuraha Laga Qaado Ganacsatada Gobolka Banaadir oo Dib Loo Siiyo Ganacsato Kale Si Aan Xalaal Ahayn

    Waa caddaalad darro in lacagta canshuurta ah ee aan bixino ay dawladdu ku bixiso wadda aan sax ahayn. In loo isticmaalo hawlaha muhiimka ah sida mushaaraadka ciidamada iyo wixii la mid ah ayaa loo baahanyahay, laakiin waxaan hadda arkaynaa in wasaaradda maaliyadu u qoondaysay qayb canshuurta ka mid ah koox ganacsato ah oo hormuud ka yahay Gabayre. Arrintaanna  cayb ayey ku tahay wasaarada maaliyada waxayna durbadiiba abuurtay in laga shakiyo ballan qaadkii wasaaradda ee ahaa maamul wanaag, sidaas waxaa sheegay ganacsato canshuur bixiyayaal ah oo halkaan ku lifaaqan. Lacagtaan ayaa ah 0.50% dakhliga canshuureed ka dawladda, si kale haddii loo dhigo waxay gaaraysaa lacagtaasi mushaarka 400 ilaa 450 askari bilkasta, waana mid sii badan karta mar kasta oo canshuurta dawladdu sii cororto. Su’aasha lays waydiinaayo ayaa ah ma shaqaalaha dawladda ayaa lacagta loo doonaayaa mase dad ganacsato ah.

    Ma jirto sabab loo siiyo lacagta canshuurta ah  oo lawada ogyahay baahida ay dawladu u qabi karto in la siiyo koox amaba lagu bixiyo meel ka duwan halkii loogu talagalay. Ugu dambayntiina waxay Ganacasatu sheegeen inay farriintaan gaarsiin doonaan R/wasaaraha iyo Madaxwaynaha DFS.

    Akhriso warqaddaha kala duwan ee iska hor imaadka  ka muuqdo kana soo baxay xaafiisyada kala Duwan Ee Dowlada  oo uu ka mid yahay wasaaradda maaliyaddu.

    Arrintaani waxay shaki galinaysaa ballanqaadkii  dawladda cusub ee ahaa inay cirib jarayaan musuq iyo si xun wax u maamulida oo dhan ayna dakhliga dawladda ku bixin doonta halka ugu haboon.

    https://www.youtube.com/watch?v=JtiL3Xnqujw
    WARARKA MAANTA Juun 14, 2017
    Su'aalaha Maanta: Yaa maalgeliya Ururka Argagixisadda ee Shabaab? Maxayse amniga Muqdisho ka qaban karaan rag horay ugu fashilmay sugidda amnigam agaalada Muqdisho sida Taliyaha Hay'adda Nababdsugiida Iyo Sirdoonka Qaranka Cabdilaahi Sanbooloshe Iyo Taliayaha Booliska Soomaaliyeed Janaraal Cabdixakiin Saciid Saacid? Mise Madaxweyne Mudane Maxamed Cabdilaahi Farmaajo "Been-Hawaas" Iyo Raysal Wasaare Mudane Xassan Cali Kheyre "Bakhti-Raamsade" ayaa ogol inay hawlgeliyaan raggaas horay amniga caasimadda Muqdisho Iyo amniga dalkaba horay ugu soo fashilmay? Mida kale maxay Madaxweyne Farmaajo Iyo Raysal Wasaare Mudane Kheyre ay u booqan layihiin caasimadda Hargaysa - Somaliland? Maxay ka baqayaan in la xiro? Waa kuwa tagaya Addis Ababa, Djibouti, Nairobi Iyo waddo kale!
    Muqdisho June 14, 2017 Warar dheeraad ah ayaa ka soo baxaya weerarka caawa lagu qaaday Hotel Posh oo ku yaallla Agagaarka Isgoyska Banaadir ee degmada Hodan.

    Weerarkan wuxuu ku bilowday Qarax ismiidaamin ah, kadib markii Gaari lagu hor qarxiyay Afaafka ee Hotel Posh, intaasi kadib waxaa gudaha u galay Hotelka Rag hubyeysan.

    Intaasi ka dib Rasaas ayaa laga maqlay gudaha Hotelka, Ciidanka xasilinta caasimadda ayaa gaaray goobta iyaga oo Howlgal ka wada gudaha iyo banaanka Hotelka, maadaama gudaha ay ku jiraan raggii weerarka soo qaaday.

    Hotel Posh waxaa ka soo horjeeda Pizza House oo ah meel loo damaashaad tago, halkaasi oo ah meel aad u qurxoon oo si wanaagsan loo diyaariyay, bur bur ayaana soo gaaray Pizza House.

    Inta la xaqiijiyay dhimashada weerarkan waxa ay mareysaa in ka badan 10 Qof, halka sidoo kalena ay jiraan dhawacyo intaasi ka badan, oo loo daabulayo isbitaalada Muqdisho.

    Sarkaal ka tirsan Ciidanka NISA  wuxuu sheegay in ay dhismaha Hotelka ka soo badbaadiyeen dad isugu jira Soomaali iyo Ajaanib.

    Wasiirka amniga Soomaaliya Maxamed Abuukar Ducaale (Islow) iyo saraakiil kale ayaa goobta gaaray, welina Howlgalka waa uu socdaa.

    Washington June 14, 2017 Stephen Scalise oo ka tirsan aqalka wakiilada Mareykanka ayaa goordhow lagu toogtay magaalada Alexandria ee gobolka Virginia, oo dhinaca koonfureed waxyar ka xigta magaalada Washington DC, sida ay sheegeen saraakiisha gurmadka deg degga ah.

    Scalise ayaa waxaa laga toogtay sinta, xilli isaga iyo xubno kale oo ka tirsan sharci dejinta Mareykanka ay isku diyaarinayeen cayaar baseball oo sanadle ah oo la qorsheeyey inay khamiista dhacdo. Waxaa la sheegay in xaaladdiisu tahay mid degan.

    Wararka ayaa sheegaya in ugu yaraan shan qof oo kale la dhaawacay. Dadka dhaawaca ah ayaa waxaa ka mid ah kaaliyaha Scalise iyo xubno ka shaqeeya xarunta congress-ka ee Capitol Hill.

    Booliiska magaalada Alexandria ayaa qoraal ay soo dhigeen twitter ku sheegay in ninka weerarka fuliyey la qabtay.

    Madaxweyne Donald Trump iyo ku xigeenkiisa Mike Pence ayaa sheegay inay xaaladdan la socdaan.

    “Waxaan aad uga walaacsanahay musiibadan. Waxaa qalbiyadeena iyo ducadeenu la jirtaa xubnaha congress-ka, shaqaalahooda, booliska Capitol iyo dadka caawinaya” ayuu Trump ku sheegay bayaan uu soo saaray

    Muqdisho June 14, 2017 Maxkamadda Ciidamada Qalabka Sida ayaa soo gaba-gabeysay dhageysiga dacwad la xariirtay Dilkii Allaha Unaxariiste Marxuum X wasiir/xildhibaan Cabaas Cabdullaahi Sh. Siraaji.

    03-May sanadkan ayaa mid kamid ah ilaala la socotay hanti-dhowrihii guud ee qaranka Dr Nuur faarax uu sababsaday inuu galaafto nolosha Marxuum Cabaas Cabdullaahi Sh Siraaji oo ahaa wasiirkii howlaha guud kana tirsanaa baar-lamaanka Soomaaliya.

    Garsoorka Maxkamadda Ciidamada Qalbaka sida ayaa horey u dalbaday in xafiiska xeer ilaalinta Ciidamada Qalabka Sida ay keenaan cadeymo dheeraad ah oo la xiriira kiiska, waxa ayna Maxkamadda horkeeneen Muuqaalo lagu duubay ” CCTV”, Sawirro , qiraalo , qoraal cadaynaya inta uu soo maray kiiskan baaristiisa iyo heerarkii 1-aad iyo 2-aad ee dhageysiga dacwadda maanta la soo gaba-gabeeyay qeybteedii 3-aad.

    Saraakiil ka socoday hey’adaha baariska booliiska ayaa ka hor aqriyay garsoorka cadeymo ay la socdeen muuqaal iyo sawirro kuwaasi oo muujinayay kiiska dambiga ah sida uu u dhacay.

    xeer ilaalinta maxkamadda ciidamada qalabka sida ayaa ku eedeysay 1.D/le xoogga, Axmed C/laahi caydiid in uu ahaa shakhsiga ka dambeyay dilka wasiirka iyadoo ay aqbaleen qaraanada difaacayay eedeysanaha halka sidoo kale ay isku raaceen labada dhinac ee dacwada in eedda lagala noqdo askarigii kale S/Alifle Cusmaan Salaad Barre ee la saarnaa gaariga kaas oo loo qaatay in ka noqdo eedda markhaati marka loo fiiriyo kaalinta uu ku lahaa kiiska, arrinta ay isku diidan-yihiin laba dhinac ayaa ah in ay wax ka badasho xeer ilaalinta qodobka dacwada ah oo ay ka dhigeen ku tala gal halka qaraanada ay ku doodayeen in kiiska aanu aheyn kutala gal balse uu ah mid ku dhacay qalad.

    Gudoomiyaha maxkamadda darajada 1-aad ee Ciidamada Qalabka Sida Gaashaanle Sare Xasan Cali Nuur shuute ayaa ku dhawaaqay ugu dambeyn la soo gaba-gabeeyay kiiskan, garsoorkana aya ka soo saari doonaan xukunka kama dambeysta ah sida ugu dhaqsiyaha badan.

    Allaha Unaxariiste Marxuum wasiir/xildhibaan cabaas Cabdullaahi Sh siraaji ayaa u geeriyooday xabad uu ku dhuftay mid kamid ah ilaalada hanti dhowrihii guud ee qaranka kaasi oo ka tirsan ciidamada xoogga dalka soomaaliyeed oo lagu magacaabo Axmed C/laahi ceydiid
    Muqdisho June 14, 2017 Ra’iisul Wasaare ku xigeenka Soomaaliya Mudane Mahdi Maxamuud Guuleed ( Khader) oo maanta xafiiskiisa kula kulmey Wasiir ku xigeenka Wasaarada Cadaalada Soomaaliya Ciise Weheliye Macalin ayuu kala wareegey Hindise Sharciyeedka la dagaalanka Musuq-maasuqa kasoo la qorsheenayo in la horgeeyo maalinta beri ah Golaha Wasiirada Soomaliya si ay uga doodaan Sharcigan cusub ka dibna ay u ansixiyaan.

    Ra’iisul Wasaare ku-xigeenka Soomaaliya Mahdi Maxamuud Guuleed ayaa u mahed madaxda iyo shaqaalaha Wasaarada Cadaalada, maadaama ay wakhti badan galiyeen sidii loo dhameys tiri lahaa sharciga la dagaalanka Musuq maausaqa oo baahi badan loo qabo inuu shaqeeyo,sidoo kalena waxuu tilmamey iney turjumeen sharcigii hore ee Musuq maasuqa kasoo lagu dhaqmi jirey 1968-kii oo ku qornaa luuqada Talyaaniga.

    “Waxaan bilowney inaan heshiis caalamiya la sameyno Hay’addaha ka shaqeya arimaha la dagaalanka Musuq maasuqa si aan u daba jarno musuqa”Ayuu yiri Ra’iisul Wasaare ku xigeenka Soomaaliya.

    Hindise Sharciyeedka la dagaalanka Musuq maasuqa ayaa beri shirka Golaha Wasiirada loogu qeybinayaa si ay uga doodaan,hadii ay ansixiyaan waxaa la horgeen doonaa Baarlamaanka Soomaaliya.Wuxuuna ka mid nqon doonaa sharciyada ay ku dhaqanto dowlada Soomaaliya.

    Puntland June 14, 2017 Wasaaradda Arrimaha Dastuurka ee Xukuumadda Federaalka Soomaaliya ayaa kulan wadatashi oo ka dhacay Xarunta Cilmibaarista ee Nabadda iyo Horumarinta Puntland u qabatay qaybaha kala duwan ee bulshada rayidka ee deegaanada Puntland, waxaana ka soo qaybgalay masuuliyiin katirsan dawlad goboleedka Puntland oo ay kamid ahaayeen Wasiirka Arrimaha Dastuurka ee Puntland iyo Gudoomiye Ku-Xigeenka Baarlamaanka Puntland.

    Kulanka ayaa waxaa khudbad ka jeediyay Wasiir Cabdiraxmaan Xoosh Jibriil isaga oo sheegay in uu aad ugu farxasanyahay kulanka.

    “Aad ayaan ugu farxsanahay aniga iyo wafdiga ila socdo ee Wasaaradda Arrimaha Dastuurka ee dawladda Federaalka in aan maanta kulamadii wadatashiga ee hannaanka dib u eegista Dastuurka aan soo gaarsiino Puntland inaga oo ku sii wajahan dhamaan Dawlad Goboleedyada” ayuu yiri Wasiir Xoosh.

    Qaar kamid ah dadkii ka soo qaybgalay kulanka ayaa su’aallo ku saabsanaa Qorshaha Guud ee Geedi-sicidka dib u eegista Dastuurka weydiiyay Wasiirka, sidoo kale waxa ay aragtiyo muhiim ah la wadaageen Wasaaraadda.

    Kulankan maanta ka dhacay magaalada Garoowe waxaa xigi doona kulamo ceynkan oo kale ah oo ay Wasaaradda ku qaban doonto caasimadaha dawlad goboleedyada.

    Muqdisho June 14, 2017 Maalintii labaad waxaa Magaalada Muqdisho ee caasimadda Soomaaliya ka soconaya Shirweynaha Wadatashiga Qaranka ee Hanaanka dib u heshiisiinta.

    Shirka waxaa ka qeyb galaya Wasiirada Arrimaha Gudaha iyo dib u heshiisiinta ee dowlad goboleedyada dalka ka jira, Xubno ka socda Ururada bulshada rayidka, Culima’udiin, Nabadoonada iyo Odayaasha dhaqanka, Maamulka gobolka Banaadir, iyo quburo ku xeel dheer Arrimaha Nabadda iyo dib u heshisiinta.

    Wasiirka Arrimaha Gudaha iyo masuuliyiin ka tirsan Wasaaradda Arrimaha Gudaha ayaa goob joog ka ah shirka maadaama Wasaaradda Arrimaha Gudaha ay soo qaban qaabisay shirka.

    Waxaa maanta shirka lagu soo bandhigay daraasaadyo ay sameeyeen dad quburo ah iyo aqoonyahano kuwaasi oo la xiriira helida Nabad waarta, joojinta colaada iyo khilaafyada soo noq noqda.

    Sidoo kale waxaa la soo bandhigay dib u heshiisiinta iyo dhaqanka Soomaaliyeed, diinta Islaamku waxa ay ka qabto dib u heshiisiinta.

    Ka qeyb galayaasha ayaa su’aalo la xiriira mowduucyadaasi waxa ay weydiiyeen dadkii daraasaadka sameeyay, Aqoonyahanada iyo Siyaasiyiinta sharaxaada guud ka bixiyay arrimahaasi.

    Xaliimo Jaamac oo ka mid ah Haweenka ka qeyb galaya Shirka ayaa sheegtay in ay muhiim tahay in hanaanka dib u heshiisiinta lagu daro dadka reer miyiga ah.

    Dr. C/raxmaan Macalin Baadiyoow oo ka mid ah Siyaasiyiinta Soomaaliyeed ayaa ka sheekeeyay dhibaatooyinka heysta Soomaalida iyo sida looga gudbi karo fahamka qaldan ee laga bixiyay Diinta.

    Shirkan ayaa waxaa lagu wadaa in la soo gaba gabeeyo maalinta Sabtida ee soo socota oo ay taariikhda ku beegan tahay 17-ka Bishan Juun.

    Galgaduud June 14, 2017 Ugaas Salaad Ugaas Maxamed Rooble Jid gooyooyin sharci darro ah ayaa la soo dhoobay deegaanno ka tirsan Gobolka Galgaduud.

    Waxa uu sheegay Ugaas Salaad Ugaas Maxamed Rooble in Isbaarooyinka la soo dhigay inta u dhexeysa Mareergur iyo Gelinsoor ee hoostaga degmada Cadaado.

    Sidoo kale Ugaas Salaad Ugaas Maxamed ayaa shaaca ka qaaday in Jid gooyooyinkaas ay dhibaato ba’an ku qabaan shacabka iyo Gaadiidka Isticmaala deegaanadaasi.

    Jid gooyooyinkaas ayaa la sheegay in ay soo dhigteen Ciidamo Taabacsan Maamulka Galmudug walow aanu  ka hadlin Masuuliyiinta Galmudug.

    Si kastaba Isbaarooyinkaas ayaa waxaa dhibaato Dil, Dhac iyo falal kale loogu geystaa dadka rayidka ah ee Isticmaala deegaanadaasi

    Puntland June 14, 2017 Madaxweynaha Maamulka Puntland C-wali Maxamed Cali Gaas ayaa Digreeto ka soo baxday Xafiiskiisa ku magacaabay Gudoomiyaha Cusub ee Degmada Taleex ee Gobalka Sool.

    Degmada Taleex ee Gobalka Sool ayaa waxaa gacanta ku haayo Maamulka Soomaali-land waana Magaalo labada dhinac ay ku muran sanyihiin labad dhinac.

    Muqdisho June 14, 2017Wasiirka Wasaarada Arrimaha Gudaha ee Xukuumada Soomaaliya Cabdi Faarax Juxa ayaa sheegay in shirka ka socda Muqdisho uusan ahayn shir lagu heshiisiinayo beelaha Soomaaliyeed.

    Wasiirka ayaa sheegay in shirkan uu yahay mid hanaan dib u heshiisiin ah islamarkaana aan weli la gaarin shirkii beelaha Soomaaliyeed lagu heshiisiin lahaa.

    Sidoo kale waxa uu sheegay Wasiirka in shirkan aan loogu kala garqaadeyn dad colaad ay ka dhaxeyso, loona baahan yahay in dadka Soomaaliyeed ay sidaasi u ogaadaan.

    Waxa uu xusay in shirkaan uu yahay mid lagu aruurinayo talooyinka dadka Soomaaliyeed, sidoo kalena lagu soo bandhigayo dhibaatooyinka heysta.

    Hadalka Wasiirka Wasaarada Arrimaha Gudaha ee Xukuumada Soomaaliya Cabdi Faarax Juxa ayaa ku soo aadaya xilli dad badan oo shir weynaha Muqdisho ka socda ka qeyb galaya ay sheegeen in loo baahan yahay in beelaha soomaaliyeed ee dulman in wax loo qabto

    Muqdisho June 14, 2017 Ra’iisul Xukuumada Soomaaliya Xasan Cali Khayre ayaa ka hadlay Qarax Xoogan oo caawa ka dhacay Hotelka Posh iyo Weerarka tooska ah ee hada socdo.

    Ra’iisul Wasaaraha ayaa sheegay in uu aad ugu xun yahay qaraxa dhacay iyo khasaaraha ka soo gaaray dadka soomaaliyeed ee Hotelka ku jiray.

    “ Halkaan anagoo fadhina ayaad maqleyseen in uu qarax dhacay hada, qof walbo oo idinka idiinka mid ah telefoonkiisa ayuu ku booday kulligeen waan damqananay, waxaa laga yaabaa qaraxaasi in dad soomaaliyeed ay wax ku noqdeen ayuu yirin Xasan Cali Khayre”.

    Waxa uu dadka soomaaliyeed ugu baaqay in meel loogu soo wada jeesto ka hortaga qaraxyada ka dhacaya dalka iyo dhibaatada dadka soomaaliyeed lagu hayo.

    ” Waxaan aqbalnay in qarax dhaco oo aan ka cararno, in qof meel lagu dilo oo aan ka aamusno taasina macquul ma ahan, waa in aan Ciidamada amaanka la shaqeynaa ayuu yiri mar kale Ra’isul wasaaraha”.

    Hadalkaan ayuu Ra’isul Xukuumada Soomaaliya Xasan Cali Khayre ka sheegay kulan ka socday Madaxtooyada Soomaaliya xilliga uu qaraxu dhacaayay.

    Muqdisho, June 14, 2017 Dagalyahanada Xarakada Al-shabaab ayaa sheegatay mas’uuliyadda weerarkii xooganaa ee caawa fiidkii lagu qaaday Maqaayadda Boosh Treats oo ku taala degmada Hodon magaalada Muqdisho.

    “Dagaalyahano ka tirsan qeybta qaraxyadda  Xarakada aAl-Shabaab ayaa caawa fiidkii weerar ismiidaan ah ku qaaday baAr ay ku caweeyaan , Saraakiisha Dowladda  iyo shaqaalaha Dowlaadda ” ayaa lagu yiri warka kasoo baxay Al Shabaab oo lagu warbaahinta Al-shabaab.

    Al Shabaab waxay sheegtay in weerarka lagu bilaabay gaari walxaha qarxa lagasoo buuxiyay kadibna waxaa xigay toogasho ay fulinayeen ciidamo hubeysan “Weerarka ayaa ku bilowday isqarxin uu fuliyey dagaalyahan ka Tirsan Al-shaabab  gaari laga soo buuxiyey walxaha qarxa, ka dibna dagaalyahano ka tirsan Al-shaabab  ayaa xoog ku galay dhismaha Hotelka Boosh Treats oo ku yaala Degmada Hodan” ayaa lasii raaciyay warka lagasii daayay idaacadda Andalus.

    https://www.youtube.com/watch?v=BFiKwl7uWVk

    WARARKA MAANTA Juun 12, 2017

    Muqdisho, June 12, 2017 Wafdiga Sacuudiga ee kusoo wajahan magaalada Muqdisho waxaa hogaaminaya Wasiirka Arrimaha Dibadda Sacuudiga Caadil Al-Juber, wafdigan ayaana kulamo xasaasi ah la qaadan doona Madaxda dowlada uu ugu horeeo Madaxweynaha Soomaaliya.

    Sida aan Wararka ku heleyno Wafdigan Sacuudiga ka socda ayaa Soomaaliya kala hadli doona xiisada ka taagan Wadamada Khaliijka, waxaana la filayaa in Madaxda dowlada Soomaaliya ay ku cadaadiyaan in ay xariirka u jarto dowlada Qadar.

    Wasiirka Arimaha Dibadda Sacuudiga ayaa safaro kusoo maray Wadamo badan oo Islaam ah, waxa uuna taageero u raadinaaya go’doominta ay Sacuudiga iyo xulufadiisa kusoo rogeen dowlada Qadar, waxa ayna Soomaaliya ka mid tahay meelaha ay Sacudiga taageerada ka raadinayaan.

    Madaxda dowlada Soomaaliya ayaa xiligan waxaa heesata labo daran mid dooro, waxa ayna dowlada Soomaaliya wali ku jahwareersan tahay cida ay raaci laheed Xulufada Sacuudiga iyo Waliba dowlada la go’doomiyaya ee Qadar.

    Dowlada Sacuudiga ayaa cadaadis xoogan ku saareysa dowlada Soomaaliya in mar kale cadeesato mowqifkeeda ayna meesha ka saarto dhax dhaxaadnimada, waxa ayna Sacuudiga Madaxda Soomaaliya hordhigayaan shuruudo badan iyo labo daran mid dooro.

    Magaalada Muqdisho shalay waxaa soo gaaray Wasiiru dowlaha Arimaha dibada dowlada Qadar , waxa uuna Wasiirkan la lulmay Ra’isul Wasaaraha Soomaaliya iyo Madaxweynaha uu kala hadlay sidii ay u taageeri lahaayeen Qadar, dowlada ayaana wali wax war ah kasoo saarin kulankaasi dhacay.

    Dowlada Soomaaliya ayaan wali si rasmi ah u cadeyn mowqifkeeda ku aadan cida ay la safaneyso Dowlada Qadar iyo Xulufada Sacuudiga iyo Imaaraatka Hogaaminayaan, waxaana Madaxda dowlada ay arintan ka qaadeen Jahwareer iyaga oon ka maarmin taageerada ay labada dhinac ka helaan.

    Muqdisho June 12, 2017Wasiirka Wasaarada Maaliyada ee Xukuumada Soomaaliya C/raxmaan Ducaale Bayle oo kulan la qaatay ganacsatada Soomaaliyeed ayaa sheegay in Wasaarada Maaliyada ay ka shaqeyneyso mideynta lacagaha Canshuurta ee laga qaado Ganacsatada dekeda Muqdisho.

    Wasiirka ayaa sheegay in ay ka shaqeynayaan sidii Cadaalad ay heli lahaayeen dhamaan ganacsatada Dekeda Muqdisho.

    Sidoo kale waxa uu sheegay in lacagaha dalka ka baxaya iyo kuwa soo galayo in ay muhiim tahay in la mideeyo oo dekedaha gobolada Dalka iyo Muqdisho ay isku mid noqdaan.

    Waxa uu tilmaamay in ay joogteynayaan kulamada ay la qaadanaya ganacsatada ayna ku balameen ganacsatadii uu la kulmay in shir weyne la qabto sida uu sheegay Wasiirka Maaliyada.

    Wasaarada Maaliyada ayaa wada qorshayaal laguhormarinayo dhaqaalaha Dalka, waxaana dhawaan ay Maamul Cusub u Magacowday Dekeda Magaalada Muqdisho gaar ahaan qeybta Canshuuraha

    Matabaan June 12, 2017 Faah afahino dheeraad ah ayaa ka soo baxaya daagal saacadihii la soo dhaafay laba maleeshiyo Beeleed ku dhex maray tuulooyin hoostaga degmada Matabaan ee gobolka Hiiraan.

    Dagaalka ayaa bilaawday gelinkii dambe ee shalay kaas oo leysla soo gaaray ilaa Salaadii maqrib,waxana la soo sheegayaa in uu ka dhashay dagaalkaas khasaaro isugu jira dhimasho iyo dhaawac.

    Ilaa iyo hada macada waxa sababay dagaalkaas balse xogta ayaa shegeeysa in ay isku heestaan dhul daaqsin ah oo ku yaalla deegaanadii lagu dagaalamay ee hoostagta degmada Matabaan.

    Dagaalkaan ayaa si gaar ah u dhexeeya laba Beelood oo ka soo kala jeeda Gobolada Hiiraan iyo Galgaduud,waxaana haatan lagu soo waramayaa in xaaladu ay tahay mid degan.

    Dhanka kale xiriir aan la sameynay masuuliyin ka tirsan Maamulka Gobolka Hiiraan ayaanan noo suurtagelin si aan wax uga weeydiino,waxana xusid mudan in dagaaladaan dhowr mar ay horay u soo laab laabteen.

    Kenya, June 12, 2017 Lix qufood oo looga shakisanyahay in ay katirsan yihiin Xarakada Al-shabaab ayaa dowlada Kenya waxa ay sheegtay in ay ku qabatay xadka somaaliya iyo Kenya ay wadaagaan kuwaa oo lagu qabtay waxyaabaha qarxa.

    Afhayeenka ciidamda booliiska dalka Kenya joseph Bonet  ayaa sheegay in raggan la qabtay ay qorsheenayeen weeraro laga fuliyo gudaha dalka Kenya.

    War uu soo saaray joseph Bonet ayaa lagu sheegay in lixda ruux ay doonayeen in ay soogalaan gudaha dalka Kenya si weero qorsheesan ay u fuliyaan balse waxa uu tilmaamay in ay laamaha amaanka dalka Kenya  oo ka shaanaya dhigooda ciidmada dowlada Soomaaliya in ay ku guuleysteen qabashada shaqsiyaadkaasi oo lagu qabtay waxyaabaha qarxa.

    Shaqsiyaadkan ay sheegtay dowlada Kenya in ay gacanta ku dhigtay ayaa waxaa kamid ah 2 nin oo ah muwaadiniin kenyaati ah kana soo jeeda magaalada Mandera kuwaa oo lagu kala magacaabo Abdullahi Daud Adan iyo Ismail Issack Mohamed.

    Waxaana sidoo kale booliiska dalka Kenya uu tilmamaay in 4-ta kale ay ahaayeen muwaadiniin Soomaali ah oo magacyadooda lagu sheegay Mohamed Weyhow, Hassan Bule, Hassan Jama and Ahmed Muse.

    Kenya, June 12, 2017 Diyaaradaha Kenyaa ayaa Waaberigii Saaka waxa ay duqeeyeen Tuulada Garas Dulan oo degmada Baardheere 53 Km dhanka Galbeed ka xigta.

    Wararka ayaa sheegaya in 3 qof oo Rayid ah uu dhaawac aad u daran ka soo gaaray weerarkaasi.

    Dadkaasi dhaawacmay ayaa dhaawacyadooda waxaa la geeyay Isbitaal ku yaalla Magaalada Baardheere ee Gobolka Gedo.

    Deegaanka la duqeeyay ayaa waxaa ka arrimiya dagaalamayaasha Xarakada Al Shabaab, waxaana uu u dhow yahay deegaanka Ceelcade ee Gobolka Gedo.

    Hirshabelle, June 12, 2017 Magaalada jowhar ee Xarunta Maamulka Hir-Shabeelle iyo waliba degmada Balcad ee isla Gobolkaasi Shabeellaha Dhexe ayaa waxa ay sheegayaan in Golaha Wasiirada Maamulka Hir-Shabeelle ay Maanta yeelanayaan kulamo Gooni gooni ah.

    Kulanka koowaad ayaa waxa uu ka dhici doonaa degmada Balcad kaas oo la filayo in uu furo Madaxweyne Cali Cabdullaahi(Cosoble) halka kaas mid la mid ahna uu ka dhici doono Magaalada Jowhar.

    Weli lama oga sababaha ugu weyn ee kalifay in Wasiiradu ay kala shiraan iyo ajandooyinka ay ka hadli donaan balse waxaa xusid mudan ee horay Madaxweyne Cosoble,uu u sheegay in Balcad ay martigelin doonto shir Maamul loogu sameynayo Gobolka Banaadir.

    Laakiin wuxuu sheegay in uu dareemay in aysan “habboonayn” ka dib markii uu madaxweynuhu xilka la wareegay.

    “Toddobo sano iyo bar aan shaqadaas hayay marna ima soo wicin madaxweyne Obama” ayuu yiri.

     MAraykanka June 12, 2017  Preet Bharara ayaa sheegay in shaqada laga tiray ka dib markii uu taleefanka ka qaban waayay maxweyne Trump

    Dacwad ooge sare oo isaga oo heer faderaal ka soo shaqeeyay magaalada Ney York ayaa shaaciyay in Trump uu shaqada ka tiray ka dib markii uu uu madaxweynuhu wakhtiyo kala duwan taleefoon aan caadi ahayn kula soo xiriiray isaga.

    Preet Bharara ayaa warbaahinta ABC News u sheegay todobaadkan in uu dareemay in talefannadii Trump ay ka soo tallaabeen xayndaabkii caadiga ahaa ee u dhaxeeyay masuuliyiinta sare iyo dambibaareyaasha madaxa bannaan.

    Bharara ayaa sheegay in shaqada laga eryay ka dib markii uu diiday in uu markii saddexaad taleefan ka qabto madaxweynaha.

    Aqalka Cad ee looga arrimiyo dalka Maraykanku durba kama uusan jawaabin eedayntaas.

    Bharara oo uu magacaabay madaxweyne Obama ayaa sheegay in ay u muuqatay in madaxweyne Trump uu rabay in uu xiriir la samaysto ka dib markii ay kulmeen dhammaadkii sannadkii 2016kii.

     Sacuudiga June 12, 2017 Wariye ka tirsan Warbaahinta Dowladda Qatar oo lagu magacaabo Jaabir Al-Xamri ayaa xaqiijiyay in Dowladda Sacuudi Arabi ay Dowladda Federaalka Soomaliya usoo bandhigay lacag dhan 80-Mallion si ay xiriirka ugu jarto dowladda Qatar.

    Wariyaha ayaa sheegay in Madax ka tirsan Dowladda Sacuudiga ay yimaadeen magaalada Muqdisho ee caasimadda Soomaliya  islamarkaana madaxda dowladda Soomaliya ay kala hadlen sidii xiriirka ay ugu jari lahaayeen dowladda Qatar, islamarkaana abaalmarin ahaan loo siin doono lacag dhan 80Mallion, balse dowladda Soomaliya ay go’aankaas ay diiday.

    “Dowladda Soomaliya waxaa loo balan qaaday lacag dhan 80-Mallion si ay xiriirka ugu jarto dowladda Qatar, madax ka tirsan dowladaha Soomaliya iyo Sacuudiga ayaa kulan wada qaatay,balse dowladda Soomaliya way ka hor timid go’aankas, waxayna go’aansatay in ay dhex-dhaxaad ka noqoto xisaadda”,ayuu yiri wariyaha.

    Dhawaan Dowladda Sacuudi Arabia ayaa diiday in ay dhaqaalo siiso wadanka Soomaliya, iyadoo sharuud ugu dhigtay dhaqaalo siinta in xiriirka loo jaro Dowladda Qatar.

    Imaaraadka, June 12, 2017 Imaaraadaka ayaa la sheegay in Bilawdey in Quraan Aqriskii Bisha Soonka ay qaban jireen ay Siyaasad galiyeen ka dib markii ay soo taxiileen Wiil soomaaliyeed oo ka qeybgalayey Tartankaasi Xalay.

    Ismaaciil Cumarar Madar ayaa cadeeyey in xalay laga joojiyey Tartan quraan aqris ah oo uu uga qeybgalayey Dalka Imaaraadka carab ka dibna loo qabtey in mudo kooban uu dalka uga baxo sidaasna uu u sheegay Wasiirka Diinta ee Dalkaasi.

    Wiilka Ardeyga ah ayaa sheegay in xalay Saladii taraawiixda uu wax ku tijiyey Masjid ku yaal Magaalada Ajmaan ee dalka Imaaradka salaadas ka dibna taleefoonka looga yeeray Hoteel ka dib loona sheegay in uu dalkiisa ku aado mudo 30 daqiiqo gudahood ah.

    Waxaana uu sheegay in arintaan ay tahey mid siyaasad laga dhigey Quraan Aqriskii lagu tartamayey oo uu xitaa soo gudbay wareegii hore uuna sugayey midka xiga.

    Ismaaciil Cumarar Madar ayaa ALLAAHA uga mahad celiyey wixii ku dhacey ee ka qabsadey Dalkaasi Isutaga Imaaraadka Carabta ee uusan fileyn in ay ugu dhacaan siyaasad soo kala dhexgashey Carabta Dhexdeeda oo saameysey Quraankii ALLAE .

    WARARKA MAANTA Juun 10, 2017

    Su'aalaha Maanta: Maxay tahay sababta ay Dowladda Sacuudiga sharuud ugy xirtay dhaqaalaha ay siin lahayd Dowladda Soomaaliya? Ma waxay rabtaa sidii ay Dowladdii hore ee uu hoggaaminayey Madaxweyne Xassan Shiikh ay u jarto xiriirka dibolomaasiyadeed ee Iran? Mise Dowladda Wada Dadban ma taqaano meeshay taageri lahayd? Mise Sheekadan Carabta waxaanu ka noqon doonaa dhexdhexaad iyo u kala dab-qaadid lagu xallin doono dhibkan siyaasaddeed ee soo kala dhex-galay Waddamadan Carabta?

    Muqdisho, June 10, 2017 - Wasiiru dowlaha Arrimaha Dibadda iyo Iskaashiga Caalamiga H.E. Mr. Abdulkadir Ahmed-Kheir Abdi ayaa maanta kaga guddoomay xafiiskiisa warqadaha aqoonsiga Amb. Hamoud Samaran Al Jowhary Al Huwaidi Madaxa Ergada Jaamacadda Carabta ee Soomaaliya.

    Qaabilaadda Ergeyga cusub oo ay goob joog ka ahaayeen Xoghayaha joogtada Wasaaradda, Agaasimayaasha habmaamuuska iyo Carabta ayaa lagu soo dhoweeyay Danjire Xamuud Samaraan Al jowhari Al Xuweydhi oo badalay Ambassador Mohamed Abdalla Idris.

    Wasiiru dowlaha Arrimaha Dibadda iyo Iskaashiga Caalamiga Mudane, Cabdulqaadir Axmed-Kheyr Cabdi ayaa u rajeeyay ergeyga cusub ee Jaamacadda Carabta guul la taaban karo inuu ka gaaro howlaha loo igmaday, sidoo kalana horseed u noqdo in dhammaan dalalka carbeed ay dib uga furtaan Safaaradahooda caasimadda Muqdisho.

    Waxaa xusid mudan in Soomaaliya ay xubin ka noqotay Ururka Jaamacadda Carabta February 14, 1974 kadib afar toban sano markii dalka uu gobonnimada qaatay.

    Soomaaliya ayaa lagu tiriyaa xubin muhiim u ah Ururka Jaamacadda Carabta marka laga eego dhinacyo badan oo ay ku jirto waxa loo yaqaan ?Geopolitical strategy?.

    Muqdisho Juun 10, 2017 Wasaaradda Arrimaha Dibadda iyo Iskaashiga Caalamiga ayaa maana si rasmi ah dib ugala wareegtay Agaasinka Iskaashiga Caalamiga Wasaaradda Qorsheynta, Maalgashiga iyo Horumarinta Dhaqaallaha kadib munaasabad kooban oo ka dhacday xarunta Wasaaradda.

    Agaasinka Iskaashiga Caalamiga ayaa ka qeyb aheyd howlaha Wasaaradda Qorsheynta intii u dhexeysay 2014-2017, hayeeshee mudadaasi kahor waxaa loo tirinayay mid ka mid ah afarta tiir ee ay cuskato Wasaaradda Arrimaha Dibadda.

    H.E. Amb. Gamal Mohamed Hassan Wasiirka Qorsheynta, Maalgashiga iyo Horumarinta Dhaqaallaha ayaa ku wareejiyay dukumintiyo la xiriira Agaasinka Iskaashiga Caalamiga Wasiiru dowlaha Arrimaha Dibadda iyo Iskaashiga Caalamiga H.E. Mr. Abdulkadir Ahmed-Kheir Abdi.

    Fadhi kooban oo dukumintiyo kala wareegidda ka horeysay ayaa mas?uuliyiinta sare ee labada Wasaaradood ay ka wada hadleen xoojinta wadashaqeynta ka wada dhexeysa iyo sidii loogu saldhigi lahaa hannaan hiigsi sare leh.

    Munaasabadan oo ku dhammaatay jawi guul leh ayaa waxaa goob joog ka ahaa Xoghayayaasha joogtada labada Wasaaradood iyo mas?uuliyiin kale.

    Sacuudiga Juun 10, 2017 Dowladda Sacuudi Arabia ayaa diiday in ay dhaqaalo siiso wadanka Soomaliya, iyadoo sharuuf ugu dhigto dhaqaalo siinta in xiriirka loo jaro Dowladda Qatar.ilo lagu kalsoonan karo ayaa xaqiijiyay in Dowladda Sacuudi Arabia ay diiday in ay bixiso dhaqaalo loogu Talagalay Dowladda Federaalka Soomaliya oo horey ay u balan-qaaday, sababta ka dambeysa ayaa lagu sheegay arintaas in sacuudiga uu doonayo in Soomaliya ay xiririka u jarto Dowladda Qatar  oo haatan wajahaysa cadaadis kaga imaanaya qaar kamid ah wadamada Carabta.

    Sidoo kale waxaa la xaqiijiyay in Wafdi ka socday Dowladda Federaalka Somaliya  oo heer wasiiro ahaa oo dhawaan gaaray magaalada Riyad ee dalkaas islamarkaana halkaas ugu tagay in ay heshiisyo lasoo galeen dhigooda dalalkaas in la hakiyay saxiixyadda heshiisyadda sababo la xiririro in Dowladda Federaalka soomaliya ay diiday in ay xiriirka u jarto Dowladda Qatar.

    Dowladda Soomaliya ayaa dhawaan sheegtay in ay aad kaga xuntay khilaafka ka dhex jira wadamada Carabta islamarkaana ay ka shaqeyn doonto sidii loo heshiisiin lahaa wadamada is qilaafsan.

    Dowladda Sacuudiga  ayaa ku cadaadinaysa Dowladda Soomaliya in ay xiriirka u jarto Dowladda Qatar sidii horey u dhaday sanadkii 2016-kii oo xiligaas Soomaliya ay xiriirka u jartay Dowladda Iiraan.

    Muqdisho Juun 10, 2017 Taliyeyaasha Ciidamada dowladda Soomaaliya ayaa xalay kulan ay ku yeesheen Magaalada Muqdisho waxa ay ka hadleen qodobo dhowr ah oo ku aadan Xasilinta Caasimadda.

    Kulanka taliyeyaasha ayaa sidoo kale waxaa goobjoog ka ahaa wasiirka Amniga xukuumadda Soomaaliya Maxamed Abuukar Islow.

    Taliyeyaasha xalay kulanka yeeshay waxaa ay kala ahaayeen Taliyaha Ciidamada Milatariga Jen, Cirfiid, taliyaha Ciidamada Nabad Suggida Cabdullaahi Sanbaloolshe iyo taliyaha Ciidamada Booliska Saacid.
    Mar ay Saxaafadda si wadajir ah ula hadleen waxa ay sheegeen in aysan aqbali doonin in Askar aan aheyn Xasilinta Caasimadda ay hub ka dhex wataan Muqdisho.

    Amarada kasoo baxay taliyeyaasha.

    1. Askarigii Magaalada Muqdisho qori ku dhex wataa tallaabo Sharci ayaa laga qaadaya waana la xiraya.

    2. In Talaabo Sharci ah laga qaadayo cidii lagu arki dharka ama Dareeska Ciidanka Xooga Dalka oo aan Taliska ka tirsaneyn.

    3. In Ciidan iyo Gaadiid aan Warqad Fasax wadan in aan lagu arki karin gudaha Magaalada Muqdisho.

    4. Ciidamada Xasilinta ayaa sugaya amaanka Xarumaha Dowladda iyo amaanka guud ee Caasimada ciidan kale laguma arki karo Muqdisho.

    5. In la Faarujiyo oo laga baxo guryaha ay leeyihiin Ciidamada Xooga Dalka ee ku yaalla Muqdisho 1 July ka dib Shacab laguma arki karo Guryaha Ciidamada Xooga.

    6. In aan Cid loogu turin Howlgalada Xasilinta Caasimada iyo Hub ka dhigista cidii ka hor timaaddo Sharciga ayaa la horgeynaya.

    Muqdisho Juun 10, 2017 Taliyaha Hay’adda Nabad Sugidda iyo Sirdoonka Qaranka Soomaaliyeed ee NISA C/llaahi Maxamed Cali “ Sanbaloolshe “ ayaa sheegay in aan cidna loogu dulqaadan doonin Carqaladeynta Howlgalada amaanka lagu Xaqiijinayo ee Muqdisho ka socda.

    Taliyaha ayaa sidoo kale sheegay in aysan jiri doonin Shaqsiyaad ku gambada Madaxda Dowladda , waxa uu xusay in cid walbo si siman loogu qaadi doono talaabo hadii ay ka hor yimaadaan howlgalada socda.

    Taliyaha ayaa tilmaamay in aysan raali ka noqon doonin in la Carqaladeeyo Ciidamada Howlgalada ka wada Muqdisho.
    Waxa uu sidoo kale sheegay in Howlgalada ay si Xoog leh ku socon doonaan isla markaana aysan jiri doonin in dulqaad loo muujiyo cid walbo oo howglada ka hor timaada.

    Sanbaloolshe ayaa shacabka Soomaaliyeed ka codsaday in ay la shaqeeyaan Ciidamada amaanka ee wada Howlagalada Xasilinta Caasimada.

    Muqdisho Juun 10, 2017 Ciidamada Xasilinta Amniga magaalada Muqdisho ee Caasimadda Soomaliya  ayaa Saakay howlgal waxa ay ka sameeyeen Xaafaddo kamid ah Degmada Waabari ee Gobolka banaadir.

    Howlgalkaan oo ahaa mid gaar ah ayaa Ciidamada waxa ay kusoo qabteen labo askari oo  aan sharciyeysneen iyo hub ay siteen kuwaasi oo ilaalo u ahaa Gudoomiyaha deegaanka Lafoole ee duleedka Magaalada Ayaan oo deegaan ahaan degan Degmada Waabari.

    “Ciidamada Xasilinta amniga Magaalada Muqdisho ayaa howlgal waxa ay ka sameeyeen guri ku yaala degmada Waabari waxa ay kusoo qabteen 2-qori oo AK47 ah iyo labo bastoolad, axaa watay Labo askari oo ilaalo u ahaa Gudoomiyaha deegaanka Lafoole Ayaan, Ciidamada iyo hubka gacanta ayaa lagu hayaa”, ayuu yiri mid kamid ah deegaanka oo goordhaweyd la hadlay idaacada Simba.

    Ciidamada Xasilinta Amniga Magaalada Muqdisho ee caasimadda Soomaliya  ayaa dhowrkii maalin aynu soo dhaafnay kordhiyay howlaha amaanka lagu xaqiijinayo.

    Muqdisho Juun 10, 2017 Taliyaha Ciidamada Booliska Soomaaliyeed Cabdixakiin Daahir Saciid oo la hadlay Warbaahinta ayaa waxaa uu sheegay in Magaalada Muqdisho laga furaayo Xafiisyo loogu tala galay in lagu diwaan geliyo ilaalada ay wataan Madaxda dowladda Sida xildhibaanada iyo Wasiirada.

    Taliyaha ayaa waxaa uu sheegay in Xafiisyadaan lagu furi doono Muddo dhan 48 Sacaddood.

    Waxaa uu sidoo kale tilmaamay in Astaan iyo dhar gaar ah loo sameyn doono Ilaalada ay wataan Madaxda dowladda Soomaaliya si loo xaqiijiyo Ammaanka.
    Taliye Saacid ayaa sidoo kale tilmaamay in aan magaalada Muqdisho lagu arki Karin Ciidamo aan wadan warqad Aqoonsi marka laga reebo Ciidamada Xasilinta Caasimadda.

    Hadalka kasoo baxay Taliyaha Ciidamada Booliska Soomaaliyeed ayaa waxaa uu kusoo beegmaya xilli Magaalada Muqdisho howgallo xooggan ay ka wadaan Ciidamada Xasilinta Caasimadda.

    Maraykanka Juun 10, 2017 Madaxweynaha dalka Mareykanka Donald Trump ayaa dalka Qatar ku tilmaamay inuu yahay dal weligii ba taageera u fidin jiray argagixisada. Mar uu ka hadlayay aqalka cad ee looga arrimiyo dalka Mareykanka ayaa Mr Trump waxaa kale oo uu shegay in la joogo xiligii wadamada khaliijka ay joojin lahayeen dhaqaalaha ay siiyan argagixsada.

    Hadalka madaxweynaha Mareykanka ayaa yimid maalmo un kaddib markii xoghaya arrimaha dibadda ee wadanka Mareykanka, Rex Tillerson uu ku booriyay dalka Sacuudiga, iyo wadamada khaliijka inay qadaan xayiraada ay ku soo rogeen dalka Qatar, wuxuuna sheegay in go’doominta ay horseeday cunni yari.

    Dowladda Jarmalka iyaduna sidoo kale ku baaqday in dadaalo diblumaasiyadeed lagu xalliyo dhibaatada sii kordheysa ee Qatar, taas oo afar dal oo Carab ah ay ku eedeeyeen inay maalgeliso argagixisada.

    Sucuudi Carabiya, Isutagga Imaaraatka Carabta (UAE), Masar iyo Baxrayn ayaa Isniintii waxa ay dalka Qatar u jareen xiriirkii socdaalka iyo midkii diblumaasiyadda.

    Sidookale wasiirka Arrimaha Dibadda ee Jarmalka, Sigmar Gabriel, oo hadlayay kaddib markii uu martigaliyay dhiggiisa Qatar, ayaa ku baaqay in la qaado xayiraadaha “badda iyo cirka” ee Qatar lagu soo rogay.

    Qatariyiinta ayaa diiday eedaha ah inay taageeraan kooxaha xagjirka Islaamiyiinta ah.

    Tan iyo markii uu bilowday muranka u dhaxeeyo Qatar iyo dalalka ay dariska yihiin, ayaa Jarmalku waxa uu xoogga saarayay in xal diblumaasiydaeed lagu dhammeeyo arrinta.

    Shabeelle Hoose Juun 10, 2017 Wararka ka imaanaya Gobolka Shabeelaha Hoose ayaa ku waramaya in dagaal xoogan oo u dhaxeeya Ciidamada Dowladda Soomaliya, kuwa AMISOM iyo Xarakada Al-shabaab in uu haatan ka socdo degaanka Janaale.

    Dagaalka ayaa waxaa deegaanka ku qaaday Ciidamo ka Tirsan kuwa Dowladda Soomaliya iyo kuwa AMISOM, waxaana mudooyinkii ugu dambeeyay deegaanka ka talinayay dagaalyahanada Xarakada Al-shabaab.

    Gudoomiyaha deegaanka Janaale ee Dowladda Soomaliya ayaa idaacadda Simba ee Magaalada Muqdisho Goordhaweyd u sheegay in Ciidamo ka Tirsan kuwa Dowladda Soomaliya iyo kuwa AMISOM in Al-shabaab ay kala wareegeen deeganada Farsooley,Baladu-aamiin,Mubaarak

    Muqdisho Juun 10, 2017 Wasiirka Wasaarada Amniga Gudaha ee Xukuumadda Soomaaliya Maxamed Abuukar Islow “Ducaale” ayaa ka hadlay howl galada xasilinta Caasimada ee Muqdisho ka socdo.

    Wasiirka ayaa sheegay in ay ka shaqenayaan in muddo 6 bil gudaheed ay magaalada Muqdisho ku noqoto mid Xasiloon oo amaankeeda la isku haleyn karo.

    Waxa uu sheegay in Howlgalada socda loogu baahan yahay Masuuliyiinta Dowladda iyo Shacabka Soomaaliyeed in ay ka qeyb qaataan oo ay la shaqeeyaan Ciidamaa amaanka.

    Wasiirka ayaa sidoo kale sheegay in lagama maarmaan ay tahay in la xaqiijiyo amaanka guud ee Caasimada isla markaana laga hortago cid walbo oo Howlgalada socda ka soo horjeesata.

    Xukuumada Soomaaliya ayaa wada dadaalo lagu Xasilinayo Muqdisho, sidoo kale waxaa soconayo Howlgalo lagu xaqiijinayo amanka guud ee magaalada Muqdisho.

    Muqdisho Juun 10, 2017 Madaxweynihii hore ee maamulka Puntland Cabdiraxmaan Maxamed Maxamuud ” Faroole” Hadana ka mid ah Xildhibaanada Aqalka Sare oo la hadlay Warbaahinta ayaa waxaa uu sheegay in la dayacay Ciidamadii dhawaan Al-Shabaab ay ku xasuuqeen degaanka Af urur ee gobolka Bari.

    Faroole ayaa sheegay in ay tahay wax laga xumaado in Al-Shabaab ay Xasuuqaan Ciidamada loogu tala galay in ay ilaaliyaan Shacabka Puntland.

    Sidoo kale waxaa uu sheegay in ay muhiim tahay in tilaabo deg deg ah laga qaado taliyeyaashii Ciidamadaasi, maadaama dayac lagu dilay Ciidamadaasi.

    Waxaa uu ugu dambeyntii soo jeediyay in Guddi soo baara dhacdadii Af urur si deg deg ah loo sameeyo si looga hortago in markale dhibaato loo geysto ciidamada Puntland.

    Al-Shabaab ayaa dhawaan Weerar xooggan ku qaaday Saldhig Ciidamada Puntland ay ku leeyihiin degaanka Af-Urur.

    Al-Shabaab ayaa sheegtay in Weerarkaasi ay ku dileen 61 Askari ayna ku furteen Gawaari dagaal.

    Dooloow Juun 10, 2017 Ciidamada Xoogga dalka Soomaliyeed iyo kuwa Maamulka Jubb-land ayaa gacanta ku dhigay  dagaalyahano ka Tirsan Xarakada alshabaab.

    Raggan ayaa lagu eedeeyay in aay siteen walxaha qarxa damacsanaayeena in ay ku wax yeeleeyaan ciidanka iyo shacabka ku sugan gobolka Gedo, sida ay sheegeen Saraakiil ka tirsan Ciidamada amaanka  Jubba-land.

    Ugu horeyntii Wasiirka amniga dowlad goboleedka Jubaland C/rashiid Xasan C/nuur ayaa sheegay in raggan gacanta lagu dhigay iyagoo xaafad ka tirsan degmada Doolow ku qarinaya walxo laga sameeyo qaraxyada iyo miinooyinka.

    “Wey qirteen inay ku howlanaayeen falal amniga ka dhan ah, ayna doonayeen inay qaraxyo ka geeystaan gobolka, ciidamada ammaanka ee gacanta ku soo dhigay raggan ayaana mahad celineynaa” ayuu yiri wasiirka.

    Wararka Maanta Juun 09, 2017

    Su'aalaha Maanta: Ma og tihiin inuu Raysal Wasaare Mudane Xassan Cali Kheyre “Bakhti-Raamsade” yahay khaa'inul waddan kan ka sii liita Raysal Wasaarihii hore Senator Mudane Cumar Cabdirashiid Iyo Wasiirkii hore ee iskaashinga Mudane Cabdiraxmaan Cabdi Shakuur oo si sharci-darro ah ugu saxiixay inay Dowladda Kenya la wareegto dhul baddeed Soomaaliyeed? Mudane Xassan Cali

    Kheyre waxuu agaasime la soo noqday Hay'adda Soma Oil and Gas oo uu aasaasay nin tuug weyn ah oo damacsanaa inuu kheyraadka shidaalka Soomaaliya 90% qaato halka uu siinaayo Ummadda Soomaaliyeed 10% marka sidee nin ogaa ama la socday inay shirkadda Soma Oil and Gas ay ku tallogashay inay si bareer ah u dhacdo Ummadda Soomaaliyeed uu u doorbiday inuu u noqdo Agaasime asagoo laba $ 2 milyan oo saami been ahna laga siiyey shirkadda Soma Oil and Gas si Ummadda Soomaaliyeed uu u sii luggooyo. Waxaa xaqiiqo ah inaysan jirin wax saami ah oo Mudane Xassan Cali Kheyre ku darsaday Shirkadda Soma Oil and Gas arrintaasna waxaa markhaati u ah markii uu qof saami ku yeelanayo shirkad waxaa laga diwaangeliyaa hay'addaha ay qusayso arrimaha u qaabilsan dakhliga dhaqaalaha dalkaas marka baaris cad oo aanu ku samaynaya ayaa qiraysa sababta $ 2 milyan oo saami ah loo siiyey Mudane Xassan Cali Kheyre ay ahayd inay shirkadda u sahlanaato sidii ay uga soo heli lahayd dhaqaalo maalgashi dadka saami ku yeelan doono shirkaddan oo uu aasaasay tuug weyn oo horay dembiyo dhanka dhaqaalaha lagu qabtay oo weliba lagu maxkamadeeyey. Mida kale waxaa Ummadda Soomaaliyeed la ogeysiinayaa inuu markii Mudane Xassan Cali Kheyre uu Agaasimaha ka noqday Soma Oil and Gas uu sidoo kale matalayey dalka Norwey oo uu haysto dhalashadiisa isla-markaasna uu meeshaas waxyaabo farabadan kala shaqeeyey.

    Muqdisho Juun 09, 2017 Madaxweynaha Jamhuuriyadda federaalka Soomaliya Maxamed C/laahi Maxamed (Farmaajo) ayaa magacaabay taliye ku xigeenka Nabadsugida iyo sirdoonka qaranka  Soomaliyeed ee Gobolka Banaadir.Taliye ku xigeenka Hay’adda Nabadsugidda iyo Sirdoonka qaranka Soomaliyeed ee  Gobolka Banaadir ayaa loo magacaabay Gaashaanle  Maxamuud C/qaadir Xaaji (Jeego).

    Magacaabistaan ayaa la sheegay in ay ka dambeysay kadib la tashiyo uu madaxweynaha la sameeyay Taliyaha Hay’adda Nabad Sugida iyo Sirdoonka qaranka Soomaliyeed ee Nisa general Sanbaloolshe.

    Carabta Juun 09, 2017 Saxaffada caalamka markad u kuur gasho labo mid ayey jawabtu ku so aruuresa!
    1- #Trump marka uu sacudiga tagay ayu wuxu damcay in uu carabaha ka saxiixdo lacagaha baada ah (jizyo) ee #America ay siin jireen, si kale hadii loo dhigo lacagtu waa mid #America uu wadama calamka badankoda uu ka qato asago leh amankiina ayan sugaya howshiina iska wata…Qatar aya ka hor istagtay oo tiri wax an kugu siino malaha lacagta maxa yeley dhulkena #Qatar ayad saldhig ciidan walibana.

    #MiddleEast kan ugu wayb ku ledahay lacag inan kugu darnana waa qalada lacagta waxa u baahan rer #Palestine iyo #Syria ee an walalaha nahay! Kadib waxa lacagta dhabarka u ritay oo bixiye #SaudiArabia iyo #UAE lacagtuna Waa Billions kadib wadamadas way xanaqen xariirka ayey #Qatar u jareen si ay caalamka ugu Diraana waxay ku eedeyen inay tagerto ururo #Argagaxiso ah sida #Xamaas iyo #IkhwanulMuslimin Asal ahana labadas kooxodba Caalamku uma aqonsana #Argagaxiso ine yihin ee #SaudiArabia iyo #Egypt aya u aqoonsan inay #Argagaxiso yihiin..

    2-#Trump safirkisa #MiddlEast qorshaha ugu wayn ee uu ka damacsana aya waxay ahayd in magalada lo yaqano #Qudus ama #Jaresulam ee ku tala #Palastine in loo aqonsado Casimada #Israel kadibna Safarada #America ee #Isral xaga loso raro..arinti marka la damcay in la saxiixo ayey #Qatar kahor istagtay oo ay tiri dhulka #Palestine aya iskaleh waligoda waa la dulminaye hada waxa la joga xiliga dhulkoda ay xor u noqon lahayen waana qalad dagal in mandiqada laga abuuro #Trump na halkas wuu ka xanaqay oo lahjad kulul ayu shirka uga hadle..kadib wafdiga #Qatar ee shirka jogay aya calamada #Palastine kor u qaday oo gawaridooda dul saray..kadib #SaudiArabia waxay wafdiga #Qatar ka codsatay in ay wadanka uga baxan.. markay baxeen oo ah dalkoda casimadiisa #Doha ku laabten ayey boqortoyada #SaudiArabia waraq uso dirtay ay ku leedahay ama anaka ayad na racesan intad iska dhaftan argagaxisada at tageresan ama xariirka ayan idin jarena.. #Qatar waxay ku jawabtay anaku wali dhiigena ma gadanin #Trump na #MiddleEast dagaal ayu ka dhax abuuri rabaa ee dadnimadina lacag ha dhafsanina lacagahana anaku #Palestine ayan siineyna mana yeleno waxa aad wadaan xataa hadii #Qatar aduunko dhan laga tirtiro.

    Meshana #Iran kama marna oo laba gooraba ololaha socda xubin muhiim ah ayay ka tahay.

    Kadib xariirka aya loo jarey #Qatar #Argagaxiso inay tagertana waa lagu eedeye

    Hada #Qatar waxa xariirka u karay wadama kala ah
    #SaudiArabia #UAE #Bahrain #Yemen #Libya #Egypt #Jordan #Mauritania

    Shekadan waxan kuso xasuuste shekada sadaxda dibi.

    Shaley waxay ahayd
    #Afghanistan
    #Iraq
    #Syria
    #Libya
    #Yemen
    #Egypt
    Way burburen kuwas ama gaalo shaqalahoda aya ka taliyo
    Manta waa #Qatar
    Beri wadan kale aya kuso xigo kadib Carabaha sidas aya looga farxashe #Islamkana dhulka aya la galiye

    Muqdisho Juun 09, 2017 Dhana kale waxaa lagu loolamayaa 650 kuraasta baarlamanka, 553 ka mid ah kuraastaasi waxaa laga dooranayaa gobolka England. 59 kursi waxaa laga soo dooran doonaa gobolka Scotland. 40 mudanayaal Baarlamaan ah waxay ka iman doonaa gobolka Welse , halka 18 mudanayaal baarlamaana laga soo dooran doono woqooyiga Ireland , waxaana la doonayaa Xisbiga ku guulaysta 326 kuraasta baarlamanka ah in uu hogaamin doona dalkaasi

    Ugu danbayntii codbixiyayal badan ayaa goor hore codkooda dhiibtay oo waxaana la sheegay in ay ku soo gudbiyeen boostada, waxaynta tiradaaan u dhigantaa boqolkiiba 16.4 guud ahaan dadkii codkooda dhiibtay doorashadii guud ee 2015 waxayna codbixintan noqonaysa tii saddexaad oo dalkaasi ka dhacda muddo ka badan labo sano gudahood.

    Muqdisho Juun 09, 2017 Oday Soomaaliyeed oo reer Muqdisho Ah ayaa Ka sheekeeyay 11 sano oo U Qodaayay xabaalaha Islamarkaana Ka iibiyo xabaasha dadka Dadku ka dhintan iyo waxyaabaha uu la Kulmo.

    https://www.youtube.com/watch?v=vI2W_oa8y-M


    Wararka Maanta Juun 08, 2017

    Su'aalaha Maanta: Maxuu soo kordhin karaa Madaxweyne Maxamed Cabdilaahi Farmaajo “Been-Hawaas” oo raba inuu duuldulid u isticmaalo canshuurta shacabka Muqdisho ee uu diidan yahay inay helaan xuquuqdooda Federaaliga ah ee Banaadir State? Mise ma ogyahay adeerkiis Madaxweyne Maxamed Siyaad Barre in xukun xoog looga tuuray markii uu diiday xuquuqda qabaa'ilo badan sida kuwa deggan gobalka Banaadir? Haddii uu umalaynaayo inay AMISOM difaaci karto ha ogaado hana ku quusqaato Madaxweyne Mudane Maxamed Siyaad Barre waxuu haystay Ciidanka ugu xoogga badnaa Qaaradda asagoo ogaaday dadka iyo ciidankaba inay u neceen waxyaabihii xadgudbka u ahaa Ummadda Soomaaliyeed ee uu qaar kamid ah qabaa'ilada uu si bareer ah ugu gumaaday markii ay ka biyo-diideen xukunkiisii kaligiis-taliska ahaa ee xaqdarradda ku dheehnayd.


    Muqdisho, 08 June 2017 – Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa si kulul uga hadlay weerarkii bahalnimada ahaa ee ay kooxda argagaixisada ah e Al shabaab ay ku qaadeen xarun ay ciidamada Daraawiishta Puntland ay ku leeyihiin Af-Urur oo ka tirsan Degmada Gal-gala ee Gobolka Bari.

    Madaxweynaha isaga oo tacsi u diraya qoysaskii iyo guud ahaan qaranka ay ka baxeen shacabkii iyo Mujaahidiintii ku geeriyooday weerarkan argagixisada ah ayuu sheegay in ay yihiin shuhado dhiiggooda u huray difaaca dalka, dadka iyo diinta

    “Waxaan aad uga tiraanyeysanahay geerida ku timid shacabkeena iyo ciidanka geesiyaasha ah ee ku baxay weerarkii tuulada Af-urur ee Degmada Gal-gala. Waxay u dagaallameen si geesinimo leh si ay u difaacaan dalkooda iyo dadkooda iyaga oo cibaadeysanaya bisha barakeysan ee Ramadaan.”

    “Weerarkan wuxuu caddeyn u yahay khatarta ay leeyihiin kooxaha cadowga ah ee aan la dagaallameyno kuwaas oo doonaya in ay mar walba dhibaateeyaan shacabka Soomaaliyeed ee nabadda jecel. Waxaan xoogeenna isugu geyn doonnaa sidii loo cirib tiri lahaa kooxaha argagixisada ah.”

    “Waxaan ballan qaadeynaa in Al Shabaab aan looga hari doonin falkan foosha xun. Waxaa haatan haraadigooda ku daba jira ciidamada Daraawiishta Puntland. Waan ku kalsoonahay in ciidamadeennu ay soo afjari doonaan falalka burcadnimada ah ee ay kooxdan caadeysatay in ay maalin walba ku layso dad Soomaaliyeed.”

    Madaxweynaha Jamhuuriyadda oo telefoonka kula hadlay Madaxweynaha Dowlad Goboleedka Puntland ayaa sheegay in dowladda Federaalka ay taageero dhinac walba ah la garab istaagayso Puntland.

    Muqdisho Juun 08, 2017 Taliyaha Ciidamada Booliska Soomaaliya Gen.Saacid ayaa S/Guuto Abdirisaaq Afgadud u magacaabay taliyaha isku dhafka ciidamada Booliiska Soomaaliyeed iyo xiriirka maamul goboleedyada.Taliye Abdirisaq Afgaduud waxaa uu hore usoo noqday Taliyaha Ciidamada Police-ka  ee Maamul Gobaleedka Puntland.

    Waxaa loogu baaqay in uu ka shaqeeyo xiriirka booliska soomaliyeed iyo kuwa maamul Gobaleedyada dalka ka jira, oo uu hada ka dhaxeen wada shaqeen sidaas usii buuran.

    UK Juun 08, 2017 Lahaanshaha Goob ka mid ah goobaha ay dadka UK codkooda ku dhiibanayaan

    Waxaa dadweynaha UK loo furay goobaha codbixinta si ay codkooda uga dhiibtaan doorashada guud ee Britian.

    Goobaha ayaa la furay 07:00 BST ee waqtiga maxaliga ee UK, iyadoo in ka badan 40,000 oo goobood oo ku yaal daafaha dalka ay dadku codkooda ka dhiibanayaan.

    Codbixinta ayaa socon doonta ilaa 22:00 BST waqtiga maxaliga ah ee UK.

    Ku dhawaad 46.9 milyan oo qof oo isu diiwaangeliyay inay codeeyaan ayaa waxa ay dooran doonaa 650 xildhibaan.

    Doorashadii guud ee dalkaasi ka dhacday 2015 ayaa waxaa isu diiwaangeliyay inay codeeyaan 46.4 milyan oo qof.

    Codbixiyayaasha qoorkood goor hore ayeyba codkooda dhiibteen, oo waxa ay ku soo gudbiyeen boostada, tiradaasna waxa ay u dhigantaa boqolkiiba 16.4 guud ahaan dadkii codkooda dhiibtay doorashadii guud ee 2015.

    Dadka u soo baxay doorashadii 2015, markii xisbiga Conservatives-ka uu ku guulaystay 331 ka mid ah 650 kursi, ayaa waxa ay aheyd boqolkiiba 66.4, taas oo ka sarreysay doorashadii 2010.

    Doorashadan ayaa ah mid wakhtigeeda laga soo hormariyay oo ay ku baaqday ra’iisalwasaare Theresa May.

    Codbixintan ayaa noqonaysa tii saddexaad oo dalkaasi ka dhacda muddo ka badan labo sano gudahood.

    Booliska dalkaasi ayaa sheegaya in ay adkeynayaan ammaanka goobaha codbixinta.

    Ciidamo hubeysan ayaa la geynayaa goobaha qaar, waxaana arrintaasi loo aaneynayaa weeraradii dhawaan dalkaasi ka dhacay.

    Natiijada ugu horreysa ee codbixinta ayaa la filayaa in lagu dhawaaqo ka hor 12-ka caawa sakhdi dhexe

    Jabuuti Juun 08, 2017 Dowladda Jabuubti warsaxaafadeed ay soo saartay ayaa waxa ay mowqif ka qaadatay qilaafka  dhaxeeyo wadamada Gacanka Carabta, iyadoo sheegtay in ay xiriirka u jarayso wadanka Qatar oo ay la safaneyso Xulufada Sacuudiga hogaaminaayo.sidaan ayuuna u qornaa warsaxaafadeeda ay kasoo saartay qilaafkaasi iyo cida ay la safanayso.

    Dowladda Djabuuti waxay si heer caalami ah u shaacineysaa in ay go”aansatay in ay yareeneyso xiriirka siyasadeed eek ala dhaxeeyo wadanka Qatar.

    Go” aankaan waxaa gaaray Dowladda Jabuuti iyadoo doonaysa in ay la midoobdo wadamada  ku xulufooway in ay xiriirka u jaraan dowladda Qatar kadib markii la ogaaday in ay garab siiso argagixisada, iyo mintidiinta jihaadiistayaasha ah ee kasoo horjeeda wadamada ku midoobay Gacanka carbeed iyo jaamacada Carabta.

    Dowladda Jauuti weli waxaa ka go”an in ay  xiriir siyaasadeed oo wanaagsan uu dhexmaro wadama carabta ah, waxaana isku deyi doonaa in wax waliba aan ku xalino wada hadal loo adeegsanaayo codka carbeed oo wada jira.

    Dhamaadka Warsaxaafadeedka.

    Galmudug Juun 08, 2017 Madaxweyne Axmed Ducaale Geelle Xaaf ayaa Xalay kulamo is Dabajoog ah Koonfurta Gaalkacyo kula Qaatay Madaxda Maamulka Gobalka Mudug ee Galmudug iyo Odayaasha Dhaqanka oo ay ka wada hadleen Sidii Xal looga gaari lahaa Colaada Gobalka Mudug ka Taagayn gaar ahaa Magaalada Gaalkacyo iyo Deegaano Dhaca Galbeedka iyo Bariga Gobalkaasi.Madaxweyne Xaaf ayaa Odayaasha Gobalka Mudug ee Galmudug u Sheegay inay u Diyaar garoobaan Kulamo Nabadeed oo Dhex-mara Waxgaradka iyo Maamulada Koonfurta iyo Waqooyiga Gaalkacyo si loo Raadiyo Xasilooni Loogu Badalo Xiisada Colaada Qabaa’ilka Puntland iyo Galmudug.

    Madaxweyne Xaaf ayaa horaan u sheegey in uu ku hami weyn yahay in uu xaliyo xiisadaha dagaal ee kasoo cusboonaado Magaalada Gaalkacyo oo uu agaal fool ka fool ah ku dhex maro maleeshiyo beeleedyo kasoo kala jeeda maamulada Galmudug iyo Puntland.

    North Korea Juun 08, 2017 Kuuriyada Waqooyi ayaa xeebteeda bariga waxa ay ka ridday dhowr gantaal oo nooca lidka maraakiibta ah, waxaa sidaasi sheegay milateriga Kuuriyada Koonfureed.

    Mas’uuliyiinta ayaa sheegay in hubka subaxa Khamiista laga riday meel u dhaw magaalada Wonsan, uu u muuqday mid ay ridadiisu gaaban tahay oo ah nooca lidka maraakiibta.

    Gantaaladu waxa ay jareen qiyaastii 200km ka hor inta aanay ku dhicin biyaha badda.

    Kuuriyada Waqooyi ayaa sanadkan si joogta ah waxa ay u tijaabisay gantaallada ridada dheer, tijaabooyinkaas oo dhammaantood aanan lagu guulaysan balse xadgudub ku ahaa cunaqabateynta Qaramada Midoobay, ayaa waxa ay sare u qaadeen walaaca caalamiga ah ee arrintan laga qabo.

    Khubarada ayaa waxa ay ka cabsi qabaan in tijaabooyinkaasi ay tilmaan u yihiin horumarka ay Pyongyang ku gaarayso yoolkeeda ee ay ku samaysanayso gantaalo xambaari kara madaxyo nukliyeer ah.

    Sikastaba ha ahaatee, tijaabadan ugu dambaysay ayaanan xadgud ku ahayn qaraarada Golaha Ammaanka ee Qaramada Midoobay ee ka dhanka ah Waqooyiga, maadaama qaraaradaasi ay mamnuucayaan oo kaliya tijaabooyinka gantaalada ridada dheer, sida lagu sheegay wakaaladda wararka ee Kuuriyada Koonfureed ee Yonhap.

    Afahayeenka milateriga Kuuriyada Koonfureed Roh Jae-cheon ayaa sheegay in tijaabadan ugu dambaysay ay muujinayso in Waqooyigu “ay u badan tahay inuu doonayo inuu muujiyo awooddiisa uu ku bartilmaameedsan karo maraakiibta dagaal ee waa weyn” kaddib dhoolatuskii milateri ee ay ka qeyb qaateen maraakiibta xambaarta diyaaradaha ee Mareykanka iyo ciidammada Kuuriyada Koonfureed.

    Muqdisho Juun 08, 2017 Madaxweynaha Soomaaliya Mudane Maxamed Cabdulaahi Farmaajo ayaa ku Dhawaaqay in uu Bilaabayo Socdaal uu ku Maraayo Dhamaan Deegaanada Maamulada Puntland,Galmudug iyo Hir-Shabeelle si loo Xoojiyo Wada Shaqaynta Dowladda Dhexe iyo Dowlad Gobaleedyada Xubnaha ka ah Nidaamka Federaalka.

    Madaxweyne Farmaajo ayaa Sheegay in Hogaamiyaasha Maamulada iyo Bulshada Qeybaheed kala Duwan uu kala Tashanaayo Hirgelinta Arrimaha ugu muhiimsan ee looga fadhiyo Dowladda Soomaaliya inay u Qabsoomaan 4-Sano ee soo socta Sida Hir-galinta Dhismaha Ciidamada Militariga,Xasilinta Amniga Dalka iyo Doorasho Qof iyo Cod Dalka ka Dhacdo Markala gaaro 2021-ka Si looga Gudbo Awood qeybsiga Qabaliga ah 4.5.

    Madaxweyne Farmaajo ayaa Horey Safar ugu Tagay Magaalooyinka Baydhabo iyo Kismaayo ee Maamulada Koofur Galbeed iyo Jubaland halkaasi oo kula Kulmay Hogaamiyaasha Maamuladaasi

    Puntland State Juun 08, 2017 Dagaal u dhaxeeya Ciidamada maamulka Puntland iyo ururka Al-shabaab ayaa ka socda Degaanka Af-urur oo ku yaalla duleedka magaalada Boosaaso ee Gobolka Bari.

    Dagaalkan ayaa yimid kadib markii xoogag ka tirsan Shabaab ay weerar ku qaadeen fariisin Ciidamada maamulka Puntland ay ku leeyihiin Degaanka Af-urur.

    labada dhinac ayaa isku adeegsanaya Hubka nuucyadiisa kala duwan, sida ay inoo sheegeen dadka Degaanka ee halkaasi ku sugan.

    Ciidamo gurmad ah oo ka tirsan kuwa maamulka Puntland ayaa ka baxay magaalada Boosaaso, iyaga oo ku biiraya dagaalka ka socda Degaanka Af-urur, si ay isaga difaacaan Shabaab.

    Weli ma cadda Khasaaraha rasmiga ah ee ka dhashay dagaalkaasi u dhaxeeya ciidamada Puntland iyo Shabaab ee ka socda duleedka magaalada Boosaaso ee Gobolka Bari.

    Puntland ayaa dagaal adag waxa ay kula jirtaa dagaalyahanada ka tirsan Al-Shabaab iyo Daacish oo Saldhigyo Millitari ku leh Buuraha Galgala ee Gobolka Bari

    Jowhar Juun 08, 2017 Garoonka diyaaradaha ee Magaalada jowhar ee Xarunta Gobalka Shabeelaha Dhexe ayaa Sheegaya in Qarax miino uu ka dhacay Magaaladaasi.

    Qaraxan ayaa ahaa miinada Dhulka lagu aaso waxaa lala eegtay Gaari Cabdi Bile oo ay saarnaayeen ciidamada Dowlada Soomaaliya,Sida ay Dad Goob joogayaal ah u Sheeegeen KNN.

    Inta La ogyahay Waxaa Qaraxaasi ku dhintay 3 Askari,Waxaana ku dhaawacmay Isla 3 Askari oo ka Tirsan ciidamada Dowlada Federaalka ee Soomaaliya,Xili ay Marayeen  Meel u Dhow Garoonka Mgaalada Jowhar.

     Wararka ayaa Intaasi waxaa ay ku Darayaan  in Durbadiiba Goobta ay  gaareen Ciidamo Badan oo ka Tirsan Dowlada,Waxaa ayna Halkaasi  ka Sameeyeen Howlgal lagu dad badan lagu soo qab-qabtay.

    Ma Jirto ilaa iyo Hada Wax war ah oo ka soo baxay Maamulka Magaalada Jowhar  ee Xarunta gobalka Shabeelaha Dhexe.

    Ciidmada Dowlada Federaalka Soomaaliya ayaaa horay dhowr jeer waxaa qarax lagula eegtay Magaalada jowhar ee Xarunta G.Sh.Dhexe.

    Garoowe Juun 08, 2017 Madaxweynaha Jamhuuriyada Federaalka Soomaaliya Maxamed Maxamed Cabdulalahi(Farmaajo) ayaa sheegay in dowladda Federaalka Soomaaliya ay awood buuxda siin doonto Madaxweynayaasha Maamul Goboleedyada xiligaan dalka ka jira.

    Sidoo kale waxa uu hadalkiisa intaas raaciyay in iyaga iyo dowlad Goboledyada iska kaashaan doonaan la dagaalanka Al-Shabaab kordhinta dhaqaalo uu yeesho dalka Soomaaliyeed iyo sidoo kale sidii Mashruucyo Shacabka waxtar u leh kuwaas oo guud ahaan laga hirgeliyo.

    Hadalkaan ayaa Madaxweyne Farmaajo waxa uu sheegay xili shalay Magaalada Kismaayo uu kulan kula qaatay Masuuliyiin uu horkacayay Madaxweynaha dowlad Goboleedka Jubbaland Axmed Maxamed Islaam(Axmed Madoobe


    Wararka Maanta Juun 07, 2017

    Muqdisho Juun 07, 2017 Ra’iisul Wasaaraha Soomaaliya Mudane Xasan Cali Kheyre “Bakhti-Raamsade” ayaa shir guddoomiyey kulan muhiim ah oo looga hadlayay fulinta qodobadii ka soo baxay shirkii London, gaar ahaan qeybta amniga iyo sidii wadajir looga shaqeyn lahaa taabagelinta heshiiska. Qodobada muhiimka ah ee shir diiradda lagu saaray waxaa kamid ah dib-u-dhiska Ciidamada Qaranka oo qeyb ka ahaa qodobka ugu muhiimsanaa  ee shirkan London looga hadlay,  kaas oo  horey dawlada dhexe iyo maamulada Federaalka ku heshiiyeen qaabkii dib u dhiska loogu sameyn lahaa ciidanka Qaranka,

    Shirka waxaa sidoo kale ka qeyb galay Wasiiro ka tirsan Xukuumadda Fderaalka iyo inta badan safiirada beesha Caalamka u fadhiya Soomaaliya.

    Mozanbique Juun 07, 2017 Booliska Mozambique ayaa u digay ragga bidaarta leh in ay bartilmaameed u noqon karaa weeraro. Waxaa ay sheegeen sedex nin oo bidaar leh in lagu dilay dhawaan degmada dhexe ee Milange .Mid ka mid aha ayaa lagala baxay xubnaha jirkiisa.

    Booliiska ayaa waxa ay sheegeen in raggan bidaarta leh ay dileen dad aaminsan in madaxiisu ku jira dahab.

    Laba qof oo falkan looga shakisan yahay ayaa la xiray oo labaduba ay dhalinyaro yihiin.

    Waxa ay booliiska u sheegeen in jirka ragga bidaarta leh loo isticmaalo xafladaha islamarkana la rumaysan yahay in ay badinayso hantida.

    Dhaqankan wali horay looma soo sheegin haseyeeshee waxaa jiray in la dilay dad badan al Albiinada loo yaqaaanno ee koonfurta iyo bariga Africa, gaar ahaan dalka Tanzania .

    Qaybaha jirkooda ayaa waxa loo isticmaalaa dhaqan diimeed.

    Waxa la rumaysan yahay in dadka gata ay u soo jiidaan nasiib wanaagsan iyo jaceyl

    Muqdisho Juun 07, 2017 Dowladda Federaalka ee Soomaaliya waxa ay ka xun tahay, kana walaacsan tahay khilaafka Diblomaasiyadeed ee soo kala dhex galay Dowladaha Carabta ee walaalaha ah.

    Waxey Dowladda Federaalka ee Soomaaliya ku baaqeysaa in khilaafka lagu dhammeeyo wadahadal iyo is faham, iyada oo la adeegsanayo Ururka Jaamacadda Carabta iyo Ururka Iskaashiga Islaamka.

    Dowladda Federaalka ee Soomaaliya oo xubin ka ah Ururka Jaamcadda Carabta iyo Ururka Iskaashiga Islaamku waxey diyaar u tahay in ay gacan ka geysato sidii xal loogu heli lahaa khilaafkan Diblomaasiyadeed ee soo kala dhex galay waddamada walaalaha ah.
    DHAMAAD

    Muqdisho Juun 07, 2017 Diyaarad qaas ah oo waday Lataliyaha Boqorka sacuudiga ayaa soo caga dhigatay garoonka diyaaradaha aaden cadde ee Magaalada Muqdisho iyadoo Madaxda Dowladda Somalia ay u caddeeyeen lataliyaha sacuudiga inay meel dhexe ka taaganyihiin Muranka u dhexeeya dowladaha khaliijka islamarkaana ay door ka qaadan doonaan sidii loo dhex dhexaadin lahaa oo loo dhammeyn lahaa khilaafka jira.

    Xogtaan waxaa xaqiijiyay  saraakiil sarsare oo ka tirsan Wasaaradda arrimaha dibadda Xukuumadda Federaalka Somalia.

    Ugu dambeyntii La taliyaha Boqorka Sacuudiga ayaa diyaaradda waday la raacay Xubnaha Golaha wasiirrada ee maanta u safray sacuudiga.

    Iran Juun 07, 2017 Rasaas ayaa laga maqlay dhismaha baarlamaanka Tehraan

    Weerarro mataano ah ayaa lagu qaaday baarlamaanka Iiraan iyo qabriga aasaasihii Iiraan ee Khomeini oo ku yaalla caasimadda Tehran.

    Waxaa la xaqiijiyay in ilaa iyo 12 qof ay ku dhimatay labada weerar.

    Weerarka baarlamaanka ka dhacay ayaa la sheegay in la soo gabagabeeyay iyadoo ay jiraan warar sheegaya in dad afduub loogu haystay gudaha baarlamaanka.

    Qof is qarxiyay ayaa la sheegay inuu ku dhintay weerarka ka dhacay dhismaha uuku yaalla qabriga.

    Muqdisho Juun 07, 2017 Garoonka Diyaaradaha Magaalada Muqdisho ee aadac cadde waxaa Maanta ka dhoofay Shan wasiiro oo ka tirsan Xukuumadda Federaalka Soomaliya kuwaasi oo ku wajahan magaalada Riyad ee boqortooyadda dalka Sacuudiga.Wasiirada ka baxay Garoonka Diyaaradaha Magaalada Muqdisho waxa kamid wasiirka gaashaandhigga Xukuumadda Federaalka Soomaliya Cabdirashiid Maxamed Cabdullaahi iyo Wasiirka Wasaaradda Dekadaha iyo gadiidkacirka iyo dhulka Maryan Aweys Jaamac iyo wasiiro kale waxaa ku wehliya safarkooda La taliyaha khaaska ah ee Boqorka Sacuudi Carabia oo Muqdisho maanta soo gaaray.

    Ujeedka safarka wasiiradaan ka Tirsan Xukuumadda Federaalka Soomaliya ayaa lagu sheegay heshiisyo ay lasoo gali doonaan dhigooda dalka sacuudi Arabia madaama  dhawaan uu dalkaas gaaray madaxweynaha Soomaliya Maxamed C/laahi Maxamed Farmaajo.

    Muqdisho Juun 07, 2017 Kooxo hubeysan ayaa goordhawed Gudaha Suuqa Bakaaraha gaar ahaan qeybta Daawada waxa ay ku dileen nin Ganacsade ahaa oo si weyn loogu yaqaanay Bakaaraha.Ninka la dilay ayaa lagu magacaabi jirey Maxamed Dheere wuxuuna kamid ahaa Ganacsatada sida weyn loogu yaqaanay Gudaha suuqa Bakaaraha ee Magaalda Muqdisho, waxaana dilkii fuliyay rag ku hubeysneed Bastoolado oo dhowr xabadood ku dhuftay marxuumka.

    Dilka kadib raga hubeysnaa ayaa goobta isaga baxsaday waxaana goobta gaaray Ciidamo ka tirsan kuwa Dowladda Soomaliya, mana jirto cid loo qabtay dilka loo geystay Maxamed Dheere oo kamid ahaa Ganacsatada Suuqa Bakaaraha.

    Muqdisho Juun 07, 2017 Qarax xoogan oo loo malaynayo in uu ahaa mid dhulka lagu aasay  ayaa  goordhaweyd waxa uu ka dhacay Gudaha magaalada muqdisho ee caasimadda SoomaliyaWarar soo baxaya ayaa sheegaya in qaraxa uu ka dhacay meel ku dhow Xaruntii madaxweynihii hore ee Soomaaliya C/qaasim Salaad Xasan, Degmada Hodon ee magaalada Muqdisho.

    Kampala, 7 June 2017 – Wasiirka Warfaafinta Soomaaliya Mudane Cabdiraxmaan Cumar Cismaan (Eng. Yarisow) oo maalmahan booqasho ku jooga dalka Uganda ayaa kulan la qaatay Ku-Simaha Wasiirka Arrimaha Gudaha ee Uganda ahna Wasiiru Dowlaha Mr Obiga Kania. Labada mas’uul ayaa ka wada hadlay arrimo dhowr ah sida in Soomaalida loo fududeeyo dal-ku-galka dalka Uganda, sharciyada dal-ku-joogista iyo arrimo kale.

    Wasiir Eng. Yarisow ayaa ugu horeyn Wasiirka uga mahadceliyey qaabilaadiisa iyo sida dalka Uganda loogu soo dhoweeyey. Wasiir Yarisow ayaa warbixin kooban ka siiyey Mr Obiga Kania xaalada dalka, iyo horumarka ay dowlada ku tallaabsatay tan iyo 8dii Feberaayo.

    Wasiir Obiga Kania ayaa Wasiir Yarisow uga mahadceliyey booqashadiisa, waxuuna shacabka Soomaaliyeed ugu hambalyeeyey doorashadii 8dii February iyo sidii sida nabada laheyd oo ay Madaxdu u kala wareegeen Madaxtinimadii. Wasiir Kania ayaa sheegay in Dowlada Uganda ay diyaar u tahay inay sii xoojiso xiriirka wallaaltinimo ee labada dal.

    Wasiir Eng. Yarisow ayaa ka codsaday Wasiir Obiga Kania in Soomaalida loo sahlo oo loo fududeeyo Dal-ku-galka isagoo sheegay in tan iyo intii online laga dhigay dalbashada visaha ay adkaatay helisteeda, iyadoo ardey fara badan oo Jaamicadaha Uganda iska diiwaangeliyey ay ku adkaatay in dal-ku-galkii ay ku helaan waqtigii ay waxbarashadu bilaabaneysey. Sidoo kale Wasiir Yarisow ayaa ka codsaday Wasiir kania in ardeyda Jaamicadaha ka barta Uganda loo fududeeyo sharciyada dal ku joogista (Student Pass). Ugu danbeyntii Wasiir Yarisow ayaa ka codsaday in Soomaalida loo fududeeyo dal ku galka Uganda.

    Ugu danbeyntii Wasiir Obiga Kania ayaa sheegay inuu dib u eegis ku sameyn doono oo Soomaalida loo fududeyn doono inay helaan Dal-ku-galka dalka Uganda, isagoo sheegay in Soomaalida ku sugan Uganda ay yihiin dad sharaf iyo karaama leh, bulshada Uganda ay aad u jecelyihiin. Sidoo kale waxuu ballanqaaday in ardeyda loo fududeyn doono student pass.

    DHAMAAD

    Wasaarada Warfaafinta, Dhaqanka & Dalxiiska

    -

    Wararka Maanta Juun 06, 2017

    Su'aalaha Maanta: Maxaa lagu dilay Janaraal Salad Cali Gabeere oo ahaa shaqsi aad iyo aad wax u badbaadiyey markii ay siyaasiyiinta bistooladaha iyo qoryaha iskugu dhex qaateen Golaha Shacabka 1969? Maxuuse Mudane Madaxweyne Farmaajo “Been-Hawaas” Iyo Raysal Wasaare Mudane Xassan Cali Kheyre “Bakhti-Raamsade” u diideen inay yiraahdaan Dowladdii Kacaanka waxay samaysay xad gudubyo badan oo ay kula kacday shaqsiyaad iyo beelo gaar ah oo diiday nidaamkii dictaatooriyadda sida uu hadalka sheegay Agaasimaha Warfaafinta Madaxtooyadda.

    Muqdisho Juun 06, 2017 Diyaarado Dagaal ayaa xalay waxa ay duqeymo xoogan ka fuliyeen qeybo ka mid ah Gobolka Shabeelaha Hoose.

    Duqeymaha ayaa lala Bartilmaamsaday Gaadiid dagaal oo la sheegay in ay la socdeen xubno ka tirsan Dagaalyahanada Al Shabaab oo marayay deegaanka Lambar 50 ee Gobolka Shabeelaha Hoose.

    Lama oga khasaaraha ka dhashay duqeymaha ay diyaaradahaasi dagaal la beegsadeen Gaadiidka ay wateen Al Shabaab.

    Dhawaan ayey ahayd markii diyaarado dagaal duqeymo ay la beegsadeen Saldhigyo Al Shabaab ay ku leeyihiin deegaanno ku dhow dhow degmada Jilib ee Gobolka Jubbada Dhexe.

    Muqdisho Juun 06, 2017 Maamulka Soomaliland ayaa ka jawaabay sababtii ay Ciidamada Laanta Socdaalka Maamulka Soomaaliland Siyaasiga Ismaaciil Hurre Buubaa ugu diideen in uu ka dhoofo Soomaliland,isagoo watay Baasaboorka Diblomaatiga ee Soomaaliya.

    Wasiiru dowlaha Wasaarada arimaha Gudaha Somaliland Maxamed Muuse Diiriye ayaa sheegay in Siyaasiga Ismaaciil Hurre Buubaa uu kamid yahay Muwaadiniinta Reer Soomaaliland balse lagu arkay Baasaboor Soomaali ah kaas oo u doonayay in uu kaga dhoofo Magaalada Hargeysa taasna aysan aqbaleyn.

    Waxa uu hadalkiisa intaas raaciyay in Soomaaliland uu yahay dal Soomaaliya inteeda kale ka go’ay islamarkaana aanan lagu arki Karin cid wadata Baasaboorka Soomaaliya.
    Sikastaba Ismaaciil hurre Buubaa oo horay u soo noqday Wasiirka Arimaha Dibadda Soomaaliya ayaa xiliga la xayiraayay waxa uu watay Baasaboorka Diblomaatiga ee Soomaaliya isagoo ku sii jeeday dalka Kenya Balse Ciidamada Soomaaliland ay diideen in uu ka dhoofo Garoonka Magaalada Hargeysa

    Hargaysa Juun 06, 2017 Madaxweynaha Jamhuuriyadda Somaliland, Mudane Axmed Maxamed Silaanyo, waxa uu digreeto Madaxweyne oo summadeedu tahay JSL/M/XERM/249-4828/062017 uu xilka qaadis, magacaabid iyo isku bedel ku sameeyey caawa oo ay taariikhdu tahay 06/05/2017, xubno ka mida xukuumaddiisa. Madaxweynuhu: Markuu Arkay: Qodobka 90aad, Faqradiisa 2aad ee Dastuurka Jamhuuriyadda Somaliland; Markuu Tixgeliyey: Ahmiyadda weyn ee ay Wasaaraduhu u leeyihiin Dalka iyo Dhismaha Qaranka; Markuu Arkay: In baahi loo qabo buuxinta jagada Wasiirka Wasaaradda Boosaha iyo Isgaadhsiinta ee Jamhuuriyadda Somaliland; Markuu Ka Fiirsaday: Kartidiisa, aqoontiisa iyo hufnaantiisa shaqo; Markuu Ku Qancay: In uu hanan karo xilkan loo magacaabay; Wuxuu go’aansaday . Magacaabida iyo Isku bedelka Wasiiradda, Wasiir Ku xigeenada iyo Wasiiru-dawlayaasha
    1 In Mudane, Mustafe Faarax Abraar, laga bilaabo taariikhda maanta uu ahaado Wasiirka Wasaaradda Boosaha iyo Isgaadhsiinta ee Jamhuuriyadda Somaliland.

    2 In Mudane, Xasan Xuseen Nuur Geelle, laga bilaabo taariikhda maanta uu ahaado Wasiir Ku-xigeenka Wasaaradda Caafimaadka ee Jamhuuriyadda Somaliland.

    3 In Mudane, Cabdillaahi Aw Aadan Raabi, laga bilaabo taariikhda maanta uu ahaado Wasiiru-dawlaha Wasaaradda Deegaanka iyo Horumarinta Reer Miyiga ee Jamhuuriyadda Somaliland.
    4 In Mudane, Axmed Cali Baynax, laga bilaabo taariikhda maanta uu ahaado Wasiiru-dawlaha Wasaaradda Duulista Hawada ee Jamhuuriyadda Somaliland.

    5 In Mudane, Axmed Aadan Ismaaciil (Keyse), uu ahaado Wasiir Ku-xigeenka Wasaaradda Qorshaynta Qaranka iyo Horumarinta ee Jamhuuriyadda Somaliland (Bedel hore Wasiir Ku-xigeenkii Wasaaradda Arrimaha Dibedda)

    6 In Mudane, Kaysar Cabdillaahi Maxamed, uu ahaado Wasiir Ku-xigeenka Wasaaradda Arrimaha Dibedda iyo Iskaashiga Caalamiga ah ee Jamhuuriyadda Somaliland. (Bedel hore Wasiir Ku-xigeenka Wasaaradda Qorshaynta Qaranka iyo Horumarinta) 7

    In Mudane, Axmed Xaashi Cabdi, laga bilaabo taariikhda maanta uu ahaado Wasiir Ku-xigeenka Wasaaradda Maaliyadda ee Jamhuuriyadda Somaliland. (Bedel hore Wasiir Ku-xigeenkii Wasaaradda Madaxtooyada JSL)

    8 In Mudane, Cali Axmed Maxamed (Dhegoole), laga bilaabo taariikhda maanta uu ahaado Wasiir Ku-xigeenka Wasaaradda Madaxtooyada ee Jamhuuriyadda Somaliland. (Bedel hore Wasiir Ku-xigeenkii Wasaaradda Maaliyada)

    9 In Mudane, Cabdiraxmaan Axmed Ismaaciil, laga bilaabo taariikhda maanta uu ahaado Wasiiru-dawlaha Wasaaradda Gaashaandhigga ee Jamhuuriyadda Somaliland. (Bedel hore Wasiiru-dawlihii Wasaaradda Macdanta iyo Tamarta)

    10 In Mudane, Yuusuf Cismaan Garas, laga bilaabo taariikhda maanta uu ahaado Wasiiru-dawlaha Wasaaradda Macdanta iyo Tamarta ee Jamhuuriyadda Somaliland.(Bedel hore Wasiir Ku xigeenkii Wasaaradda Wershadaha)

    11 In Mudane, Cabdisalaan Maxamed Xasan, laga bilaabo taariikhda maanta uu ahaado Wasiiru-dawlaha Wasaaradda Warshadaha ee Jamhuuriyadda Somaliland. (Bedel hore wasiir ku xigeenkii wasaaradda Deegaanka iyo Horumarinta Reer Miyiga) Magacaabida Agaasimeyaasha Guud

    1 In Mudane, Jamaal Cabdillaahi Maxamed, laga bilaabo taariikhda maanta uu ahaado Agaasimaha Guud ee Wasaaradda Gaashaandhigga ee Jamhuuriyadda Somaliland.

    2 In Mudane, Cabdikariim Xuseen Siciid, laga bilaabo taariikhda maanta uu ahaado Agaasimaha Guud ee Wasaaradda Xidhiidhka Goleyaasha, Cilmi Baadhista iyo Technology-yadda ee Jamhuuriyadda Somaliland. Magacaabida Hay’addaha Dawladda

    1 In Mudane, Xuseen Maxamed Jaamac (Balal), laga bilaabo taariikhda maanta uu ahaado Ku-xigeenka Garyaqaanka Guud ee Qaranka ee Jamhuuriyadda Somaliland.

    2 In Mudane, Dayib Aadan Xaaji Cali, laga bilaabo taariikhda maanta uu ahaado xubin ka tirsan Guddida Maamul-wanaagga iyo La-dagaallanka Musuq-maasuqa ee JSL. Magacaabida La-taliye Madaxweyne

    1 In Mudane, Maxamed Ismaaciil Cabdi (Xato), laga bilaabo taariikhda maanta uu ahaado La-taliyaha Madaxweynaha ee Arrimaha Ciyaaraha. Magacaabida Wakiilka Somaliland ee Cuman iyo Kuwait

    1 In Mudane, Salaan Xasan Cabdulle Warsame, laga bilaabo taariikhda maanta uu ahaado Wakiilka Jamhuuriyadda Somaliland u fadhiya dalalka Cumaan iyo Kuwait. Magacaabida Gudoomiyeyaasha Iyo Kuxigeenadda Gobolada

    1 In Mudane, Axmed Diiriye Cabdillaahi, laga bilaabo taariikhda maanta uu ahaado Guddoomiyaha Gobolka Daad-madheedh ee Jamhuuriyadda Somaliland. 2 In Mudane, Cabdi Nuur Sugaal, laga bilaabo taariikhda maanta uu ahaado Guddoomiye Ku-xigeenka Gobolka Awdal ee Jamhuuriyadda Somaliland.

    3 In Mudane, Nuur Qaasim Qodax, laga bilaabo taariikhda maanta uu ahaado Guddoomiye Ku-xigeenka Gobolka Saraar ee Jamhuuriyadda Somaliland. Ujeeddo: Xilka Qaadis Mudaneyaal, Waxaan aad idinka mahadinayaa muddadii aynu wada shaqaynaynay. Xilalka Qaranka ayey dabcigeed tahay in ay meerto noqoto oo kolba cid hanan karta loo dhiibo. Sidaa darteed, waxaan gartay in aan idinka qaado xilalkii aad qaranka Jamhuuriyadda Somaliland u hayseen. Haddaba, waxaan idinka rajaynayaa in aad si niyad sami ah ugu wareejisaan xilalkii aad u hayseen qaranka Jamhuuriyadda Somaliland, masuuliyiintaa aan u soo igmaday ee kor ku xusan.

    Xilka Qaadis

    1 Mudane, Maxamuud Sheekh Cabdillaahi Cige, Wasiirkii Hore ee Wasaaradda Boosaha iyo Isgaadhsiinta

    2 Mudane, Axmed Nuur Faahiye, Wasiiru-dawlihii Hore ee Wasaaradda Duulista Hawada

    3 Mudane, Xasan Daahir Dhimbiil, Wasiir Ku-xigeenkii Hore ee Wasaaradda Caafimaadka

    4 Mudane, Farxaan Xasan Cabdi, Guddoomiyihii Hore ee Gobolka Daad-madheedh

    5 Mudane, Ibraahim Jaamac Maxamed, Guddoomiye Ku-xigeenkii Hore ee Gobolka Saraar

    6 Mudane, Maxamed Cali Aadan, Agaasimihii Hore ee Wasaaradda Xidhiidhka Goleyaasha, Cilmi Baadhista iyo Technology-yadd

    Muqdisho Juun 06, 2017 Wasaarada Amniga ee Dowladda Federaalka Soomaaliya ayaa soo saartay go’aano la xiriira ducomentiyada been abuurka ah ee waxbarashada iyo ganacsiga loo isticmaalo.

    Wasaaradda amniga ayaa sheegtay in talaabo adag laga qaadayo cidii lagu qabtaa iyadoo shaqo ku raadsaneyso Shahaadooyin been abuur ah oo uusan aqoonteeda lahayn.

    Wasaaradda amniga ayaa sidoo kale sheegtay in qof walbo oo ka ganacsanayo ducomentiyada been abuurka ah talaabo adag ooo sharciga waafaqsan laga qaadayo isla markaana Maxkamad la soo taagayo.

    Wasiir Ku Xigeenka Wasaaradda Amniga ee Dowladda Federaalka Soomaaliya C/naasir Saciid Muuse ayaa sheegay in aysan aqbali doonin in ay sii jiraan dadka isticmaala iyo kuwa ka ganacsada ducomentyada been abuurka ah.

    Waxa uu Taliska booliiska ugu baaqay in ay ka shaqeeyaan sidii dadkaasi gacanta loogu soo dhigi lahaa oo sharciga loo horkeeni lahaa.

    Kismaayo Juun 06, 2017Magaalada Kismaayo ee xarunta Gobolka Jubbada hoose, ayaa maanta wax dhaq dhaqaaq ah ka jirin inta badan, kadib markii Magaalada lagu soo daadiyay ciidamo aad u badan oo ka tirsan Dowladda Federalka Somaliya.

    Wadooyinka ugu muhiimsan Magaalada Kismaayo ayaa Saakay xiran.

    Ciidanka ayaa sugaya ammaanka Magaalada, maadaama Magaalada uu ku sii jeedo Madaxweynaha Soomaaliya Maxamed C.laahi Maxamed (Farmaajo).

    Gaadiidka gaashaman ee ciidamada Kenya ayaa lagu jaray wadooyinka waaweyn ee Magaalada Kismaayo, halka ciidamada Jubbaland lageeyay xaafaddaha Magaalada.

    Qaba qaabada soo dhaweynta Wafdiga Madaxweynaha ayaa ka socota Magaalada Kismaayo oo shalay ay sii tageen xubno ka tirsan Villa Somaliya.

    Waa safarkii Afaraad ee Madaxweyne Farmaajo uu ku tagaayo Magaalo ka mid ah dalka gudihiisa, horay wuxuu u tagay Baydhabo, Afgooye iyo Cadaado

    Masar Juun 06, 2017 Dawladda Masar ayaa sheegtay in ay diyaaradaha Qadar ka xiranayso hawadeeda iyadoo uu sii korayo muranka dublamaasiyadeed, waxaana la filayaaa in Sacuudi Carabiya iyo Baxraynna ay sidaas oo kale sameeyaan Talaadada.

    Dalal badan ayaa xiriirkii u jaray Qadar, iyaga oo ku eedeeyay in ay taageerto argagixisada gacanka ka jirta.

    Muwaadiniinta Qadar ee ku nool Baxrayn, Sacuudi Carabiya iyo isutagga Imaaraadka Carabta ayaa loo qabtay labo todobaad in ay dalkooda ku aadaan.

    Qadar ayaa diiday in ay taageerto malayshiyaadka wasiirkeeda arrimaha dibadduna wuxuu ku baaqay in la qabto wadahadal aan waxba laka qarsanaynin oo daacadnimo ku dheehan tahay.

    Masar ayaa sheegtay in ay hawadeeda ka xiranayso Qadat Talaadada marka ay saacaddu ku beegantahay 7 subaxnimo ee wakhtiga Bariga Afrika ama 04:00 GMT ayna socon doonto ilaa iyo inta amar dambe laga soo saarayo.

    Muqdisho Juun 06, 2017 Dhawaan ayaa la filayaa in dalka Canada uu ka furmo Shir looga hadlayo Maamulka Hawada Soomaaliya kaas oo ay ka qeybgeli doonaan Madaxda ka socota dowladda Federaalka Soomaaliya iyo Hay’adda Qaramada midoobay u qaabilsan Arimaha Hawada.

    Wasiirka Wasaarada Gaadiidka Cirka iyo Dhulka Soomaaliya Maxamed Cabdulalahi Oomaar ayaa sheegay in shirkaas uu ka furmi doono Munturial ee dalka Canada islamarkaana uu u dhaxeeyo Wasaarada Gaadiidka Cirka iyo Dhulka Soomaaliya iyo Hay’adda Qaramada Midoobay u qabilsan Maamulka Hawada.

    Wasiirka ayaa sidoo kale waxa uu sheegay in ay rajo ka qabaan inta uu shirkaas socdo ay guulo waaweyn ka soo hooyaan islamarkaana dowladda Soomaliya lagu wareejiyo Maamulida Hawada dalka Soomaaliya.

    Tan iyo Bur burkii dalka ayaa waxaa weli Soomaaliya Gacanteeda ka maqan maamulida dhanka Hawada ah,waxana dowladda Soomaaliya ay dhowr mar ku dadaashay in ay u suurtagasho balse aaney ku guuleeysan

    Muqdisho Juun 06, 2017 Nin  hubeesnaa ayaa Maanta Isgoyska Sanca ee degmada Kaaraan ee Magaalada Muqdisho gaar ahaan Sarta dheer waxa uu ku dilay Nin Timo jare ahaa.

    Ninka la dilay ayaa loogu  tagay goobtiisa Shaqo,iyadoo intaas kadib la toogtay,sida ay  sheegeen dad Goobjoogayaal ah.

    Macada sababta  Ninkaasi loo dilay balse dilka ka hor ayaa la sheegay in Ninkaasi ay wada murmeen mudo daqiiqado ah taas oo keentay in markii dambe Ninkii timo jara ahaa la dilo.

     Wararka qaar ayaa waxa ay sheegayaan in Ninkii  dilay Ninka timo jara ahaa uu xoogaa khilaaf ka dhaxeeyay.

    Muqdisho Juun 06, 2017 Dowladda waxay dhidibada u adkeyn doontaa xorriyadda hadalka, waxayna warbaahinta xorta ah siin doontaa fursado ay shacabka Soomaaliyeed ugu tabiyaan xogaha yaalla xafiisyada,Warbaahinta madaxa bannaan dhankeeda waxaa laga rabaa in ay daacad u ahaadaan dadweynaha oo ay si quman uga haqabtiraan warar iyo warbixinno isu dheelli tiran oo dhab ka hadal ah, Isla xisaabtanka iyo daahfurnaanta waa furaha dowlad wanaagga aan dooneyno in dowladdan ay dhaqangeliso muddada ay xafiiska joogto ”, ayuu yiri Abdinuur Maxamed.

    Warbaahinta Soomalida ayaa inta badan dowladda Federaalka Soomaliya ku dhaliisha in aysan ka ogaanin xogaha yaalla xafiisyada.

    http://waagacusub.info/play.php?action=video&id=367&do=play_video



    June 2017

     

    Wararka Maanta Juun 05, 2017

    Su'aalaha Maanta: Maxaa ka khaldam Odayaasha Abwaanada Isaaq ee beenta u sheegaya dadkan dhageysanayaan? Maxuu qabtay boqol maalin Madaxweyne Mudane Maxamed Cabdillaahi Farmaajo “Been-Hawaas” Iyo Raysal Wasaare Mudane Xassan Cali Kheyre “Bakhti-Raamsade” aan ka ahayn inay duulduulaan oo ay ku takrifalaan dhaqaalaha yar? Ma run baa in qabiilka Haweya kalita hubka laga dhigaayo? Maxay Dowladda Soomaaliya xitaa u booqan ladahay Hargaysa intooda masuulliyadda sare haysa?


    May 2017

     

    WARARKA MAANTA May 23, 2017


     Waregto ka soo baxday Wasarada Arimaha Gudaha Somaaliya ayaa Caawa xilkii looga qaaday 15 Degmo oo ka tirsan Gobolkaan Banaadir Gudoomiyayaashooda isagoo magacaab Gudoomiyaal Cusub.

    Wareegto ka soo baxday Xafiiska Gudoomiyaha Gobolka Banaanir ayaa waxa lagu sheegay in xilkii laga qaaday Gudoomiyaasha 14 degmo lana magacaabay kuwii bedeli lahaa.

    Gudoomiyaasha la magacaabay ayaa waxaa ku jira 5 Haween ah,iyadoona isbedelkaan uu sameeyay Gudoomiyaha aysan saameyn degmooyinka Hurwaa, iyo Kaxda ee Gobolkaan Banaadir.

    Afhayeenka Maamulka Gobolka Banaadir C/fitaax Cumar Xalane ayaa Akhrinaya Wareegtada ka soo baxday Wasaarada Arimaha Gudaha Somaaliya.

    Akhriso Magacyada Dumar Gudoomiyaasha Cusub ee Gobolka Banaadir

    1:Gudoomiyaha Degmada Waabari Rowdo C/llahi

    2: Gudoomiyaha Degmada Boondheere Zainab Yuusuf Wehliye

    3:Gudoomiyaha Degmada Warta Nabada Zainab Maxamuud Warasame

    4: Gudoomiyaha Degmada Shibis Safiyo Sheekh Cali Jimcaale

    5: Gudoomiyaha Degmada Shangaani Basmo Cumar Axmed

    Muqdisho May 23, 2017 Ra’iisul Wasaaraha Xukuumadda Federalka ah ee Soomaaliya Mudane Xasan Cali Kheyre ayaa ka qayb-galey kulan lagu taageerayey Xukuumadda uu hoggaamiyo, waxaan ka soo qayb galay qaar kamid ah Golaha Wasiirada, Madaxwaynaha Maamulka Gal-mudug, Gudoomiyaha Gobolka Banaadir, Dhalinyaro iyo ururada Bulshada.

    Ra’iisul Wasaaraha ayaa ka mahadceliyey xafladan lagu taageerayo xukuumadiisa waxuuna tilmamey inay ka turjumayso rabitaanka dawladnimada, maadaama ay bulshada Soomaaliyeed soo mareen dhibaato badan isla markaana u baahan yihiin Nabad iyo Nolol.

    “Waxaan rabnaa mar walba in ay nala xisaabtamaan shacabka Soomaliyeed si ay u helaan waxey xaqa noogu lee yihiin taasoo ah dawladnimada, si aan u gudano shaqadeena”ayuu yiri R/W kheyre.

    Dhanka kale, Ra’iisul Wasaare Xasan Kheyre ayaa la kulmay safiirka Maraykanka u fadhiya Soomaaliya Stephen Schwartz , waxayna ka wada hadleen sidii ay uga wada shaqeyn lahaayeen horumarka, xasiloonida iyo dimuqraadiyadda, tasoo fursad siineysa dadka Soomaaliyeed si loo yareeyo kuwa aaminsan aragtida xag-jirnimada ah.

    Ugu danbeyntii, Ra’iisul Wasaaraha ayaa kormeer ku tagay Dekada Muqdisho, gaar ahaan shaqaalaha qeybta Maaliyadda, waxuuna kala hadlay howlaha ka socda Dekeda, isagoo kula dar daarmey in ay la dagaalamaan musuq-maasuqa si loo helo dawladnimo lagu kalsoon yahay.

    DHAMAAD

    Muqdisho May 23, 2017  Wareegto ka soo baxday xafiiska Wasiirka Arrimaha Gudaha Dowladda Federaalka ayaa waxaa caawa xilalkii looga qaaday illaa 15 ka mid Guddoomiyeyaasha Degmooyinka G/Banaadir, waxaana la dhaafay Labo Guddoomiye oo keliya.

    Labada Guddoomiye la reebay ayaa kala ah Guddoomiyaha Degmada Kaxda Maxamed Ismaaciil iyo Guddoomiyaha Degmada Hilliwaa.

    15-kii Guddoomiye ee xillalkii laga qaaday ayaa waxaa lagu bedelay Guddoomiyeyaal cusub.

    Afhayeenka Maamulka Gobolka Banaadir C/fataax Cumar Xalane ayaa warbaahinta u aqriyay Magacyada Guddoomiyeyaasha cusub ee la magacaabay.

    MAGACYADA GUDDOOMIYEYAASHA LA MAGACAABAY

    1.Degmada Shibis waxaa loo magacaabay Safiyo Cali Jimcaale/ horey waxaa u hayay Axmed Muumin Maxamed.

    2.Degmada Hodan waxaa loo magacaabay Maxamed Axmed Maxamuud (Cantoobo)/ horey waxaa u hayay Axmed Salaad Ibraahim.

    3.Degmada Yaaqshiid waxaa loo magacaabay Axmed Xasan Maxamuud / horey waxaa u hayay Cusmaan Maxamuud Cadaawe.

    4.Degmada Wadajir waxaa loo magacaabay Cumar C/laahi Xasan/ horey waxaa u hayay Axmed Cabdulle Afrax.

    5.Degmada Howlwadaag waxaa loo magacaabay C/kariin Cali Cabdi (Kaar)/ horey waxaa u hayay Ciise Maxamuud Guurre.

    6. Degmada Kaaraan waxaa loo magacaabay C/fataax Nuur Cali (Yaanyo)/ horey waxaa u hayay Cumar Meyre Macow.

    7.Degmada Dayniile waxaa loo magacaabay C/wali Nuur Faarax/ horey waxaa u hayay Axmed Nuur Cabdi Siyaad.

    8.Degmada C/casiis waxaa loo magacaabay Sharmaarke Maxamed Ladane/ horey waxaa u hayay Cusmaan Muxudiin Cali Cariif.

    9.Degmada Dharkeynley waxaa loo magacaabay C/raxmaan Siid Cali Xuseen/ horey waxaa u hayay C/fataax Nuur Cali (Yaanyo).

    10.Degmada Shangaani waxaa loo magacaabay Basmo Cumar Axmed/ horey waxaa u hayay C/qaadir Maxamed C/qaadir

    11.Degmada Xamar Weyne waxaa loo magacaabay Cumar Shariif Maye/ horey waxaa u hayay Saciid C/qaadir Saciid.

    12.Degmada Xamar Jajab waxaa loo magacaabay C/wali C/laahi Maxamed/ horey waxaa u hayay Axmed Cusmaan Dhoore.

    13.Degmada Waabari waxaa loo magacaabay Rowdo C/laahi Colaad/ horey waxaa u hayay Xuseen Axmed Culusow.

    14.Degmada Boondheere waxaa loo magacaabay Zainab Yuusuf Wehliye/ horey waxaa u hayay Qaasim C/laahi Xasan (Dheere).

    15.Degmada Warta-nabada waxaa loo magacaabay Zainab Maxamuud Warasame/ horey waxaa u hayay Yaasiin Nuur Ciise.

    London May 23, 2017 Salmaan Abedi oo 22 sano jir ahaa ayuu ahaa qofkii geystay weerarka Manchester oo 22 qof ay ku dhinteen sida uu sheegay booliska.

    BBC-du waxay fahansan tahay inuu ku dhashay Manchester asal ahaana uu ka soo jeeda Liibiya.

    Abedi, iyo seddax carruur oo la dhalatay ayaa waxay marar kala duwan degeen xaafado ku yaalla Manchester oo mid ka mid ah boolisku ay baareen.

    Faahfaahin dheeraad ah ma bixinin booliska oo ku saabsan ninkan.

    Qaar ka mid ah 22 qof ee u ku dhimatay weerarkaasi ayaa la shaaciyay magacyadooda. 16 ka mid ah waxaa la sheegay inay ahaayeen carruur.

    Dad goob joogayaal ah ayaa sheegay inay maqleen dhawaq xooggan markii ay dhamaadeen heeso ay goobtaasi si toos ah uga qaadeysay Ariana Grande, oo ah fanaanad caan ah oo u dhalatay dalka Mareykanka.

    Goobjoogayaasha ayaa sheegay inay maqleen qarax ka dhacay albaabka hore ee laga galo goobta uu bandhig faneedku ka socday.

    Boosteejada tareennada Manchester Victoria oo u dhaw goobta uu qaraxu ka dhacay ayaa la xiray, waxaana la baajiyay dhammaan safaradii tareenada ee qorsheysnaa.

    Su'aalaha Maanta: Maxay tahay sababta ku kaliftay Taliye ku xigeenkii Hay’adda Sirdoonka iyo Nabadsugida Qaranka Soomaaliya ee dhanka howlgallada Cabdisalaan Yuusuf Guuleed inuu fashilo musuqmaasuqa baahsan iyo ku-takrifalka weyn ee ka dhex-jira Dowladda Wada Dadban ee uu hoggaaminayo Madaxweyne Mudane Farmaajo "Been-Haaw" Iyo Raysal Wasaare Mudane Xassan Cali Kheyre "Bakhti-Raamsade" kuwaasoo shaqadii Ummadda Soomaaliyeed u dooratay ku bedashay is-tus-tusnimo iyo safaro dalxiis dibaddeed ah oo beenta iyo buuqa ay ku sii waalayaan Ummadda Soomaaliyeed ay u noqotay caado waa sida uu xaqiijiyey Wasiirka Warfaafinta oo caddeeyey inaysan raalli ka ahayn labadan qurbo-joog sidii gobalka Banaadir State u heli lahaa xuquuqda uu u ku leeyahay habka federaalka ee lagu dhisay dastuurka dalka. Nala dhageysta runta iyo siro badan oo uu kashifay Taliye ku xigeenkii Hay’adda Sirdoonka iyo Nabadsugida Qaranka Soomaaliya ee dhanka howlgallada Cabdisalaan Yuusuf Guuleed oo xilkaas hayey muddo 4 sanno ah.

    Muqdisho May 23, 2017 Taliye ku xigeenkii Hay’adda Sirdoonka iyo Nabadsugida Qaranka Soomaaliya ee dhanka howlgallada Cabdisalaan Yuusuf Guuleed ayaa waraysi gaar ah oo uu VOA-da siiyay ayaa ka hadlay sababaha keenay in uu iscasilay sidoo kale Taliye ku xigeenkii hay’adda sirdoonka iyo Nabadsugida Qaranka Soomaaliya ee dhanka howlgallada Cabdisalaan Yuusuf Guuleed ayaa horay u sheegay Taliyaha Hay'adda Nabadsugidda Qaranka Mr. Cabdillaahi Sanbalooshe uusan wax khibrad iyo aqoon u lahayn hawlaha sirdoonka isla-markaasna ay tahay qalad weyn in mar labaad loo magacaabo Hay’adda Sirdoonka iyo Nabadsugida Qaranka Soomaaliya oo uu horay waxba uga qaban waayey asagoo ku fashilmay.

    Waxa uu sheegay inuu go’aankan qaatay kadib markii uu sheegay in laga gaabiyay isbeddel lagu sameeyo hay’adaha amniga Soomaaliya, madaama amniga magaalada uu sii xumaanayo.

    Cabdisalaan Guuleed ayaa sidoo kale sheegay in musuq-maasuq iyo ku takrifal awoodeed ay ka dhex jiraan hay’adaha amniga ee dalka.

    http://www.voasomali.com/a/3865296.html

    Muqdisho May 23, 2017 Guddoomiyaha golaha shacabka ee baarlamaanka Soomaaliya ayaa hadda waxa uu gacantiisa ku jartay Tikidhkii xilka looga qaadi lahaa, ama midkii lagu diyaarin lahaa mooshinka xil ka qaadistiisa.
    Xildhibaanno ka tirsan golaha shacabka oo aynu la hadalnay waxay inoo sheegeen in Jawaari ay u arkeen inuu ahaa shaqsi waxbaan qaban kara, balse culeys ka haystay dowladdii Xasan Sheekh, sidaasina dib ugu doorteen.
    Waxay tilmaameen Xildhibaannada in hadda ay soo baxday caddeymo cad oo ku aadan inuuba isaga yahay shaqsi dano gaar ah leh, islamarkaana aanu dooneyn in howsha sii socoto.
    Waxyaabaha lagu eedeeynayo Jawaari ayaa kamid ah in Golaha shacabka uu ka dhigay sida baarlamaankii 9-aad, xilliga kulamada, shaqada socodsiinteeda iyo sidoo kale isku keenista xildhibaannada.
    Aadista safarada aan micnaha lahayn, gaabinta shaqada iyo qodobo kale ayaa lagu eedeeyay Jawaari, taasi oo ka dhigan inuu jartay Tikidhkii looga eryi lahaa golaha shacabka.
    Dowladdan ayaa u baahan isbedal buuxa oo dhab ah, islamarkaana waxay dowladda dooneysaa dad u shaqeeya waqti ka badan xilliga shaqada iyo sidoo kale in lala yimaado hufnaan shaqo.

    Shabeelle Hoose State May 23, 2017 Warar dheeraad ah ayaa soo baxaya Dagaal Ciidamada Dowladda Federaalka iyo Al-shabaab ku dhexmaray xalay  Degaano ka tirsan Shabeelaha Hoose.

    Dagaalkan ayaa yimid kadib markii Shabaabka ay weerar ku qaadeen fariisimo Ciidanka Dowladda Federaalka ay ku leeyihiin Degaanada Laanta Buuro iyo sidoo kale Lambar 50 oo ka tirsan Shabeelaha Hoose, sida ay sheegeen Saraakiisha Ciidamada dowladda Soomaaliya.

    Dagaalka xoogiisa ayaa ka dhacay degaanka lagu magacaabo Number 50, waxaana la isku adeegsaday Hubka nuucyadiisa kala duwan.

    Gudoomiyaha degaanka lambar 50 Cabdulaahi Waafow oo la hadlay idaacadda Risaala ee Magaalada Muqdisho ayaa ku eedeeyay Al-Shabaab in ay gubeen 14 tuulo oo ku yaalla gobolka Shabeelaha Hoose.

    Cabdulaahi Waafow ayaa sidoo kale waxaa uu tilmaamay in Al-Shabaab ay sidoo kale xalay Weeraro ku soo qaadeen tuulooyin ay degan yihiin dad shacab ah ,islamarkaana ay Afduubteen in ka badan 40 qof.

    Mas’uuliyiinta dowladda Soomaaliya iyo kuwa maamulka Koonfur Galbeed ayuu ku eedeeyay in ay ka gaabiyeen difaacida dadka kunool degaanada Hoos yimaada degaanka Lamabar 50.

    Xaaladda degaanadii lagu dagaalamay ayaa Saaka degan.

    Al-Shabaab ayaa inta badan Weeraro kala duwan kusoo qaada saldhigyadda Ciidamada dowladda Soomaaliya ay ku leeyihiin gobolka Shabeelaha Hoose.

    Jubbaland State May 23, 2017 Madaxweyne Ku-xigeenka Maamulka Jubba-land Maxamuud Sayid aadan oo warbaahinta kula hadlay Magaalada Kismaayo ee Caasimadda KMG ah ee Maamulka Jubba-land ayaa sheegay in laga badalay Wakiilkii Gaarka ah ee Qaramada Midoobay u qaabilsan Arimaha Soomaaliya Amniga deegaanada Jubbaland, kadib markii ay isku qabteen warbixin  ku saabsan amaanka Jubba-land.

    Maxamuud Sayid aadan Madaxweyne Ku-xigeenka Maamulka Jubba-land ayaa sheegay in wakiilka uu gudbiyay warbixin waxba kama jiraan oo meel loogu dhacayo Jubba-land, islamarkaana dhowr jeer oo hore uu gudbiyay in uu liiito amniga deeganada Maamulka,ayna ku xoogan yihiin Xrakada Al-shabaab.

    “Wakiilkii Gaarka ah ee Qaramada Midoobay u qaabilsan Arimaha Soomaaliya Amniga deegaanada Jubbaland, waxaan isku qabanay warbixin ku saabnsan amaanka,waxaan u gudbinay cabashadeeda xafiiska Qaramada midoobay ee Soomaliya,waa nagala badalay mid cusub ayaa lasoo magacaabay”, ayuu yiri Madaxweyne Ku-xigeenka Maamulka Jubba-land.

    Muqdisho May 23, 2017 Ra’iisul wasaaraha dalka Britain Theresa May ayaa hakisay ololaheedi doorashada guud ee dalka Britain muddo labo isbuuc ah kaddib weerarkii xalay lagu qaaday xaflad bandhig faneed oo lagu qabanayay magaalada Manchester ee dalka Britain.

    Weerarakani ayaa waxaa sidookale ka hadlay axsaabta mucaaradka ee dalkaasi Britain.

    Xisbiga Scottish National Party ayaa isaguna baajiyay daahfurka qorshihiisa siyaasadeed ee doorashada oo lagu waday in uu qabsoomo saacadaha soo socda.

    Hogaamiyaha xisbiga mucaaradka ee ugu weyn Britain, Jeremy Corbyn ayaa weerarkani ku tilmaamay dhacdo aad u xun , waxaana sidookale ololihiisa doorashe baajiyay hogaamiyaha xisbiga Liberal-ka Tim Farron.

    Muqdisho May 23, 2017 Ra’iisul Wasaare ku-xigeenka XFS Mahdi Maxamed Guuleed ayaa kulan sogootin iyo mahad celin iskugu jirta u sameeyay Macalamiin barayaal ka ahaa Iskoolada iyo Jaamacadaha ku yaala Muqdisho kuwaasoo ka yimid dalka Masar haatana dib ugu laabanaya dalkoodi,waxaana munaasbadan ka soo qayb galay Xildhibaano,qaar kamid Golaha Wasiirada iyo Macalimiinta la sogootinayay.

    Wasiirka Waxbaraashada Soomaaliya Cabdiraxmaan Daahir Cosmaan ayaa mahad celin ka dib waxuu sheegey in Macalimiintan ay dalka joogeen Todobo bilood haatan ay dib ugu laabanayaan dalkooda,waxuu kaloo sheegay in dalka Masar iyo Soomaaliya ay gaareen heshiis ka kooban Shan qodob kasoo la xiriira arimaha waxbarashada. Waxaana heshiiskaas kamid ahaa In Labo Iskool la siiyo macalimiinta Masaarida.

    Macaliminta dalka Masar ayaa dhankooda ka mahad celiyey sida loo soo dhaweeyey waxeyna sheegeen inay tagi doonaan dhamaan Gobolada dalka kuna faraxsan yihiin shaqada ay Soomaaliya ka hayaan,sidoo kale waxay casuumeen Wasiirka Waxbarashada Soomaaliya inuu ku soo booqdo wadankooda si ay u kormeeraan goobaha waxbarasho ee dalka Masar.

    Ra’iisul Wasaare ku xigeenka Soomaaliya Mahdi Maxamed Guuleed ayaa ka sheekeeyay xiriirka ka dhaxeeya Masar iyo Soomaaliya waxuun tilmaamay inuu yahay mid taariikhiya oo ku saleysan waxyaabo badan oo ku qotoma Waxbarashada,Ganacsiga iyo Siyaasada labada wadan, waxuuna cadeeyay inuu dalka Masar uu qayb wayn ka qaatay inay Soomaaliya dib u hesho xoriyadeeda wakhtigii Gumeysiga.

    “Dowlada Masar iyo shacabkeeda waxey si wayn nooga taageereen dhanka waxbarashada wakhti ay dadka Soomaaliyeed u baahnaayeen inay helaan aqoon dheeraad ah,waxeyna dhiseen goobo waxbarasho sida Iskoolka Amed Guray ee magalada Hargeysa” ayuu yiri R/W ku geenka Soomaaliya.

    Ugu dambeen Ra’iisul Wasaare ku xigeen ayaa u mahad celiyey macalimiinta iyo dowlada Masar sida wanaagsan ay u garab taagan yihiin Soomaaliya waxuuna ka codsaday inay sii wadaan taageerida shacabka Soomaaliyeed.

    DHAMAAD

    Hargaysa May 23, 2017 Madaxweynaha Maamulka Khaatumo State Cali Khaliif Galayr ayaa ka hadlay  safarkiisa Magaalada Hargeysa ee Caasimada Maamulka Somali-land iyo kulankii uu la qaatay Madaxweynaha maamulkaas Axmed Maxamed Maxamuud (Siilaanyo).

    “Magaaladan waxaan u imi , inaan diyaarad ka raaco , Transit inaan ku maro sababo hada aanan ku dheeraneyn baa igu kaliftay diyaarad aan ka filayey inaan ka qaato Buuhoodle ayaa suurtoobi weyday, Sidaa awgeed Magaaladana Hargeysa Airport weyn oo aad u fiican baa ku yaala taa inaan ka faa’ideysto ayaan meesha u imi”, ayuu yiri Madaxweyne Galeyr.

    “Magaaladana wakhti hore baa iigu danbeysay runtii aad bay u dhisantay aad bay u qurux badantahay, in kastoo aanan wakhti u helin inaan soo warwareego laakiin runtii intaan arkay ayaa iga qancisay,waxaan u imi transit baan ahay, Madaxweynaha waan is aragnay xalay baan is aragnay , niman odayaal oo kale oo maamulka iyo baarlamaanka ahna waan is aragnay, laakiin nin wadahadalo iyo arrimo u socday halkan inaan ku qabsano ma ihi “”, ayuu hadalkiisa ku daray madaxweynaha Maamulka Khaatumo State Cali Khaliif Galeyr

    Talyaaniga May 23, 2017 Ciidamada Badda dalka Talyaaniga ayaa inta u dhaxeysa Xeebaha dalalka Liibiya iyo Talyaaniga ka baadi goobaya Dooni ay saarnaayeen dad tahriibayaal ah oo mudo saacado ah ku dhex maqan Xeebaha Talyaaniga iyo Liibiya.

    Saraakiil u hadashay dowladda Talyaaniga ayaa waxa ay shegeen in doontaas ay saarnaayeen in ka badan 100,tahriibayaal ah kuwaas oo aan weli lahelin balse ay ku rajo weyn yihiin in saacadaha soo socdo in ay soo bad baadiyaan.

    Muhaajiriintaan ayaa la sheegay in ay yihiin badankood kuwo u dhashay Qaarada Afrika,islamarkaana ay ka soo bexeen dalka Liibiya iyagoo doonaya in ay tagaan dalka Talyaaniga kadibna uga sii gudbaan Qaarada Yurub inteeda kale si ay uga shaqeestaan.

    Ciidamada Ilaalada Xeebaha dalka Talyaaniga ayaa dhowr mar soo badbaadiyay kumanaan muhaajiriin ah kuwaas oo qaarkood geeriyooday,waxana hada Saraakiisha Ciidamada talyaaniga ay rajeynayaan in ay ku guuleestaan badbadinta dadkaas

    Muqdisho May 23, 2017 Qaramada Midodobay  ayaa difaacday  tallo ay dhawaan u jeedisay shaqaalaheeda taasi oo aheyd in aysan ka cunteenin maqaayadda The Village ee ku taalo  Xarunta Xalane ee gudaha garoonka Aadan Cadde  ee  Magaalada muqdisho, iyagoo u arko in ay tahay maqaayad si gaar ah loo beegsado oo halisteeda leh.

    Xog ay Qarada Midoobay  ka aruurisay weerarada lagusoo qaaday maqaayada The Village sanadahii 2016 iyo sanadkaan aynu ku jirno ee 2017-ka, ayey ku sheegeen in lagu soo qaaday labo weerar oo loo adeegsaday gawaari walxaha qarxa lagasoo buuxiyey ay ka dhasheen burbur xoogan iyo qasaaro nafeed oo ay naftoooda ku waayeen daraasiin dad ah oo maqaayadaas ka shaaxeenaayey.

    “Qaramada Midoobay waxay dhawaanahaan soo saartay digniin oo ay usoo jeedisay shaqaalaheeda iyadoo ka fikiraysa bad qabkooda iyo nabad galyadooda digniintaasi oo ah in aynan gelin maqaayada The Village” sidaasi waxaa tiri Afhayeenka Qaramada Midoobay ee Soomaaliya Cassandra Nelson mar ay wareysi gaar ah siineysay wargeyska Alleastafrica maalintii isniinta.

    Cassandra ayaa ka hadashay hadal baraha bulshada aad looga hadal haayo maalmahaan oo ah digniinta Qarada Midoobay  ay usoo jeedisey shaqaalaheeda ee aheyd in aynan geli Karin maqayaada The Village sababo la xiriiraha amaankooda.

    “Waxaan idiin sheegayaa in aan qibrad u leeyahay howlaha ganacsiga, aana ogahay waxyaabaha ganacsiga hoos u dhigi karo iyo waxyaabaha kale, waxaa la iska dhex maraayaa in Qaramada Midoobay  ay dhalisay qalalaaso ganacsi oo ah in ay digniin kusoo saartay in shaqaalaheeda aynan gelin maqaayad ganacsi oo lagu magacaabo The Village” ayey hadalkeeda kusoo gunaanuday hadalkeeda Cassandra Nelson

    Muqdisho May 23, 2017 Wararka laga helayo agagaarka Isgoyska labar afar ayaa waxaa hada ka socda dagaal u dhexeeya ciidamo ka wada tirsan kuwa Dowlada Somalia kuwaas ku dagalamey wada dhexdeeda ka dib markii ay kala shakiyeen.

    Dagaalka oo ahaa mid xoogan ayaa la shegaya in uu yimid ka dib markii labo Baabuur oo nooca Dagaalka ah oo ay wateen ciidamo milatariya oo ah kuwa ka amrqaata Imaaraadka carabtu ay diideen in ka joogsadaan wado u xireyd ciidamo kale oo milatari sidaasna uu ku bilowdey iska hor imaadku.

    Ciidamada Dagaalka uu dhexmarey ayaa labaduba ka wada tirsa kuwa milatariga Somaliya oo isku adeegsadey rasaasata noocyadeeda kala duwan walow aan si rasmiya qasaraha loo ogeyn.

    ilaa hada wali ma jiraan faahfaahin laga bixiyey israsaaseyntaasi oo socotey mudo 20 daqiiqo ah, isla markaasna ay dadkii iyo gaadiidkii marayey wadad Km 4 ay hakad gashey.

    Laascaanood May 23, 2017 Magaalada Laascaanood ee gobolka Sool aya waxa ay sheegayaan in Magaaladaasi ay a taagan xiisad u dhaxeysa ciidamada maamulka Somaliland iyo sidoo kale Koox dhalinyaro ah.

    Xiisaddaan ayaa ka dhalatay ka dib markii Ciidamada maamulka Somaliland ay howlgal Ballaaran ay ka sameeyeen Magaalada Laascaanood, islamarkaan ay xabsiga dhigeen Koox dhalinyaro ah oo lagu eedeeyay in ay falal Amni daro ay ka wadeen Magaalada.

    Magaalada ayaa waxaa ku sugan Wasiiro ka tirsan maamulka Somaliland, kuwaa soo nabadeyn ka wadda Magaalada Laascaanood.

    Xaafaddo ka mid ah Magaalada ayaa hadda waxaa isku aruursanaya dhalinyaro ka caraysan qaabka loo xirxiray dhalinyaradii howlgalka lagu soo qabtay.

    Qof ka mid ah dadka degaanka ayaa Risaala u sheegay in kooxda dhalinyarada ah ay u abaabulan yihiin sidii qaab qabiileed.

    Dhawaan Magaalada Laascaanood waxaa ku dagaalamay Koox dhalinyaro ah iyo sidoo kale Ciidamada maamulka Somaliland.

    WARARKA MAANTA May 22, 2017
    Su'aalaha Maanta: Ma aragtaa dumar Imaam ka noqotay Masaajid Maraykanka ku yaala? Balse Maxay tahay sababta loogu diidan yahay dadka dega gobalka Banaadir inay helaan xuquuqdooda/ma ay samaystaan Baanadir State sida Somaliland State, Puntland State, Jubbaland State IWM? Maxayse labadan nin ee qurbaha ka timid: Madaxweyne Mudane Farmaajo “Been-Hawaas” Iyo Raysal Wasare Mudane Xassan “Bakhti-Raamsade”u diidan yihiin inay shacabka gobalka Banaadir samaystaan Maamul Gobaleed ismaamul hoose leh? Mise Waxay iloowsan yihiin inay shacabka gobalka Banaadir iska-dulqaadeen Dowladdii Kacaanka markii ay xuquuqdooda ku tumashada billoowday? Maahmaahdan u sheega labada nin ee Soomaaliya haatan hoggaaminaysa: “Kor joogto waa reer tolkaa”
    Galkacyo May 22, 2017Magaalada Gaalkacyo ee Gobolka Mudug ayaa ku waramaya in nin hubeysan uu gudaha Magaaladaas uu ku dilay Warsan Faarax Yacquub oo ahayd Sarkaalad ka tirsan Ciidanka booliska Puntland.

    Nin ku hubaysan Qori ayaa ku dilay magaalada Gaalkacyo wuxuuna markii hore isku dayey inuu waxyeelo u gaysto Jirkeedda kadib markii ay la dagaashay ayuu xabad ku dhuftay taas oo markiiba ay u geeriyootay.

    Marxuumada la dilay ayaa intii aysan dhiman ka hor ka shaqaynaysay meel meherad ah oo ay ku gadi jirtay Cunnada Fudud, waxayna dadka Magaalada Gaalkacyo ay aad u hadal hayaan falkaan dhacay.

    Ciidamada amanka Maamulka Puntland ayaa gaaray goobta u dilka ka dhacay waxayna baadi-goobayaan ninkii ka dambeeyay dilka Warsan Faarax Yacquub oo ahayd sarkaalad ka tirsan Ciidanka booliska Puntland.

    Galmudug May 22, 2017 Sida ay sheegayaan warar soo baxaya waxaa dib loo dhigay Xafladii Caleema-saarka Madaxweynaha dowlad goboleedka Galmudug axmed Ducaale Geelle Xaaf oo lagu waday in ay dhacdo 24-ka bishaan oo ku beegan maalinta arbacada ah.

    Xafladda Caleemasaarka oo ugu danbeyn la filayey inay dhacdo maalinta Arbacada 24-ka Bishan may ee 2017-ka, Balse waxaa soo baxaya in laga dhigay Sabtiga soo socda oo taariikhdu ku beegan tahay 27-ka May.

    Ma cadda ujeedada dib u dhaca caleemasaarka, balse waxaa wararka qaar sheegayaan in wufuuda ka qeyb galaysa Xafladda Caleema-saarka dartood dib loogu dhigay.

    Sidoo kale horey ayaa dhowr jeer waxaa dib u dhac ku yimid doorashadii Madaxweynaha, inkastoo lagu guuleystay ugu danbeyn in 3 Bishaan loo doortay Axmed Ducaale Xaaf madaxweynaha Galmudug muddo 2 sano ah.

    Syria May 22, 2017 Qaraxyo xooggan ayaa lala beegsaday goob saldhig u ah Kooxda Ahrar al-Sham ee gobolka Idlib ee dalka Suuriya sida ay sheegeen Warbaahinta dalkaasi.

    Inta la xaqiijiyay 14 ka mid ah Kooxdaasi ayaa ku dhintay labo qarax oo isku xigay oo ka dhacay degaanka Tal al-Toqan oo 11KM u jira Magaalada Saraqib.

    Sidoo kale Qaraxyadaasi waxaa ku dhaawacmay in ka badan 11 qof oo Shacab u badan.

    Qaraxa koowaad ayaa waxaa la sheegay in uu ahaa mid loo adeegsaday Mooto laga soo buuxiyay waxyaabaha Qarxa.

    Sarkaal ka tirsan Kooxda Weerarka lagu qaaday ayaa Saxaafadda u sheegay in Qaraxyo ay ahaayeen kuwo xooggan

    Liibya May 22, 2017 Liibiya ayaa sheegaya in ciidammada sheegta inay yihin kuwa qaranka oo tageera maamulka fadhigiisu yahay magaalada bariga ku taalla ee Tobruk ay duqaymo dhanka cirka ah ku qaadeen ciidammo ay iska soo horjeedaan oo taabacsan dowladda caalamku aqoonsanyahay ee fadhigeedu yahay magaalada Tripoli.

    Toddobo weerar oo dhanka cirka ah ayaa lagu warramayaa in ay ku bartilmaameedsadeen magaalooyinka Hun iyo Jafra ee Koonfurta Libya habeennimadii Sabtida, iyagoo aargudasho uga dhigayay weerar lagu qaaday saldhig ay kooxdaasi leedahay maalintii Khamista.

    Goobjoogayaal ayaa hay’adda xuquuqda adaanaha u dhaqdhaqaaqda ee Human Rights Watch u sheegay in ugu yaraan 30kii qof ee ku dhimatay saldhigyadaasi ay rasaas madax uga taalay, tiro ka mid ah meydadkana ay hubaysnaayeen.

    Weerarkan ayaa ayaa ka dhan ah heshiiskii nabadeed ee labada dhinac ay gaareen horantii bishan.

    Muqdisho May 22, 2017 Dowladda Soomaaliya ayaa faah faahin ka bixisay dilalkii dhawaan ka dhacayay magalada muqdisho ee loo geysanayay dadkii soo doortay Xildhibanada Barlamaanka Soomaaliya kuwaasi oo Qaarkood lagu dilay magaalada Muqdisho.

    Wasiirka Wasaaradda Warfaafinta dowladda Soomaaliya Cabdiraxmaan Cumar Cusmaan ayaa sheegay in dowladda Soomaaliya ay ka xun tahay dilalka lagu haayo Shacabka Soomaaliyeed.

    Waxaa uu sheegay in dowladda Soomaaliya ay keeni doonto qorshayaal cusub oo looga hortagaayo dilalka lagu haayo Shacabka Soomaaliyeed.

    Bilihii lasoo dhaafay ayaa magaalada Muqdisho waxaa ka dhacayay dilal qorsheysan oo loo geysanaayay Ergooyinkii Soo doortay Xildhibaanada Baarlamaanka Soomaaliya

    Israel May 22, 2017 Madaxweyne Donald Trump ayaa intii uu ku sugnaa Sacuudiga wuxuu madaxda dalalka Islaamka ku booriyay inay ka takhalusaan argagixisada oo ay ka saraan dalalkooda, isagoona arrintaasi ku tilmaamay inay tahay dagaal u dhaxeeya kuwa wanaaga jecel iyo sheydaanka, balse aysan aheyn dagaal u dhaxeeya diimaha kala duwan.

    Mar uu ka hadlayay shirka Mareykanka iyo wadamada Islaamka ee lagu soo gabagabeeyay dalka Sacuudiga ayaa Trump wuxuu dalka Iiraan ku edeeyay inay hurineyso colaadda ku saleysan diimaha, ayna gacan siiso argagixisada ka howlgasha gobolka, wuxuuna intaas ku daray in dalka Iiraan ay taageerto waxa uu ugu yeeray dambiyada aan marnaba la shaacin ee ay geysato dowladda madaxweyne Bashar Al Asad.

    Sabtidii Mareykanka ayaa waddanka Sucuudiga la saxiixday heshiis ganacsi oo gaaraya $350 bilyan.

    Heshiiska waxaa ka mid ah midkii ugu ballaarnaa ee dhanka hubka ee uu abid galo Mareykanka, kaas oo uu Xoghayaha Arrimaha Dibadda ee Mareykanka Rex Tillerson ku sheegay in loogu talagalay in la isaga dhiciyo saameynta khatarta badan ee Iiraan oo ah dal ay gobolka isku hayaan Sucuudi Carabiya.

    Jowhar May 22, 2017 Weerar Bambaano ayaa xalay waxaa lagu weeraray Sakdhiga Booliska Degmada Jowhar ee Xarunta Gobolka Shabeelaha Dhexe.

    Weerarkaasi oo uu xigay Israsaaseyn Kooxo Hubeysan iyo Ciidamada Booliska Magaalada Jowhar dhexmaray ayaan weli la ogeyn khasaaraha ka dhashay.

    Waxaana Saaka Ciidamada Ammaanka Jowhar ay howlgallo ka wadaan Xaafadaha Magaaladaasi.

    Riyaad May 22, 2017 Madaxweynaha Soomaaliya Maxamed Cabdullaahi Farmaajo ayaa lagu waddaa in uu booqasho ku tago Magaalada Dooxa ee Caasimadda dalka Qatar sida ay shaaciyeen Mas’uuliyiinta dowladda Soomaaliya.

    Amiirka dowladda Qatar ayuu Casuumaad rasmi ah ka helay Madaxweyne Farmaajo , waxaana maalmaha soo socda uu gaari doonaa Magaalada Dooxa.

    Madaxweynaha Soomaaliya ayaa horay safaro ugu tagay dalalka Urdun, Imaaraadka Carabta, Kenya, Sucuudiga , Turkiga , Itoobiya iyo UK.

    Madaxweynaha ayaa sheegay in jeedka Safarada badan looga kol leeyahay horumarinta Xiriirka Caalamiga ah .

    Riyaad May 22, 2017 Madaxweynayaasha Soomaliya iyo Mareykanka Farmaajo iyo Trump ayaa ku kulmay Magaalada Riyaaad ee dalka Sacuudiga waxay kawada hadleen dhismaha ciidamada iyo dagaalka ka dhanka ah argagixisada.

    Abdinuur Maxamed oo ah agaasimaha warfaafinta Madaxtooyada Soomaaliya oo la hadlay warbaahinta ayaa ka ka warbixiyay kulanka dhexmaray labada Madaxweyne, iyo qodobada diirada lagu saaray.

    “Labada Madaxweyne si kooban ayeey u kulmeen, waxayna ka wada hadleen sidii dowladda Mareykanka ay kaalin weyn uga gaysan lahayd dhismaha ciidamada qalabka sida iyo dabargoynta kooxaha argagixisada ah.”ayuu yiri Abdinuur.

    Maxaas May 22, 2017 Ugu yaraan 5 qof oo dhinacyadii Dagaalamay ahaa ayaa ku Geeriyooday weerar xalay Al Shabaab ay ku qaadeen deegaanka Burtaale ee hoostaga degmada Maxaas ee Gobolka Hiiraan.

    Guddoomiyaha degmada Maxaas ee Gobolka Hiiraan Muumin Maxamed Xalane oo Shabelle la hadlay ayaa sheegay in ay iska caabiyeen Weerarka Xarakada Al Shabaab ay ku soo qaadeen Saldhigyada Ciidamadooda.

    Warar ayaa sheegaya in Al Shabaab Saacado kooban ay heysteen deegaanka weerarka uu ka dhacay ee Burtaale.

    Hase ahaatee waxaa arrintaas beeniyay Guddoomiyaha degmada Maxaas ee Gobolka Hiiraan Muumin Maxamed Xalane kaas oo sheegay in Al Shabaab ay iska caabiyeen kuna qasbeen in ay dib u celiyaan.

    Muqdisho May 22, 2017 Magaalada Muqdisho gaar ahaan hotelka Peace waxaa Maanta ka furmay shir looga hadlayo sida ay u wadashaqeyn karaan Warbaahinta iyo hay’addaha Ammaanka Dowladda Federaalka ah ee Soomaaliya.

    Shirka ayaa waxaa goobjoog ka ah Masuuliyiinta ka tirsan Wasaarada Wr-faafinta Somaaliya sida, Wasiirka Warfaafinta Soomaaliya C/raxmaan Cumar Cismaan Yariisow,Wasiir ku xigeenka Warfaafinta,Wasiir ku xigeenka Wasaaradda Amniga C/Naasir Siciid Muuse,madaxda Warbaahinta iyo wakiillo ka socda Midowga Yurub.

    Shirka ayaa inta uu socdo waxa la filayaa in lagu soo bandhigo qaabka ugu fudud ee y u wada sahqeyn karaan War-Baahinta Madaxa Banaan iyo laamaha amniga dowladda Federaalka Somaaliya.

    Inta uu socdo kulanka ayaa waxaa khubado kala duwan ka jeedin doono Madaxda ka kala socota War-Baahinta Madaxa Banaan iyo laamaha amniga,waxana la filaaya in gaba gabada laga soo saaro qodobo Muhiim ah.

    https://www.youtube.com/watch?v=P4Uupv4DKqU





    May 2017

     

    WARARKA MAANTA May 21, 2017
    Su'aalaha Maanta: Yaa Culimo sax ah? Meeqo firqo diimeed ayaa isku-dhex haysta lugooynta iyo khaldida Ummadda Soomaaliyeed? Yaa Dowlad sax ah? Maxay tahay sababta maalin walba uu u safrayo Madaxweyne Mudane Farmaajo oo horay safarada ku xaman jiray Madaxweynayaashii ka horeeyey? Maxay tahay sababta loo diidan yahay in la siiyo xaquuqda dadka degan gobalka Baanadir? Ma waxaa xuquuqda gobalka Banaadir u diidi kara laba nin oo qurbo-joog ah? War Illaahay ka baqa oo xuquuqda caasimadda dalka iyo dadka degan siiya haddii kale wax idiin haggaagaya ma leh!

    Muqdisho May 21, 2017 Madaxweynaha Soomaaliya iyo Wafdi uu hoggaaminaayo ayaa hadda ka duulay garoonka diyaaradaha Aadan Cadde, waxaana ay kusii jeedaan Magaalada Riyaad ee Sacuudiga.

    Madaxweynaha Soomaaliya ayaa ka qeyb galaya Shirka dalalka Islaamka iyo dowladda Mareykanka oo saacaddaha soo socda ka furmaya Magaalada Riyaad.

    Shirkaan ayaa waxaa ka qeyb galaya inta badan hoggaamiyeyaasha dalalka Islaamka iyo Madaxweynaha Mareykanka Donald Trump.

    Magaalada Riyaad ayaa hadda waxaa ku sugan qaar ka mid ah Madaxweynayaasha dalalka Islaamka iyo Madaxweynaha Mareykanka Donald Trump.

    Shirweynahaasi waxaa xoogga lagu saari doonaa dagaalka ka dhanka ah ururrada xagjirka ah.

    Muqdisho May 21, 2017Askari katirsan ciidanka xoogga dalka Somalia, ayaa faah faahin ka bixiyay shirqool ay maleegayeen kooxda Al Shabaab kaasoo ay doonayeen inay ku dilaan saraakiil sar sare oo katirsan ciidanka dowladda iyo kuwa AMISOM.

    Ninkan oo lagu magacaabo Maxamed Cali Axmed, ayaa kooxdaas doonaysay inay u adeegsato damaceeda ah dilka saraakiishaas, waxaana sida uu sheegay xiriir lasoo sameeyay xubno katirsan ururkaas.

    “Wax yaabaha ay i weydiiyeen waxaa ka mid ahaa in aan awood u leeyahay tagista xarumaha waaweyn ee ciidamada xoogga dalka iyo kuwa AMISOM, waxaan u sheegay in xarumaha ciidamada dowladda iyo kuwa AMISOM sidda Jabuuti iyo Itoobiya intaba aan tagi karo, intaa kaddib qofkii talleefoonka igula hadlayay ayaa igu yiri qofka aan u baahannahay ayaa tahay, howl in aad noo qabato ayaan rabnaa wax kasta oo aad u baahantahayna waan ku sameyneynaa,” Ayuu yiri Maxamed oo la hadlay warbaahinta.

    Al Shabaab ayaa hadafkeeda ugu weynaa ahaa inay qarax ka fuliso xerada Lama-galaay oo ah saldhiga ciidamada xoogga dalka Soomaaliyeed qeybta 21aad.

    Saraakiil ay kamid yihiin Col Xassan Jaamac oo ah taliyaha ciidamada Jabuuti iyo Jen. Towane Axmed Gure oo ah taliyaha ciidamada xoogga dalka ee gobolka Hiiraan, ayay rabeen inay weerarkaas ku dilaan sida uu sheegayo Maxamed Cali Xasan.

    “Markii aan ogaaday inay nimanka shirqool doonayaan, waxaan ogaysiiyay sarkaal katirsan ciidanka, waxaana kala sheekaystay inuu arrintan igala shaqeeyo qaabkii aan usoo qaban lahayd raggan, sababtoo ah qofkii muraad kasoo yeesha isana waa laga muraad yeeshaa, arrintaasna taliyaha wuu iga gacansiiyay,” Ayuu yiri Askarigan.

    Isagoo sii hadlaya, wuxuu yiri,” Qofka aan taleefonka kula hadlay wuxuu uu igu yiri in 50 askari oo ka tirsan ciidamada dowladda ay ku dhintaan qaraxan waxaa nooga qiimo badan hal sarkaal oo ka tirsan ciidamada dowladda ama kuwa AMISOM, magacyo ayuu ii qoray oo ah saraakiisha ay rabaan in qaraxan lagu dilo, waxaa ka mid ahaa Col Xassan Jaamac oo ah taliyaha ciidamada Jabuuti iyo Jen. Towane Axmed Gure oo ay taliyaha ciidamada xoogga dalka ee gobolka Hiiraan.‘’

    Askarigan ayaa lagu abaal mariyay lacag, waxaana loo ballan qaaday in la dallacsiin doono, sida uu sheegay taliye gobolka Banaadir Towane.

    Tallaabadan ayaa timid xilli kooxda Al Shabaab weeraradeeda u weeciyeen qaraxyo iyo dilal qarsoodi ah.

    Muqdisho May 21, 2017 Waxaa lagu waddaa saacadaha soo socda in magaalada Riyaad ee dalka Sacuudiga uu ka furmo shir u dhaxeeya dalalka islaamka iyo sidoo kale dowladda Mareykanka.

    Shirkaan ayaa waxaa ka qeyb galaya inta badan hoggaamiyeyaasha dalalka Islaamka iyo Madaxweynaha Mareykanka Donald Trump.

    Magaalada Riyaad ayaa hadda waxaa ku sugan qaar ka mid ah Madaxweynayaasha dalalka Islaamka iyo Madaxweynaha Mareykanka Donald Trump

    Trump ayaa la kulmay boqorka Sacuudiga Salmaan, waxaana uu  khudbad u jeedin doonaa maanta hogaamiyayaal ka socda in ka badan 40 dal oo Muslim ah.

    Shirweynahaasi waxaa xoogga lagu saari doonaa dagaalka ka dhanka ah ururrada xagjirka ah.

    Madaxweynaha Soomaaliya Maxamed Cabdullaahi Farmaajo ayaa shirkaan ka qeyb gali doona ,isagoona la kulmi doono hoggaamiyeyaasha Shirkaan joogga qaarkood.

    Hirshabeelle State May 21, 2017 Dagaal u dhexeeya Labo Maleeshiyo Beelood ayaa Saakay ka dhacay Degaanka Baar oo u dhow Magaalada Baledweyne 30KM-na ka jira dhanka Galbeed.

    Dagaalka ayaa Sababay Dhimasho iyo Dhaawac,waxaana uu daba socdaa Carruur iyo Haween Shalay lagu dilay Degaanka Baar islamarkaana Guryihii ay deganaayeen Dab la qabadsiiyay.

    Inta la ogyahay Hal Qof ayaa ku dhintay Dagaalka Saakay,waxaana ku dhaawacmay illaa Lamo kale.
    Xiisad Dagaal iyo isku Hub Aruursi ayaa ka jirta Degaanka Baar ee Gobolka Hiiraan ee Bartamaha Soomaaliya.

    Maamulka Gobolka Hiiraan weli wax War ah kama soo saarin dagaalka Saakay ka dhacay Duleedka Baledweyne iyo Carruurtii iyo Haweenka Shalay lagu dilay halkaas

    Puntland State May 21, 2017 Madaxweynaha maamulka Puntland Cabdiwali Maxamed Cali Gaas oo la hadlay warbaahinta ayaa beeniyay in ay jiraan Ciidamo ka tirsan Puntland oo aan qaadan Mushaar.

    Madaxweynaha ayaa waxaa uu sheegay in ay xoogga saaraan sidii loo bixin lahaa Mushaarka Ciidamada Puntland.

    Cabdiwali Maxamed Cali ayaa sidoo kale waxaa uu xusay in Ciidamada Puntland si weyn looga fakaro daryeelkooda.

    Ciidamada Puntland ayaa inta badan cabasho xooggan waxaa ay ka muujiyaan Mushaar la’aan ay kala kulmaan maamulka uu hoggaamiyo Cabdiwali Gaas.

    Ciidamada Puntland ayaa inta badan gadood waxa ay ka sameeyaan Magaalooyinka Garowe iyo Gaalkacyo

    Muqdisho May 21, 2017 Waxaa isbitaalka ku yaala Xabsiga Dhexe ee Xamar ku Geeriyootay  Deeqo Diraac Geeddi oo ku xukuneed xabsi 15 sano ah kadib markii lagu helay dambiga ah in ay dileen iyada iyo rag kale Marxuum Nafiso Cusmaan Salaad oo ahayd gabar ardayad aheyd.

    Deeqo Diraac Geeddi ayaa la sheegay in mudooyinkii ugu dambeeyay ay xunuunsaneed islamarkaana  la jiifiyay isbitaal ku yaala xabsiga Dhexe kadib markii uu wajahay cudurka Macaanka la yiraahdo ayna u geeriyootay.

    “Maxkamadda waxaa u caddaatay in Xasan Maxamuud Cali Salmaan iyo Shaafici Cabdi Xirsi Shaataa iyo Deeqo Diraac Geeddi ay yihiin dambiilayaal galay dambiga lagu soo oogay, waxayna Maxkamadda ku Xukuntay 1. Xasan Maxamuud Cali Salmaan iyo Shaafici Cabdi Xirsi Shaataa waxay ku raacday Xukunkii Maxkamadda darajada koowaad ee ahaa dil toogasho, Maxkamaddu waxa ay baabi’isay xukunkii Maxkamadda Darajada Koowaad ay ku xukuntay Deeqo Diraac Geeddi ee ahaa 10- sano waxa ayna ka dhigtay 15 sano oo xabsi ciidan ah” sidaas waxaa yiri 29-kii bishii june sanadkii 2014-kii Guddoomiye ku-xigeenka Maxkamadda Sare ee ciidamada qalabka sida Xasan Cali Nuur oo xiligaas xukunka lagu riday warbaahinta u aqriyay.

    Muqdisho May 21, 2017 Raysal Wasaare ku-Xigeenka XFS oo ka qayb galay munaasabad lagu sogootinayay shaqaale ku wareegay Wasaarada Gargaarka.**

    Ra?iisul Wasaare ku-Xigeenka XFS Mudane Mahdi Maxamad Guuleed ayaa ka qayb galay xafladda xil-wareejinta waaxda Gargaarka iyo Hay?adda Maareynta Musiibooyinka ee Wasaaradda Arrimaha Gudaha oo maanta loo wareejiyey Wasaaradda Gargaarka iyo Maareynta Musiibooyinka Dabiiciga ah, iyadoo ay munaasabadda ka qeyb galeen labada Wasaaradood ee loo kala wareejinayey waaxaha.

    Wasiirka Wasaaradda Arrimaha Gudaha iyo Federaalka Cabdi Faarax Siciid (Juxa) ayaa si rasmi ah ugu dhawaaqay in uu ku wareejiyey Wasaaradda Gargaarka labo waaxood oo kala ah Waaxda Gargaarka Abaaraha iyo Hay?adda Mareynta Masiibooyinka, waxaana uu tilmaamay inuu si wanaagsan ay u sagootin doonaan shaqaalaha ka wareegaya wasaaraddooda.

    Wasiir ku-xigeenka Wasaaradda Gargaarka Abaaraha iyo ka hortaga Musiiboyinka Dibiiciga ah, Cilmi Cumar Caynsane ayaa soo dhaweeyey shaqaalaha ay maanta la wareegeen, waxuuna cadeeyay in lagu wareejiyey shaqaale u diyaarsan shaqada ay qaban doonaan, sidoo kale waxuu soo jeediayey in hay?adaha ka shaqeeya arrimaha musiibooyinka ay la shaqeeyaan Wasaaradda Gargaarka.

    Raysal Wasaare ku xigeenka Soomaaliya Mudane Mahdi Maxamed Guuleed ayaa sheegay in Xukuumaddu ay diyaar u tahay la shaqeynta Waaxahan lagu wareejiyey Wasaaradda Gargaar. Wuxuuna ka sheekeeyey u jeedka loo sameeyey Wasaarada in ay tahay sidii loo maareyn lahaa abaaraha iyo qaabkii looga tabaabushaysan lahaa abaaraha soo noq-noqda.

    DHAMAAD
    Xafiiska Warbaahinta iyo Xiriirka
    Muqdisho, Somalia

    Muqdisho May 21, 2017 Milkiilaha Maqaayada The Village Axmed Jaamac Maxamed oo la hadlay warbaahinta Muqdisho ayaa wax lag xumaaday ku tilmaamay go’aanka kasoo baxay UN-ka ee ku aadan in shaqaalaheeda aysan ka cunteen Karin maqaayadiisa, sababo a xiriiro dhanka amaanka.

    Axmed Jaamac Maxamed Milkiilaha Maqaayada The Village ayaa sheegay in go’aanka kasoo baxay Qaramada Midoobay uu yahay mid lagu diidan yahay in maqaayadiisa ay tartan la gasho maqaayadaha caalamka, wuxuuna hadalkiisa ku daray in dhowrkii bilood aynu soo dhaafnay uu dignoo kasoo gaarayeen Hay’adaha ka howlagal xarunta Xalane ee Magaalada Muqdisho.

    “Muddo badan ayaa digniino la isoo direy oo ku aadan in shaqaalaha Qaramada midoobay ee ka howlgala Xarunta Xalane iyo kuwa ka dhoofa ama kaso daga Garoonka in aysan ka canteen Karin Maqaayadda the Village, runtii  tani waa mid dhibaato ku ah hormarka Ganacsi ee xiligaan dalka ka socda”, ayuu yiri Milkiilaha Maqaayada The Village Axmed Jaamac Maxamed.

    Qaramada Midoobey ayaa uga digtay shaqaalaheeda   in aysan isticmaalin ama ka cunteyn maqaayada The Village ee ku taala garoonka diyaaradaha Aadan Cadde ee magaalada Muqdisho.

    Fariin loo kala diray shaqaalaha qaramada Midoobay ee ka Howlgala Garoonka Muqdisho ayaa looga digay illaa amar dambe in aysan maqaayadaas ka cunteyn karin, isla markaana aysan tagi karin xilliyada nasashada iyo fasaxa shaqada ku jiraan.

    Xog uruurin dhinaca amniga oo ay sameyeen Guddi Amni ah oo ka tirsan Qaramada Midoobey oo lagu magacaabo SMT ayaa lagu sheegay inay jiraan dul duleelo dhinaca ammaanka, sidaas darteed shaqaalaha loogu digay in ay adeegsadaan maqaayadda The Village.

    Qaran Midooway May 21, 2017 Saraakiil ka tirsan Qaramada Midoobe ayaa ka codsaday hogaamiyayaasha musliminta  dalalka qaarada Africa oo soomaaliya ay ka mid tahay in ay la’dagaalamaan kana hortagaan dagaalyahanda ka soo horjeeda  dalalka  ay ka howlgalaan si qaarada Africa aysan ugu faafin.

    Rosa Malango oo ah isku xiraha qaramada midoobay  iyo dalka Uganda ayaa sheegay hadii aan laga hortagin dagaalyanahada hubeysan in qarniyo kale ay cuuryaamin karaan horumarka dallaka qaarada Africa oo dalka soomaaliya ay kamid tahay.

    Kulan dood wadaag ah oo  labo maalin ka socday dalka Uganda oo dalalka bariga iyo koofurta qaarada Africa hogaamiyayaashooda muslimiinta ay ka soo qeyb galeen ayaa diirada lagu saaray sidii looga hortagi lahaa Xarakada Al shabaab ee sSoomaaliya iyo Kenya ka dagaalanta   iyo dagaalyanada  Boko-haram oo dalka Nageria ka howlgala  waxaaana kulanka soo qaba qaabiyay  hay’adda nabadeynta iyo diimaha kala duwan u qaabilsan qaramada midoobe.
    https://www.youtube.com/watch?time_continue=203&v=VzhAGNG3zqg

    WARARKA MAANTA May 20, 2017

    Su'aalaha Maanta: Maxay Dowladda Wada Dadban ee ay hoggaaminayaan Madaxweyne Mudane Maxamed Cabdillaahi Farmaajo “Been-Hawaas” Iyo Raysal Wasaare Mudane Xassan Cali Kheyre “Bakhti-Raamsade” ay u diidan yihiin inay Shacabka Gobalka Banaadir helaan xuquuqdooda si loogu sameeyo Maamulka Gobalka Banaadir “Banaadir State” ? Mise Labadan qurbo-joogta ah waxay isu moodaan inay ka xoog badan yihiin Dowladdii Kacaanka ee la tusay inaysan wax awood ah lahayn markii ay isku dayday inay ku tumato xuquuqda dadkii xukunka ka riday taasoo la wada ogyahay Madaxweyne Mudane Maxamed Siyaad Barre inuu asagoo qaxooti ah ku dhintay dalka Naajeeriya. Walee haddii aydaan si deg deg ah u ogolaan inay Shacabka Gobalka Banaadir helaan xuquuqdooda waxaa ballan noo ah in Madaxweyne Mudane Maxamed Cabdillaahi Farmaajo “Been-Hawaas” Iyo Raysal Wasaare Mudane Xassan Cali Kheyre “Bakhti-Raamsade” ay ku dembayn doonan meel ka sii liidata meeshii ay martay Dowladdii Damu-Jadiid ee uu hoggaaminayey Khaa'inul Wassan Madaxweynihii hore Mudane Xassan Shiikh Maxamuud oo haatan ku nool dalka Turkiga meeshaasoo uu ka gatay guri weyn oo qasri ah.

    Muqdisho May 20, 2017 Madaxda sacuudiga ayaa u muuqata kuwa ka cafiyay madaxwayne Trump hadalo badan oo ka soo yeeray xiligii doorashada, taasi oo ay ka mid ahayd in sacuudiga uu ka dambeeyay weerarkii 11 september 2001 lagu qaaday Maraykanka .

    Waxaa ay sidoo kale madaxda sucuudiga ay iska indha tirayaan dhibatooyiinka xiligan trump ka haysta gudaha Maraykanka, waxa ayna taa badalkeeda ay diirada saarayan ninka ay u arkaan in uu yahay mid dib boorka ug jafi kara doorkii Maraykanka ee gobolka kaddib markii sida ay qabaan uu wiiqmay sanooyiinkii uu xilka hayay madaxwayne Obama .

    Madaxwayne Trump ayaa inta uu ku sugan yahay sacuudiga waxa dhici doona 3 kullan, waxaa uu la kulmi doonaa boqorka sacuudigaa, madaxda wadaamada gacanka iyo ugu dambeyn hadal uu u jeedin doono hogaamiyayaasha 40 dal oo muslimiin ah.

    Ajandooyiinka ugu sareeya ee kulamadani ayaa waxaa ay noqon doonaan dagaalka ka dhanka ah xagjirnimada, gaar ahaan dagaalka ka dhanka ah kooxda Daacish.

    Hasa yeeshee xukuumadaha Washington iyo Riyadh ayaa sidoo kale ka wada hadli doona taageerada Iran ay u fidiso qaar ka mid ah maleeshiyaadka ka dagaalamaa gobolka .

    Ajandooyiinka wadahadalada madaxwayne Trump iyo madaxda sacuudiga ka mid ma aha arrimaha xuquuqul insaanka.

    Booqashada madaxwayne Trump ee Sacuudiga ayaa waxa sidoo kale lagu wadaa in ay horseedo heshiis dhanka hubka ah oo dhan in ka badan 100 bilyan oo doolarka Maraykanka ah

    Galgaduud May 20, 2017 Degaanka Mareergur ee Gobolka Galgaduud ayaa sheegaya in Xalay Weerar lagu qaaday Gaari Nuuca Raaxada ah oo ay la socdeen Saraakiil ka tirsan Ciidamada Ahlusunna Waljamaaca.

    Weerarka ayaa la sheegay in loo adeegsaday Bam-gacmeed,balse ma jirin wax Khasaare ah oo ka soo gaaray Ciidamada Weerarka lagu qaaday Ee Ahlusunna.

    Sidoo kale waxaa Ciidamada Ahlusunna ay Xabsiga dhigeen illaa 10 Qof oo looga shakiyay in ay wax ka Ogaayeen Weerarka Bamka ah ee lagu qaaday Gaariga ay la socdeen Saraakiisha Ahlusunna.

    Mudug May 20, 2017 Madaxda sacuudiga ayaa u muuqata kuwa ka cafiyay madaxwayne Trump hadalo badan oo ka soo yeeray xiligii doorashada, taasi oo ay ka mid ahayd in sacuudiga uu ka dambeeyay weerarkii 11 september 2001 lagu qaaday Maraykanka .

    Waxaa ay sidoo kale madaxda sucuudiga ay iska indha tirayaan dhibatooyiinka xiligan trump ka haysta gudaha Maraykanka, waxa ayna taa badalkeeda ay diirada saarayan ninka ay u arkaan in uu yahay mid dib boorka ug jafi kara doorkii Maraykanka ee gobolka kaddib markii sida ay qabaan uu wiiqmay sanooyiinkii uu xilka hayay madaxwayne Obama .

    Madaxwayne Trump ayaa inta uu ku sugan yahay sacuudiga waxa dhici doona 3 kullan, waxaa uu la kulmi doonaa boqorka sacuudigaa, madaxda wadaamada gacanka iyo ugu dambeyn hadal uu u jeedin doono hogaamiyayaasha 40 dal oo muslimiin ah.

    Ajandooyiinka ugu sareeya ee kulamadani ayaa waxaa ay noqon doonaan dagaalka ka dhanka ah xagjirnimada, gaar ahaan dagaalka ka dhanka ah kooxda Daacish.

    Hasa yeeshee xukuumadaha Washington iyo Riyadh ayaa sidoo kale ka wada hadli doona taageerada Iran ay u fidiso qaar ka mid ah maleeshiyaadka ka dagaalamaa gobolka .

    Ajandooyiinka wadahadalada madaxwayne Trump iyo madaxda sacuudiga ka mid ma aha arrimaha xuquuqul insaanka.

    Booqashada madaxwayne Trump ee Sacuudiga ayaa waxa sidoo kale lagu wadaa in ay horseedo heshiis dhanka hubka ah oo dhan in ka badan 100 bilyan oo doolarka Maraykanka ah

    Lascaanood May 20, 2017 Magaalada laas-caanood ee deegaanada maamulka Somaaliland halkaas oo shalay ilaa xalay maqribkii ay ku wada dagaalameen Ciidamada Maamulka Somaaliland iyo dhalinyaro careysan.

    Dagaalka ayaa yimid kadib markii Ciidanka Somaaliland xireen ilaa 50,Oday dhaqameed oo kamid ah waxgaradka Magaalada laas-Caanood,taas oo keentay in dhalinyarada ay ka caroodaan islamarkaana ay dagaal kala hortagaan Ciidamada Booliiska Maamulka Somaaliland.

    Qaar kamid ah dadka ku sugan Magaalada laas-Caanood oo aan la xiriirnay ayaa waxay sheegayaan in jawiga uu yahay Maanta mid degan,islamarkaana qaar kamid ah waxgaradka Magaalada ay waan waan iminka wadaan.

    Weli lama xaqiijin khasaaraha rasmiga ah ee ka dhashay dagaalkaas,welina kama hadlin masuuliyiinta Maamulka Somaaliland.

    Iiraan May 20, 2017 Dalka Iran waxaa la soo gabgabeeyay codbixinta doorashada madaxweynaha. Wararka hor dhaca ee la helayo waxaa ay muujinaya in madaxweynaha xilka haya Hassan Rouhani uu markale u muuqato in uu ku guleysan doono doorashada madaxtinimada ee dalkaasi.

    Balse ninka ay is hayaan ee Ebrahim Raisi ayaa durbaba gudbiyay cabasho, kaddib markii uu sheegay in doorashadani ay hareeyeen wax isdaba marin.

    Mr Rohani aya wax ka bedelay xiriirka Iran iyo beesha caalamka, hasa yeeshee waxaa intii uu hayay xilka gaabis ku socday dhaqaalaha dalkaasi. Heshiis ay Iran laba sanno kahor la saxiixatay wadamada reer galbeedka ee dhanka barnaamijkeeda nukleyrka ayaa waxaa uu horseeday in Iran laga qaado inta badan cunaqabateyntii sarneyd.

    Mr Raisi oo ay aad isugu dhawyihiin hogaamiyaha ruuxiga ee Iran, Ayatollah Khamenei ayaa dhaliilay qaabka loo maareeyay dhaqaalaha dalkiisa iyo saameynta sii kordheyso ee wadamada shisheeye ay ku yesheen Iran.

    Waxaana maanta lagu wadaa in lagu dhawaaqo natiijada kama dambeysta ee doorashada, balse hadii ay dhacdo in la waayo musharax hela in ka badan boqolkiiba konton, waxay taasi noqoneysa in labada ugu sareeya oo kala ah Rouhani iyo Rais ay usoo gudbaan wareega labaad ee doorashada

    Hiirshabeelle May 20, 2017 Maamulka Hirshabeelle ayaa Amar deg deg ah kasoo saaray dagaal beeleedyadda ka dhaca Magaalada Baledweyne iyo sidoo kale degaanada hoos yimaada.

    Amar kasoo baxay maamulka Hirshabeelle ayaa odayaasha dhaqanka ee beelaha ku dagaalama Baledweyne lagu Amray in ay ka hortagaan Colaadaha ,islamarkaana laga doonaayo in ay hirgaliyaan heshiiskii ay galeen maamulka Hirshabeelle.

    Ciidamada dowladda Soomaaliya ayaa dhawaan weerar ku qaaday Maleeshiyaad hubeysan oo ku sugan Xaafado ka mid ah Magaalada Baledweyne.

    Galmudug May 20, 2017 Wasaarada Waxbarashada ee Maamulka Galmudug ayaa sheegtay in ay hakisay xiriirkii ay lala laheyd Wasaaradda Waxbarashada Soomaaliya.

    Wasiir Ku Xigeenka Wasaarada Waxbarashada ee Maamulka Galmudug Abshir Cabdi Shiiqoow ayaa sheegay in ay joojiyeen Wada shaqeyntii ay la lahaayeen Wasaarada Waxbarashada Dowladda Soomaaliya.

    Wasiirka ayaa ku eedeeyay Wasaaradda Waxbarashada Soomaaliya in ay ka jirto maamul xumo baahsan.

    Sidoo kale waxaa uu sheegay in Galmudug aan wali la soo gaarsiin lacagihii loogu tala galay in lagu qaado imtixaanada Ardayda dugsiga Sare.

    Waxa uu sheegay in ay si iskood ah u qaadayaan Imtixaanada isla markaana aysan waxbo ugu baahneyn Dowladda maadaama dhowr jeer sida uu sheegay ay u dacwoodeen.


    WARARKA MAANTA May 19, 2017
    Su'aalaha Maaanta: Maxay tahay sababta uu Raysal Wasaare Mudane Xassan Cali Kheyre “Bakhti-Raamsade” u diidan tahay in gobalka Banaadir laga dhigo Banaadir State si ay Ummadda Soomaaliyeed ee ku nool u helaan xuquuqdooda Dowlad Gobaleed? Mise Ma waxuu ogyahay berri marka uu xilka ka dego waxuu si dhib yar ugu duuli doonaan Norway meeshaasoo uu ugu noolaan jiray qaxootinimo? Maxuu Wasiirka Arrimaha Dibadda Norway Iyo Raysal Wasaare Mudane Xassan Cali Kheyre “Bakhti-Raamsade” ka wada hadleen? Maxuu qaban karaa Raysal Wasaare Mudane Xassan Cali Kheyre “Bakhti-Raamsade” haddii sidii Madaxweynihii hore Damu-Jadiid Mudane Xassan Shiikh Maxamuud xuquuqda Gobalka Banaadir u duudsiiyey Ummadda Soomaaliyeed ee ku nool gobalka Banaadir? Maxayse Ciidanka Xoogga Dalka u qabsadeen Wasaaradda Gaashaandiga? Beentii iyo iska-hadal macaan oo dadka lagu maaweeliyo kama socon doonto Muqdisho iyo gabi ahaanba Soomaaliya.

    Muqdisho May 19, 2017 Wasiirka Maalliyadda Mudane Dr. Bayle oo wax badan runta ka sheegay asagoo caddeyey inuu jiro musuqmaasuq baahansan balse uu haatan aysan musuqmaasuq ka shaqayn doono sida ay Wasaaradda Maalliyadda ugu diyaar garoowday cirib-tirkeeda nala dhageysta hee:


    WARARKA MAANTA May 19, 2017

    Muqdisho May 19, 2017 Ugu yaraan 60 qof oo lala xiriirinayo ciidamada milatariga ee bariga Libiya ayaa la rumeysan yahay in lagu dilay weerar lagu qaaday saldhigga ciidamada cirka ee Brak El-Shati ee ku yaala koonfurta dalkaasi.

    Rabshado ayaa halkaasi dib uga billowday shalay oo khamiis ahayd kaddib markii garab ka tirsan garabyada halkaa isku haya ay isku dayeen in ay la wareegaan saldhiggaasi.

    Ciidamada dagaalamay ayaa daacad u kala ah garabyada iska soo horjeeda ee kala maamula Bariga iyo galbeedka dalkaasi.

    Xabad joojin aan cago badan ku taagneyn oo ka jirtay saldhiga milatari ee Bark Al-shati ayaa u muuqata mid haatan burburtay.

    Meeyarka magaaladaasi Ibrahim Zami ayaa ku tilmaamay qaar ka mid ah dilalka ka dhacay halkaasi xasuuq, isga oo sheegay in diyaaradaha qaar dab la qabadsiiyay.

    Isbitaal ku yaala halkaasi ayaa la soo sheegaya in la gaarsiiyay meydad gaaraya 60 qof, oo ay ka mid yihiin dad shacab ah, waxaana la rumeysan yahay in dadkan shacabka ah ay saldhiga ka shaqeynayeen.

    Tirada dhabta ah ee dhimashada ayaanan si rasmi ah loo hubin, iyada oo inta badan dadka halkaasi ku dhintay ay taabacsanaayeen ciidamada bariga Libiya.

    Afhayeen ka tirsan unugga mucaaradka ee galbeedka magaalada Misrata, Maxamed Agliwan ayaa sheegay in ay xoreeyeen saldhigga, ayna cagta mariyeen dhammaan ciidamadiii halkaasi ku sugnaa.

    Weerarka lagu qaaday saldhigga Brak Al-shati ayaa qeyb weyn ka ah colaad in dhawaale u dhaxeysay ciidamo ku hardamayay gacan ku haynta saldhig kale oo milatari oo halkaasi ka dhaw.

    Balse xabad joojin aan rasmi ahayn oo la gaaray bishan ayaa burburtay, kaddib markii taliyaha ciidamada bariga Libya uu la kulmay ra’islawasaarha Qaramada Midoobay taageerto.

    Labo toddobaad ka hor ayaa waxaa jiray rajo laga qabay kulan waddada loogu xaarayo heshiis ballaaran oo dhanka siyaasadda iyo milariga ah oo lagu qaban lahaa gudaha waddanka

    Muqdisho May 19, 2017 Ra’iisul Wasaaraha Dowladda Federaalka Soomaaliya Xasan Cali Khayre (Xasan Bile) ayaa waxa uu sheegay Xukuumada in ay bilowday wax ka qabashada arrimaha Amniga.

    Waxa uu sheegay Xukuumada in ay la timid Talaabooyin cad cad oo wax looga qabanayo Amniga, maalmahan dambana la fashiliyay Qaraxyo lala beegsan rabay shacabka Soomaaliyeed.

    Sidoo kale Ra’iisul Wasaaraha ayaa sheegay canshuurtii dalka laga qaadayay in ay korortay oo ay ku korortay Qasnada Dowladda, si mushaarka loogu bixiyo, wuxuuna tilmaamay in ay soo ifbaxayaan talaabooyin ifafaalo leh.

    Dhanka kale Ra’iisul Wasaare Khayre ayaa sheegay Dowladnimada iyo hormarka shacabka in uu dhow yahay, loona baahan yahay in laga sii shaqeeyo, maadaama talaabooyinkii ugu dambeeyay lagu guda jiro.

    Mudane Khayre ayaa Odayaasha Dhaqanka ka dalbaday in ay la shaqeeyaan Maamulka Gobolka Banaadir, si ay u helaan waxyaabaha ay ka tabanayaan oo ay ugu horeyso xuquuqda Gobolka Banaadir.

    Todobaadkan gudihiisa ayay aheyd markii Ciidanka ammaanka Magaalada Muqdisho ku qabteen Labo Gaari oo waxyaabaha Qarxa laga soo buuxiyay, waxaana Ciidanka ammaanka ay muujinayaan feejignaan dheeri ah.

    Muqdisho May 19, 2017 Maxamed C/laahi Maxamed (Farmaajo) Madaxweynaha Jamhuuriyadda Federaalka Soomaaliya ayaa ka hadlay sababta uu xafiiska u surtay sawirka Madaxweynihii ugu horeeyay ee Soomaaliya Aadan Cabdulle Cusmaan (Aadan Cadde).

    Mudane Farmaajo ayaa sawirkiisa ku bedelay kan Madaxweynihii ugu horeeyay Soomaaliya Allaha u naxariistee, waxaana arrintan ay noqotay mid dad badan ay hadal hayeen, taas oo aheyd tallaabo ka duwan Madaxweynayaashii hore.

    Fariin muuqaal ah oo la soo dhigay barta Facebooka ee Madaxtooyada Villa Soomaaliya ayuu Madaxweynuhu ku sheegay in Aadan Cadde uu yahay Madaxweynihii ugu horeeyay Soomaaliya, oo ku yimid hab dimoqraadiyad ah, dimoqraadiyadna uga tagay Afrika oo aan wali fahamsaneyn wax dimoqraadiyad la yiraahdo.

    Labo cisho ka hor Barta Twitter-ka Madaxtooyada Soomaaliya ayaa la soo dhigay sawirka (Aadan Cadde) oo suran Xafiiska Madaxweyne Farmaajo

    https://www.facebook.com/dhulkeena/videos/1939747739605000/?hc_ref=NEWSFEED




    WARARKA MAANTA May 18, 2017
    Su'aalaha Maaanta: Maxuu u khiyaamay Madaxweyne Mudane Maxamed Cabdillaahi Farmaako “ Ina-Been-Hawaas” xisbiga Dal-Jir ee waddanka rabay inuu ka xoreeyo daba-dhilifiinta Ethiopia? Maxuuse u diidan yahay inay shacabka Gobalka Banaadir helaan xuquuqdooda? Maxay tahay sababta uu Raysal Waasaare MudaneXassan Cali Kheyre “Bakhti-Raamsade” uu u diiday in la dhiso waddadii warshadaha isla markaasna uu u wareejiyey mashruucaas dhanka degmada Dayniile?

    Nairobi May 18, 2017 Hotelka Southern sun Mayfair ee magaalada Nairobi ayaa waxaa lagu qabtay shir u dhaxeeya Guddoonka Golaha Shacabka Jamhuuriyadda Federaalka Soomaaliya iyo deeq bixiyeyaasha caalamka ee taageera Golaha Shacabka.

    Shirkan waxaa dhanka Golaha Shacabka wafdiga uga qeybgalay hogaaminayey Guddoomiyaha Golaha Mudane Maxamed Sheekh Cusmaan “Jawaari” waxaana wafdiga ka mid ah Guddoomiye ku xigeenka Labaad ee Golaha Shacabka Mudane Mahad Cabdalla Cawad iyo maamulka Golaha Shacabka waxaana looga hadlay howlaha hor yaala Golaha Shacabka iyo waxyaabaha ay u baahan yihiin.

    Guddoonka Golaha Shacabka waxa ay shirka kusoo bandhigeen qorshaha sharci dejinta iyo kormeerka hay’adaha dowladda 2017-2020 ayadoo qorshahan ay ku wada cad yihiin sharuucda hortebinta u leh Golaha Shacabka iyo shaqooyinka ay qabanayaan guddiyada joogtada ah oo Golaha Shacabka u qaabilsan kormeeridda howlaha Wasaarradaha Xukuumadda.

    Xubnaha ka socday deeq bixiyeyaasha Caalamka ee shirka kasoo qeybgalay ayaa aad ugu riyaaqay qorshaha diyaarsan ee ay soo bandhigeen Guddoonka Golaha Shacabka Jamhuuriyadda Federaalka Soomaaliya waxaana ay ballan qaadeen iney gacan ka geysan doonaan sida qorshayaashi loo hirgelin lahaa.

    —-DHAMMAAD—-

    Muqdisho May 18, 2017 Maxkamadda Ciidamada Qalabka Sida ee Soomaaliya ayaa Saakay Xarunta Tababarka Ciidamada Booliska Ee Gen Kaahiye ku Fulisay Xukun Dil ah,waxaana Xukunkaan Dilka ah lagu fuliyay C/qaadir Cabdi Xasan oo ahaa Ninkii waday Gaarigii ku Qarxay Suuqa Beerta Ee Degmada Waabari 27-kii November 2016.

    C/qaadir Cabdi ayaa horay Maxkamadda Ciidamada Qalabka

    Nairobi May 18, 2017 Munaasabadan oo ka dhacay mid kamid ah Hoteelada waa weyn ee magaaladda Nairobi ayaa waxaa qaban doona xildhibaanadii dhawaan sameystay madasha Horu-socod.

    Xildhibaanadan ayaa maanta shaacin doona ujeedada ay isku aas aaseen iyo sababaha keenay iney mucaarad ku noqdaan madaxweyne Farmaajo iyo Xukumadda Ra’isul Wasaarre Kheyre.

    Gudoomiyaha KMG ah ee madashaas Xildhibaan C/rashiid Maxamed Xidig, ayaa la filayaa inuu si gooni ah saxaafada ula hadlo.

    Qaar kamid ah Idaacadaha magaaladda Muqdisho ayaa saaa tabiyay in Gudoomiye (Xidig)  la filayo in Maanta shirkiisa Jaraa’id in uu ku faah faahiyo sababta loo aas aasay Madasha(Horusocod) oo dadka qaar u arkaan in ay tahay mid lagu mucaaradayo Madaxda ugu sareysa dowladd Somaaliya sida Madaxweyne Maxamed Cabdullaahi(Farmaajo) iyo Ra’iisul Wasaare Xasan Cali Kheyre)

    Si kastaba, waxaa dad badan ay sugayaan iney ogaadaan waxyaabaha xildhibaanadan gaaraya ilaa boqol ku qasbay iney xiligan asoo horjeestaan dowladda.

    Ethiopia May 18, 2017 Maxkamad ku taala dalka Ethiopia ayaa xukun ku riday 23-qof oo la sheegay inay xiriir la leeyihiin dhaq dhaqaaqa Al-shabaab waxaana lagu riday xukun 15sano xabsi ah.

    Maxkamad Federaal oo ku taala caasimada Adis ababa ayaa u soo jeedisay eedesanayaashan inay qorsheenayeen weeraro ay ka fuliyaan wadankaasi sanadkii 2010-kii.

    Mas’uuliyiinta Maxkamada ayaa sheegay in dadkaan ay diyaar garow ugu jireen dowlad islaami ah ay ka aas aasaan Ethiopia.

    Waxaa eedeymaha lagu haysto kamid ah in ay askareenayeen muwadiininta wadankasi oo ay u soo diraayen Soomaaliya.

    Xukunka ragaan lagu riday ayaa imaanaya laba todobaad kadib markii Ethiopia ay sheegtay inay gacan ka geeysanayso la dagaalanka Al-shabaa



    Maamulka cusub ee Furdada garoonka diyaaradaha Muqdisho oo labo cisho canshuurta jaadka ku kordhiyey $34,000 dollar**
    ==========

    Muqdisho 17 May 2017 - Wasiirka Warfaafinta, Wasiiru Dowlaha Maaliyada iyo Wasiir-ku-xigeenka ayaa maanta booqday garoonka diyaaradaha ee Aden Adde ee Muqdisho si ay u dhiirigeliyaan shaqaalaha oo muddo labo cisho ah oo Maamulka cusub ee Furdada garoonka diyaaradaha Muqdisho oo labo cisho canshuurta jaadka ku kordhiyey $34,000 dollar.

    Wasiirka Warfaafinta Mudane Abdirahman Omar Osman (Eng. Yarisow) oo warbaahinta kula hadlay xafiiska Furdada ee garoonka Aden Adde ayaa yiri "muddo labo cisho ah canshuurta laga qaaday Jaadka soo gaara Muqdisho uu dhammaa in ka badan $130,000 tanoo u dhiganta koror ka badan $34,000 oo u dhiganta $550.000 bishii inaan la ogeyn meeshii ay aadi jirtey. Waxaana muuqata in 30% canshuurtii saxda ahead in la lunsaday oo aan la ogeyn meel ay ku baxday. Lacagtaas aan sida sharciga ah loo xareyn ayaa looga faa'iideyn karay in mushaar $100 lagu siiyo in ka badan 5000 askar ah."
    Muqdisho May 18, 2017 Wasiir Eng. Yarisow ayaa sheegay in ay jiri doonto baaris iyo isla xisaabtan dhab ah si loo joojiyo musuqmaasuqa baahsan ee jira.
    Mas'uuliyiinta booqatay xafiiska Furdada ee garoonka diyaaradaha ee Muqdisho ayaa ammaanay maamulka cusub ee Furdada oo la dagaalay musuqmaasuqa isla markaasna badbaadiyey in ka badan $34,000 muddo labo cisho oo ay maamulka la wareegeen. Waxeyna ku dhiirigeliyeen inay dadaalkooda sii wadaan, dowladdana ay diyaar u tahay inay abaal-mariso shaqaalaha iyo maamulka la dagaala musuqmaasuqa si dalka looga joojiyo musuqmaasuqa jira.

    DHAMAAD
    Wasaarada Warfaafinta

    Muqdisho May 18, 2017 Dowladda Federaaka Soomaaliya ayaa sheegtay inaan la aqbali karin in si aan wanaagsaneyn loo maamulo dhaqaalaha ka soo xarooda Garoonka Diyaaradaha Magaalada Muqdisho.

    Wasiirka Warfaafinta Soomaaliya C/raxman Cumar Cusmaan (Yariisow) ayaa sheegay muddo labo cisho ah canshuurta laga qaaday Jaadka soo gaara Muqdisho uu dhammaa in ka badan $130,000 taas oo u dhiganta koror ka badan $34,000 oo u dhiganta $550.000 bishii inaan la ogeyn meeshii ay aadi jirtey.

    Sidoo kale waxa uu sheegay 30% canshuurtii saxda aheyd in la lunsaday oo aan la ogeyn meel ay ku baxday, wuxuuna sheegay Lacagtaas in aan sida sharciga ah loo xareyn.
    Wasiir Eng. Yarisow ayaa sheegay in ay jiri doonto baaris iyo isla xisaabtan dhab ah si loo joojiyo musuq maasuqa baahsan ee jira.

    Wasiirka Warfaafinta, Wasiiru Dowlaha Maaliyada iyo Wasiir-ku-xigeenka ayaa shalay booqday garoonka diyaaradaha ee Aadan Cadde ee Muqdisho si ay u dhiirigeliyaan shaqaalaha oo muddo labo cisho ah oo Maamulka cusub ee Furdada garoonka diyaaradaha Muqdisho oo labo cisho canshuurta jaadka ku kordhiyey $34,000 Dollar.

    Hargaysa May 18, 2017 26-sanno ayaa laga joogaa markii Maamulka Somaliland uu ku dhawaaqay been hawaasnimada gooni isutaagiisa ku aadan in uu ka go’ay Soomaaliya inteeda kale balse ay rubaayadaas socon waysay muddo ka badan nus qarni.

    18-kii May 1991-kii shirweyne ka dhacay Magaalada Burco ee xarunta Gobolka Togdheer ayaa hoggaan dhaqameedkii bulshooyinkii ku noolaa Gobolada Awdal iyo Togdheer, waxa ay ku go’aansadeen in ay sameystaan dal ka madax banaan Soomaaliya inteed kale.

    Dabaaldegyo koo kooban ayaa maanta waxaa la filayaa in ay ka dhacaan Burco, Berbera, Hargeysa iyo magaalooyin kale oo waa weyn, taasi oo lagu muujinayo 18-ka May.

    Madaxweynaha Somaliland Axmed Maxamed Maxamuud (Siilaanyo) ayaa sheegay in sanadkan Dabaaldegyadii badnaa ay ku bedeleen in ay taageeraan dadka ay saameeyeen Abaaraha.

    Wariye Daahir Calisoow oo runta u sheegay Madaxweyne Farmaajo ina-been-hawaas oo Ummadda Soomaaliya ay khaati ka taagan tahay maalmahan.

    http://waagacusub.info/play.php?action=video&id=370&do=play_video


    May 2017

     

    WARARKA MAANTA May 17, 2017

    Su'aalaha Maaanta: Maxay tahay sababta keentay 110 xildhibaan inay mooshin ka keenaan Dowladda Wada Dadban ee ay hoggaankeeda ku wada fashilmeen Madaxweyne Ina-Been Hawaas Farmaajo Iyo Raysal Wasaare Bakhti-Raamsade Mudane Xassan Cali Kheyre? Maxay siri karaan Ummadda Soomaaliyeed oo arkaysa khaladaadkooda iyo sida ay maalliyadda faraha ugula jiraan?

    Nairobi May 17, 2017 War xaqiiqo ah oo naga soo gaaraya magaaladda Nairobi ee waaddanka Kenya ayaa sheegaya in saacadihii lasoo dhaafay ay kulamo xasaasi ah lahaayeen xildhibaanadii sameystay Madasha Horu-socod iyo Afhayeenka barlamaanka Prof Maxamed Shiikh Jawaari asagoo qiray khiyaanooyinka iyo fashilka Dowladda Soomaaliya haysta taasoo ay masuul ka yihiin Madaxweyne Maxamed Cabdillaahi Farmaajo Iyo Raysal Wasaare Mudane Xassan Cali Kheyre.

    Prof/ Maxamed Shiikh Jawaari ayaa safar lama filaan ah ku tagay Nairobi kadib markii ay soo baxeen xildhibaanadan mucaaradsan madaxweyne Farmaajo iyo xukumadda Ra’isul wasaare Kheyre.

    Wararka la helayo ayaa sheegaya in kulamadan usocda Jawaari iyo Xildhibaanada looga hadlayo sidii looga hortagi lahaa khilaaf soo kala dhexgala barlamaanka iyo dowladda.

    Afhayeenka Barlamaanka ayaa usheegay xildhibaanadii uu la kulmay inuu ka socdo dhanka madaxweynaha isla markaana uu doonayo in xal laga gaaro khilaafkan cusub.

    Markii ay kulmeen gudoomiyaha iyo xildhibaanada, waxaa uu sheegay in madaxweynaha uu diyaar u yahay inuu la fadhiisto xildhibaanada si xal loo gaaro” sidaas waxaa sheegay xubin katirsan dadka ka agdhow xildhibaanadii sameystay Kutladda Horu-socod.

    Gudoomiyaha Barlamaanka Jawaari ayaa laga soo xigtay inuu Xildhibaanada ku yiri “Waxaan idinka codsanayaa inaad joojisaan talaabadan, oo aad la kulantaan madaxweynaha si xal loo gaaro”

    Xildhibaanada ayaa usheegay gudoomiyaha Barlamaanka ineysan wadin wax dhibaato ah laakiin qorshahooda uu yahay in si dhab ah loola xisaabtamo dowladda.

    Sidoo kale, Gudoomiye Jawaari ayaa inta uu Nairobi ku sugan yahay la kulmi doona madaxda dalka Kenya, waxaana uu kala hadli doonaa hormarinta barlamaanka Soomaaliya.

    Tan iyo markii xildhibaano gaaraya ilaa boqol ay sameysteen madal ay uga soo horjeedaan dowladda Madaxweyne Farmaajo ayaa waxaa sii badanayay cadaadiska saaran madaxtooyadda iyadoo haatan Jawaari loo adeegsanayo in la xaliyo arinta ay xildhibaanadu wadaan.

    Maraykanka May 17, 2017 Madaxweynaha Mareykanka Donald Trump iyo dhiggiisa dalka Turkiga Erdogan ayaa ku kulmay Aqalka Cad ee looga taliyo dalka Mareykanka, waxa ayna ka wadahadleen sida ay uga go’an tahay la dagaalanka argagixisada Bariga Dhexe.

    Hasayeeshee Turkiga ayaa aad uga soo horjeedo xulafada uu Mareykanka la sameystay ciidammada Kurdiyiinta Suuriya ee la dagaallamaya Ururka la baxay Dowladda Islaamiga ah.

    Shir jaraa’id oo ay si wada jir ah u qabteen ayaa Erdogan waxa uu tilmaamay in Turkigu uusan abid aqbali doonin wadashaqeynta lala yeesho maleeshiyada Kurdiyiinta ee YPG.

    Turkiga ayaa u arka maleeshiyaadka Kurdiyiinta Suuriya ee YPG in ay yihiin farac ka baxay Ururka Kurdiyiinta ee PKK, kaasI oo dagaal ka wada gudaha waddanka Turkiga.

    Mareykanka ayaa dhawaan sheegay in uu hubeynayo maleeshiyaadka YPG oo uu sheegay in ay yihiin kuwa kaliya ee kooxda dowladda Islaamka ka qabsan kara magaalada Raqa.

    Haseyeeshee Turkiga ayaa arrintaasi ka carooday, waxa uuna sheegay in marnaba aysan suurtagal ahayn in la hubeeyo koox argagixiso ah

    Hiiraan May 17, 2017 Ciidamada dowladda Soomaaliya ayaa saakay howlgallo waxa ay bilaabeen degmooyin ka tirsan gobolka Hiiraan.

    Howlgallada xoogooda ayaa laga sameeyay inta u dhaxaysa Magaalooyinka Buula Burde iyo jalalaqsi ee Gobolka Hiiraan.

    Al-Shabaab ayaa la sheegay in soo gaareen degaano badan oo hoos yimaada degmooyinka Jalalaqsi iyo sidoo kale Buulaburde oo aysan horay u joogin.

    Howlgallada ayaa intii ay socdeen waxaa lagu soo qabtay dad lagu tuhmaayo in ay xiriir lala leeyihiin dagaalyahanada Ururka Al-Shabaab.

    Sarkaal ka tirsan Ciidamada dowladda Soomaaliya ayaa Warbaahinta u sheegay in dadkaasi oo tiradooda dhan tahay 8 ruux baaritaan lagu waddo.

    Maraykanka May 17, 2017 Aqalka Cad ee looga arrimiyo dalka Maraykanka ayaa beeniyay wararka sheegaya in madaxweyne Trump uu madaxii hore FBI-da James Comey ka codsaday in uu joojiyo baaritaan ka dhan ah la taliyihiisii hore ee dhanka ammaanka Michael Flynn.

    Sida ay qoreen qaar ka mid ah warbaahinta Maraykanka warkaasi waxa uu soo baxay maalin uun ka dib markii Michael Flynn uu is casilay, waxaana lagu salaynayaa warbixin uu qoray agasimihii hore ee FBI-da James Comey ka dib markii uu bishii Febraayo ee sanadkan la kulmay madaxweyne Donald Trump.

    Aqalka Cad ee Maraykanka ayaa beeneeyey in madaxweyne Trump uu ka codsaday Comey in uu joojiyo baaritaannada ay hay’addaasi uu madaxda ka ahaa ku wadday La taliyihii qaran ee arrimaha dhinaca ammaanka.

    Michael Flynn waxa lagu khasbay in uu is casilo kaddib markii ay caddaatay in uu marin habaabiyey oo uu been u sheegay madaxweyne ku xigeenka dalkaasi

    Arrintan ugu dambaysay ayaa soo baxaysa iyadoo toddobaad laga joogo markii si lama filaan ah uu Trump xilka uga qaaday James Comey, arrintaasi oo dhalisay muran ballaaran.

    Sidoo kale waxa isla toddobaadkan soo baxday in Madaxweyen Trump uu la wadaagay Ruushka maclumaad sir ahaa oo ku saabsanaa kooxda la baxda Dowladda Islaamiga, maclumaadkaasi oo Maraykanka uu ka helay dowlad kale.

    Israa’il oo la tilmaamayo in ay ahayd dowlada Maraykanka la wadaagtay maclumaadkaasi ayaa haatan waxa ay sheegaysa in ay ku kalsoontahay Trump.



    Kuuriyadda Waqppyi May 17, 2017 Wasiirka difaaca ee Kuuriyada Konfureed ayaa sheegay in barnaamijka niyuukliyarka ee Kuuriyada Waqooyi uu samaynayo horumar ka badan intii la filayey.

    Han Min-koo waxa uu sidoo kale u sheegay barlamaanka dalkaasi in tijaabadii madaafiicda ee Waqooyiga samaysay axaddii hore lagu ogaaday habka madaafiicda lagu la socdo ee muranka dhaliyey ee Maraykanka ka dhisay Koonfurta Kuuriyana.

    Waa markii ugu horraysay oo qalabkan oo la yiraahdo THAAD laga isticmaalo Kuuriyada Konfureed.

    Shiinaha ayaa cabasho ka muujiyey qalabkaasi waxa ayna sheegtay in Maraykanka uu u adeegsan karo in uu ku basaaso Shiinaha.

    Magaalada New York ayaa gollaha amaanka ee Qaramada Midoobe waxa uu ku yeeshay kulan ay albaabada u xirnayeen oo looga arrinsanayay sidii cunaqabateynta loogu sii xoojin lahaa Kuuriyada Waqooyi.

    Jabuuti May 17, 2017 Dowladda Jabuuti ayaa shaacisay in ay gacanta ku dhigtay Maraakiib si sharci daro ah uga kalluumeysanaayay Xeebaha dalka jabuuti.

    Agaasimaha Wasaaradda kaluumeysiga Jabuuti Axmed Nagaal Jibriil oo la hadlay Warbaahinta ayaa waxaa uu sheegay in Maraakiibtaan laga leeyahay dalka Shiinaha.

    Sidoo kale waxaa uu xusay in Maraakiiibtaasi tilaabo adag laga qaadi doono.

    Waxaa uu sheegay in Ciidamada Badda dowladda Jabuuti ay gacanta ku dhigeen Maraakiibtaasi.

    Axmed Nagaal Jibriil ayaa ugu dambeyntii sheegay in Maraakiibtaasi la dul dhigi doono ganaax adag.

    Muqdisho May 17, 2017 Wasaaradda Boostada, Isgaarsiinta iyo Teknolojiyada ayaa shacabka Soomaaliyeed uga digtay khatarta virus-ka ku sii fidaya adduunka.

    Waxaana lagu tilmaamay inuu yahay kii ugu saameynta badnaa, iyadoo uu gaaray illaa 150 dal. Meelaha ugu dhow ee laga soo sheegay waa dalka Kenya oo daris nala ah.

    Weerarkan viruska ah wuxuu aalaaba ku faafaa dhinaca email-ka, wuxuuna kaa xirayaa kumbuyuutarkaaga, iyadoo lagu weydiisanayo inaad bixiso lacag madax-furasho (ransom) si laguugu furo.

    Waxaa suurtogal ah in Soomaali badan ay ku dhacaan dabinkan. Haddaba ka digtoonow viruskan

    Puntland State May 17, 2017 Madaxweyne ku xigeenka Maamulka Punland C/xakiin Xaaji Cumar Cameey oo la hadlay Warbaahinta ayaa ka warbixiyay heshiis ay la galeen ganacsato ka socotay Dowladda Masar.

    Waxa uu sheegay in Dowladda Masar ay Maamulka Puntland ka taageereyso dhinacyada Waxbarashada, amaanka, iyo ganacsiga.

    Sidoo kale waxa uu sheegay in ganacsatada ka socota Dowladda Masar ay heshiisyop kale kala Saxiixan doonaan Wasaarada qaar ee Maamulka Puntland.
    Waxa uu sheegay in ay ku dadaalayaan sidii Dowladda Masar ay wax badan ugu faa’iidi lahaayeen isla markaana ay ka codsadeen in wax badan ay Masar Puntland ka taageerto.

    Sidoo kale Madaxweyne ku xigeenka Maamulka Punland C/xakiin Xaaji Cumar Cameey ayaa ganacsatada Puntland ugu baaqay in ay ka faa’iideystaan fursadaha ay wadaan ganacsatada Dowladda Masar ee ku sugan degaanada Puntland.

    Ganacsato ka socota Dowladda Masar ayaa maalmo ka hor sooo gaaray Soomaaliya, waxa ayna wadaa Mashaariiicyo lagu hormarinayo ganacsiga Soomaaliya.

    Muqdisho May 17, 2017 Ergeyga gaarka ah ee Qaramada Midoobay u qaabilsan Arimaha Soomaaliya Danjire Michael Keating oo Wareysi siiyay Wargeyska Newsweek ee kasoo baxa dalka Mareykanka ayaa waxaa uu sheegay in ay muhiim tahay in Al-Shabaab lala galo wada hadal si looga baxo dagaalka ka socda Soomaaliya.

    Waxaa uu sheegay in taasi ay tahay tilaabadda kaliya ee looga guuleysan karo Al-Shabaab.

    Micheal Keating ayaa sidoo kale waxaa uu sheegay in cafiska loo fidinaayo Al-Shabaab in uu yahay mid sabsabasho ah.
    “Cafiska loo fidinaayo dagaalyahanada ka tirsan Al-Shabaab waa qorshe wax looga sasabanaayo laakiin waxaad u baahan tahay in aad hesho qorshe kale oo looga guuleysan karo Al-Shabaab ”ayuu yiri Keating.

    Wakiilka Qaramada Midoobey ee Arrimaha Soomaaliya ayaa sidoo kale rajo xumo ka muujiyay in dagaalka Al-Shabaab uu dhamaado sanadyadda soo socda.

    Oslo May 17, 2017 Madaxweynaha Maamulka Puntland Dr C/wali Maxamed Cali (Gaas) oo xaflad lagu soo dhaweynayay kaga qeyb galay Magaalada Oslo ee dalka Norway ayaa si kulul ugu hadlay xildhibaanada ka tirsan Labada aqalka Baarlamanka Soomaliya ee ku shiray Magaalada Nairobi ee caasimadda dalka Kenya.

    Madaxweyne Gaas ayaa sheegay in Xildhibaanada labada aqal ee ku shiray magaalada Nairobi ay yihiin kuwa qaswadayaal ah, islamarkaana aysan dumin Karin Dowladda uu Hogaamiyo madaxweyne Farmaajo.

    ”Sida aad la socotaan waxaa Magaalada Nairobi ku shiray Xildhibaano ka tirsan Gollaha Shacabka Soomaaliya iyo aqalka Sare,waxaan u sheegaynaa ka yeeli mayno in dowlad 3 bilood Jirta in la shideeyo,dowladda Cusub waxaa ka go’an in la dhiso Ciidan Qaran oo waajibkii Ciidan Qaran guddan jireen gutta”,ayuu yiri Madaxweyne Gaas.

    Hadalka Madaxweynaha Maamulka Puntland Dr C/wali Maxamed Cali (Gaas) ayaa kusoo beegmaya xili Magalada Nairobi ee Caasimada Kenya ay ku shireen Xildhibaano ka Tirsan Baarlamanka Soomaliya iyo aqalka Sare waxayna sameysteen Kutlad ay ku sheegeen in ay tahay mid saxaysa qaladaadka Dowladda.

    WARARKA MAANTA May 16, 2017
    Su'aalaha Maanta: Maxay tahay sababta Xeer Ilaaliyaha Qaranka Mudane Axmed Cali Daahir u kashifay musuqmaasuqa Dowlada wada Dadban? Maxuu Madaxweyne Ina-Been-Hawaas Mudane Maxamed Cabdillaahi Farmaajo uga baxay ballankii uu la galay Xisbigga Dal-Jir? Maxuuse u diidan yahay inay helaan xuquuqda dadka deggan gobalka Banaadir? Maxay ka wada hadleen Raysal Wasaare Bakhti-Raamsade Mudane Xassan Cali Kheyre Iyo Wasiirka Arrimaha Dibadda ee dalka Norway oo hawlo si sharci-darro ah u rabto inay uga faa'iidaysato khayraadka dabeeciga ee Illaahay Ummadda Soomaaliyeed ku mannaystay? Maxuuse Raysal Wasaare Bakhti-Raamsade Mudane Xassan Cali Kheyre u didan yahay shacabka deggan golbalka Banaadir inay xuquuqdooda helaa isla-markaasna ay si waadax ah u wada qaybsadaan dakhliga/cashuuraha ka soo xarooda gobalka?
    Xeer Ilaaliyaha Qaranka Mudane Axmed Cali Daahir oo kashifay dhibta ay Madaxda Dowladda Dadban ku hayso sharciga kaasoo ay hor boodayaan Madaxxdweyne Mudane Farmaajo Iyo Mudane Raysal Wasaare Xassan Cali Kheyre asagoo aan waxba ula harin dhibka iyo sida ay sharciyadda ugu tumanayaan,
    http://garqaad.com/3500-2/
    Maraykanka May 16, 2017 Madaxweynaha dalka Maraykanka Donald Trump ayaa macluumaad sir ah oo muhiim ah oo ku saabsan kooxda la baxday Dawladda Islaamka la wadaagay wasiirka arrimaha dibadda ee Ruushka sida ay ilo u sheegeen warbaahinta Maraykanka.

    Macluumaadkan ayaa laga helay dal ay saaxiibo yihiin Maraykanka lagamana helin ogolaansho ku aadan in lala wadaago Ruushka, sida uu baahiyay wargayska Washington Post.

    Trump ayaa todobaadkii hore Aqalka Cad ku qaabilay Sergei Lavrov.

    Saraakiisha ayaa diiday wararka warbaahinta laakiin masuul sare oo ka tirsan xisbga Jamhuuriga ee Trump ayaa dalbaday in faahfaahin laga bixiyo arrintan.

    Waxaa soo laalaabtay eedaymaha ku saabsan in calaaqaad uu dhexmaray ol’olihii doorashada ee Trump iyo Ruushka, waxayna qayb ka tahay baaritaanno dhawr ah oo la wado.

    Laakiin madaxweynaha ayaa eedaymahaas waxba kama jiraan ka soo qaaday isaga oo ku sheegay “war been ah”

    Intii uu Trump ku jiray ol’olaha doorashada wuxuu ku celceliyay dhaliil uu u jeediyay Hillary Clinton oo ay isla tartameen taas oo ku saabsanayd sida ay u maaraysay macluumaadka muhiimka ah ee sirta ah.

    Mandheera Kenaya May 16, 2017 Inta la xaqiijiyay seddex Qof ayaa dhimatay waxaana la la’yahay Labo ka mid ah Booliska Kenya ka dib markii Weerar lagu qaaday degaan u dhow Magaalada Mandera.

    Degaanka Weerarka lagu qaaday ayaa waxaa lagu magacaabaa Cumar Jilicow.

    Kooxo hubeysan ayaa la sheegay in ay Weerareen Saldhig ay leeyihiin Booliska Kenya ,islamarkaana ay Afduubteen Ciidamo ka mid ah Booliska Kenya,.

    Sarkaal Sare oo ka tirsan Ciidamada Kenya ayaa Warbaahinta u sheegay in Weerarkaasi ay ka dambeeyeen Al-Shabaab

    Muqdisho May 16, 2017 Wararka ka imaanaya Degmada Mahadaay ee Gobolka Shabeelaha Dhexe ayaa ku waramaya in Ciidamo ka amar qaata guddoomiyaha degmadaas ay gaari ay saarnaayee dad shacab ah ku rasaaseeyeen duleedka degmadaasi.

    Mid ka mid ah dadkii gaariga Saarnaa xiliga la rasaaseynayay balse ka badbaaday oo la hadlay ayaa sheegay in Ciidamada ay si ku tala gal ah ay u rasaaseeyeen gaariga ay saarnaayeen dadka shacab ah, islamarkaan uu jiro dhaawac soo gaaray shacabki saarnaa gaariga.

    “Ciidamo ka amar qaata guddoomiyaha degmada Mahadaay Axmed Xuseen Afrax ayaa rasaaseeyay gaari dad shacab ah ay saarnaayeen oo marayay duleedka degmadaas, si bareer ayay rasaas ooda ugu qaadeen, tiro dad ah ayaa ku dhaawacmay, ciidamada markuu shilka dhacay kadib waxay qaateen lacago iyo alaabo kale ay shacabka ah wateen”, ayuu yiri qof gaariga saarnaa
    Mahaday May 16, 2017 Degmada Mahadaay ee Gobolka Shabeelaha Dhexe ayaa ku waramaya in Ciidamo ka amar qaata guddoomiyaha degmadaas ay gaari ay saarnaayee dad shacab ah ku rasaaseeyeen duleedka degmadaasi.

    Mid ka mid ah dadkii gaariga Saarnaa xiliga la rasaaseynayay balse ka badbaaday oo la hadlay ayaa sheegay in Ciidamada ay si ku tala gal ah ay u rasaaseeyeen gaariga ay saarnaayeen dadka shacab ah, islamarkaan uu jiro dhaawac soo gaaray shacabki saarnaa gaariga.

    “Ciidamo ka amar qaata guddoomiyaha degmada Mahadaay Axmed Xuseen Afrax ayaa rasaaseeyay gaari dad shacab ah ay saarnaayeen oo marayay duleedka degmadaas, si bareer ayay rasaas ooda ugu qaadeen, tiro dad ah ayaa ku dhaawacmay, ciidamada markuu shilka dhacay kadib waxay qaateen lacago iyo alaabo kale ay shacabka ah wateen”, ayuu yiri qof gaariga saarnaa

    WARARKA MAANTA May 15, 2017

    Muqdisho, May 15, 2017- Duqa Magaalada Muqdisho ahna Guddoomiyaha Gobolka Banaadir Thaabit Cabdi Maxamed ayaa qorsheynaya in uu xil ka qaadis ku sameeyo qaar ka tirsan Guddoomiyeyaasha Gobolka Banaadir.

    Sida uu qorshaha yahay xilalka Guddoomiyeyaasha Gobolka Banaadir ayaa waxaa ka soo muuqan doona Dhalinyaro ku cusub saaxada siyaasadda Soomaaliya.

    Saraakiil ka tirsan Maamulka Gobolka Banaadir ayaa Risaala u xaqiijiyay ilaa 5 Guddoomiye Degmo in xillalka laga qaadi doono, lana keeni doono Guddoomiyeyaal cusub.

    Isbedelkan ayaa horudhac u ah isbedel lagu sameyn doono dhammaan Guddoomiyeyaasha Degmooyinka Gobolka Banaadir.

    Dhalinyarada ka soo muuqan doonta xilalka Guddoomiyeyaasha Degmooyinka Gobolka Banaadir ayaa ah Dhalinyaradii ka ka qeyb qaadatay ololihii Doorasho ee Madaxweyne Maxamed C/laahi Farmaajo.

    Dad badan oo xil doon ah ayaa hareeyay xarunta Gobolka Banaadir, waxaana dadka ay CV-gooda u gudbinayaan xogheynta Guddoomiyaha.

    Muqdisho, May 15, 2017 Muqdisho 15 May 2017 – Hay’adaha Amniga ayaa gacanta ku dhigay dadkii watay gaari ku qarxay Muqdisho maanta, iyadoo ay socoto baaris ku aadan dadkaas la qabtay.

    Gaari walxa qarxa saaray ayaa hay’adaha amniga oo beryahan ku raadjoogey ayaa maanta lagu qabtay Muqdisho iyagoo isu diyaarinayey inay shacabka waxyeelo u geystaan.

    Hay’adaha amniga ayaa hubisey in gaariga laga shakiyey laga fogeeyo shacabka si uusan waxyeelo u geysan. Hay’adaha Miino-Baarista oo u soo socda goobta ayaa gaarigu qarxay. Mana jiro cid ay waxyeelo ka soo gaartay qaraxaas.

    Wasiirka Warfaafinta Mudane Abdirahman Omar Osman (Eng. Yarisow) ayaa yiri “Madaxda Qaranka iyo Dowladda Federaalku waxey ammaaneen doorka hay’adaha amniga ay ku badbaadiyeen shacabka Soomaaliyeed oo aan wax qasaare ah geysan. Sidoo kale waxaa gacanta lagu dhigay dadkii watay gaarigaas oo u socday inay shacabka dhibaateeyaan. Hay’adaha amniga ayaa gaarigaas ku raadjoogey ka dib markii shacabku ay soo gudbiyeen macluumaad muhiim u ahaa hay’adaha amniga. Macluumaadkaas ay shacabka soo gudbiyeen ayaa suurtogeliyey in dadkaas la qabto, isla markaasna la bad-baadiyey shacabka Soomaaliyeed.”

    Wasiir Eng. Yarisow ayaa ugu danbeyntii ugu baaqay shacabka inay si buuxda u taageeraan hay’adaha amniga si aan u wada sugano amniga iyo nabada aan u wada baahanahay.

    Muqdisho, May 15, 2017-Israsaaseen u dhaxeysay Ciidamo ka wada tirsan dowladda Somaaliya ayaa Caawa ka dhacday afaafka hore Xarunta dowladda Hoose ee Muqdisho.

    Ciidamada wada dagaalmay ayaa kala ahaa Ciidamada Nabad-Sugida oo uu hoggaaminayay taliyaha Ciidanka Nabad-Sugida Gobolka Banaadir Saadaq Cumar Xasan iyo Ciidamada Koofiya Gaduuda ah kuwaas oo dhawaanahaanba ilaalo gaar ah u ahaa Gudoomiyaha Gobolkaan Banaadir Thaabit Cabdi Maxamed.

    Inta la xaqiijiyay Hal Askari ayaa israsaaseentaas ku geriyooday halka 4 ruux oo Sadax kamid ah ay yihiin Ciidamadii wada dagaalamay ayaa ku dhaawacmay israsaaseentaas.

    Xaalada goobta ayaa haatan ah mid degan waxaana la filayaa in ay caawa ka dhacdo Munaasabad lagu xusayo 15 May Maalinta Dhalinyarada SYL taas oo la filayo in uu ka qeybgalo Madaxweyne Maxamed Cabdullaahi(Farmaajo)

    Dooxa May 15, 2017-Ra’iisal Wasaaraha Xukuumada Federaalka ah ee Soomaaliya Mudane Xasan Cali Kheyre ayaa kulan gaar ah kula yeeshay Magaalada Doha ee dalka Qatar, Wasiirka Arrimaha Dibedda ee Dawladda Norwey Børge Brende, waxayna ka wada hadleen arrimo ku aadan horumarinta xiriirka labada wadan.

    Ra’iisal Wasaaraha ayaa tilmaamay muhiimda ay leedahay sii xoojinta xiriirka labada dal ee soo jireenka ah. Waxaana uu si weyn uga mahad celiyey doorka suuban ee ay dawladda Norway ku leedahay dib-u-dhiska Soomaaliya. Isagoona soo dhoweeyey sida dawladiisu ay xilligan ugu heelan tahay in ay gacan ka gaysto dadaalada lagu xasilinayo dalka iyo dhismaha dawladnimada Soomaaliya.

    “Xiriirka u dhexeeya labada dawladood waa mid aad u xoogan, taageerada ay Norway u fidiso Soomaaliyana waa mid sahlaysa dib¬-u–dhiska dalka, kadib, burburkii xooganaa ee ku dhacay dadka iyo dalka Soomaaliyeed.

    Mudane Xasan Cali Kheyre Kheyre ayaa kulankii uu la qaatay Wasiirka Arrimaha Dibedda ee Norwey Mr. Børge Brende uga warbixiyey xaaladaha dalku marayo, iyo horumarada ay dawladdu ka samaysay dhanka dawlad wanaagga iyo nabad ku soo dabaalidda guud ahaan dalkeenna.

    Wasiirka Arrimaha Dibedda ee dalka Norway Børge Brende ayaa xusay inuu ku faraxsan yahay kulanka uu la yeeshay Ra’iisul Wasaaraha Soomaaliya , wuxuuna tilmaamay in dawladdiisu ay si toos ah u garab taagan tahay lana shaqeyn doonto dawladda Soomaaliyeed.

    DHAMAAD

    WARARKA MAANTA May 14, 2017
    Suaalaha' Maanta: Maxay tahay sababta Wariye Sare Aamino Muuse Weheliye inay kashifto dulnimaddii uu Wasiirka arrimaha Dibadda ee Soomaaliya Mudane Yuusuf Garaad kula dhaqmay Wariye Sare Aamino Muuse Weheliye xilligii ay ka wada shaqaynayeen Idaacadda BBC qaybtaa AfSoomaaliga? Nasiib-darro waxay haysataa Dowladda Wada Dadban ee uu hoggaaminayo Duulaaye nina been Hawaas Madaxweyne Farmaajo Iyo "Bakhti Raamsade" Raysal Wasaare Mudane Kheyre oo shaqo ka wada dhigtay inau waxba ka qaban amniga gudaha dalka sida uu noo xaqiijiyey wasiirka Warfaafinta Iyo hawl-wadeenadiisa. Ilaahay Soomaaliya ha badbaadiyo waayo ma jirto Dowladda Soomaaliyeed oo xitaa ka hadli karto dekkadaheeda iyo dhulkeeda ee ay shisheeyaha boobayaan.
    Muqdisho May 14, 2017 Madaxweynaha Maamulka Ahlus-unna Wajamaca ee Goballadda Dhexe Mudane Khiikh Maxamed Shaakir
    https://www.youtube.com/watch?v=39tRNI5HLU4&feature=youtu.be&a=

    Muqdisho May 14, 2017 Wararka naga soo gaaraya degaanka Labi-Caano oo ay Shalay ku dagaalameen Maleeshiyo Beeleed ,ayaa waxa ay sheegayaan in Saaka halkaasi ay ka taagan tahay Xiisad dagaal.

    Maleeshiyaadkii dagaalamay ayaa isku horfadhiya Miyiga degaanka Labi Caano.

    Wararka ka imaanaya Gobolka  Galgaduud ayaa kusoo waramaya in Saaka degaanka laga dareemaayo xaalad kacsanaan ah iyo dhaqdhaqaaqyo ay sameynayaa maleeshiyada shalay ku direy Deegaanka Labi caano.

    Odayaasha dhaqanka Gobolka Galgaduud ayaa wadda dadaallo kala duwan oo lagu xalinaayo dagaalka Galgaduud.

    Inta ka badan 6 qof ayaa ku dhimatay 10 kalena waa ay ku dhaawacmeen dagaal culus oo shalay ka dhacay degaanka Labi-Caano oo 45 KM ujira Magaalada Dhuusamareeb.

    Muqdisho May 14, 2017 Faahfaahino dheeraad ah ayaa kasoo baxaya duqeyn xooggan oo ay diyaaradaha dagaalka Kenya iyo Mareykank ay ka fuliyeen gobolka Gedo ee Koonfurta Soomaaliya.

    Duqeyntaasi ayaa waxaa lala eegtay kolonyo ay la socdeen dagaalyahano ka tirsan Xarakada Al-Shabaab.

    Sida ay sheegeen Mas’uuliyiinta gobolka Gedo duqeynta ayaa ka dhacday degaan Labaatan KM u jira Magaalada Garbahaareey ee gobolka Gedo.

    Gudoomiye ku xigeenka gobolka Gedo Sheekh Maxamed Alqaadi ayaa u sheegay Risaala in duqeyntaasi ay fulisay diyaarad laga leeyahay dalka Mareykanka.

    Waxaa uu sheegay in duqeynta lala beegsaday Sarkaal Sare oo ka tirsan Al-Shabaab , kaa soo lagu magacaabo Cabdullaahi Saney.

    Inta badan duqeymaha ay fuliyaan diyaaradaha dagaalka dalalka Kenya iyo Mareykanka ayaa waxyeelo daran waxa ay kasoo gaartaa dadka Shacabka ah.


    Uganda May 14, 2017 Dowladda Uganda ayaa sheegtay in ay muhiim tahay in dalalka Caalamka ay usoo jeestaan dagaal ka dhan ah dagaalyahanada Xarakada Al-Shabaab ee ka dagaalama Soomaaliya.

    Madaxweynaha dowladda Uganda ayaa sheegay in Soomaaliya caqabadda ugu weyn ee maanta hortaagan ay tahay dagaalka Al-Shabaab.

    Waxaa uu ku hanjabay in dowladda Uganda ay ka go’an tahay in ay laba jibaarto Ciidamada ka joogga Soomaaliya si ay dagaal ula galaan Al-Shabaab.
    Yoweri Museveni Madaxweynaha dowladda Uganda ayaa sidoo kale tilmaamay in madaxda Soomaalida laga doonaayo in ay dhisaan ciidan Qaran oo hanankara Ammaanka Soomaaliya.

    Dowladda Uganda ayaa xusay in ay ka mid tahay dalalkii ugu horreeyay ee gurmad Ciidan u soo diray Soomaaliya ,islamarkaana ay sii wadi doonaan taageerada Ciidan ee ay Soomaaliya siiyaan tan iyo inta ay ammaan noqonayso.

    Yoweri Museveni ayaa ugu dambeyntii Sheegay in ay lagama maarmaan tahay in Soomaaliya ay cagaheeda isku taagto ,islamarkaana ay ka maaranto gacmo shisheeye.

    North Korea May 14, 2017 Wararka ka imanaya Koonfur Kuuriya ayaa sheegaya in Kuuriyada Woqooyi ridday gantaal loo malaynayo in uu yahay nooca ballistic-ga ah.

    Gantaalka waxa laga ganay gobol u dhaw xeebta galbeeed ee dalkaa, waxaana sidaa ku soo warantay wakaaladda wararka ee Yonhap.

    Kuuriyada Woqooyi waxay sanadkan samaysay tijaabooyin isku xig xigay oo ay gantaalo ku gantay, arintaasina waxay sii kordhisay xiisadda u dhaxaysa iyada iyo Maraykanka.

    Pyongyan ayaa dardar gelisay barnaamijkeeda nukliyeerka iyo gantaalaha sannadihii u dambeeyey in kasta oo ay soo food saartay cambaarayn caalami ah iyo cuna qabatayn Qaramada midoobay ku soo rogtay.

    Hase ahaatee laba gantaal oo la tijaabiyey bishii hore ayaa labadiiba fashilmeenMuqdisho May 14, 2017 Ra’iisul wasaaraha Somalia Xasan Cali Kheyre ayaa magacaabay Agaasiimaha Laanta Canshuuraha Wasaaradda Maaliyadda ee Dekedda Magaalada Muqdisho.

    Digreeto kasoo baxday Xafiiska Ra’iisul wasaaraha ayaa Xilkaasi loogu magacaabay Axmed Cabdullaahi Samow, oo xilal kala duwan kasoo qabtay maamullada dalka ka jira.

    Axmed Cabdullaahi Samow ayaa bedeli doono Cali Maclin, oo xilkaasi horey usoo hayay, balse uu ka qaadey Ra’iisul Wasaare Kheyre Todobaadkii tagey, iyadoo aan la ogeyn sabata.

    Dekedda Muqdisho waa mid kamid ah illaha-dhaqaale ee ugu weyn dowladda Somalia.

    Hirshabeelle May 14, 2017 Xildhibaan C/raxmaan Maxamed Guure oo ka mida Baarlamaanka Maamulka Hirshabelle ayaa sheegay in Ciidamada Itoobiya ay Gobolka Hiiraan ku dileen illaa 20 Ruux oo Shacab ah islamarkaana aan la ogeyn Sababta ay u dileen.

    Dadka ay Dileen Ciidamada Itoobiya ayuu sheegay Xildhibaanka in ay ku jiraan Carruur iyo Haween,waxaana sidoo kale uu xusay in Dadka Ciidamada Itoobiya ay ku Dileen Dhowr Degaan oo ka mida Gobolka Hiiraan.

    Isgoo sii raaciyey in aysan dooneyn ciidamo aan kala saarey cadowga iyo shacabka oo cidii ay arkaanba dilaya taasna ay ka soo horjeedaan Xildhibanada Hirshabeele

    Saudi Arabia May 14, 2017 Waxa la xidhey wadooyinka magaalada Cawaamiya oo ay Shiicadu ku badan yihiin kadib markii lagu diley nin Pakistani ah iyo wiil yar oo laba jir ah oo dalka u dhashay.

    Lama xaqiijin sababta ay xaalada magaaladu u kacsan tahay, dowladda sucuudiga ayaa sheegtey in ay dabley weerartey meel uu dhisme ka socdey oo rasaas ku fureen shaqaalihii.

    Magaalada Cawaamiya oo ay hore qulqulatooyin uga dhaceen ayaa ah magaaladii uu u dhashay sheekhii Shiiciga ahaa Nimr al-Nimr oo xukun dil ah ay dowladu ku fulisey sannadkii aynu soo dhaafney

    Galmudug May 14, 2017 Ciidamada dowlad goboleedka Galmudug ayaa Saaka gacanta kusoo dhigay gaari ay la heyd Wasiir ku xigeen ka tirsan Puntland oo ay soo dhaceen kooxo burcad ah.

    Howlgalkaan ayaa waxaa si gaara ah u fuliyay Ciidamada Booliska Magaalada Gaalkacyo.

    kooxaha Burcada ah oo soo dhacay Gaari ay laheyd Wasiir ku xigeenka Wasaaradda Haweenka Puntland ayaa waxa ay lasoo aadeen degaanada Galmudug.

    Ciidamada Booliska maamulka Galmudug ayaa maalmihii lasoo dhaafay waday howlgallo kala duwan oo lagu xaqiijiyo Ammaanka ,islamarkaana looga hortagaayo kooxaha Burcadda ah

    Italy May 14, 2017 Ciidamada Booliska Talyaaniga ayaa xabsiga dhigay Tahriibayaal Soomali oo doonayay in ay ku biiraan dagaalyahanada Daacish.

    Howlgal ay ciidamada booliska Talyaaniga ay ka sameeyeen koonfurta dalkaas ayaa lagu qabtay Tahriibayaasha Soomalida waxaana la sheegay in ay qorshaynayeen ku biirista kooxda daacish ee ka dagaalanta dalalka bariga dhexe.

    Booliska waxa ay sidoo kale sheegeen in Tahriibayaasha Soomalida ay wateen ducumtiyo been abuur ah islamarkaana ay doonayaan in ay ka gudbaan talyaaniga ayna gaareen Jaziiradda Malta oo la rumeysan yahay in ay ku sugan yihiin dagaalyahano xiriir la leh Daacish.

    Booliska ma aysan shaacinin Tirada Soomalida la qabtay.

    Raysal Wasaaraha Xukuumadda Federaalka ah ee Soomaaliya Mudane Xasan Cali Khayre iyo wafdi uu horkacayo ayaa gaarey magaalada Doha ee dalka Qatar, halkaa oo ay uga bilaabatey booqasho rasmi ah.

    Waxaa halkaas ku soo dhaweeyey masuuliyiin sare oo ka socday dawladda Qatar iyo Safiirka Soomaaliya u fadhiya Doha Ambbasador Cumar Idiris.

    Raysal Wasaaraha iyo wafdigiisa ayaa martiqaad rasmi ah ka heley Dawladda Qatar, waxaana u bilaabanaya kulamo kala duwan oo la xiriira xoojinta xiriirka ka dhexeeya labada dal. Isagoo ka qeyb geli doono Shirka Doha Forum oo lagu casuumo madax ka socota dalal kala duwan iyo Hay,ado caalami ah. Waxana shirkani furi donna Amiirka Qatar Sheikh Tamim Bin Hamad Al-Thani.

    Mudane Xasan Cali Kheyre ayaa sheegay in booqashadan ay ka tarjumeyso xiriirka taariikhiga ah ee ka dhexeeya labada dal, iyo doorka wanaagsan ee ay mar walba Dawladda Qatar ka cayaareyso arrimaha Soomaaliya.

    Wafdiga Raysal Wasaaraha waxaa ka mid ah Wasiirka Amniga Gudaha, Xoghayaha Joogtada ah ee Xafiiska Ra’iisul Wasaaraha iyo masuuliyiin kale.

    WARARKA MAANTA May 12, 2017
    Su'aalaha Maanta: Madaxweyne Mudane Farmaajo, meeqo shaqsi oo musuqmaasuq ay Hay'adda Qaramadda Midooway u qaabilsan Soomaaliya Iyo Eritrea ku kashiftay warbixinadooda ayaa haatan xilaal sar-sare ka haya Dowladda Soomaaliya? Ma waxaa u malaynayaa in aad runta ka qarin karto Ummadda Soomaaliyeed oo aad u qarin karto dadkan lagu soo eedeyey musuqmaasuq baahansan? Xaqiiqda waxay tahay muddo 7 maalmood haddii aad ku wada cayrin wayso wax lacag ah kama heli doonto dowladda Soomaaliya bulshadda caalamka oo arkaysa kuwii ay musuqmaasuqa ay ku soo eedeeyeen oo xil sar-sare ka haya Dowladda Wada Dadban ee fash